"جابك الله في زحام العمر صدفة "

12

فهد : سياف فيه شى طمنوني؟
فاتن : وش صار فيه
ميهاف : ضعفت نبضات قلبه ورجعت للوضع الطبيعي
فاتن : هذا يعتبر دليل انه بيصحى
ميهاف : فيه استجابه في حالته ان شاء الله رح يصحى
~~~ في بيت ابو فهد ~~~
فالليل وفي حوش بيت ابو فهد عند شبة النار والحطب هايل يقرا رسالة حبيبة قلبة وهو يقرا ويتمعن كل حرف مكتوب وقد ايش كل كلمة كتبتها ميهاف لها تاثير خاص بقلبة حس كان قلبه الي كتب الرسالة وكان يقرا رسالتها بكل حُب ضحك وهو يشوف ختام رسالتها حس انه اثر عليها بحبة للشعر ميهاف ختمت رسالتها بقصيدة لان تعرف ان هايل يحب الشعر .
ندى سحبت الورقة من هايل وهو للحين تحت تاثير الكلام طولت صوتها وهي تقول :
مايجيبك طيب حظ ولا تجيبك طيب سمعه
انت نعمه ماتجيبك غير دعوة مستجابه
اذكر اني قبل اعرفك داعيه الله عصر الجمعه
وجابك الله والله اعلم وافقت وقت استجابه
ندى : اوه منهي الي كاتبه لك هالقصيدة
هايل : هاتي الرسالة
ندى : قبل اعطيك الرسالة تراك وعدتني تعلمني يلا الشاهي والفصفص جاهز تكلم
هايل : ياحبتس للقافه بس بما انتس معزمه تعرفين ابقول لتس هذي ياطويلة العمر الدكتورة عطتني هالرسالة يوم كنا بالمستشفى
ندى : تعطيك رسالة كذا بدون مبادرة منك قبل
هايل : خلاص ابهرج كل شى هذي الدكتورة ميهاف احبها لي مدة وكتبت لها رسالة من فترة وهي الحين ردت لي
ندى : اي ووش فهمت من ردها
هايل : انها تحبني
ندى : ووش ناوي تسوي
هايل : كثرت سوالفتس اشوف
ندى : تصدق انا معك قلبا وقالبًا
هايل : شعندتس فيه مصلحة لتس بالموضوع اعرفتس
ندى : لا مصلحة ولا شى بس مابيك تاخذ بنت عمي ابو عزام سلمى
هايل : وش جاب طاريها الحين
ندى : هي واضح تبيك بس اعطيتك الموافقة خذ ميهاف انا حابتها من جت
هايل : على اساس موافقتك بتفيد بشي
ندى : تفكر باللي افكر مثلة
هايل : من اي ناحيه
ندى : تخيل لو تنعاد لك قصة فهد
هايل : عاد تدرين ان ابوي قدامي قايل له خذ بنت عمتك وامش على كلمتي وبعدها بكيفك
ندى : يعني بيتزوج على زينب
هايل : يسويها فهد صبي صبي شاهي مشاكلنا ماعاد تخلص
ندى : يعني خلاص اصير اسميها زوجه اخوي
هايل : اي شاطرة ووقتها خلي صوتتس عالي عشان اسمع انا بعد وراتس انتي تبين تفضحينا ؟
ندى : محد يعرف غيري
هايل : يعرف سياف ودحيم وانتي
ندى : معليك سرك ببير ماله قاع
هايل : شصار على عروستنا
ندى : لو تشوفها كيف صاحت عندنا
هايل : ههههههههههههههههههههههههههههههه يعني نجحت خطتي
ندى : نجحت نجحت
هايل : الله يوفقها وعقبالتس وافتك منتس
ندى : جالسه على قلبك
ابو فهد : ام فهد يلا قومي بياذن الفجر خلينا نصلي ركعتين الوتر وقومي عيالتس الصلاة خير من النوم
ام فهد : يالله صباح خير يلا قايمه
ابو فهد : اصبحنا واصبح الملك لله اعوذ بالله من الشيطان الرجيم من انتم
اختبصوا هايل وندى ويركض هايل يطفي النار وندى تركض تدخل الشاهي والفصفص
ابو فهد : ارجعو ارجعو شفتكم
ندى : تبي شاهي يبه
ابو فهد : شاهي ها اخر الليل وشاهي وش تسوون مانمتو ورانا عرس اخوكم واختكم
هايل : سرينا مع هالليل واثاري الوقت مشى
