"جابك الله في زحام العمر صدفة "

21

~~~ في بيت ابو محمد بالرياض ~~~
ام محمد : للحين ماجهزتي
شهد : يمه خايفة
ام محمد : مافيه شى يخوف كلنا خفنا فالبدايه وهذانا كبرنا وجبنا عيال
ابومحمد : عروستنا للحين ماجهزت وش مضايقتس ياوحيدتي علميني
شهد : خايفة يايبه
ابومحمد : وش الي مخوفتس لاتخافين يابنتي تقولين شى غلط وتحسبيني بعصب انا اشتري الي ينحط اصبعتس عليتس وخاطرتس يجي عليه لو تاصل ارفض سياف اهم شى رضاتس
شهد : مدري يايبه بس خايفه من موضوع الزواج كله تعودت على حياتي هذي وغير كذا بسكن بالقرية بعيد عنكم والولد رافض يدخل يلبسني الشبكه او عالاقل يكلمني كله هالاشياء رافضها كيف بتعرف عليه وبرتاح له
ابومحمد : يابنتي اشهد بالله لو ان سياف فيه عيب واحد اني لارفض انا رفضت اخته لولدي دحيم لاجل دحيم قال مابيها ماظلمت بنت عمتس تبيني اظلم بنتي وابشري ان بكلمه واقول له البنت تبي تكلمك وهذاني اقولها قدامتس والله يابنتي لو من ليلة العرس ماارتحتي او ماجاز لتس لاخليه يطلقتس وترجعين عندي الزم ماعندي بنتي ودمعتها وانتي اخبرتس مثلي تحبين القريه وتحبين خواته وامه وهذا يكفي وسياف رجال بمعنى الكلمة
شهد : الله يخليك لي يايبه ولايحرمني منك
ابومحمد : ويخليتس لي ياوحيدتي
دحيم : كاني سمعت شى غلطط كمل كمل يبو محمد ماكفاك حاطني بالقريه لحالي شردتني الحين من العائله
ام محمد : يلا خذي جاء ورعنا الصغير من اراضي
عبدالرحمن : اسحب عليها يبه راضني انا
ابومحمد : هلابك يولدي شلونك ظهرك
عبدالرحمن : والله الحمدلله طبت بس اتغلى على محمد
محمد : اعقب ياللكيع شلونك يبه
ابومحمد : هلا هلا بعضيدي وأخيرًا شفتك تضحك هالضحكة ابشتري الرياض كلها لاجل اشوفها
محمد : ههههههههههههههههههههههههههههههه شوفتكم تجيب السعادة شلون ماضحك
عبدالرحمن : وخر عن ابوي وامي بس امش نحارش شهد
محمد : مسرع قفلتي الباب افتحي افتحي بنسلم عليتس
عبدالرحمن : صايره زعوله شهد
شهد : اعرفكم بتطقطقون علي انقلعو مابيكم
محمد : افا افتحي ومايصير خاطرتس الا طيب
شهد : يوه وشتبون يالغثيثين
عبدالرحمن : شلونك ياام دحيم
شهد : ننننعععم ام ايششش
عبدالرحمن : ام عبدالرحمن
شهد : تخسي من قال بسمي ولدي عليك؟
عبدالرحمن : منزين ولدتس احسن لاتسمين
محمد : وشلونتس
شهد : بخير شلونك انت
محمد : بشوفتس صرت بخير جهزتي لكل شى ناقصتس شى
شهد : اي ووصيت بنت عمتي يارب تلحق
محمد : ليه وش ناقصتس قولي ويجيتس الحين
شهد : نسيت اشتري طقم ووصيت زوجه فهد تمر السوق وتجيب لي انت ماتفهم بهالسوالف
عبدالرحمن : بيني وبينتس عزمتي الدكتورات
شهد : لا ماعزمت احد ابوي وامي الي عزمو
عبدالرحمن : اعزميها بالله عليتس
شهد : لا لا مايحتاج
عبدالرحمن : تكفين اعزميها
شهد : وش تعطيني
عبدالرحمن : فوق المهر الي بيجيتس تبين شى
شهد : المهر من زوجي انا اطلبك انت
عبدالرحمن : الي تبينه اطلبيه
شهد : همم انزل جب لي ماء
عبدالرحمن : بس سهالات دقيقه
سالم : ليش مااعطيته تحدي قوي جدًا
شهد : مقدر ذا قعدتنا
سالم : عمتي شرايتس نزوج ابوي
شهد : اوه تممم انت اقنعه والباقي علينا
سالم : تم كفتس
شهد : ياحبيب عمتك خلني ادق على فاتن
~~~ في بيت ابو فهد ~~~
