"جابك الله في زحام العمر صدفة "

59

~~~ في بيت ابوفهد تحديدا مجلس الرجال~~~
هيام : السلام عليكم
ام فهد : ادخلي ادخلي يابنتي
هيام : قالت لي فرح انك تبيني
ابوفهد : اي انا ابيتس اقعدي واسمعي كلامي زين
هيام : تفضل ياخالي
ابوفهد : اسمعيني يابنت الاجاويد انتي هنا محد يبيتس الا زوجتتس وانا اقدر اخليه يطلقتس بس ماودي اكسر خاطرتتس وابي الموضوع منتس
هيام : بس انا مابي اتطلق وانا احب فهد
ابوفهد : وفهد ماقال لتس انه متزوج وحرمته حامل
هيام : الا قال لي
ابوفهد : انتي مانتي بس فرقتي زوج وزوجته انتي بتحرمين الاب من ولده
هيام : والله ياخالي كل الغلط منكم فهد قايل لكم انه يبيني انا ورحتو زوجتوه بنت عمته
ابوفهد : انا ولدي واعرفه بيعوفتس ووقتها مانتي لاقيه احد يوقف معتس شيلي عفشتس يابنت الناس وبيت اهلتس اولى فيتس
هيام : محد له شور وراي علي الا فهد
ام فهد : تكلمي زين زوجتتس فهد ولدنا
هيام : تبون شى بروح لغرفتي
ابوفهد : روحي الله معتس بس تذكري هالكلمتين زين فهد لو مايبي زينب كان زينب ماحملت وواضح من الارتكاز ومن الاعتكاز
هيام : وش افهم من كلامك ياخالي
ابوفهد : فهد مايرتكز الا وجنبه زينب بس بيعتكز فيتس لاجل يرجع له الارتكاز الي عافه
ام فهد : هذا غلطنا يابوفهد مازوجناهم من البدايه ظلمنا زينب وفرح
ابوفهد : وشفيها فرح
ام فهد : خايفه يطلقها خالد
ابوفهد : واذا يعني خلصو كل الرجال دام ابوها وراها دمعتها لاتنزل
ام فهد : الله يصلحك يافهد
~~~ صباح يوم جديد ~~~
~~~ في بيت ابوسامي ~~~
ابوسامي : ماتلاحظ يابوساره ان الارض الي جنبنا قاعده تنبني
ابوساره : هذا شى حلو ياخوك عشان يجيك رزق
ابوسامي : والله مامن رزق دام هالعيال موجودين
ابوساره : ليش وش مسويين
ابوسامي : مغير يتهاوشون
ابوساره : من الملل ياخوك مثل مانت شايف مقطعه محد حولهم ولا فيه ابراج زينه
ابوسامي : ماقول غير الله يعين جيب الشاهي يادحيم
~~~ فالبقاله ~~~
عزام : احد يشرب شاهي الظهر وقاعدين تحت الشمس
عبدالرحمن : رح بدالي صب لهم شاهي
عزام : اي حطها براسي امري لله انتبه للبقاله
عبدالرحمن : اي من كثر الزباين خايف من السرقه الا هايل وينه
~~~ في المحطه ~~~
هايل : الو تسمعني
سياف : اسمعك اسمعك وش تبي
هايل : شلونكم شخباركم
سياف : فايتك واجد بس بخير الحمدلله
هايل : ابروح ازور قبر جدي وجدتي وابيك تجيني تاخذني للمقبره
سياف : بس تعرف ان ماعندي سياره
هايل : خذ سياره ابوي
سياف : خلاص خلاص انا بشوف لي حل وادق عليك
هايل : لاتطول
سياف : طيب
عزام : من تكلم
هايل : سياف
عزام : يوه ياقدمهم وش عنده ابوالسيف
هايل : ماعنده شى انا الي داق عشان يجيني
عزام : اي بديناب بهالحركات
هايل : وش حركاته
عزام : بتروح وتخلينا صح قل
هايل : ابروح للمقبره
