"جابك الله في زحام العمر صدفة "

84

~~~~ فالقاعه ~~~~
هايل : احس ماجازت لي
عزام : شرايك نخرع دحيم ونقول رحنا له وعيا يدخلنا قال اليوم فيه عرس ثاني
هايل : ههههههههههههههه يله والله عليك افكار يالجني
عزام : بس بنعلم عماني عشان ماننجلد وهم يمقلبونه
هايل : خلاص تم يله
~~~ عند ابومحمد ~~~
ابومحمد : ابد عندي المهم كل شى ضابط جو الصبابيين شيكو عالقاعه كلها حقت الحريم والرجال
هايل : ف قسم الرجال كل شى تمام وحطو المداخن ويقولون العود منكم هم عليهم المداخن والفحم بس
ابومحمد : الله يقلعهم مايكملون كل شى مثل ماتبي خلاص برسل محمد يجيب عود لاتنسون قسم الحريم وعلموهم ان ترا فيه زفه يزبطون الممشى والدرج
هايل : تم ياعم اهم شى مقلب دحيم
ابومحمد : طيب طيب
~~~~ في غرفه العروس فالقاعه ~~~~
ميهاف : اسمع صوت صراخ تسمعين انتي مثلي
فاتن : مدري معقوله عمال واحنا لحالنا شوفي بالله ميهاف
ميهاف : طيب بسم الله
هايل : ميهاف
ميهاف ركضت وسكرت الباب
فاتن : شفيتس من طلع تحت
ميهاف : مدري فيه رجال غريبين اقصد هايل شافني
فاتن : وشو وش جاب هايل هنا
ميهاف : مدري بس شافني وناداني
~~~ عند الدرج ~~~
عزام : وراك صنمت ياورع قلت لك امش عشان اتخيلك العروس
هايل : ها
عزام : هيه وين واصل انت
هايل : شفتها والله اني شفتها فوق
عزام : منهي
هايل : ميهاف والله شفتها ومتاكد انها هي
عزام : خلنا من ميهاف الحين تهقى عادي ندخل مع دحيم فالزفه
هايل : الله يقشك ياشيخ حتى خيالي خربته مريض انت شدخلك تدخل معه وانت منت محرم لحرمته
عزام : اجل من بيدخل
هايل : عمي ابومحمد ودحيم وابوها ولو كان عندها اخوان يدخلون عادي
عزام : ولد فيه رجال داخل نعم ياخوي ذا قسم حريم
المغننين : جايين نحط الطبل
هايل : جت الطقاقه وللحين مابدا العرس
الطقاقه : جايه اسوي بروفه حمو الطبل معي دامكم فاضيين
عزام : اخر عمرنا نطق طبول
الطقاقه : اجل بسوي بروفه وانتم ارقصو
هايل : شغلتس حلو الله يوفقتس
عزام : ياحظ الحريم يرقصون لو سمحتي ماتطقون عند قسم الرجال
الطقاقه : لا شدخلكم انتم سامري
عزام : اجل اذا خلص العرس لاتروحين بسرعه ندخل هنا نرقص وش شغلتنا نعدل القاعه لدحيم وهو مستريح
هايل : بكرا لا جاء عرسك بنسوي لك نفس الشى
عزام : انت بتسوي والعروس اختك
هايل : ايه وليه ماسوي اقول بتحطون العرس فالرياض ولا القريه
عزام : لو علي فالرياض طبعا بس ابوك الله يصلحه مدري وش سره مع هالقريه بالله شذنب اختك يصير عرسها فالديره
هايل : ابوي الي تتكلم عنه عمك وابوزوجتك تكلم زين وانتم العرس عليكم حطو القاعه فالرياض والاكيد بيكون فالرياض
عزام : هذا لو مانقرب لبعض بس مالي راي ابوي وابوك خططو ولا مافيه شقه علطول تنزف ببيتنا تخيل بس
هايل : لا لا كل شى ولا ندى اترك الموضوع علي انا اقنع ابوي وانت اقنع ابوك
عزام : انبح حلقي يارجال
ام عزام : عزام شتسوي هنا بقسم الحريم
عزام : جينا نشييك ارسلنا عمي ابومحمد
ابومحمد : وكل شو جاهز وزين
هايل : ابد ناقص بس العروس والعريس
عزام : ترا فيه حريم فوق اظن العروس واهلها
ام محمد : شفتو يوم اقول لكم مايستحوون جو واخذو الغرفه الحين بالله غرفه وحده تكفينا كلنا
ام رغد : الله يصلحتس يام محمد بس هي ليلتها اليوم هي اهم منا كلنا بعدين كلنا خلصنا هي لا جلسه التصوير وكل شى بالقاعه
