"جابك الله في زحام العمر صدفة "

48

~~~ في سيارة عبدالعزيز ~~~
ميهاف : ها نزلت وش صاير
عبدالعزيز : كلي كلي لاتشرقين علي
ميهاف : من قالك اني اكل ؟
عبدالعزيز : اجل وش قاعده تسوين مع الصحن
ميهاف : كنت باكل
عبدالعزيز : والحين وش صار
ميهاف : شفتك وانسدت نفسي
عبدالعزيز : والله كلامتس الي يسد النفس
ميهاف : وش صار ببيت اهلك
عبدالعزيز : ماصار شى
ميهاف : اجل ليش رجعت للشقه
عبدالعزيز : مابيتس تطفشين لحالتس فقلت نطلع نتمشى
ميهاف : افكارك الي تجيك فجاه هذي خفف منها
عبدالعزيز : الشرهه على الي يفكر فيتتس اصلا
ميهاف : وين بتودينا الحين
عبدالعزيز : مو تقولين انتس ماتبيني وتبين تتطلقين مني
ميهاف : اكيد وبدون شك بعد
عبدالعزيز : اجل انزلي
ميهاف : تستهبل صح
عبدالعزيز : لا
ميهاف : وين انزل بهالظلام
عبدالعزيز : يالرخمه انزلي نازل وراتس
ميهاف : لا انزل قبلي
عبدالعزيز : بعد ماتثقين فيني
ميهاف : لا
عبدالعزيز بضحك : ههههههههههههههههههههههههههههههه والله انتس بجيحه بشغل كشاف السيارة وبنزل انزلي
ميهاف : انزل قبل
عبدالعزيز : خلاص لاتصيحين نازل
ميهاف : وش هالمكان الغريب
عبدالعزيز : بر
ميهاف : احط يطلع بر الساعه ١١
عبدالعزيز : اي انا
ميهاف : اذا كنت لحالك اطلع بس معي لا خلنا نرجعع
عبدالعزيز : لا ابد تو جازت لي القعده ليش تبين نرجع
ميهاف : خايفة
عبدالعزيز : ههههههههههههههههههههههههههههههه من وش
ميهاف : يجي وراي ذيب او كلب او جني
عبدالعزيز : وياخذتس بعييييد وفجاه تفتحين عيونتس تلقين نفستس بالربع الخالي
ميهاف وهي تضربه : اسكت اسكت وقت طقطقتك
عبدالعزيز : اهخ اهخ كسرتيني كملي اكلتس
ميهاف : مابي
عبدالعزيز : تعانديني بعاندتس
ميهاف : محد مهتم اوفف اوففف اوففف
عبدالعزيز : ها ها شتبين تكلمي بدون ماتقولون اوف
ميهاف : خلنا نرجع
عبدالعزيز : لا بروح اتمشى هناك
ميهاف : وتخليني
عبدالعزيز : ماتبين تجين انتي
ميهاف : خلنا نرجع
عبدالعزيز : لا شوي
ميهاف : انقلع مسوي يذلني بقوته عادي مارح اخاف
عبدالعزيز : خبله ههههههههههههههههههههههههههههههه
ميهاف : احمم وين تاخر ذا ومافيه ابراج اهخ لاصيده بس عبدالعزيز ارجع خلاص بروح اتمشى معك وينه مايرد عبدالعزيز صوت ذيابه وكلابه خلنا نرجع مو وقت هبالك الحين علي وين راح ذا ماعرف اسوقق ياربيي "وهي تبكي" عبدالعزيز ارجع تكفى انا اسفه عبدالعزيز
عبدالعزيز : ههههههههههههههههههههههههههههههه علطول صياح ماعندتس حل ثاني
ميهاف وهي تضربه: وين كنت مجنون انت تخلي بنت لحالها ومشغل اضاءه
عبدالعزيز : انتي عيتي تجين شسوي لتس
ميهاف : قلت بروح معك ليش مارجعت
عبدالعزيز : جاز لي صوتتس وانتي تناديني
ميهاف : كلن على همه سرى خلنا نرجع للبيت
عبدالعزيز : لا
ميهاف : كيف لا اقول خلنا نرجع
عبدالعزيز : ارجعي لحالتس
ميهاف : لو اعرف اسوق بنتظرك
عبدالعزيز : اجل اسكتي واقعدي
ميهاف : وش بتسوي مثلا لو قعدت بتقعد تكرر كلامك الي ازعجتني فيه وانك بتعوضني عن اهلي وعن كل شى وان لازم اعطيك فرصه عشان نكمل زواجنا بس لاتحلم ولا ربع فرصه دامك كنت تعرف اني احب ومع كذا تزوجتني بالغصب انا حتى بالغصب مارح اتقبلك ومستحيل اشوفك زوج لي زين كذا طفشت ومليت من كلامك المعاد
عبدالعزيز : خلصتي
ميهاف : كثير كلام بقلبي بس دامك انت تسمع من اذن وتطلع من الاذن الثانيه ليش اكمل
عبدالعزيز : لا كملي عادي
ميهاف : خلنا نمشي
عبدالعزيز : العتب على الي نيه يبني سعاده لتس فوق تعاستس واتوقع ان هايل ربي فكه دام هذا انتي وهذا اسلوبتس
