"جابك الله في زحام العمر صدفة "

71

~~~ في بيت ابومحمد ~~~
ابومحمد : تقل الي صار حلم
عبدالرحمن : لا الله لايقوله يايبه واقع واقع
ابومحمد : اكيد بس مدري ليه احسه حلم وواحد منا بيقوم وبيرجع كل شى
ابوفهد : الله كريم وانا اخوك
ابوخالد : استاذنكم
ابوعزام : مابعد طفشنا منك اقعد وبعدين تعال خلني اعطيك اياه من الاخو من انت عشان تمنعنا من اختنا وتخليها تطلب ورثها من ابوفهد وانت عارف ان محد فينا مقتدر وتعرف ان ابوفهد ساكن فالبيت الي تبي تاخذه ورثه
ابوفهد : اقطع الشر يابوعزام هذا نسيبنا
ابوعزام : نسيب عالعين والراس بس يزق فوق روسنا لا يابوفهد والف لا ان كانك يابوخالد اغتنيت وشفت نفسك علينا فخلني اذكرك منهو الي خلاك تدخل فالشغل هذا اخوي ابوفهد وخويه المرحوم ابواحمد خيرك الي عايش فيه من اخوي وابوي ولا مهر اختي مايوكل عيش بس شريناك ماهو لاجل فلوسك لاجل طيبه قلبك الي تغيرت مع الوقت ومحد ظلمك ولا غلط بحقك انت الي نشبت الين شبكت فهد مع بنتك وبنت ابوفهد مع ولدك وانت الي طلقتهم وكبرت الموضوع ولا خالد وام عزيز يبون بعض ليومك ذا محد قرب صوبك انت الي سويت الخطا واخطيت على نفسك ورميت الذنب علينا مختصر كلامي لاتخلي نفسك شحيحه وتحشي اختنا علينا مارح نبعد عنها هي اختنا وحرمه ونعرف من وراء كلامها وطلباتها كلها ولاتظلم عيالك وعيال الناس عشان تقهر فلان وعلان
عبدالرحمن : شف صالح نزل راسه ماله داعي عمي يقول كذا
سياف : اي الله يصلحه راح يقول ان اختي وخالد يبون بعض وصالح خاطب اختي
زامل : عوايده عمي ابوعزام يرمي الكلمه ولايهتم
ابوخالد : اعذرني يابوعزام على الي صار وان شاء الله انه مايتكرر ولحظه غضب ومحد يلومني بنتي تدخل عليها حرمه ثانيه وانا مدري وساحب منها جوالها عشان ماتعلمنا ماهي حركات رجال هذي يابوعزام والله يشهد واهل فهد يشهدون ان بنتي ماقصرت حتى هي ماكانت تبيه شايف نفسه عليها لا بنتي وراها اب يحميها صحيح غلطت وزوجتها فهد غصب بس ماكرر خطاي وموضوع الورث اخوك ابوفهد مكلمها وقايل بقسم الورث وورث عمي كله البيت والسياره وولدي خالد اعرس وحرمته حامل بعد وبنتكم سمعت انها بتتزوج بعد وانا مارضى تحرمني من حفيدي وهذا زوجها الي بتاخذه موجود
صالح : مالي كلمه على ولدها هي بكيفها الي تقوله يصير
ابوفهد : اجل يابوخالد انا طالبك ماتكرر خطاك انا خالها ولي حق اتكلم لاتزوج بنتك ولد ابوسلطان فيه رجال غيره يتمنونها ابوسلطان فيه رفعه خشم عشان فلوسه ان طق عود بحصى انخرب بيت بنتك
ابوخالد : ان قالت بنتي لا مارح ازوجها وبعدين يابوفهد وين ولدك مايجي يطل على ولده ولا يعطيه مصروفه انا ماني مقصر وانت مانت مقصر بس فهد يبقى ابوه وش جاه بعد ماعرس
ابوفهد : ماعندي ولد بهالاسم
ابومحمد : انا في وجهك يابوفهد تسامحه توه ورع ولا يعرف وش يسوي
ابوفهد : لاتكلموني بموضوعه كلكم عندكم رقمه الي يبي وصله يدق عليهم ولا انا مانيب راضي عنه لاني حي ولا ني ميت
