~~~ ليلة زواج سياف وشهد فالقاعه ~~~
شهد : خايفة خايفة
هديل : يلا شهد انزلي تدربي عالزفة
شهد : طيب يلا
ام فهد : ترا بيدخلون الرجال بيتدرب سياف
هديل : اي زين يلا نستعجل ياشهد
شهد : يلا يلا
ندى : مارح افوت الفرصة بنزل أصورها
زينب : اي بالله مافيني حيل أصورها
شهد : كيف امشي
هديل : نسيتي شلون تمشين
شهد : لا قصدي فيه حركة معينة امشي عليها
هديل : لا امشي بطبيعتس بس بهدوء
شهد : طيب
~~~ في مجلس الرجال ~~~
ابوسطام : السيارة وينها
سطام : ابد عند الباب
ابوسطام : والصبابين
سطام : يصلحون القهوة فالمطبخ
ابوسطام : العشاء
سطام : بيوصل على اتفاق هديل معه بعد صلاة العشاء
ابوسطام : والعريس وينة
سطام : مع اخوانة
ابوسطام : رح عجل عليهم بندخل نتدرب عالدخلة ويبون يصورون العريس
سطام : احنا ندخل بعد
سطام : اول شى يدخل العريس واخوان العروس وابو العروس والعريس عاد اذا قصدكم تبون تصورون فاي عادي بس الحين التدريب لهم
سطام : زين بنروح نكشخ اجل
سياف : فيه عريس يسف غترته كذا
هايل : هذي علوم الرجال
سياف : خلها يمجلس الرجال
فهد : ياحبك للمحارش ياهايل وانت غترتك خلها على صدرك وحط البشت عليها وخلصنا
سياف : وش لون امسك البشت
زامل : حطه تحت يدك
سطام : يلا ياسياف بتدخل تدرب عالزفة
سياف : وش له داعي هالسوالف
عبدالرحمن : امش امش احنا معك
هايل : واحنا اخوان العريس
سطام : بندخل يصورونا بس بعدهم
فهد : امشوا نشوفهم بصور سياف
هديل : عطيني عباتي والجاكيت المطبوع عليه
ميهاف : طيب طيب امسكي
هديل : مسرع دخلو انتظرو شوي افتح لكم البوابه
شهد : بشوف وخرو
ابوسطام : خلصو يبنتي
هديل : اي يبه ادخلو الباقين اذا تبون اصوركم
هايل : نبي جماعي الحين بعدين عايلة عايلة
هديل : يلا
"انتهت التجهيزات ووصلو المعازيم وبدا العرس"
~~~ في غرفة العرسان ~~~
هديل : امسكها وابتسم ترا عرس مو عزاء
سياف : ابي اخواني متى تخلصين
هديل : أنتظر تونا
ندى : يلا ياهديل جو المعازيم وانتي مابعد لبستي اوهه اخوي وشهد
سياف : ماهو وقت طقطقتس ومحارشتس روحي عند الحريم
ندى : ههههههههههههههههههههههههههههههه بصوركم دقيقة
هديل : خلاص خلصت رح
سياف : أخيرًا مابقى حركه ماسويتها
عفراء : روجي راح من كثر مااسلم
زينب : غريبه امتس ماجت
عفراء : بتجي بتجي جالسه انتظرها توصل
ام فهد : عطيني مناديل يافرح
ام سطام : وش له داعي تصيحين لا هو اول ولد لتس يعرس ولاهو الي بيبعد عنتس
ام فهد : سياف غير ياام سطام وهذا شى طبيعي كل عروس عيالي بكيت فيها
ام سطام : امسحي دموعتس
فرح : دخلت من كثرهم
سارة : تبين كرسي
فرح : اي والله
فاتن : ميهاف شوفي ذي كيف حاطه مكياجها
ميهاف : وانتي بكل عزيمة تحشين
ههههههههههههههههههههههههههههههه
فاتن : وانا صادقة بس والله العرس بطل ان شاء الله عرستس على اخوه كذا
هديل : عسى ماتاخرت
ام سطام : وينتس الساعه ٩
هديل : جلست اصورهم وطولنا
ام محمد : متى الزفة
هديل : الحين بقول لشهد
ام محمد : اجل بروح عندها
هديل : مايحتاج ياخالة انا حاطه معها عاملات يشيلون فستانها
ام محمد : تمام زين
هديل : الأغنية يلا الكاميرا
دخلت شهد واشتغلت زفتها
زينب : امسكوا منديل
