"جابك الله في زحام العمر صدفة "

57

~~~~ في غرفه زينب ~~~
ام فهد : امسحيها بوجهي يابنتي
زينب : لا ياخالتي لا امسحها بوجهك ولا بوجهه عمي الغلط غلط ولدكم محد له دخل
ام فهد : الي تبينه سويه بس لانكبرين الموضوع
زينب : ههههههههههه ماكبر الموضوع تبيني ياخاله اسكت واصبر عالذل والاهانه انا ماعمري انهت ببيت اهلي ولا احد يسترجي يهيني اخذ ولدكم الناقص ويقعد يهيني ويتزوج علي ويضربني بعد وتبيني اسكت وماكبر الموضوع انا لولا انه مااخذ جوالي وقفله كان الحين متصله على اهلي
عفراء : الحين مالوم فهد على اللي سواه صدق انتس ام وجهيين لو تعرفين تفرقين بين الصح والغلط مارفعتي صوتتس على خالتي وهي جايه تهديتس وتاخذ بخاطرتس مايعرف لتس الا فهد
زينب : ام عبدالله اطلعي برا غرفتي
عفراء : طالعه وجعل مالي مقعد هنا بغرفتس المخيسه ونيتي كانت انكد على زوجته الثاني بس طلعتي ماتستاهلين امشي ياخالتي امشي خليها تدق راسها بالجدار
شهد : والله وكبرتي بعيني ياعفراء
~~~ في بيت ابوسامي ~~~
ابوسامي : وش حصيله هالليوم
عبدالرحمن : انا خمسين ريال بس
عزام : وانا وهايل مادخلنا شى
ابوسامي : كذا شغل مارح يجيب مكسب قم انت واياه على حيلك قم
هايل : ياعمي الشمس اكلتنا ومحد جاي خلنا نكمل غدانا احسن
ابوسامي وهو يكب الصحن : قم الغداء خلص
عبدالرحمن : تراه نعمه مايصلح تكبها
عزام : نعنبو المذله ياعيال العم قومو
عبدالرحمن : انا عيشه كذا ماعاد اتحملها ياخوي باقي يطلعنا من الحمام غصب بعد
هايل : حتى لو دقيت على ابوك وش بيقول ؟ توك ماصار لك يوم رايح اهجد بس
عبدالرحمن : الي قاهرني ان ابوي عنده حلال واجد فالرياض وبدال مايوظف ولده موظف ناس غرباء والا عيال اخوياه
عزام : وش تبيي هناك لحالك هنا عالاقل انا وهايل موجودين
عبدالرحمن : ووش ابي فيكم
هايل : لحول يابونفسيه خلاص اسمعني ابوالزعم
عزام : سم يابوالهيل
عبدالرحمن : ههههههههههههههههههههههههههههههه
عزام : وتبي تخلينا ها هذاك تضحك
هايل : الهيل الي تغص فيه ان شاء الله خلوني اكمل هرجتي
عزام : ياكثر هرجك كمل كمل
هايل : شايف منقد هناك ودله وبريق شرايكم نسوي قهوه وشاهي
عزام : يلا قم انت ودحيم
عبدالرحمن : اذلف اقول بقعد عند هالبانزين الين يجون ناس يعبون
عزام : فوق نفسيته الشينه قليل بركه انا بعدل الجلسه ياهايل وانت جب الاغراض
هايل : بجيب المنقد والبريق والدله الباقي من بقالتك
عزام : الزوله بدمكم انتم خلاص اذلف للي وصيتك
هايل : بس كل شى ضبط بقى ولاعه شالسوات
عزام : انا معي
هايل : نسيت انك تدخن
عزام : خذها لاولع فيك
هايل : ههههههههههههههههههههههههههههههه متى ناويه تتركه
عزام : سباق هو
هايل : هذا بيفتك بجسمك ويجيب لك امراض وشى لا يرضي لا الله ولا رسوله ولا امك ولا ابوك
