~~~ يوم جديد وعصر جديد زواج سلمى وفارس~~~
تجهزت العايلة ورتبو صواني الحلا والقهوة والتمر والشاهي واطفال يركضون ويلعبون والعروس متوترة والعريس للحين عند الحلاق وتزوجو وانزفوا لبيت اهله وانتهى العرس وجت الساعه ٢ فالليل وتجمعو الرجال عند ابوفهد والحريم عند ام فهد كالعادة
~~~ في مجلس ابوفهد~~~
هايل : العرس خلص ليش قلبو بيت ابوي عزيمة
عبدالرحمن : لو اني قاعد فالمستشفى ماهو ابرك لي
ابوفهد : هايل رح شف من يطق الباب
هايل : ابشر يبه
عبدالرحمن : جاي معاك
راح هايل وعبدالرحمن عند الباب وشافو رجال ساطع البياض ومعه عصا وتحت رجوله تمشي نمل
عبدالرحمن : تعرفه
هايل : لا وانت
عبدالرحمن : ماعمره شفت بكل القرية
هايل : تفضل ياعم من بغيت
الرجال كان صوته ضخم ويخوف شوي
الرجال : ابي جدكم محمد وينه
هايل : اي يمكنه من اصدقاء جدي الي فالرياض ابشر ياعم بناديه لك
عبدالرحمن : لاتخليني لحالي معه شكله مريب النمل تمشي تحته ومارقته نعوله
هايل : اسكت انت يمكنه خوي جدي
عبدالرحمن : والله ماظنتي
هايل : جدي فيه رجال برا يبيك
الجد محمد : من هو ماقال لكم اسمه
هايل : حاولنا فيه بس قال نادو جدكم وهو اول مايشوفني بيعرفني
الجد محمد : بسم الله نروح نشوفه وينه ياعيال
هايل : بسم الله وين اختفى كان هنا عبدالرحمن
عبدالرحمن : صح كان هنا
الجد محمد : كيف كان شكله
هايل : كان لابس ثوب ابيض ومن قو بياض ثوبه شوي وبيعمي عيونا وعصا سوداء ونظارات سوداء
عبدالرحمن : وتحته نمل بس مارقاه ابدا
الجد محمد : هذولي هم النمل وخرو بوطاهم بسم الله
هايل : لا ياجدي حرام لاتجيهم
الجد محمد : مايصلح يولدي خلاص وطيتهم واخر مره تكذبون انا الشايب وانتم الي خرفتو
هايل : بس والله شفناه شفته بعيوني ياجدي
ابوفهد : وش صار ياابوي من طلع يبيك
الجد محمد : عيالكم خرفو
سياف : ماتتركون حركاتهم
هايل : اقسم بالله شفناه ياسياف وتكلم معنا
فهد : خلصنا يافله انت واياه جدي رجلينه تعبانه وقفوا هالحركات يالورعان
هايل : والله لانثبت لهم
عبدالرحمن : وكيف ياذكي
هايل : امش نطلع وندور بحارتنا يمكن نلقاه
عبدالرحمن : ولد اهجد الساعه ٢ وفيني النوم اهجد
هايل : قم يادحيم ماوراك شى قم
عبدالرحمن : الله يستر منك والله
ابوفهد : وين رايحين
هايل : نبي ندور الرجال الي نادى جدي
ابوفهد : بهالليل انت واياه
عبدالرحمن : ولدك الي اجبرني
ابوفهد : ادخلو داخل يلا من اصبح افلح
هايل : الوعد بكرا
عبدالرحمن : الحين شلون اروح للبيت طقتني ام الركب
خوله : هذا الي ساكن معنا
فاتن : اي وباقي اخوه
خوله : لو سمحت
عبدالرحمن : هلا اختي
خوله : وصلنا للبيت حقكم
عبدالرحمن : أبشري بس انتظر اخوي وولده
محمد : عسى ماتاخرت
عبدالرحمن : لا معليك يلا مشينا
~~~ في بيت ابوفهد غرفه عفراء وزامل ~~~
عفراء : مالي قعده فالبيت
زامل : تدلين بيت اهلتس روحي
عفراء : من غيرك علي انت
زامل : افعالتس اذا ناسيتها
