"جابك الله في زحام العمر صدفة "

22

~~~ في بيت ابومحمد مجلس الرجال ~~~
ابوفهد : وش قال لك عمك
سياف : قال ان البنت تبي تتواصل معي ويبيني ادخل البسها
ابوفهد : هالشي مفروض متفق عليه من زمان بس لازم تعاند وتفشلنا دقيت عالمليك
سياف : اي دقيت قريب
هايل : عاد لامنك اعرست لاتتغير وتصير مثل فهد
سياف : الله يعدي هالايام على خير
هايل : بتعدي وانا اخوك لاتشيل هم
ابوعزام : يلا يبو فهد ماشاء الله بقى هايل وندى بس
ابوفهد : يجيهم نصيبهم ان شاء الله
الجد محمد : عروسه هايل انا بختارها
ابوفهد : ان شاء الله
~~~ في مجلس الحريم ~~~
عبدالرحمن : شهد تجهزي بجيب لتس دفتر التوقيع الحين توقعين
شهد : خايفة
هديل : مفروض ماتتزوجون
ندى : والله انتي يابنت المدينة مشكلة ماتفهين بالعادات والتقاليد
هديل : ولا ابي افهم شفتي اخوتس الكيوت بيحط خيلي عندكم بالاسطبل حقكم والله يااني انبسطت ودعيت له الله يسعده ويحقق له مُناه
ندى : تحبين الخيول
هديل : اي وعندي خيل مسميته مهره
ندى : احم تحبين الشعر
هديل : وشعرفتس امي قايله لكم
ندى : لا بس حسيت
ميهاف : ندى
ندى : ابشري بسكت
هديل : اي والله احب الشعر ولو بتزوج باخذ شاعر عشان كلما اقبلت عليه كتب فيني قصيدة
فاتن : ويلي من نار الغيره شرار يطلع من عيونتس
ميهاف : وش قصدها ندى تسال هالاسئله تبي تشبكها مع هايل
فاتن : ماقصدها البنت بس انصدمت من التطابق
ميهاف : انا احب الخيول وهايل شرا الخيل عشاني وسماه باسمي واحب الشعر واحب اجواء القرى وافهم فيها مو مثلها
زينب : ياحبيبتي هالغيره وش باقي ماسوت
فاتن : شايفه صدمتني ههههههههههههههههههههههههههههههه
ام سطام : ام فهد بسالتس
ام فهد : سمي
ام سطام : ندى كم عمرها
ام فهد : عمرها ٢١ بتدخل ٢٢ الشهر الجاي
ام سطام : العمر كله يارب الله يجعلها من نصيب ولدي
ام فهد : يوه ههههههههههههههههههههههههههههههه امين امين
ام عزام : سمعت واستحيت بدالتس
عفراء : اقول خلكم من كل شى سلمى وشفيها ساهيه بنفسها
فاتن : هايمه بفارس
هديل : ياحياتي عليها والله خايفه من هالزواج
زينب : يمه ابيتس بكلمه راس
جهير : سمي ياامي وشفيتس وش حاسه فيه
زينب : يمه انا بتطلق
جهير : وشهو وش تقولين انتي بعتي عقلتس
زينب : مارح تصدقيني الحين ماعلينا وشلون فرح
جهير : مايحتاج اقول شى فيها كامله والكمال لله
زينب : عسى خالد يعاملها زين
جهير : اي وليدي كل شى بخاطره يجيبه مايقصر وتعرفينه
زينب : الله يوفقهم
جهير : وانتي بعد ثبتي قواعدتس يبنتي ترا فهد زينه الرجال بس يبيلتس صبر عليه
زينب : مالنا الا الصبر
~~~ في مجلس الرجال ~~~
المليك : وقع هنا يولدي
سياف : اي يلا
المليك : عط الدفتر للعروس والف مبروك والله يجعلها زواجه الدهر