شهد : اي تكفين ياخاله فهميها احنا حاطين زفه طبيعي بتكون بالقاعه موب فالفندق صح ولالا
ام فهد : صح انتي اهدي يام محمد وطفي لمباتك وخلي هالليله تعدي دام ولدتس يبيها ارضي وخلصنا يله هايل وعزام على قسم الرجال نبي ناخذ راحتنا هنا وشوفي شناط فساتينا نزلوها ساعدو البنات
ندى : انا ليش قاطه معكم واشيل
رغد : لان شناطتس معنا
ندى : لا حبيبتي وراي عرس يله بشيل هالشنطتين
رغد : اي روحو وخلوني وحده حامل ووحده بتعرس ووحده ولدها بجنبها ورغد تشيل عادي اعرف حركاتكم ذي تبوني اعرس بس اوريكم كل شى رغد كل شى رغد
هايل : يارغد خلي الاغراض احنا نشيلها
رغد : بسم الله صدق
هايل : ايه ايه امي قالت لنا يله فارقي
رغد : ههههههههه لولا المناكير الي للحين مانشفت كان تفاهمت معك زين
عزام : اسلم اسلم من ذي يابوالهيل
هايل : ارفع علومك بنت خالتي
عزام : احمد ربك ان مناكيرها مانشفت
هايل : اتفل عليها وتنشف بس عاد عشان دحيم نعدي
عزام : ياهلا بالنسيب شل شل الشناط ياهايل بسلم على نسيبي
هايل : اقول شل لاشلك
عزام : خلاص طيب هلا بفارس هلا بسلمى ادخلي اهلي داخل
فارس : جيت بدري عساس اساعدكم اعرف بحوسه العرس
عزام : اي والله زين سويت مافيه الا انا وهايل وقرب اذان المغرب ويجون الناس
فارس : ازهلني بس انزل اغراض سلمى ذا الي هدت كتوفي ونروح لقسم الرجال
عزام : ايه يله اصفط سيارتك
فارس : ابشر
~~~ عند ابومحمد ~~~
عبدالرحمن : زينه يبه غترتي
ابومحمد : يوه ماعلمناك
عبدالرحمن : ههههههههه وشو بعد
ابومحمد : ارسلت عزام وهايل يشيكون عالقاعه ويوم راحو عيا يدخلهم حقها
عبدالرحمن : وليه ليكون متهاوشين معه بعد
ابوفهد : لا كان مكسر ضلوعهم يقول انه اليوم فيه عرس وعيا يدخلون
عبدالرحمن : شلون فيه عرس واحنا حاجزينها ومعنا فاتوره الحجز
ابومحمد : مخربط بالتاريخ عاد شالحل
عبدالرحمن : معليك منه انا اكلمه
ابوعزام : انثبر بس يتسذبون عليك ليه تخرعونه بيوم عرسه
عبدالرحمن : لا عاد تتسذبون
ابوفهد : ههههههههه ايه
عبدالرحمن : الله يصلحكم والله ماهو وقته خرعتوني
ابومحمد : مالنا دخل هايل وعزام
عبدالرحمن : ابجلدهم ذوليك
ابوفهد : جاء محمد واخيرا
محمد : ها ذا العود ياله لقييت عود زين والي تبونه
ابومحمد : وديت للقاعه
محمد : ايه وتذكرت دحيم وجبت هنا بعد امي تقول تعالو للقاعه تبي تشوف دحيم
ابومحمد : يله اجل مشينا جاء احد للقاعه
محمد : حريمنا والعروس واهلها وعمي ابوسطام وخوياه كلهم جو
ابوفهد : اشوا تقل متاخرين
محمد : القاعه قريبه دقايق واحنا واصلين اخذت بشتك دحيم
عبدالرحمن : ايه
ابومحمد : هذا ابوالبنت يدق
عبدالرحمن : شالسالفه بعد مانيب مرتاح لكم
ابومحمد : هلا بالنسيب
ابوفاتن : هلابك يابوي بغيت اعلمك ان خلصنا صفينا اغراض بنتكم وهذانا متوجهين للقاعه بس ماعرفنا وين مكانها
ابومحمد : من معك من حريم
ابوفاتن : معي بنات ابوسطام
ابومحمد : خلاص انا ارسلهم الموقع
ابوفاتن : ايه زين
ابومحمد : كلم سطام يرسل لاخته الموقع يله خلونا نسبقهم
~~~~ فالقاعه ~~~
ابوسطام : اركدو وخلو الركض
عزام : انحاست غترتي
هايل : شبلاها يابسه
عزام : عشان لو جننتني اتصرف معاك
هايل : استح على وجهك الا وين ابوي وعماني ودحيم تقل تاخرو
ابوسطام : والله مدري صوت سيارات الله يستر
