"جابك الله في زحام العمر صدفة "

77

~~~ عن شقه فهد ~~~
ابوفهد : يله وينه مايطلع يستقبل ابوه
محمد : خلنا ننزل ياعمي ونطق عليه
هايل : مشينا يامحمد
ابوسطام : لازم تطيح الحطب الي براسك يابوفهد وتعدل الامور هي من بدايتها خطاكم
ابوفهد : زين زين مشينا ننزل
محمد : ياهلا ومرحبا يابواحمد
فهد : هلا هلا محمد
هايل : شكلك ناسيني اذكرك من انا يااخوي الكبير
فهد : قمت من الغيبوبه
هايل : ههههههههه اي الحمدلله عساك انبسطت بشوفتي الحين لانك ماجيت تشوفني
فهد : اعذرني ياهايل والله مشغول
ابوفهد : مشغول بوش بابوك بامك بدلت اهل حرمتك باهلك هذي فعله تسويها ياولدي الكبير ياعضيدي تترك اهلك وتعطيهم ظهرك ونلقاك معييش اهل حرمتك انت مانت فهد الي انا مربيه
فهد : والله مشغول يايبه
ابوسطام : يافهد ياولدي مايصلح الي تسويه انت تدري ان ابوك وامك غضبانين عليك وش فايده شغلك وعيشتك دام هم ماهم راضيين عنك
فهد : اعذرني ياببه والله لو تبي ابوس رجولك لابوسها انا انا مادري شفيني ابي اجيكم بس مقدر اجيكم
محمد : عشان كذا احنا جيناك اترك كل شى وامش معنا يافهد
فهد : وحرمتي
ابوفهد : بتطلقها يافهد
فهد : احبها يايبه احبها
ابوفهد : ماهو حب ذا يافهد هذي ماتحبك ولا تبيك
محمد : دقيقه ياعمي ميخالف يافهد انت تعال معنا ونعالجك وبعدها يوم تصحصح سوو الي تشوفه صح انا متاكد انك بتشوف الصح من الخطا وبتصحح خطاك
فهد : لا لا ويين مامن خطا يابوسالم معرس وكاف خيري وشري
هايل : فهد يابوي استهدي بالله وامش معنا لاتخليها تلعب بحياتك زود انفداك لاتردنا ابوي جاي بنفسه لك
فهد : دقيقه بروح اقول لها
ابوسطام : امسح دموعك يابوفهد بطرف غترتك لاتخلي عيالك يشوفون دمعتك وهم يستمدون قوتهم منك امسحها ولدك بيرجع لك
ابوفهد : ماكان كذا يابوسطام
ابوسطام : والله اذكر تربى على يدينا بس بني ادم يخطي والصح الي سواه ابوسالم
محمد : الله يرفع قدرك ياعمي
هايل : كانه طول
محمد : بيطلع ان شاء الله واثق فيه انا
هايل : الله يصلحه ويرده لنا
محمد : ها انفتح بابه
فهد : عساني ماتاخرت
محمد : لا ماتاخرت يله مشينا وين مفتاح البيت
فهد : داخل فالبيت
هايل : وشلون بترجع للبيت
فهد : ادق الجرس يله مشينا
ابوفهد : علطول ودونا على شيخ يقرا عليه
هايل : ماشتقت لامي
فهد : لا ها اي اي اكيد اشتقت لها
هايل : هذا ماهو فهد الي اعرفه
محمد : فهد ياحبيبي اكيد مانسيتنا وتعرفنا
فهد : اي اعرفكم
محمد : حلووو الحين بنروح لشيخ عمي ابوسطام تعبان بيقرا عليه وبنرجع شرايك
فهد : طيب انا بنام الين نوصل
هايل وهو يبكي : ماكنت كذا يابواحمد ماكنت ليتك ماحبيت والله هالحب ماوراه الا التعب وضيقه الصدر
ابوفهد : محمد وشدراك باللي صاير له
محمد : ياعمي تعرفني من قبل وانا وفهد علاقتنا غير فانا كنت ازوره وشفته بحال ماهو متعود اني اشوفه عليه رحت للمسجد الي بحارته وسالت امام المسجد اذا فهد يجي وحلف لي ان له ٨ شهور ماشافه فالمسجد وعرفت ان عقل فهد انمسح لان تخبره ياعمي اول واحد يقول للصلاه هو
