အလှလေး ရှောင်မန် Book 5 (645- 994)

အခန်း (829 & 830)

အခန်း (၈၂၉) : မင်းကိုယ့်ကို မလိုချင်တော့ဘူးဆိုရင် ကိုယ့်ကို သတ်ပစ်လိုက်သင့်တယ်

“ ဒါပေမဲ့…..ရှင်တို့က ကျမကို လျှို့ဝှက်နေတာ များလာလို့လေ။ ကိုးလ်နဲ့ ပတ်သက်တဲ့ ကိစ္စတုန်းကလည်း ကျမကို လျှို့ဝှက်ထားဖို့ နှစ်ယောက်က တိတ်တိတ်လေး သဘောတူထားကြတယ်။ ပြီးတော့ အဲ့တာက ကျမရဲ့ ဒေါသတွေကို မထိန်းနိုင်မှာ ကြောက်လို့ပါဆိုပြီးတော့ ပြောတယ်။ အဲ့တာက ပထမအကြိမ်ဖြစ်လို့ ကျမလည်း ပြဿနာမရှာခဲ့ဘူး။ ဒါပေမဲ့ အခုတော့ ရှင်တို့က ကျမကို လျှို့ဝှက်ထားကြပြန်ပြီလေ” ဂူမန်မန်က တည်ငြိမ်စွာဖြင့် ပြောနေသည်။

ထိုအချက်ကပဲ အဲလ်ဗစ်နဲ့ လီရာကို ဘာလုပ်ရမှန်းမသိအောင် အခက်တွေ့စေသည်။

သူမ သူတို့ကို စိတ်ဆိုးပါက သူမကို ချော့ဖို့အတွက် နည်းလမ်းမျိုးစုံရှိသည်။ သူမ ပြဿနာမရှာမှာကိုတော့ သူတို့အကြောက်ဆုံးပင်ဖြစ်သည်။

“ လျှို့ဝှက်တယ်ဆိုတာက ဆက်ဆံရေးတစ်ခုရဲ့ အက်ကြောင်းတစ်ခုပဲ။ ရှင်တို့နှစ်ယောက်က အဲ့လိုတွေလုပ်လေလေ ကျမက သိချင်စိတ်များပြီး သံသယတွေ ဝင်ရလေလေပဲ။ အဆုံးမှာတော့ ကျမတို့ထဲကတစ်ယောက်က ပျက်စီးသွားရလိမ့်မယ်။ အဲ့တာကြောင့် ကျမလည်း မမှီခိုပဲ ဘယ်လိုနေရမလဲဆိုတာကို သင်ယူထားရမယ်ထင်တယ်။ ရှင်တို့နှစ်ယောက်ကိုပဲ အရာရာအတွက် အားကိုးမနေနိုင်ဘူး။ ရှင်တို့ လျှို့ဝှက်ထားတဲ့အရာ ဘာတွေလဲဆိုတာကို ကျမလည်း လေ့လာရမယ်”

“ ရှောင်မန်” အဲလ်ဗစ် အော်လိုက်သည်။

အခုဆိုရင် ဂူမန်မန်ရဲ့ စိတ်ဓာတ်က မာကြောနေပြီဖြစ်လို့ သူမက ဘာလို့ အဲလ်ဗစ်ရဲ့ ဒေါသကို ကြောက်နေရဦးမှာလဲ

ဂူမန်မန်က သူ့ကို ဖြတ်ပြောခွင့်လုံးဝ မပေးပဲ သူမကသာ ဆက်ပြောလိုက်သည်

“ ဒါပေမဲ့ စိတ်မပူပါနဲ့။ အခု ကျမက ရှင်တို့ကို ချစ်နေသေးတဲ့အတွက် ရှင်တို့ကို လေလွင့်သားရဲဖြစ်အောင် လုပ်ဖို့အထိတော့ မရက်စက်ပါဘူး။ ရှင်တို့ရဲ့ အမှတ်တွေက ကျမရဲ့ ခန္ဓာကိုယ်ပေါ်မှာရှိနေသ၍ ရှင်တို့က ကျမရဲ့ အမည်ခံ ပါတနာ ဖြစ်နေဦးမှာပဲ”