سياف : ماقصرت ياعمي خلك للعشاء
المليك : الله يكثر خيرك وراي عرسان ينتظروني
ابومحمد : مبروك يولدي مبروك
عبدالرحمن : وقعي هنا
شهد : هنا
عبدالرحمن : اي
شهد : ليش تصيح دحيييم لااا
عبدالرحمن : مافيني شى ماعليتس بتجين عندي للقريه وتهتمين فيني
محمد : مبروك يانظر عيني بسم الله عليتس من كل الاوجاع والاحزان الله يجعل كل المسرات ترافقتس يابعد عين اخوتس اوعدتس ياشهد مااخلي سياف يضايقتس بكلمه ولا يمد يده وانا لتس اخ واب وسند وذخر ياعين ابوي انتي مبروك والله يجعلها زواجه دهر ياوحيدتنا
شهد : لا لاتقولون كذا مكياجي ساح
هديل : ياحنيتهم ماهو مثل سطام مغير جلد ومجالد معه
شهد : الله يخليكم لي يارب
ابومحمد : بنتي ووحيدتي بتتزوج مبروك يابعد ساس العرب كلهم
الجد محمد : خلتس يبوي ببوس راستس بس مبروك
شهد : الله يبارك فيك ياجدي
ابومحمد : يلا ياابوي ادخلي بغرفه مع امتس وام سياف عشان يلبستس الشبكه
شهد : يلا بعدل مكياجي وبجي بنات عدلوني
هديل : اقعدي اعدلتس
شهد : يمه وخالتي ام فهد روحو للغرفه عشان بيدخل يلبسني
ام فهد : يلا بسم الله
شهد : خايفه شسوي
زينب : هو ترا بس بيلبتس ساره تعالي ادخلي معهم وصوري لنا
ساره : تم عندي
شهد : بسم الله
~~~ في مجلس الرجال ~~~
سياف : والله اني خايف ومتوتر ياعيال
فهد : كلنا خفنا قم يلا تاخرت عليهم
ابوفهد : صب القهوة ياهايل
خالد : اقعد انا بصب
هايل : زين شفناك تتحرك
سالم : عمي هايل عمي هايل
هايل : وشفيك
محمد : وشفيك سالم صاير شى
سالم : ابغى عمي هايل بس تعال
هايل : خوفتيني وشفيك احد مسوي لك شى
سالم : لا جيت بعلمك شى
هايل : تكلم يلا
سالم : حبيبتك ميهاف زعلانه منك
هايل : وليش ووش عرفك
سالم : سمعتها تكلم خويتها بس مدري وش السبب
هايل : زين لاتقول لاحد بيننا
سالم : بشرط
هايل : شرطك مقبول بس رح
سالم : اوكي
~~~ في المجلس عند سياف وشهد ~~~
ام محمد : مبروك مبروك
ام فهد : مبروك يولدي يلا امسك لبسها
ام محمد : ام فهد بما انه لبسها خلينا نطلع ونخليهم
ام فهد : اي اي صادقه يلا
سياف : يمه لاتخليني يمه احم
سياف يربي وش قال لي هايل اقولها لها اي : مبروك لنا اودعتس اصونتس
شهد : زين تذكرت وش قال اخوك له الله يبارك فيك ههههههههههههههههههههههههههههههه
سياف : ليش طلبتي اكلمتس
شهد : لان ابغى اتعرف زيادة عليك
سياف : على خير عطي رقمتس مرت اخوي فهد
شهد : ليش ماعندك جوال
سياف : لا للحين ماشريت
شهد : طيب
سياف : توصين شى ابطلع
شهد : لا سلامتك والله طلع ولا شى وانا الي كنت خايفه همم بما ان ماعنده جوال فوضعي بالسليم
ندى : صورتي ورينا
شهد : لا لا هاتي ساره لاتورينهم
زينب : مالتس داعي عاد
