"جابك الله في زحام العمر صدفة "

60

~~~ صباح يوم جديد في بيت ابوفهد ~~~
ابوفهد : اصبحنا واصبح الملك لله وش هالزبايل الواجده الي عندنا يام فهد
ام فهد : امس طلعنا وحده وحاطينها وسط الزباله واكيد اخذتها البلديه هذي من حقته
ابوفهد : اللهم اجعله خير
فهد : بشوف وش داخلها
زامل ؛ اكيد زبايل
فهد : يبه ذي ملابس وشناط واشياء بنات
ابوفهد : من حقته ام فهد اسالي بناتس من منطله اغراضها
ام فهد : يابنات وينكم
ندى : هلا يمه وشفيتس
ام فهد : منهي الي منطله اغراضها باكياس زبايل وحايسه الباب حوس
شهد : مارميت شى انا
عفراء : ولا انا
هيام : ولا انا ياخاله
ندى : وانا وفرح مارمينا شى
فرح : خل نروح نشوف
~~~ عن باب البيت ~~~
ابوفهد : ها من طلعت حقته
ابوعزام : وش هالحوسه وانا اخوك الي عند بابكم شايفها وانا رايح للمسجد لصلاة الفجر واستغربت
عزام : يمكن سياره البلديه خربت وطاحت من الزبايل هنا
هايل : الغريب انها ملابس ماهي زبايل
فرح : يمه هذي اغراضي
ام فهد : متاكده ركزي زين
فرح : يمه والله اغراضي والله
ابوفهد : من حاطها كذا
فرح : هذي اغراضي الي عند بيت اهل زوجي يايبه
ابوفهد : افتحي جوالتس
فرح : بالغرفه
ندى : انا بجيبه
سياف : ادخلو داخل البيت وعينو من الله خير وبنفهم كل شى ان شاء الله
ابوعزام : انا بفتح المحل استاذنكم امش ياعزام
عزام : يوه يبه كنت ابي اعرف وش صاير
ابوعزام : واضح وش صاير وانت غبي مافهمت
عزام : لا فهمني
ابوعزام : خويلد طلق بنتهم
عزام : مستحيل
ابوعزام : ابوه جني يسوي كل شى امش امش نفتح المحل
~~~ في مجلس الحريم ~~~
فرح وهي تبكي : يبه خالد طلقني طلقني
ابوفهد : اخس يابن الكلب سويتها
فهد : حتى حرمتي ماهي موجوده
ابوفهد : وشلون تطلع بدون ماتعلمك
فهد : شلون طلعت شلون عرفو اهلها انا ماخذ جوالها
فرح : يبه خالد طلقني وبيتزوج
ندى : عطيني اقرا اخس يالخسيس ويعزمها بعد
ابوفهد : عطوني مويه
فرح وهي تبكي بحرقه : اهخخ يايمه تطلقت وانا توني ببدايه العشرين يايمه مابي اتطلق ابي خالد احبه وابيه يمه تكفين لايتزوج
~~~ فالمطبخ ~~~
شهد : شفييتس تصيحين انتي بعد
عفراء : شهد بقولتس شى تكفين لاتعلمين احد
شهد : وش مسويه
عفراء : انا عطيت جوالي زينب ودقت على اهلها بس والله ماكانت نيتي تتطلق فرح
شهد : وش ملقفتس تعطينها يالنكبه شايفه حاله البنت
عفراء : خايفه يدري زامل ويطلقني خايفه
شهد : الحين خفتي وحسيتي خلاص اهدي ندى جايه للمطبخ
~~~ في مجلس الحريم ~~~
فرح : يمه حرق قلبي حرقه ابوه السبب ابوه يجبره هو مايسوي كذا
ابوفهد : ها عجبك الي صار عساك مرتاح وانت تشوف حاله اختك
فهد : يايبه
ابوفهد : اص ولا كلمه انا مع زينب ضدك ومتاكد انها حاولت تمنع يطلقون فرح بس انت يالخسيس وش سويت رحت اعرست ولافكرت باختك وانتي اسمعيني ماعاد ابي اسمع اسم الخسيس خالد هنا سامعه ولالا وماهو بس هو الي يتزوج ويحرق قلبتس انتي الف واحد يتمناتس واذا ودتس تدعين فخلي اخوتس اول واحد انقلع عن وجهي
