"جابك الله في زحام العمر صدفة "

٣

~~~  فالمركزالصحي ~~~
فاتن : لاتصبرين
ميهاف : ليه شسوي
فاتن : اعرسي
ميهاف : تستهبلين انتي
فاتن : لا
ميهاف : الله يستر على عقلتس
~~~ في مطبخ بيت ابومحمد ~~~
عبدالرحمن : اوخخ ريحه اكل حلو
شهد : انا الحلوة ولا خل عنك
عبدالرحمن : بما انتس اخت دحوم اكيد حلوة وش مسويه اكل
شهد : ماسويت شى كثير محاشي وفطاير ومكرونه وسلطه وحلويات وبسبوسة
عبدالرحمن : بس بس وقفي كل ذا وماسويتي شى
شهد : اي والله ماسويت شى المهم حطيت لك هنا اذا جعت بالمحل اكل منهم
عبدالرحمن : انا مارح ازوجتس
شهد : وليش
عبدالرحمن : خليتس تطبخين لي ليه تطبخين لواحد ثاني
شهد : رح رح بس وامسك هذول عطهم الدكتورات
عبدالرحمن : ذا الدكتورات الي ناشبين بحلقي
شهد : وقبل تمشي
عبدالرحمن : وش باقي بعد
شهد : ودني انا وامي لبيت عمتي ام فهد
عبدالرحمن : ماتطفشون
ام محمد : انا عن نفسي طفشت
شهد : ليش يايمه تكرهين القريه
ام محمد : يبنتي ملل وش شايفين فيها زود بعدين بدون كثره اسئله خلصي اكلتس عشان نروح
عبدالرحمن : صادقه حلوة البن مابغى اتاخر عالمحل
شهد : طيب طيب يلا
~~~ في السوق تحديدًا محل ابوفهد~~~
سياف : تدري ياهايل اول مره افقدك
هايل : بسم الله علي الله يحفظني
سياف : ههههههههههههههههه فقدت بقعدتنا
هايل : للحين تتجمعون
سياف : اجل بننتظرك
هايل : مفروض تنتظروني
عزام : يامرحبا عاش من شافك
هايل : تعيش ايامك
عزام : عاد يلا تلحلح وتعال دكتنا
هايل : بتدلع شوي عليكم
سياف : لاتدلع ولا شى امش وها وعد حتى شعرك الخايس بنسمعه هايل : خلك شاهد ياعزام يسب شعري
عزام : شاهد
~~~ في شقه محمد وهدى فالرياض ~~~
هدى : يلا جهزت العيال متى بنمشي
محمد : بشوف فهد كانه بيخاويني ولا مشينا الحين
هدى : على خير ان شاء الله
~~~ في بيت ابوخالد فالرياض ~~~
ابوخالد : يلا ياجهير تحنين براسي واذا وافقت تاخرتي
زينب : ارفق عليها يبو خالد
ابوخالد : طايل لسانتس
زينب : احم نعتذر يالغالي
ابوخالد : انتي لو تغلطين مليون غلط عيونتس تراضيني
زينب : الله يطول بعمرك
خالد : يلا يبوي مشينا
ابوخالد : ننتظر امك تقش بيتها كله
زينب : انا سويت كل شى بعدين عندنا شويه موعين ببيتنا الي بالقريه واخذت زود وحملته
ساره : قولي لهم اني ساعدتك
زينب : عاد انا ماسويت شى كثير ساره الي ركبت وسكرت كل شى ابوخالد : ماشاء الله بنتي كبرت وصارت تساعد اختها
ساره : اي بابا
خالد : كلنا ندري ان زينب كذابه ساره رفلا
ساره : اي متعلمه الرفاله منك
جهير : يلا جيت
ابوخالد : كان نمتي
جهير : انت دايما تسوي مشاكل اذا جينا نروح للقريه
ابوخالد : اي اكرهها وانتي ازعجتيني فيها
جهير : ابي اشوف اخواني ماشفتهم
ابوخالد : وين ماشفتيهم تونا راجعين من تمايم بنت ولدهم الي يسد النفس
جهير : والله انت مالك حل
ابوخالد : اسكتي اسكتي واركبي
خالد : ابوي وين بتركب
ابوخالد : فوق السياره يعني وين
خالد : انا ابغى اسوق
ابوخالد : اقول خلك وراء مع خواتك تبي تركب امك وراء
زينب : اوه من قدك ياجهير ابوخالد يبي يتامل جمالك وانتي قدامه جهير : يابنت قصري صوتس عيب