ابوفهد : يلا ياام فهد
هايل : يبه كم بنجلس يوم هناك
ابوفهد : ثلاث ايام بالكثير
زامل : شيبت يايبه ماعاد تتحمل الطريق
ابوفهد : طايل لسانك اشوف
زامل : حقك علي يبوفهد
هايل : وحلال المزرعه من بيبقى عنده
ابوفهد : انت
هايل : مستحيل مااحضر ملكه اخوي
ابوفهد : اجل رح وقل لسعيد ينتبه للحلال بدال ماينام فالبقالة يروح ينام في بيت المزرعه ويهتم بالحلال وصه زين
هايل : تم
ابوفهد : وانت يافهد عبيت البانزين زين
فهد : اي البانزين تم
ابوفهد : وانت واقف وش تنتظر
زامل : سم يبه وش اسوي
ابوفهد : رح طق باب بيت عمك ابوسطام شفه بيمشي معنا ولالا وشف عمك ابوعزام بعد
زامل : ابشر يبه
ابوفهد : يلا ياحريم اخلصو علينا تاخرنا
ام فهد : وشفيك تصارخ ماتاخرنا ولا شى تونا ١٢ الظهر
زينب : فهد بقولك شى
فهد : لاتقولين هاتي الشناط
زينب : ماهو لسواد عيونك وصتني شهد امر السوق واجيب لها الطقم الي صورته لي
فهد : ومن شهد
زينب : تستغبي شهد زوجه اخوك سياف
فهد : على خير اذا وصلنا الرياض ذكريني
زينب : تمام
عفراء : انصحتس يازينب لاتجيبين عيال والله انهم غثى
ندى : ارفقي على عيال اخوي عمتهم ماترضى عليهم
عفراء : امسكيهم ياعمتهم عني اجل
ندى : تخسين يبه يبه
ابوفهد : وشفيتس
ندى : جبت سله القهوة والشاهي حقت الطريق
فهد : يبه يبه
ابوفهد : الله يستر وشفيك
فهد : يبه صالونك خربان المكينة تحتاج تصليح
ابوفهد : ووراك توك تشوف انه خربان ها يالثور
ام فهد : ارفق عليه يارجال
فهد : الصبح كان ماشي زين وش السوات الحين
ابوفهد : سيارتك توسع تاخذ
فهد : توسع ان شاء الله وين سياف
سياف : هلا جيت
ابوفهد : وين كنت من اليوم نتحراك
سياف : كنت اشيك لو نسيت شى
ابوفهد : اخذت ثوبك من المغسلة
سياف : اي اخذتة الصبح
ام فهد : مانام من امس
ابوفهد : احسن لامنه نعس بوسط ملكته ولمته يدي
~~~ في بيت ابوسطام ~~~
ابوسطام : اطلع ياسطام شف من يدق الجرس احرقه
سطام : ابشر هلا ارحب يازامل اقلط
زامل : لا والله مايمدي بنمشي للرياض ابوي وصاني اسال عمي ابوسطام بيخاوينا للرياض لملكه اخوي سياف
ابوسطام : هلا هلا بزامل اقلط ياابوي
زامل : اكرمك الله ياعمي مايمدي
سطام : جاي يسال اذا بنروح معهم للرياض لملكه ولد عمي ابوفهد
ابوسطام : اي نسيت امس عازمني اي يابوك بنجي
زامل : الله يحيكم بتمشون معنا الحين ولا بعدنا
ابوسطام : لا ان شاء الله معكم
هديل : مو منجده ابوي وش اخذ وش اخلي
ام سطام : لاتبالغين تراها ملكه في بيت
هديل : أبشري
زامل : يلا نركض لبيت عمي ابوعزام
عزام : اسلم حرقت الجرس
زامل : اصبر اخذ نفس ابوي يقول بتروحون معنا لملكه سياف فالرياض
عزام : انا كذا ولا كذا ماشي للرياض شغلي بكرا بس ابشوف ابوي ادخل
زامل : مايمدي قل وانا واقف هنا
عزام : اي احسن انطق فالشمس انتظر
ابوعزام : من الي عند الباب
عزام : ذا زامل يقول ان عمي ابوفهد يقول بتروحون لملكه سياف فالرياض
ابوعزام : ها شرايكم
عزام : انا كذا ولا كذا بروح شغلي بكرا تعرف يايبه
ابوعزام : اجل يلا كلنا مع بعض شغل سيارتك ياعزام
عزام : تم
زامل : كان نمت داخل ياخوي
عزام : مشاورات عائلية المهم اي بنروح
زامل : على خير يلا انا رحت
