"جابك الله في زحام العمر صدفة "

٢

~~~ في بيت ابو فهد ~~~
ندى : هايل هايل تعال
هايل : ها شعندتس
ندى : سمعنا انو فتحو المركز
هايل : والله لو انهم فاتحين لكم باب الجنة
ندى : مشكلتك ماتثق بالطب الحديث احنا نثق بعدين تعال وشفيك مغبر
هايل : جايتس بالعلم ادخلي
ندى : يوجعك
هايل : اي والله وانا اخوتس الالم قوي
فرح : طيب رح للمستشفى وش تتحرى
هايل : لا لا مالي فيه
ابوفهد : وش عندكم متجمعين هنا
ام فهد : كلامهم مايخلص ماتعرفهم
ابوفهد : للحين مارحت للمستشفى
ام فهد : يمه ولدي وشفيه عسى ماشر
هايل : لاتخافين يالغاليه مافيني الا العافيه صدمه بسيطه
فرح : ماتقدر تحرك يدك ولاتنسى وراك شغل ابوك رح خلهم يشوفون بلاك وفكنا من هواش الصبح
هايل : طايل لسانتس
فرح : كلمه الحق وانقالت
ابوفهد : للحين تحايلون فيه قم قامت عصبك للمستشفى نشوف علتك ام فهد : ارفق عليه يارجال
ابوفهد : مافيه الا العافيه
هايل : اهدا اهدا يالغالي بروح تبشر
ابوفهد : سياف ياورع رد
سياف : لبيه يبه سم
ابوفهد : اصمخ انت
سياف : ماسمعتك
ابوفهد : فتح اذانيك المره الجايه عشان م اسدهم لك بطريقتي
سياف : تبشر وش بغيت
ابوفهد : ود اخوك للمستشفى
~~~ في المركز الصحي ~~~
فاتن : ماتحسين مستشفاهم صغير بالحيل
ميهاف : مركز على قد حاله
فاتن : الله يعين بنعاني معهم
ميهاف : تراهم طيوبين
فاتن : تعرفينهم
ميهاف : لا بس واضح عليهم
فاتن : ماعلينا منهم انا جيعانه وماعندهم مطاعم هذول
ميهاف : والله مدري يختي
فاتن : بروح اسال لي واحد
ميهاف : لاتصيرين عوباء ترا بناتهم حتى الشارع ماتطلع له
فاتن : عاد شسوي مجبوره
ميهاف : لاتتاخرين طيب
~~~ في السوق ~~~ "السوق جنب المركز"
فاتن : يخوي لو سمحت هيه الوو
عبدالرحمن : هلا يختي فيكم شى احد مضايقكم
فاتن : لا بسم الله عليك مافينا شى بس بسالك
عبدالرحمن : اي اسالي
فاتن : عندهم مطاعم هنا
عزام : وش تبينها انتي بس
عبدالرحمن : عزام اسكت والله يختي ماعندنا مطاعم هنا عندنا بوفيهات وبقالات
فاتن : لو اوصيك تجيب لنا اكل تقدر
عبدالرحمن : اي ابشري من عيوني ماطلبتي شى
فاتن : تسلم اجل جب لنا على ذوقك ومعرفتك
عبدالرحمن : بالمركز ولا البيت
فاتن : بالمركز
عبدالرحمن : ابشري عزام انتبه للمكتب
عزام : رح رح خروف بنات
~~~ في المركز الصحي ~~~
ميهاف : يمه بسم الله
سياف : السلام عليكم
ميهاف : وعليكم السلام
سياف : اخوي صدمته سياره صدمه بسيطه بس يده ورجله يوجعونه
ميهاف : هو الي صدمناه
هايل : اي بشحمي ولحمي
ميهاف : قدامك العافيه يخوي حطه عالسرير
هايل : افا يذا العلم
سياف : رح رح انسدح خلها تشوف شغلها
هايل : خلك عندي
سياف : طيب طيب
ميهاف : بس يدك ورجلك الي يوجعونك
هايل : احم اي
ميهاف : وش تحس فيه