ابوعزام : ماتوصل يابوفهد الله يحفظك
ابوفهد : ابد كلمه قلتها مارجعها الي سواه ماهو شى هين احنا اهله اخوه تعبان له ٧ شهور ماطل عليه الا مره يوم صارت الحادثه يوصل باهل حرمته وتارك اهله
ابوخالد : الا مايرجع وندمان ادعي له ربي يهديه
ابوسعود : امين والكل يخطي يابوفهد ولدي سعود لو مالعقال يجيه كل شهر شهرين ماشفته بهالشكل الحين
زامل : يوه عاد العقال والعصى اصدقاء ابوي
ابوفهد : اشتقت لهم شكلك
زامل : الفقره المفضله يوم كنا ندرس يجمعنا ابوي بيوم الشهايد والي ماجاب زين جلده انا وفهد وسياف وهايل ابوي يحب البنات ملاحظه
ابوفهد : هذولي المؤنسات الغاليات وانا ابوك
عبدالرحمن : استاذنكم
ابومحمد : وين
عبدالرحمن : بروح لهايل اكيد طفشان لحاله
ابوفهد : قل له ان ودنا كلنا يجي بس بيرفضون
عبدالرحمن : يوصل ياعمي
ابوعزام : واعرف منهم متى يقدر يطلع
عبدالرحمن : قالو اسبوع ويطلع
ابوسطام : سلمنا عليه سلام كثير وان شاء الله بكرا بنجيه وبعدها بنمشي للشرقيه
ابوفهد : ماقصرت يبوسطام
ابوسطام : بس ها ترا ابيه يوصل فيني بتسمح له يجي الشرقيه لي بعد انا عمه اخو ابوه
ابوفهد : هههههههههههههههههههههههه انشهد انك اخوي الي ماحملنا بطن واحد ابد هو عندك متى ماتبي
ابوسطام : ههههههههههههههههههههههه الله يخليهم لك ويخليك لهم يلا مشينا كثر الله خيرك يابومحمد
سياف : تسامح ابوك مع عمي ابومحمد
سطام : من وراء القلب ولا هم ماعتذرو
ابوسعود : يله يله مشينا يله يابوتميم وعمر وسعود وسطام عالسياره
ابومحمد : ابوسطام ابيك شوي
ابوسطام : اسبقوني عالسياره سم وش بغيت
ابومحمد : انا ودي نفتح صفحه جديده دام كل عيالنا بيتزوجون
ابوسطام : اي تقول صفحه جديده والله يابومحمد انا تسامحت مع ابوفهد لاجل غلاه عندي وهو عاذرني لاجل اني مابيك وانا جيت هاليله بيتك بس عشان ابوفهد وولده قام بالسلامه اما موضوعنا فانتهى بالنسبه لنا لا احنا اخوان ولا اصدقاء ولا انسباء ومبروك لولدك ومبروك لبنتي كل واحد بياخذ نصيبه وانا اول الحضور بعرس ولدك على بنت ابوسامي وان شاء الله انت من ضمن حضور عرس بنتي على سعود فمان الله
ابومحمد : لاتكبر الموضوع والله اني كنت ابي قربك ولكن الحريم ومحمد ماخلو فيها قرب
ابوسطام : معليه يابومحمد قلت لك موضوعنا انتهى ولا بقلبي عليك شى ومسامحك وانت سامحنا بعد اخطينا
ابومحمد : الله يرضى عليك ومسامحك وعلى قولتك انتهينا والماضي يبقى ماضي
ابوسطام : وصل مباركتي لولدك والله يوفقهم يارب يله سلام تاخرت عليهم
ابومحمد : بحفظ الرحمن
~~~ فالمستشفى ~~~
عبدالرحمن : السلام عليكم
هايل : دحيييم واخيرا جاء احد طفشان
عبدالرحمن : اي اجحدها بعدين حاسن فيك
هايل : ماقالو خلص وقت الزياره
عبدالرحمن : والله مدري قلت جاي زياره ودخلوني حتى انا مستغرب
هايل : علمني وش الي فاتني
عبدالرحمن : فاتك واجد يابن الحلال شقول وش اخلي
هايل : الليل طويل تكلم