صالح : نوقف فالباب بدالهم الين يجون
ابوسطام : رتبو الطاولات والكراسي المصور وينه ايه هذا هو نشغل العود الحين
ابوسعود : لا انتظظر الين يجون بيطفى ماجو
ابوسطام : نجدده
ابوسعود : الاحسن لاجاء ابوالعريس
ابوسطام : كل عرس يصير لي ولا مايصير لازم ارتبه بالطلوب
سطام : يابعد راسي اقول ياعيال امشو اوريكم السياره وش سويت فيها
هايل : وش سويت ليكون الكفر فشيته
عمر : قلت له دامنا بنزفهم نفش كفر سياره دحيم ونعطيه احد سيارتنا بس كذا نخرعه
سياف : لا لا بس نسوي له زفه لاتفشون كفرات تراه ادنى غلطه يبتسي عليكم
سطام : امشوا اوريكم
عزام : اسلم مرسيدس
سعود : عمي ابوسطام اخذها اجار لدحيم
هايل : ياخي عمي ابوسطام اسطوره كنا مبتلشين
سطام : ورحت زينتها شرايكم
هايل : ليه حاط قلب عند دحيم موب عند العروس
سطام : ثور انت عشان يشوف الطريق
عزام : حطيت ذيك الاصوات بالكفر
عمر : لعبتي
سياف : كم سياره بتكون بالزفه
سطام : كل المعازيم الي نعرفهم بيزفونه معنا عاد مدري عن اهل العروس
عزام : يعني حول كم سياره
سطام : مسيره بنسوي يبوي حول عشرين سياره اذا جو بعد بنحط بسياراتكم ذي الاصوات
عزام : هذول هم جو
عمر : يله شغلو
عزام : كلما سمعت صوت الطبل استنزلت
صالح : ليكون ممسوس نقرا عليك
عزام : لا مافيني الا العافيه
عبدالرحمن : والله بجلدكم قاصدين تبوني استحي بس برقص معكم
عمر : ذا المبتغى
عبدالرحمن : شبلاء نعلتي معييه تنفك
صالح : ليه عريس اليوم انت اثقل
عبدالرحمن : ابجلد هايل وعزام امسك بشتي بالله تعالو
هايل : يلعن شكله صادق
عزام : ماينمزح معك يارجال وقف طارت عفوشنا
عبدالرحمن : وقفو خلوني اجلدكم
الي يصب قهوه : انتبه ياولد
هايل : الله يرجك ياشيخ كنت بطرح قهوتهم
عبدالرحمن : امش اخلص
ابومحمد : اهجدو وامش نرتبك يالخبل لاتتوصخ غترتك امش
ابوفهد : خلهم هالمجانين شلونك يابوسطام وابوسعود
ابوسعود : بخير جعلك بخير
ابوسطام : وينكم يابوفهد وش هالتاخير الله يصلحكم
ابوفهد : تعرف هالولد عنييد اخرنا بكل شى وياله قام بعد
ابوسطام : ترا الساعه ٧ امشو نصلي ونبدا نقوم العرس
ابومحمد : يله دحيم الصلاه ورح عشان تشوفك امك وترا في زفه بتدخل عند الحريم
عبدالرحمن : ماله داعي يبه
ابومحمد : اقطع واخس الساعه ٩ تدخل عالعروس في غرفتها بقسم الحريم اذا راحو يتعشون وتصورون وبعد العشاء زفتكم فالقاعه والساعه ١١ زفتكم للفندق سمعتني
عبدالرحمن : ايه
هايل : بالله ماجاك شعور انك بتكنسل كل شو
عبدالرحمن : الا وذلحين جاء بعد تحسبني نسيت جالدك جالدك
هايل : وجع ياجزمتك لو تطقها براس كافر اسلم
عبدالرحمن : اي باقي عزام
عزام : خلاص يابزر اعقل اليوم عرسك اح ياقساوتها
عبدالرحمن : ياعيال خلونا من المزح وقت جد شرايكم تهربوني
هايل : وشوله انا اقول لابوك الحين عمي ابومحمد ترا
عبدالرحمن وهو يسكر فمه : اسكت اسكت ماينمزح معك
هايل : ايه اهجد هبلت فينا الين اعرست لو انك هاجد كان الحين احنا عند ابوسامي
عزام : اقطع واخس بس انا مادري شو تحب فيه وهو مايحبك
هايل : اقول تراه صار نسيب دحيم فانطم
عزام : الحمدلله انك هبلت فينا ذي حسنتك الوحيده يادحيم
عبدالرحمن : ياخي صدق احس مابي وش هالشعور
محمد : البدايات بعدين خلاص بس الحيين هالشعور
عبدالرحمن : ان شاء الله
محمد : سالم جب ماء لعمك
