Mr. Billionaire, Don't English Me [ON-GOING]

Chapter 100:

ANDREW SY POV:)

Hininto na nga ng driver ko ang kotse sa harap ng Uphone. Unang bumaba ng kotse ang assistant ko para pagbuksan ako nito ng pinto. Pagkabukas, saka na ako lumabas.

Inayos ko muna ang suot ko bago na magsimulang maglakad papuntang entrance ng Uphone Building.

Kinuha ko ang cellphone ko sa aking bulsa nang maramdamang nagba-vibrate iyon. Nakita ko namang tumatawag ang isa sa mga kaibigan ko. Sasagutin ko na sana ang tawag nang may bumangga na lamang sa akin na hindi ko kilala. Na dahilan nabitawan ko ang cellphone na hawak ko at nahulog.

"Sorry po," hinging patawad ng lalaki at ito ang kumuha ng cellphone ko. Nakita naman nito na basag na ang screen ng cellphone ko."Sorry po, nabasag ko po."

"It's okay."

Kukunin ko na sana mula dito ang cellphone ko nang nilayo nito.

"Wow? Di ba, ito yung bagong luwas ng Uphone?!" Manghang bulalas nito at tinitingnan ang cellphone kong basag. Pagbaling nito sa akin mas lalong nagulat ito."Ikaw 'yong kapatid ng may-ari ng Uphone?!" Parang nakakita ng artista na bulalas nito.

Cold na tumango ako.

Sa tuwa mabilis naman nito hinawakan ang kamay ko na tangkang pipigilan sana ito ng assistant ko nang senyasan ko ito sa mata na pabayaan lamang ang lalaki.

"Waah! Nice to meet you po! Love na love ko po ang Uphone. Idol ko po kayo!"

"Thank you." Sabi ko at ngumiti ng natural.

"S-sige po. Baka po nakakaabala na ako sainyo. Kinagagalak ko pong makilala at makita kayo sa personal." Nakangiting matamis na wika nito at binigay na sa akin ang cellphone ko.

"Ako rin."

Sumenyas na nga ako sa assistant ko na umalis na kami, sumunod na nga ito sa akin. Nilagay ko na sa aking bulsa ang sira kong cellphone. Hindi pa ko nakakarating sa entrance ng Uphone, napahinto ako bahagya nang makasalubungan ko ang taong kilala ko.

Natigilan din ito nang makita ako pero mabilis ding nagpatuloy ito sa paglalakad. Parang hindi kilala na dinaadan lamang ako ni Cedric. Puno ng galit na nararamdaman sa kapatid ko, palihim na naikuyom ko ang mga palad ko.

Hindi nagpatinag, pinagpatuloy ko na ang paglalakad at pumasok na sa loob habang nakasunod lamang sa akin ang assistant ko.

JOHNSER SY:)

"Bitawan mo na ko!" Galit na saad ni Clive at padabog na inalis ang kamay mo sa pagkakahawak sa braso niya.

Mabuti na lamang tagumpay kong nailabas si Clive. Nakita ko kasi na busy na nakikipag-usap si Tito Andrew sa isang lalaki kaya mapayapang nailabas ko ito na hindi nila nahuhuli.

Nandito kami sa gilid ng building at dito ko dinala si Clive.

"Mahigpit ngayon ang sekuridad ng Uphone lalo na may nangyaring krimen isang araw doon. Hindi mo ba nabalitaan? Kaya nga pinigilan kita papasukin doon." Sa wakas, nakaisip rin ako ng rason para hindi na ito magpumilit.

"Oo na! Aalis na ko, huwag mo na ko ihahatid!" Halatang galit pa rin na wika nito at inayos na ang damit."Oh sya! Maiwan na kita...MISTER C-E-O."

Tinaptap muna nito ang balikat ko bago padabog na umalis  halos banggahin pa ako nito. Naiwan akong nakatingin dito at kumawala ng mahabang buntong-hininga.

Mabuti nalang mabilis ko na-ihandle ang sitwasyong ito. Hay!

ZERO POV:)

Pagkaalis ni Mr. Sy kasama ang assistant nito, palihim na kinuha ko ang cellphone ko sa bulsa at tinawagan si Sir Dylan.