عبدالرحمن : خلني ابدا باللي مضيق صدري
هايل : الله يستر وش الي مضايقك
عبدالرحمن : عمي ابوسامي وابوي وابوك وابوعزام قررو يقفلون الحلال الي عند ابوسامي
هايل : انت مفروض اكثر واحد فرحان شمزعلك
عبدالرحمن : خلني اكمل الهرجه بعد ماصارت سالفتك خافو يجينا الدور او ينعاد الشر على واحد منا ودام بنت عمي ابوسامي بتتزوج اخوي محمد فقرر ابوي يدور لي شغل هنا فالرياض يعني انا ماقدر اجي للقريه لان خلاص بشتغل هنا فالرياض قال لي ابوي اذا مالقيت لك شغل هنا فالرياض لو تروح الجنوب اهم شى ماتروح لقرى
هايل : اي طيب للحين مافهمت ليش متضايق وماتبي
عبدالرحمن : من بقعد معه من بيسليني تستهبل ياهايل تعرف محد مونسني غيرك انت وعزام وعزام بيعرس وانت بترجع للقريه اقعد شسوي
هايل : سياف بيجي عندكم
عبدالرحمن : بس برضو سياف متزوج وبينشغل بين شغله وعايلته
هايل : زوجته اختك يالدلخ كلما طفشت رح عندها
عبدالرحمن : يعني ذي وناسه
هايل : نسيت يوم كنا نشتغل من الي كان يبي يتزوج وغاثنا
عبدالرحمن : انا الغبي بس ندمت ودي ابوسامي يرجع ونصير عنده ثلاثتنا مثل ماكنا
هايل : يابن الحلال فرقاك انت وعزام عيد رح بس توظف واعرس وشف حياتك
عبدالرحمن : ادري انك تقول هالكلام من وراء قلبك يالتسذوب اخوانك كلهم بيروحون وخواتك بعد بتبقى لحالك فالقريه صدق انت الوحيد الي ماعندك احد
هايل : وها هذاني مبسوط
عبدالرحمن : دور ابوك يقتنع وتجون للرياض
هايل : اهل القريه للقريه
عبدالرحمن : وانت بتنكرف هناك عندك ابوك وعمي ابوعزام ويمكن بعد عمي ابوسامي ياخذ بيت جيرانكم
هايل : من وين له فلوس ابوسامي ذا
عبدالرحمن : والله مدري يمكن مهر بنته عطته اياه ياخذ بيت ويسكن فيه
هايل : ووش يبي فالقريه بنته فالرياض
عبدالرحمن : مصيرها بتجي للقريه مع اخوي تعرف رمضان والاعياد والمناسبات كله عند عمي ابوفهد وهو ترا مثل شخصيه ابوك يحبون هالقريه والعزله
هايل : كملت ياسلام
عبدالرحمن : معليك كل يومين وانا متكي عندكم
هايل : انت حدد لك راي انت الي مزعج ابوك الين باع محل العقار على جيراننا
عبدالرحمن : زوجه جاركم اختها بتاخذ اخوك زامل وخلاص بيرجعون للقصيم لان تراه يشتغل فالعقار هناك وجاء عشان يعطي خبر ابوي وعمامي عن الورث حق البيوت والاراضي الي باسم جدي وبيرجعون واخوك زامل بعد بيروح معهم
هايل : وعياله
عبدالرحمن : على حسب مافهمت ان امك عييت تخليه ياخذهم وبيصيرون عندكم فالبيت وعاد اذا بغاهم ياخذهم بس فتره الزواج وشهر العسل يكونون عندكم
هايل : ياحبيبي ومن بيمسكهم هايل
عبدالرحمن : اي فاقولك ارجع اخذ محل العقار
هايل : اذا ابوك مادعسك انا بدعسك على هالتناقض
عبدالرحمن : ههههههههههههههههههههههههههههه
هايل : وغيره وش فاتني
عبدالرحمن : اي قبل شوي ابوي وعمي ابوسطام تسامحو وابوي وابوك وعمي ابوعزام تسامحو مع ابوخالد تخيل
هايل : اوه واخيرا غريبه