ابو فهد : انا اقول سد حلقك ورح توضى وامش معي للمسجد بسرعه
هايل : ابشر ابشر يبه
ابو فهد : وش هالورقه الي طايحها
ندى : ورقتي
هايل : لا لا ورقتي
ابو فهد : انتو ببطنكم البلاء وش بلاكم تكلمو
ندى : انا احب الرسم وجلست ارسم باخذ الورقه انطلها
ابو فهد : خل اشوف رسمتس
ندى : مسحته
ابوفهد : شكل السهر اثر عليتس روحي صلي نامي
ندى : ابشر يالغالي
~~~في بيت ميهاف وفاتن~~~
فاتن : ليش قايمة مع هالفجر ؟
ميهاف : مانمت عشان اقوم
فاتن : وليش وشفيتس
ميهاف : تتوقعين رمى الرسالة وماقراها
فاتن : منهو
ميهاف : هايل
فاتن : الحين انتي مانمتي وسهرانه عشان تفكرين فيه
ميهاف : مو فيه بس يعني افكر لو قرا الرسالة او لا
فاتن : طيب ليش ماتفكرين من جانب ايجابي وتقولين انشغل وماقراها لان لاتنسين اليوم عرس اخوه واخته
ميهاف : تتوقعين؟
فاتن : اي اي اتوقع ونص ويعني كيف متوقعه بيرد عليك بيجي للبيت وبعطيك الورقه
ميهاف : صادقة
فاتن : يلا يلا نامي ولاتفكرين بشي
ميهاف : عندنا دوام بروح
فاتن : انا بروح بدالتس وبستقبل الممرضات وبسوي كل شى انتي نامي وارتاحي
ميهاف : والله اني احبتس
فاتن : حتى اكثر من حبيب قلبتس
ميهاف : اي اكيد
فاتن : كبرتي بعيني الحين يلا نامي
~~~ في بيت ابو فهد ~~~
ندى : وش جابها ذي من صباح الله
سلمى : جايين بدري عشان نجهز للعرس معكم
ندى : اي ماتقصرون بس يكون بعلمتس ترا اخوي هايل مايحبتس ومايبيتس وهو يحب الدكتورة ميهاف فالافضل تشوفين لتس احد ثاني
سلمى : وكيف يحبون بعض يتقابلون بالسر
ندى : ابلعي لسانتس ولاتتكلمين كذا عن اخوي وزوجته المستقبيله هم يحبون بعض ويكتبون قصايد لبعض بعد
سلمى : وعمي يدري
ندى : انا شلون تكلمت عندك بكل ذا يويلي من هايل اسمعي كل الي قلته كذب انسي انسي
سلمى : كنت عارفه ان الحيه ذي وراها بلاء بس طحتي بيدي اوريتس شغل الله الحين
ام عزام : وين بتروحين ياسلمى
سلمى : بجيب لي اغراض من بيتنا نسيت اجيبها
ام عزام : اجل جيبي لي معتس جلابيتي والعود حقنا
سلمى : ابشري يمه
~~~ في المركز الصحي ~~~
فاتن : هذا كل شى وضحته لكم اهم شى تتعاملون مع المرضى والحين فيه ثلاث مرضى عندنا بالمركز
سلمى : لو سمحتي
فاتن : تفضلي
سلمى : ممكن تجين شوي
فاتن : يلا كل وحده على شغلها اكيد تفضلي وش بغيتي
سلمى : اسمعيني زين وحطي هالكلمتين حلقة باذنتس واذن صديقتس
فاتن : من تتكلمين عنه
سلمى : اتكلم عن خويتس ميهاف الي من جت ونيتها تسرق عيال الناس
فاتن : ههههههههههههههههههههههههههههههه ومتى سرقت
سلمى : انا اعرف عن علاقتها بولد عمي هايل والله ثم والله لو ماتتركه لاعلم عمي واخلي كل القريه تتكلم فيهم وافضحهم خليها تبعد عنه
فاتن : جايه لمركزنا وتهددينا
سلمى : انا اعرف ان ابوها شديد ولو عرف بهالشي مابيعجبه وعاد عمي معروف واهل القريه السوالف ماتبقى عندهم من بيت لبيت وانتي بكيفتس وقفيها عند حدها
فاتن : اقول فارقي لاخلي تصيحين هذا الي ناقص تهددين ميهاف ماعاش الي يمسها بكلمه اوف ياميهاف قلت لتس ابعدي عنه
~~~ في السوق ~~~