هايل : احس اني بستفرغ من الالم واحس كانه شى ينخر عظامي ميهاف : اوه امرك كبير
سياف : قلنا لك رح للمستشفى
هايل : يحلها ربك
سياف : ليه وشفيه
ميهاف : كسر يده ورجله مكسورات رح تتعب شوي وبتجيك حراره وبتحس بالاستفراغ بجبر لك كسرك وبعطيك كريمات ولاتنام ع جهتك المجبوره ولحد يلمسه او يحركه لازم يرتاح مده وينتظم بالاكل
هايل : عشان ابوي يفرد لي عظامي عالارض
ميهاف : بس انت مجبور
هايل : القائد مايفهم بهذي السواليف
ميهاف : عاد لازم تفهمونه او جيبوه لي افهمه خطوره الوضع واذا زاد الالم عليك تعالو عندي
سياف : على خير
فاتن : يحليله وصيته يجيب لنا وراح والله فيهم الخير اوه فيه مرضى ميهاف : ليه سكتي
فاتن : فيه مرضى استحيت
ميهاف : سمعوا كل سالفتس
فاتن : السلام عليكم
سياف : شعقبه
هايل : يعطيتس العافيه
ميهاف : لاشكر على واجب قدامك العافيه
هايل : اول مره احس بحنان بعد حنان امي
سياف : جحد خواته
هايل : وين حنيه كلهم مهابيل
سياف : عاد الا ندى وفرح م اسمح لك
فاتن : قدامك العافيه يخوي
هايل : يعافيتس
~~~ في بيت ابو فهد ~~~
ام فهد : تاخروا العيال
ابوفهد : اهدي يامره تراهم شكبرهم  يمشي على زندهم التيس
ندى : لاتخافين يمه ماتلقينهم الا جايين
عفراء : وليه ماتقول له يحط لك بيت لحالك
زامل : صاحيه انتي وين اخلي امي وابوي
عفراء : ماقلت تخليهم قلت نطلع لحالنا ببيت عائلتنا بدت تكبر وبيت اهلك صغير وياله يكفي
زامل : مدري مدري بقول لامي وبشوف
عفراء : ابوك الي بيده زمام الامور امك مارح تنفعنا بشي
زامل : سكتي بنتس بس انا طالع
عفراء : ليه هي بنتي لحالي
ندى : اوه برد قلبي
فرح : خلي قلبتس على جنب وتعالي غسلي الموعين
ندى : خايفه على هايل
فرح : بخير معليتس
~~~ في الشارع ~~~
سياف : تقوا تمشي
هايل : لو اقوى وشوله جايبك
سياف : كلمه زياده بهبدك عالارض
هايل : امحق سند
عبدالرحمن : بسم الله هايل وش فيك سلامات
هايل : مافيني شى الله يسلمك
عبدالرحمن : حادث الصبح
سياف : اي وياله اقنعناه يروح
عبدالرحمن : سياف محل ابوك ماعنده احد رح عنده وانا بودي هايل للبيت
سياف : زين ذكرتني قبل ابوي يسوي سالفه
عبدالرحمن : مايدري ان عمي سابقه للمحل
هايل : لاعاد
عبدالرحمن : اي والله ذا العلم
~~~ في المركز الصحي ~~~
فاتن : ذا الشايب ليه مايسكت الحين
ميهاف : اموت واعرف ليه حاطين مركز صحي للمرضى جنب سوق
فاتن : ذا سوق؟ احسبه حراج
ميهاف : انسي المدينة ذي قريه
فاتن : اكلهم لذيذ
ميهاف : اي والله مره لذيذ
~~~ في السوق ~~~
ابوفهد : وش ساجن بك يوم انك تروح وتترك المحل
سياف : حقك على راسي يايبه نسيت
ابوفهد : والى متى بتنسى وماتسمعنا الى متى
ابوعزام : ارفق عليه يخوي
ابوفهد : ابوعزام لاتتدخل هذا شايب يمشي على زنده التيس
سياف : انت ناديتني اخذ هايل ورحت ونسيت المحل