عفراء : بس انا تبت ومثل ماانت شايف مايشكون مني اهلك
زامل : تبينها باختصار انا مااحبتس ولا ابيتس
عفراء : عارفه ان اهلك غصبوك تاخذني بس انا شذنبي
زامل : لا هو ذنبي ولا هو ذنبتس ولا تتوقعين اني اطفشتس عشان اتزوج عليتس انا لو طلقتس بجلس اربي عيالي
عفراء : هذا اخر كلام عندك
زامل : اي
عفراء : طيب طيب يازامل اقعد نام لحالك
زامل : ابركها ساعه
ندى : بسم الله ليش مانطقين الباب
عفراء : مكتومه ياندى بطق بنفجر من حركات اخوتس
ندى : وش مسوي بعد بذا الليل
عفراء : قالها لي باختصار مايبيني ولا يحبني انصحيني وش اسوي
ندى : والله هو اخوي ومابي اخرب بيته شورتس بيدتس
عفراء : والله لاحرق قلبه وخلتس شاهده
ندى : فكوني انا بس وخليني انام
عفراء : جايتتس تطبطبين علي تقومين تنامين
ندى : مشاكلكم ماتخلص ليش ماتعودتي
عفراء : اول مره يقول لي كذا عالاقل ليته مشى على تسليكه لي
ندى : الي ببالتس سويه
عفراء : بطلب الطلاق
ندى : تستهبلين صح
عفراء : لا بتطلق ويروح اتزوج شخص يهتم فيني ويحبني
ندى : وعيالتس
عفراء : قالها اخوتس هو بيربيهم
ندى : كذا ببساطه ٧ سنين متزوجين وتروح بكلمه
عفراء : تعبت من تجاهله حاولت اصلح بيننا اصلا مدري وش سبب تغيره واساله ويقول افعالتس
ندى : عاد افعالتس قبل ماتنغفر
عفراء : بس انا تغيرت وانتم شاهدين صرت معكم واقوم بشغلي
ندى : يمكن بباله وحده
عفراء : لا هو يقول لا
ندى : نامي عندي الحين يابنت الحلال ومن اصبح افلح
عفراء : محروق قلبي
ندى : بسم الله عليتس نامي نامي
~~~ صباح يوم جديد في محل ابوفهد ~~~
هايل : يافتاح ياعليم يارزاق ياكريم اشتقت لعزام
ابوعزام : مامدا خلص عرس اخته راح لشغله
هايل : اي ياعم كل يركض وراء حياته
ابوعزام : الا انت جالس من البيت للمزرعه للمحل وهكذا
هايل : وشتبيني اسوي ياعم
ابوعزام : توظف واعرس بعيد عن هالقرية
هايل : مقدر اترك اهلي ولو اعرست بجلس هنا
ابوعزام : اهلك كلهم تزوجو بقى انت
هايل : ان شاء الله
عبدالرحمن : صباح الخيرات عمي وولد عمي شعندكم
ابوفارس : وينك انت سنه على ماتفتح محلك
عبدالرحمن : ليش ماقلتو لي انه ينتظرني سم ياعم
ابوفارس : ابشتكي على جيراننا
عبدالرحمن : متاكد من العنوان
ابوفارس : ماهو انت الي تعطيهم البيوت جاي اشتكي
عبدالرحمن : انا عقار مانيب مركز الشرطه فرق ياعمي
ابوفارس : ومن قال جاي عشان اشوف وجهك جاي اسال وين اخوك هو الشرطي
عبدالرحمن : اخوي ظابط فالرياض ماهو بالقريه
ابوفارس : عزالله مامنكم فايده
هايل : حشره ههههههههههههههههههههههههههههههه
ابوعزام : ليه يابو فارس وش تشكي منه
ابوفارس : مشغلين اغاني ٢٤ ساعه وصوت صراخ وبزران
عبدالرحمن : بس انت ماعندك جيران
ابوفارس : الا الا بيتهم ماعنده سيارات بس داخل ازعاج ازعجو راسي انا وحرمتي وولدي
هايل : متاكد عبدالرحمن ان مافيه احد ماخذ البيت