عبدالرحمن : ملاحظ لي فتره سوقنا ماهو ماشي وش السالفه
زامل : اي والله انك صادق بس الرزق بيد ربي
عبدالرحمن : وين هايل مختفي اليوم
زامل : مو مختفي ولا شى بس راح يرعى نياقه الا تصدق من المختفي عزام من زمان عنه
عبدالرحمن : ذكرتني فيه ابتصل عليه اتطمن
زامل : اي بالله وبلغه سلامي
عبدالرحمن : يوصل ان شاء الله
~~~ في المزرعه ~~~
هايل : ياهلا ومرحبًا بحلالي يااني مشتاق لكم تعالو احلبكم
الجد محمد : وينك مختفي
هايل : بسم الله الرحمن الرحيم جدي من وين طلعت
الجد محمد : من تحت الارض انا هنا لي ثلاث ايام او اربع شصار على عرسكم
هايل : اليوم العرس ابشرك
الجد محمد: طلعو بالسلامه اخوانك
هايل : كلهم بخير الحمدلله بس سياف للحين بالغيبوبه
الجد محمد : ان شاء الله يقوم انتبه ياهايل الناقه هايجه عليك
هايل فك لثمته يحاول يوقف الناقه الا نطحتها وطاح عالارض يتالم : رجعها ياجدي للشبك
الجد محمد : تراهم يسوون لك لانهم مشتاقين لك
هايل : يدي ياجدي يدي توجعني
الجد محمد : بسم الله عليك ياولدي تعال اوديك للمركز
هايل : والله يارفستها والقبر
الجد محمد: الله يصلحك معلمك ماتروح لحالك لهم
هايل : متعود ياجدي شسوي
الجد محمد : وش هالورقه
هايل : حطها بجيبي
الجد محمد: مكتوبه لمن
هايل : محد كاتب طلبات ابوي للعرس تعرف كل شوي امريني اسوي شى
الجد محمد: اي اجل بقراها اشوف وش طالب ولدي
هايل : ياجدي لا
الجد محمد: اجل ماهي طلبات تكلم وش مخبي عني
هايل : والله ياجدي الشى الي كنت احذر منه طحت فيه
الجد محمد: حبيت
هايل : اي
الجد محمد : ومنهي سعيده الحظ الي حبت الشاعر حفيدي وبتصير ملهمته بالشعر
هايل : للحين ياجدي تشوفني شاعر
الجد محمد : لاتغير الموضوع وقل من هي
هايل : بنت صقر
الجد محمد : وشنهو
هايل : ماتهمني المشاكل الي بين ابوها وابوي كلها من الماضي وانا وهي مالنا ذنب
الجد محمد : يولدي انا مالومكم الحب ماهو على كيفنا بس انا خايف من المستقبل
هايل : ابسوي المستحيل عشان تكون لي بس ياجدي تكفى لحد يدري بهالموضوع
الجد محمد : عاد بتصير قصايدتك كلها عنها ها وبتنسى الابل وحبهم
هايل : ههههههههههههههههههههههههههههههه وش اسوي اذا القصيد انكتب باسمها ومايحلى قصيدي الا بوصفها
الجد محمد : الله يوفقكم
هايل : اسرع ياجدي الالم زاد شكل يدي انكسرت
الجد محمد : يلا قربنا ان شاء الله
~~~ في بيت ابو فهد ~~~
زينب : باقي بس كم ساعات يالله وش اسوي
ندى : وش فيك مختبصه؟
زينب : اليوم زواجي اذا ناسيه
ندى : عاد اذا اخذتي فهد اسكني عندنا لاتروحين للرياض
زينب : اي ابشري بقعد على قلبتس
ندى : احلى من يقعد
عفراء : ابشرتس زوجتس طلع من المستشفى زامل بيجيبه معه
فرح : وسياف وش صار عليه
عفراء : للحين ماصحى
فرح : والله قلبي مو مطاوعني افرح واخوي بغيبوبه
ندى : ابوي الله يهديه تسرع
عفراء : الله يعين بس وش بتسوين تسريحه يافرح وزينب
زينب : مدري
فرح : انتظر الكوفيرا تجي
ندى : صدق احسها تاخرت
عفراء : العرس متى بيبدا يبيلي اجهز عيالي واجهز غتره وثوب زامل واجهز نفسي
ندى : باقي ٤ ساعات عليه يبدا ٨