ابوفهد : اما رجال بترتكز وسط المحل ولا بوديك عند حلال المزارع مع هايل
سياف : وفهد وينه مايجي يمسك الشغل
ابوفهد : علمك ووصلك ويلا رح للحلال بالمزرعه الين يطيب اخوك عزام : خذ واقي شمس
سياف : وش يفيدني
عزام : لان بشرتك بتقلب
سياف : بقلب لك شيفتك يالجامعي
عزام : الله يالدنيا جامعي ويشتغل بالقريه
~~~ في بيت ابو فهد ~~~
ام فهد : يمه ولدي وش صار عليه
عبدالرحمن : لاتخافين ياخاله اموره طيبه بس لازم يرتاح
ندى : هايل اخيرا رجعت
هايل : ارجعي لانثر ضلوعتس دحوم فيه
ندى : يوه ماشفته
فرح : ماشفتيه
ندى : اي
عفراء : ماشفتو زامل
ندى : لا وش مسويه له بعد
عفراء : مالتس دخل
~~~ في المركز ~~~
ميهاف : اسمعي ماينفع ثنتينا نشتغل هنا
فاتن : جامعتنا معطيتنا الجدول وانا وانتي بنفس الوقت
ميهاف : واذا ابي ارتاح
فاتن : روحي انا امسك بدالك
ميهاف : حلوو خلينا كذا
فاتن : اقول هذول مايمرضون
ميهاف بضحك : يتعاملون مع الطب الشعبي
فاتن : الله حسيب جامعتنا م حطتنا الا بقريه
ميهاف : انا بصلي انتي حلطمتس ماتخلص
فاتن : بعد ذي الحقيقة
ميهاف : الصلاه طيب
فاتن : جايه يلا
~~~ في السوق ~~~
زامل : هلا يبه
ابوفهد : فكتك الحرمه اخيرا نقدر نشوفك
زامل : وش له كل ذا الكلام يايبه جيتك عشان امسك الشغل
ابوفهد : اي امسكه وكل يوم ابيك تمسكه اخوانك الصغار مسكتهم شغل المزارع
زامل : اي تبشر كل شى ولا توديني هناك
ابوفهد : قفل المحل والحقني للمسجد نصلي المغرب
زامل : على خشمي
~~~ في بيت ابو فهد بالمجلس~~~
هايل : يمه بسالك
ام فهد : هلا يمه اسال
هايل : فهد وينه من تمايم بنت زامل وهو مختفي
ندى : فعلا وين راح
ام فهد : انتو تعرفون ان شغله بالمدينه عشان كذا راح
هايل : بدون ما يسلم علينا عجيب والله
ام فهد : اهم شى انا وابوه
ندى : اقتنعت ياهايل
هايل : لاوالله
ندى : حتى انا
~~~ في بيت ابو عزام ~~~
ام عزام : يلا ياسلمى تاخرنا
سلمى : يله يمه جيت شكلي حلو؟
ام عزام : اي شكلتس حلو امشي بس رابطه نفسها بذا الولد
عزام :اخلصوا خلوني اوصلكم ولا بسحب عليكم
ام عزام : يلا جينا
~~~ في بيت ابو فهد ~~~
ندى : كل دقيقه احد طاب علينا؟
عفراء : خالتي فيه شى اقدر اسويه
ندى : غسلي الموعين
عفراء : مو شغلتي ذي
فرح : اجل شغله من على كيفتس
ندى : احنا حاطين دور لكل وحده واليوم دورتس بالغسيل
عفراء : والله تبطين عظم ماغسلت انا متزوجه مو مثلكم معنسه بالبيت
ندى : م اخذناتس من بيت اهلتس الا قدتس فاطره
عفراء : سدي حلقتس لاسده
ندى : تعالي عشان اربيتس
ام فهد : انتو بتجيبون لي الظغط والسكر اصالي من اخوانكم ولا انتم كل وحده على شغلها بسرعه
ندى : هذي عليها غسل الموعين وماتبي تغسل
ام فهد : عطوها شغله ثاني المهم لاتتهاوشون
ندى : وش سبب العزيمه
ام فهد : بنخطب لاخوتس
فرح : منهو!!!
