"جابك الله في زحام العمر صدفة "

55

~~~ في بيت ابوفهد ~~~
ام فهد : وين مودي ولدي
ابوفهد : وش هالكلام ذا يعني وين بوديه
ام فهد : لا يابوفهد طالبتك لاتخليه يروح لحاله هناك
ابوفهد : وليش معه عيال عمه
ام فهد : كلهم شباب وبمكان مايعلم فيه الا ربي لو تهجم عليهم احد لو صار بولدي شى
ابوفهد : ماهو وحيدتس ولا هو ولدتس لحالتس ولدي انا بعد وانا اعرف مصلحته
ام فهد : لاتوديه وبس
ابوفهد : مابعد كلمتي كلمه وش سامعه علميني وانا مااخليه يروح
ام فهد : ماسمعت شى غير ان المكان في مقطعه بتخلي ولدي يروح هناك يكش الذبان بينحف وبيتعب
ابوفهد : ولدتس بيصك اربع وعشرين ماهو بزر يمشي على زنده التيس ويوم روحه الشرقيه وانتي موافقه يروح
ام فهد : بيتوظف في بنك ماهو ورشه يابوفهد فيه فرق
ابوفهد : فرق الاسماء يعني الشغل ماهو عيب ابوه اشتغل حتى عند الغنم مايشتغل هو ليش
~~~ فالمجلس ~~~
ندى : بشتاق لك وش الطاري على ابوي فجاه
هايل : بفتك منتس
ندى : اقول اكل زين وارقد زين وانتبه تروح يمين يسار
هايل : اقول انتي من الهواش مع حريم اخوانتتس
ندى : عاد ذي مايحتاج توصي لان مارح اسمع لك
هايل : وين فروحه
ندى : تسوي لك اكل
هايل : ليتتس تتعلمين منها
ندى : رتب رتب شنطتك بس تقل رايح للعسكريه
هايل : وهو كذا رايح لي عند شايب مدري وش اطباعه
ندى : من زمان مااشتغلت ياخوي مايضرك شى
هايل : تعرفين تذلفين
ندى : اي
هايل : اجل اذلفي
فرح : شف حطيت لك هنا فالشنطه نواشف وصحون اذا جعتو تقطعون وتاكلون والحين سويت لك انت والبقيه الي بيروحون معك فطور وهنا الغداء
هايل : ياجعل فرح دائما فرحانه قولي امين
فرح : امين ياحبيب اختك انتبه على نفسك واذا احتجت شى دق علينا علطول صح وحطيت شاحنك فالشنطه لاتنساه
هايل : ابشري أبشري يالغاليه ابسالتس وين خويلد ماجاء
فرح : والله مدري وانا اختك على اخر جيه لهم تركني وراح
هايل : يمكن مشغول
فرح : اي يمكن
ندى : اذا خلصتو بسلم عليه وخري بشتاق لك يالكريهه
هايل : وانا بعد يالغثيثه
سياف : الله يحفظك يابوي انتبه من السرقان ولا تعطي احد وجهه وتكب عفشك عنده وانتبه لايطيح عليك شى من اغراض الورشه
هايل : تراني مانيب بعيد عنكم يابوفهد كل اسبوع زوروني
ابوفهد : لا مافيه زيارات الا الين اسمع المدح من الشايب الي عندكم
هايل : كنت متوقع
ام فهد : امي هايل انتبه لنفسك طالبتك وابعد عن الهواش تكفى ياولدي ارجع لي وانت بخير
هايل : مايصير ياحلوه اللبن توصين ولدتس كبر وماهو يم هالحركات
ابوفهد : اي علمها جننتني
زامل : لاتخافين يمه على قوله ابوي شايب يمشي على زنده التيس
هايل : اقول يالشايب انتبه لنياقي وانت سياف انتبه للخيل
سياف : لاتوصي حريص
هايل : وعاد فهد كالعاده ماهو موجوده يلا يابوفهد ماتبي تودع ولدك
ابوفهد : لا مايحتاج مانتب رايح تحرر الاندلس رايح تشتغل ومعك عيال عمك
هايل : صادق يبه
عفراء : درب خضر ياهايل
هايل : وياتس انتبهي لاحفادنا
زينب : الله يحفظك وين مارحت وامسحها بوجهي جيه اخوك
هايل : انا رايح له وبناديه عندنا عند الحلال وباخذ حقتس وحقي شرايتس
زينب : ههههههههههههههههههههههههههههههه تبرد قلبي
شهد : الله يوفقك ويحفظك وين ماحلت خطاك
هايل : امين عاد قبل امشي ترا الي بتجيب ولد تسميه علي
سياف : عليك التميمه
هايل : تخسي
شهد : ابد تم صار
ابوفهد : يلا ذا عمك يطق بوري يلا اطلع اطلع خلص الكلام
ام فهد وهي تصيح : ولدي كل شوي موديه مكان
ندى : وشوله تصيحين يايمه انتي تعرفين ولدتس لكيع يعرف يدبر نفسه
