Mr. Billionaire, Don't English Me [ON-GOING]

Mr. Stranger 60:

JOHNSER SY POV:)

"Si Elizabeth?" Tanong ko kaagad sa pagtataka.

Bakit si Aling Doya maglilinis sa office ko? Absent ba si Elizabeth? Di naman sya nagpaalam na mag-aabsent siya ngayon. Wala akong na-receive na text niya.

"Sir, ako muna po papalit kay Miss Villatorte. May sakit po siya ngayon e. Pinauwi ko po siya ngayon kasi ang taas ng lagnat niya baka kasi mahimatay siya dito." Paliwanag nito.

Natigilan naman ako sa nalaman dito.

"Uso po kasi, Sir, ang sakit." Dagdag pa nito.

Tumayo ako sa pagkakaupo at mabilis na hinablot ko ang cellphone ko na nakalapag sa table at naglakad patungo sa pintuan.

Lalabas na sana ako ng office, pagbukas ko pa lamang ng pinto tumambad na lamang sa harapan ko si Tito Andrew kasama ang assistant niya.

"May pupuntahan ka ba?" Tanong nito. Gumilid ako para bigyan ito ng daan ng pumasok ito sa loob ng office ko.

"W-wala naman." Pagsisinungaling ko nang sundan ko ito.

Naupo ito sa sofa at ako naman ay naupo rin sa kabilang sofa ka-harap niya habang kanyang assistant ay nakatayo lamang malayo sa kinauupuan namin.

"Balita ko may meeting kayo mamaya tungkol sa Anniversary ng All Day Shop ni Mr. Kailes?" Panimulang topic na lamang nito.

"O-oo." Nautal na sagot ko."A-ano yang dala mo, Tito?" Tanong ko nang may hawak siyang folder na itim na tila naglalaman ng mga papeles.

"May pinapagawa sa akin ang lola mo."Sagot nito.

"Ahh." Patango-tango na sabi ko lang sabay tingin sa wrist watch ko. Alas 9 na ng umaga, kailangan ko pa pumunta sa bahay ni Elizabeth. Dadalhan ko siya ng gamot niya. Base sa resume niya, mag-isa na lamang siya. Kailangan nya ako ngayon.

"May pupuntahan ka ba?"

Naiangat ko kaagad ang ulo ko."Oo. M-may ime-meet lang akong kakilala ko." Pagsisinungaling ko.

"Okay." Tumayo na ito sa pagkakaupo."Aalis na rin ako dahil pupunta pa ako sa ****Hospital." Sabi nito.

Tumayo na ako sa pagkakaupo at nag-bow dito bilang paggalang."Mag-iingat kayo, Tito."

Nakangiting tumango lamang ito at naglakad na ito papuntang pintuan. Sumunod naman ang assistant nito. Nang makaalis ito, kinuha ko ang cellphone na nasa aking bulsa at mabilis na dinial ang number ni Ramon.

"Paki-handa ang kotse ko. Aalis ako ngayon." Sabi ko dito at binaba rin kaagad ang tawag. Pagkabalik ulit sa bulsa ang cellphone ko, naglakad na ako para lumabas ng office ko.

****

Pinarada ko naman ang kotse ko sa harap ng apartment ni Elizabeth. Pagkalabas ko, nakita ko naman lahat ng tao dito ay nakatingin sa akin pati sa kotse ko.

May lumabas naman na lalaki sa gate mula sa loob ng apartment na tinutuliyan ni Elizabeth. Mabilis ko naman pinagtanungan ito.

"Excuse? Pwede magtanong?"

Nagkukulangot na tumigil naman ito sa paglalakad habang ang isang kamay nito sa short na kupas.

"Ano 'yon?" Parang wala sa mood sagot nito. Pinunas naman niya ang kamay sa damit nito na pinagkulangutan nito.

"Andyan ba si Elizabeth?" Tanong ko sa pormal pa ring boses.

"Sinong Elizabeth?" Napakunot-noong tanong niyo.

"Elizabeth Villatorte---"

"Ano kailangan mo sa prinsesa ng kaibigan ko?" Naging agrisibong tanong nito. Medyo naningkit ang mga mata niyang nakatingin sa akin dahil mas lalong kumunot ang noo nito.