"جابك الله في زحام العمر صدفة "

70

~~~ فالمستشفى ~~~
عبدالرحمن : هلا عمي سم
ابوفهد : يعني خلاص يادحيم نمشي للرياض ناخذ هايل
عبدالرحمن : هههههههههههههههههه هو بحاجه دعاكم الحين قالت لنا الدكتوره ان الاشياء الي سواها اجتهاد منه ورغبه بانه يقوم بس ياعمي ماهيي امل قوي بانه يقوم
ابوفهد : لا والله لاتقولها
عبدالرحمن : والله هذا كلام الدكتوره
ابوفهد : فرحنا وشغلنا اغاني الله يصلح الحال
عبدالرحمن : معليه ياعمي ان شاء الله بيقوم هايل وتصير الفرحه فرحتين
ابوفهد : ان شاء الله
عزام : من يكلمك
عبدالرحمن : عمي ابوفهد انبسطو وقلت لهم كلام الدكتوره وتقل فقدو الامل
عزام : كان ماقلت لهم طيب
عبدالرحمن : مادري الي يصير علطول اقوله لهم
عزام : يله عالاقل مازرعت فيهم الامل ويمكن محد بيسقيه
عبدالرحمن : صاير شاعر واحنا ماندري
عزام : طول عمري كذا بس توني اطلع هالموهبه
عبدالرحمن : اي اجل ارجع اخفيها الله لايهينك
عزام : ابغثك فيها
عبدالرحمن : الا تعال احد يعشي واحد تصبيره وحمضيات
عزام : اقول ازحرهم وانت ساكت تراني مطفر
عبدالرحمن : ليه
عزام : فاقد الذاكره انت ناسي اني عريس
عبدالرحمن : اي بنت عمي ابوفهد
عزام : اي لاتكثر هرج عنها
عبدالرحمن : بسم الله ماقلت شى الا تعال شصار على عرسكم
عزام : ننتظر ولد عمك النائم يقوم ونحط العرس
عبدالرحمن : بتحطون العرس مع بعض انت وصالح
عزام : الود ودي يادحيم احط عرسي لحالي يعني احس حرام انا وهي تونا معرسين جدد ماهو مثل ابوتميم وحرمته الي الحين سبق واعرسو
عبدالرحمن : توك تقول مطفر شلون بتتكفل بتكاليف عرسك لحالك
عزام : عندي عيال عم مايقصرون
عبدالرحمن : ماعندك الا انا واخوي محمد والباقين اخوان العروس
عزام : الله يقطع خالد معه فلوس بس مامنه فايده
عبدالرحمن : طيب انت وش تبي بالضبط عشان نعرف نقدر نعينك ولالا
عزام : ابحط العرس فالرياض يخوي ذي القريه مافيها الا الجن وعرس فالبيت واخذها بيت اهلي بغرفتي يوم اني شباب ماتحس انك اعرست صح كلامي ولالا
عبدالرحمن : والله ماجربت وان اعرست فاهلي ساكنين فالرياض وكل شى بيصير فالرياض بس اشوف ان كلامك صحيح
عزام : ودامني احبها وصارت سوالف واجد على ماوافقت علي ودي احط عرس ماصار ولا استوى واكتب على ثوبي انتصر الحب
عبدالرحمن : اي حب يخوي انت الي تحبها بس وناشب لها
عزام : الا تعال صدق هي كانت تحبك وانت تحبها
عبدالرحمن : ياليل الليل يابن الحلال استريح لا احبها ولا تحبني واستح على وجهك صارت حرمتك هي تقول عنها كذا
عزام : ماسالت عندك الا وانا واثق فيك وبعدين للحين ماصارت حرمتي تراها مجرد خطبه ماملكنا وتبي الصراحه انا سامع اختها وهي تقول للدكتوره الي تحبها انت
عبدالرحمن : ومدامك عارف اني احب الدكتوره وراك تسال اذا احب ندى ولالا
عزام : ورع لاتقول اسمها
عبدالرحمن : انا اقول انسى هالكلام كله وكلام اختها كان ماضي وكنا بزران اعمارنا ماوصلت ١٨ حتى وانا ماعمري فكرت فيها كحبيبه وزوجه طول عمري اعتبرها اختي الصغيره وانت تعرف شكثر احب الدكتوره وحالف اخذها وان الله ماكتب لي نصيب معها مارح اخذ احد اصلا مفروض ماتسال وانت تذكر حركاتي يوم كنا نشتغل عند ابوسامي عشان بس اخطبها بس قدر الله وماشاء فعل حصل الي حصل والحين مدري هي من نصيبي ولالا
