"جابك الله في زحام العمر صدفة "

29

~~~ فالمركز الصحي ~~~
فاتن : من يصارخ
ابوسطام : متاكد ذا مستشفى
ابوفهد : اي اي يادكتورات
ميهاف : تفضل هايل وش صاير
فاتن : فضحتنا ذي دخلوهم دخلوهم
هايل : مافيني شى ماله داعي المستشفى
ابوفهد : اقطع واخس
فاتن : تفضلو اطلعوا ميهاف امشي عالجيه انتي
ميهاف : خلتس معي طيب
فاتن : بشوف اذا فيه احد مطعون مثله فيه احد يحتاج العلاج
ابوفهد : كلهم كلهم
فاتن : يدخل واحد واحد
ابوفهد : انتهينا من سوالف قبل راجعين لنا من جديد
ابوسطام : حاره ابوخلف ماهم ناوين خير يبوفهد
ابوفهد : هم الي بدو هم الي يتحملون
فهد : وش صاير يبه بينك وبينهم
ابوفهد : سالفه طويلة يولدي انت وش مقومك من سريرك
فهد : يوم عرفت ان العيال رايحين لخلف رحت معهم
ابوفهد : جاك شى فيك شى يعالجونك
فهد : لا لا بخير
~~~ في بيت ام فهد ~~~
ام فهد : يمه عيالي يمه ولدي بشق ملابسي وخرو بروح له وخرو
عفراء : طيرو عقلونا
ندى : يمه تكفين اهدي تكفين ابوي هناك معهم
فرح : خالتي تتوقعين خالد بخير
جهير : والله يابنتي مدري احزن على من ولا من
ام سطام : الله يهديك يولدي معلمتك ماترافق عيال السوء
ابوفهد : عيالي ماهم عيال سوء الحميه والنخوه الموجوده بزوجتس وعيالتس هذي ماهو موجودة فيتس
جهير : استهدوا بالله انتم خوات وماله داعي موضوع مثل كذا يفرق بينكم
ام سطام : من حطينا رجلينا بهالقرية والمشاكل يوميا
هديل : يمه ماله داعي تقولين كذا كلهم تضررو ولو سطام مادافع عن ابوه من بيدافع هم حرقو مزرعه ابوي
ام سطام : اخوتس اخوتس ياهديل
هديل : الا مايجي احد ويطمنا
ندى : بدق على ميهاف
فرح : اكيد مشغوله فيهم
ندى : عالاقل تشوف اتصالي وتطمنا
ام فهد : دقي على زينب زينب هناك كانت
ندى : صح صح يلا بدق الو
زينب : هلا
ندى : طمنينا تكفين
زينب : يوه ياحبكم لتكبير المواضيع تطمنو مافيه شى كلهم بخير
ام فهد : زينب بنتي احلفتس باغلى شخص عندتس عيالي بخير
زينب : والله ياخالة كلهم بخير هايل انطعن برجله ويده بس مو عميقه وزامل انطعن بيده لما كان يبي يدافع عن هايل بس خفيفه
جهير : وخالد ودحيم وسطام كلهم شلونهم
زينب : كلهم بخير محد انطعن الا زامل وهايل وعبدالرحمن وسعيد راح فيها
ام عزام : ولدي بخير
زينب : اي ياخاله بخير بخير تطمنو
جهير : وسعيد وشفيه
زينب : تكاتفو عليه وطعنوه كلهم
جهير : الله يكسر روسهم ويديهم
ام سطام : الحمدلله الحمدلله ولدي بخير
ام فهد : عيالي انطعنوا
فرح : دقو على اهل عبدالرحمن
محمد : عمي ابوفهد
ام فهد : ها هذا محمد
جهير : محمد يولدي خل ولدك عندنا ورح للمستشفى بسرعه
محمد : وشفيتس عمتي وشصار
جهير : اخوك انطعن
محمد : وش السبب
جهير : تهاوشو مع حاره خلف
محمد : محذرهم انا طيب طيب سالم امانه عندكم
جهير : لاتوصي حريص رح لاخوك الله يهديهم
~~~ في المستشفى ~~~
محمد : عبدالرحمن وينه وينه
ابوفهد : صل عالنبي وش جابك انت من الرياض
محمد : وين اخوي ياعمي
ابوفهد : بالغرفه تعال وين رايح مانعين احد يدخل معه
