"جابك الله في زحام العمر صدفة "

24

~~~ فالقاعه ~~~
ابوسطام : اخترت هالقاعة ولزمت عليهم ينضمون كل شى من عندهم هذا قسم الحريم ومقدمة القاعه قسم الرجال بنحط هنا طاولات يجون من ربعكم ومن ربع البنت خوالها وكذا وهذي الدور الثالث فوق غرفه يتجهزون فيها الحريم وهذيك البيبان الثنين ينفتح وتدخل انت وابومحمد واخوانها والعريس تزفونه لها ولاخلصت الزفة يطلعون من نفس الباب وهذا الباب صاله العشاء للحريم هذا قسم الحريم شرايكم فيه
ابوفهد : الحين كل شى مظبوط وش قلت يااخوي
ابومحمد : والله تسلم يدينك ذوقك حلو
ابوسطام : الله يسلمك حطيت ممشى الزجاج عشان الزفة بتكون عليه والطاولات بتكون بيضاء وعليها ورد احمر بفازات وعند صاله العشاء بحط طاوله فيها علوك وعطور وهالاشياء المعروفة تعالو قسم الرجال اوريكم وصح يبومحمد كلم العروس كانها ودها تضيف شى من ذوقها او عاجبها شى عطني خبر ازيد واغير
ابومحمد : خلاص ابوصي محمد وعبدالرحمن ييجيبون الحريم عشان يشوفون القاعه
ابوسطام : كويس ووصيت سطام ياخذ الكروت حقت دعوة العرس مع العيال ويوزعونها على الناس المعروفين وخليتهم يروحوم للقرية اخبر عندكم جيران قلنا بنعزمهم واخذت هالبطايق وابوزعها بيننا وان كان تبون تعزمون احد عطوهم وهذي عطها حريمكم يبومحمد يوزعونها على خوالهم وربعكم
ابومحمد : ماقصرت والله
ابوسطام : عندي لي رجال فالشرقية غالي علي وابعزمه ان وافقتو ولا ماتبون غريب
ابوفهد : لا اعزم الي تبي يبوسطام
ابوسطام : الو
~~~ في شقه ابو سطام ~~~
هديل : يبه جهزت كل شى الحلويات والعشاء كلها جاهزين بكرا بيجون العصر يرتبون القاعه والعشاء بيرتبونه المغرب او العشاء
ابوسطام : وحقين الورد والصبابات
هديل : بعد هذولي كلهم جاهزين
ابوسطام : اشرفي لي على قهوتهم ذوقيها والعصيرات والتوزيعات الماء والعصير وكل شى ابيه جاهز واعرفي يظبطون انواع القهاوي ولا لا واجهزو بيمركم ولد ابومحمد وتجون للقاعه مع باقي الحريم دليهم عالقاعه انتي
هديل : تم يبه
ام سطام : متى بنروح نستلم فساتينا تراها جهزت
هديل : يامالنا من دخله السوق الين بكرا معليه نخلص من التجهيزات ونطلع للسوق
ام سطام : تتوقعون عادي لو اعزم صديقاتي
هديل : اي اعزميهم ترا هم ربعهم ماهم  واجد
ام سطام : اجل برسل لهم الدعوة
هديل : بيجينا ولد ابومحمد وبنروح للقاعه البسي عباتس يمه
~~~ في بيت ابومحمد ~~~
شهد : زينب تكفين شسوي
زينب : وشفيتس
شهد : لقيت الارتست وحقت الشعر وجهزت كل شى الا المصورة مالقيت
زينب : وش بتسوين
شهد : حتى البترينه الي بنلبسها الفستان عشان التصوير مالقيتها والمصورة مافيه شسوي
زينب : اهدي انتي اهم شى كل شى جاهز بنمشي للقاعه ترا
شهد : لا لا مارح اجي مقدر اتعرض للشمس انتو روحو وبكرا ليلة العرس بروح من الصبح واشوف القاعه ونتجهز
زينب : ماهو عرس قرية يبدا من الظهر ولا العصر العرس المغرب يبدا
شهد : انا بروح من بدري
عبدالرحمن : يلا جاهزين السيارة جاهزه
ام محمد : اي يلا وين اخوك محمد
عبدالرحمن : محمد راح يجيب زوجه عمي ابوفهد وابوعزام وابوسطام
ام فهد : واهل زينب مارح يجون عمتك
عبدالرحمن : خالد بيجيبهم
ام محمد : اي زين اجل ترا شهد مارح تجي
عبدالرحمن : وليش
ام محمد : تقول بكرا بتجي وتشوفها بتروح مع حرمه فهد
عبدالرحمن : كويس يلا انا فالسيارة
شهد : الو فاتن
فاتن : هلا
شهد : اسمعوا بكرا الصبح تكونون انتي وميهاف جاهزات
فاتن : وليه
