"جابك الله في زحام العمر صدفة "

46

~~~ في بيت ابوفهد ~~~
ابوفهد : يامرحبا والله وياهلا بالضيوف البيت بيتكم حياكم
صالح : الله يبقيك ياعم ماقصرت
ابوعزام : ها شلون شايفين قريتنا
عمر : للحين ماشفنا شى عشان نحكم
ابوعزام : ماوراكم هايل
صالح : متفقين اليوم نطلع انت اسكت تعرف وش صار امس
عمر : نسييت
ابوفهد : الا يابوعزام ولدك يالقطوع وينه
ابوعزام : ووش جاب هالسيرة يابوفهد
ابوفهد : ولد اخوي واسال عنه
ابوسطام : استهدو بالله عيب بحق الضيوف
ابوعزام : ماقلت عن عيالك انهم قطوعين
فهد : بايش قطوعين ٢٤ ساعه بوجهه بعض
ابوفهد : عيالي هنا وفالقرية ويشتغلون جنب محلك ليش تقول عنهم قطوعين القطوع ولدك الي لقى له هالوظيفة واختفى ماقال ادق اسلم على عمامي اجي ازورهم
ابوعزام : وصله الوحيد اهله ويكفي انه واصل فينا خل عيالك يوصلون فيك ماهو عيال الناس
ابوفهد : عزام بمثابه ولدي ماهو من عيال الناس
ابوعزام : لا عزام عنده اب وانت عندك اربع عيال خلك فيهم
سياف : ماقال شى ابوي غلط يوم انك تقول له كل هالكلام
ابوعزام : انت لاتتدخل ورح عمك ابومحمد القطعه الي مسويها ماينقال له شى كل الكلام لي انا وعيالي
هايل : خلصنا ياعمي لاتكبرها وهي قصيرة
ابوفهد : انا اعرف وش الي غاثك بس خذ الرد قدام وجيه هالرياجيل ماعندي بنت للزواج من واحد قاطع عمه
ابوعزام : وش جاب هالطاري تتكلم فيه قدام ضيوفك
ابوفهد : لاني عارف وش سبب كلامك ذا لاني ماعطيتك الرد للحين
ابوعزام : وتعتبر ذي الافعال من شيم الرجال مااقول الا الله يخلف من دخلت ناس بيننا وانت مانت ابوفهد سلام
ابوفهد : من قصدك بدخلت ناس بيننا هذولي اهلي وناسي
ابوعزام : خلهم ينفعونك بدال اخوك
ابوسعود : استهدوا بالله يارجال محلوله باذن الله
عمر : نشبت اللقمه في حلقي
سعود : ابلعها
عبدالرحمن : ليش سكتني كان رديت عليه
زامل : اذا شبت النار لاتزيد الحطب
عبدالرحمن : يتكلم عن ابوي وماتبيني ازيد الحطب الا بزيد ديزل بعد
هايل : اهدا انت تعرف عقله على قد الحال
عبدالرحمن : كل خوفه اني اخذ عروسه ولده ازعجنا ف ولده
هايل : ورع اهجد الي تتكلم عنها اختي
عبدالرحمن : انا عارف طيب بس هو متى يفهم مدري
ابوسطام : اكرمك الله يابوفهد وهد وروق اكيد انك متعود و هالاشياء تصير بين الاخوان ابوسعود مستعجل يبي يرجع لشغله ف ودي نوديه يشوف المزارع مستعجل الرجال
ابوسعود : صحيح صادق ابوسطام مستعجلين عالرجعه الاشغال واجده
ابوفهد : زين زين يلا مشينا
سعود : ابشغل سيارتي
ابوسعود : اي قم فز وشغلها
~~~ في غرفة ندى ~~~
زينب : ايه تكلمي وشفيتس
ندى : مافيني شى
زينب : فيتس فيتس تكلمي بس
ندى : مدوي بس مضغوطه وطلعت الحره فيكم
زينب : من وش مضغوطه
ندى : من كل شى وعلى كل شى