عبدالرحمن : ليش من مات
هايل : منجدكم ياعيال مسرع نسيتو ابروح ازور قبر جدي وجدتي
عزام : ايه الله يخرشك خرشتنا زين بنخاويك
هايل : خلاص امشو نفاتح عمي ابوسامي فالموضوع
عزام : الله يبلشك ماقلت له
هايل : لا
عبدالرحمن : ذلحين ليش نستاذن منه وكانه ابونا
هايل : لان ابوك موصيه عليك
عزام : امش امش انت واياه بس نحاول
~~~ في دكه ابوساره وابوسامي ~~~
ابوسامي : ماتجون ثلاثتكم الا وراكم بلاء
هايل : البلاء فالعدو
عزام : باختصار ياعمي بيجي اخو هايل وبنروح معه
ابوسامي : واذا قلت مامن روحه
عبدالرحمن : طيب المفروض تعرف اول شى وين بنروح
ابوسامي : اعرف وين بتروحون ومافيه روحه
هايل : بنروح نزور قبل جدي وجدتي
ابوساره : مفروض ماتسرعت
ابوسامي : ماله داعي اخوك يجي هذي سيارتي وسياره عمكم ابوساره تكفينا
عزام : تكفينا ؟
ابوسامي : انا بنروح مع بعض للمقبره ونزور قريتكم وقبل مانرجع هنا عندنا مشوار فالرياض
عزام : وش مشواره
ابوسامي : خطبه خويكم ابونفسييه
هايل : بتخطب وماتعلمنا يالبزر
عبدالرحمن : انا بكبري مدري شدراك ياعمي
ابوسامي : ماتدري انت
عبدالرحمن : لا
ابوسامي : غريبه
ابوساره : يمكن كنسلوها
عبدالرحمن : ماتوصل ياعمي تكفى
ابوسامي : تهون ياولدي تهون كلم اخوك لايتعنى وانا بكلم بنتي تسوي قهوه وشاهي ونمشي
عزام : لو دقيقه ابي ارتاح من هالاثنين
هايل : زين الي سوا كذا ماقصر والله
عبدالرحمن : ياعيال معقوله الي قالوها صدق
عزام : والله مدري ياخوك قالو خطبه بعدين قالو كنسله
هايل : يمكن ابوسامي على الاخبار القديمه انك بتخطب مايدري وش الجديد
عبدالرحمن : وش الجديد الي انا بعد ماعرفه
هايل : مدري بكلم سياف
عبدالرحمن : تعرف شى انت وساكت
عزام : تبي الحقيقه وانا اخوك البنت ماتبيك
عبدالرحمن : مستحيل
عزام : العلم وجاك واذا تبي تتاكد من كلامي شف اذا مبلكتك ولالا
هايل : قلت له
عزام : اي شسوي ماقدرت اسكت
هايل : شكل مالنا نصيب باللي نحبهم معليه يادحيم ربي بيعوضك بالافضل
عبدالرحمن : انقلع انت والافضل خل اشوف مبلكتني اي والله مبلكتني ياعيال تكفون لاتستهبلون
عزام : وش نستهبل وش عرفنا انها مبلكتك الا ان ابوها قايل مالكم نصيب عندنا
هايل : ماكنا بنقول لك والله بس فضحنا هالعزام
عزام : سالني ياخوي مقدر اكذب عليه
عبدالرحمن : اللهم صبرك ياروح ياعيال مو وقت مزحكم ترا تتكلمون من جد ولا شلون
هايل : الله يعين ياولد العم
عزام : بروح اصك البقاله
هايل : اي يلا امش
عبدالرحمن : اكلكم انا تمشون وتخلوني وانتم الموضوع ببطنكم
هايل وهو يمسك ضحكته : وش تبينا نقول النصيب مايصيب ياولد مثل مانبي ووالله ماودي تذوق الي انا ذقته بس هذا الي كتبه ربي
عبدالرحمن : لا لا مستحيل فاتن ماترفضني وابوها شاريني مستحيل