شهد : خلوها بسوي البوم كامل بصور الملكه وصور العرس ومره وحده تشوفون
ندى : نبي نشوف الحين
ساره : تعالو اوريكم ماعليكم منها
هديل : تعجبيني وريني انا شفت اخوانتس كلهم باقي ذا العريس
ميهاف : فاتن غطي علي بطلع
فاتن : وين بتروحين
ميهاف : هنا وراء السور باخذ رساله وبجي
فاتن : الله يستر مع عمايلكم ذي لاتتاخرين تكفين
ميهاف : طيب طيب اذا سالوك عني صرفي اي شى
فاتن : تمام روحي يلا رسايلكم ماتخلص
شهد : بس هذي هي الصور
ساره : اي جيت بكمل وطردوني امهاتكم معهم
ندى : شى احسن من لاشى احس هم وطاح كل اخواني اعرسو باقي هايل وعروسته جاهزه بس فاتن وين ميهاف
فاتن : ها ميهاف بطنها شوي يوجعها ف راحت للحمام
ندى : اها حسافه فاتها ماشافت
فاتن : بس تجي تشوف
ام سطام : هديل ياامي
هديل : هلا
ام سطام : وصيت اخوتس يجيب الشاحن لي من السيارة اطلعي خذيه منه
هديل : ابشري يمه بطلع
جهير : عقبال ماتزوجين بنتتس وولدتس بيوم واحد مثلي
ام سطام : ان شاء الله
فرح : تعالي ندى سولفي لي عن كل شى صار فالبيت مشتاقه لكل شى بالقريه
ندى : مافاتتس الا الهوشات حبيبتي احمدي ربتس بس
فرح : عادي عادي قولي
ندى : يلا
~~~ فالحوش ~~~
هايل : شلونتس
ميهاف : بخير
هايل : مارح تسالين عن اخباري طيب
ميهاف : شفتك بخير مايحتاج اسال
هايل : طيب ليش رحتي للرياض بدون ماتقولين لي
ميهاف : شفتك مشغول مع جاركم الجديد قلت ماله داعي اقول له
هايل : بتوصلينا لهالمرحلة عشان تحطين عذر لزعلتس الي للحين مدري وش سببه
ميهاف : ماتدري وش سببه؟
هايل : لا
هديل : اوف اوف ماطلعت فالحمام اح ليكون ذا يهددها بشي ولا شى لا اهجدي هديل مستحيل تكلمه بهدوء كذا وش قاعدين يقولون
ميهاف : مو امك لقت لك زوجه جديدة وش تبي فيني
هايل : وانتي تصدقين كلام امي كم مره قلت لتس لاتسمعين من احد غيري
ميهاف : مو بس امك حتى اختك ندى قدامي اشوفها طايره ببنت جاركم ابوسطام وتسالها اذا تحب الشعر مثلك والخيل ومدري وش بعد عالعموم هايل رغم حلفك لي ماتخدعني خدعتني انت واهلك ان كانت ذي نيتك وذي نهايتنا لاعاد تقرب صوبي ورح لها
هايل : تمزحين ياميهاف تنهين حبنا كذا وبسبب تافه كذا انا عند وعدي والله مااخونه وش تبين احلف لتس عشان تصدقين ميهاف انا حبيت الشعر من حب جدي له وكل شعري كان عن الابل واشياء تافهه مالها معنى حبيتس وحبيت الشعر زياده والخيل انتي الي تحبينه ماهو انا وهذي ندى انا اعرف وش اسوي معها بس لاتتضايقين ياضئ عيني وانا عارف ان هذي اجازتكم وبترجعون
ميهاف : اي صح
هايل : ولاني ماحبيت الشعر الا فيتس كتبت لتس الشعر ومره ثانيه مابي اسمع اخبارتس من ورع تعالي وقولي لي
ميهاف : طيب