عبدالرحمن : ابوخالد طلع متضايق من فهد ان ليه تسوي هالحركه ببنتي واحس حقه اخوك زودها وغير عن كذا بنته ولدت وجاء ولد فهد ولا جاء يشوفه ولا يعطيه مصروف تصدق حتى اهلك لهم ٧ شهور او ٨ شهور ماشافو فهد
هايل : ليه وينه
عبدالرحمن : خلها على الله لو ماعمي ابوفهد ماسك سياف وزامل كان راحو وتهاوشو معه صارت هوشه كبيره هنا وعمي ابوفهد صفق زامل
هايل : اح اح وليش ابوي سوا كذا
عبدالرحمن : والله مادري بس اعتقد ان سبب سماح ابوك من ابوسطام هو ان عمتي جهير طالبت بكل ورثها وضمن الورث بيتكم الي ساكنين فيه ووقتها ابوي الله يهديه مافهم ابوك او مقصده ابوي كان ناوي يملك لي بالساكت تذكر وقتها رجعنا عند ابوسامي وتهاوشنا انا وانت وعزام عالسالفه ان ليه ماقلت لكم
هايل : اي اي اذكر كمل
عبدالرحمن : اي وقتها ابوك ابتلش مايدري وش يسوي وتعرف حال عمي ابوعزام على قده بس والله وقتها ماقصر قال تجون ببيتي ونبيعه ونعطيهم ووكان بياخذ قرض على اسمه بس عيا عمي ابوفهد لان عمي ابوعزام ماهو موظف ووقتها كان يدق على فهد وفهد مايرد تعرف هو الوحيد الموظف وهو الي بيقدر ياخذ قرض على اسمه وتضايق عمي ابوفهد وسمعته امك وصارت تدق على فهد الين رد ولما رد تخيل وش رده
هايل : لاتقهرني زود ماني مقهور كمل هرجتك
عبدالرحمن : قال مامعي شى ولا اقدر اعطيكم شى وانه توه ماخذ قرض عشان يسدد بيت اهل حرمته الجديده وام فهد تضايقت ودعت عليه ووقتها ماكان احد يدري الا عمي ابوعزام وابوفهد وابوي وامك بس ابوي ماكان يدري ان عمتي جهير تبي ورث البيت الي انتم ساكنين فيه عرف بس انه فيه ورث وهي طالبت بحقها لان ابوي تنازل وعمي ابوعزام تنازل لاجل يعطيه عمي ابوفهد ويدفع لعمتي ورث البيت وعمي ابوفهد عيا وقال الا كل واحد ياخذ حقه وبيعطون بعد بنت ابوصقر حق امها المهم وامك وقتها متضايقه وتصيح وسمعها زامل بالصدفه وعرف ويدق على فهد مايرد وهو مايدل شقه فهد الي فالرياض وجو هنا يشوفونك وامك قعدت تقنع بنت ابوخالد ترجع لفهد او تقنعه يرد على اهله وسمعها عمي ابوفهد وتضايق وقعد يقول ماحنا بحاجتس لا انتي ولا ابوتس تعرف معصب منهم وزامل قعد يتهاوش مع خالد وزل بالغلط عن موضوع فهد وصفقه ابوك
هايل : فهد مايسوي كذا مستحيل يادحيم
عبدالرحمن : محد مصدق للاسف بس سواها وواي بعد يقولون بنت ابوخالد دقت عليه ومدري شصار بس ماجاء ولما عرف ابوخالد باللي صاير عرف انه غلطان وان الخطا لازم يتحمله فهد لحاله وتسامح معهم وعاد بموضوع الورث مدري شصار عليه والي خلاه يجي يشوفك لان بنته مسميه ولد فهد احمد وهذا احمد صديق فهد الي مات بحادث وابواحمد كان صديق ابوخالد الروح بالروح وعمي ابوفهد يعرف قصتهم وقالها لبنت ابوخالد وسمعها ابوها وتقل ندم وجاء يعتذر
هايل : تبي الصراحه يادحيم والله ان عمتي وعمي ابوخالد حليلين واعرفه عمي ابوخالد يحبني من يوم كنت صغير كلما جاء للقريه جايب لي حلاو وانبسطت يوم شفته جاي هو وعمي ابوسطام عالاقل غيبتي فادت بشي وجمعتهم
عبدالرحمن : اي اول مره نستفيد منك بشي
