"جابك الله في زحام العمر صدفة "

36

~~~ في بيت ابوفهد ~~~
زامل : ليش ماتنام
هايل : وشلون تبيني انام
زامل : علطول يأست ياخوك بكرا نروح له بعد ونخطب للمره الثالثه
هايل : واذا رفض
زامل : يكفيك شرف المحاولة وانك قد حبك ومااوهمت البنت
هايل : البنت حذفتتي من كل مكان
زامل : حتى لو حذفتك هي يمكن تحسب ابوها بيوافق وتبي تبتعدون الين تملكون
هايل : هقوتك
زامل : هقوتي ونص بكرا انا بروح معك لعل وعسى يشوف اني من انسابه ويوافق
هايل : بيترك ولد اخوه وبيوافق علي وانا ولد عدوه
زامل : لاتتدخل بين سوالف الكبار هذيك مشاكل بينهم هم يحلونها مالك ذنب فيها نام الحين وبكرا ان شاء الله نمشي للرياض
هايل : طيب
~~~ صباح يوم جديد ~~~
زينب : احب ريحه الدخون والقهوة الي كل صبح تسويها خالتي
فهد : وش تنتظرين ماتقومين تساعدينهم
زينب : طيب بما اني مسكتك واخيرا وش صار معكم البنت امس منهاره وان ابوها كلمها وعرف ان بينها وبين هايل شى واليوم بيرجعون للرياض
فهد : مااعتقد بينهم نصيب رفض وهايل من عصبيته قال انهم يحبون بعض ولاتفرق بيننا وابوها هنا عرف
زينب : الله يعينها على الي بيجيها
فهد : اخوي ماتوقع بيستسلم طلب سيارتي هو وزامل
زينب : بتروح معهم
فهد : اي
زينب : طيب وانت متى بتاخذ حبيبتك
فهد : انسيها لي الحين
زينب : افا تهاوشتو
فهد : جاها نصيبها قبلي
زينب : كان مفروض انت تاخذها بس انت ماطلت وانت الي قبل ميت تبيها
فهد : يوم اخذتتس غيرت رايي
زينب : ووش ذنب البنت توهمها وتتركها
فهد : ماوهمتها خطبتها من ابوها وقال مالك نصيب عندي البنت بترجع لزوجها
زينب : يعني الحين من كذب على من
فهد : هي الي تسذبت علي وطلعت متزوجه بس تطلقت وتبيني اخذها واحللها لزوجها الاول وترجع له
زينب : هذي حوبتي تستاهلون اثنيناتكم
فهد : عاد حوبتتس ولا حوبتي موضوعها ماعاد ابيتس تتكلمين فيه
زينب : يعني مارح افتك منك واحلامي الي رسمتها بعدك
فهد : حققيها وانتي معي
زينب : شعنده ذا متغير بروح اساعد ندى وخالتي
فهد : روحي روحي ههههههههههههههههههههههههههههههه
زينب : يخوفني لما يصير هادي ويضحك يمه
شهد : شفيتس بسم الله عليتس بغيتي تدخلين فيني وتتعديني
زينب : ها لا مافيني شى
شهد : تعرفين كم الساعه
زينب : كم
شهد : ماتعرفين
زينب : يوه قولي ماشفت يوم قمت
شهد : ٢ الظهر
زينب : تمزحين صح
شهد : اي تونا الساعه ٨ ههههههههههههههههههههههههههههههه
زينب : وش صار عليتس انتي وعفراء هاوشوكم
شهد : جتني كم كلمه كانها موس بس عديتها طلع الموضوع ان فيه واحد شافنا فالبقاله وعرف اننا من اهل عمي ابوفهد وراح قال لهم وزود بهارات من عنده
زينب : اخس يالكلب متاكده الي جلس ينطل كلام
