"جابك الله في زحام العمر صدفة "

42

~~~ في بيت صقر ~~~
صقر : يلا وين بنتس للحين ماجت
ام عفراء : مدري اذا بتجي ولالا
صقر : وشلون لا تجي وغصب
ام عفراء : لا تخرب بيتها هي متزوجه وماتطلع الا بشور زوجها
صقر : وزوجها ولد عدوي
ام عفراء : لاتدخل بنتي بمشاكلكم ورح شف بنتك معييه تقوم
صقر: وشهو علمها عندي ميهاف ميهاف
ميهاف : يارب ميهاف تموت وترتاح منكم
صقر : ليش مانتي جاهزه من العروس
ميهاف : انا العروس الي ماتدري وين عرسها
صقر : عرستس فالقاعه قومي الحين مع امتس تروحين للمشغل
ميهاف : أمي متوفيه من زمان ماعندي ام غيرها
صقر : اسمعيني يامهياف ان كانت نيتتس تفشليني فاكنسل العرس واتفاهم معتس تفاهم ثاني
فاتن : خلها ياعمي انا وهي حاجزين ميكب ارتست وبنروح لها
صقر : وليش تحجزون بدون شور ام عفراء
فاتن : لان هي عيت تفهمنا ان مكياج العروس لازم حجز مسبق
صقر : اي زين اجل خذوها معكم لاي مكان
فاتن : طيب ليش تعاندين انتي
ميهاف : مابي اروح معها كويس جيتي
فاتن : وللحين ماقمتي وجهزتي شنطه الفندق وشنطه العرس
ميهاف : الا كل شى مجهزته
فاتن : اجل يلا مشينا ابوي يتحرانا برا
ميهاف : طيب
~~~ في استراحه سعود ~~~
صالح : يلا ياعيال قومو خلصت الغداء
تميم : بابا طفشان
صالح : اذا اكلت اكلك الحين كله بوديك الحديقة شرايك
تميم : يس اتفقنا
صالح : يلا كفك
تميم : يسس
صالح : يلا ياعيال واحد ثنين ثلاثه اربعه فيه واحد ناقص
سعود : طف اللمبه وصك الباب
صالح : والغداء من بياكله
عمر : وش مسوي غداء
صالح : مقلوبه حمراء الي تحبها
عمر : اجل قمت
صالح : فيه احد ناقص
عمر : من اي والله صادق الصديق الجديد هو الي ناقص
صالح : اي شكله هايل وينه سطام يولد
سطام : همم
صالح : قم عطنا رقم هايل
سطام : خذ جوالي وتلقاه
صالح : لو يدخل حرامي ويسرقكم ماحسيتو هات هات وين جوالي انا بعد
تميم : هذا
صالح : شاطر حبيبي خله ياكل ياعمر
عمر : احب احارشه من تدق عليه
صالح : على هايل اشوف وينه
عمر : حتى هو لحقه حركاتك
صالح : رجال تعرف علينا وصار منا واكل من صحنا ماتبي اهتم لامره وبعدين عرس حبيبته اليوم فانا خايف عليه يسوي شى
عمر : طيب رد عليك
صالح : لا
عمر : صوت الجرس
صالح : اقمز افتح
عمر : هايل وينك رايح فيه وراه مايرد
صالح : هايل ليه تروح وماتعلمنا وشفيك تكلم تميم ابوي خذ صحنك ورح اقعد بالغرفه كمل اكلك يوه مايقدر يشيل الصحن تعال يابابا تعال خلك عنده ياعمر
عمر : تبي مويه وشفيك
هايل : مافيني شى
عمر : زين الي سمعنا صوتك
صالح : وين رحت وليش لون وجهك كذا وش مسوي
هايل : مافيني شى ياعيال خلاص
صالح : رحت لها ؟
هايل : منهي
صالح : مدري
هايل : اي فهمتك