فهد : فرح يابوي سامحيني والله ماتوقعت توصل لهدرجه
فرح : وش توقعت يتقبلوني بينهم وانت ضربت واهنت بنتهم وكنت بتسقط الي ببطنها وفوق كل هذا تزوجت عليها خالد ماسوى الي سويته باخته وش استفدت يافهد وش استفدت من بدايه هالزواج وانت ناشب بحلقي لا هو خطاي ولا هو خطا خالد ولا زينب الخطا منك انت وابوي كل هالزيجه بسببكم
فهد : سامحيني وانا اخوتس سامحيني
فرح : وخر عني
ندى : الا ماتهدا وتكلمها انت بهدوء
هايل : حتى ولو تزوج فهد هذي فعله يسويها يحط اغراضها باكياس زبايل وعند باب الشارع وفوقها يرسل رساله مثل وجهه والله ماخليه هات يبه مفتاح السياره هاتها
ابوفهد : وش بتسوي باي وجه بتروح
هايل : بروح وانا رافع راسي من فعول اختي وانا رايح اعاتب خالد وابوه على الي مسوينه بفرح فهد مايستاهل احد يدافع عنه
ابوفهد : اقعد اقول محنا فاضين مشاكل وانت رح طلقها فالمحكمه اخلص
فهد : بس
ابوفهد : ان كانك تعد نفسك رجال تكلم وعارض كلامي
فهد : بروح خلاص بس ولدي يايبه ابيه
ابوفهد : لو يهمك ولدك ما رحت تزوجت على امه
فهد : ذا غير وذا غير يابوي انا عارف انها بتحرمني من شوفته
سياف : وش له سبق الاحداث خله الين يجي عالدنيا وبعدين شل همه
ابوفهد : خل الي حبيتها تنفعك
ندى : يبه الفطور جاهز
ابوفهد : مابيه بالعافيه عليكم بروح افتح المحل لحد يلحقني
هايل : بس يبه
ابوفهد : كلامي واضح اظن
زامل : خلوه يبي يقعد لحاله
~~~ في غرفه فرح وندى ~~~
شهد : خلاص يافرح قطعتي قلبي من صياحك مايصلح عالبيبي
فرح : مقهوره مقهوره ياشهد هذي نهايه عشرتنا يرمي اغراضي باكياس زبايل وعند الزباله حاطهم
ندى : يمال الكسر الي يكسر يديه
هيام : هذي فعول زينب الي حبيتوها علي
ندى : تكفين محد رايق لتس قولي شى زين ولا اسكتي
عفراء : شدخل زينب فرح متزوجه خالد ولا اخته
ندى : كل هالبلاوي من تحت راس ابوه عمتي وزينب وخالد مايسوون هالحركات مستحيل
فرح : بيتزوج ياندى بيتزوج محروق قلبيي
ندى : بسم الله عليتس ياحبيبتي
شهد : واذا تزوج انتي بعد بتتزوجين هي الدنيا واقفه عليه
عفراء : ليتنا من كلامتس سالمين
ام فهد : وش متجمعين له يله كل وحده على غرفتها وانتي ندى اطلعي
ندى : ابشري يلا يابنات
ام فهد : ليه تبكين ليه وهو يضحك ليه
فرح : تبيني اضحك واشغل اغاني ارقص يايمه
ام فهد : مايستاهلتس يابنتي لا هو ولا اهله كلهم قومي غسلي وجهتس يابنتي وكلي لقمه عشان الي ببطنتس هالضعيف
فرح : مو مشتهيه شى بالعافيه عليكم
ام فهد : الي تبينه
~~~ بمجلس الحريم ~~~
شهد : وش بيسوي عمي مع الموضوع
ندى : هايل يبي يروح يتهاوش معهم وابوي موقفه ويبي فهد يروح يطلق زينب
شهد : يعني يشوف هذا حل لا ابدا مو حل والي ببطونهم ؟
ندى : خالد بيعرس وبيجيب عيالي ماهي واقفه على ولد فرح وفهد معرس ومخلص
