لو عرفتموه (الجزء الثاني 💜) مكتملة

198💜

# لو عرفتموه لاحببتموه
يلا صلوا على النبى :)
#وفاة_النبى (ج2)
مرض النبى مرضآ شديدا وقال ﷺ لزوجاته: أتأذنون لي ان أُمرض في بيت عائشة ؟ ❤

نكمل حلقاتنا النهاردة .. النبىﷺ فين ؟ النبىﷺ بايت في بيت زوجة من زوجاته .. و بكرة ميعاد وجوده عند السيدة ميمونة بس النبي عليه الصلاة و السلام نفسه يروح لعائشة .. ونفسه يُمرض لأنه بيرتاح عند عائشة .. لكن مش عاوز يزعل زوجاته و يكسر قلبهم بس في نفس الوقت نفسه يروح لعائشة .. فالزوجات كلهم قاعدين .. فيبص النبي وهو تعبان اوي و يقول اين انا غدا .. ( هو انا بكرة المفروض اروح لمين فيكم؟ ) .. و بعدين يقول لزوجاته أتأذنون لي ان أُمرض في بيت عائشة ؟ فقالوا طبعا يا رسول الله .. أذنا لك يا رسول الله .. فأرتاح النبى انه حتمرضه حبيبته عائشة ♡ :') .. هى اكتر حد بيرتاح معاه ..فخرج النبى من حجرة زوجته ميمونه و كان تعبان مش قادر.. فسيدنا علي و العباس سندوه بس المرة دي النبي مش قادر يدوس بقدمه علي الارض .. فبيقولوا : فخرج علي و العباس برسول الله و قدماه تخطان في الارض خطا ( يعني مش قادر يحط رجله علي الارض .. فهم ساندينه و يدوب رجله بتتجرجر فعامله خط على الأرض ) فالمنظر كان صعب وكان قاسي علي الصحابة .. كانوا بيبكوا و يعيطوا ..

فاضل ١٥ يوم علي الوفاة و فى اول ١١ يوم فيهم كان النبي قادر يصلي واقف و قادر يطلع يصلي إمام بالصحابة .. اما في اليوم ال ١١ فيحاول النبي يقوم عشان يصلي الفجر .. و يدوب لسة رايح يتوضأ فيقع و يغمى عليه عليه .. النبى عنده حمي ( سخونة شديدة ) .. فالبيت اضطرب وأهل بيته اضطربوا .. فتقول عائشة : فصببنا عليه قربة من الماء فأفاق .. فراح يتوضأ فوقع و اغمى عليه تانى .. فصببنا عليه قربة من الماء فأفاق .. فراح يتوضأ و بعدين أغمى علبه لتالت مرة و يصبوا المية و يغمى عليه لحد سابع مرةً فلما فاق قال: حسبكم حسبكم كفايه .. مروا أباً بكر ان يصلي بالناس .. فقالت عائشة : لا يا رسول الله بل تصلي انت بالناس ..
قال يا عائشة مروا أبا بكر فليصلي بالناس .. قالت يا رسول الله ان أباً بكر رجلا اسيف ( بيعيط كتير يعنى هيدخل في الصلاة وهو عارف ان انت تعبان فمش هيعرف يقرا قرآن والنَّاس مش هتفهم هو بيقول ايه .. و تقترح عائشه و تقول للنبى: نقول لعمر بن الخطاب يارسول الله .. فقال صلي الله عليه وسلم : لا يا عائشة انكن صويحبات يوسف ( انتم بتتكلموا كتير ليه زي صويحبات سيدنا يوسف اللى مذكورين فى القرآن ) و يكرر النبىﷺ كلامه ويقول مروا أباً بكر فليصلي بالناس .. فقالت عائشه :نعم يا رسول الله .
وييجى سيدنا ابو بكر ويدخل يصلي إمام بالناس.. فقال الصحابة فوالله ما فهمنا منه كلمة الا انه يقوم و يركع .. وصلي ابو بكر بالناس في حياة النبي ١٧ صلاة ..وفى تاني يوم .. اليوم ال ١٢  النبىﷺ حس بخفة فقام وتوضأ و يدوب و صل لحد الستار اللى بيفصل بين بيته و بين المسجد فوقع و أغمى عليه .. فراح له سيدنا علي و سيدنا العباس و سندوا النبي و خرج النبي مسنود بين علي والعباس و دخل إلي المسجد

فالنبىﷺ فضل يمشي بين علي والعباس لحد ما وصل عند سيدنا ابو بكر الصديق .. فأبو بكر لمح النبىﷺ وفرح جدا .. فأبو بكر رجع خطوتين لورا عشان النبىﷺ يكون الإمام للمصلين.. فالنبي مسكه عشان يثبت مكانه و  ميرجعش لورا .. و قعد النبىﷺ جنب أبو بكر يصلي و بدأ ابو بكر يصلي بصلاة النبي والنَّاس يصلون بصلاة ابي بكر .. فكان أباً بكر يأتم بصلاة النبي والناس يأتمون بصلاة ابي بكر ( يعني كان ابو بكر واسطة بين النبي والنَّاس .. ليه ؟ لان النبي تعبان وصوته واطي فالناس مش سامعين صوته ) ..

خلصت الصلاة وحيتسند النبىﷺ على الصحابه ويرجع بيته .. فراح وراه سيدنا عبد الله بن مسعود ..كان عايز يطمن عليه فيقول : فدخلت الي النبىﷺ و وضعت يدي علي راْسه فإذا الحمي قد اكلت بدنه ( سخن اوي ) .. فقلت بأبي انت يارسول الله انك توعك وعكاً شديداً. فقال: نعم يابن مسعود ،إنا معاشر الأنبياء توعك كَوَعك رجلين منكم .. فقال بن مسعود: وكذلك الأجر يارسول الله ؟ قال نعم وكذلك الأجر ..

نكمل بكرة إن شاء الله ❤
#السيرة_النبوية_بالعامية_لنورهان_الشيخ