زينب : يازين الي يستحون
~~~في شقه فهد فالرياض ~~~
فهد : ارحب يولد العم
محمد : البقى ابسالك
فهد : لبيه
محمد : تلبي الكعبه بتخاويني للقريه
فهد : جيت بوقتك سيارتي تحتاج صيانه وكنت بدق اعتذر عن الجيه محمد : اجل جابني الله جهز نفسك وانا جايك
فهد : ابد تم جاهز تعال
محمد : يلا جايين
~~~ في بيت ابوفهد ~~~
شهد : السلام عليكم
سلمى : قطع
ام فهد : هلا هلا بكنتي
شهد : انا ؟
ام فهد : ادخلي يامرحبا
فرح : لاماتقصدتس
شهد : اشوا
ندى : الا الا تقصدتس
شهد : انتي اسكتي اصدق الكل الا انتي
ام محمد : هلا يام فهد شلونك
ام فهد : يامرحبا ويامسهلا نورتي القريه يام محمد
ام عزام : امم مارحبت فيني هالكثر
سلمى : شكل مو مرغوب فينا يمه
ام عزام : انتي خليتي فيها ثقل شوي وبتموتين عندهم عشان ياخذونتس
سلمى : شسوي يمه ام
عزام : اي انقلعي انقلعي عند البنات
ام فهد : تفضلي تفضلي
ام محمد : ماقصرتي
ام عزام : شلونتس ام محمد
ام محمد : والله الحمدلله شلونتس انتي
ام عزام : كنت بخير
ام فهد : ليه يام عزام وشفيتس الحين
ام عزام : والله رجليني وركبي يوجعوني
ام محمد : اي العمر له دور
ام فهد : اذا العمر له دخل كان انا الحين م اتحرك
ام محمد : صادقه
ام فهد : ندى فرح قومو جيبو القهوة
شهد : لا والله مايتحركون انا مسويه كل شى ياخاله حتى فناجيلي جبتها
ام فهد : ماتقصرين ياحبيبتي
ام محمد : بنتي الغبيه
ام عزام : غريبه جيتي للقريه
ام محمد : والله شهد بتموت على ماتشوف خالتها وعمها ابو فهد وطلبت ابوها ومارفضها
ام عزام : ماشاء الله ياشهد الشوق لعمتس ابو فهد ناسيه ان عندتس عم ثاني
شهد : والله ياخاله اني مشتاقه لكم كلكم
سلمى : اي شفنا
ندى : هاتي الصياني فرح نوزع مع شهد
ام فهد : بيجي اخوتس محمد
شهد : اي بيجي عالطريق وبيجي معه فهد
ندى : بتجي هدى
شهد : وهو يقدر محمد يستغني عن هدى
هدى : السلام عليكم
ام محمد : الحبيب عند ذكره يبان
هدى : اعترفوا تحشون فيني صح
فرح : بكل مجلس مانذكرتس الا بالخير
هدى : ياحبيبتي انتي
شهد : هلا بحبيبي سالم
سالم : هلا عمتي
شهد : ياروح عمتك والله
هدى : لاتسكرون الباب بيدخل محمد الاغراض
شهد : خل نسلم عليه
ام فهد : معه فهد صح
هدى : اي جاء معنا
سلمى : شلونتس
هدى : بخير انتي كيفك
ام عزام : محد يتكلم بالكاف هنا
هدى : لاتستعجلين علي ياخاله شوي شوي اتعلم كلامكم
سلمى : اي مو صعب
ندى : يارب يسكتون عشان م اسكتهم بطريقتي
فهد : هلا بحلوه اللبن وين ابوي واخواني
ام فهد : عند الحلال بيجون ان شاء الله
فهد : اجل بجهز المجلس
ام فهد : فهد يولدي
فهد : امري
ام فهد : لاتسال عن زامل
فهد : ليه وش مسوي بعد
ام فهد : صارت سوالف كثيره المهم ان ابوك طرده
فهد : ابشري يمه مايصير خاطرتس الا طيب
ام فهد : الله يرضى عليك
~~~ عند باب مجلس الحريم ~~~
محمد : ابروح اساعد فهد تبين شى يمه
ام محمد : لا يبوي رح دربك خضر
محمد : يمه
ام محمد : هلا امي
محمد : هدى تحس بغثيان ودوخه وتعبانه هالايام ورفضت نروح للمستشفى كان تقنعينها