ميهاف : انت ماتجي ربع هايل وش جابك له
عبدالعزيز : مارح تاخذينه الا اذا مت
ميهاف : الله كريم
عبدالعزيز : يلا مشينا
ميهاف : لاتسكت وتنزل راسك وتقفل الموضوع تكلم
عبدالعزيز : مابي اضايقتس
ميهاف : هذا الي يبغى يجنني حرك حرك
عبدالعزيز : تعالي قدام
ميهاف : مابي
عبدالعزيز : على كيفتس سواق عندتس انا
ميهاف : انت حتى بالقعده متحكم
عبدالعزيز : لا متحكم ولا شى بس عيب تركبين وراء وزوجتتس قدام
ميهاف : هههه قال ايش قال زوجي
~~~ يوم جديد وصباح جديد ~~~
~~~ في بيت ابومحمد ~~~
صالح : يلا ياعيال مشينا
عمر : بهالسرعه
صالح : وش سرعته صار لنا اكثر من يوم هنا بنرجع لديارنا
تميم : بابا
صالح : هلا ابوي
تميم : شف خالتو فرح اعطتني هذي الحلاوة
صالح : يولدي باقي توصف شكلها الله يصلحك
تميم : بطنها صغير حامل ببيبي
صالح : زين زين البس حذيانك يلا بنمشي
تميم : ابغى اشوف سالم قبل نمشي
صالح : سالم بالغرفه الثانيه بس مابعد قام
عبدالرحمن : قمتو
صالح : هلا اي
عبدالرحمن : الفطور جاهز
صالح : لا والله بنمشي ماقصرت يابوي
عمر : الا وش معجلنا نفطر ونمشي
عبدالرحمن : اي اي صادق يلا انتظركم
تميم : يسس بشوف سالم قبل نروح
~~~ في مجلس بيت ابومحمد ~~~
محمد : ليتكم تطولون تعودنا عليكم
صالح : الجايات اكثر وان شاء الله الجيه الثانيه سببها نحضر زواجك
محمد : هههههههههه ان شاء الله ان شاء الله
عمر : وين باقي العيال
عبدالرحمن : وشتبي فيهم
عمر : بشوفهم قبل اروح
سعود : من حبكم لهم
عمر : لاتصدقون كلامه تراني احبكم مثل اخواني
عبدالرحمن : محتار اصدق من
سعود : بقوم اشغل السياره لاتتاخرون
عمر : فيكم عجله اعوذ بالله
عبدالرحمن : خلهم يروحون وانت اقعد
عمر : ودي بس الاهل هناك ينتظروني وهذول هطوف مايعرفون يسوون شى بدوني
~~~ عن بيت ابوفهد ~~~
هايل : سعود هلا يابوي فيك شى
سعود : لا والله مافيني الا العافية جيت ابسلم عليك قبل امشي
هايل : وش عجلكم تمشون
سعود : شغلنا واهلنا هناك وانت اعرف
هايل : استودعتك الله ادخل ادخل سلم على ابوي واخواني
سعود : استحي من ابوك
هايل : بيزعلون لو رحتو بدون مايعرفون امش بس وين ابوتميم وعمر
سعود : بيجون
هايل : زين رايح اشوفهم
ابوفهد : ليش مستعجل يابوك
سعود : والله ياعم الشغل تراكم علينا وجيتنا تمشيه وتمشينا وشفنا قريتكم وابوي اشترى المزرعه بس خلصت مهمتنا هنا
ابوفهد : بحفظ الرحمن يابوي ولاتقطعون زورونا
سعود : على هالخشم
فهد : فمان الله
سعود : مع السلامه
ابوسطام : سعود
سعود : هلا عمي
ابوسطام : اشوفك مشغل السياره وين ان شاء الله
سعود : راجعين للشرقيه المفروض نرجع امس بس تعرف حرص ابوتميم مانمسط خط فالليل
ابوسطام : ماطولتو يابوي اقعدو وانا اكلم ابوانكم
سعود : ماتقصر ياعم والجايات اكثر ان شاء الله
ابوسطام : ان شاء الله ولاينقطع الامل فيك بيننا نصيب يولدي
سعود : الله يسلمك ياعم فمان الله
سطام : ودي اخاويكم
ابوسطام : كلها كم شهر واحنا راجعين وش الي معجلك
سطام : ابشر ابشر سعود وين ابوتميم
سعود : زين نويت تصلح الامور معه
سطام : اي ابوتميم
صالح : وش جابك
سطام : جاي ابقول لك العلم كله وانا ماقهرني وكبرت الموضوع الا ضنك السى فيني
صالح : ماظنيت سوء انا طلبت منك تعلمني
سطام : طيب ابقولك انا صح بذاك الوقت كنت اكلم بنت
صالح : تدل بيتكم صح
سطام : اسمعني تكفى نيتي ماهي سيئه تجاهها واعرف الي اسويه غلط وانا نيتي زواج