محمد : والله مااخليهم لو يصير باخوي شى والله انا بايعها ومخربها
ابوفهد : محمد صحصح واهجد يكفي هذول اهلكم ماهم ناقصين
محمد : والله ياعمي مااخليهم وهذاني حلفت
ابوعزام : انت ظابط تخرب وظيفتك وحياتك عشان هذولي الوصخين عندك ولدك يبيك
محمد : ليش مابلغتو الشرطه
ابوفهد : عيالنا الي بينجرون هم الي بدو
محمد : وانا كلما رحت صار شى اهخ
~~~ عن هايل وميهاف ~~~
ميهاف : ليش سويت كذا
هايل : عند دمعه ابوي اسوي المستحيل ياميهاف
ميهاف : ولو صار لك شى دموع ابوك بتفيد
هايل : وشقصدتس
ميهاف : اسفه تعديت حدودي
هايل : تعدي كل شى انتي وصلتي لقلبي وروحي وبتصيرين من العائلة وزوجتي قولي الي تبين
ميهاف : بما ان كل ذا اجل خذ العلم ان شفتك مسوي مشاكل لاتلوم الا نفسك
هايل : مااسوي مشاكل من راسي كل شى وله سببه
ميهاف : وهذي النتيجه لاسبابك
هايل : خلاص تم مانيب مسوي شى
ميهاف : احمد ربك طعناتك ماهي عميقة
هايل : والحمدلله انتس عالجتيني انتي بعد ربي
ميهاف : ارفع يدك بحط لصق جروح
هايل : اسف اذا خوفتتس بس ماهان علي اترك حق ابوي يروح كذا
ميهاف : انا فاهمه عليك بس ماتروح وتهاجم وين عايشين فيه شرطه وفيه محكمه تحل كل شى
هايل : ان شاء الله اول واخر مره
ميهاف : افعالكم ذي خويك سعيد طلبنا نقل له لمستشفى فالرياض ماعندنا الامكانيه لعلاجه هنا
هايل : هم حاقدين عليه اصلا من البدايه وش السبب ماندري
ميهاف : حاول تعرف منه يمكن يعلمك وتوقفون حرب
هايل : أبشري
ميهاف : خلصت تقدر تطلع
هايل : بنام تعبان
ميهاف : اجل انا بطلع اشوف الباقين
هايل : لاخلتس خلي خويتتس تعالجهم
ميهاف : شكثركم وش تعالج وش تخلي
هايل : ارسل لها دحيم صح
ميهاف : اي تدري وش ردها
هايل : وش قالت
ميهاف : شدخلني يرسل لي مهف قليط
هايل : بيتحطم قلبه المسكين
ميهاف : ههههههههههههههههههههههههههههههه يعني بتقنعني انه يحبها
هايل : والله شوفي انا احس كذا بس كلما سالته صرفني الخروف
ابوفهد : هايل ابوي قمت
ميهاف : احم صار بخير تقدرون تشوفونه
هايل : اهخ اهخ يبه وشفيك علي
ابوفهد : وش هالحركات
هايل : كانت تقنعني اني افتح تحقيق ورفضت
ابوفهد : انتبه يجي صيتك على لسان احد وتفضحني سمعت
هايل : ابشر يبه
~~~ عند فاتن وعبدالرحمن ~~~
عبدالرحمن : اصابتي عميقه
فاتن : لو عميقه كان وديناك مع خويك للرياض
عبدالرحمن : من الي راح للرياض
فاتن : اعتقد اسمه سعيد طلبنا نقل له للرياض ماعندنا امكانيه نعالجه
عبدالرحمن : تكاتفو عليه الكلاب شفتهم وماقدرت اساعده
فاتن : كان حطوك جنبه زين ماتدخلت
عبدالرحمن : اسف اذا رسالتي خوفتتس او شى
فاتن : مااهتميت بس ماله داعي ترسل
عبدالرحمن : ارسلت لاهلي ومحد رد وقلت خل ارسل لتس
فاتن : غريبه اصغر واحد فالعائلة ومايهتمون لك
عبدالرحمن : محمد اخوي مقروشهم
فاتن : كويس عرفت سبب رسالتك بس لاعاد ترسل
عبدالرحمن : عادي اسالتس
فاتن : لا
عبدالرحمن : طيب
فاتن : بسالك خويك ذاك
عبدالرحمن : لا لاتسالين
فاتن : انعادت اللحظة ههههههههههههههههههههههههههههههه
