"جابك الله في زحام العمر صدفة "

27

~~~ في المركز ~~~
ميهاف : اشتقت له يافاتن ماجاء يشوف اخوه
فاتن : هو لو عنده جوال كان كلنا ارتحنا منكم
ميهاف : انتي وين وانا وين
فاتن : اسمعي ميهاف احنا باقي شهر ونخلص تدريب هنا قولي له اذا يبيتس وشاريتس يطق بابتس خلاص الى متى وانتو كذا خليه يخطبتس
ميهاف : يمه وش قاعده تقولين انتي
فاتن : نعم نعم اجل علاقتكم ذي وش تستهبلين ميهاف
ميهاف : محد فينا يستهبل الا انتي وبعدين انا مو جاهزه وهو ماهو جاهز بعد
فاتن : الي يحب بيسوي المستحيل عشان يرتب جيته
ميهاف : مدري مدري يمه
هايل : السلام عليكم ابغى اسال وين فهد
فاتن : داخل بيت ابوك
هايل : الله يشفيتس اخلصي علي وينه
عزام : ارحب ياهايل وينكم يخوي طولتو
عبدالرحمن : محمد ماجاك
عزام : والله ولاشفت زوله حتى
سطام : غريبه هو قال بيمر عليكم
هايل : ماعلينا وين فهد
عزام : هالغرفة
هايل : زين قلت
فاتن : وين وين ممنوع احد يدخل وقت الزياده الصبح
هايل : يعني هو نايم الحين
فاتن : اي تعالو الصبح وشوفوه
هايل : على خير مشينا ياعيال للمزرعة
فاتن : هذا الي خايفه عليه ومشتاقه له حتى مالاحظ وجودتس
ميهاف : ماسويت شى وش جايه مني
فاتن : مايستاهلتس نقطه وانتهى
هايل : أسمعوا ياعيال خلونا نروح لبيوتنا والصبح نمر نشوف فهد ونروح للمزرعه
سطام : اتفق معك لاني تعبت
عبدالرحمن : يلا اجل الوعد الصبح
~~~ في بيت ابو فهد ~~~
ندى : وأخيرًا جيت تحنطت هنا
هايل : وشتبين
زامل : ادخلي داخل بيدخل خالد ينام عندنا
ندى : تعال هايل ابيك
هايل : يوه ياندى سوالفتتس ماتخلص
ندى : شفيك معصب امسك ذا الجوال
هايل : ومن حقه
ندى : ياغبي لك فهد جابه وحطه على فراشك وانت توك تجي للبيت
هايل : مايقصر فهد ماله داعي
ندى : الا له داعي اخذت رقم حبيبتك وبعطيك رقمها
هايل : احلفي
ندى : والله وترا بتصير عم بعد
هايل : وشذا اختفينا كم ساعه صار كل ذا
ندى : اي فرح حامل بس خالد مايدري
هايل : ببشره بطريقتي ماعلينا منهم وشلون افتح الجوال واحط رقم ميهاف
ندى : اخس يالخاين بدال ماتقول بحط رقمتس اول وحده
هايل : انتي ٢٤ ساعه قدام وجهي تبين بالجوال معي
ندى : بسجل نفسي اول وحده
هايل : خذي جوالي وسوي فيه كل شى وانا بنام لاقمت تعلميني عليه
ندى : تم
~~~ يوم جديد وصباح جديد في بيت ابوسطام ~~~
ام سطام : ليش منومته عندتس
هديل : يمه قصري صوتتس لايقوم وش المشكلة لو نمت طفل عندي
ام سطام : اسمعيني ياهديل وحطي كلامي في قلبتس حركات التعاطف ذي معه وانتي ماتقربين له ماتجوز لي ولا ودي اعرف مغزاها لاني اثق فيتس
هديل : يمه انتي من جدتس تفكرين كذا انا ولا واحد بالميه توقعتس قاسيه كذا طفل امه متوفية وابوه مختفي ومو سال عنه جابه للقريه ورماه واختفى وعمته توها متزوجه وعمه فالمزرعه وجدانه فالرياض وين بيروح
ام سطام : يقعد في بيت عم ابوه ابوفهد
هديل : بس هو تعلق فيني يمه طفل عمره ٧ سنين فقد امه وحنان امه وابوه مو سال عنه
ام سطام : يعني وش بتسوين بترفعين قضيه وتاخذينه