عفراء : حتى ولو وش ذنب الاطفال يعيشون بدون اب وام
شهد : انتي بالذات اسكتي
عفراء : يزعلكم الحق
شهد : مايزعل غير الي يقول الحق وهو مايدل دربه
عفراء : سكتنا خلاص اقول ليكون بنسمح لذي هيام تتداخل معنا
ندى : هذا همتتس الحين انا همي اروح للرياض وانتف شوشه زينب اصلا شلون اتصلت على اهلها وجوالها مع فهد
شهد وهي تناظر عفراء : الله اعلم
عبدالله : ماما ماما عمتي زينب تتصل
ندى : هاتي الجوال الو نعم شتبين
زينب : هلا ندى شلونكم
ندى : من طلعتي من البيت وحالنا صار يجنن ليتس من زمان طالعه يازينب
زينب : مالي نيه ارجع الله يديم حالكم عليكم كنت ابغى ام عبدالله وينها
ندى : وش تبين فيها تبين تخلينها تسوي مثل حركتتس ولا وش
زينب : ندى لاتقللين ادبتس وانتي عارفه اني مظلومه والسبب اخوتس
ندى : شايفه فعايل اخوتس الرخمه ماقدر يواجهه الرجال قام نطل الاغراض عند باب الشارع
زينب : النقاش معاتس عقيم
ندى : وتقفل الخط بوجهي حسبي الله
شهد : خلاص ياندى لاتكبرونها هو طلق فرح وفهد بيطلق زينب وانتهينا
ندى : تحسبين الموضوع هين على فرح ماهمني فهد ولا زينب ولا خالد كل همي فرح
شهد : والحين تشوفين عصبيتتس وكلامتس منه حل
ندى : حتى ولو المهم بردت قلبي
شهد : الله يهديتس بس بروح اشوف سياف وش عنده دخل الغرفه بدون مايناديني
عفراء : من الحين اعلمتس بيطلع كل حرته فيتس مثل ماسوى فيني اخوه
شهد : لاتقولينها تهاوش معتس
عفراء : لا بس قعد يرفع صوته ويدخلني فالموضوع وانا مالي دخل
شهد : مالتس دخل
عفراء : اسكتي بس لو درا حطني بصينيه زيت وقلاني لكم
شهد : رايحه اشوف سياف وجايتتس
عفراء : اتحراتس
~~~ بغرفة شهد وسياف ~~~
شهد : غريبه دخلت الغرفه بدون ماتنادينا
سياف : ابرقد اطلعي
شهد : فيك شى
سياف : وتسالين بعد الله يهديتس شايفه الي صار والله لو ماابوي ماسكنا اني لامسك خط الرياض وبجهي عند خالد
شهد : وطيب لو سويت كذا وش بتستفاد
سياف : مالي خلق كلامتس المنطقي والواقعي الواحد اذا بخاطره يسوي شى يسويه
شهد : عشان كلامي منطقي وواقعي ماتبي تسمعه
سياف : اي
شهد : خلاص طيب يله خذ مفتاح سياره اخوك فهد ورح ومر اخواني معك بعد واضربوه وبيشكيكم وبعدين؟ انا فاهمتك ياسياف بس ماهو كل شى ينحل بهالطريقه صدقني لو هذا الي بتسويه حل كان عمي ماوقفكم خلاص هو طلق فرح واخوك بيطلق اخته انتهينا انتهى كل شى بينكم
سياف : ونسكت يسوي كذا باختي ونصفق له
شهد : لا لاتصفق له اصفقه
سياف : ههههههههههههههههههههههههههههههه
شهد : ياجعل محد يضحك غيرك بس وانا صادقه تصفقه فرح وتروح تعرس وتشوف حياته مايستاهل تنزل دمعه عليه ولا يستاهل تقومون الدنيا وتعكرون مزاجكم هذي هي الدنيا ياسياف حتى انا وانت ماندري وش يصير فينا بعدين صح ولالا لاتضحك اتكلم من جدي
سياف : لا ان شاء الله مايصير لنا شى والله يخليتس لي يام عيالي