عزام : لانتاخر على الشيبان كمل هواجيسك فالطريق
~~~ في بيت ابوفهد ~~~
ام فهد : وينهم كانهم تاخروا
ام عزام : ماهو كانهم الا تاخروا وحيل بعد بتظلم الدنيا
ندى : لاتبالغين ياخاله تونا الساعه ٣ العصر
ام فهد : على كلام هايل بيمشون ٩ الصبح لو ماشين على كلامهم قدنهم وصلو
ابوفهد : خبصتينا يامراه علامتس
ام فهد : قلبي ماهو متطمن دق على هايل اسئله
ابوفهد : والله وابتلشنا بهايل تقل ماعندنا غيره بدق بدق اركدي انتي
سياف : اهدي يمه
ام فهد : ليتك انت الي جبتهم اخاف يسوق فيهم شايب مايشوف
زامل : الله يهديتس يام فهد اهدي بسم الله عليتس
ابوفهد : ماش مايرد
فهد : شلون يعني يبه
ابوفهد : وش شلون مايرد شسوي انا
ابوعزام : ابوفهد ابوفهد جو جو
ام فهد : اخيرااا تكفون خلو هايل يجيني داخل
سياف : ابشري ابشري بنخليه يجيتس
~~~~ قدام باب بيت ابوفهد ~~~
ابوفهد : يامرحبا تراحيب المطر للمقبلين ياهلا بابوسامي وش بلاكم تاخرتو
عزام : يبه اشتقت لك
ابوعزام : شفيك ضعفان
هايل : شوي وياكلنا على عيونك بس ياعمي
ابوساره : يامرحبا هذا ابوفهد الي غربلتني فيه يابوسامي
ابوفهد : بشحمي ولحمي يامرحبا بالظيوف تو مانورت قريتنا
ابوساره : منوره باهلها يابعد راسي
ابوسامي : تسالني وش ماخرنا ذا ولد اخوك يابوفهد هبل فينا بهالسياره كل شوي متهاوش مع عيال عمه
ابوفهد : من تقصد
ابوسامي : دحيم مدري وش قايلين له عيال عمه مابقت شيله حزينه الا وقالها له هايل ويتجالدون وعاد طلب ننزله ببيت اهله عشان كذا تاخرنا
هايل : انبح حلقي وانا اعطيه من الشيلات ولايثمر فيه الحمار
زامل : واخيرا جيت طاريك كل يوم باذني
هايل : مكاني دائمًا خالي يالغالي من ذا
فهد : تستغبي اجلدك الحين
هايل : ههههههههههههههههههههههههههههههه من زمان ياخوي ماشفتك نسيت وجهك
فهد : طول عمرك خسيس
سياف : ادخل امي تبي تسلم عليك
هايل : شفيك لونك مخطوف شكل فايتني واجد
سياف : بعدين اعلمك رح لامي
~~~ عند باب مجلس الحريم ~~~
هايل : قالو ان ام فهد تنتظرك
ام فهد : يامرحبا بقعدتني يامرحبا بالي على قلبي
ندى : نغار نغار يمه
ام فهد : وينك يامك تاخرت انشغف قلبي عليك
هايل : بسم الله عليتس ابد والله اليوم جمعه ورحنا نزور قبر جداني ووصلنا دحيم لبيت عمي ابومحمد وجينا
ام فهد : من الي يسوق
هايل : عمي ابوسامي ويمشي ٤٠ كل شوي جاييني غثيان بالطريق
فرح : نحفان ليش ماتاكل
هايل : محد يطبخ لي مثل طبختتس
فرح : ياحبيب قلبي انت
هايل : مستغرب ماولدتي للحين احسب اني رايح سنه
ندى : تراني مااشتقت لك
هايل : يوه فرقاتس عيدين
ندى : امش امش يالخسيس والله واحشني البيت بدونك ولا شى
هايل : ياكدا الاعترافات يابلاها
شهد : شلونك ياهايل
هايل : بخير الله يطول بعمرتس شلون هايل
شهد : بخير بخير ههههههههههههههههههههههههههههههه