شهد : لاتشيل هم الدكتورات الجدد ساكنين عندنا وانا عزمتهم يجون بيت عمي ابو فهد ومنها يكشفون على هدى
محمد : الله يخليتس لي يالغاليه
شهد : يلا رح
ام محمد : صدق عازمتهم
شهد : لا ام محمد:وراتس تتسذبين ع اخوتس
شهد : بروح اناديهم
ام محمد : لحالتس
شهد : اي وش فيها
ام فهد : اي روحي يبنتي على ان عفراء مو موجوده بس يستاهلون دكتوراتنا نضيفهم
~~~ في مجلس الحريم ~~~
هدى : فتحوا عندكم مستشفى
فرح : اي ابشرتس
هدى : من قدكم
~~~ فالمركز الصحي ~~~
شهد : لاتستحون ياخي وتعالو
ميهاف : والله ماله داعي وفعايل اختي تسود الوجه
شهد : ماعليتس منها مو اختك هي تعالو
فاتن : فيه شى يستحق من الاخر؟
شهد : زوجه اخوي تعبانه ورافضه تروح المستشفى ففرصه تكونون موجودين وتكشفون عليها
ميهاف : والله احس عيب
شهد : ياخي كلهم وافقوا تجون ويضيفونكم لاتصيرون كذا يلا
~~~ فالسوق ~~~
هايل : يقول ياسياف اشرب الشاهي عسى فكري يزين
واحتارت افكاري والشاهي برد
سياف : اقول اشربه لاخليك تشرق فيه
عبدالرحمن : السلام عليكم
هايل : ارحب
شهد : يمه اخوي جاء
فاتن : خايفه من ذا
شهد : لا بس ترا عيب نمشي بدون رجال مو عيب بس نستحي
فاتن : وينكم وين الحياء
شهد : انتي مغصوبه تجين
فاتن : تبين الصراحه اي بس حبيتك
شهد : حبيبتي والله يلا مشينا
ميهاف : اذا اذن العشاء بنقفل المركز ونرجع للبيت نلبس ونجي شهد : تدلون
فاتن : انا ماعرف كوعي من بوعي
ميهاف : بيت ام فهد؟
شهد : عليتس نور اي
ميهاف : اي ادله ماهو ذاك البعد عن بيتكم
شهد : ترا سمرتنا الين الفجر
فاتن : والسحور
شهد : اي عندهم وكلنا نتساعد بطبخه
فاتن : ذي وش نسميها يعني فعاليه
شهد : انا بروح انتبهوا لانفسكم
ميهاف : انتي ليش عوباء ولسانتس يلوط لاذانتس
فاتن : موعاجبتني قريتهم
ميهاف : شكلتس ترفضين هالقريه اخرتس بتتزوجين واحد منها فاتن : بسم الله علي
ميهاف : لازم تكونين لبقه مع العالم هم يحاولون يدخلونا بينهم
فاتن : لمصلحتهم حتى ذي الي جت قالتها
ميهاف : طيب ذا شغلنا مو انتي طفشتي لان مافيه مرضى ها بنروح نشوف هالمريضه
فاتن : عشانتس بس ياميهاف بسايرهم
ميهاف : تراهم ونيسين اصبري الين نمون عليهم
فاتن : نصبر ماورانا شى
~~~ فالسوق ~~~
ابومحمد : عاش من شافك يولدي ياجعله اخر الاتعاب
هايل : يابعد راسي يعمي الشر مايجيك
ابوفهد : يله ليه ماقفلتو المحل
سياف : نقفله الحين
ابوفهد : اجل بكرا اي الحين
هايل : وش الطاري
ابوفهد : نسيتو اليوم السمره عندنا وعمانكم وعمتكم بيجون وحتى فهد بيجي
ابومحمد : ذبحتني هالكحه عبدالرحمن
عبدالرحمن : سم يبه
ابومحمد : خذني للمستشفى خل يشوفون علتي
ابوفهد : بنسبقكم عالبيت
ابومحمد : على خير
عبدالرحمن : يلا تعال يالغالي
ابومحمد : عساه موب بعيد
عبدالرحمن : لا ابد هنا قريب
~~~ في بيت ابو فهد ~~~
محمد : كانهم تاخروا
فهد : مو كانهم الا تاخروا
هايل : ارحب يالعضيد
فهد : يوه مشتاق لكم مره
سياف : ماودك تكنسل شغل وتجي تمسك الحلال الي هنا
هايل : وانا اروح بداله
فهد : تبطي عظم هلا بالغالي
ابوفهد : هلابك يولدي
محمد : هلا بعمي هلا بعيال العم
هايل : ارحب ارحب يبو سالم