هايل : والله اني احبتس وشاريتس ووعد بعد عرس سياف ابجي واخطبتس وقايل لجدي عنتس ولاختي ولاخواني وعيال عمي من باقي بس ام وامي وهذول مده واعلمهم
ميهاف : لاتسوي شى لندى
هايل : ههههههههههههههههههههههههههههههه خليها ذي علي ماتزعلتس عشان وحده ماعرفها
هديل : تجيك التهايم وانت نايم والله انا شكو يويلي تاخرت على امي
ميهاف : انا تاخرت برجع ورسالتك متى مافضيت قريتها
هايل : صار ههههههههههههههههههههههههههههههه
ميهاف : اهخخ يازينه ويازين كلامه بطير من الفرحه اصلا انا غبيه لاني زعلت على سبب تافهه مفروض اثق فيه اوف منتس ياميهاف
هديل : هاي ياحلوة انا انفق معتس سببتس تافهه بس موضوع انتس تطلعين جديتس عنده انا ادعمتس خوفيه خليه يخاف من زعلتس
ميهاف : انتي كنتي واقفه
هديل : اي والحمدلله انا مو غيري وبسبب كلامكم جاني جفاف بروح اعلمهم
ميهاف : هديل تكفين لا
هديل : صدقني يالهبله ههههههههههههههههههههههههههههههه
ميهاف : لاتقولين لهم شى تكفين محد يدري
هديل : بشرط
ميهاف : وشو
هديل : نتسامح لان انا مو نيتي اخذ هايل اوبس اقصد حبيبتس ههههههههههههههههههههههههههههههه
ميهاف : تم تسامحنا
هديل : تاخرت على امي بسببكم يلا امشي ندخل ولنا نقاش عميق بعدين
~~~ في مجلس الحريم ~~~
ام سطام : وين اختفيتي انتي
هديل : جلست اتهاوش مع سطام شوي
ام سطام : طفى جوالي امسكي اشحنيه
هديل : وعادي لو طفى الوالد فالمجلس مايحتاج يدق عليتس
ام سطام : خلي العوابه وروحي اشحنيه بسرعه بنمشي بعد شوي
هديل : أبشري
~~~ في مجلس الرجال ~~~
ابوفهد : اكرمك الله يااخوي ملكه تبيض الوجه
ابومحمد : حياك الله
ابوفهد : ابسالك متى تبي نحط العرس
ابومحمد : انا اقول لانستعجل مثل عرس ولدك فهد عشان نتفادى المشاكل والعناد لانستعجل ونتفق من هالحين ومااضن ان لازم احنا نتدخل الولد والبنت بيكلمون بعض وهم يختارون متى عرسهم
ابوفهد : ابعطي سياف علم يفكر متى وانت عط بنت علم
ابومحمد : على خير ان شاء الله
ابوسطام : بيض الله وجهك يبو محمد والف مبروك لهم وعقبال بقيه هالعزاب انا بمشي
ابوفهد : كلنا بنسري يلا تمسي على خير يبومحمد وانتبه لبنتنا
عبدالرحمن : هايل اجلس عندي مالك مكان لا بسيارة ولا بشقة
هايل : منجدك انت اجي اقعد عندك وش قعدني
عبدالرحمن : اقعد عشان اذا راحو نطلع نفلها
هايل : بتمشيني مثل الناس ولا تفحط فيني ونسوي مصيبة ونرجع
عبدالرحمن : لا ابد بمشيك واعشيك وكل شى بسوي لك
ابوفهد : يلا ياهايل مشينا روحتك ذي خلها بكرا احنا بنجلس ثلاث ايام هنا
هايل : سمعت الوالد شقال خيرها بغيرها يادحيم
عبدالرحمن : تبيها من الله
هايل : خلني اسمع كلام ابوي انا مركز على اهدافي المستقبلية ولا انت خلك
عبدالرحمن : اذا مستقبلي ماتبيني وش اسوي اكثر انا يلا يلا انقلع مع اهلك