شهد : بس الي جالس ينطل كلامه نعرف ذا خلف ومن حاره ثانيه وماعمره شافنا عشان يعرفنا لنا شاكه براعي البقالة
زينب : يوهه ذا لا يكش ولا ينش وبعدين متهاوش مع جماعه خلف
شهد : قلبي مو مرتاح له وراه بلاء
زينب : افطرتوا
شهد : لا قاعدين نجهز الفطور
زينب : حلوو اليوم بساعدكم بكل شى عشان مااقابل فهد
شهد : وليش
زينب : امشي بعلمتس قلبي برد من العقرب الي كان بياخذها علي
شهد : اوه جوي هالسوالف
~~~ في بيت ابومحمد القرية ~~~
ميهاف : وش بتسوين اذا رجعنا للرياض
فاتن : مافكرت للحين
ميهاف : لاتقطعين عني
فاتن : تخسين مانيب كذا
خوله : حتى انا زوروني فالشرقية
ميهاف : انا مستحيل قدامي مستقبل ربه بيت
فاتن : طيب يمكن الولد افضل من ابوتس وابوه
ميهاف : وش الفايده اذا مو هو الي احبه ؟
فاتن : هذي نهايه الحب وهمتو بعض
ميهاف : ماوهمنا بعض جاء وخطب هو واخوه الكبير وطرده ابوي وقال جب ابوك وجو مره ثانيه مع ابوه وطلع ابوي يبي ابوفهد يجي عشان يذله ويصير الرفض قدامه
خوله : مو نصيبتس طيب
ميهاف : صح ممكن مو نصيبي بس مستحيل احب عبدالعزيز عليه يبقى هو الاول والوحيد الي حبيته
فاتن : الله يعوضه
ميهاف : صحيح انا بتزوج بس هو مدري وش بصير فيه
خوله : بيتزوج اكيد مابينتظر
ميهاف : مقدر اقول لا الله يوفقه
فاتن : طيب خلونا من موضوعه جد قولو وش بتسوون اذا رجعنا الرياض
ميهاف : بتقضى لزواجي
خوله : وانا بكمل تدريبي هناك قبلوني قلت لكم صح
فاتن : صح وانا بدور وظيفه ههههههههههههههههههههههههههههههه
خوله : حتى انتي ميهاف دوري وظيفه اكيد بيسمح لتس
ميهاف : ليش لا لو وافق بتوظف مع فاتن
فاتن : تعجبيني يلا خلونا نرتب شناطنا ونفطر ونفتح المركز وينقفله للابد
خوله : اما بيتقفل
فاتن : هو كل فتره يفتح ويحطون حقين التطبيق ف لو جت مجموعه التطبيق يروحون له وهكذا
خوله : حلوو يلا بروح ارتب عفشي
ميهاف : تعودت عالقريه
فاتن : حتى انا اذكر اول ماجيت كيف كنت كارهتها
ميهاف : حذفته من عندي
فاتن : الله يجعلها خطوه كويسه عليتس وماتدرين وش الخيره فالموضوع
ميهاف : كارهه عيشتي يافاتن كارهتها تعودت على هايل صح قليل اشوفه بس جت فتره فجاه كل شوي جايه بلاء وجاي عندنا كيف بنساه كيف بتعايش مع عبدالعزيز
فاتن : طيب قولي لعبدالعزيز يمكن يتفهم وتنفصلون
ميهاف : لو انفصلت متوقعه ابوي بيزوجوني هايل ؟
فاتن : ابوتس هذا ماله حل
ميهاف : انا اعرف عبدالعزيز شخص كويس بس ماتوقعت ولا واحد فالميه انه يحبني
فاتن : عاد كان حلو ههههههههههههههههههههههههههههههه
ميهاف : مو وقتتس
خوله : يلا امشوا نفطرر
~~~ في بيت ابوفهد ~~~
سياف : انا جاي معكم
فهد : هايل متاكد ان روحتنا بتفيد
زامل : بتفيد بتفيد مشينا ياعيال
سياف : وابوي شلون بنقول له
زامل : كلمت عمي ابوسطام ياخذه للمزرعه يتمشون هناك وخليت دحيم يفتح محلنا ويقعد عنده