عزام : جب لنا كلنا نشف ريقي من الركض وين غترتي طاحت بعد
عبدالرحمن : ليه مالبستو بشت
هايل : البشت لابوها ولك ولابوك واخوك احنا شدخلنا
عبدالرحمن : طقم معي
عزام : انت واخوك الوحيدين بعايلتنا الي ماخذين غريبات فعشان كذا لازم نركد
عبدالرحمن : غريبات شلون
عزام : يعني موب من العايله شفيك صاير مفهي خلني اروح احارش عمامي بس
هايل : كتمني ذا العود انا ليه قاعد ابخر الغرفه وتاركك
عبدالرحمن : تهقى لو قلت خلاص بيصدقوني
هايل : وش تهذر بعد فيه
عبدالرحمن : اتسذب عليك يابوالهيل لو قلت لك اني للحين بحماسي الاول
هايل : تصير يابوالدحم عشانك متوتر
عبدالرحمن : تهقى هي تبيني مثل ماانا ابيها
هايل : لو ماتبيك ماوافقت على هالعرس
عبدالرحمن : يمكن كان كلامها صح فالمستشفى يوم قالت اني انا نشبت لها ورسمت في بالي خيال والواقع هي ماتبيني
هايل : ارجع واقول انسى ذيك الايام من حقها تعبر عن مشاعرها اجل تبيها تتسذب عليك مثل ماانتسذب علي تبيها تقولك ان مشارعها لك لحظيه ومع زوجها عرفت مشاعر الحب الحقيقه يرجال انت قلت كلمه وكنت قدها لاتتراجع عشان توتر بس امش ابخرك
عبدالرحمن : اسف ياهايل
هايل : تستهبل تبي ادعسك وش تعتذر عليه
عبدالرحمن : وعدنا بعض نعرس بنفس اليوم مع الي نحبهم بس
هايل : لا بس ولا شى انت انتصرت بهالوعد وانا رجعت مخذول
عبدالرحمن : لاتحرق البشت
هايل : اجل لو قلت لا بينتهي هاليوم قايلن لك ماتتوب
عبدالرحمن : انت قلت هالكلام عنها معناته انك صدقت انها ماتحبك
هايل : تدري اني شفتها قبل تجون شفتها وناظرتني نظره ماكانت نظره الامان الي تشوفني فيها يادحيم ناظرتني وكاني واحد غريب داخل عليهم ماكانها ميهاف الي تعرفني
عبدالرحمن : كل شى واضح دامها راحت بدربها جاء الوقت الي تشوف طريقك انت
هايل : بعد ماترجع من السفر ارجع هالسوال بس الحين خلني بخيبتي
محمد : وينكم طولتو يله جو المعازيم يله دحيم
عبدالرحمن : تراه مارح انسى بسالك
هايل : اي اذلف الحين يله
~~~~ في قسم الحريم ~~~
رغد : ام سيف
ام رغد : ووجع ليه تناديني كذا اصغر عيالتس انا
رغد : يمه رجليني ورمت الحين وش فايدتني واقفه اسلم بس راحت كل حمره الخدود
ام رغد : نرجع نحطها
ام محمد : تهقون خلصو نبي نروح نصور مع العروس امشو كلكم لحد يقعد يله
ام فهد : مايصير ندخل عليها كلنا كذا
ام محمد : لا ندخل يله دام صار فيه كاميرا يام فهد
ام فهد : يوم عرستس على ابومحمد كانت فيه كاميرا بعد
ام محمد : ايه بس الحين تطورت ماهي على خبرتس ذيك الصغيره الحين صار يسوون لتس البوم صور
شهد : يله يمه مابقى شى على وقت تصوير العرسان خلونا نسبقهم
~~~ في غرفه فاتن ~~~
ميهاف : لاتصيحين مت وانا امسح لتس لايخرب مكياجتس
فاتن : تكفين ميهاف سوي شى مابي هالعرس يكتمل
ميهاف : انتي الي وقعتي وقلتي موافقه خلصنا يافاتن تكفين
فاتن : خايفه ياميهاف لاتلوميني
ميهاف : مفروض ماتخافين انتصر الحب
فاتن : ليه كاتبه عالكيكه كذا
ميهاف : لانه فعلا كذا موب انتي الي تحبين دحيم خلاص صار لتس
فاتن : هو الي بدا لو مارحنا ذاك اليوم للقريه كان احنا بخير
ميهاف : انا كذا ولا كذا لولد عمي بس انتي؟ لواحد ماتدرين منهو ولابيقيل ابوتس ولا بيقبل دلعتس ويمكن مايقبل بوظيفتس بعد
فاتن : يعني عبدالرحمن غير
ميهاف : لاتنسين كان بيسكن عند ابوتس كله عشان ماتتضايقين لان ابوتس بيكون لحاله يالعوباء