محمد : لا كذا بتكبرني
هايل : هذا المطلوب
سياف : عطني الدله
فهد : لا اليوم انا بقهويكم
هايل : القهوجي حقنا
محمد : عمي وين ابوي اخبر قالو انه معك
ابوفهد : اي كان معي بس تعبان شوي ووداه عبدالرحمن للمستشفى محمد : ليه وشفيه ابوي
ابوفهد : اقعد اقعد مافيه الا العافيه كحه بسيطه
عزام : وهذا بريق الشاهي جاء
ابوفهد : ليه كل شى بالقطاره
عزام : الحريم الي يجهزون ياعم
ابوفهد : واحنا بننتظرهم هايل سياف قومو جيبو العزبه حقتي
هايل : ابشر يبه
~~~ فالمركز الصحي ~~~
ميهاف : متى جتك الكحه
ابومحمد : من مبطي
ميهاف : يعني كم مده
ابومحمد : شهر كذا
ميهاف : اذا كحت وش يطلع معك
عبدالرحمن : تستهبلين يادكتوره
ميهاف : لو سمحت لاتتدخل كمل ياعم
ابومحمد : مايطلع شى
ميهاف : اذا كحيت تتذوق طعم دم
ابومحمد : اذا شدت علي اي احس حلقي متجرح
فاتن : تجيك بشكل مستمر باليوم ولا اذا رحت لاماكن محددة ابومحمد : اذا رحت للبر تشتد علي واذا شغلت حرمتي دخون اكح بعد
ميهاف : الحمدلله يعني بس حساسيه
فاتن : بكتب له شراب يشربه يوميًا بعد الفطور وبعد السحور لنظام رمضان ولازم يستمر عليه ومايروح للاماكن الي تسبب له كحه مثل تراب ودخون
عبدالرحمن : ان شاء الله
ابومحمد : يعطيكم العافيه
~~~ في بيت ابوفهد ~~~
شهد :ليش تاخروا
ندى : ليش تصيحين هدى
هدى : بطني شوي يوجعني
فرح : وش ماكله
هدى : م اكلت شى
~~~ في مجلس الرجال بيت ابوفهد ~~~
ابوخالد : السلام عليكم
فهد : اكيد عمي جايب هدايا
ابوخالد : وانا اقدر بدون م اجيب لكم
ابوفهد : نبغى هديه جزله يبوخالد
ابوخالد : مثل وش
ابوفهد : تفضل اقعد وجايك بالعلم قم خذ الاكياس يافهد
فهد : ابشر يبه
ابوعزام : وين الدنيا يبوخالد نشوفك حسنه بالسنه
ابوخالد : والله تعرفوني هالقريه ماتجوز لي ولا ودي اقطع اختكم منكم
ابوفهد : قريتنا حلوة وش الي مو عاجبك فيها
ابوخالد : كلها حلوة بس شغلي وكل شى بالمدينة وان شاء الله نكثر جياتنا
~~~ في بيت ابومحمد فالقريه ~~~
ميهاف : شكلي حلو
فاتن : تعالي احط لتس مكياج
ميهاف : لا لا مابي
فاتن : اقول اقعدي هذا اذا وضح المكياج كاني اشوف قعدتهم مافيها لمبات
ميهاف : لاعاد تشوفين لان لمباتهم شكثرها
فاتن : اركدي طيب عشان احط لتس
ميهاف : لاتكثرين
~~~ في بيت ابوفهد ~~~
سياف : العده جاهزه يبه
ابوفهد : زين هايل خذ دحوم وروحو جمعوا لنا حطب
هايل : ابشر يبه دحوم عندك ثوب
عبدالرحمن : اي ليه
هايل : تعبيت تراب وانا اطلع عزبه ابوي مشينا لبيتكم نغير بيتنا كله حريم
عبدالرحمن : اي تبشر تعال
~~~ في بيت ابومحمد ~~~
فاتن : بصورتس تكفين
ميهاف : لا لاتخليني اطول صوتي تعرفيني ماحب التصوير
فاتن : وين رايحه
ميهاف : من زود الذرابه نسيت حذياني عند الباب بنزل اجيبها فاتن : عسى ماتنسين نفستس
عبدالرحمن : ترا ساكنين عندنا الدكتورات ف لاترتاع
هايل : ارتاع من حريم
ميهاف : اشوا مافيه احد يليل وين حطيتها ايوه هذي هي عبدالرحمن : شهق يابنت وش مطلعك
ميهاف : انت وش جابك
عبدالرحمن : ادخلي ادخلي الله يصلحتس
ميهاف: اسوارتي طاحت