فهد : متحمس اكثر من هايل
زامل : قعدتنا لازم نرتب له وندلعه يلا مشينا
سياف : بسم الله عطني المفتاح انا بسوق
فهد : ارفق عالسياره عاد
سياف : بوصلكم للرياض بساعه
هايل : لا لا ابي الحق اخطبها للمره الثالثة اذا وافق ابوها كيفك سوو حادث
سياف : استهبل معكم يلا بسم الله توكلنا على الله
زامل : اذا وصلنا الرياض مر بيت عمي ابومحمد
فهد: وليش
زامل : انا مكلمه يروح معنا اعرف صقر بيقعد يقول ليه ماجبتو ابوكم ف عمي بمكانه
سياف : على اساس كذا بيقتنع
زامل : بيقتنع امش بس
فهد : وش الشى الي مخليك واثق كذا
زامل : بعطيه كلمتين اما يوافق ولا بطلق حرمتي
سياف : ووش دخل حرمتك بصقر
زامل : امها زوجه صقر والي فهمته من هايل ان ماتحب بنت صقر واكيد لها يد فالموضوع حق الرفض فوحده بوحده
فهد : خبل انت تخرب حياتك عشان واحد منفصم
هايل : لاتسوي كذا يازامل ام عبدالله مالها ذنب
زامل : ماعليكم مني انا ابيها من الله اساسا
فهد : بنتعب واحنا نتكلم معك سوو الي تبيه
سياف : يلا اجل مشينا
~~~ في قسم الحريم ~~~
شهد : تمزحين طلعت حيه من تحت التبن
زينب : عاد تبين الصراحه ماكان ودي تطلع كذا
عفراء : وليش
زينب : الحين مافيه سبب عشان اتهاوش مع فهد
شهد : ناس تتمنى حياه هاديه بدون مشاكل وناس تدور المشاكل
ندى : وانتي
شهد : فالوسط
زينب : بس انا مابي فهد وكان موضوع حبيبته منقذ لي ولحياتي وعذر لانفصالي منه
عفراء : عاجبتتس حياتي الي صارت كلها مشاكل
ندى : حوبتنا
عفراء : انا صح غلطت قبل وقلبت زامل عليكم بس الحين تغيرت وهو تغير للاسوء انا تغيرت وحبيت عايلته عشانه
شهد : الله يعينتس ياحبيبتي حاولي يمكن ترجعون أفضل
عفراء : ماتوقع هو يبي يطلقني
زينب : يمكن يغير راييه انتي تجاهليه وشوفي النهايه
شهد : صادقه زينب لاتجلسين تحاسبينه ليش تعاملني كذا لا انشغلي بعيالتس وفالبيت ومعنا وحاولي ماتسوين مشاكل معه
عفراء : بحاول بس خلكم شاهدين على محاولاتي عشان لو ماتغير شى انا الي بمشي اعز ماعلي كرامتي
ندى : والله ماكنت بقول قدامها بس احس السبب انها تذكرون كيف كانت حيه يمكن دعاوي هالمظلومه ميهاف
زينب : بس مستحيل ميهاف تدعي على عفراء
ندى : تدعي على ام عفراء والحوبه تجي ببنتها
شهد : اسكتي انتي بس شدخل عفراء تجيها الدعوه على طاري ميهاف بيمشون اليوم الرياض
زينب : اما
شهد : اي والله شرايكم نروح لبيتنا ونسلم عليهم
زينب : يلا بما انهم مو موجودين
شهد : من تقصدين
زينب : فهد واخوانه
ندى : قولي ازواجنا تعودي تقولين لها زوجي هيام بحح راحت
زينب : الله ينكد عليتس اسكتي
~~~ فالمركز الصحي ~~~
عبدالرحمن : السلام عليكم
خوله : وعليكم السلام تفضل
عبدالرحمن : وين الدكتوره فاتن