ام فهد : لاتقولين عن اخوتس كذا
فرح : لاتتضايقين يمه سويت له فطور وغداء وحطيت له نواشف عشان لو جاعو ولا شى ومعه جوال يتصل عليتس بعد
~~~~ في سياره ابومحمد ~~~
هايل : مبروك عرس من
عزام : اركب يالسامج اركب
هايل : مدري اشوفك مرسم وغتره وثوب
ابوفهد : يلا دربكم حضر
ابومحمد : مع السلامه
عبدالرحمن : يبه كلمت ابوها
ابومحمد : ذكرتني
عبدالرحمن : والله اني داري انك ناسي
ابومحمد : ابكلمه اليوم واعلمك وش بيصير
عبدالرحمن : كلمه الحين يبه وانا عندك
ابومحمد : لا عيب على هالصبح ادق عليه انا اعرف الاوقات المناسبه انت ركز بشغلك
عبدالرحمن : طيب طيب
عزام : ماتحسه مستعجل
هايل : انا متاكد
عزام : من وش
هايل : انه مستعجل
عزام : تردد كلامي انت ولا علامك
هايل : انت تسالني وقلت لك ماهو بس احس الا متاكد
عزام : يوه مصعب الموضوع
هايل : والله انت الي مدري شلون فلحت فالدراسه
عزام : دارس جامعه بعد
هايل : وش تخصصك عاد
عزام : دراسات اسلاميه
هايل : دراسات اسلاميه وانت داشر فالديره
عزام : وش تبيني اصير مطوع عشان اثبت تخصصي
هايل : تخصصك كذا ومشتغل فالبنك وش الانقلاب ذا
عزام : فهالزمن تتوظف باي شهاده اجل انت معك ثانوي وتبي تتوظف فالبنك استح على وجهك
هايل : انا ثانوي يمديني اتدرب واتعلم وخلاص استحق الوظيفه
عزام : طيب انا جامعي واعرف وفاهم ودارس
هايل : اذلف اذلف يالمدرس
عزام : مهنه مشرفه بس مابي اتوظف فيها
هايل : تستهبل
عزام : اقولك الحقيقه ياولد العم بس لاتعلم احد
هايل : هات هات واضح عندك بلاوي
عزام : فالبنك انا توظفت بشهاده الثانوي
هايل : وشهاده الاسلاميه وين راحت
عزام : ذي اتوظف فالمدارس بس انا مابي ادرس
هايل : راتبك اعلى يالغبي
عزام : فاضي الحق لي وراء ورعان مامسكوهم اهلهم بمسكهم انا
هايل : وش عليك منهم عطهم الدرس واطلع
عزام : لا لا ماهو جوي
هايل : ولا قلت لعمي صح
عزام : اي
هايل : ومحد يدري انك تقدر تصير معلم صح
عزام : صح لو درو بينشبون في راسي الا اروح ادور وظيفه فمدرسه وين الا بيروحون يكلمون مدير مدرستنا الي فالديره ويوظفني وعاد يله انا ابتلش
هايل : والله يامن شراله من حلاله عله
عزام : احنا كنا بموضوع دحيم وش لف الموضوع لي
هايل : شدراني عنك
عزام : انت داهيه داهيه ماكذب ابوك يوم سماك كذا
هايل : ههههههههههههههههههههههههههههههه تجيك التهايم وانت نايم
~~~ فالمحطه~~~
ابو محمد : يله يله وصلنا
عبدالرحمن : هذي هي
ابومحمد : اي انزلو
عزام : هذي ياعمي حتى الجن ماهي جايتنا
ابومحمد : الرزق من ربك
هايل : انتم وشوله كثره الهرج امشوا وانتم ساكتين ولا ياعمي
ابومحمد : الا صادق
هايل : طول عمري
ابومحمد : هلا يابوسامي ياهلا
ابوسامي : يامرحبا ياولدي تو مانورت ديارنا
ابومحمد : منوره باهلها هذولي عيالنا الي قلت لك عنهم
ابوسامي : يامرحبا بعيالي
ابومحمد : هذا ولدي الصغير عبدالرحمن
عبدالرحمن : يدك ياعم
ابوسامي : تحب الكعبه ياولدي
ابومحمد : وهذا عزام ولد اخوي ابوعزام
ابوسامي : يامرحبا
عزام : البقى
ابومحمد : وهذا شاعرنا هايل ولد اخوي ابوفهد
ابوسامي : مارتحت له
هايل : الله يسامحك ياعم
عزام : يقالك ابوسامي وينه سامي مايساعدك فالشغل
ابومحمد : عيب ياولد
ابوسامي : خله خله انا صحيح يقالي ابوسامي بس الله مارزقني فيه ماعندي الا بنت
عزام : الله يخليك لها
ابومحمد : العيال متدربين وجاهزين والاغراض واصله من امس وبيبدون اليوم وهم بامانتك اضغط عليهم يابوسامي وانتبه لهم