عزام : هي قالت لك بتنتظرك بس تعرف انها وحيده وماعندها غير ابوها هي بنتنظرك بس ابوها مارح ينتظرك مايضمن نفسه الى متى بيعيش لها فانتبه يادحيم اول واحد بيزعل عليك اذا ماخطبت البنت الي تحبها هو هايل
عبدالرحمن : شسوي يابوالعزم ماقدر وانا قلت لها اذا جاتس نصيبتس روحي انا مستحيل افكر اقدم بملكه او زواج وهايل عالاجهزه هنا
عزام : اعذرني يالورع لاني سالتك سوال سخيف وانا سامع الجواب من اختها اصلا
عبدالرحمن : حتى لو احبها بروح اخطبها وانت خاطبها فكر شوي
عزام : لا ماهو هذا مقصدي كنت بعرف اذا بينكم تواصل ولالا
عبدالرحمن : تستهبل انت ووجهك وش تواصله تبيني اخون ثقه اخوانها اهجد
عزام : سمعت اختها تقول للدكتوره مختصر الكلام ان ندى للحين تحب عبدالرحمن ولو انك خاطبها قبلي بتوافق عليك حتى لو انها تدري انك تحب الدكتوره
عبدالرحمن : ولد انت انهبلت وش هالكلام اذا ماتبيها كنسل كل شى
عزام : انا ابيها واحبها من شفتها بس قاهرني موضوع انها لهاللحظه تبيك وتحبك انت
عبدالرحمن : وانا وشدخلني انت تسال وتجاوب من نفسك
عزام : انت لو مكاني وش بتسوي
عبدالرحمن : لاتحط احد مكانك خذ نفسك واقعد معها وفكر لاتدخل اطراف مايعرفون شعورك ولا شعورها ولا تظلمها ولا تظلم نفسك معها ماتبيها تحس كرهتها خل الموضوع ينتهي قبل يبتدي اصلا توك تقول بحط عرس وتبي عون منا
عزام : احاول انسى الي سمعته
عبدالرحمن : لو انت تحبها مارح تصدق ولا كلمه تنقال عنها
عزام : بس الكلام جاء من اختها الوحيده ومستحيل تتسذب
عبدالرحمن : اسمعني ياعزام ندى ماتبيني ولا انا ابيها وهالمواضيع صارت واحنا بزران وتقفلت يوم كبرنا لاترجع تفتحها لا عندي ولا عندها
عزام : مدري يادحيم مدري انا الي حاولت بشتى الطرق عشان اخليها توافق علي بعدين اسحب عليها مايصلح بحق ابوي وابوها
عبدالرحمن : افضل من انك تاخذها ويتم كل شى وبعدين تقلب عليها وان كان يريحك موضوع انك تشوفني عريس فانا بعرس مانيب قاعد بس كلنا ننتظر هايل يقوم وبنعرس
عزام : لا ياخوي ماهو هذا قصدي تدري خلاص قفل الموضوع
عبدالرحمن : كيفك والله
صالح : السلام عليكم ورحمه الله وبركاته
عبدالرحمن : وعليكم السلام حي الله المعرس
صالح : ههههههههههه الله يحييك ياحبيبي شلونك شخبارك
عبدالرحمن : بخير الحمدلله
سطام : قاعد هنا ماعاد نشوفك ولا نطلع مع بعض مايصير يابوالدح
عبدالرحمن : معليه تحملو الين يقوم هايل
سعود : حاط العذر هايل
عمر : وهو يبي يشوف حبيبته
عبدالرحمن : انتم شدراكم انها تشتغل هنا
عزام : يبوي ماقلت شى انا شدخلني
سطام : والله هو قال لنا
عبدالرحمن : ماتسكت يالسلوقي
سعود : يله عاد امش نتعشى بمطعم ونتمشى وتغير جو
عبدالرحمن : اعذرني ياسعود ماقدر
عمر : نجيب العشاء عندك اجل
عبدالرحمن : تونا ماكلين
عزام : ترا يتسذب ماكلنا غير تصبيره جبن وحمضيات
سطام : اكيد انت الي جايبها له
عزام : اي نقنقه قبل الثقيل
سعود : اجل بروح انا وابوتميم نجيب العشاء
عمر : وانا بشوف هايل
سطام : وراك قاعد هنا وانا اخوك ترا ماخلصت الدنيا حاشر نفسك بالسيب
عبدالرحمن : نقول ان شاء الله يقوم وماعاد بدخل هالمستشفى كله تحسبني ياسطام مبسوط من حالي لا والله ودي اطلع من هنا وباسرع وقت بس الي ماسك يدي واحد لو يبي اقعد فالبر طول عمري قعدت
سطام : ياحظه فيك سمعت انه حرك يده مرتين