صالح : دايخ انت وين رحت ومتى وليش ماقلت لي
عمر : اهدا ياصالح خله يتكلم
صالح : انتظره يتكلم ماقلت شى
هايل : رحت لبيت اهلها وشفت ابوها يحمل شناط عرسها ضاق صدري يابوتميم وهلت عيوني من الدمع كان ودي اروح واخرب عرسهم بس ماني قادر
عمر : خل هالموضوع علي
هايل : ماهو موضوع خوف ولا قوه مابي اكسر قلب معشوقتي اعرف اشدد اهلها بيحطون السبب كله عليها
صالح : حتى ولو هي لغيرك خايف عليها
هايل : خايف عليها من مهب الريح شلون تبيني اثق بولد عمها
صالح : يعني مارح تحضر الزواج
هايل : انا عندي وعدي لها وانا اول الحضور
عمر : يلا ترتاح الليله ياصالح بنتعشى مفطح
صالح : وانت هذا همك
عمر : خرشتنا عالفاضي خل اروح اكمل غداي
صالح : رح غسل وجهك وتعال تغد معنا
هايل : مانيب مشتهي بالعافيه عليكم
صالح : الله يهدي بالك ياابوي وانت خله ياكل
عمر : تميم قم جب لي مويه اوه يفهم ويمشي
صالح : عمره ٣ سنين ماهي ثلاث شهور
عمر : لا ولدك ذكي
صالح : على ابوه
عمر : اجل اسحب كلمتي
~~~ فالقصر ~~~
فاتن : زوجه ابوتس مابقى احد بالحاره حقتكم ماجابته
ميهاف : محد مستانس بالعرس غيرها
فاتن : ترسل هديل وخوله يبوني اوصف لهم
ميهاف : الله قولي لهم يستعجلون
فاتن : طيب بكلمهم
هديل : فريت على كل قصور الرياض ولا واحد فيه عرس
فاتن : لاتمزحين فيه عليه لوحه كبيره مكتوب قاعه احتفالات
خوله : اي اي هذا هو شفته
هديل : يمه من زمان عن العروس
زينب : اخلصوا انزلوا بس انا الوحيده الي يحق لي اخاف
خوله : انتي ماخذينتس تهريب
زينب : كل ذا لقافه بشوف ميهاف يمه يمه بنات هايل اركضوا داخل
خوله : هايل مين
زينب : اخو فهد
خوله : وفهد من
هديل : زوج زينب يالفاهيه
خوله : يعني انتي جايه للرياض بدون علم زوجتتس؟
زينب : اي رحت زواره عند هديل وجيناتس هنا
خوله : يمه ياقوي قلبتس
هديل : والله متكلف العريس ماشاء الله
فاتن : يامرحبا بالبنات يوه مشتاقه لكم
هديل : ياهلا بفاتن
فاتن : زينب جايه
زينب : مااخلي ميهاف لحالها بس بيني وبينتس بدون علم فهد جيت
فاتن : قوتتس تدرس حبيبتي
زينب : اسكتي لو اسمع اي احد يقول فهد صحت من الخوف
فاتن : مو هو مايبيتس ويبي يتزوج عليتس
زينب : اخر مره قال لي انه يكرهها ومايبيها بس تدرين انه اليوم الصبح جاء للرياض وانا بكل بجاحه جايه ورايه
فاتن : ههههههههههههههههههههههههههههههه تفضلو تفضلو فوق
ام عفراء : وين بنتي
هديل : قصدتس عفراء
ام عفراء : اي
هديل : ماجت زوجها عيا
ام عفراء : هذا يبيله تربيه من جديد وانتي غريبه جايه
زينب : يوه ذي بتفضحني
فاتن : خلصت فقره التحقيق تعالو فوق تبيكم ميهاف
خوله : اي اي يلا
هديل : سبرايييييززز
ميهاف وهي تبكي : بنات
هديل : لاتبكين يخرب مكياجتس