زينب : عساك مبسوط هناك
هايل : تبيني اكذب عليتس 
زينب : لا والله
هايل : طفشان وزهقان ومافيه زباين مغير نتهاوش
عفراء : الا مايجونك زباين
هايل : دعواتس ياام عبدالله
عفراء : الله يرزقكم من حيث لاتحتسبون
ام عزام : وين عزام ياهايل
هايل : بمجلس الرجال اناديه لتس ياعمه
ام عزام : اي يابوي ناده لي
هايل : على خشمي تبين شى يالغاليه
ام فهد : لاتروح ارقد عندنا الليله ضايق صدري وبشكي لك
هايل : اذا ماسمعت لتس اسمع لمن على هالرقبه ماحرك من هنا الين اخذ علومكم كلها حتى لو يجرني عمي ابوسامي
فرح : ههههههههههههههههههههههههههههههه ياحبيبي هو تقل رجعت له نفسيته نفس قبل
ندى : اتمنى انه مايجامل بعدين تعالي يام فهد تشكين لهايل وبناتس وباقي عيالتس لا
ام فهد : بتمسكونها علي
ندى : يالبى هالوجه انتي بس اختاري وكلنا طابور عندتس
~~~ في غرفه هيام وفهد ~~~
هيام : ليش مانرجع للرياض
فهد : مخيلتني اترك اهلي واجي هنا اخر شى هذا موضوعتس
هيام : محد يبيني هنا يافهد ومحد متقبلني خلنا نرجع للرياض
فهد : يكفي انا ابيتس وانا اخذت اجازه عشانتس مااخذتها بزواجي الاول او بالاصح مديرتي عطتني الاجازه
هيام : ههههههههههههههههههههههههههههههه بتحمل عشانك بس تكفى عطني امل اننا بنرجع
فهد : لو تبيني نروح لكوكب ثاني انا معتس بس عدي هالايام هالمره عشاني
هيام : طيب بحاول
~~~ عند باب غرفتهم ~~~
زينب : يع يع الله ياخذهم
عفراء : طبخ طبختيه يالرفلاء كليه
زينب : بطبخ السم الهاري لهم
عفراء : نصف زواجه خطاتس ماحافظتي على بيتتس
زينب : انتي صاحيه هو يحبها قبل ياخذني مستحيل يتقبلني مستحيل
عفراء : مستحيل يتقبلتس والحين انتي حامل والله ماتجي يازينب
زينب : عطاني الامان مادريت انه يحفر من وراء ظهري
عفراء : اختصر لتس تساؤلاتس ذي هو ماهو نصيبتس
زينب : وانتي مصدقه اني ابيه؟ انا ابي جوالي بس
عفراء : وش دخل جوالتس
زينب : هو خذاه مني عشان ماادق على اهلي واعلمهم
عفراء : حلوه ذي هالبجيح
زينب : شايفه وتقولين انا ماحافظت لو انا شايفه انه يستحق المحاوله كانت حاولت
عفراء : تبين جوالي
زينب : تكفين صادقه بتعطيني اياه
عفراء : اي والله بعطيتس اياه مابيننا هالحركات انا لو زامل يسوي فيني كذا بلجا لكم بعد الله تساعدوني احنا حريم ونفهم بعض
زينب : وين بلقى مثلتس يام عبدالله ويييين
عفراء : خلاص بعد حوسه هاليوم بجي غرفتتس وتدقين على اهلتس
زينب : الله لايحرمنيي
عفراء : ويويلتس اذا تطلقتي ماتجينا يويلتس
زينب : بصفتي من اجي لييت هنا
عفراء : ترا انا الوحيده الغريبه هنا كلكم ربع بعض لاتنسين ان ابوفهد خالتس وانتي بنت عمه فهد وهو ولد خالتتس
زينب : والله الغريبه الجديده ذي
عفراء : قطع طاري بس قصدي ان انا مااقرب لكم لو ماخذين ميهاف كان اي قرايب بس انا لا