عبدالرحمن : اي والله سمعك بمحله
سطام : الحمدلله فيه امل
عمر : تشوف الي اشوفه ياعزام
عزام : وش هو
عمر : هايل تقل يحاول يفتح عيونه
عزام : وين اي والله دحيييم قم قم شف
عبدالرحمن : وش
عزام : هايل يحاول يفتح عيونه
عبدالرحمن : وين وخر اشوف اي والله
سطام : تقل يهز راسه
عمر : انا اول مو لاحظ
عبدالرحمن : يادكتوره يادكتوره تعالي
ميهاف : نعم
عبدالرحمن : خويي قاعد يحاول يفتح عيونه
ميهاف : تمام وخرو شوي
فاتن : شصاير ممدا اروح للحمام صار شى
ميهاف : يقولون انه يحاول يفتح عيونه
فاتن : وخري عن الاجهزه لاتضر الجنين انت تسمعني ياهايل
هايل : اا اا اي
فاتن : قاااام يسمعني تعرف من انت اسمك عمرك اسم امك ابوك ممكن تقوله لي
عبدالرحمن : اص اص نسمعه
هايل : اسمي هايل عمري ٢٣ بدخل ٢٤ ابوي اسمه عبدالله ويقال له ابوفهد وامي ام فهد اخواني فهد وزامل وسياف وعبدالرحمن وعندي اختين اصغر مني
فاتن : تقدر تشوف وين انت
هايل : اي فالمستشفى بس وش صاير لي ليه انا هنا
عبدالرحمن : قام ياعيال قام
عمر : ابسجد وخرو
سطام : وانا معك
عزام : كسرت ضلوعي ياولد
عبدالرحمن : مبسوط يادكتوره تكفين بندخل
فاتن : بسمح لكم بعد شوي عطو اهله خبر
صالح : وجاء العشاء هنا لعيون عبدالرحمن
عمر : عساكم حسبتو حساب هايل
سعود : والله اني داري انك تشرب اكثر من ببس جبت اكثر من عددنا
صالح : دقيقه انت قلت هايل تستهبل الله يقومه بالسلامه بس
سطام : قام يابوتميم قام
صالح : انا في وجهك ماتتسذب
سطام : لا والله اني صادق قام قاعدين الدكتورات عنده
سعود : وينه بشوفه اي والله يابوتميم قام شفه يتكلم
عزام : ببشر عمي واهله
~~~ بغرفه هايل ~~~
فاتن : حلو تعرف كل شى الذاكره سليمه
هايل : وين اهلي
فاتن : لف شف عيال عمك وخوياك
هايل : دحيم والله كنت عارف انك بتكون اول واحد موجود
ميهاف : الحمدلله عالسلامة
هايل : ميهاف صح
ميهاف : اي كنت مشرفه على حالتك
هايل : شلونتس رجعتي تشتغلين تطلقتو ؟
ميهاف : بخير الحمدلله وولدي بخير ولا ماتطلقنا
هايل : ليه ياميهاف مالتس نيه فالرجوع للحين
ميهاف : انسى هالشي ياهايل وافتح قلبك لبنت ثانيه انا ربي بيرزقني طفل من عبدالعزيز
هايل : ليه جايه ليه تشرفين على حالتي
ميهاف : هذا شغلي والحمدلله على سلامتك
فاتن : تعالي نطلع تقدرون تدخلون بس لاتسوون ازعاج
عبدالرحمن : هايل ولد العم قمت
هايل : دحيم وراك تصيح ترا كلها كم يوم
عزام : اي كم يوم مرت ٧ شهور
هايل : ها انت تتكلم جد
عزام : اي والله مااتسذب
صالح : الحمدلله على سلامتك
هايل : ابوتميم سطام سعود عمر شلون جيتو هنا واحنا متهاوشين
عمر : ههههههههههههههههههههههههههههههه ذا زمان يبوي انت منسدح دهر
سطام : القلوب تصافت بين ابوي وابوك
هايل : وش احلام العصر ذي وش فايتني
عبدالرحمن : ليه ماقمت قبل ليه
هايل : شدريني ان مرت كل هالمده احسب مالي الا كم يوم
سعود : والله ماتوقعنا تقوم
عزام : اسكت لايلف عليك دحيم لو تدري ياهايل وش مسوي ابك ذا ولد عمك المجنون له سبع شهور ماطلع من المستشفى
هايل : ليه
عزام : قاعد بهالسيب قدام غرفتك ويقول بيقوم ولد عمي اعرفه
هايل : كريهه مايخلي حركاته
عبدالرحمن : ماتستاهل بس مدري شفيني سويت كذا
سطام : متخيل حتى جواله ناطله اهله لهم ٧ شهور ماشافوه فالبيت يدقون علينا يتطمنون على حاله