ام فهد : هايل
ندى : لا يمه الا هايل خلوه لنا
هايل : وش تبين فيني
ندى : صح انك كريهه وغثيث بس مابيك تتزوج
هايل : متوقعه باخذ وحده مثل الجنيه عفراء تقطعني عنكم
عفراء : انا تسبني
هايل : اذانيتس طايله
عفراء : اسكت لاخلي زامل يكسر جزئك الثاني
هايل : اقول ابلعي شحمتس واذلفي لغرفتس
عفراء : طيب طيب
فرح : ترا الحين تسوي سالفه ما استبعد
هايل : فرح جيعان
فرح : الله يعين هالفرح
هايل : انتي فرح عائلتنا وتتاففين
فرح : بس انا عندي طاقه
هايل : ماسميتس الطباخه عبث اقمزي سوي لنا شى ناكله وجيبوه عندي للمجلس
ندى : مانسيت شى
هايل : انتي خلتس ساكته يمه
ام فهد : هلا
هايل : من بيجي اليوم
ام فهد : عمك ابو عزام
هايل : اي الله يحييهم
ندى : قطع قطع
فرح : ترا البنت بحالها انتي شفيتس عليها
ندى : باختصار انا مابيها لهايل
فرح : ومن قال هي تبي هايل
ندى : كلنا نعرف الا انتي
زامل : هو كذا تكلم
عفراء : اي والله واسال خواتك الثنتين وامك كانوا موجودين وحتى سبك وسبني قدامهم
زامل : طيب طيب ياهايل الحين اعلمك من الي طايل لسانه
ام فهد : وشفيك يازامل
زامل : وين قليل البركه ولدتس
ندى : مسرع ماقالت لك ام السعف
زامل : ندى اسكتي ولاتخليني احطتس تحت رجلي الحين وين هايل فرح : مدري رح دوره
ام فهد : لاتسوي مصيبه عمك بيجي
~~~ في المركز الصحي ~~~
ام عزام : يازين مستشفاكم
فاتن : حبيبتي انتي بس مو باسمنا
ام عزام : الي هو المهم انتو فيه هلا ببنتنا
ميهاف : انا
ام عزام : اي شكلتس ماعرفتيني
ميهاف : اي والله ماعرفتتس
ام عزام : انا زوجه عم زوج اختس عفراء
فاتن : ياخال ابوي حك ظهري
ميهاف : اسكتي انتي اي عرفتك ياهلا ومرحبًا
ام عزام : ياهلا فيتس وش كان اسمتس
ميهاف : اسمي ميهاف
ام عزام : عاشت الاسامي عاد عندي ولدي وعضيدي عزام درس مثلكم جامعه مدري وش تسمونها
فاتن : بكلوريوس
ام عزام : اي هذي
ميهاف : اي الله يخليه لتس
ام عزام : امين امين
سلمى : يلا يمه تاخرنا على عمي
ام عزام : اي يلا يلا مشينا
ميهاف : ياحليلها وسيعه صدر
فاتن : طول عمرتس فاهيه ماشفتيها وهي تتكلم عن ولدها
ميهاف : ياحبتس لتاليف القصص عادي تتكلم عنه لانه دارس مثلنا فاتن : اي اي ماشاء الله كلنا فهمنا الا انتي
~~~ في دكه ابو فهد ~~~
سياف : ياهايل لاتشيل ثقيل
ابوفهد : خله عشان يده تتعدل
هايل : علاجات ابوي لازم يحطونها بالمستشفى
سياف : خل الزل اقول ورح اقعد
هايل : طيب طيب بروح اجيب القهوة من عندهم
سياف : يولد يدك مكسوره كيف بتشيلهم
هايل : انا ادري ان ابوي وداك لشغل المزارع عشان كذا ابي اساعدك
سياف : عادي ماتعبت ولا شى بس انت انثبر عشان لاتكب شى وتسوي لنا سالفه
هايل : صدق انك ماتستاهل يلا اكرف
سياف : كل شى ولا تصير مشكله