زينب : وشذا الجمال يابنت وشذا
ميهاف : شكرا لانكم جيتو
خوله : شدعوه انا قايله اعزموني وبكون اول الحضور
زينب : وانا جايه تهريب ههههههههههههههههههههههههههههههه
هديل : لا انا بعلم العائله الف مبروك ياحبيبتي وجعله زواجه الدهر
ميهاف : استغفري مابيه
زينب : واذا ماتبينه تبين تتطلقين يعني ؟
ميهاف : اتطلق ولا ابقى مع شخص ابيه
خوله : وشفيكم حزينين
ميهاف : لاني باخذ ولد عمي مو الشخص الي احبه
خوله : واذا متوقعه حبيبتس بيقعد مارح يتزوج هو بعد بيتزوج
فاتن : خلاص قفلو موضوعه امشوا نصور مع بعض
ام عفراء : يلا اطلعي زفتتس
ميهاف : مابغى انزف قدام الحريم
ام عفراء : ومن زينتتس عشان تتامرين قومي اخلصي لسياره زوجتتس
ميهاف : كم الساعه
فاتن : تونا ٩
ام عفراء : ابوتس دق وقال كذا فاطلعي اخلصي
هديل : طيب خلاص تبينها تطلع كذا بفستانها خل تلبس عبايتها وش ذا العجوز المريضه
ميهاف : ماشفتي شى للحين
هديل : ذي لو عندي بطحنها وجع توز مثل البعوضه
~~~ في قسم الرجال ~~~
عبدالرحمن : ولد وين رايح داخل
هايل : ببارك له يعرفني هو شفيكم
صالح : متاكد من ولد عمك
عبدالرحمن : كل اتوقعه منه
هايل : مبروك ياعبدالعزيز
عبدالعزيز : هلا هلا والله بهايل وشذا القطعه يخوي
هايل : تبي تعرف السبب
عبدالرحمن : مات جدي الله يرحمه وانقطعت الوصال
عبدالعزيز : الله يرحمها ليته اول الحضور
صالح : احنا اصدقاء سطام وقلنا نجي ونقوم بالواجب ونبارك لك
عمر : الحين ذا ولد عمها مالت عليها مبروك مبروك
سطام : مبروك ياعزيز منك المال ومنها العيال
سعود : مبروك
عبدالعزيز : الله يبارك فييكم كلكم وعقبالكم تفضلو داخل لان زفتي الحين
هايل : مبروك اهنيك اخذت حبيبتي مني
عبدالرحمن : الله لايهنيك لا انت ولا ابوك ولا عمك ولا البنت الي بتاخذها مثل ماحرقت قلب ولد عمي الله يحرق قلوبكم
عبدالعزيز : شقاعد تقول انت
عبدالرحمن : البنت الي بتنزف عليها الحين المفروض هايل بدالك خطبها حول عشر مرات بس عشان كم فلس عندك ابوها وافق يعطيك اياها
ابوعبدالعزيز : انقلعو لاتخربون عرسه
عمر : لا بنخرب شعندك
صالح : ياعيال اهدوا
سعود : لاترفع صوتك وطس جعل ربي مايهنيكم
صقر : جاي وجايب مشاكلك معك
هايل : جيت ابارك له هذي نيتي
عبدالعزيز : لا تبارك ولا شى طس خل يكمل هالعرس على خير
عبدالرحمن : لاترفع صوتك على ولد عمي لاكسر حنوكك اخلي عرسك يقلب عزا
سطام : وقف ياعبدالرحمن
صالح : خذوه للسياره
ميهاف : هايل
زينب : اذا هايل هنا فهد وينه هو قايل بيروح مع هايل لعرس ميهاف
هديل : اها الله يستر
خوله : الي تفكرين فيه افكر فيه انا بعد
فاتن : هذا عبدالرحمن بعد
عبدالرحمن : لاتنافخ يالشايب والله لو ماوقفو العيال قدامي لاخلي دمك السايل هنا