هديل : لا مارح اخذه ولا هو من حقي اخذه بس عالاقل احسسه بالحنان
ام سطام : مايمشي هالموضوع على راسي
هديل : خلي تفكيرتس يمه كذا بروح تقوم ابوي يودينا لمدرسته
ابوسطام : قايم ياابوي رحت اجيب فول وتميس نفطر ونمسك خط الرياض
هديل : ليت امي تتعلم من تفكيرك وحكمتك
ابوسطام : امتس تخاف ان يكون نصيبتس تربين هالولد تعرفين تفكير الامهات
هديل : والله يايبه كل نيتي ومبتغاي اساعده كلامه الي قاله لي امس قطع قلبي
ابوسطام : الله يرحم امه ويهدي ابوه ويرده لولده
هديل : ابروح اسوي الشاهي واقومه
ابوسطام : طيب اغراض مدرسته عنده
هديل : لا بنمر بيت جدانه وناخذها
ابوسطام : الي تشوفينه ياابوي
ام سطام : وين رايحه جبت الشاهي
هديل : بقومه يفطر
ام سطام : قومي اخوتس بداله
ابوسطام : وش هالقسوة الي فيتس ماخبرتس كذا
ام سطام : مابغى بنتي تسوي كذا
ابوسطام : وليه ماتساعد هاليتيم
ام سطام : عنده جد وجده وعم وعمه واب
ابوسطام : الله يهديتس بس انا فاهم وش تفكرين فيه والله لو يقدم ابو محمد ويخطب اني لاتشرف ولده محمد ماكان كذا ابدا كان مجلسه مفتوح وكريم وحضوره كله خير ودائمًا يصلح بين الكل بس من يلومه ماتت زوجته الي يحبها
ام سطام : الله يرحمها ماقلت شى بس شل فكره بنتي تاخذه
ابوسطام : الشور ماهو بيدي ولا بيدتس بنتنا كبرت وهي الي تاخذ شورها بنفسها
ام سطام : محد مكبر راسها غيرك
هديل : سالم ماما حبيبي يلا نروح للمدرسه
سالم : شوي عطيني خمس دقايق بس
هديل : طيب واحد ثنين ثلاثه اربعه خمسه خلصت يلا قم
سالم : بتروحين معي
هديل : اكيد
سالم : طيب بقوم
هديل : اول بنروح بيت جدك
سالم : لا لا بتخليني عندهم وهم مارح يروحون معي للمدرسه
هديل : طبعًا لا احنا وعدنا بعض امس مانكذب على بعض صح
سالم : صح بس ليه بنروح لهم
هديل : ليه يعاملونك مو كويس
سالم : لما كانت عمتي شهد فيه كنت احب اروح عندهم لانها تحبني وتهتم فيني وتدافع عني
هديل : تدافع عنك عند من
سالم : جدتي
هديل : ليه وش تقول لك
سالم : اذا شافت بابا تعبان او شى تقول كله بسببك وبسبب امك وان ابوي من اخذها وهم فالمستشفى وانا اصرخ عليها واصيح مابغى تتكلم عن امي كذا
هديل : تحب بابا طيب
سالم : كثييييير
هديل : هو يحبك
سالم : قبل اي والحين اي بس مايهتم فيني مثل قبل ودائما يتركني ويروح
هديل : ياحبيبي انتي اذا عمه شهد مو موجودة من فيه؟
سالم : عمه هديل
هديل : صح يلا قم نفطر ونروح لبيتكم وبعدين المدرسه
سالم : ليه بنروح لبيت جدتي
هديل : عشان شنطتك المدرسه وملابسك؟
سالم : تدخلين معي
هديل : اكيد يلا قم
ابوسطام : يلا يابنيتي تاخرنا
هديل : يلا
سطام : ليش ماقومتوني
ام سطام : وش عندك وين بتروح بعد
سطام : للمزرعة كم الساعه الحين
ابوسطام : خمس الفجر وش منقزك انت
سطام : ابروح اصلي وبنروح للمزرعه بسيارتي تعرف يبه للحين ماخلصناها
ابوسطام : اي سالفه المزرعة لا زين قمت اجل البسي عباتس يامراه وامشي معنا
ام سطام : وش وداني معكم بسير على ام عزام عازمتنا وكنت باخذ هديل بس بتروح معك
هديل : خيرها بغيرها ياحلوة اللبن