هايل : يبو فهد ماتحس ان مركز هذول علينا لايغازلون ولدك ابوعزام : من ولده
هايل : انا
ابوفهد : انت رحت لهم برجليك ومحد درا عنك
هايل : لاني تربيتك حاط عيني بالارض
زامل : هايل وينه ملعون الرقبه ذا
عبدالرحمن : اخوك ذا كل عزيمه مسوي سالفه
سياف : شعندك زامل تصارخ
زامل : لاتحشر خشمك وافرش الزل
ابوفهد : من الي يصارخ
هايل : معجباتي
زامل : وصمخ ماتسمع
ابوعزام : بسم الله وشفيك يولدي تصارخ
ام عزام : بيتكم ذا مانجي الا فيه سالفه
ندى : المشاكل عالزوار
ام عزام : لسانتس يبيله قص
ندى : ادخلي ادخلي ياعمه ادخلي سلمى
ام فهد : ولدي ياعزام رح لهايل
عزام : ليه ياخاله وشفيه
ام فهد : لايضرون هايل
عزام : على خشمي رايح
هايل : لاترفع صوتك وانت بكل عزيمه مسوي لنا سالفه
زامل : ارفع صوتي واكسر خشمك بعد
ابوخالد : السلام عليكم
سياف : الله يحييك ياعمي
ابوخالد : ذي العزيمه تعويض عن عزيمه امس ولا
سياف : زامل تعرفه مايتعدل
عبدالرحمن : اكسروا الشر
هايل : تهايط قدام حرمتك بس وانت قدامنا ماتكش دجاجه
زامل : صدق انك ماتربيت
ابوفهد : زامل
زامل : للاسف يايبه كبرتوا وانتو ماربيتوه
ابوعزام : حافظ هالكلمتين وجاي تقولها قدامنا انقلع برا انقلع زامل : مارح انقلع الين اعلمه من يسب من
هايل : لولا وجود ابوي وعماني واحترامي لهم نثرت ضلوعك هنا زامل : تنثر ضلوع من
ابوفهد : فكوهم فكوهم اخ ياراسي
عبدالرحمن : عمي عمي وشفيك فكوا بعض يالوراعين
زامل : انقلع انت
هايل : وانت بس ذي قوتك بالكلام صدق ابوي يوم قال جايبن لي حرمه
سياف : فكه يازامل يكفي انه مكسر
زامل : انا ناوي اكمل تكسيره
فاتن : ندق عالشرطه ولا وش نسوي
ميهاف : هذول كل يومين هوشه
ابوفهد : زامل فك اخوك وعلي بالطلاق ان دخلت هالبيت مره ثانيه انقلع برا
عبدالرحمن : هايل هايل
سياف : جيبو كيس بيستفرغ
زامل : تطردني من بيتك يبو فهد
ابوفهد : برا مابي اسمع صوتك حتى برا
عزام : عطونا كيس ياحريم
فرح : يمه هايل شصار عليه
ندى : كله بسبب عجوز النار
ام فهد : ليه تسوي فينا كذا يولدي
زامل : يمه لاتتدخلين وربي عيالتس
ندى : لاترفع صوتك على امي
زامل : سدي حلقتس
ندى : حسبي الله
عبدالرحمن : شدو همتكم ناخذه عالمركز
سياف : اي يلا
عزام : ماله داعي الدكتورات شافو كل شى
ميهاف : معليش بس لما سمعنا الصراخ
خالد : اوكي اوكي مافيه مشكله بس عالجوه
ميهاف : انا قايله مايتحرك ومايشيل ثقيل
ابوعزام : هي ماوقفت كذا
ميهاف : شفت كل شى حطوه بمكان اقدر افك له الشاش ويعني يرتاح فيه
فاتن : حطوه بغرفته
عزام : طريق ياحريم
زينب : بسم الله عليه قدامه العافيه
جهير : الله يصلحه مايقعد بمكان
فاتن : ذي غرفته الحين عزام:تراتس بقريه
فاتن : ماقلت شى طيب
ميهاف : معليش بس مو كلكم توقفون كذا
هايل : انا ابيهم عندي