زينب : مثل
ندى : احس محتاجه فتره نقاهه برا البيت الكل منضغط والكل لحاله حتى هايل الي كان يسمع لي تغير وفرح اتصل ماترد
زينب : وانا ويني شهد وينها قبل انتي وهي مثل الجلد والعظم وش صار
ندى : ذاك زمان شهد من خذت اخوي وهي متغيرهه
زينب : انتي عشان كم حدث غيرتي الناس كلها محد متغير بس بعد محد بيقعد يضحك طول الوقت اقتنعي بهالشي
ندى : محد مضايقني كثر هايل كيف كان وكيف صار حسبي الله على من كان السبب
زينب : هذا درس لهم البدايه الي ماترضي ربي نهايتها مارح ترضيك
ندى : اشوف امس فهد الي ماعمري شفته فالمطبخ داخل يسوي اكل لكم
زينب : اي حبيبتي الي مايعدلونه اهله زوجته تعدله
ندى : اعلمه ؟
زينب : علميه تعدلت علاقتنا ابشرتس وصرنا زوجين صالحين لعيالنا فالمستقبل
ندى : اوهه يعني الحين سباق انتي ولا شهد بتولدون
زينب : خليني احمل بعدين اشارك فالسباق
ندى : يعني خلاص مديرته ذيك ذلفت
زينب : اي اي ذلفت احد يترك القماري ويروح عند القرود
ندى : وانتي الصادقه خلاص روحي ساعديهم برقد انا
زينب : شكل هالنفسية كلها بسبب النوم
ندى : يمكن ههههههههههههههههههههههههههههههه
~~~ في المزرعة ~~~
ابوفهد : هذي مزرعتي قبل فترة احترقت وخسرت كل شى فيها بس نسيبي ماقصر وحط يده في يدي ورجع شغلنا مثل اول
ابوسعود : وش شغلك فيها
ابوفهد : نزرع خضره وفواكه ونبيعها على المحلات
ابوسعود : ماشاء الله والله فكره ممتازة
ابوسطام : وذي مزرعتي الي ناوي ابيعك اياها
ابوفهد : بتبيعها
ابوسطام : اي والله يابوفهد انا جيت هنا عشان ادور لي زبون ياخذها لو خليتها باسمي وحطيت عامل مااضمن وش يسوي ووش يدخل ووش يطلع وانا مقري الاساسي الشرقية وابوسعود وده بمزرعه ودليته على حقتي
ابوفهد : شكلك طفشت من قريتنا ناوي ترجع
ابوسطام : ماطفشت بس خلاص انت تعرف ان شغلي واهلي هناك وكم لي قاعد هنا حول ثلاث شهور
ابوسعود : كبيرة مزرعتك ماشاء الله
ابوسطام : وفيها بيت بوسطها ووسيعة وبتجوز لك يمديك تحط فيها حلالك كله
ابوسعود : بس تضمن لي لارجعت الشرقية محد يجي حلالي
ابوفهد : ذي صعبه نضمنها لك
ابوسطام : حط ولدك
ابوسعود : لا يابوسطام احط ولدي لحاله هنا لا
ابوفهد : ماضر ولد اخوي حاطه من يوم كان صغير ابد متربي مع عيالي
ابوسعود : ولده وهو صغير تعود ولدي ع كبر لا لا بشوف لي عامل من عمالي امين
ابوسطام : الي تشوفه وش قلت الحين
ابوسعود : خلاص ابد تم انباعت
ابوسطام : الله يعطيك خيرها ويكفيك شرها
ابوفهد : مبروك
ابوسعود : الله يبارك فيك عاد استاذنكم ابمشي للشرقية
ابوسطام : وشفيك مستعجل
ابوسعود : انا جاي لسببين السبب الاول عشان المزرعة والسبب الثاني ماودي اقوله واحنا واقفين
ابوسطام : اجل يله اركبو السياره نرجع
ابوسعود : اي يلا