ام سطام : يلا مع السلامة
ابوسطام : اصبحنا واصبح الملك لله يلا سرينا ياام سالم
هديل : يبه وقتك تحارشني
ابوسطام : اشوفتس حاطه هالمكياج
هديل : تعرف بنتك ماتروق الا تتمكيج
ابوسطام : وسالم اخذ بنتي مني
سالم : انا اخذتها قبلك
ابوسطام : باخذها منك يوم من الايام بخطفها
سالم : انا رجال بلقاها على طول
ابوسطام : ههههههههههههههههههههههههههههههه الله يخليك لابوك
~~~ فالمزرعة ~~~
هايل : انفك ظهري ياعيال
عبدالرحمن : رح للحب تجبره لك
سطام : اوهه
هايل : الله يفضحك ماعليك منه ترا يكذب
سطام : صدقتك اقول عيال عمكم وين اختفوا
هايل : زامل وينه
زامل وهو يكح : دخل كل التراب بحلقي وطاحت فوقي البطانيات واستنجد فيكم ولا احد سمع ولا حس لو مت مادريتو
هايل : عطنا خبر انك رحت يخوي وش عرفنا
زامل : جالس افكر شلون بنرجع نزرع الخضره والفاكهه
هايل : كلها سهالات بس نخلص البيت ونبدا فيهم
سعيد : السلام عليكم جبت لكم فطور
هايل : عاد جوعان جيت بوقتك
عبدالرحمن : اي والله محد فينا افطر
سعيد : يلا سمو بالله
~~~ في بيت ام عزام ~~~
ام عزام : اكدنا العرس ابشركم
ام فهد : مابغيتو بشري متى
ام عزام : الخميس الجاي
ام سطام : باي قاعه
ام عزام : وش قاعته ابد ببيتنا
جهير : الله يوفقهم مايهم المكان وين المهم التوفيق
ام فهد : صادقه جهير المهم التوفيق
ام عزام : اي والله كم لهم مملكين شهر يمكن
ام فهد : عقبال ماتزوجين عزام
ام عزام : ان شاء الله على بنتتس
جهير : ام سطام ابسالتس
ام سطام : سمي
جهير : وش صار مع بنتس
ام سطام : اي قصدتس بسالفه سالم
جهير : اي
ام سطام : ابد الساعه خمس مشو للرياض وعاد للحين ماوصلني خبر منهم
جهير : الله يسهل لهم دربهم
ام سطام : امين
ام عزام : بنتتس وش شهادتها
ام سطام : بنتي محاميه الله يحفظها
ام عزام : خبرت لي رجال جاي يدور مكتب محاماة لو بنتتس تتوظف عنده
ام سطام : لاتكفين ياام عزام لاتجيبين هالطاري قدامها احنا فترة وبنرجع للشرقية وبنتي متوظفة هناك بالمحكمة وبتفتح لها مكتب محاماة
ام فهد : تعودنا عليكم عاد
ام سطام : لابد ياام فهد من اننا نرجع لديارنا وان شاء الله انتم تزورونا هناك
ام فهد : ان شاء الله
~~~ فالمزرعة ~~~
عبدالرحمن : الي جواله يدق يرد
خالد : مايدق جوالي
سطام : ولا انا
عبدالرحمن : ولا انا
سعيد: وانا مامعي جوال خير شر
هايل : شفيكم تناظروني صح صح تذكرت جوالي
عبدالرحمن : اخس ولا تقول انك شريت جوال
هايل : اخسي اشتريه انا فهد شراه لي ونسيت من يدق الو
ندى : ماتشوف الاسم يعني
هايل : نسيت ان معي حوال
ندى : غريبة مادقت الحب عليك
هايل : اخلصي علي وش تبين داقه
ندى : ابوي يسال عنك يقول وينه رايح من الفجر
هايل : فالمزرعه انا والعيال
ندى : اي زين بتتغدا معنا ولا ماهو لازم
هايل : حطي لي على جنب لو تاخرت
ندى : وش لي
هايل : انتي اخت ولا عدوة
ندى : خلاص خلاص ببقي لك ترا عطيت ابوي رقمك
هايل : الحين ابوي يوزعه على كل اهل القريه الله يبلشتس من اخت
ندى : تستاهل
هايل : يلا يلا اذلفي للمطبخ
ندى : انقلع احلب النياق