عزام : انتبه لايصفقك عامود بالله ذا متزوج وعنده عيال اب يحتاج اب والله
~~~ عند بيت ابوفهد ~~~
ابوفهد : وش السوات الحين وين زامل وين هايل
هايل : وصيت سعيد كل شى تم
ابوفهد : ولا شى تمام سيارتي خربت
هايل : مالومها كم لك ماحركتها
ابوفهد سحب العقال ويطق هايل فيه : تنكت انقلع دبر لنا سيارة
هايل : ارفق على قعدتك يبوفهد اح والله العقال حار
ندى : جاني هبوط من الحر يلا يايبه
ابوفهد : اوديتس مع حمام زاجل وش اسوي انا
ندى : ههههههههههههههههههههههههههههههه اسلم يبوفهد ننتظر ماورانا شى
فهد : اباخذ زامل معي وبنمشي
ابوسطام : وراكم واقفين للحين
ابوفهد : خربت سيارتي
ابوسطام : افا سطام شغل سيارتك وخذ عمك ابوفهد وخل نصكم يجون معي
ابوفهد : بيض الله وجهك
ابوعزام : وشفيكم واقفين يلا حركنا
هايل : خربت سيارة ابوي ياعمي مالي مكان معكم
ابوعزام : وين احطك يولدي مالك مكان اقعد عند الحلال
هايل : ملكه اخوي واقعد وين صارت ذي
سطام : حياك ياعمي ارتاحو بالسيارة انا باخذ الاغراض
ابوسطام : هايل تعال معي
سياف : انا العريس وساحبين علي
الجد محمد : شرايك نقعد وتسحب عليهم يولدي
سطام : يمدي ياسياف تجلس وراء مع اهلك بسيارتي
سياف : يلا
فهد : وانا باخذ جدي وزامل اقعد وراء جنب حرمتك
زامل : ابضايق حرمتك يورع
فهد : لا ماتضايقها
الجد محمد : انا بقعد وراء مع حريمكم اقعدو قدام انتم غثى
فهد : ابشر ياجدي
~~~ في سيارة سطام ~~~
ابوفهد : اول محطه بوجهك يولدي وقف عندها
سطام : أبشر ياعم
ابوفهد : معرس انت
سطام : ههههههههههههههههههههههههههههههه لا لا ياعمي مابعد لقيت بنت الحلال
ندى : يمه انكتمت انفاسي وش صار لو حطو معي زينب ولا هديل بطفش لحالي
ام فهد : اسكتي واقعدي ترا الي معنا رجال غريب
ندى : ابشري ابشري حتى نفسي مارح اطلعه افتح الدريشه ياهايل يوه نسيت
سطام : أبشري
ابوفهد : اسمه سطام صارت فيتس هوس باخوتس مشتاقه له شكلتس
ندى : محد يشتاق له يايبه
ابوفهد : ههههههههههههههههههههههههههههههه مغير مناقر
سطام : لازم بكل بيت ثنين مغير يتهاوشون واكبر دليل انا مغير هواش مع أختي
ابوفهد : الله يعينا عليكم اجل
سطام : ههههههههههههههههههههههههههههههه امين
ندى : جاني هبوط يمه
ام فهد : الله يصلحتس من بنت ماتسكتين
ندى : خفت ابوي يفرد ضلوعي لاني تكلمت
ام فهد : ماهو لهدرجه ابوتس
~~~ في سيارة ابوسطام ~~~
هديل : يمه وقف عند محطه او اي شى
ابوسطام : وش تبين فيها تونا ماشين
هديل : ابوسطام لو سمحت وقف وبدون اسئله
ابوسطام : اعقبي وانا بوسطام وش مسوي لتس
هديل : مقوميني من نومتي مااكلت وعباتي لبستها بالمعكوس ورداتي مااخذتها عصفوري نسيته وقطوتي نسيتها وش بقى يوم نحيس
ابوسطام : ووشدخل المحطة بهذولي كلها
هديل : يبه وقف ولا والله لاصيح
ام سطام : وقف يولدي هايل هالبكايه ماهي ساكته الين نوقفها
هديل : الواحد يبي الحمام لازم يقولها قدام شخص غريب عيب
ام سطام : انتي خليتي فيها عيب يالعوباء
هديل : وش سويت ماسويت شى
ام سطام : الله يعينا عليتس
هايل : هذي اقرب محطه هنا وش بغيتو
هديل : ابنزل
هايل : ماينفع كلها رجال خليني انا انزل
هديل : انا فاضيه اقنعك
ابوسطام : معليك انا مربيها صح
هديل : توصون شى
