"جابك الله في زحام العمر صدفة "

44

~~~ في مجلس ابوفهد ~~~
ابوسطام : وش هالصدفه الزينه
ابوفهد : وين ولدك سطام
ابوسطام : رجع امس لحاله ومسكر على نفسه
ابوسعود : عسى ماشر
ابوسطام : والله ماسالته يابوسعود وشكبره يعرف يحل مشاكله بنفسه
ابوفهد : من وليده ذا ماشاء الله
صالح : هذا ولدي ياعمي
ابوفهد : ولدك انت
صالح : اي اي
عبدالرحمن : كلنا مستغربين اول ماشفناه بس اقعد ياعمي معه يوم يطلع لك روح الابوه الي فيه
ابوفهد : ياماشاء الله اجل معرس وانت صغير
صالح : ماهو صغير مره عمري ٢٣ يوم اعرس
ابوفهد : ماشاء الله وكم عمرك وليدك
صالح : ٣ سنين ياعمي
ابوسطام : ماشاء الله كبر تميم وماقام يسلم على عمامه
صالح : قم ياتميم حب روسهم
تميم : مالي خلق وين صديقك الي بتعرفني عليه
عبدالرحمن : صار سالم صديقي
ابوفهد : ههههههههههههههههههههههههههههههه يحليله الله يخليه لك  قم ياهايل ومش خوياك بقريتنا وهذي الفلوس اي شى بخاطرهم اشتره
سياف : ماعطيتها الا هايل عزالله زمطها وماشافو منها
سعود : والله ماتدخل لجيب هايل ياعمي وكثر الله خيرك احنا بس بنتمشى مع العيال مانحتاج شى
ابوسطام : اسكت وخذو الفلوس وروحو مايرجع عن كلامه هو
هايل : ابد يابوفهد الفلوس بالحفظ والصون
ابوفهد : يلا قم ياسياف وزامل وفهد معهم
فهد : طيب
صالح : يازينه ابوكم ويازين سوالفه ماينمل منها
عبدالرحمن : ماشفت اذا جاء الليل وبعد العشاء هالعاده بالغالب يسويها فالشتاء نطلع فالدكه حقت البيت وحطب ويقعد يقول لنا سوالف زمان
فهد : اوهه من زمان عن هالاشياء
عمر : اي يله وين تمشيتكم لنا
هايل : امش لك رجول
سياف : وش تبون تشوفون
صالح : مالنا خبره بهالاشياء انتم مشونا
عبدالرحمن : بوديكم السوق حقنا فيه حرمه تسوي خبز عالصاج بتاكلون اصابعكم وراها
عمر : في وقتها
محمد : وين انت هفيت للشرقيه وهي الهفه وتارك المحل
فهد : هذا ابوسالم
محمد : من هذولي يامرحبااا
صالح : ياهلا فيك احنا اصدقاء سطام
محمد : ياهلا ومرحبا وش جابكم للسوق
عبدالرحمن : عمي ابوفهد قال مشوهم وجبتهم للحرمه الي تسوي خبز هنا
هايل : ذلحين بتشوفني وتنشب فيني ياعيال يليل
ابوفارس : هايل امش ابيك
هايل : هذا اول استلام تفضل ياعمي
ابوفارس : من هذولي ماشاء الله
هايل : خوياي من الشرقيه
ابوفارس : ووش موديك
هايل : نسيت استاذن منك ياعم اعذرني
ابوفارس : اي خذني معك اتعرف عليهم مبين ماشاء الله معهم فلوس
هايل : الله يهديك بس ياعمي
عبدالرحمن : ارحبي ياخاله وشلونتس وشخبارتس وشفيتس ياخاله
ام سامي : يولدي ابفقد ولدي ولدي ابفقده
هايل : بسم الله عليه وشفيه سامي
ام سامي : كان تعبان وكنت اوديه للمركز الصحي وصار ماعليه يوم تقفل هالمركز طاح حيلي وولدي انتكس حاله وانا لاحول لي ولا قوه عشان اوديه لمستشفيات
هايل : لاتبتسين ياعمتي وسامي بيكون بخير وكل شى بهالرقبه لو اخليهم يفتحون هالمركز من جديد
سعود : طيب خل نجيب سيارتي ونوديه للمستشفى
ام سامي : وحق العلاج ياابوي من وين بجيب حقه واحنا لقمه عيشنا وراء هالخبز الي ابيعه
صالح : لايضيق صدرتس ياخاله اعتبري ولدك امره محلول
ام سامي : ياوجد عيني على قومته
سعود : طيب من وش يتالم هو