خوله : امم انت دحيم الي ازعجتنا فيه معليش فاتن مو فاضيه الحين مع خويتها
عبدالرحمن : فاتن مزعجتكم فيني
خوله : اي لايغرك انها تتجاهلك تراها تحبك
عبدالرحمن : احلفي
خوله : لا بس احس
عبدالرحمن : انتي واحساستس ذا وش استفاد منه
خوله : عشان تتفائل وماتفقد الامل
فاتن : من الي يبيني
خوله : هذا الشخص
فاتن : تفضل
عبدالرحمن : سمعت انكم بترجعون اليوم للرياض
فاتن : اي ليش فيه شى يوجعك اعالجك قبل تروح
عبدالرحمن : اي
فاتن : تفضل ادخل غرفه الانتظار
خوله : شكله بيعترف لها داخل الغرفه
ميهاف : شلون بنسمع الحين
خوله : امشو نرصع اذانينا عند الباب
ميهاف : يلا
~~~ في غرفه الانتظار ~~~
فاتن : وش يوجعك
عبدالرحمن : مايوجعني شى بس عادي اقولتس شى
فاتن : لا
عبدالرحمن : هالمره مافيها مزح حتى لو ماتبين تسمعين بقول لو ماصار نصيب بين ولد عمي وخويتتس لاتخلينا نفترق
فاتن : ووش دخلنا ببعض من متى بيننا شى عشان نفترق
عبدالرحمن : ماقصد كذا اقصد عطيني بس امل واحد انتس بتنتظريني
فاتن : وليش انتظرك تستهبل انت اوهامك ذي عشها لحالك
عبدالرحمن : لاني احبتس
~~~ عن الباب ~~~
خوله : اعترف اعترف
ميهاف : يارب فاتن ماتكسر قلبه
خوله : لو رفضت بنتدخل الولد كيوت حرام تضيعه
ميهاف : ماتعرفين فاتن انتي للحين
خوله : يارب توافق
~~~ فالغرفه ~~~
عبدالرحمن : لاتسكتين ردي انا مابيتس بالحرام انا ابيتس بالحلال تقربت من ابوتس ورفضت بنت عمي عشانتس اختي شهد قالت بتقول لتس اني احبتس بس رفضت مابغيت تسمعين من احد ثاني قبل ماتسمعين مني يوم بلكتيني ماكرهتس بالعكس بلكتتس بعد مابي يكون بيننا علاقه قبل الزواج ابدا وانتي قلتيها بلسانتس مع علاقه هايل وخويتتس كل شى بالحلال حلوو ولايعجبتس الحب الي يجي قبل الزواج انا مابيتس تحبيني الحين بس عطيني امل انتس بتبقين لي وانا مستعد من بكرا اجي واخطبتس انا رفضت كل البنات عشانتس مابقى شى ماسويته رغم جفاتتس وكلامتس تحملت كل شى لحالي واخذت بيت وسياره وحطيت قسم لعمي الي هو ابوتس وش باقي ماسويت
فاتن : دقيقة دقيقة متى امداك تسوي كل هذا وليش بتطلع عن اهلك الي اعرف من عاداتكم تسكنون في بيت اهلكم
عبدالرحمن : اعرف انتس مستحيل تخلين ابوتس فعشانتس انتي وعمي حطيت بيت لحالنا وفيه محمد بيتزوج ويسكنون عند امي
فاتن : ومن بنت عمك الي رفضتها
عبدالرحمن : ندى ابوي كان بيخطبها لي لان سياف خطب اختي شهد بس انا رفضت وقلت مابي اقارب
فاتن : اها مدري وش اقول
عبدالرحمن : لاتقولين شى اعرف انتس ماتحبين حركات الحب بس ابيتس تعطيني كلمه انتس ماتوافقين على اي احد وبجي اخطبتس
فاتن : لو بيننا نصيب انا وانت مارح ارفضه
عبدالرحمن : يس يس بينتصر حبنا
فاتن : وش تسوون هنا
ميهاف : حركااات
فاتن : تتسمعون
