အခန်း (၈၄၃) : အာဏာရှင်စီနီယာနဲ့ကျမ ချစ်ကျွမ်းဝင်ခြင်း
စနိတ်ခ်က သူမကို စနောက်ရတာကို ပျော်နေပြီး သူမ ထိတ်ထိတ်လန့်လန့် ဖြစ်တာကို ကြည့်ရတာ ကြိုက်သည်။
“ ဒါဆို မင်းရဲ့အမြင်မှာ ငါက ဘယ်လိုလူမျိုးလဲ ဟမ်”
ဂူမန်မန်က စနိတ်ခ်ကို စိုက်ကြည့်ရင်း တွေးလိုက်သည်
ပထမဆုံး အလုပ်လုပ်တဲ့နေ့မှာပဲ သူဌေးကို နှာဗူးလို့ ထင်တယ်ဆိုပြီး ပြောလိုက်ရင်…..အလုပ်ပြုတ်လောက်လား
စနိတ်ခ်က ဂူမန်မန်၏ အတွေးတွေကို ထိုးဖောက်မြင်နေရသောပုံစံဖြင့် ပြောလိုက်သည်
“ အဲ့ဒီအဖြေက ငါ့ကို မပျော်ရွှင်စေဘူးဆိုရင် မင်း အလုပ်ဖြုတ်ခံရမယ်။ ပြီးတော့ မင်းလစာရဲ့ အဆတစ်ရာကိုလည်း ပြန်လျော်ပေးရမယ်”
“အမ်” ဂူမန်မန်ကြောင်သွားသည်။
စနိတ်ခ်က ရယ်ရင်း ပြောလိုက်ပြန်သည်
“ အလုပ်ခန့်စာချုပ်က ကော်ပီနှစ်စောင် ရှိတယ်။ မင်းဆီမှာ တစ်စောင်ရှိတယ်မလား။ စာမျက်နှာ ၇၊ စာပိုဒ် ၉ရဲ့ လေးကြောင်းမြောက်ကို ကြည့်လိုက်….တွေ့လား”
ဂူမန်မန်လည်း အလုပ်ခန့်စာချုပ်ကို ချက်ချင်းလှန်ကြည့်လိုက်တော့ အဲ့လိုမျိုးအကြောင်းအရာက တစ်ကယ်ရှိနေသည်။
သူမသာ စာချုပ်သက်တမ်းအတွင်း သတ်မှတ်ထားတဲ့အလုပ်ကို မလုပ်နိုင်ပါက သူမလစာရဲ့ အဆတစ်ရာကို ပေးလျော်ရမည်ဟု ရေးထားသည်။
တစ်လကို လစာက ဒေါ်လာ၄၅၀၀ဆိုတော့ အဆတစ်ရာဆိုရင်……ဒေါ်လာ ၄သိန်း၅သောင်းပေါ့
“ ‘ကိုယ်ရေးအရာရှိ’တစ်ယောက်အနေနဲ့ မင်းရဲ့ဦးစားပေးအလုပ်က မင်းရဲ့ သူဌေးဖြစ်တဲ့ ငါ့ကို စိတ်ကျေနပ်အောင် လုပ်ပေးဖို့ပဲ” စနိတ်ခ်က သူမကို တည်ကြည်စွာဖြင့် သတိပေးနေသည်။
‘ကိုယ်ရေးအရာရှိ’ဆိုတဲ့စကားလုံးသာ မပါရင် သူပြောတာက အရမ်းကို ကျေနပ်ဖို့ကောင်းမှာပဲ
“ အခု မင်းက အလုပ်ခန့်အပ်စာချုပ်ကို ကြည့်ပြီးသွားပြီဆိုတော့ မင်းရဲ့စကားလေးတွေကို သေချာဂရုစိုက်ပြီး ပြောစေချင်ပါတယ်။ ကိုယ့်ကိုပြော….မင်းရဲ့အမြင်မှာ ကိုယ်က ဘယ်လိုလူမျိုးလဲ ဟမ်”
BẠN ĐANG ĐỌC
အလှလေး ရှောင်မန် Book 5 (645- 994)
Lãng mạnsequel of book 4 translation of Beauty and the beast wolf hubby xoxo all crd to original Author su yujin you can read in webnovel