هايل : باقي تسوق عني
ابوسطام : تعرف تسوق تراها
هايل : مابقى شى ماشاء الله الله يخليها لك
ابوسطام : كانها تاخرت ابنزل اشوفها
هايل : ارتح ياعم انا بنزل ها هذي هي
ام سطام : وش مسويه بعد
هديل : انا الحين اجيب بلدية اصك بقالتك المنتهيه ذي يهب يهيب وجهه امسك يبه صرافتك
ابوسطام : وشفيتس متعرض لتس
هديل : يبي يزرفني
ام سطام : تاخرتي عشان كم كيس
هديل : كنت اكاسره يقول حسابتس ٢٠٠ وعليها وهو بقالته محد فيها غيري
ابوسطام : وكم اخذ منتس
هديل : ١٥٠ خصمت الثانيه هههههههههههههههههههههههههههههه تفضل يبه جبت لك ببس الي تحبه وفصفصك وانتي يمه جبت لتس مثله وانت ياسطام اقصد هايل جبت لك مثلي لان مدري وش تحب
هايل : ماني مشتهي شى
هديل : صدق اجل باخذه
هايل : حطيه كنسلت
هديل : تنازل بكل شى الا بطنك
ابوسطام : عدلتي عباتتس
هديل : اي عدلتها اصلا انا موقفتكم ماهو عشان عباتي
ابوسطام : اجل
هديل : عشاني جوعانه ماافطرت ليه ماجبتو ندى معي
هايل : مع امي بسيارة سطام
هديل : شغلو اغاني
ابوسطام : السموحه ياهايل ابرجع اسكتها واجيك
هايل : هههههههههههههههههههههههههههههههه خذ راحتك ياعم
هديل : يمه وش رجعك علينا يبه مالك مكان
ابوسطام : بتسكتين ولا لا
هديل : قلت شغلو اغاني ماكفرت
ابوسطام : بتسكتين ولا لا
هديل : بسكت خلاص اشغل لك محمد عبده تروق يبوسطام ماله داعي العصبيه هد هد انزل واخليك مع امي
ابوسطام : هديل اهجدي وقصري عالاغاني
هايل : ابونورة والظهر
هديل : اقول لاتغلط عليه وناضر دربك يبه بسالك وين احط خيلي
ابوسطام : خليه فالاسطبل بالشرقية
هديل : لا انتم بتطولون بالقريه ابجيبه عندي
ابوسطام : وين نحطه يبنتي
هايل : عندنا مزرعه واسطبل وفيه خيلي
ابوسطام : ها خلاص لقينا مكان لخيلتس كثرالله خيرك يولدي فكيتني من صجتها
هايل : بالخدمة ههههههههههههههههههههههههههههههه
هديل : بقولك بيت شعر يبوسطام
ابوسطام : ازعجتنا بالشعر حقها كلما شافتنا قالت قصيدة
هايل : الله يعينكم
هديل : كنسلت الشاعرة تسبني مارح اقول قصيدة
ابوسطام : احسن خلتس ساكته بس
~~~ في بيت ابومحمد ~~~
شهد : خايفة خايفة
جهير : بسم الله عليتس اهدي
فرح : مبروك عزالله اخذتي الشخص الصح
شهد : عشانه اخوتس تمدحين
فرح : بتصدقيني لامنتس دخلتي عليه
شهد : للحين ماجت زينب وصيتها تجيب طقم لي اوف اوف كل شى خطا
~~~ في سيارة سطام ~~~
ابوفهد : دق لي ياسطام على ولدي فهد
سطام : ابشر ياعم ها دقيت
ابوفهد : الو فهد
فهد : سم يبه
ابوفهد : وصلتو
فهد : هذانا في مدخل الرياض
ابوفهد : احجز لنا شقه انا وعمك ابوعزام وعمك ابوسطام
فهد : واذا مالقيت ثلاث شقق بنفس العمارة
ابوفهد : دور غيرها ولا دور وحده بس كبيرة
فهد : ياليت لو فيه كذاا تم بدور
~~~ في بيت ابومحمد ~~~
ابومحمد : للحين ماجو اذن المغرب وبياذن العشاء
محمد : الا مايجون الحين
عبدالرحمن : ها هذا الجرس بروح اشوف
فاتن : احم احنا الدكتورات عزمتنا شهد عشان
عبدالرحمن : اي تفضلو
فاتن : خلني اكمل جملتي طيب
عبدالرحمن : ماهو هم هذولي صديقات شهد
ابوفهد : ايوه هذا هو البيت يلا نزلنا
سطام : يلا بسم الله
ندى : يوه ياجمالة عزالله انه اجمل من الأخيلة
هديل : عصعصي اوجعني فالرجعه انا بسوق يبه