ميهاف : لا معليش مو كلهم
فاتن : يكفي انا وميهاف عنده
هايل : ميهاف
ميهاف : هلا
هايل : لا سلامتك بس ابي استفرغ وخري
فاتن : ماكل شى هو
سياف : لا بس عشانه مكسور وانضرب عالكسر
فاتن : فهمت فهمت تفضلو
ابوعزام : اجل معجبات
هايل : هههههههههههههههههههههههه م ينمزح مع عمامي
ميهاف : تحط كريم الي اعطيتك اياه وتاكل من الادويه
هايل : تبين الصدق يابنت الاجواد
فاتن : ماتاكلهم صح
هايل : اي
ميهاف : لازم تاكلهم لمصحتك وانا بوصي شخص عاقل ثاني يعطيك اياهم
فاتن : نغير له الشاش لانه فيه دم
ميهاف : اي
ندى : سياف طمنا
فرح : يمه يمه
جهير : بسم الله خرعتوها عليهم
سياف : يمه لو سمحتي
فاتن : تفضل
سياف : فيه وحده اغمى عليها
فاتن : اي جايه
هايل : لاتخلوني
ميهاف : مارح اكلك تطمن
هايل : وش احكيلك عن خجل عيال القريه
ميهاف : اي شفتكم ماشاء الله ممكن اسالك
هايل : اسالي
ميهاف : الي تهاوشت معه من
هايل : زوج اختس
ميهاف : خلصت تقدر تتعدل وللمعلوميه ياهايل ترا عفراء مو اختي لا من نفس الام ولا من نفس الاب وقدامك العافيه
هايل : احم يعافيتس
ميهاف : توني بمشي مسرع لحقتني
هايل : بشوف من اغمى عليه
ميهاف : قريتكم صغيره وبيوصلك العلم
هايل : خبرتتس واجده اكثر مني
ميهاف : الادويه لاتنساها
فاتن : عندكم قطعه شوكلت
ندى : شسمها
فاتن : شقلاطه
ندى : تعجبيني
فاتن : انخفض عندها السكر اذا اغمى عليها بشكل متكرر خلوها تجينا المركز ميهاف خلصتي
ميهاف : اي لو سمحتي
ندى : عيونها
ميهاف : والله انهم طيبين المهم بقولك شى
ندى : وش مسوي هايل تراه مطفوق
ميهاف : مسوي اشياء واجده
ابوفهد : وش مسوي
ميهاف : ماياكل ادويته ومايحط من الكريم
ابوفهد : هالولد مهما اعدل فيه مايتعدل
ابوخالد : اهدا يبو فهد توه صغير ترا
ميهاف : خلوه ياكله وبوصيك انتي تعطينه هذي وصفه العلاج وكم ملي وكل شى
ندى : يعطيكم العافيه
فاتن : لاشكر على واجب خففو هوشات
سياف : ها ياهايل تحس نفسك افضل
هايل : اي صح اوجعتني ابره التغذي
ندى : اسمه مغذي وبعدين ليه ماقلت ان عندك ادويه
هايل : لاتقولين وصتس انتي
ندى : اي وصتني انا
هايل : عز الله اني ضعت
سياف : الله يقومك بالسلامه
هايل : ندى اطلعي ابي سياف بكلمه راس
ندى : طيب
سياف : وشعندك
هايل : انت الي وشعندك صاير هاليومين ساهي وهادي مو بعادتك سياف : اجل انت الهادي
هايل : قل قل وشفيك
سياف : والله وانا اخوك
عبدالرحمن : الحمدلله على السلامه قدامك العافيه
هايل : الله يعافيك كمل سياف دحوم مو غريب
عبدالرحمن : وش صاير
سياف : جايكم بالعلم ابوي
هايل : وشفيه ابوي
سياف : يبيني اعرس
عبدالرحمن : مخلي اخوك فهد وجايك
سياف : امي الي قالت له
هايل : انا اتزوج بدالك
سياف : ياحبك للقافه
هايل : معليك انا سندك .