شهد : بكرا عرسي وابي اروح للقاعه الصبح كذا الساعه ١٠ او ١١
فاتن : اي صح نسيت ابد تم معتس
شهد : كفوو يلا من رقمه ذا الو
هديل : اهلا ياعروسة
شهد : هديل صح
هديل : صح اتصلت علي زينب وسالت اذا اقدر ادور لك مصورة وانا وافقت
شهد : تكفين بشريني لقيتي
هديل : اذا تسمحين انا بكون مصورتتس
شهد : تعرفين تصورين
هديل : اي شدعوة اعرف واشتغلت فتره فالشرقية اصور عرايس
شهد : وتسوين البوم
هديل : كل شى عندي لاتزعلين انتي اهم شى واي شى تحتاجينه هذا رقمي دقي علي
شهد : ياقلبي والله تمام ماقصرتي
~~~ في سيارة سطام ~~~
سطام : اوجعتني رجليني مابقى احد ماعزمته وين هايل أختفى
هايل : والله ان تجي ياسعيد
سعيد : مالي مجلس بينكم
هايل : تراك تعتبر اتجر مني انا ماعندي شغل خير شر شف لو ماتجي بخلي ابوي يتصرف معك
سعيد : لا لا خلاص ابجي
ابوفارس : ورع هايل
هايل : يربي ذا وراه كل شوي طالع بوجهي
ابوفارس : عرس من ذا الي قبل عرس ولدي
هايل : عرس اخوي سياف بكرا
ابوفارس : ووراكم مستعجلين
هايل : العلم مع ابوي ماهو معي ياعمي
ابوفارس : وانت متى تعرس شيبت تراك
هايل : اللهم صبرك ياروح عمي وراي اشغال الين فوق راسي الكرت وجاك والله يحييك بكرا فالرياض العرس سعيد امش معنا الحين
سعيد : ومزرعتكم
هايل : نقفلها امش
سعيد : يلا بجيب ثوبي وبجي
خلف : طيب طيب ياهايل تعزم راعي البقالة واحنا منسيين والله لاندمك انتي وسعيد
سطام : وين اختفيت انت
هايل : هذاني جيت
سطام : تعرف هذاك
هايل : من وينه اي ذا خلف
سطام : يناظرك وانت جاي بحقد بينكم شى
هايل : اي يوميا هواش انتظر نرجع للقريه وتشوف
سطام : ماارتحت له من ننتظر بعد
هايل : سعيد خويي ومايقدر يجي للقريه مامعه سيارة وقلت له يجي معنا
سطام : اي الله يحييه هذا ابوي يدق هلا يبه
ابوسطام : وينكم
سطام : بنطلع من القرية الحين
ابوسطام : يلا يبوي لاتتاخرون
سطام : اي يلا يبه جايين
~~~ في سيارة محمد ~~~
ام فهد : قربنا من الموقع يولدي
محمد : اي اي ياخالة بعد هالدوار
هديل : كسرنا مايعرف يسوق
ندى : سوقي بدالة
هديل : اصبري علي اقنع ابوي يشتري لي سيارة
محمد : هلا يبه
ابومحمد : جدك من بقى عنده
محمد : جدي وديته للعزبة وقال لي بيعزم الرجال الي معه
ابومحمد : لايعزم صقر وتصير لنا مشكلة
محمد : والله يايبه ماقدرت اقول له كذا واقنع عمي ابوفهد يحسن الضيافة ويمشي هالعرس على خير ماهو ضروري بكل عرس مشكلة
ابومحمد : قفل قفل بشوف لي حل لهالمصيبة الله يهديك يابوي
هديل : ايوه هذي هي القاعة
ام فهد : ماشاء الله ماشاء الله عازمين اهل الرياض كلهم
ام سطام : يوه ياام فهد لو نعزمهم ماكفت انزلي مابعد شفتي شى
محمد : الو دحيم وصلت
عبدالرحمن : اي هذانا وراكم
ام محمد : ماشاء الله تبارك الرحمن هذي هي القاعه
هديل : اي ياخاله من هناك مدخل الرجال
ام فهد : فيه سياره موجودة
هديل : هذي سيارة ابوي هم موجودين داخل تعالو اوريكم قسم الحريم
ام سطام : كل شى جهزته هي وابوها
ندى : تعجبيني ياهديل
هديل : هذا مدخل الحريم هنا حجزنا نافورة شوكلاتة وداخل هذي هي الطاولات على كل طاولة بنحط ورد واسماء العرسان وهذا ممر الزجاج بتكون زفه العروس عليه وهناك المسرح وبتكون كوشتها عليه بتجلس وبتصور مع زوجها وابوه وابوها واخوانها غير تصوير الي داخل وهذيك صالة العشاء للحين مو جاهزه بيجون يرتبونها وهذا الباب بينفتح وبيدخلون منه العريس وابوه وابوها واخوانها وهي قبلهم بتدخل منه وهذاك الدور الي فوق غرف التجهيز لها ولنا الصبابات جاهزات والعشاء وحجزناه والحلويات وكل شى تمام وباشرافي وختامها انا بكون مصورتهم