خوله : فضولنا اقوى منا شنسوي
ميهاف : ماانتصر حبي انا وهايل بس عالاقل أنتي وعبدالرحمن بتكنون لبعض
فاتن : وشدراتس حكمتي علطول
ميهاف : احس يعني
خوله : سمعنا كلامه يوهه ياانه معبر محظوظه
ميهاف : صدق متى امداه يخطط ويسوي كل ذا
فاتن : انا بكبري مدري كنت شاكه من قربه لابوي
خوله : لو تزوجتو اعزميني عاد مالتس حق
فاتن : تحبون تسرعون المواضيع يمكن يخطبني واحد افضل
ميهاف : مافيه افضل من عبدالرحمن
فاتن : خلاص اسكتي انتي وهي
~~~ في بيت صقر ~~~
صقر : يالله حيه اشوفكم تعلقتو في بيتي
زامل : الله يحييك ياعم ابد اشتقت لشوفتك وحتى بنتكم اشتاقت لكم
صقر : البيت مفتوح لها باي وقت وماهي بحاجه احد
سياف : ياعم جيتنا معروفه وهذي ثالثه مره نجيك
ابومحمد : شلونك ياصقر
صقر : بخير شلونك انت
ابومحمد : بخير بخير مارح اطول عليك احنا جايين ونبي نخطب بنتك لولدنا هايل
صقر : وولدكم ماعلمكم ردي
ابومحمد : جاي اسمع منك انا واسمعني ياصقر ماله داعي هالحركات
صقر : لاتكرر كلام اخوك اليوم ملكه البنت ولولا جيتكم انا كنت بروح اجيبها من القريه عشان تتجهز وملكتها بعد العشاء كانكم مطولين فاحضروا انت خالها وهذولي عيال خوالها بعد
هايل : البنت لي والله محد يمسك يدها غيرها
فهد : استهدي بالله ياهايل
صقر : اقول قم اقلب وجهك ماعندي بنت لك
ابومحمد : اقصر لسانك ياصقر
زامل : اسمعني ياعم صقر اما تعطينا بنتك ولا بنتكم مالها قعده على ذمتي
صقر : وصلت فيك هالمواصيل ياولد عبدالله
سياف : اذا قلت اسم ابوي تحط يدك فوق راسك ولولا هايل ماجينا لبيتك
صقر : كان هذي خطتك يازامل فبنتي مكانها وبيتها هنا معززه مكرمه ولاتنذل عندك وانت ماعندي بنت لك يلا الباب يوسع له جمل
ابومحمد : طول عمرك ردي وطارد لضيوفك طبعك مايتغير يالردي
صقر : الردي نسيبكم زوج اختكم
ابومحمد : مالنا صله فيك الله يقطعها من نسابه امش ياولدي هايل
ابوعبدالعزيز : السلام عليكم
ابومحمد : انقلع عن وجهي
ابوعبدالعزيز : وش صار وشفيهم طالعين كذا
صقر : انا طاردهم
ابوعبدالعزيز : وليش
صقر : يبون ميهاف لولدهم
ابوعبدالعزيز : اجل زين تسوي فيهم
~~~ فالسيارة ~~~
سياف : اهدا ياهايل
هايل : والله ماياخذها الا على جثتي والله
فهد : هي موافقه ماعارضت
هايل : احد يقدر يجابهه ابوها يافهد
ابومحمد : انساها يولدي انساها ماهي نصيبك
هايل : برسل لها حاذفتني
ابومحمد : اعتقد انها نستك جاء دورك تنساها
هايل : مقدر ياعمي مقدر كانك تطلب مني اتخلى عن روحي
ابومحمد : نزلني يولدي عند بيتي
سياف : ماقصرت ياعمي
زامل : لانرجع للقريه
فهد : وين بتروحون
سياف : اي مكان بمشي بهالسيارة
هايل : خلونا نرجع للقرية
زامل : ليش
هايل : بودعها قبل تروح
فهد : الله يهديك

انتهى البارت

قراءه ممتعه