عبدالرحمن : علطاري امك وابوك شجاك عليهم
عزام : كانت سالفه وتسكرت شغل الحطب
هايل : يضيع الموضوع البزر رحت تقوم بواجب نسيبك
عزام : تراكم غثيتوني فيه عساس انت واصل بخالد ولا انت واصل بسياف اركدو
عبدالرحمن : سياف ٢٤ ساعه بوجهي وش اوصل فيه بعد
هايل : وخالد انا واياه نهرج مع بعض بهالجوال بس هالفتره شايل بقلبي عليه
عزام : ابدق ع فارس وخلكم شاهدين وانتظركم عاد تجحدون
هايل : دق دق بس يالقطوع
عزام : الو ابوالفارس شلونك
فارس : ياهلا بالنسيب المختفي بخير الحمدلله شلونك انت
عزام : بخير شلون اختي وحفيدنا
فارس : كلهم بخير وينك ماسيرت علينا سمعت انك جيت للقريه
عزام : والله صارت سوالف وانشغلت وماقدرت اجي
فارس : اي لا باس الجايات اكثر يابعد راسي
عزام : يسلم راسك ماودي اطول عليك سلم علي عالاهل واختي سلام كثيير
فارس : يوصل يابوي
عزام : شفتو الرجال ماهو شايل بقلبه علي داري وش الي صار بالقريه الا ياعيال علطاري الي صار وش صار مع ابوك وخويه ابوسطام وانت شصار مع اخوك
عبدالرحمن : اخوي يبيها من الله ف كويس جت منهم
هايل : بس الحق حق يابودحيم اخوك غلطان هذي افعال تتسوى من رجال معرس وعنده ولده
عبدالرحمن : على قوله عزام يابوالهيل اخوي من مبطي ومن اول مانفتح الموضوع وهو قايل مابيها مايبي يتزوج بس امي وابوي اجبروه وامي يوم راحت شافتهم ارتاحت للبيت بس تقول الام قويه وبتخلي بنتها تجر ولدي وحفيدي ومانيب شايفه وسوالف تشيب بالراس ويوم ابوي سمع امي قالت كذا قال بدق وبقول مابيننا نصيب جاء عمي ابوفهد الله يهديه واجبر ابوي وقال خويي وخبز ايدي واعرفه و و و الين اقنع ابوي من جديد وصار الي صار
عزام : انا حسيت سطام مايبي هالزواج كله
هايل : اي وانت فالرياض ذاك اليوم جاء محمد وكب العفش كله الا سطام يسمعه وصارت سالفه ياله فكيناهم
عبدالرحمن : بالنهايه مابينهم نصيب فاحسن تفركش كل شى
هايل وهو يكح : عم ابوسامي وش جابك
ابوسامي : وش جابني اشم ريحه الحطب احسبه حريق طلعتو انتم
عزام : شرايك ياعم سوينا قعده قبال حلالنا اذا جانا احد نشوفه ونقمز
ابوسامي : اي مابها خلاف بس اننتبهو من الكلابه والذيابه بتغيب الشمس
عزام : الله محيي القمر
ابوسامي : وش قلت
عزام : سلامه راسك يابوي ماتاخذ فنجال
ابوسامي : لا
عزام : بياله
ابوسامي : قلت لا
عزام : فصفص
ابوسامي : وجعه توجعك تعاند انت
عزام : الكرم بدمي ياعم
ابوسامي : قم قم فيه سياره جايه
هايل : تشم السيارات انت ياعمي
ابوسامي : قومو يمال القامه
عبدالرحمن : شجاك انت تعانده
عزام : عشان يتوب مايجي يكلمنا
هايل : هالانسان غريب اطوار لو انه ماعنده بنت كان قلت جني
عزام : شدراك ان الي يطبخ لنا بشر
عبدالرحمن : شلون
عزام : يمكن هو جني وبنته جنيه ويطبخون لنا عادي يتشكلون كبشر