هايل : اص اص هالنشبه فالبيت وفالجوال
عبدالرحمن : هات رقمك
هايل : الله يبلشك انت بعد ترا ماعرف له امسك خذ رقمي انت
سطام : الله يفشلك تعلم
هايل : ابخلي دحيم يعلمني
~~~ في بيت ابومحمد ~~~
ابومحمد : والله لتدخل اضيفك شى
ابوسطام : ماكان ودي نتاخر بس عشانك
الجد محمد : يامرحبا بابو سطام وشلونك ابوك
ابوسطام : ياهلابك ياابوي ابوي متوفي من زمان نسيت
الجد محمد : ابوك توفى متى
ابومحمد : كبر اعذره
ابوسطام : شدعوه يابو محمد معذور الغالي
ام محمد : ماقصرتي يبنتي وماكان له داعي
هديل : رح تروش والبس وجب شنطتك وتعال يلا
سالم : لا تبين تروحين وتخليني
هديل : لا انا جالسه هنا بالصالة وعد
سالم : تمام
هديل : معليش ياخاله بس ابوسالم مايستاهل ولده
ام محمد : تراه اول مره يسوي كذا ومحد يلومه
هديل : وش ذنب ولده يسوي فيه كذا ياخالة ربي رزقه بالضنا حرم غيره وانا عارفه كل الظروف الي مريتو فيها بس سالم يحتاج ام تنتبه له عمته تزوجت
ام محمد : ودي تحسبين ماودي ازوج محمد بس هو رافض
هديل : سالم متعلق فيني ورافض يجلس عندكم
ام محمد : ماعليتس منه بعد المدرسه جده يروح يجيبه
هديل : بروح اشوفه اذا تسمحين
ام محمد : تفضلي البيت بيتتس
ابومحمد : هاتي القهوة
ام محمد : طيب
ابوسطام : والله يبومحمد ماكان ودنا نتدخل هالدرجة بس ولدكم تعلق ببنتي وكل شوي يخاف يحسبها بتروح وتخليه الولد محتاج حنان لازم ابوه يتزوج
ابومحمد : قبو زوجته للحين رطب يبوسطام وصعب يتزوج
ابوسطام : اخاف اقولك جب مربيه وتسوي له شى
ابومحمد : هو بس يرد على جواله ويرجع لعقله بيرجع يهتم محمد يحب ولده بس نفسيته تعبانه
ابوسطام : نصيحتي لك زوجه لا يحب البنت ولا يقعد عندها اهم شى تجي وحده تهتم لسالم
ابومحمد : ومن بترضى تكون حياتها كذا تعبت معه والله
ابوسطام : الله يعينك والمقصد مالومه بس خفو على سالم لو بغى بنتي خلوه عندها بابي وقلبي مفتوح له واعتبره ولدي وحفيدي
ابومحمد : ماتقصر خذ فنجالك
هديل : وشذا الجمال وشذا الحلاوة بتخقق كل بنات الروضة
سالم : وش احط عطر
هديل : هذا حلوو
سالم : هذي كانت غرفه امي وابوي
هديل : ياحبيبي انت يلا مشينا
سالم : اي خلصت
هديل : عطني شنطتك
ام محمد : ولدي محمد
ابومحمد : انت وينك ياكلب "صفقه"
ابوسطام : اهدا يبومحمد
ابومحمد : والى متى بتصير كذا شغلك داقين علي يقولون بيداوم ولا نفصله ولدك وهو ولدك يهتمون له ناس ثانيه وانت لاهي عنه ارجع لعقلك يامحمد ولاتخليني اقلب عليك
محمد : وش تنتظرني اسوي يبه وش تنتظرني يومين جالس فالمقبرة وعند قبرها ومافكرت باي شى
ابومحمد : اتعبتني معك ياولدي اتعبتني ولدك طالبين ولي امره المدرسه ولدك شكى لبنت الناس وماشكى لك فضحتني
ابوسطام : الو هديل وينكم
هديل : هلا يبه جالسه اجهز شنطه جايين
ابوسطام : تلقوني فالسيارة
هديل : تمام
ام محمد : خله رح يبوي ارتاح بغرفتك
محمد : محد يحس الا المجرب يايبه
ابومحمد : دواك عندي
هديل : يمه من ذا
سالم : بابا جيت ليه خليتني بالقريه لحالي