ام سامي : حرارته مرتفعه وواصله الاربعين واحط كمادات تخف شوي وترجع
صالح : يعني حمى الي معه
عبدالرحمن : دقيقه ياخاله وينحل امرتس
هايل : وش بتسوي
عبدالرحمن : جايكم ماكان ودي يكون هذا سبب وصلنا بس مجبور ،، محتوى الرساله "السلام عليكم كيفتس كيف عمي؟ انا ابيتس بطلب تكفين قولي تم"
هايل : شسويت
عبدالرحمن : ارسلت للدكتوره اكيد بتساعدنا
صالح : تعرف دكتوره
هايل : اي الي يحبها ههههههههههههههههههههههههههههههه
سعود : اوهه
عمر : تكفى بشوفها
عبدالرحمن : اقول ارفع علومك لارفعها ام العيال محد يشوفها غيري
سياف : صح نسينا انها صارت زوجتك
عبدالرحمن : بخطبها وتشوفون كلكم
فهد : اي اي نشوفك ذا وجهي ان رحت وخطبتها
عبدالرحمن : طيب طيب اقابلك بيوم خطبتي
~~~ في بيت ابوفهد ~~~
فاتن : ابوي تاخر ابشوف وينه اوه عبدالرحمن مرسل
شهد : ماارسل لي شى غريبه
عفراء : واضحه واضحه
ندى : اكيد مرسل لشي مهم خلو هالحركات انتم
شهد : كيفي امون مع زوجه اخوي
فاتن : الله يهديكم بس على هالتفكير "وعليكم السلام بخير شلونك انت ابد تم وش فيك؟"
عبدالرحمن : ياجعله دوم تعرفين الحرمه الي تشتغل بالسوق عندنا
فاتن : اي عرفتها ام سامي
عبدالرحمن : حلوو قد جتكم للمركز وعالجتو ولدها صح
فاتن : اخلص وش تبي توصل له
عبدالرحمن : صبرتس علي لما قفلتو المركز ولدها رجع تعب وانا قلت فاتن بتساعدنا
فاتن : اي من عيوني بساعده بس وش بيدي اسوي
عبدالرحمن : ترا اعرف انتس بتباشرين بوظيفتس بالمستشفى
فاتن : علمتك اختك صح
عبدالرحمن : اي قالت لي بس تكفين توسطي لولدها ودخليه يعالج
فاتن : مايحتاج واسطه بعطيك اسم المستشفى الي بشتغل فيه وجيبوه عندي
عبدالرحمن : بس انا توني جاي من الشرقيه واهملت الشغل
فاتن : مايصير خاطرك الا طيب ابوي بيجي بعد شوي ونرجع للرياض بنمر ام سامي وناخذها ونوديهم المستشفى
عبدالرحمن : عزالله اني اختارت
فاتن : مااسوي كذا لسواد عيونك المراه اعتبرها مثل امي الله يرحمها
عبدالرحمن : بيض الله وجهتس بقول لها والله بتنبسط
فاتن : طيب وانا بشوف ابوي وينه
عبدالرحمن : استودعتس الله
فاتن : فمان الله
شهد : اوه احسبتس تكلمينه مكالمه
فاتن : ماتوصل وبعدين ليش علمتيه اني بتوظف
شهد : يوه ماشفتيه يوم قلت له تمنى الارض انشقت وبلعته
فاتن : ولييشش؟
شهد : يغار علييتس
فاتن : مااشوفه الا إخ ههههههههههههههههههههههههههههههه
عفراء : اي اي علينا
فاتن : دق ابوي يلا بحفظ الرحمن طمنوني على زينب وش يصير معها
شهد : لاتنسين علميني وش اسم مستشفاتس بجيتس عشان مواعيدي
فاتن : من عيوني يلا بطلع لا اتاخر على ابوي
عفراء : سلميني على ميهاف لو شفتيها
فاتن : يوصل يوصل سلموني على زينب وخاله ام فهد
هديل : بحفظ الرحمن ياامي
خوله : حتى انا جاء ابوي يلا مع السلامه يابنات
هديل : مع السلامه لاتقطعيني
خوله : لاتوصين حريصه
~~~ فالسوق ~~~
ابوفاتن : هنا قصدتس
فاتن : اي يبه قل تم تكفى وخل ناخذ ولدها
ابوفاتن : والله يابنتي باخذهم بس
فاتن : بس ايش انا اشتغل في مستشفى حكومي وهي بتجي مثلها مثل اي مريض بس هي ماعندها احد يوديها للرياض
ابوفاتن : انا خايف عليتس يصير لتس شى بسبب