عفراء : لا اجل يمدي بجهز اغراض زامل قبل عشان مايسوي لي سالفه
فرح : انا للحين منصدمه ان عفراء تغيرت
ندى : انا مثلتس وبرضو شاكه وراها بلاء
زينب : اريحكم هي خايفه زامل يحب وحده ثانيه ويتزوج عليها مثل فهد
ندى : ههههههههههههههههههههههههههههههه والله انها مهبولة
سلمى : جبت معي اشياء نسهر عليها
زينب : الا سلمى اخوتس ماهو حاضر عرسنا
سلمى : الا بيجي اتصلت عليه وقال ان عبدالرحمن متصل عليه قبل ومعطيه خبر
زينب : كويس
~~~ في بيت ابو محمد ~~~
شهد : للحين نايمه قومي قومي يلا دوامك سحبتي عليه
ميهاف : خليني انام وش تبين
شهد : عندنا عرس اليوم وعندك دوام وين فاتن دورتها ماحصلتها
ميهاف : فاتن بالمركز قالت لي بتروح بدالي وعرسكم توه وش بتحطونه العصر
شهد : يعني ماتبين تساعدين العروسات وتجهزين معنا وتتجهزين
ميهاف : مااقدر اجي كضيفه ؟ هههههههههههههههههههههههههه
شهد : لا لا يا الكسوله قومي ساعدينا
ميهاف : طيب بنام شوي وبقوم
شهد : الكلام معتس ضايع ابرجع اقومتس ترا
ميهاف : طيب طيب
~~~ في المركز الصحي ~~~
الجد محمد : ادخل ادخل يولدي بنادي لك دحيم انا تعبت
هايل : ارتح ياجدي
عبدالرحمن : وش السالفه فيه احد صاير له شى
الجد محمد : هايل رفسته الناقه
عبدالرحمن : عسى مافيه شى قوي
الجد محمد : يده توجعه سانده بالمستشفى يولدي
عبدالرحمن : ابشر ابشر ياجدي زامل خذ جدي للبيت
زامل : اي يلا يلا تعال ياجدي
فاتن : وش صاير
عبدالرحمن : رفسته الناقه
فاتن : مع وين رفستك
هايل : مع كل مكان بس يدي الي وجعتني اكثر شى
فاتن : انسدح وانت اطلع برا لو سمحت
عبدالرحمن : يمدحون الاسلوب
فاتن : فعلا يدك مكسورة وعندك جرح فالبطن شكلها هبدتك بقوة
هايل : لا معليتس متعود يادكتورة
فاتن : ابلف يدك وبعقم الجرح وبلفه بشاش وقدامك العافيه
هايل : انتي صديقة ميهاف صح
فاتن : اي
هايل : عطيها هالرسالة
فاتن : ماني مندوب انا اوصل رسايلكم
هايل : اسف ازعجتك معنا
فاتن : خلصت تقدر تقوم وتطلع
هايل : يعطيتس العافيه نادي لي عبدالرحمن
فاتن : انت هيه يبيك خويك رح له
عبدالرحمن : اسمي عبدالرحمن مو هيه
فاتن : بس فالح بالكلام وماهو فالح بالفعل مستحيل اخليه يضيع حياة صديقتي ويهدم مستقبلها هالرساله بتكون فالزبالة
~~~ في بيت ابو فهد ~~~
ابو فهد : وين فهد ليه ماجبته معك
زامل : جبت جدي وبرجع اطلعه
خالد : يلا نبي نروح للحلاق مع بعض قبل يقفل
زامل : اي اي يلا
ابو محمد : وخل محمد يطلع بعد عشان يحضر العرس
زامل : ابشر ياعم
~~~ في العرس ~~~
شهد : يوه يازين الزين مبروك ياحبيبات قلبي وعقبال البقية
ندى : انتي اولنا
شهد : ههههههههههههههههههههههههههههههه لا لا انا مابي
ميهاف : فاتن بسالتس
فاتن : اسالي الله يعين اليوم مابقى احد ماسالني
ميهاف : ماعطاتس هايل رسايله او شى ؟
فاتن : ها لا ماعطاني شى بس جاني وكانت مكسوره يده بسبب الناقه ترفسته
ميهاف : يوه بسم الله عليه بس ليه ماعطاتس شى
فاتن : مدري
سلمى: شلونتس ياميهاف يابنت عمتنا
ميهاف : بخير بخير
عفراء : شكل الحرب الجديدة بين سلمى وميهاف
ندى : دافعي عن اختس
عفراء : ازهليني