ميهاف : يعمري ياشهد والله احبها
هديل : يلا تغطو بيدخلون الرجال
ام محمد : ذا صوت ابومحمد ولا انا غلطانه
هديل : اي صوته وصوت اخوانها وابو العريس والعريس كلها مفاجاة لشهد
شهد : صوت ابوي عطوني منديل
هديل : لايخرب مكياجك
صوت ابو محمد وهو يقول : ودعتس الله يااغلى عطايا ربي كبرتس وربيتس وجاء الوقت الي ازفتس عروس والله يبنتي الود ودي اخليتس عندي بس سياف هو الي يستاهلتس امنتك بالله ياولدي انا عطيتك اغلى عطايا ربي لي وانت تستاهلها
عبدالرحمن : والله ياشهد ماكان ودي ازوجتس بس عاد ابغى افتك مننتس ههههههههههههههههههههههههههههههه لا والله محد يبي يفتك منتس اليوم زافينتس عروس ويااجمل عروس الله يوفقتس ياعين اخوتس وامري وتدللي دام عيال سالم وراتس
محمد : والله ياشهد وانا اشوفتس عروس قدامي حاس انهم جالسين ياخذون قلبي مني بس بما ان العريس سياف فانا متطمن الله يجعلها زواجه الدهر ياامي اخوانتس وابوتس وزوجتس دائمًا وراتس
ابوفهد : اليوم ازف ولدي على بنتي من يوم كنتو صغار وكنا نقول سياف لشهد وشهد لسياف كبرنا احنا وانتم كبرتو وجاء عرسكم وهذانا نزفكم لبعض امنك بالله ياولدي تحسن في بنت عمك وامنتس يابنت اخوي تحسنين لولدي والله يجعلها زواجه الدهر لكم
سياف : ابد ياشهد ماكنتي بعيني هوى نفس وملذة طيش انا شفتس وبشوفتس بعين الستر واميمة عيالي امنوني عمي واخوانتس احافظ عليتس وهذاني قدامهم احلف دمعتس يالغاليه ماتطيح والله يوفقنا ويسعدنا ويجعلها زواجه الدهر لنا وهذي مفاجاة بسيطة لتس
شهد : مكياجي خرب
ابومحمد وهو يبوس راسها : لاينزل راستس وانتي بنت سالم
شهد : الله يخليكم لي ولا يحرمني منكم
ندى : حتى انا صحت كيف هي
ابوفهد : ندى نطلع الحين
ندى : هلا يبه بسال هديل
هديل : اي اي خليهم يطلعون خلاص صورتهم بس العريس لايطلع يطلع اخر شى وعلطول عالسيارة
ندى : اي يبه أطلعوا بس العريس يبقى وبعد وصي هايل يشغل الموتر بعد شوي زفه العرسان للسيارة
ابوفهد : على خير يلا مشينا
انزفوا العرسان للفندق وانتهى العرس
هديل : رجليني رجليني
هايل : يمه يمه يمه
ام فهد : بسم الله يولدي وشفيك
هايل : مارقصتونا
ام فهد : يوه شغلو له المسجل يرقص
ندى : يليل البزر ذا
هايل : ادخلو ياعيال نرقص والمقصودة خلوها تشوفني
ميهاف : يافضحي فضحاه
فاتن : خرج عن صمته
هايل : متى بتزوجيني يمه
ام فهد : انت قايل لابوك بتقعد
هايل : هذا مايعني اني مارح اعرس
ام فهد : اي اي عروستك اعرفها ارقص اخلص بيطردنا حق القاعه
ندى : صورت الزفة
هايل : ماعندي جوال شوفي فهد
ندى : برسل له ولا وشولة زينب ارسلي له
زينب : وليش انا حبيبتي
ندى : انتي زوجته ؟
زينب : انتي تبين الصور ارسلي انتي
ندى : ماحطيته رقمة هاتي جوالك انا ارسل
زينب : لا هاتي انا برسل
انتهى العرس ورجعو لبيوتهم والعرسان للفندق
سياف : يامرحبا فيتس
شهد : ياهلا
سياف : ماعرفتس وانتي مستحيه
شهد : مافهمت
سياف : طول عمرتس جريئة
شهد : وش عرفك
سياف : عندي اختين لو ناسيه كل علومتس عندي
شهد : مايمدي امثل يعني
سياف : لا للاسف
شهد : حلوو بدايتها كذا اجل خلني اطلع الي بخاطري
سياف : اوه بخاطرتس كلام تكلمي اشوف