صالح : نيتك زواج تروح تخطبها ماتكلمها وتخليها تصيح عندك
سطام : والله انك فاهم الموضوع غلط يابوتميم السالفه ومافيها ان اختي عندها صديقه صديقتها هي البنت الي احبها وهي الي سمعتني اكلمها ذاك اليوم وهي قعدت تصيح لان كان عندها حاله فالمستشفى وكانت الحاله واحد كبير فالسن وهي نقطه ضعفها هالشى وقعدت تفضفض وتصيح عندي وانت سمعت وفهمت غلط وانا ناوي اتزوجها بس هي للحين باقي لها ترم وتخلص جامعه وتطبيق وهي ماتبي تتزوج الا اذا خلصت الجامعهوالتطبيق بس هذي كل السالفه
صالح : اعذرني اجل فهمتك غلط بس حتى ولو لاتكلمون بعض الا اذا صرتو حلال لبعض رح اخطبها وملك عليها واذا خلصت تزوجها
سطام : وهذا الي بيصير بس انت استعجلت وفهمتني غلط
صالح : معليه يابوي المعذره والسموحه
ابوفهد : للحين مامشيتو
عمر : لا ياعم ماودك تخاوينا للشرقيه
ابوفهد : لا لا انا ديرتي الي متحملتني بس جيت ابعطيكم هالسله اعرفكم شباب وطريق لحالكم هذي قهوه وشاهي وتمر وخرابيط حريم مافهم فيها بالعافيه
صالح : ماقصرت ياعم جعلك فالجنه
ابوفهد : وياك وياك يولدي استودعتكم الله
سياف : انتبهو فالطريق
صالح : عمي ابوسطام
ابوسطام : هلا ابوي وشبغيت
صالح : حاول تصلح بين ابوفهد واخوه
ابوسطام : ولاتشيل هم كم يوم وهم راجعين مايقدرون عن بعض
صالح : زين زين طمنتني تميم وينك
عبدالرحمن : شفته راح لبيت عمي ابوفهد مع سالم
صالح : الله يهديه سياف بالله ناده
سياف : اي ابشر
سعود : هايل ابي وانا فالشرقيه اسمع قصيدك
عبدالرحمن : ازهلني انا مترصد له
هايل : بكذا تطمن ذا كل شى يسجله
سعود : حرام شعرك مايسمعه احد ويمكن المقصوده تحن
هايل : على كذا ماودي مابيها تعرف بشعوري خلها تحتار
سعود : الله بيعوضك بالاحسن اذا بغيت شى دق علي
عبدالرحمن : شعندكم انتم الثنين
سعود : ابزرف هايل منك
عبدالرحمن : مايسويها هايل
هايل : انا وولد عمي ضد خويي
سعود : افا
هايل : استهبل معك
سعود : تمون يلا ياعيال
صالح : اي اركبو جاي انتظر تميم يجي
~~~ في بيت ابوفهد ~~~
فرح : ياحبيبي انت شكراا
تميم : اعطيني يدك
فرح : ياحبيبي خالتك انت وهه عالعيال الكيوتت
تميم : اذا جبتي. طفلتس علميني
فرح : من عيوني الثنتين وانت بعد تعال وزرني اتفقنا
تميم : اي اتفقنا
فرح : انتبه فالطريق ع نفسك
تميم : انا رجال مااخاف
فرح : صح لاتنام فالطريق الرجال ماينام
تميم : طيب باي سالم
سالم : باي
ندى : كيووت هالولد
فرح : مره ياعمري عليه
ندى : ليش وشفيه
فرح : علمني سياف عنه امه وابوه منفصلين وجدته وجده متوفين وكثيير اشياء صارت له ولابوه الله يكون بعونهم
ندى : امين
فرح : الا بسالتس وشصار على موضوع عزام ماجاء يخطبتس
ندى : يوه انتي للحين مادريتي رفضت وابوه تهاوش مع ابوي
فرح : ليش رفضتي
ندى : انتي تعرفين من ابي وتعرفين ان من يوم كنت صغيره مااطيق عزام
فرح : على اساس انا الي كنت احب خالد ؟ ولا شهد تحب سياف لا حبيبتي نصيب هو
ندى : مارفضت الا ان عزام ماهو نصيبي
فرح : الي تشوفينه بالنهايه الشور شورتس
ندى : ياجعلها خيره تعال سالم اشرب الحليب
~~~ عند سياره سعود ~~~
ابوسطام : ارفق بالسواقه
سعود : لاتوصي حريص ياعم
ابوسطام : يلا فمان الله

انتهى البارت

اعتذر عن القطعه المطوله بس كنت بمرحلة الفاينل ومضغوطه مرهه وبما اني خلصت ف احنا راجعين وبقوة باذن الله شكرا لدعمكم الحلو وكلامكم الحلوو والمتابعين الجدد مرحبا فيكم بيننا وروايتنا باذن الله مستمرة شكرا لكم يااصدقاء ❤️❤️❤️❤️.