~~~ في مجلس الرجال ~~~
فهد : ماكان له داعي يبه تقدم العرس وسياف للحين ماقام
ابو فهد : انا اقول ابلع العافيه واسكت كل الي صار من ورا عنادك
عزام : السلام عليكم يوه يااني مشتاق لكم
زامل : ارحبب مابغيت تجي
هايل : الجامعي صار يتغلى علينا
عزام : ههههههههههههههههههههههههههههههه نسيت طريق قريتكم
محمد : صارت قريتنا
عزام : مبروك مبروك يافهد وخالد والله يجعلها زواجه الدهر
فهد : الله يبارك فيك وعقبالك
عزام : وشلون سياف عساه بخير
هايل : للحين ماقام من الغيبوبه
عزام : غلطان عمي لما سرع العرس مشاعر الكل ملخبطه وبالاخص خالتي ام فهد الله يعلم بحالها
زامل : ابوي متى سمع لنا كلمه الي براسه يسويه وماعليه من احد
عزام : يلا الله يكتب لهم الي فيه الخير
ابو خالد : يلا وقت الزفه
ابو فهد : قبلها نبي نرقص هايل جب السيوف
الجد محمد : ذكرتني بعرسك يوم رقصنا بالسيوف
ابو فهد : مانسيت يالغالي للحين ببالي هاللحظه
هايل : يلا جيت
ابو فهد : العب بالسيف مثل مادربتك
جلسو يرقصون بالسيوف ويلعبون معها بكل احتراف وهي عاده بالعائله بكل عرس لازم فقرة السيوف
ابو محمد : عشان عشتو
ابو فهد : تعيش يالعضيد يلا الزفه الحين
~~~ في مجلس الحريم ~~~
زينب : مابي تكفون مابي اروح
هدى : اهدي يازينب مارح ياكلتس
شهد : بالعكس مفروض تستانسين لانه مايبيتس
زينب : مدري مدري متوتره وخايفه
عفراء : ذي شجابها للعرس احم للحين مارحتي لشغلتس
هيام : انا خصوصي جايه للقريه عشان هالليلة
عفراء : اي عاد من جيتي والجو صار كئيب ياسبحان الله
هيام : اطلعي استنشقي هواء
عفراء : سبحان من مازرع فيتس القبول
هيام : مبروك يازينب حافظي على فهد
ندى : لاتوصين حريصة
ميهاف : هذي شينه وقويه عين جايه بكل بجاحه لعرسه
فاتن : محد يتمادى الا المعطي فرصتين ومسموح له
ميهاف : والله ان فهد مايستحق زينب
فاتن : شكل كل اخوانه كذا مو بس هو
ميهاف : لا حبيبتي هايل ماهو كذا هايل يكتفي
فاتن : وش عرفتس انتي ترا مالتس الا اسبوعين تعرفينه
ميهاف : اسكتي بس انتي هدى فيتس شى
هدى : لا مافيني شى بس احس بدوخه وتعب
فاتن : منتظمه على مواعيدتس وعلاجاتس
هدى : ماهو مره مع العلاجات لان اتعبتني بالحيل
ميهاف : غلط لازم تنتظمين
هدى : عطوني كرسي احس بيغمى علي
فاتن : الله يصلحتتس تعاندين على مصلحتتس
~~~ في الفندق عند خالد وفرح ~~~
خالد : أخيرًا جاء هالليوم الي اقول فيه صرتي حلالي يافرحي
فرح : الله يكتب لنا الي فيه الخير
خالد : اوعدتس اصونتس يافرح ولا اخليتس بيوم تشكين مني
فرح : الله يخليك لي
خالد : ويخليتس لي
~~~ في الفندق من جهه ثانيه عند فهد وزينب ~~~
فهد : مبروك
زينب : على وش بالظبط مبروك
فهد : عرسنا
زينب : بارك لنفسك هالعرس انا ماني راضيه عليه وانجبرت اوافق لاجل خالد
فهد : لاترفعين صوتس كل الي قلناه مبروك
زينب فكت خاتمها ورمته عالارض ودموعها نزلت لا تبارك يافهد وانت عازم حبيبتك لعرسنا بارك لها ولنفسك حرقتو قلبي
فهد : ترمين الخاتم بوجهي
زينب : انا اعرف كل خططك ماله داعي تمثل دور المظلوم عندي