ابوفهد : الله يرده ردا جميلا
ابوسطام : يله وصلنا
~~~ في بيت ابومحمد بمجلس الحريم ~~~
ام محمد : ماشاء الله عليتس ياقمر ياحظتس فيها يام غيث على هالسناعه
قمر : تسلمين ياخاله والله اني قبل ماعرف الا قليل من الطبخ بس تعلمت على يد خالتي
ام فهد : يوه ماذقتي طبخها فالمحاشي
ابوعزام : اصلا تشوفين يدينها وهي تطبخ تنفتح نفستس
ام غيث : خلاص عاد لاتخلونها تستحي ترا ماهي متعوده على قعده الحريم ماعندها غير انا ورغد
ام محمد : طلعت عندتس بنت ومغيبتها عنا
ام فهد : بنتها محجوزه ياحبيبتي
ام عزام : ماشاء الله لمن
ام فهد : الا مايجي نصيبها الصح خلاص كل عيالكم بيعرسون
ام محمد : حتى عيالتس كلهم اعرسو الا هالصغير مدري متى بيعرس
ام فهد : اي امرنا لله نماشيه فتره
ام عزام : الا بنتتس وش تدرس يام غيث
ام غيث : بنتي تمريض ومخلصه باقي له مدري وش يسمونه
قمر : تطبيق
ام عزام : ماشاء الله ان شاء الله تطبق عند حرمه دحيم ولا
ام محمد : اي ماتدرين يمكن
رغد : يعني الله يصلحكم تركتو كل شى وعطيتوني اقطع بصل
ام محمد : اي واضح عليتس ماتعرفين تطبخين
رغد : افا عليتس ياخاله انا فنانه
ام عزام : اوه اتحفينا وش تعرفين
رغد : اندومي يحبه قلبك ياخاله ام عزام تاكلين اصباعتس وراها
ام فهد : يوه اللهم ياكافي تقل ناكل شعر ماتعرفين غيره
رغد : وش مشتهيه ياخالتي اسوي لتس بس فكوني من هالبصل الله يعافيكم
ام محمد : دام ماتعرفين الا شعر هالعرايس الله يحفظ النعمه اقعدي قطعي البصل واذا خلصتي قطعي ثوم
رغد : اها ياخاله بدينا يعني
ام محمد : يالبى قلبتس ليتني اعرف عنتس قبل كان سرقتتس من اهلتس
رغد : فيه شروط
ام محمد : يوه يوه اسمعو وش تقول شروط بعد
رغد : شرطي ماتخليني اقطع بصل
ام محمد : ههههههههه خلتس تستاهلين
ام فهد : فرح دقي على اخوتس شوفي وش صار معهم
فرح : توهم دخلوعالشيخ يمه
ام فهد : الله يستر
ام غيث : الله يصلح حاله ياوخيتي
ندى : يمه متى بنرجع للقريه
ام محمد : يوه مضايقتتس القعده هنا
ندى : لا ياخاله بس يعني لازم نعرف
ام عزام : اي مصيرتس بتجين هنا لما تاخذين ولدي
ندى : ان شاء الله
ام فهد : والله مدري يابنتي متى ماقال ابوتس اركبو ركبنا
فرح : دق دق هايل الو شصار معكم ليش تصيح
هايل : مانيب مصدق الي شفته
فرح : وش شفت
هايل : اعلمتس لارجعنا ابوي طلب ذبيحه ومشروبات شوي وبتجي دخلوها واحنا جايين بعد شوي تجهزو
فرح : قولولولوش يمه شغلو الاغاني شغلوها
ام فهد : وش صاير بشريني
فرح : ابوي ذبح ذبيحه وبتجي يعني واضح فهد طاب يايمه
ام فهد وهي تصيح : اللهم لك الحمد
رغد : خلني اشغل لكم الاغاني
ام محمد : البصل كمليه ورانا ذبيحه
شهد : الاغاني علي
~~~ فيه مجلس الرجال ~~~
ابومحمد : ابد على هالخشم يله يله مشينا نودي الذبيحه للمطعم ونحجز
ابوعزام : وش له