عبدالرحمن : مشتاق لابوتس متى يجي
فاتن : انا الي بروح له
عبدالرحمن : ليه ليش
فاتن : وش ليش خلاص باقي شهر ونخلص تطبيق هنا بنرجع
عبدالرحمن : الحين من احارش
فاتن : طيوفك
عبدالرحمن : انتي ماتحبين صح
فاتن : ووشدخلك
عبدالرحمن : اضمن مستقبلي ههههههههههههه خلصتي
فاتن : اي فيه شى باقي تبين انظفه
عبدالرحمن : قلبي
فاتن : بطعنه
عبدالرحمن : نظفيه من حبتس
فاتن : شرايك بابره
عبدالرحمن : اهجدي لاتخليني اصارخ واناديهم عليتس
فاتن : ضربني وبكى سبقني واشتكى
عبدالرحمن : اقول اسمعي لاتشوفين نفستس ترا اطقطق
فاتن : اي اي ارقد لارجع لك
محمد : عبدالرحمن بخير
فاتن : اي تقدر تشوفه
~~~ في بيت ابوفهد ~~~
ام فهد : مجنون انت واياه واياه تروحون تسوون هوشه مانفكرون بامكم كل شوي مخرعيني عليكم
هايل : حقتس علينا يمه هاتي راستس ابوسه
ام فهد : وخر عني بتجيبون لي المرض ماعاد ادري الحق من فيكم فهد الي يبي يخرب بيته ولا زامل الي هاجر حرمته ولا سياف الي سافر ومارفع سماعته يتطمن علي ولا انت ياهايل طايح فالمشاكل
ابوفهد : فهد وشفيه وش مسوي
ام فهد : ولا شى
ابوفهد : تكلم ياولد لك لسان
فهد : ماسويت شى يبه يمكن امي قصدها قبل
ابوفهد : مااصدقكك نادو لي حريمهم
ندى : طيب
هايل : اسف يمه تكفين سامحيني والله ماتنعاد
ام فهد : يولدي لاتخلي عيوني تبكيك
هايل : وعد مني يالغاليه ماعاد اسوي شى يزعلتس من المزرعة للبيت
ام فهد : زين زين خلك عند وعدك
هايل : ابشري ولاتشيلين هم سياف ولاتواخذينه تراه توه عريس وفوقها هو خروف
ام فهد : هذا ماهو عذر انه مايدق يسال ويتطمن علينا
هايل : معليه انا بدق عليه واخليه يدق عليتس ويطمنتتس
~~~ في مجلس ابوفهد ~~~
ابوفهد : ادخلو ياابوي ادخلو
عفراء : قالت لنا ندى انك تبينا
ابوفهد : صحيح صحيح انا قايل لها تناديكم ياابوي بسالكم عيالي مقصرين معكم بشي لاتخافون منهم وتسكتون قولو لي
زينب : لا والله ياعمي مو مقصرين ليه سامع شى
ابوفهد : انا ابي اسمع منكم
عفراء : لا ياعمي مافيه شى
ابوفهد : هاجرتس زامل
عفراء : والله ياعمي له فترة كذا مايتكلم معي ولا يناضر بوجهي حتى ينام فالارض وانا وعيالي عالسرير
ابوفهد : غريبه وش صار بينكم
عفراء : مدري والله ياعم بس بما ان هالشي مريحه فانا سكتت وماكنت ابي اقول لخالتي بس انفجرت لما هو انفجر علي
ابوفهد : دموعتس لاتنزل ولانكسر ظهرتس عشان ماعندتس اب انا وراتس ومعتس ضد ولدي روحي الحين ومايصير خاطرتس الا طيب
زينب : غريبه توقعت انها قاويته انا ياعمي اروح
ابوفهد : روحي روحي زامل فهد تعالو
زامل : الله يستر
هايل : الزواج مشكله
ام فهد : بزوجك لاتتهرب
هايل : ابد تم يمه عرسي مع السنه الجديدة شرايتس
ام فهد : انتظرني افكر
زامل : هلا يبه
ابوفهد : انت ماتستحي على وجهك
زامل : وش سويت
ابوفهد : زوجتك وش ذنبها تحط الحره فيها
زامل : ماعاد اعرف لكم انا يوم كنت حاويها وانتم مابقى كلمه ماقلتوها ويوم سفهتها قلبتو
ابوفهد : وانت اما تحبي اما تبرك أسمعني يازامل ان ماتعدلت لاعدلك وانت تعرفني زين