________________________________
"صباح جديد ويوم جديد"
~~~ في بيت ابو محمد ~~~
فاتن : يمه بسم الله وين ميهاف ميهاف
عبدالرحمن : من الي تصارخ
فاتن : وعمى
عبدالرحمن : اسف م انتبهت لك
فاتن : كل هالطول وم انتبهت لي
عبدالرحمن : وين الطول م اشوفه علامتس تصارخين خوفتيني فاتن : مافيني شى اسمع
عبدالرحمن : ماينعرف لتس
فاتن : شفت خويتي
عبدالرحمن : لا بعدين وش مطلعها وتونا الوقت
فاتن : وانت شدخلك مسوي ولي علينا
عبدالرحمن : ادخلي ادخلي الله يسترعليتس
~~~ عن باب الشارع ~~~
ميهاف : اصبحنا واصبح الملك لله
سياف : من ذي الي طالعه تمشي
ميهاف : خير فيه شى
سياف : معليش يختي بس ماعندنا بنات يطلعون
ميهاف : ماعندك انت بس "دخلت البيت "
عبدالرحمن : بسم الله
ميهاف : صباح الخير
عبدالرحمن : صباح النور
ميهاف : اعتذر لاني طلعت بس رحت اجيب اغراض لاتطلع بحط فطور
عبدالرحمن : بروح اصلي فاتتني صلاه الفجر
ميهاف : على خير
فاتن : انتي وينتس
ميهاف : وش فيتس
فاتن : تخليني بنت لحالي بالبيت مع ذا شافني قبل شوي
ميهاف : عسى مو بكشتتس
فاتن : وقتتس انتي بعد فاضيه اتزين له
ميهاف : جبت اغراض تعالي ساعديني نسوي فطور
فاتن : رحتي لحالتس
ميهاف : اي وتهاوشت مع واحد
فاتن : اخت رجال بس المره الجايه خذيني
ميهاف : طيب حطي بذي الصحون ووديها لعبدالرحمن
فاتن : من ذا !!
ميهاف : الي ساكن عندنا
فاتن : اسمه عبدالرحمن
ميهاف : اي وترا ماقال لي بالصدفه عرفت
فاتن : اي بكيفه
~~~ في بيت ابو محمد بالرياض ~~~
شهد : يمه بكرا رمضان خلينا نروح لعمي ابوفهد تكفين
ام محمد : لاتزعجيني ماحب قريتهم
شهد : بقول لابوي
ابومحمد : هذي فكرتي اصلا بنصوم رمضان وبنعيد بالقريه يلا مشينا يام محمد
شهد : انت افضل اب بالحياه
ام محمد : شلون بنروح والبيت معطيه لحقين المركز
ابومحمد : غرفتس وغرفه شهد وعبدالرحمن ومحمد موجودات شتبين اكثر من كذا
ام محمد : بنسكن مع بنات مانعرفهم
شهد : وشفيها يمه بالعكس حتى لو هم نايمين بغرفتي بنام بجنبهم ابومحمد : لاتدري امتس اني معطيهم غرفتتس
شهد : انت خط يبو محمد واحنا نلبس
ابومحمد : يلا جهزي عفشنا
شهد : من عيوني
~~~ في بيت ابو فهد ~~~
ندى : اخيرا رمضان جاء
فرح : اي والله رمضان والديره ومطر محسودين
ندى : الله يعيننا عالكرف
فرح : اول رمضان بدون ام السعف
ندى : اي صادقه ليت شهد وزينب يجون
فرح : اي والله
~~~ في بيت ابو محمد بالقرية ~~~
فاتن : الله مطر
ميهاف : اسرعي عطيه ونفطر ونفتح المركز
عبدالرحمن : هلا بالغالي وش المفاجاه الحلوة
ام محمد : ماودي اني اجي بس
عبدالرحمن : شهد غصبتكم
شهد : شسوي يادحوم صايره اطفش هناك
عبدالرحمن : تعالي امسكي شغل العقار عني
شهد : قدام
ابو محمد : دخل دخل الاغراض بس
شهد : متحمسه اشوف الدكتورات
