ကျင့်ကြံသူတို့ စကားဝိုင်း အတွဲ (၃)

အပိုင်း (၁၁၇၄)

#Unicode

အရှေ့တောင်ဘက်ကိုင်းမှာ ချိတ်ဆွဲခံရတာကို ဘာကမှ မယှဉ်နိုင်ဘူး။

မွန်းစတား သစ်ပင် က သူမရဲ့အကိုင်းအခတ်တွေကို ဆန့်ထုတ်ပြီး ရွှေ့သစ်ပင်ဆီမှ သစ်သီးတွေကို ခူးယူလိုက်တယ်။ ပြီးနောက် သူမ သခင်ဆီကို ကမ်းပေးလိုက်တယ်။

သူမ က အမြန်ဆုံးလှုပ်ရှားနေတယ်။ မျက်စိတမှိတ်အတွင်းမှာပဲ ရွှေသစ်ပင်ဆီမှ ဘယ်ရီသီး တစ်ဝက်လောက် က ခူးပြီးသွားပါပြီ။ သူမ က သစ်သီးတွေကို သစ်သားသေတ္တာထဲ ထည့်ပြီး စီနီယာအဖြူဆီကို ပေးလိုက်တယ်။

ရတနာကောက်သူ မွန်းစတားသစ်ပင် ဖြစ်တဲ့ချင်းဝူ က သူမ ကိုယ်ထဲမှာများပြားလှတဲ့ ပစ္စည်းတွေ ရှိနေတဲ့ သိုလှောင်အိတ်တွေ အများအပြားရှိတယ်။ ဒီပစ္စည်းတွေကတော့ ပုလင်းတွေ၊ သေတ္တာတွေ ၊ ပြီးတော့ ရတနာထည့်လို့ ရတဲ့အရာတွေပဲ ဖြစ်တယ်။

ရတနာတွေ ကောက်ယူတဲ့နေရာမှာ သူမ က ပရော်ဖက်ရှင်နယ် ကျလာတယ်။

စီနီယာအဖြူက သေတ္တာထဲက ဘယ်ရီသီးတွေကို ကောက်ယူပြီး ပါးစပ်ထဲ ထည့်လိုက်တယ်။ သူ့ မျက်လုံးတွေက ကျဉ်းမြောင်းသွားတယ်။

အရသာက အရမ်းကောင်းတယ်လေ။

❄️❄️❄️

ကိုးစီရင်စု ဂရု ထဲမှာတော့ ...

ရူဟန် "ဒီအသီးက တကယ်ပဲ စားလို့ရတာလား"

မြောက်ပိုင်းမြစ် "သူငယ်ချင်းလေး ရူဟန် ရဲ့လာမီယာလိုပဲ စီနီယာအဖြူရဲ့ သီလသစ်ပင် က ပြောင်းလဲမှု တစ်ချို့ ဖြစ်လာမှာ ငါစိုးရိမ်မိတယ်"

လိုင်ချီး "ရူဟန် ရဲ့ကြာပန်းဖူးပွင့်ခြင်းလျှာ စွမ်းရည် က ကြာပန်းတွေကို စားလို့ရတယ်ဆိုတာ ငါမှတ်မိပြီ။ ရူဟန် .. မင်းက စီနီယာအဖြူ ကို ဖျက်ဆီးခဲ့တာပဲ:"

ဘာလို့ ရှိသမျှ အပြစ်အားလုံး ငါ့ခေါင်းပေါ် ပုံချနေတာလဲ။

ရူဟန်က ရယ်ရမလား ငိုရမလား မသိစွာနဲ့ ပြောလိုက်တယ် "ဒါကြောင့် ငါ့ိကို အပြစ်တင်လို့မဖြစ်ဘူးလေ။ ဟုတ်တယ်မလား။ ဒီရွှေဘယ်ရီသီးတွေက တကယ်ပဲ စားလို့ရတယ်ဆိုတော့ စကြာဝဋ္ဌာတစ်ခုလုံးမှာ ရှိတဲ့ကျင့်ကြံသူတွေ အားလုံးက စိတ်ဝင်စားစရာ မြင်ကွင်းတစ်ခု ကို မြင်ရတော့မယ်"