زامل : طيب
ابوفهد : واذا البيت مضايقك لهدرجه الي مخليتك تنام فالارض قل لي احط لك بيت لحالك
زامل : لا مابي ابي زوجتي تساعد امي واختي
ابوفهد : فيه زوجة فهد
فهد : ابرجع للرياض انا
ابوفهد : انت اقطع واخس طالع منها
ابوعزام : السلام عليكم
ابوفهد : رح خلهم بسوون قهوة ودواك بعدين هلا اخوي تفضل تفضل
~~~ فالمطبخ ~~~
ندى : وشعنده عمي جاي بدون مواعيد
ام فهد : بيت اخوه يجي بدون مواعيد
فهد : زينب
زينب : هلا
فهد : وش قايله لابوي انتي
زينب : وشفيك خفت
فهد : عن اذنتس يمه امشي انتي
زينب : ساعدوني لو سمعتوني اصارخ
ندى : عزالله مغير مطاطقق هم وحريمهم تتوقعين يمه وش صار مع شهد وسياف عرفت له ولا وش صار
ام فهد : انا اقول خلي اللقافه وجهزي الفناجيل والتمر
ندى : أبشري
~~~ في غرفه فهد وزينب ~~~
زينب : كانك ناوي هواش فانتظر الين يروح عمك
فهد : تراه خالتتس
زينب : طيب وش تبي
فهد : وش قايله لابوي
زينب : خله هو يعلمك بطريقته
فهد : وش شاكيه منه وش مسوي لتس انا وش مقصر معتس فيه
زينب : وتسال بعد
فهد : اذا على موضوع هيام فانتي موافقة واذا على موضوع نسكن حاليا لحالنا فالرياض فانتي بعد موافقه وش مزعلتس
زينب : يمكن مابيك تتزوج
فهد : كان قلتي ليش تكابرين ومسويه مستغنيه
زينب : لاني جد مستغنيه عنك وودي احطك بصحن واقدمك لحبيبتك ببلاش
فهد : تطمني بكرا رايح اخطبها رسمي وصح اذا مهرتس جاهز عطيني اياه
زينب : جد صادق بكرا بكرا
فهد : اي
زينب : اجل دقيقة بعطيك المهر اخذته معي لهنا
فهد : خليه عندتس اذا مشيت اخذته
زينب : اتفقنا على شرطك باقي شرطي
فهد : بدون شروط طلعي لي ملابس بتروش
زينب : حبيبي ماتعدي هالبيت الا موافق على شرطي
فهد : اخلصي علي وش شرطتس
زينب : تطلقني هذا اتفاقنا من البداية
فهد : واذا مابي اطلقتس
زينب : تخسي تقول كذا
فهد : ماش ماتعرفيني انا قول وفعل وخري عن وجهي
زينب : والله ماتاخذ مهري اجل
فهد : واقف زواجنا على مهرتس ساحب قرض من مبطي
زينب : بعلم ابوك
فهد : علميه هو الي قايل خذ بنت عمتك وبعدها كيفك خذ الي تبي
زينب : بعلم اهلي
فهد : علميهم الشرع محلل لي اربع
زينب : كانك تسرعت لاتروح بكرا خله بعد ماتهدا المواضيع تخيل لو رجعو يتهاوشون مع اخوانك وانت بعيد وخزياه
فهد : اعترفي انتس ماتبيني اعرس وخلصنا
زينب : من قال انا اول المستغنين وماهميتني انا اهتم لسمعتي اكثر منك فبنتظر كم شهر وبعدين بطلب الطلاق
فهد : نتواجهه ذاك اليوم ههههههههههههههههههههههههههههههه
~~~ في بيت ابوسطام ~~~
ام سطام : خلوه لحد يفتح له
ابوسطام : ماهو بزر
ام سطام : محد خربهم غيرك خلهم علي
هديل : ههههههههههههههههههههههههههههههه ادعمتس يمه
سالم : حرام ليش حبستوه
هديل : اسكت لاتفصل علينا امي
ام سطام : اكلت فطورك ياحبيبي
ابوسطام : وشعندها امتس صارت تحن عليه
هديل : اليوم امي غريبه
سالم : اي اكلته
ام سطام : كله
سالم : اي كله
ام سطام : ولو رحت ومالقيتك مخلصه
سالم : لا واثق خلصته
ام سطام : شطور