عبدالعزيز : لاترفع صوتك على عمي
عبدالرحمن : اقول اذلف انت وعمك ورح اسال عن سمعته الخايسه ماارحم الا الي بتاخذها الليله بس تراها بتنزف عليك وقلبها فيه واحد ثاني
ابوفاتن : اهدا ياعبدالرحمن وش ذا الكلام
عبدالرحمن : ياعمي لاتتدخل خل يطلع الي بيده كانه ولد ايوه يرميني
ابوعبدالعزيز : ادخل ادخل السياره جيبو العروس دخلوها السياره ياصقر
صقر : ميهاف تعالي
هايل : لاتصرخ عليها الذنب ماهو ذنبها الذنب على ابوها فقير الفلوس يدور اي احد يشتريه بالفلوس
ابوعبدالعزيز : اقعد فالسياره حرك حرك احنا نتفاهم معهم
ابوفاتن : اهدو ياعيال وامشوا يلا امشوا لاتكبر
عبدالرحمن : عشان عمي ابوفاتن واحتراما وتقديرا لوقفته قدامي ابمشي بس والله ياصقر لو تقرب صوب ولد عمي بضرر بتلقاني انا اول واحد قدامك عشانك بس ياعمي بتعوذ من ابليس ولا انا ناويه من مبطي
سعود : يلا ياعيال مشينا خربنا ليلته عليه
هايل : ماكانت ذي نيتي بس الله يهديكم
عبدالرحمن : لا انا هذي نيتي وبخاطري من زمان هالكلام وطقته بس مسكتوني ماخليتوني
سطام : محد رح ياكلها غير البنت الله يهديكم مشينا للاستراحه
فاتن : معقوله صار له شى
هديل : من هو
فاتن : ها ولا شى تعالو بيتي نكمل سهرتنا
زينب : قبلها بروح لشقتي ناسيه ذهبي فيها
هديل : تمزحين
زينب : لا والله من عرس شهد وانا حاطته فيها ونسيته من كثر المشاكل
فاتن : يلا بدق على ابوي يشغل السياره
زينب : يوه وش ركبنا معه
فاتن : كبر ابوتس وش مخجلتس
~~~ في سياره ابوفاتن ~~~
ابوفاتن : وين يابنتي شقتتس
زينب : قريبه من هنا ياعمي رح يسار وبعدين سيده وادخل يمين
ابوفاتن : ابشري ابشري هذي هي وصلنا يلا
زينب : مايحتاج ياعمي تنزل
ابوفاتن : لا يبنتي لو فيها حرامي مترصد لتس
فاتن : خليه يروح معتس احتياط يازينب
زينب : هذي سياره فهد وش جابه هنا
خوله : هو كم له ذالف للرياض
زينب : له يومين
ابوفاتن : ماعندتس علم يعني يبنتي
زينب : لا والله ماقال لي
فاتن : ماخذ اغراض معه
زينب : اي ماخذ شنطه بعد بس مدري وش حاط فيها
هديل : وانتي الله يهديتس ماشغلتي كيدتس وشفتي
زينب : مااهتميت للموضوع
خوله : طيب وشعليتس منه خليه يطس بالي مايحفظه
زينب : لاتدعين عليه اقول انا خايفه يشوف اني جايه بدون علمه
فاتن : طيب دقي عليه يجيب الذهب معه
زينب : صادقه بدق بشوف بيرد ولا لا
ابوفاتن : اجل بروح للبقاله هذيك اجيب لنا عيشه
خوله : جب عصفر ياعمي بعد الي صار
ابوفاتن : ههههههههههههههههههههههههههههههه صادقه يابنيتي
زينب : مايرد
فاتن : جاني فضول اذا هو ماجاء مع اخوه للعرس وش يسوي هنا
زينب : وشدراني عنه قلبي قارصني يابنات