فهد عصب من حركتها وكلامه وصفقها بدون وعي : اذا اهلتس ماربوتس ولد الناس ماهو ملزوم يربيتس
زينب : تضربني يافهد تضربني لانك عارف مابتكلم عشان مااخرب حياه اخوي واختك تضربني عشان حبيبتك هيام اوعدك يافهد مااكون لك
فهد : ولا بكون لتس ويلا تقلعي عن وجهي
زينب اخذت مخده وبطانيه وحذفتها بالصالة على فهد : مالك نومه عندي
فهد : بتندمين الو هيام رجعتي للرياض
زينب : بعد ليلة عرسه ويكلمها الله يسامحك يايبه رضيت بالاهانه لبنتك
~~~ في بيت ابو فهد ~~~
ابو خالد : واخيرا تم هالعرس وعاد نوصيك يبو فهد على بنتي ومايحتاح توصيني على بنتك وعاد نستاذنكم بنمشي
ابو فهد : بدري يبو خالد اقعد وبكرا امش هلكان من العرس
ابو خالد : شورك وهدايه الله
~~~ في الشارع ~~~
هايل : مارح تعطيني شى
ميهاف : وش اعطيك راجع نفسك وتذكر من اخر من عطاك الرسالك
هايل : طيب اسمعيني ليش تتهربين ماسويت شى انا
فاتن : ميهاف امشي بسرعه
ميهاف : ماخليته يكمل كلامه
فاتن : لايكمله امشي
عبدالرحمن : محد بيخرب علاقتكم الا خويتها
هايل : انا عطيت الرسالة لخويتها ليه مااعطتها اياه
عبدالرحمن : قل لها بكرا وانتبه لاتكون خويتها معها
هايل : هذا الي كان ناقص
~~~ في بيت ابو محمد ~~~
محمد : فيتس شى تحسين بشي
هدى : محمد انا تعبانه وتعبانه مره بس بطلب منك طلب قبل لا يصير فيني شى
محمد : طلباتس اوامر قولي
هدى : لو مت لاتتزوج غيري وتحرم سالم من حنيتك ك اب وعوضه عني صر له الاب والام والاخ تكفى لاتهمله
محمد : ليه تقولين كذا ياهدى سالم بيكبر بيننا وبنجيب له اخوان يساندونه
هدى : انا تعبانه يامحمد وماادري متى يومي بس اوعدني تسوي الي قلته
محمد : اوعدتس ياهدى ماادور بديلتس بس تكفين لاتقولين كذا
هدى : ابشر
شهد : بسم الله هدى وش فيتس فيتس شى
هدى : مافيني شى بس جاء بخاطري اصيح وجيت عندتس
شهد : يعمري انتي قولي وش فيتس وش مضايقتس
هدى : احس اني بموت ياشهد احس اني مقصره مع محمد وسالم بس بسبب العلاج صايره اكره الكل
شهد : لاتفكرين كذا ياهدى محمد مايبغى اهتمام كثر ماهو متشفق يشوفك بخير
هدى : لو صار لي شى انتبهي لسالم وامنعي محمد يتزوج
شهد : معليتس محمد اذا وعد مايخلف وعده وانا براسي مارح اخليه يتزوج كم هدى عندنا بس انتي انتظمي على علاجتس
هدى : ان شاء الله بنام عندتس
شهد : اكيد تعالي بحضني تعالي
~~~ في بيت ابو محمد من جهه ثانيه ~~~
فاتن : انا جعت وطلبت من بوفيه
ميهاف : كويس الجود من الموجود
فاتن : بنزل اجيب الطلب
ميهاف : خذي الجلال حطيه عليتس
فاتن : هاتيه بسم الله ، فتحت الباب وتنادي العامل وينفتح عليها الباب بقوة ويطيح جلالها وتشهق بكل قوة : يمه من انت

"انتهى البارت"

_______________________________________
والله مالي وجهه حتى اعتذر منكم كانت الفكرة انزل البارت الاثنين بس انظغطت بالجامعة وماقدرت انزل بس باذن الله حينزل لكم بارت بعد يومين كذا تعالو انستا بس "بخصوص الروايه" لو سمحتو عندكم مقاطع تركيب تحسونها تمثل روايتنا تصميم اضافات افكار للروايه شاركوني اياه بالانستا حسابي حاطته باحد البارتات ، قراءه ممتعة 💙💙.