عبدالرحمن: بندورها ادخلي
ميهاف : اوفف
فاتن : وشفيتس
ميهاف : ادور حذياني وطاحت اسوارتي الي من امي
فاتن : من يلقاها الحين
ميهاف : كله بسبب دحوم ذا
فاتن : انا قايله انه كريهه اسمعي لاتزعلين اذا رحنا بيت هذول بالرجعه ندورها
ميهاف : والله
فاتن : كل شى ولازعلتس
هايل : واو ياجمالها
عبدالرحمن : هيه ولد اعقل
هايل : ها
عبدالرحمن : اعقل وامش نطلع
ميهاف : يارب نلقاها مو اي سواره الماس ومن امي
فاتن : خلاص اهجدي بنلقاها
هايل : وشذا الي يلمع
عبدالرحمن : يلا يولد رفعت ثوبي وانت للحينك
هايل : شكله اسوارتها باخذها اي يلا يلا برفعها وبلف عمامتي وبجيك
فاتن : يوه يزينهم
ميهاف : امم صدق حلوين
فاتن : كذا نتحمل القريه
ميهاف : بنت اعقلي يلا مشينا
عبدالرحمن : وين
فاتن : كانك طولتها عاد
عبدالرحمن : يختي مايصير تطلعون بكيفكم القريه تعرفنا تبونهم يتكلمون عنا
ميهاف : لا حشى مانبيهم
هايل : اجل يلا ارجعوا وصكو الباب
ميهاف : بس احنا رايحين عند خالهام فهد
هايل : منهي
ميهاف : خاله ام فهد
هايل : ليتني خاله
عبدالرحمن : هيه تتكلم عن امك يالخبل
هايل : ها اي بيتنا اجل امشوا نوصلكم
فاتن : امش قدامي انت وهو
عبدالرحمن : لا ياامي العكس
فاتن : اذا مشيتو ورانا بيتوقعون انكم تبونا
هايل : صادقه اسمعوا ذاك البيت ماهو بذا البعد امشوا ع رجولكم عبدالرحمن : بس
هايل : امش خلنا ندور حطب لايحطب ابوي راسي
ميهاف : لاتشيل ثقيل
هايل : ها
ميهاف : عشان م تتكسر مره ثانيه
عبدالرحمن : اخس من قدك
هايل : يعني تحسبها خايفه علي ذي تطقطق فاهمهم انا
~~~ في حوش بيت ابو فهد ~~~
سياف : وين تاخروا هذول اشتد البرد
فاتن : يمه
ميهاف : فوبيا
فاتن : واحد ثنين ثلاثه نركض لان بتمطر
هايل : من داعي علينا اليوم
عبدالرحمن : وان رجعنا بدون الحطب بيفردون ضلوعنا
~~~ في مجلس الحريم بيت ابوفهد ~~~|
شهد : يوه خفت عليكم ليه تاخرتوا
فاتن : السلام عليكم
ميهاف : والله اعذرينا ياشوشو امطرت علينا وضيعنا شوي
هدى : ليه ضيعتو
فاتن : من ذرابتنا جلسنا ندور محل حلويات يعني مانجي ويدينا فاضيه ومالقينا شى وتهنا
ام فهد : وين عبدالرحمن وهايل دايم واقفين برا
ام محمد : يوه اسكتي الحين يجون يتزحلقون تحت هالمطر
فاتن : شهد عادي نصور ولا ممنوع عندهم
شهد : لا صوري ماعليتس منهم
~~~ في مجلس الرجال ~~~
فهد : ابوي بدا يعصب هذول تاخروا
ابوخالد : ليكون اكلتهم الضبعه
ابوفهد : لا ماينخاف عليهم
ابومحمد : ها ذا صوت صراخ ولدك
عبدالرحمن : اركض
هايل : هذي وش سلطها علينا
~~~ عند شباك قسم الحريم ~~~
جهير : ام فهد ولدتس يصارخ
ام فهد : بسم الله ولدي وشفيه
ام محمد : صوت دحوم بعد
فاتن : يمكن يلحقهم كلب
~~~ فالحوش
هايل : سياف اخوي انقذنا
سياف : علامكم يالمصروعين
عبدالرحمن : حط رجلك ليه تجي
سياف : يمه ياكثرهم
شهد:والله ذبحني الفضول امشوا نطلع
ندى : الله يستر
ميهاف : اشوا مافكيت جلالي للحين
ابوفهد : علامكم ياورعان
عبدالرحمن : انتو وش سلطكم تطلعون ورانا عشيره كلاب ادخلو وافتحوا لنا الباب
فرح : ياعمري جايين وحطبهم معهم
~~~ فالدكه ~~~