ابومحمد : فهد طاب ياخوي طاب دقيت على حقين الزل ودقيت على ابوخالد يجيب احمد ابوه يشوفه كلمت الشباب يسبقونا ام محمد رتبو المجلس وبخروه
ام محمد : ابشر تم
رغد : يعني نروح نلبس فساتين
ام محمد : اي اكشخو بتجي جهير
ام فهد : انتي صادقه
ام محمد : اي والله كلمها ابومحمد
فرح : اخيرا بتشوفون زوجه فهد الي قبل
رغد : قمر افتحي شنطتس
قمر : مو قايله لك جيبي فساتين
شهد : ترت دولابي مليان طبو وتخيرو
رغد : اذا نقص شى داهمتتس
شهد : يالبى قلبتس كلي لتس
ام فهد : وش السالفه يام محمد مانيب مصدقه الي يصير
ام محمد : يوه ماودي والله اقول لتس بس يله امري لله دام ام عزام ماهي هنا اليوم دام ولدتس طاب ابوعزام يبي يملك لعزام وبنتتس
ام فهد : وش تقولين انتي يام محمد البنت ماهي جاهزه
ام محمد : ماعليتس خليت شهد تقنعها تكشخ وبتعلم البنات الا بنتتس
ام فهد : وش هالاخبار الحلوه
ام محمد : لاتقولين لام عزام اني علمتس يبونها مفاجاه
ام غيث : ياحليلهم والله الله يوفقهم
~~~ فالحوش ~~~
رغد : انا وش الي خلاني البس كعب الملكه ملكه ندى انا شكو
فرح : اسكتي يالفضيحه لاتسمعتس
ام غيث : رغد دخلي الببسي والسفن والماء
رغد : مع هالكعب يمه
ام غيث : اي مافيها شى افصخيه فرح حبيبتي ولدتس يصيح فوق
فرح : ياربي معك ياعزيز من امس ياخالتي على صوت
ام غيث : امشي امشي نشوفه
رغد : كل شى رغد كل شى رغد
ام فهد : وين طالعه كذا يابنتي امسكي الجلال دقيقه بيدخل ابوفهد خلتس وراء الباب
رغد : بموت كتمه خلصو سلام
فهد : يمه اسفه تكفين سامحيني وارضي عني
ام فهد : ماقدر ازعل منك ياولدي
ابوفهد : ادخلو ادخلو يله تعبنا اليوم ياماشاء الله وش هالزل الحلو الله لو اننا بالقريه ولا يافهد
فهد : اي والله اشتقت لها وين سياف وزامل
~~~ عند باب الشارع ~~~
رغد : وانا كاني مزهريه كم كرتون شارين بيشربون الحاره كلها
ابوسطام : انا عندي شغله بمر بمكان وبرجع دخل الاغراض ياولدي
هايل : ماتقصر ياعمي من ذي
رغد : كل شى علي رغد قطعي بصل قطعي ثوم شيلي كراتين يعني عشاني موب متزوجه بنكرف وانت تعال بعد مفروض يالكرتون تشيل نفسك بنفسك بعدين انا وين والاظافر والكعب وين بسم الله ول ول انكب انخض تعاال مافيني حيل اركض
هايل : الحمدلله والشكر وش تسووين هنا ومن انتي
رغد : بدال التحقيق جب قاروره هالببس الي وزنها طن
هايل : ههههههههه انا اقول روحي شيلي كعبتس وارفعي الجلال الي مسحتي فيه عتبه البيت كلها واظافرتس الي لصقت بكرتون الببس
رغد : اح من متى واقف هنا اصلا من انت عشان توقف عند بيت اخو ابوفهد
هايل : انا ولد ابوفهد شخصيا انتي الي مين
رغد : وانت شدخلك وجعع يله شل الكراتين ودخلها
هايل : الحمدلله والشكر ناقص ناس مجانين ماشالت اظافرها
رغد : وجع قليل الادب باقي يقول ومسحي مكياجتس
فرح : وشفيتس معصبه
رغد : واحد مايستحي قابلته فالشارع
فرح : وشلون قابلتيه
رغد : كنت قاعده اشيل الكراتين وفجاه طلع بوجهي
فرح : ومن ذا خير
رغد : مدري يقول انه ولد ابوفهد شخصيا
