Mr. Billionaire, Don't English Me [ON-GOING]

Mr. Stranger 69:

Pagpapatuloy...

ELIZABETH VILLATORTE POV:)

Pagkalagay ng mga bagahe sa taas, tumabi na nga sa akin si Ros. Nasa tabi ako ng bintana nakaupo. Nakasakay na kami ng bus sakay ang mga nagtatrabaho sa All Day Shop. Papunta na kami ngayon sa Uphone dahil doon raw magkikita.

"Sir Ros, kompleto na po tayo." Sabi ng lalaki kay Ros habang may hawak na papel kung saan doon nakalista ang mga pangalan na kasama.

"Good. So, let's go!" Nakangiting sabi ni Ros.

"Let's go!" Tuwang-tuwa sabi ng mga katrabaho ni Ros.

Umandar na nga ang bus habang pinatugtog ng driver ng bus ang radyo. Di ko mapigilang mapangiti dahil lahat sila ay sabay-sabay na kumakanta.

Tumingin sa akin si Ros at sumabay na rin sa mga dito. Para tuloy niya ako kinakantahan sa ginagawa niya. Nakangiting gumaya na rin ako sa kanila habang nakatingin kami sa isa't-isa. Kala mo nagdu-duet kami.

Doon ko lang na-realize na close lahat ni Ros ang mga katrabaho niya sa kompanya. At lahat dito ay gustong-gusto ang personality niya.

****

Panay busina lang ang driver at mukhang na-traffic kami. May nangyaring bungguhan daw kasi sa dulo kaya di namin alam kung makakarating pa kami sa Uphone.

"Bababa na ko." Turan na lamang ni Ros sabay tayo sa pagkakaupo."Maglalakad ako papuntang Uphone para iinform sila na na-traffic tayo at hindi makadaan ang bus natin. Kailangan na natin bumyahe ng bicol on time." Sabi niya sa mga dito.

"Sure kayo, Sir?" Tanong ng lalaking siya may hawak ng listahan.

Tumango si Ros dito."Wag kang mag-alala. Malapit na ang Uphone mula dito."

Bababa na sana si Ros ng bus nang pigilan ko ito.

"Ros!" Tawag ko.

Napalingon naman ito."Hmm?"

"Sama ako." Sabi ko.

Naglalakad na nga kami ni Ros. Di naman umabot ng five minutes, nasa harap na kami ng Uphone. Nakita kong nakaparada na ang dalawang bus at madami nang taong ready na para bumyahe.

Panay lingon lamang ako para mahanap ko kaagad si Sir Johnser. Nalimutan ko sabihin sa kanya na nagtatrabaho si Ros kay Mr. Kailes at siya leader sa team nito. Baka kasi magulat siya bakit kasama si Ros. Kaya isa rin sa rason bakit sumama ako kay Ros para sabihin ito sa kanya.

"Elizabeth!"

Hinanap ko naman ang kinaroroonan ng tumawag sa akin.

Nakita ko naman kaagad si Sir Johnser, kumakaway ito. Napansin ko naman na nakatingin sa akin ang mga tao lalo na si Miss Mandy na kunot-noo nang makita ako.

Tumingin pa ko sa paligid ko at nakaramdam ako ng hiya dahil lahat ng mata nakatingin sa akin. Feeling ko mali yung ginawa ni Sir, baka pag-chismisan kami nito.

Nahihiyang dahan-dahan akong humakbang patungo sa kinaroroonan ni Sir Johnser kasama si Miss Mandy at Sir Dylan.

"G-good morning, Sir Johnser." Nautal na bati ko sabay bow."Good morning, Sir Dylan, Miss Mandy." Bati ko rin sa dalawa.

Nginitian lamang ako ng tipid ni Dylan.

"Y-you?" Di makapaniwala na bulalas ni Miss Mandy halos naituro pa ako nito."Kasama siya?!" Nakataas-kilay baling niya kay Sir Johnser.

Oo nga, bakit kasama ako? Ano nalang ba talaga iisipin ng mga taga Uphone sa amin? Bakit di ko 'yon naisip?

Hindi sumagot si sir dito bagkus nakatingin lamang siya sa akin na may ngiti sa mga labi. Siguro isipin ko nalang bakit kasama ako dahil mabait si Sir. Alam niyang taga doon ako at saa ako sa magga-guide sa kanila doon para ma-communicate kaagad nila ang mga taga sa amin.