هايل : ماهو لذي الدرجه ياسخيف
عبدالرحمن : غلطه يخوي غلطه لا انا اعيدها ولا انت تعيدها
عمر : والله فايتك واجد واجد مصيرنا بنعلمك بس قبل كل شى بارك لنسابتك
هايل : نسايب من وش صاير
سعود : عزام وصالح صارو انسباك
هايل : شلون
عزام : للحينه غبي انا خطبت اختك وصالح خطب اختك الصغيره وننتظر حضره جنابك تقوم عشان نحط العرس
عبدالرحمن : قلت لك كل شى وانت نايم ماسمعت
هايل : لا ماكنت ادري انكم عندي وين اهلي
صالح : فالقريه تعرف مايقدرون يتركون شغلهم
هايل : بيجون قلتو لهم
عزام : اي قلنا قلنا
هايل : دحيم دريت
عبدالرحمن : وش الي تعرفه انت وانا ماعرفه
هايل : الي احبها طلعت حامل
عبدالرحمن : اي ادري
هايل : يعني مافيه امل ترجع لي
عبدالرحمن : اي مافيه انساها
هايل : الله كريم وانا اخوك علموني وش فاتني بعد
سعود : وانا خطبت اخت سطام وسطام خطب صديقه اخته الي يحبها وعمر امك حشرته يعرس وبتدور له وحده يخطبها واخوك فهد على حرمته الثانيه واما زامل ف على ماسمعت طلق ام عياله وبياخذ اخت جيرانكم وسياف على حاله
عزام : اي حال يخوي اخوك فهد صار اب واخوك سياف صار اب واختك صارت ام ومحمز اخو دحيم بياخذ بنت ابوسامي تخيل
هايل : ذي كثيييره ذي كثيييييره
عبدالرحمن : عاد تدري محمد ماعارض استغربت
عزام : المهم اسكت سطام واقف واخوك سياف سمى ولده على اسمك هايل واخوك فهد اسم ولده احمد واختك سمت ولدها عزيز وهي الي بتصير حرمه ابوتميم
هايل : عزالله هذا النسيب الصح اما انت شتبي
عزام : وش وش ابي
هايل : مانيب موافق عليك
عزام : اقول انطم خاطب اختك لي ٥ شهور ونتحراك تقوم كلك مديون لنا
هايل : ههههههههههههههههههههههههههههههه والله انك خير نسيب ومارح نلقى مثلك انت وابوتميم
صالح : الله يسلمك
هايل : يعني ماعاد بقى الا انا
عمر : وانا للحين مالقت لي امك احد
سعود : درت امك
عمر : اي قالت هات رقمها بشكرها الي اقنعتك
سطام : وليه ماتبي تعرس
عمر : ياخي انا افكاري اكبر من زواج ومسؤولية وورعان وبعدين توني بزر
سطام : اي نشوف مستقبلك يابوالاحلام
هايل : وانت دحيم شصار عليك
عبدالرحمن : على حطه يدك
عزام : معيي يعرس وانت ماقمت البزر
هايل : ليه يادحيم ليه لو راحت لغيرك
عبدالرحمن : مانيب مهتم لاحد كثرك
هايل : تستهبل يالبزر تحسبني بزعل اذا فرحت وانا فالمستشفى بالعكس فرحتي من فرحتك
صالح : وراك زعلت عادي كلنا اجلنا عرسنا لاجل تقوم
هايل : انتم غير وهو غير ياصالح البنت الي يبيها وحيده اهلها وماعندها غير ابوها وابوها مكرر وقايل لهالدلخ ياما يتم الامور وتصير البنت زوجته ولا لو خطبها واحد بيوافق ابوها يبي يشوفها عروس وذا مغير ياجل
عبدالرحمن : تطمن البنت لي وهي بنفسها قالت هالشي
هايل : انت تدري انها ماتحط كلمتها فوق كلمه ابوها وينك ياعزام ماجلده
عزام : طلع شعر في حلقي وانا اتكلم وانا انصح ابد تقل اكلم جدار
سعود : لايبررد العشاء وخر فراشك
سطام : شبلاك دحيم تصيح
عبدالرحمن : تكفون هو صدق قايم ولا انا احلم
هايل : اقرصوه
عبدالرحمن : واخيرا
عزام : ردات فعله بطيئه
صالح : ماهو مصدق من يلومه
عبدالرحمن : ليه تاخرت بالقومه ليه
سعود : فصل الحين
هايل : شدريني يبوي انك تنتظر بعدين شعندك ماهي من عوايدك
عبدالرحمن : احلف فنييت ٧ شهور هنا حتى بيت اهلي نسيت مداخله ومخارجه جتني وظيفه حكوميه ورفضتها عشان ماقمت