ابومحمد : يبه خلك عندي
الجدمحمد : ابد تم ابجلس عندكم اجواء هالقرية صايرة باردة علي
ابومحمد : عسى ماشر يبه يوجعك شى
الجدمحمد : لا لا مايوجعني شى بس اني احس اشتقت لامك
ابومحمد : ومن مايشتاق لامه يايبه تعال تعال افتح لك غرفتك
الجدمحمد : لا لا خلني بالمقلط حقك وجب عندي عيالك يسولفوون ويلعبون عندي
ابومحمد : وشلون بتنام يايبه
الجدمحمد : ابنام كانها الحين ولا بعدين ابنام
عبدالرحمن : يمكن خرف جدي يايبه
ابومحمد : انقلع اقول جب لحفانه وافرشها له بسرعة ام محمد
ام محمد : وشفيك بسم الله عليك
ابومحمد : ابوي ماهو بخير جالس يقول كلام غريب
ام محمد : غريب مثل وش غريب
ابومحمد : مدري بس انا اببقى عنده هو يبينا عنده
ام محمد : ابد تم ابسوي شاهي واجيبة
ابومحمد : زين زين
محمد : جدي تبينا نروح احس ازعجناك
الجدمحمد : لا لا يوليدي طول صوت التلفزيون ابسمع معكم
محمد : أبشر
~~~ صباح يوم جديد ~~~
يوم الجمعة ومع ريحه الدخون والقهوة
ام فهد : يلا جهزت الفرشة والقهوة والشاهي باقي عيالك ماقامو
ابوفهد : هذول ماهم وجهه يتطلعون
ام فهد : انت قوم العيال وانا بقوم ندى
ابوفهد : قم انت واياه قم
زامل : يلا قايمين يبه وشبغيت هنا لا شغل ولا مشغله
ابوفهد : وعشانه لاشغل ولا مشغله مربضين نايمين قومو بنطلع نفطر برا
هايل : اوف هذا ابوفهد ولا متهكر
ابوفهد : ابهكر عظامك الحين قم
هايل : ابشر يبه
ابوفهد : والعريس وينه مختفي
زامل : يمكن طالع مع فهد لان فهد ماهو موجود
ابوفهد : ووينه ذا بعد حرمته موجودة ام فهد
ام فهد : هلا
ابوفهد : حرمة فهد موجودة
ام فهد : اي زينب موجودة ليش
ابوفهد : خليها تدق تشوف وين زوجها انا مانيب داق عليه
ام فهد : الله يهديك بس ابقول لها
زينب : وينه ذالف من صباح الله خير مايخلي حركاته حتى ماقال لي الو
فهد : وش تبين
زينب : وينك
فهد : وليش تسالين من متى
زينب : منقال ان السوال مني لاتصير بزر على راسي ابوك يسال عنك يبون يطلعون
فهد : ابوي ينقال له عمي لاكسر ضلوعتس
زينب : والله هو خالي ماهو عمي
فهد : خالي ولا عمي هي نفسها وان شفتس مره ثانيه تقولين ابوك بتشوفين علم ثاني وعلمونا وين بتروحون وبنجيكم انا وسياف
زينب : يلا فوق بجاحته لسان طويل كيف غيرني من انسانه راكده ورزينه لوحده الجن قدامها ٢٤ ساعه وتبي تتهاوش
عفراء : الي مايحبتس بيمللتس الين تطلبين الطلاق
زينب : اقول شرايتس تلهين بعايلتس وتخليني بحالي من زينه عشانه احبه انا بعد
عفراء : انا اعطيتس جواب من تجربة بس
زينب : وفري تجاربتس واجوبتس خالتي دقيت على فهد
ام فهد : وش قال
زينب : قال انه طالع مع اخوه وقال قولي لي وين بتروحون عشان نجيكم يعني مارح يجي الحين