~~~ في بيت ابوسطام ~~~
ابوسطام : صب لعمك قهوه
سطام : سم ياعم
ابوسعود : وينك ياسطام ماشفتك مع العيال
سطام : مشغول شوي مع الاهل
ابوسطام : ايوه عطني العلم يابوسعود
ابوسعود : اي ذكرتني انا جاي ونيتي اخطب بنتك لولدي سعود تعرف ان سعود ميت عليها ويبيها من مبطي والله يوم انه سمع بخطبتها جن جنونه
ابوسطام : خطبتها صحيح البنت انخطبت من رجال اجودي بس عنده ولد
ابوسعود : وليه تظلم البنت مع واحد متزوج
ابوسطام : لاتتسرع زوجته متوفية وولده تعلق ببنتي وجو وخطبو وابوفهد كان الوسيط بيننا وبينهم بس قبل كم يوم جت بنتي وقالت عطهم خبر اننا رافضين
ابوسعود : والله مدري وش اقول مقدر احكم لك ان ولدي احسن الرجال يمكن هالرجال الي خطبها افضل وافضل بس دامها رفضت فهي استاخرت وماارتاحت وماهو نصيبها
ابوسطام : تبي الصراحه يابوسعود سطام يولدي رح جدد القهوة
سطام : ابشر يبه
ابوسطام : الرجال واهله ماطلو بالموضوع لنا الحين اسبوع وماجو يملكون وعلى كلامهم المفروض الملكه الخميس الجاي وبعد ماسوو كل هذا بنتي رفضت
ابوسعود : هذي حركات تطفيش
ابوسطام : والله ماحسيت انعميت عنهم الولد لو تشوفه بتحبه ماشاء الله عليه من المسجد للبيت لشغله ومحترم ومودب ومثقف ورزين بس مشكلته اهله
ابوسعود : الي تشوفه انت كويس لبنتك سوهه وانا عند خطبتي وعندي امل ان بنتك لولدي باذن الله
ابوسطام : انا رافضهم رافضهم بس ودي اقهرهم مثل ماقهرو بنتي
ابوسعود : وش ناوي تسوي
ابوسطام : ابدق عليهم واسال وش صار ووش ماصار ولامني سمعت من ابوفهد انهم جايين للقرية تجي انت ونحط ملكه بنتي وولدك
ابوسعود : ونعزمهم عالملكه
ابوسطام : ايوه
ابوسعود : تم ولدي ولدك وبنتك بنتي والي تبيه ابد تم ويصير
ابوسطام : بيض الله وجهك ماتقصر يابوسعود
ابوسعود : استاذنك ابرجع للشرقيه وعلمني وش يصير وكانك غيرت رايك تراني اول الحضور لعرس بنيتي هديل
ابوسطام : دامني حي ومامت بنتي لولدك
ابوسعود : الله يرفع قدرك يابوسطام استودعتك الله سلمني على ابوفهد سلام كثير وقل له الجايات اكثر ان شاء الله
ابوسطام : يوصل بحفظ الرحمن يااخوي
سطام : وش صار يبه
ابوسطام : كل شى بوقته حلوو صب لي قهوة
سطام : هبشر
~~~ فالمزرعة ~~~
عبدالرحمن : ذي قعدتنا فالليل كان واحد من الرجال يجيب العود حقه ويغني لنا مع شبه الحطب يوهه
عمر : جوي هالاشياء ويننا عنكم من زمان
سعود : وينه هالرجال خل نسهر الليله قبل نرجع
هايل : راح
صالح : فاتنا اجل
عبدالرحمن : مافاتكم شى انا اغني لكم ولا هايل يعطينا من كتاباتها
سعود : اجل تم سهرتنا الليله هنا وش ناقص وعلموني اجيبه
عبدالرحمن : ناقصنا بقيه العيال
محمد : السلام عليكم ياقوم وش قاعدين تسوون هنا
عبدالرحمن : جاء العريس