هايل : هذا الي بيخليني ارجع ارقد وليه
عبدالرحمن : بعيده ماهي فالرياض وقلت بنروح انا وانت وعزام وماقمت ورفضتها
عزام : عروض مغريه تخليني اكنسل زواج
هايل : اعذرني ياولد العم لو اني داري قمت ورجعت رقدت
عبدالرحمن : لا عاد تروح لحالك لمكان ولا تبقى بحالك خلك بين اهلك وناسك
هايل : اقول اهجد مانيب بزر
عبدالرحمن : الا بزر ونص ليه ماناديتني وقت الحادثه كنت قايم
هايل : يبوي ماذكر شى
صالح : خلاص يادحيم صار الي صار ولعلها خيره
عبدالرحمن : ابطلع
عزام : اقطع يدي من النص اذا مارح يبتسي برا البكايه
هايل : عزالله صدقت يوم قلت عنه يدي اليمنى
سعود : الحمدلله على السلامه وانا اخوك وجعلها اخر الاتعاب
هايل : ماتقصر ياسعود الله يسلمك الا وين سياف
سطام : ماهو وقت تعاتب الكل قام معك بطيحتك ذي بس تعرف الرجال متزوج وطبيعي بينشغل عكس دحيم فاضي
هايل : والله ماهي ملامه ياسطام وهالشي ماهو بيننا كاخوان ولا اني بزعل لان ولد عمي انتظرني واخواني لا لانهم كلهم اخواني
عزام : حلفت اسمع لكل قصايدك اذا قمت الله يصبرني من الحين
هايل : ههههههههههههههههههههههه للحين ماتوظفت يالمدرس
عزام : سبحان الله ناسي الحادثه ومانسى تخصصي
~~~ فالسيب حق المستشفى ~~~
فاتن : وانت كل شوي بتاخذ زاويه وبتصيح
عبدالرحمن : شتبين انتي بعد محد ناقصتس
فاتن : جاي اشوفه شغلي ماهو على شانك اصلا انت ابدا مو محطه اهتمام لي ولا قد فكرت فيك او اهتميت لامرك وانسى كل كلمه قلتها لك الي بيننا مثل ماقلت انت انتهى يعني انتهينا
عبدالرحمن : كل كل كلامتس انساه تحسبين الكلام الي قلتيه سهل
فاتن : اي بالنسبه لي سهل ارميه وسهل اجحده
عبدالرحمن : لاتخلين نضرتي تتغير عنتس يافاتن
فاتن : انا قلت الي عندي انا مابيك وانت تعرف بهااشي من قبل وانت ماتستاهل ولا ثواني من وقتي الي بفنيها بانتظارك
عبدالرحمن : شلون يعني شلون يوم انهيت الموضوع من عندي عارضتي وقلتي اذا مانفذت وعدي لتس بتذبحيني والحين تجحدين كلامتس
فاتن : قصر صوتك احما فالمستشفى وباختصار انت ماتستاهل
عبدالرحمن : عجيب والله صرت ماستاهل الحين بس عشانها شافتني اصيح على خويي حلوه اعذارتس البجيحه
فاتن : لاتقلل ادبك
عبدالرحمن : فاتن انا حاشم نفسي لي سنه وزياده ورغم قساوتك وحده كلامتس واسلوبتس معي قلت بنت ويحق لها تخاف على نفسها وسمعتها خفت عليتس وعلى اهلتس وسمعتتس اكثر مني وكل من سالني قلت انا الي ناشب لها ولا هي بنت مربيه ماهي حقت سوالف حب وخرابيط وحطيت الذنب واللوم علي اهملت حلال ابوي لاجل يخطبتس لي عارضت اهلي عشان اسكن معتس ومع ابوتس لاجل انتس متعلقه فيه وماتبين تتركينه لحاله قلت تم الي تبينه يصير ومافيه رجال بهالدنيا يسكن عند اهل زوجته بس سويتها عشانتس كل شى سويته بعلاقتنا عشانتس تقدمت لتس الف خطوه وماتعنيتي تتقدمين خطوه وحده بالله عليتس من له حق يزعل من الثاني متحمل نفسيتس وانفصامتس ورفضتس المفاجئ لي الي كل يومين سكتت وقلت عبدالرحمن انت تحبها وتبيها وشاريها بتتحملها غصب عنك ويوم ان ولد عمي طاح وانت تعرفين شكثر هو مهم عندي قلت لتس دامتس ماتبيني خلاص بعد ماخطبتتس قلت بنهي كل شى بيننا بسلام على ان يشهد الله انها من وراء قلبي وقبل ماكتب الكلام لتس فكرت مليون مره لاجل اني خايف اجرحتس