ام محمد : عسى عروستنا خلصت
ميهاف : اي خلصت
شهد : كانتس صايحه
فاتن : ايه شوي
ام محمد : جينا كلنا نصور معتس قبل دحيم
فاتن : الله يحييكم كلكم ياخاله يله تعالو
ام فهد وهي تناظر لميهاف : ليتس زوجه ولدي كان ماهو ذا حاله
ميهاف : يله بتصور لحد يغمض من الفلاش
شهد : يارب زواجه الدهر
فاتن : ياعمري يام هايل امين يارب
شهد : لا كذا بنتزاعل قاعده تكبريني ترا
فاتن : ههههههههه من التوتر لاتشرهين
شهد : بعد شوي الزفه بعدين التصوير بعد عاد باي باي
فاتن : تكفين الي فيني مكفيني
ندى : مبرووك لاتتاخرون بالسفر عاد
فاتن : ليه
ندى : عشان تحضرون عرسي ههههههههههههههه
فاتن : ازهلي اول الحضور
فرح : مبروك وصدق فعلا اخيرا انتصر الحب
فاتن : اي والله الله يبارك فيتس
شهد : وش الي ببطنس ياميهاف
ميهاف : ولد
شهد : كم باقي وتولدين
ميهاف : انا بالثامن او يمكن دخلت التاسع مابقى شى
رغد : مبروك يام دحيم
فاتن : ههههههههههههههه لاتسمعتس خاله ام محمد
رغد : هو ابودحيم وانت ان دحيم ليه لاتسمعني مارح تسمون ولدكم دحيم
شهد : لا لا الله يخلف زوجها اسمه عبدالرحمن وندلعه دحيم
رغد : ايييه وانا احسبه بيسمون ولدكم
فاتن : الله يبارك فيتس ويسعدتس ضحكتيني ههههههههه
رغد : ازهليني
~~~~ خلص العرس ~~~~
~~~ يوم جديد في بيت ابومحمد ~~~~
ام محمد : والله ماتروحون الحين بتجي بتسلم علينا وتشوفونها طلبتكم
ام فهد : تعرفين ابوفهد مايحب يمشي فالليل
ام محمد : شدعوه تونا الظهر الحين وراكم مستعجلين بعدين ابومحمد مارح يرضو تروحون وانتم ماتغديتو معنا
رغد : يمه شصار
ام رغد : بايش
رغد : امس رحتي لعمي اخذتي الورث
ام رغد : ايه ايه عطوني اياه
رغد : طيب ليش نرجع للقريه ليه مانقعد ببيتنا خلاص
ام رغد : انا بعد ابي كذا بس وش يقنع ام فهد تقعد بعد
رغد : صح لازم نوديها المستشفى عالاقل فحوصات شنسوي يمه
ام رغد : امشي معي بنادي احد عيالها وونعلمهم
رغد : بس هي ماتبي احد يعرف
ام رغد : ماعلي منها الزم ماعلي صحه اختي
رغد : طيب
~~~~ فالحوش ~~~~
هايل : ايه ياونتي ونه شايب جيعان
ام رغد : هايل ولدي عادي اكلمك بموضوع
هايل وهو يبوس راسها : خاله ام سيف يامرحبا اكيد امريني وش بغيتي
ام رغد : اول شى ياولدي اهدا لاتزعل ولا ترفع صوتك
هايل : افا اعقب ارفع صوتي عليتس وش صاير ياخاله عسى مافيه شى مضايقتس
ام رغد : الموضوع محد يعرف به الا انا وبنتي رغد وامك والحين انت
هايل : لاتخرعيني ياخالتي وش صاير قولي
ام رغد : امك تعبانه
هايل : وشو امي تعبانه ليه وش فيها
ام رغد : وعدتني ماترفع صوتك ام احتمال فيه سرطان بنتي رغد من حيث اعراض امك خمنت كذا بس لازم نوديها مستشفى تفحص
هايل : اي وليه لا نوديها ليش ساكتين من البدايه
ام رغد : هي طلبت مانعلم احد ياولدي تقول مانيب متعالجه الين ازوح عيالي وبالاخص انت بس هي قاعد يوضح عليها وهي خايفه اذا عرفو خواتك ياجلون عرسهم واذا تاجل بيخرب كل شى على كلامها انهم ماجلين كل زواجهم من كنت انت تعبان
هايل : وياجلون اهم شى صحه امي
ام رغد : هذا مطلب امك فاحنا نبيك تدور اي عذر وتودينا للمستشفى
هايل : خلاص اجهزو ومن سالكم قولو بياخذنا لبيتكم ياخاله تبون شى منه يعني باخذ مفتاح سياره فهد
ام رغد : خلاص زين دقايق نلبس بس يله يارغد بروح اكلم اختي
