Mr. Billionaire, Don't English Me [ON-GOING]

Chapter 81:

JOHNSER SY POV:)

Nawala na lamang sa paningin ko si Elizabeth. Iba nang tao ang naka-pwesto ngayon na kaninang kinapu-pwestuhan niya. Hinanap ko naman siya kung nasaan siya.

"Panalo ka!" Kinalabit naman ako ni Ros.

"Ah?" Takang baling ko dito. Nakita ko naman na lumabas ang kulay na tinayaan ko. Kinuha ko na nga ang perang napanalo ko."Sandali lang ah? Magsi-CR lang ako." Paalam ko sa kanila.

Tumango lamang ang dalawa sa akin. Nakangiting tumaya ulit sila.

Iniwan ko na nga sila para hanapin si Elizabeth.

Di pa ko nakakalayo, nakita ko na lamang siya na di kalayuan sa kinaroroonan ko.

"Ah, janitress ako. Nagta-trabaho ako sa U---"

Narinig kong sabi ni Elizabeth sa kausap niya.

"J-janitress?" Sabay bulalas ng mga ito.

Marahang tumango naman si Elizabeth.

Napakunot-noo na lamang ako nang makitang pinagtawanan siya ng mga ito. Naikuyom ko na lamang ang mga kamay ko nang makita ang paglungkot ng mukha niya.

Pinagtatawanan siya ng mga ito dahil sa trabaho niya.

"Janitress? Janitress trabaho mo?" Tumawa ulit ang babae na mukhang siya ang leader sa grupo nila."Akala ko pa naman manager kana. Tumigil ka pa kasi sa pag-aaral, yan tuloy, janitress bagsak mo." Natatawang pang-iinsulto nito.

"Ano ka ba, Jaylyn! Ano pa ba expected mo e high school grad naman tinapos niya," sabi ng isang babae.

"Uy! Umayos kayo baka nasasaktan si Beth sa pinagsasabi n'yo,"

"Ops! Sorry, Beth. Wag mo seryosohin 'yon," natatawa pa ring sabi ng leader sabay tapik sa braso ni Beth.

Naawa naman ako sa kanya dahil kita ko sa mukha niya ang pagiging malungkot. Sinisikap niyang ngumiti dito para ipakita na hindi siya naaapektuhan sa mga pinagsasabi nito.

Bakit hindi siya lumaban? Halatang kaya naman niyang  patahimikin ang mga ito. Sabagay, kilala ko Beth. Hindi siya yung klaseng tao na mahilig makipag-away.

"Beth, jowa pala namin." Pagpapakilala ng leader sa mga kasama nila."Siya si Elizabeth. Siya iyong kinukwento ko na palaging bumibili ng recess namin. Siya rin palagi bumibili ng ice water kada may activity kami," sabi pa nito sa boyfriend niya.

Hindi ko na matiis ang pag-iinsulto nila sa kanya. Lumapit na nga ako sa kinaroroonan nito.

"Beth, may boyfriend kana?"

"A-ah?" Gulat na naituran lamang niya."M-meron---"

"Pakilala mo naman," pamimilit nito.

"P-pero---"

"Babe!" Tawag ko.

Sabay-sabay na napalingon naman sila.

Nanlaki naman ang mata ni Elizabeth habang nakatingin sa akin. Nakangiti lamang ako ng matamis sa kanya papalapit sa kinaroroonan niyala. Umiiwas pa ako sa mga taong nagsisidaan rin, habang gumagabi, dumarami na rin ang tao sa court.

Nang makalapit sa kanya, tumigil pa ako bahagya sa harapan niya sabay hinawakan ang magkabilang braso niya at pinaharap sa akin.

Nakangiti pa rin akong matamis sa kanya.

"Kanina pa kita hinahanap, nandito ka lang pala. Tara? Fishball na tayo?" Sabi ko na kinagulat naman ng mga nanlalait sa kanya.

Nalilito pa ring nakatingin sa akin si Elizabeth.