ابوسطام : خلتس ساكته هذا بيت اخوك
ابوفهد : اي
ندى : ماعرف امشي بالكعب
هديل : الى متى بعلمتس لاحول ولا قوة الا باللة تمسكي فيني
هايل : العريس ماوصل للحين
ابوفهد : خذ جوالي دق عليه
هايل : الو فهد وينكم
فهد : رحت احجز شقه وبالموت لقيت وبعدها رحنا عند محل ذهب نجيب طقم للعروس موصيه حرمتي وهذانا بالطريق ابد نشوفكم واقفين
هايل : يلا استعجل
ابوسطام : من بقى مااعرس بعايلتكم
ابوفهد : باقي هايل وسطام وعزام ودحيم
ابوسطام : الله يوفقهم يارب ونشوفهم عرسان
عزام : شرايكم نحط عرسنا ببوم واحد
سطام : تم ههههههههههههههههههههههههههههههه
ابوفهد : يلا استعجل انزل طق الجرس يايبه
الجدمحمد : يلا بسم الله
هايل : المليك جاهز ماهو مثل مليك فهد كل خربان معه
سياف : لا لا معليك جاهز
ابومحمد : يامرحبا تفضلو تفضلو
شهد : يمه جووو
ام محمد : بسم الله عليتس وشفيتس
شهد : خايفة يايمه يالله بموت من التوتر
جهير : ياحليلتس ياشهد اقعدي عندها يافرح امشي ياام محمد نستقبلهم
ساره : لاتخافين خلاص
فرح : ياحبيبتي انتي ساره خذي سالم وانزلو
ندى : شههههههدددد
شهد : نننننددددى اهخخ تعالي تعالي اشتقت لتس
هديل : السلام عليكم فستاني نظف بيتكم وحارتكم كلها
فاتن : ملكه مايحتاج فستان اوفر
هديل : اصبري افك العبايه وتشوفينه
ميهاف : انتي هديل صح
هديل : بشحمي ولحمي لبيه وش بغيتي
ميهاف : سلامتتس
هديل : مبروك ياشهد
شهد : الله يبارك فيتس بس من انتي
ام فهد : هذي بنت صديق عمتس ابوفهد سالفه طويلة مبروك ياكنتي
شهد : الله يبارك فيتس ياخالة
ام عزام : ياجعلها زواجه الدهر الا شرايتس ياام فهد نحط عرس شهد وسلمى بنفس اليوم
ام فهد : والله فكره زينه ليش لا
هديل : يعني وش قصدهم نحظر هنا وهنا طيب لو زعلو الينات
ندى : ههههههههههههههههههههههههههههههه لا يعني كلهم بنفس اليوم والمكان
هديل : اي اشوا
زينب : امسكي البسي الطقم
شهد : الله يجنن ماقصرتي يازينب
ابوفهد :وين المليك دق عليه
سياف : ابشر يبه
ابومحمد : ولدي سياف ابيك بكلمة
سياف : سم ياعمي وش بغيت
ابومحمد : ابيك تدخل تلبس بنتي الشبكه وتاخذ رقمها بنتي تبي تتعرف عليك اكثر
سياف : والله ياعمي مالي بهالسوالف ومارح نطول بالعرس كلها كن شهر او اسبوع ونحطه
ابومحمد : حتى ولو الزم ماعلي راحه بنتي لاترفضني وانا عمك
سياف : حشى ماارفضك الي تبيه يصير ابعطيها رقمي
ابومحمد : الله يوفقكم ويسعدكم ويهنيكم
ابوفهد : وش قلت له
ابومحمد : مصيرك بتعرف لاتستعجل

"انتهى البارت"

قراءة ممتعه اولا اعتذر عن تنزيل المتاخر بس والله اني اكتب البارتات وتاخذ وقت على مااحصل احداث وافكار جديدة وممتعة يعني مو موجودة هي اخذها نسخ لصق واسفه اذا صرتو تنسون الاحداث بس بدت اختبارات الجامعة وتجي فترة وانشغل لكن اليوم نزلت لكم بارت لاجل مانتخاصم وبكرا باذن الله فيه بارت كمان واعتذر لو البارت يجي قصير بس عشان مااحرق بقيه احداث الرواية لان لو طولت البارت مره بتنتهي الروايه ب ٧ بارتات فعشان كذا احاول اقصر لاجل مانودع الروايه من بدري😔😔 شكرا لدعمكم الحلو والله مقدر ارد عليكم هنا الواتباد يرفض اي شى تبغونه تعالو انستا "lo7.eii" عشان اقدر ارد 🔴🔴🔴