شهد : ايام الملكة ليه لما كنت ارسل لك ماترد
سياف : انا رجل خجول ماعرف ارد
شهد : انت خجول
سياف : اي عادي مايمديتس تسوين مثلي اخوانتس اكيد مايتكلمون عني عندتس
شهد : امك وخواتك يكفون
سياف : اشوف صرتي تقولين امك وقبل تنادينها خالتي
شهد : كان عندي هدف الحين خلاص اخذت الهدف
سياف : وش دخل امي باهدافتتس وبعدين ماعاد ابي اسمعتس تقولين امك تقولين لها خالتي
شهد : ادري ماله داعي تعلمني وش حاط عشاء ترا مااكلت شى
سياف : من بدايتها كذا روحي شوفي بنفستس
شهد : بفستاني عيب عليك
سياف : وانا ابتلشت بذا البشت
شهد : ههههههههههههههههههههههههههههههه قرب الطاولة
~~~ في شقة ابوفهد ~~~
ابوفهد : بكرا واحنا راجعين للقرية سمعتو
هايل : ابشر يبه
ابوفهد : فهد ماهو راجع معنا دورو لنا سيارة ترجعنا ثقلنا على ابو سطام
هايل : ماهو خويك وماببنكم هالاشياء
ابوفهد : اي بحدود يلا ارقدو ورانا طريق بكرا
زامل : والي تعود هنا شيسوي
هايل : يعتمد على نفسه وياخذ حرمته وعياله ويسكن فالمكان الي يبيه بس انا ؟
زامل : الا مايزوجونك الدكتورة ولا غيرها بتتزوج
هايل : هي وبس الله يكتبها من نصيبي
زامل : وش مخطط تسوي عشان تصلح ابوي وابوها
هايل : مارح اسوي شى جدي وعدني هو يروح معي
زامل : بتخطب بدون ابوك
هايل : لا ابقول له وان رفض بروح مع جدي وواحد منكم
زامل : ولو ابوها رفض بسبب المشاكل
هايل : ليش تقول كذا تفاول بالخير يرجال
زامل : اعطيك احتمالات عشان تكون جاهز لها
هايل : جاهز لكل شى معليك يبوعبدلله نام ورانا شغل بكرا
زامل : بكيفك انا ليه اشيل همك
هايل : اي لاتشيل همي
~~~ في شقه فهد وزينب ~~~
زينب : خلاص بنسكن هنا
فهد : كان ودتس ترجعين للقريه مااقول لا
زينب : مااقول كذا عشاني اقول كذا لان يمكن حبيبتك تزعل لاني سكنت فالشقة بالنهاية اكيد انت قايل لها هذا بيتها
فهد : ماقلت لاحد شى وان كان مضايقتس موضوعها لاعاد تجيبينه محد مهتم فالموضوع غيرتس ترا
زينب : اوف اوف ليش وش صاير بينكم
فهد : ماصاير الا كل خير وتطمني للحين احبها وتحبني
زينب : اجل مبتلش شلون تتزوجها صح
فهد : لا زوجتي ماقصرت لقت حل بس انا خايف شلون بجيبها عند اهلي
زينب : بسيطة نروح زيارة لهم وانا اكون عندهم وانت ترجع هنا وتجيبها او هي تجي للقريه مثل ذيك المره وطبعا تكون متزوجها ايزي يزوجكم الشيخ وتجي واسوي نفسي مادري واعصب واقول طلقني واتصل على اهلي واتطلق وكذا كل شى بسرعه وبعدها اهلك بيشوفون اني تطلقت وانت اخذت حبيبتك خلاص بيهدون بعد بفتره
فهد : منجدتس انتي وين عايشين احنا
زينب : سهله يافهد بس انت مصعبها ولو تحب البنت بتسوي المستحيل عشانها ولا
فهد : انتي لهدرجه تبينا نتطلق
زينب : واكثر لو تدري
فهد : ماحس انا مشفوق لهدرجه عشان اطلقتس
زينب : هذا الفرق بيننا عارفه انك منصدم ليش اني متحمسه وادور لك حلول ووافقت تطلقني وتخرب حياتي واعطيك مهري وتتزوج حبيبتك انا سويت كل هذا لاني استحق شخص افضل منك انت ماتستاهلني عشان كذا مستعده انا اطلب الطلاق وارجع لك مهرك ويصير السبب مني
فهد : كل ذا حقد