فاتن : لاتخاف علي يايبه ولو انفصلت عشان هالسبب فانا راضيه اهم شى يرجع ولدها بخير
ابوفاتن : خلاص تم ابنزل اناديها
فاتن : اوف الحمدلله
عبدالرحمن : ياهلا بعمي
ابوفاتن : انت فيه الحين عرفت شلون بنتي عرفت فيها
عبدالرحمن : لا والله ياعم هي كانت تعالج ولدها عندهم فالمركز
ابوفاتن : اهدا اهدا ياابوي وماقصرت يوم انك وثقت في بنتي
عبدالرحمن : تربيتك شلون مااثق فيها
ابوفاتن : الله يسلمك ياحبيبي وينها ام سامي خل تركب السياره بنتي موجوده فيها
عبدالرحمن : ابشر ياعم بقول لها خاله ام سامي
ام سامي : هلا امي
عبدالرحمن : يلا جت الدكتوره وبتاخذتس انتي وسامي للمستشفى فالرياض
ام سامي : انا مدري من سعى بهالشي بس ياجعلك كل شى تبونه وتسعون له يجيكم ياعيالي ماقصرتوا
سياف : احنا مانبي غير دعاتس هذا
ام سامي : الله يخليكم ويحفظكم لاهلكم
هايل : الله يسهل لتس دربتس ياخاله واذا بغيتي اي شى لايردتس شى دقي علي
ام سامي : ماتستاهل الي صار لك ياوليدي بس ابشر ابشر
عبدالرحمن : يلا ياخاله لانتاخر حطيت سامي فالسياره
ام سامي : يلا لانتاخر عالرجال
عبدالرحمن : فمان الله بما اني وصيت فاتن عليتس اقدر انام وانا متطمن
سعود : ولد شبلاك
صالح وهي يبكي: تذكرت امي
عمر : الله يرحمها
سياف : تبون نروح للبيت ونكمل بكرا التمشي
عمر : اي افضل امش يابوتميم
~~~ في بيت ابوفهد ~~~
سالم : انا طفشت من هذا صغير مايعرف يعلب
هديل : يمامي وش هالكياته وش اسمك
تميم : اسمي تميم بن صالح
هديل : والله والنعم يابوصالح
تميم : لا اسمي تميم بن صالح مو ابوصالح
هديل : تم انا اسمي هديل
تميم : زين
شهد : يسلك لتس
هديل : ياحياتي هو اكلت شى
تميم : فقط لما كنا فالطريق تغدينا
هديل : اجل بسوي لكم اكل تمام
سالم : لا مابغى
هديل : عاد غار سالم
شهد : يويلتس منه
هديل : عاد هو غيير سويلم
سالم : خلاص اجل باكل
هديل : ههههههههههههههههههههههههههههههه حبيبي الشاطر
~~~ في غرفه ندى ~~~
ام فهد : كل الغلط والخطا عليتس شلون تسترجين تسوين كذا شلون
زينب : ياخاله خلتس عادله ثلاث ايام وهو راميني ورايح ولا حطيتي اللوم عليه
ام فهد : هو جاتس وقال لتس خاويني وعييتي قدامي وهو شغله هناك وش تبينه يسوي
زينب : خلاص فهمت تدافعين مع ولدتس
ام فهد : لا مااسمح لتس تقولين كذا حتى لو هو ولدي انا دائما واقفه معكم ياحريم عيالي
زينب : اجل اسمعي مني ياخاله ولدتس مايحبني ولايبيني من البدايه وانا ماحبه ولا ابيه واثنينا مجبورين على بعض عشان فرح وخالد زين كذا ارتحتي سمعتي الكلام الي تبينه ولدتس يحب مديرته فالشغل واسمها هيام وجت هنا بعد ويبي يتزوجها ويطلقني وش تنتظريني اسوي له اجيب بزر وابلش فيه ويصير بيننا يشيخه قولي كلام غير ذا
فهد : ليش ترفعين صوتتس على امي
ام فهد : ماقالت شى جالسين نتناقش
فهد : سمعت الي ابيه اسمعه امشي للغرفه
زينب : مابي بنام عند ندى
فهد : انا اذا قلت تروحين للغرفه تروحين بدون معاند
زينب : انت تعاند انا بعاند اكثر
فهد بعصبيه : اقول انقلعي للغرفه بسرعه وجايتتس
زينب : اوففف
فهد : تكفين يمه لاتسكتين لهم وانتي ندى سامعتها مطوله صوتها وساكته