خوله : انتي حددي لنا وضعتس تحبينه ولالا
زينب : مايعتبر حب بس بالنهايه زوجي يعني
هديل : خلتس من كلامهم حرمه بتواجهينه نزلت معتس انا ونشوف وش يسوي هنا اما حرمه خايفه يكشفتس انثبري هنا وخلصنا
زينب : ماني واثقه فيه وبقعد وبشوف نهايتها
ابوفاتن : ها يبنتي وش قلتي
زينب : خلاص ياعمي مانيب نازله
ابوفاتن : زين جبت لكم بساكيت وعصاير وكيك
هديل : ماقصرت ياعمي
خوله : وشدراك ياعمي اني كنت جيعانه
ابوفاتن : لاني جيعان مثلتس البطون عند بعضها
خوله : جاز لي ابوتس يافاتن
فاتن : هذي يبه بنت ابوسطام الي سوا زواج ولد ابوفهد
ابوفاتن : اي عرفته ماشاء الله اخبره شلون ابوتس يابنتي
هديل : بخير ياعم يسلم عليك
خوله : ليش تكذبين متى سلم عليه
هديل : وشعرفتس انتي بالبردود اطفحي من هالكيك
فاتن : وش صار على العيال الي تهاوشو
ابوفاتن : الله يهديه عبدالرحمن تهاوش مع العريس وشوي وبتصير مذبحه لو ماتدخلت
فاتن : نسمع صوت صراخهم وخفنا
ابوفاتن : يوم فكيتهم كل الي بين عيوني المظلومه بنت صقر ماله ذنب يوم يتكلمون عنها قدام الرياجيل كلهم
فاتن : ذكرتني بدق عليها
ابوفاتن : الحين
فاتن : بتطمن عليها ليكون سوا لها شى ذا
~~~~ في الفندق عند عبدالعزيز وميهاف ~~~
عبدالعزيز : ليش خايفه ادخلي
ميهاف : مانيب خايفه بس ياله اشيل فستاني
عبدالعزيز : ههههههههههههههههههههههههههههههه اسف تو انتبه مبروك لنا
ميهاف : الله يبارك فيك
عبدالعزيز : انتظرتس حول ١٠سنه عشان تصيرين من نصيبي
ميهاف : غريب مو معصب
عبدالعزيز : قصدتس على الي صار قبل شوي لاتخافين ليش الومتس واحط الحره فيتس وانتي حبيتي واحد مايستاهلتس اخرتها فضحتتس ليله عرستس وانا ياميهاف يوم حبيتس كان عمري ١٤ سنه او ١٥ وانتظرتس سنين عشان تكونين لي تتوقعين بخرب فرحتي هالليوم
ميهاف : الحمدلله جت على كذا ولا صار شى اقوى
عبدالعزيز : خطاتس بعيوني صواب لاتخافين انتي بالحفظ والصون كل شى عشتيه ببيت ابوتتس انا جاي اعوضتس عنه واعوضتس عن الحب الخطا
ميهاف بداخلها : الخطا زواجنا ولا حبي لهايل ماعمره بيكون خطا
عبدالعزيز : اكيد جيعانه امشي نغير ونتعشى
ميهاف : لا مو جيعانه
عبدالعزيز : الي تشوفينه انا بتعشى وبقعد عالتلفزيون وانتي سوي الي تبينه لاتخافين
ميهاف : من قال له اني شايفته وحش الله يصبرني بس أخيرًا دقت
عبدالعزيز : من
ميهاف : خويتي فاتن
عبدالعزيز : حطي سبيكر
ميهاف : تستهبل
عبدالعزيز : لا شوي وسكريه
ميهاف : الو فاتن
فاتن : اهلا بالعروس
ميهاف : تطمنت هلابتس
فاتن : من تكلمين
ميهاف : عبدالعزيز
فاتن : ماسوى لتس شى
ميهاف : لا قعد يخربط بالكلام ويقول خطاتس بعيوني صواب وراح يتعشى وانا بنام
فاتن : وليش ماتتعشين