هايل : الله يخرشك ذلحين بقعد احلم فيه
عبدالرحمن : عاد لعلمكم من الحين مانيب رايح للمسجد لحالي بقومكم
عزام: ههههههههههههههههههههههههههههههه يالرخوم بسم الله وش ذا
هايل : عرفنا من الرخمه الحين
عبدالرحمن : بسم الله ياعيال سياره جايه
عزام : يعني كلامي صح
هايل : ماهو صاحي هالعم
~~~ في شقه ميهاف وعبدالعزيز ~~~
ميهاف : وش مناسبه هالسفره
عبدالعزيز : امي وابوي سمعو وعرفو كل شى وانتي بكل بجاحه قايله لامي بعد
ميهاف : من دق الباب لقى الجواب
عبدالعزيز : انا قايل لتس الي بيني وبينتس يبقى بيني وبينتس صح ولالا
ميهاف : صح
عبدالعزيز : وسبب هالسفره على قولتتسس ابوي قال روحو الشرقيه غيرو جو هناك
ميهاف : اي زين عادي اعزم خوياتي
عبدالعزيز : لا بروح ارقد فالمجلس
ميهاف : والله من الطفش بدق على فاتن مالي غيرها
فاتن : ياهلا والله وينتس مختفيه
ميهاف : موجوده موجوده بس نقلنا لبيت عمي فانشغلت شوي والحين مسافرين
فاتن : اوه حركااات
ميهاف : ترا كلها الشرقيه
فاتن : وانتي بعد حتى وانتي مسافره بتنكدين متى بتعيشين حياتتس انتي
ميهاف : تخيلي من شفنا اليوم بالطريق
فاتن : الله يستر من ؟
ميهاف : هايل يافاتن هايل عبى لنا البانزين عجزت اشيل عيني من عليه
فاتن : تستهبلين انتي هذا وهو زوجتتس جنبتس
ميهاف : ماقدرت يافاتن ماقدرت يوم شفته كان روحي رجعت لي كان ايام القريه رجعت لي كاني رجعت مثل ماكنت وروحي خفيفه مو مثل الحين على روحي اشياء ثقيله
فاتن : عاد تدرين ان الي يشتغلون معه عنده بنت وبعمرنا بعد
ميهاف : وطيب
فاتن : عزام بيتزوج اخت هايل ندى هو خاطبها وعبدالرحمن مدري عنه بقى هايل واحس واضحه حركه ابوه
ميهاف : يعني عبدالرحمن ضامنته وهايل لا
فاتن : مدري على كلامه مايبي الا انا ف مدري ياهايل ياعبدالرحمن الي بياخذون بنت الي يشتغلون عنده وقولي فاتن ماقالت
ميهاف : مستحيل هايف يسويها صح
فاتن : وليش مستحيل حلوه ذي انتي تزوجتي وبتكونين عائله وهو لا
ميهاف : سمعت قصايده ببيت عمي فالراديو كلها تبين انه يوعدني مايتزوج
فاتن : بني ادم يتغير تفكيره فاليوم ٨٠٠ مره كيف بالايام والشهور والسنين تستهبلين ياميهاف
ميهاف : مدري بس صح الله يوفقه ويشوف حياته وتعوضه الي افضل مني
فاتن : بعدين وش جاب قصايده ببيت عمتتس
ميهاف : مدري فجاه خالتي شغلت الراديو وسمعت صوته والقصيده الي قد قالها فيني
فاتن : ياصغر هالدنيا متاكده ان دحيم له يد فالموضوع اذكر هو الي يقنعه يشهر قصايده
ميهاف : طيب انا الحين طفشانه ومتهاوشه مع عبدالعزيز وش اسوي
فاتن : وش تسوين بعد قومي تصالحي معه
ميهاف : مابيه مالتس نيه تجين للشرقيه
فاتن : لا وين وش جابني ناسيه انتي متوظفه بمستشفى وصعب اخذ اجازات
ميهاف : طيب عندتس رقم هديل وخويتها اذكر انهم فالشرقيه