شهد : اي بدينا تبي تكبرني
سياف : الله يسعدتس يابنت العم مدري وش بسوي بدونتس
شهد : بنت العم لها اسم اظن
سياف : نسيته
شهد : حلوو حلوو مردوده ياولد العم ارقد
سياف : النوم ماانخلق لعيون الذيبان رايح اقول كلامتس لاخواني
شهد : ههههههههههههههههههههههههههههههه اجل مايعجبك كلام المنطق والواقع
سياف : الا منتس انتي يعجبني
شهد : خلاص تصافينا بروح لام عبدالله طولت علينا اراضيك
~~~ في بيت ابوسطام فالشرقيه ~~~
هديل : يامرحبا ومسهلا تو مانورت الشرقيه
ميهاف : بوجودتس حبيبتي
ام سطام : ليه كلفتي على نفستس يابنتي ليه
ميهاف : حق وواجب ياخاله
هديل : خوله بتجي بعد شوي عندي لتس سوالف
ام سطام : جهزت القهوه والشاهي فالملحق الي تحت ابروح لجيراننا عازميني
هديل : زين يمه بحفظ الرحمن وسطام وابوي وينهم
ام سطام : سطام فالاستراحه وابوتس عازمه ابوسعود
هديل : زين زين

انتهى البارت

قراءه ممتعة يااصدقاء 💞 اعذرونيي لاني حييل تاخرت عليكم ولكن كانت فتره اختبارات وانجبرتت انييي اقطع عن الروايه ولكن باقي لي اختبار واحد واخلص وبركز على الروايه اعرف كثييير شايف ان فيه مماطله فالموضوع ويتكرر علي هنا وفالانستا تعليق متى بتخلص الروايه ؟ ياجماعه الروايه بكل الاحوال رح تنتهي ولكن مابغى انهيها بطريقه مستعجله بما انها حصلت على اعجاببب كثييير وكثييير ناس جالسه تقرا لييي ولروايتي فحرام اضيع حماس الفئه الي ماودها تنتهي الروايه بس اكيد رح تخلص الروايه بس لاتستعجلون لسى فيه بارتات باقيه القصه للحين ماانتهت وبخصوص اخر بارت نزلته جاني كلام مو طبيعي ! ياعالم هذي قصه خياليه ماهي حقيقه لاتبالغون لهذي الدرجه واتمنى قبل تكتبون اي تعليق تذكروا ان انسانه رح تقراه وقبل ترسلون اي رساله فكروااا قبل تكتبونها وبالنهايه هذي قصه خياليه مالها في الواقع صله ،، وبخصوص اني اطول فالبارتات فيه كثيير يرسلون بادب واحترام متى تنزلين ترا اشتقنا ترانا متحمسين من هذا الكلام الحلووو بس الفئه الثانيه ؟ اقسم بالله اني انسانه انشغل مثلكم واتعب مثلكم والقصه ماهي جايتني جاهزه وعلطول انزلها لكم لا انا اجلس اربع خمس ايام افكر بحوارات واحداث وافكار جديده واحاول ارضي جميع الاطراف يعني تخيلو اكتب بارت وانزله وتجي وحده تقول لي ليش خليتيهم يسوون كذا سوي كذا اكتبي كذا معليش بس سلامات انا اكتب واتعب واخر شى تجي وحده عشان ماعجبها الحدث تبيني اغيره بس اتمنى انكم تبطلون هالكلام صحيح انا كاتبه ونزلت روايه ومن حقكم تطلبون بارت واذا تاخرت تسالون بس مو بهالاسلوب ،، اعتذر طولت عليكم بالكلام بس من نزلت البارت وانا بخاطري اقول هالكلام واتمنى تتفهمونه وشكراا لدعمكم الحلووو واعذروني لتاخيري باذن الله رح احاول بقدر الامكان انزل لكم بارتات بشكل شبه يومي ومابطول عليكم ودعمكم للابد بقلبيييي
💙💙💙💙💙💙💙💙💙💙 اكتبوا تعليقات حلوه مثلكم بقراها