အခန်း (၉၀၉) : ကျမ ထပ်ပြီး ဟန်မဆောင်နိုင်တော့ဘူး
ဂူမန်မန်က လီရာကို မျက်မှောင်ကြုတ်ကာ ကြည့်လိုက်မိသည်။ သူ့ကြည့်ရတာ ထူးဆန်းနေပေမဲ့လည်း ဘာကြောင့်ဆိုတာကိုတော့ မပြောနိုင်ပေ။ သူ့ရဲ့တွယ်ကပ်သော မျက်နှာထားကို သိလိုက်ရတာကြောင့် ဂူမန်မန်က ပြုံးလိုက်သည်။
သူမလည်း ကိုးလ်ရဲ့ နည်းလမ်းတွေကြောင့် အရာအားလုံးကို သံသယဝင်နေမိသည်။
သူမရဲ့ စိတ်ထဲက သံသယတွေကို ရှင်းထုတ်ကာ မေးလိုက်သည်
“ ရှင် ကိုးလ်နဲ့ တွေ့ခဲ့လား”
လီရာ ခေါင်းညိတ်ပြတာကြောင့် ဂူမန်မန်က ထပ်မေးလိုက်သည်
“ သူ ဘာပြောလဲ”
လီရာက ပြန်ဖြေပေးလိုက်သည်
“ သူက သဘောတူတယ်လို့ပြောတယ်။ ကိုယ်က သူ့ကို တစ်ခုခုပေးရင် သူက စန္ဒီအပေါ်မှာလုပ်ထားတဲ့ ပြုစားတာကို ပယ်ဖျက်ပေးမယ်လို့ပြောတယ် ပြီးတော့ သူမကို နောက်ထပ်လည်း ဒုက္ခရောက်အောင် မလုပ်တော့ဘူးတဲ့”
“ ဟင်” ဂူမန်မန် မျက်ခုံးတစ်ဖက်ကို ပင့်တင်လိုက်မိသည်။ သူမက သိချင်စိတ်ပြင်းပြစွာဖြင့် မေးလိုက်သည်
“ သူက ရှင့်ဆီက ဘာလိုချင်တာတဲ့လဲ”
လီရာက ခေါင်းယမ်းပြကာ ပြောလိုက်သည်
“ အချိန်တစ်ခုထိတော့ ကိုယ်မင်းကို မပြောပြနိုင်သေးဘူး။ အချိန်ကျရင် သိလာပါလိမ့်မယ်”
ဂူမန်မန်က မျက်မှောင်ကြုတ်ကာ ပြောလိုက်သည်
“ ရှင် ကျမကို ကတိပေးထားတာကို မှတ်မိသေးတယ်မလား”
လီရာက ခေါင်းညိတ်ပြကာ ဂူမန်မန်၏လက်လေးကို အနမ်းခြွေပြီး ပြောလိုက်သည်
“ စိတ်မပူပါနဲ့ ကိုယ်လုပ်ရမှာ ကိုယ်သိပါတယ်။ အဲလ်ဗစ်နဲ့ကိုယ်က မင်း စိတ်မကောင်းဖြစ်မဲ့ အရာတွေကို မလုပ်ပါဘူး”
ဂူမန်မန် ဘာမှထပ်ပြောမနေပဲ ခေါင်းသာညိတ်ပြလိုက်သည်။
ကျောက်ရဲတိုက်မရောက်ခင် သားသုံးယောက်က ဘာကီကို သွားရှာချင်ပါသည်ဟု ပူဆာသောကြောင့် သူမ ခွင့်ပြုလိုက်သည်။
BẠN ĐANG ĐỌC
အလှလေး ရှောင်မန် Book 5 (645- 994)
Lãng mạnsequel of book 4 translation of Beauty and the beast wolf hubby xoxo all crd to original Author su yujin you can read in webnovel