سالم : بابا كانه طول
هديل : تبي الفكه منا اعترف لا لا اعترف
سالم : اشتقت له بس
هديل : تعال فوق نلعب
سالم : يلا
ام سطام : ياحبيبي هو
سطام : يمه تحنين على ولد الناس وولدتس حابسته
ام سطام : انت اسكت ولا كلمة
~~~ فالمركز الصحي عند عبدالرحمن ومحمد ~~~
محمد : ليش تبي تقعد هنا
عبدالرحمن : طفشت من القعده فالبيت
محمد : بتقعد هنا تحارش الدكتورة صح
عبدالرحمن : ماعندي غيرها
محمد : بقولك شى
عبدالرحمن : قل
محمد : انا قررت اتزوج
عبدالرحمن : تمزح صح
محمد : لا مو عشاني حبيت ولا عشاني ابغى اتزوج انا لا
عبدالرحمن : عشان من
محمد : عشان سالم
عبدالرحمن : ومن بتخطب
محمد : بنت ابوسطام سالم متعلق فيها مره وهو عندهم الحين فعشان كذا باخذها لان مقدر عليه لحالي
عبدالرحمن : باذن الله البنت فيها الخير ولاتخاف على سالم بما ان البنت ساعدته بدون مقابل فهي بنت اجاويد
محمد : انا فكرت كذا بعد
عبدالرحمن : والله ظلم تتزوج مرتين وانا للحين ماتزوجت
محمد : من ماسكك تلحلح واخطب الي تحبها وخلصنا
عبدالرحمن : الي احبها ماتحبني
محمد : قصدك الدكتورة فاتن
عبدالرحمن : اي حاولت اجس نبضها واضح ماهي يم زواح تبي ابوها
محمد : وانت اذا تحبها بتقوم بابوها معها
عبدالرحمن : بقوم بسلالتها كلها بس تبادلني هالحب
فاتن : منجده ذا وانا احسبه يمزح
ميهاف : كلنا نعرف انه صادق الا انتي
فاتن : عطيه علاجه
ميهاف : عطيه انتي فيه وحده جديدة معنا بروح اشوفها
فاتن : احم وقت علاجك خذه وهذا الماء
عبدالرحمن : يعطيتس العافية
محمد : شوي شوي على قلب اخوي يالدكتورة
فاتن : وكله العلاج بس
~~~~ عند ميهاف ~~~
ميهاف : وش اسمتس
خوله : اسمي خوله وانتي
ميهاف : اسمي ميهاف تشرفت بمعرفتس وش بغيتي
خوله : انا هنا متدربه انا ادرس اخر ترم تمريض ولازم تطبيق شهر وودوني هنا
ميهاف : اها مثلنا يامرحبا فيتس بيننا هذي خويتي فاتن
فاتن : ياهلا
خوله : ياهلا فيتس
ميهاف : فاتن هذي خوله ممتدربه جديدة
فاتن : دكتورة ايش
خوله : انا تمريض مو دكتورة
فاتن : تشرفت بمعرفتس ساكنه هنا
خوله : لا انا من الشرقيه بس خويتي هنا ساكنه
ميهاف : من خويتتس يمكن نعرفها
خوله : ماتوقع بس اسمها هديل
فاتن : المحامية ؟
خوله : اي هذي هي
ميهاف : اي نعرفها
خوله : في بيت لنا صح على مانخلص تدريب
ميهاف : اي بناخذتتس معنا وقت الروحه والجيه خذي راحتتس هنا
فاتن : وانتبهي تراهم مطافيق الي هنا
خوله : معليتس عندي ههههههههههههههههههههههههههههههه

انتهى البارت

خوله : شخصيه مرحه وتحب الحياة والمشاكل صديقة هديل والروح بالروح تحب تحارش الكل وقويه تدرس تمريض اخر سنه عمرها ٢٣
ابوخوله : اسمه الكاسر ظابط صديق وجار ابوسطام عمره ٥١
ام خوله : اسمها منال مدرسه وصديقه وجاره ام سطام عمرها ٤٥

| قراءه ممتعة واجازة سعيد 💪🏻💙💙 ،، اي احد يكتب هنا مقدر ارد عليه الواتباد يرفض اذا تبغون اي حاجه تخص الروايه تعالو انستا تحصلون حسابي باحد البارتات الي قبل شكرا لدعمكم الحلو وشكرا لـ٩١ قارئ ❤️❤️❤️