ندى : انت جيت على اخر شى هم كانو يتناقشون هي صح قلت ادبها شوي بس مايعني تهاوشها
فهد : انا اعرف كيف اربيها من جديد عمتي وزوجها ماربوها
ام فهد : انا تعبت افك بينهم يستاهلون كلهم
ندى : قايله لتس ريحي راستس يالغاليه هذولي هواشهم مايخلص
ام فهد : وانتي الصادقه
~~~ في غرفه فهد وزينب ~~~
فهد : من متى ترفعين صوتتس على امي تكلمي ترضين ارفع صوتي على امتس وابوتس
زينب : لا
فهد : ليش رافعه صوتتس اجل
زينب : مارفعت كنا نتكلم انت جاي على اخر شى وتحاسب
فهد : اي بحاسب انا معلمتس ومحذرتس امي وابوي خطط احمرر امشي مزحتتس مع ندى وفرح بس امي وابوي صوتتس مايرتفع عليهم فاهمه
زينب وهي تصيح : انت جاي على اخر شى وتهاوش امك هاوشتني وامي هاوشتني وقالت احسن واختك هاوشتني وحريم اخوانك بعد وانت جاي فوقها تهاوش انا غلطانه وبعترف بس كلكم واقفين ضدي ليشش
فهد حس بتانيب ضمير : ماله داعي تصيحين ماقلت شى يصيح
زينب : الا قايل تجي تهاوشني وتصرخ علي قدام اهلك وتضربني بعد وتقول ماقللت شى وش باقي بتسوي بعد
فهد : معليه اسف اني طولت لساني ويدي بس انتي تعاندين وتجبريني
زينب : خلاص اذا ماتبيني ودني عند بيت اهلي وطلقني تعبت اتحمل
فهد : امسكي امسكي منديل ياام دميعه محد يتناقش معتس
زينب : تسمي ذا نقاش اجل هواشك كيف
فهد : ههههههههههههههههههههههههههههههه خلاص عاد اعتذرت تعالي عندي
زينب : وخر عني ماهو وقت محارشك
فهد : اجل وقت شهاقتس على شى مايسوى
زينب : مايسوى ها مايسوى كل شى عندك مايسوى وماله داعي بس لو عليك كل شى مهم ولازم وواجب
فهد : حابسه كل ذا بقلبتس علي تكلمي زياده نشوف وش عندتس
زينب : انا رحت صح عشان اشوف العروس وبنفس الوقت بشوف انت وينك
فهد : وش شاكه فيه
زينب : خفت رجعت لحبيبتك
فهد : ههههههههههههههههههههههههههههههه تغارين علي ؟
زينب : من قال محد قال
فهد : انت تقولين انتس خايفه ارجع لهيام اسف اسف اقصد مديرتي
زينب : ماله دخل الغيره
فهد : ماتثقين بزوجتتس
زينب : زوجي ؟ ههههههههههههههههههههههههههههههه
فهد : كويس ضحكتي خلاص مسحي دموعتس ترا خوفتيني طلعتي ام دميعه
زينب : الي يصير هنا يبقى هنا لااقوم بكرا واصير مفضوحه عندهم ويسولفون عني
فهد : لا معليتس انا لحالي بطقطق عليتس
زينب : اي نشوف
فهد : انا بروح اقعد مع ابوي
زينب : فهد
فهد : هلا
زينب : انا اسفه اني طلعت بدون شورك بس كان معاند فيك
فهد : زين الي اعتذرتي يابنت عمتي
زينب : وش يضحك
فهد : عيونتس بعد البكيه ههههههههههههههههههههههه
زينب : الشرهه على الي تعتذر
فهد : لا لا خلاص تعالي نتسامح "حضنها" ههههههههههههههههههههههههههههههه مااكلتي
زينب : انت تخلي احد ياكل
فهد : بروح اسوي لنا شى ناكله حتى انا جيعان
زينب : انت بتسوي
فهد : ماتعرفيني تراني طباخ
زينب : يلا ورني شطارتك
فهد : ازهليني

ياكميه الخجل منكم عالتاخير اعتذر ع السحبه الي صارت بس هالفتره مظغوطه من الدراسه مره واخذت فتره راحه وباذن الله راجعين وبقوه بالبارتات الحلوه شكرااااا لدعمكم الحلووو وكلامكم الحلو ودي ارد بس يرفض البرنامج ارد على كلامكم وهذا حسابي الانستا اي شى تبونه بخصوص الروايه اكتبو لي وبرد باذن الله "lo7.eii"
❤️❤️❤️❤️
انتهى البارت