فاتن : كان عندتس وين راح
ميهاف : عبدالعزيز حذف كل الارقام الي ماهي جايزه له وكان رقمتس بيكون معهم لو ماسحبت الجوال منه
فاتن : انتي مادريتي وش صار على هديل
ميهاف : لا وش صار عليها اذكر بتاخذ اخو عبدالرحمن
فاتن : صارت مشاكل وتفارقو ابوفهد وابوسطام وبسبب ابوسطام انفصل عزام وتكنسلت وظيفه هايل
ميهاف : اوف اوف كل ذا فايتني
فاتن : اي والله صارت مشاكل قويه وعبدالرحمن كان بيتهاوش مع ابوسطام وولده بس مسكوه عيال عمه وعلى هالسبب ابوه وعمه ابوفهد وابوعزام ودوهم يشتغلون بهالمحطه
ميهاف : ياحبيبتي ياهديل وش مرت فيه
فاتن : وكانت لحالها بعد لولا وجود خويتها معها كان منهاره
ميهاف : الله يعينها ويعوضها بالافضل
فاتن : اي بتاخذ سعود صديق اخوها سطام على كلام ندى ان سعود يحب هديل من يوم كانو صغار وخطبها يوم كبرو ورفض ابوسطام ورجع خطبها ورفض كانت نيه ابوسطام يزوج بنته هديل من عيال ابوفهد وشاف كلهم معرسين مافيه الا هايل قام يرفض سعود الين صارت سالفتتس انتي وهايل وفقد الامل ووافق على محمد من موافقه بنته وبعدين صارت مشاكل بين مححد وسطام وبعدها وافق على سعود ورفض محمد
ميهاف : شكل نفسه للحين يزوج هايل بنته عشان كذا ماتوفقنا انا وهايل
فاتن : ماله دخل حبيبتي انتي محجوزه بعد لولد عمتتس من يوم كنتو صغار وانا قايله لتس قبل تحبين هايل بس ماسمعتي لي
ميهاف : اي راحت هالايام وخلصت وماني ندمانه ابدااا اني حبيته
فاتن : انا اقول خذي العلم مني وقومي تسامحي مع زوجتتس وتقبلي حياتتس معه لايكرهتس وتندمين
ميهاف : لو تجين للحقيقه مالي غيره ماعندي لا ام ولا اب ولا اخ ولا اخت ولا جد ولا جده ماحد يحبني كثره
فاتن : ودامتس عارفه الحقيقه الصح ليش تكابرين
ميهاف : اعاقبه
فاتن : ماسوا شى غلط هو يحبتس وخطبتس مثله مثل باقي المحبين
ميهاف : لو يسمع دفاعتس عنه حبتس وتركني
فاتن : اقول اهجدي وانا ماادافع الا مع الحق وانا ماعرفه اصلا وماعرف كيف يعاملتس بس من كلامتس احكم والي اشوفه ان عبدالعزيز هو سندتس الوحيد
ميهاف : صادقه بمحي الماضي كله وببدا صفحه جديده معه
فاتن : ايوه الحين قاعده تقولين حكم
ميهاف : يلا مع السلامه
فاتن : هلابتس حبيبتي
~~~ فالمجلس ~~~
ميهاف : عبدالعزيز قايم ؟ وشفيه مايرد عزيز ترا ادري انك قايم ف رد بسرعه وين الريمونت حق التلفزيون انا اقومك الحين بطريقتي
عبدالعزيز : خير خير مطوله كذا ووض جابتس عندي هنا
ميهاف : وش وش جابني انا زوجتتس نسيت اذكرك
عبدالعزيز : امحق زوجه لاتذكريني
ميهاف : انا اقول خل الدلع وقم خلنا نتمشى ونتعشى
عبدالعزيز : مافيه ماشوف انتس تستاهلين اقوم من نومتي عشان امشيتس واعشيتس
ميهاف : ههههههههههههههههههههههههههههههه حاقد علي افا افا ياعزيز كل ذا بقلبك
عبدالعزيز : خليني ساكت احسن لتس