محمد : ماخليتك يابابا انا كنت فالقريه بعد ورحت باخذك وقالو انك جيت هنا
سالم : اي جابتني خاله هديل وبنروح للمدرسه وبتدافع عني
محمد : اسف ياعيون ابوك اسف اني اهملتك
سالم : عادي خاله هديل قالت ابوك معذور
هديل : معليش شوي بطلع
محمد : شكرا لتس ويعطيتس العافية اتعبتس سالم
هديل : لا مااتعبني عادي
محمد : تبي نروح للمدرسه الحين
سالم : لا لا لا خاله هديل لاتخليني تكفين
هديل : يروح هديل انت انا معك والحين بنروح للسيارة معليش هالمره خل الولد معي
محمد : وش قاعد تسوي بنفسك يامحمد ولدك يشكي للناس الغريبه ومايشكي لك وينتس ياهدى وينتس
ام محمد : ياولدي تكفى ارجع مثل ماكنت
محمد : ماني قادر يايمه مقدر اتحمل مسؤولية سالم لحالي
ام محمد : بزوجك ياولدي تكفى قل تم
محمد : هدى وصتني مااتزوج وحده قاسيه على ولدي
ام محمد : انت الي قسيت الحين على ولدك
محمد : مدري يايمه مدري ترابها للحين ماجف
ام محمد : ياحبيبي انت تعال عندي
~~~ في مدرسه سالم ~~~
هديل : السلام عليكم وين المديرة
المديرة : تفضلي انا المديرة
هديل : ممكن اعرف ليش مانعه سالم يكمل دراسته عندكم
المديرة : انتظر امك برا ياسالم
هديل : شوي واجيك تكلمي اسمعتس
المديرة : سالم شقي مره ويضرب الاولاد ويتهجم عليهم انا كنت ابغى اي احد يجي عشان اقول له يوديه يعالج الولد عنده حاله نفسيه
هديل : انتي تسمين نفستس مديرة وهذا كلامتس انتي عارفه انتس مسووليه عن كل الطلاب الي عندتس ومسؤوله بانتس تقولين الصدق سالم فيه اثار جروح برجله وكدمات اقدر اطلع تقرير طبي واتوكل انا محاميه للقضية واحل الموضوع بنفسي
المديرة : محد تهجم عليه
هديل : الله عرفته من سالم ان ولدتس انتي الي متهجم على سالم ويرمي كلام عليه مثل امك ميته ويضحكون متوقعه من طفل يسمع كذا وش بيسوي
المديرة : لاتصدقين الطفل
هديل : واصدق ولدتس هذا الي تبينه
المديرة : انا ماقلت كذا سالم اغراض المدرسه مايجيبها ويتهجم على المعلمات والطلاب ويصارخ ويصيح ويخوف الطلاب
هديل : هذا اسلوب مديرة اسمعيني زين انا محامية اما تعتذرين انتي وولدتس قدام المدرسه كلها لسالم اما تفصلين ولدتس مثل مافصلتي سالم اما برفع قضية عليكم وانا بكون محامية القضية هذا فوق ماان الروضه اهليه ويندفع لكم فلوس هذي معاملتكم؟
المديرة : استهدي بالله ولا تكبرينها بخرب مستقبل ولدي
هديل : حلوة ذي تخربين مستقبل سالم وولدتس لا
المديرة : وش تقربين لسالم
هديل : مالتس دخل وش اقرب له انا اعطيتس حلول اختاري بينهم وصح الاعتذار قدام المدرسه كلها وترسلون رساله نصيه لولي امره اعتذار ورساله رجوع لمدرسته وهذا رقمي لو صار اي شى اول شخص تدقون عليه انا
المديرة : طيب طيب بنعتذر له
هديل : حلو يلا وريني
المديرة : برسل رساله لولي امره
هديل : وبرضو انتي وولدتس قدام المدرسه كلها
المديرة : طيب طيب يلا ياطلاب عالطابور
اعتذرت له هي وولدها وارسلت الرساله
هديل : كفك
سالم : شكرا
هديل : يلا رح لصفك
سالم : طيب
ابوسطام : الو وينتس ياامي تاخرتي
هديل : يلا جايه يبه

انتهى البارت

قراءه ممتعة 💙💙