هايل : يمه خذيني عندتس
عبدالرحمن : صكيتو البيبان
ام محمد : اي اي صكينا وشبلاكم
هايل : عطونا عصفر
سياف : هذول عشيره كامله ناويه تغزينا
فاتن : من يغزي بكلابه
ميهاف : اسكتي
سلمى : جعله فيني ولافيك
شهد : امين
عبدالرحمن : دخل برجولي الشوك
هدى : وين حذيانك
هايل : زلق واحنا نركض وطارت حذيانه
سياف : ابغى اصير لهم عون صرت فرعون
ندى : هايل لك ولا للذيب
هايل : اخسى انا للذيب كلهم:ههههههههههههههههههههههههههههههه
ابوفهد : وين رحتو
فهد : امشوا امشوا للمجلس راحوا
~~~ في مجلس للحريم ~~~
ميهاف : شهد قولي لاخوك اذا يبي بلستر وشاش
شهد : م يستاهل لاتخافون عليه
ميهاف : رحمته
فاتن : عبدالرحمن
عبدالرحمن : يمه صوت غريب يناديني سمي
فاتن : تبي بلستر وشاش
عبدالرحمن : لا وين تراني متعود يسموني مطارد الذيابه
فاتن : انت كلب وهربت منه شلون لو ذيب
ميهاف : اذا فيه جروح برجلك لازم تتعقم
سياف : مجلس الدكاتره امشوا امشوا
ميهاف : بكيفك بيتجرثم
زينب : تراهم عنيدين مايحبون الي ينصحهم
فاتن : النصيحه بذهب وهم مايبونها
ام فهد : ميهاف تعالي ابيتس
ميهاف : الله يستر
~~~ عند الدكه ~~~
هايل : سم يبه
ابوفهد : جب ولاعه وشغل الحطب
هايل : على خشمي
~~~ فالمطبخ ~~~
ام فهد : ماودتس تكلمين اختس ترجع
ميهاف : والله ياخاله ودي بس هي وامها مايعطون احد فرصه وانا مالي كلام بالبيت
ام فهد : حاولي يبنتي عشاني
ميهاف : والله ياخاله على عيني وراسي تبشرين بس اتوقع المشكله بين زوجتس وولدتس صح
ام فهد : اي والله هواشهم مايخلص تعبت معهم كلهم
ميهاف : يعمري دقيقه اجيب لك كرسي تقعدين
هايل : ذا الندى اذا بغيتها مالقيتها واذا مابغيتها لقيتها بوجهي
ام فهد : انا بحاول اقنع ابوفهد يسامح زامل وانتي اقنعي اختك تقنع زامل يرجعون
ميهاف : والله الي بقدر عليه بسويه
ام فهد : م تقصرين
ميهاف : ياحياتي
ام فهد : بسالك انتي متزوجه
ميهاف : لا والله مو متزوجه ليه لاقيه لي عريس
ام فهد : لو اضمن انتس بتجلسين بالقريه زوجتس
ميهاف : هههههههه يزين سوالفتس
هايل : والله انتي الي يازينتس
عبدالرحمن : انت وين طسيت
هايل : شهق يمه
عبدالرحمن : خفت هاه لو واحد ثاني غيري جاء وشافك تناظر بنت وش بيسوي فيك
هايل : جيت باخذ الولاعه واستحيت شلون اتكلم
عبدالرحمن : تكلم الحين وبعدين اوريك
هايل : مايخلون الواحد يهيم يمه
ام فهد : هلا امي
هايل : ابغى ولاعه
ام فهد : اي يلا بعطيك
ميهاف : اجلسي انتي وينهم انا اعطيهم
ام فهد : بذا الدرج
ميهاف : دقيقه واعطيك اياها
هايل : طيب
سلمى : وين اختفيتي ياخالتي
ام فهد : بعطي هايل الولاعه وبجي
سلمى : من معك هنا اها ذي
ميهاف : لي اسم ترا تفضل يخوي
سلمى : انسى اسمك
ميهاف : احفظيه ميهاف بسيط وسهل
~~~ في مجلس الرجال ~~~
ابوفهد : انت وين غديت ننتظرك ذبحنا البرد
هايل : بسم الله على ضلوعك يبو فهد
ابوفهد : صب صب القهوة
محمد : عبدالرحمن ساعده
عبدالرحمن : مايحتاج يقدرعليكم كلكم مثل ماوقف نص ساعه يناظر له بنت
ابوفهد : وش تقول انت
عبدالرحمن : سلامتك يعمي
هايل : اذا بتشتغل ابتزازي على راسي خل هالموضوع بيننا مو قدامهم