فرح : ههههههههه يعني واحد من اخواني معليه امسحيها بوجهي
رغد : نسيت كعبي برا تكفين جيبيه دام انه اخوتس
فرح : ابشري انتبهي على عزيز
~~~ فالحوش ~~~
محمد : انا طالع مشوار عشان اهلك يشوفون فهد
هايل : تم هلا فرح
فرح : شفت كعب رغد برا فالشارع
هايل : قايلن لها خذيه بس البهيمه بهيمه
فرح : طلعت انت المجنون الي قابلها فالشارع
هايل : ضربني وبكى سبقني واشتكى ذي من من عزمها
فرح : استح على وجهك ذي بنت خالتنا ام غيث
هايل : اوهه اشوا ماهم موجودين احسبها من جيران عمي ابومحمد هذا كعبها وذي اظافرها وتعالي انتي وندى شوفو فهد يبي يسلم عليكم
فرح : يله راجعه ندى ندى قومي نسلم على فهد
ندى : مابي
فرح : تستعبطين اقول قومي يبي يشوفنا
ندى : توه يتذكرنا
شهد : عيب ياندى امتس وابوتس رضو عنه خلاص اكسري الشر
ندى : اف كل شى بالغصب يعني
فرح : ترا ادري انتس ام دميعه اول ماتشوفينه بتصيحين
رغد : فكوني من هالاظافر نشبت بكل مكان الا اصابعي
قمر : تعالي اركبها ناقص اظفر وينه
رغد : يمكن طاح بالشارع
قمر : وين سلسالك من سرقك انتي ورجعك لنا ؟
رغد : برقبتي يوه وين اختفى
شهد : بعد العزيمه دوريه
~~~ في مجلس الرجال ~~~
فهد : مبروك ياحبيباتي سمعت انكم بتتزوجون الله يجعلها زواجه الدهر
فرح : الله يبارك فيك والحمدلله رجعت لنا وتصير شاهد على عروسنا
ندى : كنت زعلانه منك بس ماقدرت امسك دموعي
ام فهد : لاتخربين مكياجتس
فهد : اعذروني وانا اخوكم انا غلطان سامحوني
فرح : الله يخليك لنا مسامحينك هو احنا نقدر نزعل منك
~~~ عند باب الشارع ~~~
هايل : ايه ايه ليت كل الايام فرح وسرور وبخور وش ذا فيه شى يلق سلسال رغد من
ابوعزام : هلا ياولدي جيتو
عبدالرحمن : ولد هيه نكلمك
هايل : ها اي ياهلا جينا جينا ياعمي فهد داخل
ابومحمد : تفضلو تفضلو علمنا لا جاء ابوخالد
عبدالرحمن : وين سرحان
هايل : مانيب مصدق الي صار ياخوي صحت الين تنفخت عيوني
عبدالرحمن : اهم شى رجع لكم بخير وبأفضل حال وترا شفتك دخلت شى بجيبك فطلعه وورني اياه
هايل : بزر انت بزر ادخل ادخل سلم على فهد اقول
عبدالرحمن : تحاول تغير الموضوع راجع لك
~~~ في مجلس ابومحمد ~~~
ابوعزام : دام النفوس هدت وفرحنا برجعه فهد وابوخالد عندي موضوع ابكلمك فيه يابوفهد
ابوفهد : سم يابوي
ابوعزام : المليك عند الباب وانا والله ماودي تخلص هالليله وبنتك ماهي زوجه ولدي ودي اليوم نحط الملكه
ابوفه. : بنتي هي بنتك يابوعزام والله يحيي المليك والملكه ابد اليوم والله يبارك لهم
عبدالرحمن : حركات ماعلمتنا
عزام : ابوي عيا يبيها مفاجاه
هايل : مفاجاه حتى عنا يااهل العروس
غيث : جاء المليك تفضل ياعم
المليك : بسم الله الرحمن من العريس
عبدالرحمن : منت ناوي تتكلم
عزام : انا العريس
المليك : وابوالعروس
ابوفهد : انا
المليك : الشهود
هايل وعبدالرحمن : احنا
المليك : اخوانها ماتشهدون لها
هايل : حسافه
ابوسطام : انا