هايل : بس تدري وش الي حزني ياخوك
عبدالرحمن : وش
هايل : ان ابوتميم وسعود وسطام وعمر وانت وعزام واخوك محمد تناوبتو علي واخوي الكبير فهد لا والله ياهي هزتني وحزنتني انا ادري ان سياف وزامل ودهم يجون بس عارف ان ابوي وقتها ماسكهم ومعيي بس فهد فهد هنا فالرياض ماستحى على وجهه وقال اجي بدال عيال عمي والغرباء والله ياهي يادحيم توجعع
عبدالرحمن : يوم قالو لنا الدكاتره ان نسبه انك تقوم ٤٠ بالميه كلهم فقدو الامل يمكن مافقددوه بس عمي ابوفهد سوا نفسه فاقده عشان لو صار شى لاسمح الله يتخطون الموضوع بسرعه فكان مانع حتى امك الي يتقطع قلبها عشان تشوفك وحاط عذر ان المسافه طويله ومحد بيستقبلهم هناك ولا والله كلهم ودهم يجون وكلهم داقين علي اصورك لهم ويتطمنون يوميا وفاليوم عشرين مره
هايل : عارف والله عارف كلكم ماقصرتو
عبدالرحمن : والله اني للحين مانيب مصدق برجع اسجد شكر
هايل : ههههههههههههههههههههههه عطني عطني مناديل
عبدالرحمن : يالبكايه
هايل : قاهرني فهد قاهرني ياعبدالرحمن
عبدالرحمن : مصيره بيندم وبيرجع بس والله عمي ابوفهد اليوم قال لحد يجيب طاريه وماعاد عندي ولد اسمه فهد
هايل : هيا خذلك
عبدالرحمن : الله يصلح الحال وانا اخوك
هايل : الا تعال من اليوم ابغى اسالك ونسيت
عبدالرحمن : وش عندك
هايل : ليش تبي تجي للقريه مارح تتزوج
عبدالرحمن : شفت يوم قمت ماطلعت من عندكم انا جت تقول وانت مغير تصيح قلت لها يابنت الحلال روحي لشغلتس ماحد فاضي لتس وجلست تقول حرام انتظرك وانت ماتستاهل وانها ماتبيني قمت عطيتها كلام والله الصدق يوجع بس يعني ماظنتي تنتظرني يمكن تعرس
هايل : والله وتقولها كذا رح اخطبها بكرا يبوي
عبدالرحمن : تستهبل لا لا اذا تبيني بتنتظرني
هايل : والى متى يادحيم بتنتظرك تبي يصير لك الي صار لي انا اتمنى تتطلق من عبدالعزيز عشان اتزوجها انا وانت البنت عندك ماتزوجت وتقول خلها تنتظرني استح على وجهك
عبدالرحمن : واذا اعرست وصار لك شى وماقدر اكون عندك
هايل : عساس لو ماتزوجت بتصير ظلي وين ماروح اركد بس ودق على ابوها وقل عطونا ردكم انتم اصلا خاطبين وخالصين وبعد اسبوع حط الملكه عشان قدني طالع سو كل شى دامنا هنا ونعاونك احسن من يصير عرسك فالقريه
عبدالرحمن : لاتخليني استعجل وبعدين اندم
هايل : لا استعجال ولا ندم ولا شى دامك تحبها بتستعجل عشان تصير لك وعاد لو طابت نفسك بكيفك لاتروح وخلها تعرس
عبدالرحمن : الله ينكد عليك خلاص بكرا اخلي ابوي يكلم ابوها
هايل : ياجعله يارب زواجه الدهر
عبدالرحمن : متحمس اكثر مني
هايل : ماودي الي جار علي يجوو عليك
عبدالرحمن : انطم انطم تعشيت بس
هايل : اي عطوني اكل المستشفى الله يكرم النعمه
عبدالرحمن : هو المفيد
هايل : والله لا مفيد ولا شى
عبدالرحمن : تقل جازت لي الغرفه ابرقد عندك وارسلت لابوي يكلم ابوها بكرا
هايل : الله يكتب الي فيه الخير وافتك منك
~~~~ صباح يوم جديد ~~~~