عبدالرحمن : على خير
~~~ في مجلس الحريم ~~~
ام عزام : نمتي بالمطبخ يام فهد
ام فهد : الله يفكني منتس انتي وبنتس وين م اروح نشايد
فاتن : بكرا رمضان صح
فرح : اي والله ياانكم بتذوقون اصناف عاد جت شهد وهدى وزينب وانا طبخنا فالمخ
جهير : شف جحدتنا العوباء
فرح : انتو مدرسين فالطبخ
سلمى : وراتس جحدتيني
فرح : عاد كلنا ندري انتس انتي وندى ماتعرفون تطبخون
ندى : من يمسك لكم الخروف ويقطعه مع اخواني وابوي
فاتن : وش مقعدتس معنا
ندى : وين اروح
فاتن : بمجلس الرجال
ندى : هههههههههههه عجبتيني
شهد : ترا مو بس هذي فعالياتنا فجاه وانتي نايمه تسمعين صوت عبدالرحمن وهايل يصارخون قومو قومو
فاتن : تسمعون اصواتهم من جد
شهد : اي حارتنا صغيره ونسمع بعض
ميهاف : ليه يقومونكم
زينب : بنطلع بر فجاه كذا تجي بروسهم هالبر واذا رحنا هناك لازم احد يضيع
هدى : ودايما هايل يضيع وسياف وعزام ماسكين خالد ورامينه عالكلابه
فاتن : والله تونسون قالت لي ميهاف عنكم بس ماصدقت بالبدايه
جهير : والحين
فاتن : صدقتها هههههههههه
~~~ في مجلس الرجال ~~~
ابوفهد :هايل سياف فهد زامل
فهد : سم يبه
ابوفهد : جيبو المطارح والمفارش وافرشوا للرجال هنا
ابومحمد : ماله داعي بيتونا قريبه
ابوفهد : ابي اقوم واشوفكم يلا قبل السحور جهزوا مفارشهم
سياف : على خشمي
~~~ في مجلس الحريم ~~~
فاتن : كل شوي بننام ببيت
جهير : بيوتنا مفتوحه لكم
ندى : هذي عاده عند ابوي ليالي رمضان لازم نجتمع وننام بنفس البيت
ميهاف : وينا من زمان عن قريتكم
فرح : بنات تعالو نتساعد نرتب المفارش
شهد : ميهاف فاتن تعالو
ميهاف : صاير شى
شهد : اذا فرشنا المطارح بجيب لكم هدى تكشفون عليها
فاتن : لازم بالمركز عشان نسوي لها تحليل
ميهاف : فيه عندنا جهاز حق التحليل
شهد : كيف تستعمله
فاتن : تزغل فيه وخلصنا
شهد : بذي البساطه
ميهاف : اي واذا سوت التحليل عطينا اياه نعلمكم النتيجه
شهد : تمام واذا عيت تاخذ الجهاز مني
فاتن : بنحاول كلنا
شهد : تمام
~~~ فالمطبخ ~~~
ندى : فرشت الزل
هايل : اي تكسر ظهري من عزايم ابوي
ندى : من زمان وانت منسدح ماتسوي شى
هايل : هاتي الصحون اخلصي
سياف : لاتطول صوتك عليها
ندى : كفوو ياسندي
سياف : وانتي لاتجننينه
ندى : ابشر
~~~ في مجلس الرجال~~~
ابوفهد : حياكم عالسحور
محمد : ماتقصر ياعمي
~~~ في مجلس الحريم ~~~
ندى:يازين السحور بدون ام السعف
ام فهد : ندى خلاص
فاتن : يقصدون اختس
ميهاف :
اي شهد : خلصتو بنات
فاتن : اممم لا
ميهاف : خلاص قومي
فاتن : تراني بمسك ساعات صايمه
شهد : نبي نقنع هدى يلاا
فاتن : تراني ام بطين اموت عالاكل يويلكم لو م القى اكل بعد شوي شهد : بسوي لك كل الي تبينه يربي تذكريني باخوي مايحرك شى الا لما اسوي له اكل
فاتن : اي الحين يلا
~~~ في مجلس الرجال ~~~
ابوفهد : الحمدلله ابوخالد ابيك بطلب وقل تم
ابوخالد : تبشر والله تم وشفيك
ابوفهد : بما ان مقبلين على شهر الخير والطاعه ومثل ذا اليوم كانت زوجه ولدي زامل معنا انا ابي اليوم اخطب بنتك لولدي فهد
فهد : يبه !