ندى : وييين خذوني معكم طفشانه
ام رغد : لا يابنتي اقعدي هنا بدال امتس باخذها تساعدنا هناك
ندى : لاياخاله انا اساعدكم بعد
رغد : ندى خلاص احنا نكفي
ام فهد : ليه ماتبونهل تروح اصلا وش لتس حاجه ببيتس ذاك
ام رغد : اذا وصلنا بتعرفين
~~~~ فالسياره ~~~~
هايل وهو يشاهق : دلوني ترا مادل
ام فهد : ليه تشاهق ياولدي
هايل : ليه يايمه ماقلتي لنا ليه شفتي زواجهم اهم من صحتتس
ام فهد بتنهت : علمتيه يام رغد الله يصلحتس
هايل وهو يصارخ : وليه ماتعلمنا وليه ماياجلون زواجهم مالي غيرتس يمه ليه تسوين كذا يمه الله يهديتس
ام رغد : ركز فالطريق الصراخ ماهوب مهم الحين
هايل : الا مهم على اي اساس بنتتس تقول سرطان على اي اساس دكتوره هي امي مافيها شى مستحيل يصير فيها شى
رغد : طيب لاتصارخ احنا رايحين المستشفى عشان نعرف
ام فهد : وقف ياولدي واهدا وقف
هايل وهو يصيح ويتنهت ويبوس راس امه : اعذريني يمه تكفين بس والله اني خايف عليتس اسف ياخاله طولت صوتي تكفين يمه
ام فهد : انا م قلت مارح اتعالج بتعالج بس بشرط
هايل : وشو وانتي تامرين امر
ام فهد : تتزوج ياهايل
هايل : لا يام فهد تحارشيني صحتتس اهم
ام فهد : ندى عرسها بعد اسبوع وفرح يمكن بعد شهر باقي انت وفهد تكفى ياولدي انا كل همي اشوف بخير ومبسوط
هايل : ابشري الي تبينه يصير بس تعالجي
ام فهد : ولي شرط ثاني لاتعلم ابوك
هايل : ابوي حالم فيتس وشاك
ام فهد : ميخالف بنعلمه وبعد عرس خواتك نعلمهم
هايل : ابد الي تبينه
رغد : يمه الموعد لايروح
ام رغد : يله عالمستشفى متى سويتي موعد لها
رغد : امس نسيتي ان كان عندي دوام فالليل
ام رغد : الله يخليتس لي يابنتي
~~~ فالمستشفى ~~~~
رغد : ابصم يمه والبس واجبكم اقعدو هنا
ام رغد : طيب
هايل : ليه قعدنا ياخاله ليه ماندخل عالدكتور علطول
ام رغد : بنتي رغد ممرضه ياولدي وان شاء الله بتصير ممرضه امك فقالت بتلبس وتبصم لشغلها وتجي تسنعنا
ام فهد : اهدا العجله ماهيب زينه
هايل : لو سمحت وش الدكتور الموجود
الاستقبال : عندكم موعد
هايل : ها ايه
رغد : يعني مارح تصبر موعدهم عند دكتور نساء سعدون
الاستقبال : مااتصلو عليكم يبلغوكم بتاجيل الموعد
رغد : كيف يتاجل الموعد
الاستقبال : الدكتور سعدون ماخذ اجازه مرضيه
رغد : طيب من فيه
الاستقبال : الدكتوره فاتن الدكتوره ميهاف الدكتوره سهى
رغد : سهى كم حاله عندها
الاستقبال : حالات كثيره قبلكم ولازم تروحون تسوون موعد بعدين تجون
رغد : لا نبي تغيير دكتور موب موعد طيب وفاتن
الاستقبال : فاتن فاجازه بعد
رغد : شكله زوجه خويك طيب وميهاف
الاستقبال : ميهاف موجوده قدامكم حاله بس تفضلو
هايل : اخيرا
ام رغد : وراكم طولتو
رغد : عطني ملف الشفت لو سمحت شفتي اليوم بالنساء وعند الدكتوره ميهاف يمه عندنا حاله الحين بعدها انتم طيب لازم اكون مع الدكتوره لاتتحركون بناديكم بعد شوي
ام فهد : ياقلبي يارغد اخرناها عن شغلها
ام رغد : ايه طلع دوامها عند هالدكتوره يعني الحين قاعده بدون ممرضتها الله يستر ماتسوي لها مشكله
~~~~ فالمكتب ~~~~
ميهاف : خلاص تقدرين تطلعين
المريضه : اقدر احجز عندتس موعدي الجاي
ميهاف : انا طبيبه عامه عندك الدكتور سعدون وسهى مسكت حالتك عشان الضغط الي عليهم
رغد : السلام عليكم تفضلي تقدرين تطلعين