زينب : حبيبتي انتي
~~~ فالليل ~~~
ندى : وجهزت الدكه وحطيت الفرشه والشاهي والفصفص
هايل : فيني النوم بس دام ابوفهد وام فهد قاعدين يخسى النوم يسحبني منكم
ابوفهد : ههههههههههههههههههههههههههههههه
هايل : هاتو علومكم
ام فهد : بارك لاخوك
هايل : افا وماتعلمني مبروك بس على وش
ندى : على زواجه
هايل : ها
ابوفهد : اي اخوك فهد تزوج الي يحبها
هايل : اوح اوح لهدرجه مشيت من هنا جاء هو من هنا
ام فهد : كيفه خل يتزوج بس فرح شنسوي فيها
هايل : ليش وش فيها فروحه
سياف : زوجه فهد الاولى تبي تطلق واخوها خالد ماخذ فرح اعتقد انك فهمت
هايل : قصدكم يردون بنتنا اذا طلقنا بنتهم وليش يسوون هالشي
ابوفهد : لاني اعرف ابوخالد
هايل : وطيب ليش ماتطلب الطلاق فرح قبل ماتطلبه حرمه فهد ونصير متغدين فيهم قبل يتعشون فيها
ابوفهد : ماهي لعب بزران هي اختك حامل وتبي زوجها اخوك كل الغلط منه
هايل : من البدايه كان زوجناه الي يبيها وافتكينا
زامل : عاد اغلاط الماضي مانقدر نعدلها الحين
هايل : يخسي خالد يسويها لادق حنوكه كل شى الا فرح
ندى : مارح تقدر تسوي شى وبعدين شدخلك انت اصلا
هايل : اختي
ندى : نعيد ونقول الخطا لا من خالد ولا من زينب ولا من فرح ولا منا احنا الغلط على فهد
هايل : وطيب وش ناويين تسوون
ام فهد : مادري مادري شنسوي
هايل : طيب يمكن خالد يعيي يسمع لابوه
ابوفهد : له ثلاث شهور ناطل فرح هنا ولا دق يسال ولايرد عليها كود تروح تقول لاخته تخليه يرد
هايل : لاتضيقون صدوركم كل شى قسمه ونصيب وخالد ماهو نصيبها يجيها الاحسن
ابوفهد : ماعندي بنات يرجعون مطلقات وفوقها هي حامل بحفيد ابوخالد
سياف : وش معنى كلامك يبه هي بحاجتنا الحين نوقف جنبها
ابوفهد : حتى ولو مصلحتها انها تقعد عند زوجها
زامل : وجالسين نحمل فهد الذنب رايح انام
هايل : يايبه ياحبيبي ماهو وقت مرجله والبنات شعر وجيهنا ومالهم الا بيت ازواجهم لازم منطق ولو خالد يحبها ويبيها مارح يطلقها بس يايبه تكفى لاترميها عليه وكان ماوراها ظهر وسند
سياف : اذا يبه انت بتسوي كذا انا بطلع من البيت وباخذ فرح وولدها عندي معززه مكرمه
ندى : مستحيل ابوي يسويها
ابوفهد : لاتطولون فالسهر ارقدوا
هايل : صادقه ندى ابوي مايسويها
~~~~ فالمطبخ ~~~~
زامل : ادري انتس سمعتينا
فرح وهي تمسح دموعها : لا وش قاعديين تسوون قمت اشرب ماء
زامل : لاتخافين يالغاليه انتي وراتس سند مارح تقعدين عنده
فرح : انا مابي اتطلق يازامل مابي
زامل : والله فاهمتتس وانا اخوتس بس فهد غلط وابوي غلط وانتي الي بتتحملين وربي بيعوضتس بالافضل صدقيني
فرح : الله يعين وانا اختك الله يعين
~~~ بغرفه زينب ~~~
زينب : تهقين تعرف رقمتس امي
عفراء : اي انا مسجله رقمي بجوال امتس دقي اخلصي لا يجي زامل