صالح : الف مبروك وجعلها زواجه الدهر
سعود : هايل هذا الي بياخذ بنت ابوسطام
هايل : اي هذا هو بشحمه ولحمه
سعود : ياهلا فيك
محمد : يوم قال لي عمي ابوفهد انكم هنا جبت الحطب والمنقد واغراض الشوي
صالح : اوه عارفين اجواء بعض
محمد : اي خلاص دحيم وهايل فالمزرعه عرفت وش ناقصهم بيجون باقي العيال ترا وصح ياهايل ترا خالد جاء
هايل : يعني اختي جت استاذنكم ياعيال ابروح اسلم عليهم وارجع لكم مع العيال
عمر : اذنك معك كنت بسوي خوي معه واروح
محمد : شغل الحطب يادحيم بسوي قهوه وشاهي
عبدالرحمن : ابشر
عمر : هات بساعدك
صالح : ياماشاء الله عليهم شغليين
سعود : والله جازت لي حياتهم لو عندهم استراحات اخذنا هنا
صالح : خذ لك بيت هنا
سعود : ابوي معيي مايبيني اقعد هنا
صالح : هذا الي خاطب بنت ابوسطام صح
سعود : اي صح وابوي راح يكلم ابوها بس للحين ابوي مادق وعطاني خبر
صالح : ان شاء الله خير الرجال وجهه وجه الرجال الصالح واذا عاد هو نصيبها انت نصيبك بنت ثانيه
سعود : وانا وشذنبي من تعرفت على سطام وانا حاجز اخته وهو موافق بس ابوها الله يهديه شايفني مانيب قد المسؤولية وعايش على فلوس ابوي واشتري بنات الناس بالفلوس
صالح : من قال لك انه يفكر كذا
سعود : سمعته يعني بقول على لسانه شى ماقاله لا سامعه وادري وعارف بس اذا البنت نصيبي ولا نصيب غيري الا مايصير له درس يعلمه قيمتي وقدري وكيف انه ضيع واحد كانه ولد له ورباني على يده وشاري بنته
صالح : الله يكتب الي فيه الخير وانا اخوك اسمع انا ابي اتطمن على ولدي ذلحين كيف الطريقة
سعود : وين حطيته انت
صالح : في بيت العم ابوفهد
سعود : دق على هايل يطمنك عليه
صالح : قلت الصح يلا
سعود : وش اساعدك فيه
محمد : تعطيني ذوقك ف قهوتي وشاهيي
سعود : اجل يلا اتحراك وتراني اقول الصدق ماعندي
محمد : هذا المطلوب تدري تعال حط القدوع
سعود : وشي القدوع
محمد : يعني التمر
سعود : اي قل ان قصدك تم يلا
~~~ في بيت ابوفهد غرفه ندى ~~~
ندى : واحشتني يالكلبه وش هالقطعه ماتقولين اختي ادق اتطمن
فرح : والله متعبني الحمل وبيني وبينتس سبب جيتي متضايقه
ندى : عسى ماشر ليكون السلقه زوجتس مسوي شى
فرح : لا هو ياعمري مايحرك نمله ابوه ابوه ساس البلاء كله
ندى : ليش وش مسوي بعد
فرح : كلما قعدت قال تراني مساهم مع ابوتس فالمزرعه ترا لولا الله ثم انا مارجع حال اهلتس مثل ماكان عمتي جهير تفشلت وتسكته وهو صامل قومي اطبخي ساعدي وشفيها حتى لو حامل فهمتي الي يطفشني ابد كذا باختصار
ندى : وش عنده الشايب ليكون يحسب عيشتنا من حلاله كله ساعد ابوي بشغل المزرعه لاينسى ان ابوي عنده محل غير المزرعه
فرح : منان ليت ماتشارك مع ابوي عزالله طلعها من عيني وتخبرين ابوسلطان الي ولد ابوفارس كان بياخذ بنتهم