ميهاف : ممكن اعرف وش اخرك الى الحين لدرجه انا حامل وواصل بطني لخشمي احط المفرش للمريضه واجهز الاجهزه
رغد : ماكنت ادري اول دوام لي اليوم وكنت ممرضه عند سعدون فجاه حطوني عندك
ميهاف : انتي هالشهر باي قسم
رغد : النساء وولاده
ميهاف : كويس انتس فتره عندي بس لان مالي بهذا القسم
رغد : ميهاف اسمعي
ميهاف : بسم الله انتي تعرفيني
رغد : صبر افتش انا رغد بنت خاله هايل
ميهاف : وش تسووين هنا
رغد : انا ممرضه ماعلينا الحاله الي الحين خالتي ام فهد فيها احتمال سرطان اذا شخصنا حالتها لاتعلمين احد تعرفين ام فهد صح ام حبيبتس هايل
ميهاف : اي اكيد اعرفها طيب طيب دخليها بسرعه وشلي هذولي مع انها مفروض تكون بقسم الاورام
رغد : لازم نتاكد اول يعني لازم تكشفين عليها
ميهاف : تمام يله دخليها
رغد : خاله ام فهد يله لو سمحت لاتدخل
هايل : اذا خلصتو كشفيه ابدخل
رغد : ادخلو يمه بجي هايل لو سمحت مايسمح لي اكلمك بهاطريقه وادري ان كل همك امك بس تعاون معي لاجل نفسيه امك
هايل : يعني تبيني اروح اسمع اغاني وارقص وماهتم تستهبلين
رغد : يكفي انك ماتحسس امك بالخوف وان هذي اللحظات لحظاتها الاخيره خوفك عليها يزيدها خوف مايخفف عليها 
~~~~ في مكتب الدكتوره ~~~~
ميهاف : الله حييه خاله ام فهد
ام فهد : ميهاف ماغيرتس
ميهاف : اي شايفه كيف الدنيا صغيره وين ماتروحين انا عندتس
ام فهد : ليتتس قدامي بكل وقت وزوجه هاللي برا
ميهاف : ايوه شعندك ياخاله جايه اعترفي مشتاقه لي
ام فهد : ههههههههه والله اختي وبنتها تعبوني وانا مافيني شى
ميهاف : يبالغون توك ام ١٦ سنه
ام فهد : لا ويين اعكسيها هههههههههههههههه
ميهاف : يابعد قلبي هالصوت ايوه ياخاله علميني وش تحسين فيه ووش صار لتس بالضبط
ام فهد : بس الم ببطني وخشمي ينزف
ام رغد : وتطرش دم واجد وتدوخ وماتشتهي الاكل
ميهاف : ليكون ياخاله حامل
ام فهد : يوه وخرياه بعد هالعمر
ميهاف : ههههههههههههههههه طيب ياخاله ياعمري انتي لازم اكشف عليتس
ام فهد : تحليل دم يعني
ميهاف : لا ياامي كشف سريري جهزي السرير يارغد لاتخافين ياخاله مارح تحسين بشي وباذن الله كلها سهالات وبتعدي يله تفضلي عطيني القفازات يارغد
ام رغد : عادي امسكها
ميهاف : مع ان مارح تحس بس ابشري امسكيها
رغد : خلصتي
ميهاف : ايه
رغد : ولدها يبي يدخل صامل
ميهاف : هايل واعرفه مايركد دخليه خلاص
ام فهد : ها بشري
هايل : امي وشفيها
ميهاف : مافيتس الا العافيه ياامي نظفي السرير رغد
رغد : دم !! وتقول مافيتس الا العافيه ياعيني والله
ميهاف : ياخاله لازم تبدين بالعلاج وانا بنفسي بمسك على حالتتس
ام رغد : اي طيب تبدا بعلاج ايش وشفيها هي
ميهاف : مثل ماكنتو متوقعين سرطان الرحم لازم لازم تبدا علاج وبحط موعد عمليتها الاولو قريب عشان النزيف قاعد ياثر عليها كنتي ياخاله تنزفين كثير صح ومن زمان
ام فهد : ايه
ميهاف : كم سنه
ام فهد : سنه تقريبا من تعب ولدي هايل
ميهاف : تمام ياخاله انا بحط لتس مواعيد وبكل جديد بعلم رغد تعلمكم تقدرون تطلعون رغد رتبي المكان هايل ابغاك بموضوع
رغد : عادي اسمع
ميهاف : ههههههههه ايه اكيد انتي ممرضتي لازم ياهايل توقع على تأكيدها بانها تاخذ العلاج كامل او توقع على ورقه اخلاء وانها المسووله باي شى يصير لها
رغد : اكيد علاج
هايل : ايه اكيد بس علميني ياميهاف وشفيها امي