ابوفهد : دلخ هو وش السيارة الي بنروح عليها غير سيارته ابدق على ابوعزام وابوسطام اشوف يخاوونا
ابوسطام : ياهلا والله صبحك الله بالنور
ابوفهد : بنطلع نفطر بحديقة تخاوينا
ابوسطام : ليش لا على ان كنت مفكر نرجع للقرية بس عشانك ابجي
ابوفهد : يلا اجل جهز السيارة وبنطلع
ابوسطام : تم
هديل : اخيرا تحركو وبيطلعون متت من الطفش
ام سطام : وين بيروحون
ابوسطام : لحديقة بيفطرون
هديل : يبه شرايكم نعزمهم بمطعم مو افضل لان حر بالحديقة
ابوسطام : والله فكره قومي اخوتس سطام
هديل : يسس يلاا بقومه
~~~ في بيت صقر ~~~
ام عفراء : ماتبين تفطرين
ميهاف : لا مو مشتهيه
ام عفراء : احسن انتظري شوي وتعالي عشان تغسلين الموعين
ميهاف : طيب اوف اخيرا طلعت بفتح هالرسالة احم وش كاتب
انتي غايتي بهالدنيا ورغبتي
وانتي عندي مثل نظر هالعين
من زود غلاتتس نزلت دمعتي
لان ماودي تغدين من الراحلين
وانتي يمي ادل دربي ووجهتي
ودامتس حاضره بدنياي بتزين
عديتتس رضاي وسبه ضحكتي
وبسبه زود الغلا تمنيت لي قلبين
بحضورتتس تتغير فييني نبرتي
واعيش يمتس اليوم كانه عاميين
من عقبتس ماعادت لي وحدتي
وغدا كل يومٍ يمر علي بالزين
انتي سندي وشادٍ بتس وقفتي
"لاتخليني بيوم ترا وعدنا دين"
ختم ابياته بسطر مليان امان وحنيه واثبات انه قد وعده ومانساه وقال في نهايه هالرسالة من باب المزح والطقطقة من شكها فيه
"دامني ماحبيت الشعر الا منتس وفيتس اوعدتتس لاحط ديوان باسمتتس واسمع كل العاشقين حب ولد القريه وبنت المدينة
ضحكت ميهاف بكل فرحه وسعاده هالرسالة قدرت ترجع علاقتهم من جديد ضحكت على نفسها لانها صدقت الناس فيه وماسمعت منه
ميهاف : الو فاتن انا احببتتتس
فاتن : بسم الله عليتتس مصخنه اوديتس للمستشفى
ميهاف : لا مو مصخنه ولا شى بس رساله وحده منه قدرت تخلي يومي حلووو وبعزمتس عندي وبغني لتس وكل شى تبينه بسويه حتى شوفي قايمه بكل روقان بغسل الموعين
فاتن : ول ول كل ذا بسبب كم كلمه صدق انتتس خفيفة ولا اقول خليه دائمًا يكتب لتس عشان تعزميني
ام عفراء : وش عندتس تصارخين انتي ليش ماجيتي تغسلين
ميهاف : اهلا يااحلا خاله بالدنيا الحين جايه اغسل كل موعين البيت
ام عفراء : شعندتس وش هالروقان
ميهاف : احد يصبح على وجههتس ومايروق عفراء مارح تجي اليوم لان شفتها امس
ام عفراء : الا بتجي العصر جهزي القهوة والشاهي ونظفي البيت
ميهاف : من عيوني
فاتن : لا ذي انهبلت رسميًا وش كاتب بالرساله عاد
ميهاف : بقوم اغسل الموعين وبرسل لتس واقريها
فاتن : يلااا

انتهى البارت

| قراءه ممتعة وويكند سعيد شكرا على دعمكم الحلوو والقوي وباذن الله بكرا او بعده فيه بارت كمان بمناسبه اني خلصت اختبارات 💙💙