~~~ في بيت ابومحمد ~~~
ام محمد : يله يام فهد قومو افطروا
ندى : ماشاء الله ياخالتي تفطرون الساعه ١٠
ام محمد : اي شوفه عينتس يابنتي عمتس يطلع من ٧ ومايحب يفطر ياخذ فطور فالطريق ويفطر فالشغل مع اخوياه ومحمد ماخذ اجازه ونايم مايقوم الا العصر ودحيم ماعاد يعترف فينا كله قاعد عند اخوتس
ندى : الله يخليتس لهم يله بقومهم واجي اساعدتس
ام محمد : اقعدي قومتهم كلهم الي يقرصه بطنه بيقوم تعالي ابسولف معتس
ندى : سمي
ام محمد : صدق انتس وافقتي على عزام
ندى : اي بس تونا ماملكنا
ام محمد : وش تبين يامتس فيه انتي تستاهلين الافضل
ندى : النصيب ياخاله
ام محمد : اخ ياندى الود ودي انتس حرمه دحيم بس عنيد هالولد
ندى : بايش عنيد
ام محمد : راكب راسه الا يبي هالدكتوره وهالدكتوره عنيده مثله لنا ٧ شهور خاطبين وللحين ماردو لنا بالله هذا كلام
ندى : ٧ شهور !! قدنها تزوجت
ام محمد : لا كان تلقين ولدي منقطع قلبه هي تشتغل فالمستشفى الي فيه اخوتس وللحين ماعرست مادري هي تبي دحيم ولالا
ندى : صح صح قابلتها الله يذكرها بالخير
ام محمد : بس انا احس انها قويه وبتقلب ولدي علي تبيه يسكن معها هي وابوها ويخلينا انا وابوه
فرح : الحق حق ياخاله انتي هنا عندتس محمد وبيتزوج بنت ابوسامي اما ابوفاتن ماعنده غير فاتن
ام محمد : والله اني مابي الا ندى وحاولت اقنعه معيي يقول اشوفها اختي الصغيره
فرح : خلاص هو بياخذ الي يبيها وندى بتاخذ ولد عمها
ام محمد : اي بس حرام تاخذين عزام لا شغل ولا مشغله
ام عزام : وليه حرام وش قاصره ولدي والشغل بيجي يشتغل هنا الله يكثر خير ابوسطام نفع الغريب وعمه عنده خير واجد ولانفعه
ام محمد : والله ولدتس اذا ماننتي عارفه ترا شهادته تميل للتدريس تخصصه عربي مدري اسلامي ف وش دخله يتوظف ببنك
ام عزام : مافهم بذي الاشياء المهم انه بيتوظف وندى ماتبي الي يعتبرها اخته الصغيره ولاهي ميته عشان تاخذ ولدتس وصلي له هالعلم ندى لعزام وعزام لندى
ام محمد : يوه عاد ولدي بينتظرها الله يوفقهم يارب ياامنيه ارجعي مكانتس
ام عزام : اي احسن رجعيها
فرح : الا ياخاله وين سلمى مشتاقين لها ترا
ام عزام : عيا فارس يخليها تروح نسيتي عيالها
ندى : ليكون قاسي عليها
ام عزام : لا بس مايقدر يترك اهله ويجي هنا للرياض من بيمسك شغل ابوه فالقريه
فرح : صح الله يسخرهم لبعض ومصيرنا كلنا راجعين لهالقريه
ام عزام : والله عندي احساس كلكم بتطلعون بنبقى احنا
ندى : لايسمعتس ابوي خالتي
ام عزام : الله يعجل بقومه اخوتس ونحط عرسكم
فرح : لا ياخاله تكفين للحين ولدي ماكبر
ام عزام : يوه مسويه ماتدرين امتس بتاخذه عندها وبتخلين تتهنين بزواجتس اعرفها ام فهد
ام فهد : كانتس حاسه بحط ولدتس وولد زوجتس عندي لاتشيلين هم
فرح : لا خلى ولا عدم
ندى : بديت اغار
ام فهد : ماعندهم بزران امسكهم
ندى : مدري بس ترا غيرتي صعبه
ام فهد : صبي لي شاهي وين راحت ام محمد
ام عزام : مدري عنها

انتهى البارت