ندى : اي اي زوج سلمى الحين
فرح : اي عنده ولد اسمه سلطان مطلق وعنده ولد وبنت وجاي يخطب زينب له متخيله
ندى : وجع وش هالبجاحه وش قال ابوزوجتتس
فرح : قال البنت خذت ولد خالها وابوسلطان قال الا مايصير بيننا نصيب
ندى : شلون يعني بيطلق زينب من فهد وبيزوجها ذا
فرح : والله مدري شكله يطفشني عشان اطلب الطلاق ويخلي فهد يطلق زينب مااستبعد افكاره
ندى : مالتس الا تقولين لفهد
فرح : لا بيقعد يلومني ويقول انتي الي وافقتي ويفتح دفاتر تسكرت
ندى : انتي اهم شى خالد معتس كويس بس الباقي يهون
فرح : والله خالد مايقصر ولو عليه جاب لي خدامه بس عشان تاكلني ومااحرك شى وعمتي طيوبه بس هو شيطان شيطان من اسمع صوته اهرب لغرفتي
ندى : ياعمري يااختي طلعتي تعانين عاد ابشرتس زينب وفهد تصالحر وطبخ عنها وصارت سوالف واجد بقولها لتس مم بتقعدين يوم
فرح : يمكن يومين ثلاثه كذا
ندى : واي بتصيرين عمه
فرح : زينب حامل
ندى : لا شهد الي حامل ماشاء الله
فرح : ماشاء الله الله يهون عليها اجل بتولد بعدي
ندى : اي ان شاء الله مين
هايل : انا بعد ليش اطق
ندى : غصب عنك
هايل : جاي اسلم عالاميرة المختفيه
فرح : ياحبيبي ياهايل اعذرني يااخوي بس والله مافضيت
هايل : مافضيتي ولا نسيتينا
فرح : لا شدعوه انتم اهلي وسندي وعزوتي شلون انساكم
هايل : امزح معتس شلونتس ياابوي شخبارتس محتاجه شى
فرح : بخير دامكم بخير انت شلونك ياحبيبي
هايل : على خبرتس ماتغير شى
ندى : كذاب تراه تغير وماعاد ياكل مثل قبل ولا ينام ومغير ساهي وسرحان
فرح : واصلتني اخباره وزعلت
هايل : طبخ ندى مخيس اشتقت لطبختس
ندى : اي اي اجحد اندومي امس
هايل : ممدانا ناكل حشرنا ابوي المهم انتي اسكتي انتي شلونتس مع خالد شلونه معتس ليكون يسوي لتس وجهتس وجهه التعبانه
فرح : لا والله مايقصر خالد الله يخليه لي ووجهي تعبان من الحمل
هايل : اسلم بصير عم وخال بنفس السنه
فرح : اي بحط ولدي او بنتي عندك
هايل : اي ان شاء الله تبين شى قبل اروح
فرح : لا ياابوي سلامتك
هايل : ترا باخذ خويلد بنسهر هناك
فرح : بحفظ الرحمن
هايل : الوو ابوتميم وشفيك
صالح : ابيك تطمني على ولدي
هايل : دامه في بيتنا لاتشيل همه قاعد يلعب مع سالم وبوصي اهلي عليه
صالح : ماقصرت ياابوي
هايل : ماهي بيننا انتبهو لتميم
فرح : من تميم
ندى : ولد خوي هايل الي جاي من الشرقية
فرح : ياماشاء الله وينه انا هالفترة حابه الاطفال
ندى : يلعب مع سالم هناك
فرح : ابروح اشوفه
ندى : وانا هذي امي تناديني الله يعين ع القهوه الرايحه والشاهي الراجع
فرح : اي قومي قومي مالتس غرض
ندى : احمدي ربتس انتس حامل
فرح : ههههههههههههههههههههههههههههههه

انتهى البارت

قراءة ممتعة ❤️❤️❤️❤️ نعتذر عن التاخير الي حصل 🙇🏼‍♀️