ميهاف : مو مشتهيه
زينب : الندم بكرا يالحبيبه تقوم وعصافير بطنها تشتغل
فاتن : اسمعي النصيحه من مجربه
ميهاف : خلاص بقوم اتعشى معه
فاتن : يلا بالعافيه اذا بغيتي شى دقي علي
عبدالعزيز : اشوفتتس جيتي
ميهاف : سمعت نصيحه من مجربه
عبدالعزيز : الله يكثر خيرها دامها خلتتس تتعشين
ميهاف : طيب تعشى وانت ساكت
عبدالعزيز : ابشري
~~~ فالاستراحه ~~~
صالح : مهبول انت واياه تقولون كذا
عبدالرحمن : تستهبل يابوتميم شفت معاناه هايل بالروحه والجيه وكيف يدور اي احد معاه سياره عشان يروح معاه وكيف تنخى ابوي وعمي ابوسطام وعمي ابوفهد واليوم فوق حرقه قلبه راح وحضر العرس تماسكت نفسي وقت الخطبه وقلت اقعد يادحيم لاتروح لان لو رحت بقلبها مشكله اخرتها يرفض خويي عشان وظيفه
صالح : انا ماعرف التفاصيل هذي ولاااعطي ابوالبنت الحق بس مايصير تقول كذا قدام الرجال وش بيقولون عن البنت
عبدالرحمن : يقولون الي يقولونه وحده حبت ولد عمي وبعدين جحدت حبه وقالت وهم ماتستاهل اخاف عليها ولا اخاف وش بيقولوم الناس عنها
سعود : حط اختك مكانها وش بتسوي
سطام : خلاص ياعيال انتهى قفلو الموضوع
عمر : زين الي قفلتوه جايب لكم برستد يحبه قلبكم تفضلو
صالح : نادو هايل
عبدالرحمن : مانيب مشتهي
هايل : ولا انا
عمر : كيفكم
عبدالرحمن : هايل لاتضايق نفسك تكفى
هايل : انت اكثر واحد عارف وش احس فيه لاتلومني يادحيم
عبدالرحمن : تبي نطلع نتمشى وتغير جو
هايل : كيفك
عبدالرحمن : اي افضل من كتمه الغرفه
سطام : وين
عبدالرحمن : بنطلع نتمشى
سطام : تبون مفتاح سيارتي
عبدالرحمن : هاته
سطام : امسك
صالح : انتبهوا على نفسكم وياويلكم تروحون له
عبدالرحمن : لا يخسي مانعرف وينه اصلا
صالح : زين
سطام : لاتطولون ياعيال
عمر : خلوهم براحتهم
صالح : راحتهم ذي يمكن توديهم بداهيه اسكت واكل
سعود : وين ولدك
صالح : نام بعد هالمشوار الطويل
~~~ عن البحر ~~~
عبدالرحمن : تتلطم عن ولد عمك ياهايل
هايل : ضايق صدري يادحيم ضايق
عبدالرحمن : تخسي الضيقه وانا موجود
هايل : راحت ماعاد فيه امل للرجعه
عبدالرحمن : الي يروح يجي الي افضل منه
هايل : مابي غيرها
عبدالرحمن : الله يهديك
هايل ودموعه غرقت غترته :
مبروك عرستس ياهوى البال مبروك
بعدي عساتس تذوقين طعم السعاده
العين عافت نومها كان بها شوك
كل ما اتخيل غيري معاتس بوساده
ليت العمى لعيون الي تمونك
لحظه لمحته يحط بيدها الدبله
ياليتني ماشفتهم يوم زفوك
ولا شفت زولتس معه ياحبيبه الروح
شفتس معاه وصحت ياقلب خلوك
ودع حبيبك زاد ابتعاده
قال القصيده وعيونه همال من الدموع انهار وسط حضن عبدالرحمن الي ماعمره شافه بهالحاله

انتهى البارت

قراءه ممتعة يا اصدقاء 💙.