فاتن : وين ذلف ذا ياخوي الوو
شهد : سلام
فاتن صرخت : بسم الله من انتي
شهد : انتي مين
فاتن : انتي الي مين
شهد : ههههههههههههههههههههههههههههههه انا اخت دحوم فاتن : دحوم من
شهد : هاو الي ساكن معكم
فاتن : عبدالرحمن قصدك
شهد : اي انا شهد اخته
فاتن : ياهلا انا الدكتوره فاتن
شهد : يوه يزينك وين صديقتك الثانيه
فاتن : داخل
شهد : لاتعطونه فطور م يستاهل
فاتن : انا قلت مثلك بس ميهاف عنيده
شهد : ارحبي ياميهاف عرفتيني صح
ميهاف : وهل يخفى القمر
فاتن : شكلي الغريبه بينكم
شهد : معليش جينا وضايقناكم بس رمضان بكرا وعاد رمضان الديره غير
فاتن : وليش غير
شهد : الاجواء الامطار العزايم كل شى حلو وللمعلوميه تراني من سكان المدينة بس احب القريه
فاتن : عاد طحتي بوحده صريحه قاهرني شايب حاطين محله جنب مركزنا بس يصارخ على عياله
شهد : شكله عمي ابوفهد
ميهاف : معليك من فاتن كلامها مايخلص ادخلي بيتكم احنا بنروح للمركز
شهد : انا الي تنامون فيها غرفتي بطبح جنبكم
ميهاف : حياتس حياتس البيت بيتس
ام محمد : هذول الي ساكنين عندنا
عبدالرحمن : اي يمه
ميهاف : السلام عليكم
ابومحمد : ياهلا يبنتي عساكم مرتاحين بالبيت ودحوم مايزعجكم فاتن : مايزعجنا هههههه جني
ميهاف : احم كل شى كويس يعطيك العافيه وولدك محترم مايسوي شى مشكور
ام محمد : الثانيه م ارتحت لها
عبدالرحمن : ذي الجنيه
ابومحمد : وش تقول يادحوم
عبدالرحمن : م اقول شى ادخل ادخل يبه
~~~ في بيت ابو فهد ~~~
ندى : قم احط لك الكريم وتاكل علاجك
هايل : خمس دقايق
ندى : واحد ثنين ثلاثه اربعه خمسه قم
هايل : الله منتس يالدكتوره بلشتيني بذي
سياف : قم لاتتدلع
ندى : انادي ابوي
هايل : بنام شوي
ندى : يبه
هايل : اص اص قمت
ندى : مايعرف لك غير ابوي
سياف : انا بروح افتح المحل زامل ابوي طرده
هايل : ونياقي من بينتبه لهم
ندى : عندي فكره هايل بما انك تعبان امسك المحل وسياف يمسك باقي الحلال
سياف : اسكتي انا حاطهم عذر
ابوفهد : انا بروح عند الحلال مع عمكم ابو محمد انتبهوا للمحل اثنينكم
هايل : أخيرًا تحررت
ندى : محلكم جنب المركز اذا عاندت سياف وده عند الدكتوره سياف : معليتس انتي
هايل : يلا سياف مشينا
~~~ في المركز الصحي ~~~
ميهاف : يبه للحين م استلمت راتبي للحين
صقر : اختس وزوجها بيجون عندنا وبعطيهم غرفتس
ميهاف : عطهم كل شى بس فكوني منكم
صقر : لاتعتقدين ان وديتس هناك عشان تصيعين انا وراتس دائما ميهاف : فيه مرضى بقفل
صقر : اول راتب لتس يتحول لي
ميهاف : على خير
فاتن : من الي متصل
ميهاف : ابوي عفراء وزوجها راحوا لبيتنا وداق يعلمني انه بيعطيهم كل شى لي وانه يبي راتبي
فاتن : ماشفت احد بجيحه قد اهلتس
ميهاف : صبرًا جميل والله المستعان .

انتهى البارت ...