عبدالرحمن : مثل ماني متاكد انك قدامي متاكد البيت الي جنب بيت عمي ابوفارس فاضي محد خذاه
هايل : بسم الله الرحمن الرحيم خلاص ياعم ابوفارس مايصير خاطرك الا طيب
عبدالرحمن : وش بتسوي
هايل : والله مدري ماجاء في بالي شى نقدر نسويه
ابوعزام : خلوه اذا تشكى زياده ماهي مشكلتنا يغير بيته بعد بنحارب الجن
هايل : تتذكر عبدالرحمن وش صار امس
عبدالرحمن : وش صار
هايل : يوم اختفى هذاك الرجال الي يبي جدي
عبدالرحمن : ايه وش جاب طاريه
هايل : معقوله هو جني بعد
عبدالرحمن : ماتوقع يارجال شكله شكل انس بس يمكن تاخرنا عليه وراح
هايل : فاتنا ماشفنا رجله اليسار
عبدالرحمن : اخر اهتماماتي يرجال علي شغل متكدس مفجرين التليفون
هايل : اي الله يعينك تصدق فينا قطاعه
عبدالرحمن : لاتصفني معك
هايل : سعيد منقول للرياض ولحد منا راح يشوفه
عبدالرحمن : انا مقدر اتنفس خارج القرية
هايل : يا هالتسذوب لو الدكتورة راحت للرياض طلعت عذر ورجعت عند اهلك
عبدالرحمن : عاد هي غير وسعيد غير
هايل : الي لقى احبابه نسى اصحابه
عبدالرحمن : كان لك نيه رح له انت بالنيابه عنا كلنا
هايل : لو اقدر اروح رحت ابشوف عزام بخليه يمر عليه هو وخالد
عبدالرحمن : اي انسباء بالاسم
هايل : للحين ماوافقنا على عزام اهجد
عبدالرحمن : الله يوفقهم وعقبالك
هايل : تتوقع لو اروح بدون وظيفة يوافق ابوها
عبدالرحمن : ومن قال ماعندك وظيفة هذاك تشتغل بمحل ابوك وابوسطام وعد ابوك يدخلك بشغل البنك المره الاولى اخطب واحجز وبعدها شف شروطهم وعليها توظف فالبنك وعاد خلاص ملكو واعرس
هايل : يارب تمشي بالساهل كذا
عبدالرحمن : سهلها وتسهل يارجال
هايل : الا ابسالك وين ذاك المحامي الي كان يدور عليك
عبدالرحمن : انا انشغلت بعرس اختي وهو شكله كنسل مارجع لي مره ثانيه ليه تسال
هايل : طلع ولد عم البنت الي احبها
عبدالرحمن : خايف منه ههههههههههههههههههههههههههههههه
هايل : لا يخسي انا خايف على مستقبلي يروح وهو يسبقني
عبدالرحمن : خلاص انتظرها تخلص تدريبها ورح اخطب
هايل : بسال جدي
عبدالرحمن : وابوك
هايل : لو وافق يجي مااقول لا بس هو متهاوش معه
عبدالرحمن : معليك يولد العم سهلها وتسهل
هايل : ان شاء الله الله يجعلها من نصيبي
عبدالرحمن : امين
~~~ في بيت عبدالرحمن ومحمد ~~~
محمد : يلا يابابا سالم قم جدتك مشتاقه لك نبي نروح لها
سالم : طيب بنرجع هنا
محمد : والله ودي نجلس هنا بس شغلي ومدرستك فالرياض وفتره وعمتك شهد تصير عندنا فالرياض وتلعب معها
سالم : طيب خلنا نروح
محمد : شاطر ولدي الرجال الله يحفظك ياابوي يلا مشينا
خوله : اما ذا الورع عنده ولد
فاتن : كلهم هنا متزوجين
خوله : كيف تحملتو اربع شهور هنا انا شهر واحس بكتمه
فاتن : تحملنا غصب عنا
ميهاف : لا غصب ولا شى حتى ودي يزودون مده التدريب
خوله : وش عاجبتس بهالقريه بالله
ميهاف : كل شى ناسها حلوه وجمعاتهم وبساطتهم وروحهم الحلوه
فاتن : تتسذب عليتس ترا تحب لها واحد وحبت ديرته من حبه