ميهاف : تراني جايبه السوني ف شناطي السفر
عبدالعزيز : ووش اسوي ؟ بعدين ليش تجيبينه اسوفها ثقيله تقطع قلبي وانا اشيل
ميهاف : عاد ياخي خل نفسك الشينه على جنب وقم احنا مسافرين عشان ننام
عبدالعزيز : هو المفروض عشان ننبسط بس انتي ماتستاهلين
ميهاف : خلاص طيب لف علي بكلمك
عبدالعزيز : اسمعتس ترا
ميهاف : لا ابي اشوف وجهك الحلو عشان تنفتح نفسي واقدر ارتب كلامي
عبدالعزيز : ها شتبين لفيت
ميهاف : ههههههههههههههههههههههههههههههه خفيف اسمع انا اسفه وحقك علي المفروض ما اقول كلام كذا وانا ادري انك جالس تحاول تبني لنا عش سعيد انا كنت حاقده عليك ومقهوره من الي سويته واحسبك قاصد تسوي هالشي ومتفق مع ابوي بس مادريت انك فعلا تحبني هالكثر وان نيتك ماكنت كذا وماكنت ادري انك حاجزني وتحبني من يوم كنا صغار فانا لما قلت لامك هالكلام وهي علمتني كل شى عنك غيرت رايي وقلت لازم اعطي عشنا السعيد فرصه ومااخليك تحاول لحالك ترضي جميع الاطراف انا بحاول معك واول مانرجع من الشرقيه بعتذر من امك وابوك ووعد ماعاد تسمع انت واهلك كلام مايسركم مني اوهه ها وش قلت
عبدالعزيز وهو يضمها : تراتس قلتي وعد بس لو عصبتي يوم وقلتي كلام ماهو زين بسامحتس واعذرتس لان دايما بيكون خطاتس بعيوني صواب
ميهاف : يعني رضيت
عبدالعزيز : المفروض ماارضى بس تبين الصراحه انا بعد طفشان وانت واحد منا يبادر ويتكلم
ميهاف : وكالعاده انا
عبدالعزيز : اي اي انتي اجحدي
ميهاف : بقوم البس عباتي وانت شغل السياره
عبدالعزيز : بصلي العشاء ماشاء الله عليتس ماقومتيني
ميهاف : مادريت انك نايم
عبدالعزيز : يلا يلا بخمس دقايق ابيتس جاهزه
ميهاف : من عيوني
عبدالعزيز : شكل فيه شيخ من وراي قاري عليها ولا شكله عشان مصلحتها تقول هالكلام لي
ميهاف : ترا اسمعك
عبدالعزيز : ههههههههههههههههههههههههههههههه
~~~ في بيت ابوفهد ~~~
شهد : خلاص خلصتي كل الفصفص الموجود
عفراء : قاهرتني هالزينب قاهرتني قهر
شهد : سمعتتس وانتي تدافعين عن خالتي كبرتي بعيني
ندى : ليت الي سامع زامل
عفراء : اي مايهمني
ام فهد : عاد كنت ناويه اقوله
عفراء : صدق ياخاله يعطيتس العافيه
ام فهد : علطول يوضح كذبها ههههههههههههههههههههههههههههههه
هيام : السلام عليكم
عفراء : يوه قطعع
هيام : طفشت لحالي فالغرفه فقلت اجي اتسلى معكم
عفراء : ومن قايل لتس اننا جالسين نتسلى
هيام : اجل
عفراء : هالوقت يوقومون الكنايين الجدد يتسلون فالمطبخ يسوون لنا طبخه جديده
هيام : اوه كذا نظامكم عندكم مطاعم هنا بطلب لنا عشاء
ندى : عروض مغريه بس ماتغرينا
عفراء : عندنا راس خروف وكرعانه وشحمه ولحمه قومي اطبخيهم
فهد : ام عبدالله لاتامرينها هيام تعالي ابيتس
هيام : طيب
فرح : عفراء لاتخربين عشتتس
شهد : متاكده انه راح يعلم زامل