بشي وانهيتها ودعست على قلبي للمره المليون عشانتس خفت يفني العمر وانتي تنتظريني وخويي مايقوم توقعتس بتنتظرين مارح تملين وبعد كلامتس الي قلتيه عطاني امل وحماس ان خلاص فاتن لي ومحد بياخذها اخر شى تجين الحين وتقولين عذر تافهه كل هذا يافاتن وطلعت انا الي مااستاهل لو مره طلعي نفستس خطا وانا الصح لو مره او عالاقل انصفي اثنينا مخطين او اثنينا صح وهالشي مستحيل يصير انا عارف عشان كذا اذا بتتزوجين تزوجي والله يستر عليتس اما اذا تبيني فانا برجع اخطب وبكون مستعد لجوابتس وبعتبرها الجيه الاخيره ووقتها قولي هالاعذار مره ثانيه عشان اكرهتس زود ومااتحسف الا على شبابي الي ضيعته بحبتس
فاتن : اح قد هالكلام ترميه وتروح
عبدالرحمن : اذا للحين تشوفين نفستس غلطانه فبيوجعتس كلامي اذا على قولتس ماعمرتس اهتميتي لي فارميه بهالزباله وروحي لشغلتس
فاتن : انا اوريك ياعبدالرحمن
ميهاف : تستهبلين يافاتن وش هالاسلوب ماعمره هو قال لتس هالكلام خليتيه ينفجر
فاتن : ماقلت شى هو فالبدايه رد بقله ادب علي وقال محد ناقصتص
ميهاف : شايفته يصيح وجايه تتمصخر وش تحسين فيه انتي
فاتن : طول عمره يغلط ويحط علي الغلط
ميهاف : مو اذا صار هو نار تصيرين غاز وتزيدينه لازم واحد منكم يهدي الثاني
فاتن : مابيه خلاص مابيه اول واحد بيخطب بوافق
ميهاف : خلي الزواج على جنب قلبتس يبيه خلي عنتس الكلام الفعل صعب
فاتن : حتى لو قلبي يبيه انا ادعس على قلبي وامشي وانتي تعرفيني
ميهاف : الله يهديتس والله اول مره اشوف عبدالرحمن ينفعل ويتكلم كذا الا انها واصله معه
فاتن : اجل انا يقول لي ظالمه ودايما اطلع نفسي الصح
ميهاف : خلينا نقول اثنينكم غلطانين
~~~ بغرفه هايل ~~~
هايل : وين رحت
عبدالرحمن : رحت اشوف اذا جو اهلك
عزام : دق علي سياف يقول قريبين وعمي ابومحمد بيجي وابوسطام وابوسعود الله يبيض وجيههم وابوي بعد وتدرون وش الصدمه
هايل : برجع انام اذا شى حزين
عزام : يقول سياف ان عمتي ام خالد بتجيي؟؟؟
عبدالرحمن : خل كل شى على جنب فهد هنا فالرياض وينه مايجي من بعد الي صار ماجاء هنا ولا شفته ولا مره
صالح : احمم صوت عمي ابوسطام شكلهم جو
ابوفهد : وين هايل ياولدي
هايل : يبه
عبدالرحمن : اقعد اقعد بيدك هالاجهزه
ام فهد : ولدي واخيرا قرت عيني بشوفتك قايم يمه ولدي ليه سويت بنفسك كذا
هايل : يمه والله هم السبب
وبعد السلام على هايل ويتحمدون له بالسلامه
ابوسامي : اي اشوفه لا مافيه الا العافيه تقل حصان
هايل : لا لا ياعمي برجع ارقد عشان مارجع للشغل
ابوفهد : لا لا خلاص مافيه شغل بترجع عندي فالقريه
ابوخالد : السلام عليكم
ابوفهد : وش جابك
ابوخالد : اختك غصبتني
ابوفهد : حطها وامش
ابوسطام : اهدا يابوفهد الله يحييه دامه تعنا افضل من ولدك الي هنا وماجاء تفضل يابوخالد
جهير : شلونك ياحبيب عمتك
هايل : والله بخير ياعمه ناقصتس بس قرصانتس يرمم عظامي ماكلت شى لي ٧ شهور ياعمه
جهير : جعله فالعدو عندك طابخه لك كل شى تحبه شلونك ياخوي
ابوفهد : تو تذكرين ان عندتس اخوان
جهير : الي صار ماهو من طوعي وانت عارف
ابومحمد : واخيرا قمت نبي نشوف ولدنا
هايل : ايه ايه اعترفو ماتبوني انا تبون دحيم
محمد : لا والله كلنا نبي قومتك مابغيت يالبزر توقعتك اكبر من كذا
ابوفهد : قطعت قلوبنا عليك
هايل : اتدلع عليك يابوفهد