ام محمد : ماشاء الله تبارك الله
محمد : يعطيكم العافية ماقصرتو عزالله يبيض الوجه
عبدالرحمن : كل شى للحريم ومجلس الرجال وش حاطين فيه
هديل : مجلس الرجال مارتبته انا ابوي الي بيرتبه
ام فهد : ماقصرتو والله
هديل : وحجزنا طقاقة وعطيتها الاغاني الي تغنيها لو عندكم اضافات علموني او ملاحظات
ام محمد : ماقصرتو عزالله قول وفعل
هديل : الله يجعلها زواجه الدهر بكرا القاعه بتفتح من ١٢ الظهر لو حبيتو تجون هنا وتتجهزون
ام سطام : انا حجزت ميكب ارتست تجي للقاعه الي تبي تتزين معنا تعطيني خبر اقول للبنت
هديل : اقنعت امي ماتحجز انا اعرف بس معنده
ندى : انا اخت العريس وللحين ماحصلت فستان مناسب
هديل : ليش مااتصلتي علي
ندى : فكرت بعد مانشوف القاعه نروح ندور
هديل : عالاقل كان فصلت لك معي
ام فهد : تفصلون فساتينكم
هديل : اي انا صممتها وفصلناها بتطلع اليوم فكذا ولا كذا بنروح للسوق وتعالي معنا ياندى
ندى : تم
زينب : قلولولولولولوش وشذا الجمال ماشاء الله
جهير : بسم الله ماشاء الله هذا مو عرس الديرة
ام فهد : ههههههههههههههههههههههههههههههه لا لا ماهي الديرة
فرح : يوه ماشاء الله والله يستاهل سياف
ابوسطام : تغطو ياحريم بندخل العريس بيشوف القاعه
هديل : كلنا متغطين ادخلو
هايل : اسلم اسلم حركات والله ياسياف
زامل : هايل انتبه يولد تحتك قزاز لاينكسر
سطام : صدق جايين من الديرة ذا ممر زجاجي للزفة ماينكسر معليك
عبدالرحمن : شغلو اغاني بنرقص
ابوفهد : لاتحوسون شى
سطام : يبه خلصتو كل شى
ابوسطام : اي خلصنا كل الحجوزات حجزت السيارة الي قلتها لك
سطام : اي جالسين يجهزونها ويكتبون عليها خرابيط العرس
ابوسطام : عقبال افرح بعرسك
سطام : ان شاء الله
سياف : ماقصرت ياعمي انشهد انك تبيض الوجه
ابوسطام : هذا قليل بحق ابوك وانا اعتبرك واحد من عيالي والله يجعله زواجه الدهر
ابوفهد : يلا نطلع من القاعه ونروح نجهز باقي الامور
ابوسطام : بشتك جاهز يبوفهد فصلت لك معي من الاحسا وبيوصل اليوم
ابوفهد : الله البشت الحساوي معروف بجودته الحلوة
ابوسطام : عشان كذا مانسيتك انت واخوانك ونسيبك
ابومحمد : ماقصرت يبوسطام عقبال مانفرح بولدك
ابوسطام : ان شاء الله
هديل : يبه وصلنا للسوق
ابوسطام : روحو مع اخوكم
هديل : بس اخوي خذا العريس وراحو مدري وين
ابوسطام : اطلبيي سيارة تاخذكم من بقى
هديل : انا وامي والبنات بس
زينب : انا اعرف سواقين هنا بدق عليهم
ابوسطام : زين اجل
فرح : خالتي بترجعين للبيت
جهير : خالد سحب علينا
ساره : كعادته
زينب : بجيب لكم باص يشيلكم
ام فهد : يوه وخزياه لاينطلنا بهالسوق ويروح
زينب : لا لاتخافين ياخالة يرجعون لنا
هديل : كم بياخذ وقت على مايجي
زينب : قريب هو من هنا يلا عند الباب
ندى : يافضحنا فضحاه يكبره
ام محمد : يقدر يمر بنيتي يمكن تبي شى من السوق
زينب : بقول له بس تاكدي من شهد
ام محمد : بدق عليها الو شهد
شهد : هلا يمه
ام محمد : وشذا الازعاج
شهد : جايين ميهاف وفاتن ومشغلين اغاني
ام محمد : تبون شى من السوق نمركم
شهد : اي يمه مرونا بنجهز
ام محمد : زين يلا اي بتروح ومعها الدكتورات
زينب : طيب بقول له

"انتهى البارت"
| قراءه ممتعة اعتذر مره عن التاخير بس الواتباد صار يطردني ورافض ادخل لحسابي ودخلت من جوال ثاني وظبط  قراءه ممتعه💙|