عفراء : اي ويعلمه ماقلت شى غلط ذا نظام بيتنا
ندى : تبين اذكرتس
عفراء : انتي انطمي
زامل : عفراء تعالي ابيتس
شهد : والله اني حاسه
~~~ بغرفه عفراء وزامل ~~~
عفراء : هلا وش بغيت
زامل : من سمح لتس تامرين زوجه فهد
عفراء : قلت لها نظام بيتنا ماقلت شى غلط
زامل : لو هالنظام موجود ماتدلعتي انتي تبين اذكرتتس بماضيتتس وحركاتتس
عفراء : ماله داعي هالحركات يازامل ماتتغير انت
زامل : لا ماتغير دامتتس ماتغيرتي للحين حقود ماتتغيرين
ام فهد : زامل لاترفع صوتك عليها
زامل : الحين تبوني اتقبلها وينكم قبل
ام فهد : ام عبدالله ماقصرت وكلنا نغلط بدايه زواجنا محد كامل ولاتحملها الغلط لحالها كان عاجبك الي كانت تسويه والحين تدافع مع هالغريبه
زامل : فهد سمعني كلام ماينقال
ام فهد : حتى زوجه فهد الاولى سمعتني كلام ومحد دافع عني غير ام عبدالله وسكتتها والزمتها حدها وقف حركات بزران غير ام عبدالله مارح تتزوج لاتحاول تعالي ياعفراء تونسي معنا وخليه يصحصح اغلاطه الي سواه والي ناوي يسويها
عفراء : الله يخليتس لي ياخالتي
ام فهد : ماسويت شى يابنتي انا ارد الجميل بشي اجمل منه
زينب : خالتي اعذريني على قله ادبي بس والله كنت زعلانه
ام فهد : حصل خير يابنتي انا اعرفتس زين وتربيتي مايطلع هالكلام منتس مقصود
زينب : الله يطول بعمرك ياحبيبتي وش مشتهين عشاء
عفراء : اقعدي بس اقعدي تقهوي انا مزينه لكم العشاء اتحرى بس عمي وسياف يرجعون واحطه
زينب : يابخت زامل فيتتس
عفراء : اي بتردونها لي انا وندى اذا ولدتو
ندى : صح صادقه
شهد : ابتصل على سياف
عفراء : اي الله يعافيتس كانهم طولو
شهد : رد الو حبيبي وينك
سياف : ماني قايل لتس خلي هالكلمات ابوي معي
شهد : من عيوني بس وينكم تاخرتو والعشاء خلص
سياف : ابوي بيجيكم حطوه
شهد : وانت
سياف : بجيب خبز وببس وزبادي وبجي
شهد : طيب من عينيا
سياف : تبين شى من البقاله
شهد : لا سلامتك ياقلبي
سياف : الله يسلمتس
عفراء : ماشاء الله اشوفهم مايتهاشون طلع ذا اسلوبها معه
زينب : جربي مع زامل يمكن يتعدل
عفراء : اعذريني ياخالتي بس زامل ذا مايعرف له الا الي خلقه
شهد : ههههههههههههههههههههههههههههههه خذي كورسات عندي يصير خاتم بيدتس
عفراء : انا يوميا مقابلتس عطيني هالكورسات
شهد : اي بس ماهي مجانا
عفراء : عزالله
ام فهد : وش قال سياف
شهد : عمي جاي وهو بيجيب اغراض من البقاله وبيجي
ام فهد : زين اجل ابروح اسال ابوفهد نحط العشاء ولا نتحرى سياف البقاله ماهي قريبه منا
عفراء : زين وعطيني خبر ياخاله
ام فهد : طيب ندى الحقيني بالقهوه والشاهي لابوتس واخوانتس
ندى : من عينيا على قوله شهد
فرح : بيمسكونها عليتس
شهد : جوي ههههههههههههههههههههههههههههههه

انتهى البارت

قراءه ممتعه يا اصدقاء 🫶🏻💞