ميهاف : امك مثل ماقلت فيها سرطان من الدرجه الرابعه وعلاجها نشيل السرطان ونعطيها كيماوي واشعاعي الين باذن الله تتشافى
هايل : وكم نسبه الشفاء
ميهاف : ماتتقدر واحنا للحين مابدينا بس تاكد ان مثل ماربي شفاك بيشفيها لازم توقع الحين
هايل : اكيد علاج وانا المسوول
ميهاف : تمام الورقه بنزلها عند الاستقبال عشان تكون نسخه عندك ونسخه عندنا تقدر تتفضل
رغد : ارجعو بدوني بديت شغلي انا ممكن اقول شى يادكتوره
ميهاف : عارفه وش بتقولين بس ربي يقدر يصنع من المستحيل ممكن
رغد : طيب ليه ماقلتي لولدها عالاقل
ميهاف : لان ماندري يمكن تتشافى يارغد احنا نعمل بالاسباب بس كل شى بقضاء وقدر ربي
رغد : كيف لو صار شى بحط عيني بعينهم خالتي معييه نقول لاحد اخاف اكون ملامه من عيالها
ميهاف : سويتي الي انطلب لتس دامتس تعيشين معهم انتبهو لنفسيتها
رغد : محد قادر يفهمني هذي المشكله
ميهاف : انتي وامك وولدها تكفون
رغد : ليه ماتزوجتي هايل واضح انتس كيوت وطيبه
ميهاف : تساليني وانا بطني قدامتس لاتفتحين مواجع مصيري بعلمتس فاتن ومسافره ماقدر امسك لساني
رغد : ارتحت لتس والله هههههههههه بروح اشوف وش وضعهم
ميهاف : بس شوفي اذا مافيه مرضى روحي وهذي علاج نسيت لاعطي الوصفه هايل
رغد : لايش
ميهاف : فيتامين عشان النزيف الي مسبب لها دوخه ولازم تاكل ترا ومهدي للام الي تحس فيه
رغد : تمام يمه
ام رغد : قالو ان فيه وصفه لازم ناخذها ماعطتنا الدكتوره شى
رغد : هذي هي تدلون الصيدليه
ام رغد : هايل خذ امك واركبو السياره بنجيب الادويه ونجي
رغد : غريبه
ام رغد : حسيت يبون يتكلمون مع بعض قلت نخليها لحالهم وين طولتي
رغد : يمه خلاص بديت شغل ماقدر ارجع معكم الشفت حقي الين ١٢ فالليل
ام رغد : من ١٢ الظهر ل ١٢ الليل
رغد : ايه
~~~~ فالسياره ~~~~
ام فهد : هذي البنت الي ابيك تتزوجها
هايل : على خشمي الي تبينه تبشرين به رغد تقصرين رغد بنت خالتي ام غيث
ام فهد : ايه نعم
هايل : ليه يمه مابي اقارب
ام فهد : والله ماتلقى احسن منها ياولدي صح ان عليها حركات بس والله طيبه علينا وعليك
هايل : بفكر يمه بس شرط لو وافقت عرسي بعد ماتتشافين
ام فهد : لا نخطب ونملك وانا بمواعيدي وعرسك بعد بمواعيدي
هايل : ايه بفكر بفكر لحول وش هالبلشه
ام رغد : خلاص امشو
ام فهد : ورغد ليه ماتجي
ام رغد : عندها شغل خلاص ماترجع الا ١٢ فالليل
ام فهد : ياوخيتي تراني حاجه بنتتس لولدي لو صار ماصار لي رغد لهايل
ام رغد : ههههههههه ابد بنتتس انتي فصلي وهي تلبس
هايل : لا حول ولا قوه
ام فهد : اذا سالو وين رحتو قولو رحنا نوصل رغد لشغلها
ام رغد : وبمر بيتي بعد ارتبه لان خلاص يام فهد بتعيشون عندي
ام فهد : ليه
ام رغد : هاو مواعيدتس لاتنسين وشغل بنتي ماعاد نقدر نرجع للقريه
ام فهد : مواعيدي بعد زواج بناتي
ام رغد : ياامي نقول نصبر الين بنتتس ندى بس فرح للحين ماحددو
ام فهد : الا حددو بعد شهر
ام رغد : ماهو منطق تنتظرين شهر عشان زواجها قل شى ياهايل
هايل : خالتي صادقه يايمه
ام فهد : فرح مارح تعرس وانا تعبانه
ام رغد : وش الحل عشان تقعدون هنا
هايل : مالنا الا انتي ياخاله سوي اي شى واقنعي ابوي نقعد عندتس ونروح مواعيد امي بالسر
ام رغد : ابد ابنخى ابوك امش لبيتكم وانا اكلمه

انتهى البارت
قراءه ممتعه يااصدقاء 💞💞💞💞