ابوفهد : مردوده
هايل : ام فهد تتدخل وتفكني من الموضوع
ابوسعود : ههههههههههههههههه والله جينا نتطمن عليكم وجعلها اخر الاحزان والاتعاب والاوجاع وماتعنينا الا من غلاكم عندنا
ابوفهد : ماتقصر وان شاء الله نردها لكم بافراحكم
ابوسعود : باذن الله يابوفهد بنتقابل واجد يله استئذنكم مشينا ياسعود يله وعمر قعد قدامي
عمر : خذ واحد والثاني مجانا مايصير ياعمي بقعد معهم
ابوسعود : امش اقول خلهم يقعدون مع بعض عائله اهله الحريم يبون يدخلون يشوفونه ابوسطام
ابوسطام : وانا بعد استأذن يله يابوتميم يله ياسطام
صالح : يله مع السلامه وين تميم
فرح : هذا هو
صالح : يعطيتس العافيه
ابومحمد : يله يله مشينا عازمك يابوعزام ويابوفهد بس هالمره بنعذر ابوفهد بتجونا بكرا كلكم ابوي شهد تجين معنا
شهد : اي والله بجيي شفته وتطمنت
عبدالرحمن : يبه مابي اروح
ابومحمد : اقول امش اهله ببدخلون ومستحيين منكم ابوخالد يله مشينا حتى انت معزوم يالنسيب يله يله
شهد : اجل مايمدي اروح بمر عليكم مع سياف ان شاء الله
ابومحمد : زين يابنتي يله يله مشينا
عزام : اخلص امش انت عاد زودتها انت وحبك السخيف
عبدالرحمن : خايف اروح ويصير شى
عزام : عنده ابوه واخوانه الثنين
ابوسامي : انا اسمعكم تقولون لابوهايل يابوفهد هالفهد وينه
ابوخالد : ماجاء ابد
ابومحمد : للاسف لا
ابوخالد : لا حول ولا قوه الا بالله الله يهديه
ابومحمد : لاتروح يمين يسار الحقنا لبيتي
ابوخالد : طيب طيب
~~~ في غرفه هايل ~~~
ندى : اخيرا قمت يالسخيف مره ثانيه خل الدلع تراه ماانخلق لعيون الذيبان
هايل : من وين جايبه هالمثل
فرح : واخيرا قرت عيننا بشوفتك ياحبيب اختك
هايل : كذا تسوون فيني
ام فهد : وش سوينا بسم الله
هايل : تجيبون عيال وماتعلموني
سياف : هذا سمييك على رجلين امه
هايل : يعني عاندتني وسميته
سياف : اسمع يايبه وش يقول مايبيني اسمي عليه لاجل يبي يصير الوحيد فالعايله الي اسمه هايل
زامل : مايخلي حركاته
هايل ؛ وين عيالك يازامل
زامل : مع امهم بيصيرون عندي
هايل : ووينها ام عبدالله ماشوفها هنا
زامل : طلقتها
هايل : يعني مارتحت الين سويتها الله يصلحك ومبروك سمعت انك بتاخذ اخت جيراننا
زامل : اي والله من اهل القصيم هم ورضت تربي عيالي لان امهم بتتزوج وبترميهم علي وبسكن فالقصيم ولقيت لي وظيفه هناك والحمدلله
هايل : الله يجعلها زواجه الدهر ولا يفرقكم وانا اخوك خير مااخترت وفكرت وانتي اخيرا بفتك منتس
ندى : لاتخليني اكنسل كل شى واقعد على قلبك ترا اسويها
ابوفهد : وشهو بتفشيلنا عند اخوي
هايل : مبروك يافرحتنا عزالله انتس اخترتي انتي وندى ابوتميم وعزام خير الرجال وثقه وانت يابوهايل لقيت شغل علموني وش فاتني
سياف : اي عمي ابوسطام بيوظفني وبروح للشرقيه
هايل : لا اكتملت زامل فالقصيم وانت الشرقيه وفهد فالرياض وبتخلونا لحالنا
ندى : لا تخاف انا بسكن فالقريه
ابوفهد : من قال بتروحين للرياض تسكنين ابوسطام بيرجع عزام لشغل البنك وفرح عاد بتروح مع صالح للشرقيه
هايل : الله يوفقكم يارب قلت لك يابوفهد وام فهد مالكم غيري
ابوفهد : بنزوجك انت بعد
هايل : ههههههههههههههههههههههههه الا يبه فهد وينه ليه ماجاء
ابوفهد : ماعاد عندي ولد اسمه فهد
سياف : اذكر الله يايبه تكفى بني ادم خطاي