ابوسامي : لاتوصي حريص دربك خضر سلملي على اخوانك
ابومحمد : يوصل وانتم كلمه عمكم ابوسامي مابعدها كلمه فاهمين
عزام : اي ان شاء الله
ابومحمد : انت اكبرهم انتبه عليهم
عزام : والله هم الي مفروض ينتبهون علي
هايل : يامرحبا بعمي ابوسامي
ابوسامي : ابعد عني
هايل : افا ياعم لهدرجه
ابوسامي : قال عمك انك شاعر ووجهك ماهو وجهه شاعر
هايل : صادق ياعم هي مغير هرج وقالو عنه شعر
عبدالرحمن : يتسذب ياعم شاعر هذا شريط فيه شعره حطه فالراديو واسمعه
ابوسامي : الشاعر لازم عنده قصه يكتب عنها وش قصتك
عزام : اقول
هايل : مايحتاج ياعيال هالحركات
عبدالرحمن : صادق ياعم هو بدا الشعر يوم حب الدكتوره
ابوسامي : والله اني داري وليه ماتزوجتها دامك تحبها
هايل : ماجاء النصيب عالكيف ياعم
ابوسامي : وليه
هايل : غصبها ابوها على ولد عمها
ابوسامي : ياقوه قلبه الله يعوضك
عبدالرحمن : ماودك يعطيك قصيده
ابوسامي : يله سمعنا
هايل : الله ينكبك احم
ابوسامي : انا بعد احب الشعر البدوي ماظنتي تعرفونه
هايل : افا ياعم هات بدايه البيت وانا اكمله عنك
ابوسامي : يقولك راعي الطير يزعل لاطار طيره
هايل : وشلون لا شافه على كتف غيره
عبدالرحمن : يس جبتها
ابوسامي : لا صار ساس البيت مبني بطيب
هايل : كثره عواصيف الزمن ماتضره ههههههههههههههههههههههههههههههه
ابوسامي : لا ماشاء الله طلعت تعرف
هايل : من بعدك ياعم
ابوسامي : ابوك شاعر
هايل : لا بس يجيب احيانا ابيات
ابوسامي : هات قصيده من عندك اشوف
هايل : يقول ياعمي
اخذت من حزن الليالي معاذير
ونهر من الخذلان فاض وعبرته
ادري المحبه غير واحلامنا غير
وجرحها على كل المواجع شكرته
احلامي اغصان جفتها العصافير
واخر لقى واياها .. ذنب وغفرته
افارقها وانسى جروحها على خير
وخاطرها رغم المقدره والله ماكسرته
عبدالرحمن : صح لسانك ياولد العم
عزام : افا ياعم قصيده تبكيك
ابوسامي : يله يله قومو قومو على شغلكم يلا بسوي شاهي لكم
عزام : شاهي فهالحر
هايل : قايل انا شى غلط
عبدالرحمن : والله مدري يمكن تذكر ام العيال
عزام وهو يكح : ياعيال انقذوني
عبدالرحمن : وش جاك انت بعد
عزام : تراب تراب صدري ياعيال
هايل : معقوله فيه حساسيه
عبدالرحمن : يتدلع قم بس
عزام : مامشت عليكم
عبدالرحمن : ماتمشي علي انا
عزام : بس والله صدري اوجعني من الكح
ابوسامي : اشرب شاهي يطيب حتى خاطرك
عزام : والله ظنتي الي بتطيب نفسي
هايل : احمد ربك احد مقدرك
ابوسامي : هو ولد ابوعزام صح
عزام : اي
ابوسامي : زين زين دفتر التقيم معي خلني اشوف واحد متهاون
هايل : وين عصاتك ياعم جاي بدونها
عبدالرحمن : شعنده هايل قايم فيه
عزام : شدريني عنه ذا عليه طواري
ابوسامي : وش عندك تعنز لي
هايل : تذكرني بجدي الله يرحمه فالبدايه ياعم كنت ورع مافهم بسوالف هذي وكان جدي يجي يطقني بالعصا ويقومني اوديه للمسجد وتعودت كل يوم اقوم مع جدي واقعد عند الحمام الين يطلع واعنز له ويوم دخلت العشرين سالت جدي ليش كنت تضربني انا بالذات قال شفت كل اخوانك يصلون الا انت ماتصلي الا متاخر ف صرت كل يوم اقومك معي توديني وتصلي معي فالمسجد وجت فتره وجدي راح يسكن بعيد عنا وصرت كل يوم احس احد يضربني من ضربه جدي ومن بعدها انتظمت عالصلاه ومااخرها ابد
ابوسامي : فيه الخير جدك يقولك كل ضربه فيه لها تعلومه
هايل : عشان كذا لاتسالني عن شى اسويه لك
ابوسامي : للحين مانيب طايقك لو تحاول برجلينك ويدينك
هايل : بيننا الايام ياعم

انتهى البارت

قراءه ممتعة يااصدقاء 💞