خوله : اوهه طلعتي مو هينه الله يخليكم لبعض عاد رقني عندتس لا جاء عرستس اعزميني
ميهاف : ابشري
خوله : اجل انتي المدبوله كبدتس مثلي
فاتن : مابعد شفتي شى تحملت فوق طاقتي انا
ميهاف : خلو الهذره الزايده وقومو نروح للمركز تاخرنا
خوله : يلا يلا
~~~ فالسوق ~~~
ابوفهد : وش جابك هنا يابو خلف
ابوخلف : جاي اصفي الحسابات ودخلت عيال حارتك لحارتك ماهي عاجبتني وتضررو عيالنا وجايين ناخذ حقهم
الجد محمد : لايغيرونك الورعان يبوخلف وخل جيتك هذي تصافي الفلوب
ابوخلف : ماني جاي اصفي قلبي مع اشكالكم جاي اخذ حقنا ونمشي
فهد : اقول انقلغ برا حارتنا
ابوخلف : اص ولا كلمه مالي كلام معك ماشكيت للشرطه عن دخلتهم وهوشتهم الي سووها لان ابي اخذ حقي بيدي
ابوسطام : ماشكينا للشرطه عن حريق مزرعتنا
ابوخلف : اعدائكم واجد ومحد يبيكم هنا دورو الي حرق مزرعتكم
هايل : ولدك خلف وجماعته الي حرقوها محد بحارتنا يدخن
ابوخلف : غلطان عدوكم بينكم فتحو عيونكم زين ولدي مايدخن والي مطلع عليه هالكلام هو الي مسويها
هايل : تخسي
الجد محمد : اهدو ورجع رجال حارتك مارح نفتح دفاتر الماضي
ابوخلف : كان قصدك رفضكم لي اني اخذ اختكم فالله عوضني باللي افضل منها ودفاتر الماضي بتضل مسكره وهاليوم بعديه لاجل شيباتك بس لو تطاولتو محد رح يمسكنا
الجد محمد : على خير ياعيالي
ابوعزام : شفيك يبه
الجد محمد : ودوني المستشفى
ابوفهد : هايل فهد شيلو جدكم
ابوسطام : خطاه السوء وش فيه
ابوفهد : ماهو بخير ابوي
ميهاف : بسم الله تونا داخلين وشفيه
هايل : فجاه طلب نوديه للمستشفى
ميهاف : وش يوجعك ياعم
الجد محمد : فيه حمام فوق راسي ازعجوني يبنتي اذبحيهم
فاتن : قيسي الظغط والسكر
خوله : ظغطه مرتفع والسكر منخفض
ميهاف : لازم تودونه للرياض ماعندنا الامكانيه
هايل : مستشفى هالفاضي
فاتن : لاتنافخ جدك مصاب بجلطه فالراس واحنا مركز صحي ودوه ضروري للرياض
ابوفهد : وش تنتظر شغل السياره
ابوسطام : تعالو حطوه فسيارتي
ابوفهد : يبه نكفى تماسك الين نوصل تكفى
الجد محمد : يولدي لو صار لي شى تكفون اختكم تكفون اختكم تكفون اختكم لاتخلون ولد الناس يهينها لاتنسونها مثل مانسيتو اختها المرحومه ولاتنسون تزورون امكم واختكم وابوكم
ابوعزام : تكفى يايبه لاتقول كذا بترجع بخير
الجد محمد : اوصيكم بحريمكم وعيالكم عاملوهم مثل ماكنت اعاملكم ولو احد يطلبني سددوه استودعتكم الله ياعيالي
ابوفهد : يبه تكفى يبه استعجل يبوسطام
ابوسطام : ابشر ابشر
انتهى البارت
قراءه ممتعة 💙💙
أنت تقرأ
"جابك الله في زحام العمر صدفة "
Poetryرواية "جابك الله في زحام العمر صدفة" ( احداث الرواية قديمة جدًا تعود لزمن قديم جدًا زمن العيش فالقرى والحياة البسيطه والروح الحلوة تعود حياة القرى التي تحكمها العادات والتقاليد الي البنت لولد عمها والولد لبنت عمه وغير القرايب ماناخذ عادات وتقاليد قد...