زينب : يله
جهير : بسم الله عليتس عفراء علامتس داقه بهالليل
زينب : انا يمه زينب
جهير : زينب ليش داقه من رقم عفراء
زينب : فهد ساحب جوالي يمه تعالو خذوني
جهير : بسم الله عليتس وشفيتس
زينب : فهد تزوج علي يايمه ابي اتطلق تعالي تكفين انتي وابوي خذوني
ابوخالد : منهي الي تكلمتس
جهير : زينب
ابوخالد : هاتيها الو زينب وشفيتس
زينب : يبه فهد تزوج علي وساحب جوالي عشان مااعلمكم
ابوخالد : وشو انتي تقولين الصدق
زينب : اي والله مااكذب تعال يبه خذني تكفى مابيه
ابوخالد : اخسي يالردي جايتس يابوتتس
عفراء : خلاص ارتحتي
زينب : اي برتب شناطي
عفراء : لايدخل عليتس فهد فجاه انتبهي
زينب : لا معليتس بقفل الغرفه وش يبي يجي عندي اصلا
عفراء : احتياط يله تصبحين على خير
~~~ في بيت ابوخالد ~~~
ابوخالد : خالد خالد وصمخ
خالد : هلا هلا يبه وفيك
ابوفهد : شغل السياره وانتي ياجهير ضفي ملابس بنت ابوفهد بسرعه باكياس زبايل
جهير : لاتسوي كذا يابوخالد هي بنت اخوي
ابوخالد : اخلصي خلي هالليله تعدي على خير عليتس
جهير : طيب طيب ساره تعالي ساعديني
ساره : الله يعدي هالليله على خير
ابوخالد : وينتس يامراه
جهير : يله يله جيت
خالد : ممكن افهم وش صاير وليش قاعدين تشيلون اغراض فرح
ابوخالد : اخو حرمتك متزوج على اختك وطاقها وساحب الجوال رح اخليه يطلقها غصبا عن خشمه وانت من بكرا تروح تطلق بنتهم سامعني ولالا
خالد : مالنا راي لا بزواج ولا بطلاق
ابوخالد : ولا كلمه اسمعها وحرك اخلص
~~~ عند باب بيت ابوفهد ~~~
ابوخالد : الو زينب اطلعي احنا برا
زينب : طيب
خالد : وين ضاربتس معه
زينب : كنت بسقط
ابوخالد : نزل اغراضها وحطها جنب زبالتهم
زينب : لا يايبه لا تكفى الا فرح مالها ذنب
ابوخالد : اركبي السياره اقول هات الاكياس انا اوريه والله لاجرجره فالمحاكم والله لاخليك تندم يافهد والله
خالد وهو يرسل لفرح : الوجه من الوجه ابيض يابنت الناس وانتي طالق بالثلاث وبكرا بروح للمحكمه وبطلق رسمي ووالله ماكان ودي نتطلق بسبب غلطه من اخوتس بس اختي ماغلطت وانتي عارفه وانا وانتي عارفين من بدايه زواجنا اننا مربطون باخواننا والله لو مااخوتس سوا هالفعله باختي كان الحين نربي ولدنا مع بعض ووالله اني ابيتس وشاريتس واحبتس ولا كانت نيتي ننفصل بهالطريقه وانتي تعرفين ابوي ولا ودي اطول عليتس بالكلام وعلى كل الاحوال الله يستر عليتس يابنت الاجاويد وربي ولدي على ان ابوه ميت وانا مارح اقصر مع ولدي من ناحيه المصروف وتراتس معزومه على عرسي على بنت عمي والله يستر علينا وعليتتس ...

انتهى البارت

قراءه ممتعة 💞 اعذروني لاني اطول بتنزيل البارتات ولكن هالفتره بدا الفاينل عندي فقاعده احاول اوزن بين الروايه والمذاكره والله يوفقنا جميعًا 🫶🏻🫶🏻🫶🏻