زينب : لا كل الي يصير درس لك وصدقني يافهد انت ماتستحقني وانا ماحبك ولا ابيك وكلنا انجبرنا نتزوج عشان اخواننا كل شخص بطريقه وانت رح تزوج البنت الي تحبها اي وحده غرفتك
فهد : هذيك
زينب : هالمره بتنام انت هنا فالصالة
فهد : ماتوقعت درجه الاستغناء عندها واصله كذا توقعت بنبدا من جديد بس طلعت تكرهني وتبي الفكه هههههههههههههههههههه
زينب : نقدر نبدا صفحه جديدة بس شلون بنسى كلامك عنها قدامي تف عليك وعليها
~~~ صباح يوم جديد~~~
في شقه ابو فهد :
ابوفهد : يلا يازامل يلا يااهايل الهمام الهمام
ام فهد : انتظر نفطر نروح واحنا دايخين
ابوفهد : نفطر بقريتنا مشتاق لها
هايل : صباح الخير يالغالين
ابوفهد : وين اخوك
هايل : راح يدور سيارة تاخذنا وانا بطلع الاغراض برا
ابوفهد : يلا بساعدك
هايل : ثقيل اترك يايبه
ابوفهد : يوه ياظهري
هايل : شيبت يبوفهد
ابوفهد : رجع لي نعلتي
هايل : ابشر
سياف : صباح الخير
ابوفهد : وش جابك انت
سياف : جيت بسلم عليكم قبل نسافر وين رايحين انتم
ابوفهد : اي اي دربكم خضر
سياف : هيه وين رايحين
هايل : يعني وين من القريه للرياض قد رحنا مكان غيره
سياف : اشتقت لك يالجني
هايل : حتى انا متى بترجع للقرية
سياف : يمكن ماارجع
هايل : وليه
سياف : عمي ابوسطام بيوضفني
هايل : صح وانا مثل الغبي ضحيت اقعد بدالكم
سياف : انت الصغير
هايل : ساعدني نطلع الشناط بس
شهد : السلام عليكم شلونك عمي شلونك خالتي
ام فهد : هلا هلا بكنتي الجديدة بخير ياامي انتي
ابوفهد : هلا ببنتي بخير الحمدلله ها شلون سياف معتس
شهد : تونا اول يوم بس معليك لو شفت عليه شى بجي اعلمك
ابوفهد : كفو هذي بنتي
شهد : اعجبك نددى
ندى : صدق شهد قدامي
شهد : اي اي يالبكايه تعالي اشتقت لتس سمعت انتس بكيتي لما رحت
ندى : بكيت على اخوي
شهد : كش منتس شلونتس عفراء
عفراء : تونا شايفين بعض امس وبنمسك خط القريه متوقعه بنكون بخير رجليني توجعني
شهد : ههههههههههههههههههههههههههههههه انتو ارجعو للقريه وانا بسافر
ندى : انا خلاص قررت اتزوج
عفراء : انا تزوجت وماشفت الا مكه والمدينة بس
ندى : عالاقل طلعتي من القرية
ام فهد : هذاتس فالرياض ويلا بدون كثره كلام طلعنا كل شى أطلعوا يلا
شهد : درب السلامة
ندى : سياف شلونك
سياف : بخير الحمدلله
ندى : امسك حرمتك ولا برفسها ترا
سياف : ابشري وش مسويه انتي
شهد : ماسويت شى تتهمني تراها
سياف : مااتوقع امشي نروح بيت اهلتس
شهد : يس يلا
~~~ في شقة ابوسطام ~~~
ابوسطام : يلا ياسطام ابطلع اشغل السيارة الحقني بالاغراض
ابوفهد : ابوسطام ياهلا والله
ابوسطام : هلابك
ابوفهد : وشفيك مسرع
ابوسطام : مادريت يبوفهد
ابوفهد : بايش
ابوسطام : مزرعتي ومزرعتك احترقوا يبوفهد احترقوا
"انتهى البارت"
قراءه ممتعة وقت اختبارات الله يوفقنا جميعًا بصير انزلهم بالويكند عشان تقدرون تقرونها بالتوفيق 💙💙💙.
أنت تقرأ
"جابك الله في زحام العمر صدفة "
Poetryرواية "جابك الله في زحام العمر صدفة" ( احداث الرواية قديمة جدًا تعود لزمن قديم جدًا زمن العيش فالقرى والحياة البسيطه والروح الحلوة تعود حياة القرى التي تحكمها العادات والتقاليد الي البنت لولد عمها والولد لبنت عمه وغير القرايب ماناخذ عادات وتقاليد قد...