هايل بشرقه : طق ظهري
عبدالرحمن : ارفق علامك
هايل : فهد بيتزوج
ابوفهد : اذا وافق ابوها
ابوخالد : والله يشرفني نسابتكم بس بشرط
ابوفهد : كل شى حاضر لك
ابوخالد : شرطي الاول تعطيني وحده من بناتك لولدي خالد شرطي الثاني بنتي ماتسكن بالقريه
سياف : خالد بيتزوج
خالد : بابا ايش هذا الكلام انا توني صغير
ابوفهد : كل شروطك اوامر بس ولدك وش يشتغل
ابوخالد : بشغله عندي بشركتي وهو يدرس
فهد : بدون راينا اتفقوا
محمد : فهد يولد وين رايح
فهد : خلني بالله يامحمد
محمد : وشفيها بنت عمتي
فهد : مافيها شى بس انا مابغى من القرايب وغيرها انا احب وحده وابيها وناوي اتقدم لها بس ابوي سبقني ويبي يزوجني على كيفه واختياره
محمد : طيب يمكن اختيار ابوك افضل من اختيارك
فهد : حتى لو افضل انا مابي اتزوج زواج تقليدي وانا احب وحده ثانيه وش ذنب بنت عمتي تاخذ واحد مايحبها
محمد : انا اخذت هدى وانا ماحبها وهذاني حبيتها الحب الحقيقي يجي بعد الزواج
فهد : طول عمر ابوي يسوي الي براسه
~~~ داخل البيت ~~~
ابوفهد : تبي تعصي كلمتي
فهد : مو كل حياتنا من اختيارك يبه اسمح لنا احنا نختار حياتنا
ام فهد : وش صاير
جهير وهي تزغرت : اخوي ابوفهد خطب بنتي زينب لولدتس فهد
ام فهد : اي ادري
جهير : ومو كذا بس زوجي خطب بنتس فرح لولدي خالد
زينب : ايش
فرح : ها
~~~ عند الحمام ~~|
ندى : يختي اخلصي زغلي وفكينا
هدى : انا عارفه اني حامل بس مابغى احمل
فاتن : شلون
هدى : يعني مابغى اعلم محمد
شهد : وليه
هدى : لاني بسقط
ميهاف : مو منجدتس حرام ياهدى وش ذنب الطفل
هدى : تعرفون اني احن وحده بس انا تعبانه ولازم اتعالج وعلاجي قوي بياثر على الجنين
فاتن : باي شهر انتي
هدى : يمكن بالثلاث
ميهاف : ثبت الحمل
هدى : يالله
ندى : تبكين ياهدى
هدى : مدري كيف اقول لمحمد عن تعبي
ميهاف : انا دكتوره قولي لي وشفيك
هدى : اخر فتره صايره بس ادوخ وتطلع لي كدمات بيدي ورجلي وشعري يتساقط ولما رحت للمستشفى طلعت مريضه بالسرطان شهد : لا مستحيل هدى مافيك شى انتي
فاتن : طيب المرض مو عيب ليه ماقلتي لزوجك؟
هدى : مدري كيف اقول له على ان هو حاس
ندى : لازم يدري
ميهاف : يالله اسمعي هدى لاتخافين المرض هذا درجات يمكن انتي بالبدايه واذا كيف تعلمين زوجك انا عندي فكره
هدى : وشي
ميهاف : الخطه كالاتي
~~~ في مجلس الحريم ~~|
سلمى : اوه احسبه هايل
ام فهد : صوت فهد صح
~~~ فالملحق ~~~
هايل : يايبه لاتعصب ظغطك
ابوفهد : وخر انت وانت اسمعني والله ثم والله وعلي بالطلاق لو م تقبل وتاخذ بنت عمتك لاني ابوك ولا اعرفك
فهد : انا احب وحده ثانيه ليه اظلم بنت الناس معي
سياف : تحب
فهد : اي
عبدالرحمن : صادق
محمد : اي للاسف
هايل : ارتح هنا يايبه والي تبيه بيصير
ابوفهد : عطني ماء
هايل : ابشر
~~~ في غرفه هدى وفرح ~~~
شهد : يمه ليه ماطقيتي الباب
فرح : خايفه خايفه
ندى : وشفيتس
فرح : عمتي جهير وزوجها خطبوني لولدهم خالد وخطبو زينب لفهد
ندى : ايشش كل ذا صار واحنا ماندري
~~~ في مجلس الرجال ~~~
خالد : انا موافق يابابا بس انا لسى صغير
ابوخالد : هذا شرطي وم ارجع عنه
~~~ في غرفه البنات ~~~
فاتن : وش احلام العصر ذي
سلمى : ترا اذن الفجر اشربوا ماء .

انتهى البارت