ابوفهد : كلمتي وقلتها مانيب راضي عليه ان كاني حي ولا ميت ترك ابوه يحتاج للغريب وهو مقتدر كسر خاطر امه وحرمته وابوه واخوانه وخواته اختار حرمته على اهله وطلعت زوجته الاولى احسن منه لكثيير
هايل : الله يصلحه وش صار علي اذكر حرمته حامل
زامل : ولدت وسمته احمد على صديق لفهد قديم سالفته طويله يقولها لك ابوي بعدين
هايل : ها شرايك يبوفهد كبرت عايلتنا
ام فهد : لا تنسينا باقي انت بنزوجك بعد
هايل : ابد كل شى تقولونه تم
ميهاف : السلام عليكم اعذروني بي انتهت وقت الزياره لازم تطلعون
ابوفهد : مارح ناخذ ولدنا معنا
ميهاف : لا ياعم بيقعد اسبوع كامل تحت مراقبتنا وبعدين يطلع
ابوفهد : اجل يله مشينا
ندى : اصلا ملينا منه
شهد : تقوم بالسلامه
هايل : الله يسلمتس يام هايل
ميهاف : وقت علاجك جابو لك اكل صح
هايل : اي ليش تعنيتي وجيتي فيه مليون دكتور يقدر يخدمني
ميهاف : مسكت الحاله قبل اعرف انك انت صاحبها
هايل : قولي لزوجتتس يشيل يده من قضيتي
ميهاف : ماتدخل هو لقاك وجابك والي عليه سواه
هايل : صرتي تدافعين عنه ياميهاف وقدامي لهدرجه هانت عليتس علاقتنا
ميهاف : مثل مابدت انتهت وانت اعرف
هايل : لا ماعرف الي اعرفه ان ميهاف البنت الي حبيتها مغصوبه وماتبي ولد عمها وبتحاول ترجع لي وهايل بيرجع لها وبينتطر ولد عمها يطلقها هذا الي اعرف بس هذا الي اعرفه بس ماعرفت ان البنت الي حبيتها وحبيت الشعر والقصيد عشانها تحبه وكل ابياتي هي المقصوده فيها يوم شافتني طايح بين الحياه والموت تجي وتقول لي انساني وانا حامل من ولد عمي هذا ولد عمها الي ماتبيها انا صدق ماعاد اعرفتس ياميهاف وصدق الحين ندمت اني عرفتتس واعطيتس قلبب كان غيرتس يتمناه وعطيت فرصه قبل والحين وكنت مفكر بعد بعدين بعطيتس كل الفرص عشان تكونين لي اخر شى تطلعين حامل يعني هذا جواب كافي لي باني مااحاول ولا افكر حتى انتس بترجعين لي قالو لي انتس حبيتي ولد عمتس بس ماصدقتهم وليتني صدقتهم ياميهاف ياليت
ميهاف : الي فيني مكفيني كفايه
هايل : حتى انا ياميهاف طابت نفسي وانتهى ذاك الشعور الي كان يحبتس وانتهت قصتي وقصتس من هنا ماتوقعت بيوم اقولها انا صحيح احبتس وعشانتس عفت كل البنات وقلت مارح اعرس وعندي امل بترجعين لي وببقى على كلامي وعهدي ويشهد الله والناس كلها انتي حبيتتس اكثر من نفسي على قوله عبدالرحمن رح تتخطاها صدقيني ياميهاف بنساتس لدرجه لو يجيبون طاريتس قدامي بقول من هذي
ميهاف : الله يقويك انساني مثل مانسيتك
هايل : ماهو على كيفتس انا مانيب مثلتس احب بدقيقه وانسى بثانيه ليه ليه تلعبين علي ليه تحطين بين وهم الرجوع ووهم النهايه ليه تخليني اتعلق فيتس وانتي تدرين من قبل انتس لولد عمتس بس ماقلتي لي تحسبين ابوتس ماقال لي
ميهاف : بتفتح دفاتر الماضي خلاص تسكرت حاول تنسى
هايل : والله لولا غلاتس ومحبتتس عندي كان دعيت ربي ينصرني بس والله اني احبتتس ومابي ولا شى يضرتس وعلى كل الاحوال دام هذي ردودتس الله يستر علينا وعليتس
ميهاف : بسحب نفسي من حالتك
هايل : خذي اجازه عشان الي ببطنتس
ميهاف : لاتشيل همي بالتوفيق ياهايل واتمنى من كل قلبي انك تصادف البنت الي تحبك وتستاهلك
هايل : دام ماهي ميهاف وش ابي فيها
ميهاف : سويت الي علي الباقي على الطبيبه الثانيه بالتوفيق
هايل : ماقصرتي

انتهى البارت

قراءه ممتعه يااصدقاء 💞💗💗