ابومحمد : وانا اهجد يادحيم انا اولى
المليك : ياولدي موافق تتزوج ندى
عزام : ايه
المليك : ابوفهد موافق تعطي بنتك ندى لعزام
ابوفهد : اي
المليك : الله يوفقكم ويجمعكم بينكم وقعو وعطو العروس الدفتر توقع
~~~ فيه مجلس الحريم ~~~
ندى : تستهبلون يمه وش قاعد يصير
شهد : ملكتتس اليوم وكلنا ندري الا انتي
ندى : بس انا قلت ابي اخر وحده
فرح : استحي على وجهتتس امه واقفه وهذي ملكه ماهي عرس ليش مشتطه انتي اذا ماتبينه لاتوقعين عالدفتر الي بيجيتس
ندى : ماهي القصه كذا
زينب : وشفيتس يارغد تدورين على نفستس
قمر : ضيعت سلسالها الي ماتفكه ابدا
زينب : وين اخر مره كان معتس
رغد : يوم كنت اشيل الكراتين بعدها دخلت واختفى
زينب : اجل طاح بالشارع ساره روحي دوريه حبيبتي
رغد : اي تكفين شوفي مكتوب فيه اسمي رغد
ساره : طيب
ام عزام : يله بيدخل يلبستس دامتس وقعتي
ندى : اف خايفه
ام فهد : انا معتس لاتخافين
~~~ في باب الشارع ~~~
سياف : وراك تصيح
هايل : تزوجت ندى والله ان ودي اخليها عندي
سياف : ذي سنه الحياه ياولد الحلال من ذي الي برا
هايل : ساره وش تسووين هنا لحالتس
ساره : ارسلتني اختي ادور سلسال رغد
سياف : وليه بيكون فالشارع
ساره : تقول اخر مكان كان معها فيه هنا
هايل : مافيه شى دورت علميها
ساره : طيب
~~~ بغرفه شهد ~~~
شهد : حركات ندى مالها داعي وواقفه زوجه عمي ام عزام الي بتصير خالتها بالمستقبل
قمر : صح كلامك بس هذا مايعني انهم يسوون كذا بسرعه بسرعه
زينب : لعل بالامر خيره وعلى كلام فرح لندى اذا ماتبينه لاتوقعين على الدفتر الي بيجي
شهد : مادري مادري بس ندى هاليومين ماهي عاجبتني
زينب : ليه
شهد : انتي مادريتي ان امس ملكه اخوي على فاتن وانتي تعرفين الباقي
زينب : للحين ابوطبيع ماجاز عن طبعه
شهد :اي للحين
~~~ بالحوش ~~~
رغد : بشري ياساره لقيتي شى
ساره : قلت لولد خالي هايل يدوره ودوره بكل الشارع مالقاه تاكدي وين طاح منتس
رغد : يابنتي متاكده انه كان معي الين الشارع
~~~ عند باب الشارع ~~~
عبدالرحمن : مبروك يابوالعزم واخيرا بتعرس وتفكنا منك
عزام : وانت بتعرس وبنفتك منك
عبدالرحمن : اي باقي هالسروق
هايل : ها تقصدني
عزام : بوش سرحان يالهيمان
هايل : تحبون تهرجون واجد عطوني الزبده
عبدالرحمن : لا بس ودي اذكرك ان بدايتك لقيت اسواره والحين لقيت سلسال
هايل : الله يقطع بليسك امداك شفت بعدين هي بنت خالي واذا شفت خواتي عطيتهم يعطونها لاتقعد ترسم بعقلك سيناريو مالها لا بدايه ولا نهايه
عزام : ههههههههه شفيه انهد علينا ذا هد يبوي ماقال شى دحيم
عبدالرحمن : شاكن بنفسه
هايل : اقطع واخس انت واياه اروح اقعد بالمجلس ابرك لي
عبدالرحمن : رجع سلسالها لا بكرا تتعلق فيه ههههههههه
عزام : قال ايش قال يحب ذيك
عبدالرحمن : لا مانقدر ننكر عاد حبه لهذيك
عزام : خرطي والله مشينا ندخل

انتهى البارت

قراءه ممتعه يااصدقاء 💞💞 ان شاء الله رح احاول اني انزل لكم بالاسبوع ثلاث بارتات