"جابك الله في زحام العمر صدفة "

66

~~~ في مجلس بيت ابوسطام ~~~
سياف : يبه
ابوفهد : وش فيك
زامل : صاير شى وجهك ماهو زين
سياف : يبه هايل فالمستشفى وحالته ماهي مستقره
ابوفهد : وشو شقاعد تقول انت
زامل : ماهو وقت مزحك
سياف : دق علي عزام وقال لي والله
ابوسطام : لاحول ولا قوه الا بالله اهدو انتم لايسمعون الحريم
ابوفهد : شغل السياره ياسياف شغلها
ابوسطام : لاتسوقون وانتم بهالحاله خلني اوديكم اسمع مني يابوفهد
ابوفهد : الله يرضى عليك يابوسطام ابعد عن وجهي ماشوف غير ولدي قدامي
زامل : وامي؟
ابوفهد : قل لها وش تنتظر
~~~ في مجلس الحريم ~~~
ندى : زامل بدال هالمقالب خذ عيالك اقول
زامل : مااستهبل ياندى البسو عباياتكم احنا فالسياره ننتظركم
ام فهد : وش فيه زامل وش يقول لتس
ندى : مدري عنه يقول هايل فالمستشفى وحالته ماهي مستقره مدري صادق ولا يستهبل
زامل : والله يايمه مااستهبل
ام فهد : يمه ولدي هايل وشفيه من سوى به كذا حسبي الله
ندى : يمه تكفين اهدي
شهد : طيب وش ننتظر خلنا نروح نركب لانتاخر
ام سطام : صلي عالنبي يام فهد
هديل : يمه خلي ابوي يودينا نسندهم
ام سطام : ايه ايه اكيد ههذا هو يدق علي جيبي عبايتي وعباتس بسرعه
هديل : ابشري يمه
~~~ فالمستشفى ~~~
عبدالرحمن : شصار يادكتوره
ميهاف : نبضه والتنفس سليم بس ماقدر اقولك ان حالته ماهي خطره
عزام : الصوت ماهو غريب علي انتي ماغيرتس الدكتوره الي كانت فالقريه
ميهاف : اي نعم اخوي تفضل
عزام : مستشفى بكبره مالقو غيرتس يحطونها عند هايل
ميهاف : والله اذا كانت اداره المستشفى وطاقم العمل تحت امرك ذيك الساعه تعال وتكلم
عزام : افهميها يابنت الناس ووخري عن ولد عمي صرتي حرمه متزوجه احفظي سمعتتس وبيتتس
ميهاف : كلمه زايده ورح اجيب لك الامن ولاتتدخل باشياء ماتعنيك حاله المريض عندي وانا الدكتوره الوحيده الموجوده فالمستشفى
عزام : الله يستر لايتعب ولد عمي زياده
ميهاف : قليل ادب
عبدالرحمن : وشتبي فيها انت
عزام : قاهرتني كل شى صار لهايل بسببها
عبدالرحمن : ايه وناسي الاقدار خل كل واحد بحاله واهجد ماحنا فاضيين مشاكل
ابوفهد : هايل وينه وين ولدي
عبدالرحمن : اهدا ياعمي اهدا هو داخل بالعنايه
ام فهد : وخرو بدخل على ولدي اشوفه
عزام : ياخاله محد يقدر يدخل عليه اذا دخلنا بتصير حالته اخطر
عبدالرحمن : عمي تفاهم مع ام فهد الدكتوره محرصتنا ماندخل احد
ابوفهد : اهدي يام فهد مالنا غير نشوفه من وراء هالقزازه
ام فهد : وش صار فيك ياولدي من سوى فيك كذا يمه ولدي بيروح من بين يديني هايل يامك تكفى قم
ندى : ياحبيبي انت
ابو سطام : طيب فهمونا وش صار عليه
عبدالرحمن : والله محد يدري بالسالفه غير هايل والرجال الي ساعده
سطام : كيف كذا ماقالو لكم ليش حاطينه فالعنايه
عزام : مطعون ٧ طعنات بس ماندري من
ابوفهد : وانتم وينكم يومه يطعن وينكم فيه
عبدالرحمن : يشهد الله ياعمي ان انا وهو رحنا للمسجد واحنا راجعين هو قال اسبقني وقلت له بقعد معك قال لا شويات وجاي وانا رحت ومارتحت لتاخيره وصار الي صار
ابوسطام : يعني هو طعنوه ورموه عندكم فالمحطه
عزام : ليت كذا كان امدانا ننقذه للاسف انه خسر دم لمده ٣ ساعات
سطام : ووين الرجال الي ساعده
عبدالرحمن : ماندري ماشفناه راح قبل نجي
ابوسطام : واذا الرجال الي ساعده له يد فالموضوع الوضع ماينسكت عنه انا بلقاه لكم وبجيبه نفهم منه وش صار
~~~ بعد ثلاث ساعات فالمستشفى ~~~
ابوفهد : يابوتس فرح تبين ترتاحين فالسياره
فرح : لا يبه انا مرتاحه
ندى : وش هالصوت وش صار يادكتوره يادكتور
عبدالرحمن : بسرعه بسرعه
ميهاف : وخرو شوي لو سمحتوو لحد يدخل نادو الممرضه والدكتوره فاتن بسرعه
فاتن : ليش التنفس موقف
ميهاف : النبض ضعيف
فاتن : لازم نسوي انعاش
ميهاف : قاعد ينزف
فاتن : وصيتك تراقبين حالته وجروحه اهخ ياميهاف وخري
~~~ برا الغرفه ~~~
ام فهد : امك هايل لاتموت تكفى ياولدي لاتموت
سياف وهي يصيح : ياوجه الله
فهد : لاتنزل دموعك وانا اخوك انا اعرفه هايل بيقوم الحين يمزح معنا اكيد
زامل : هايل ماهو وقت مقالبك قم تكفى
ميهاف : بحاجه متبرع دم
سياف : احنا اخوانه
عبدالرحمن : تكفين يادكتوره انا
ميهاف : رح وراء الممرضه بسرعه
فهد : يستهبل عبدالرحمن احنا اولى بالتبرع له
سطام : ماهو سباق هو ياخوي المهم تضبط الزمره
ابوفهد : وش صار يادكتوره
فاتن : اهخ تطمنو التنفس والنبض رجعو بس للاسف نزف وبحاجه متبرع
ابوفهد : وخلاص بعدها يقوم
فاتن : نقول ان شاء الله
ام فهد : نبي ندخل نشوفه تكفين
فاتن : والله ياخاله انه ممنوع بس عشانك بعد عمليه التبرع وخياطه الطعنات رح ندخل لمنع تجرثم مكان الطعن
ام فهد : الله يسعدتس ويوفقتس ولاينزل لتس دمعه على غالي يابنيتي
فاتن : امين امين يارب لو سمحت جب كراسي زياده لهم وماء وتمر
الامن : تمام
~~~ في غرفه سحب الدم ~~~
عبدالرحمن : زمرتي تطابق زمرته
ميهاف : الحقيقه لا مو نفس زمرات بعض بس زمرتك تقدر تعطي لكل الزمرات الثانيه فيعني تقدر تتبرع له
عبدالرحمن : الحمدلله خذي مني ١٠ اكياس راضي اهم شى يقوم
ميهاف : ثنتين كافيه جيبو له اي شى حالي ومويه
~~~ عند غرفه العنايه ~~~
ابوسطام : هذا هو الرجال الي ساعد هايل
عبدالعزيز : السلام عليكم
سياف : شجابك انت هنا
ابوفهد : سياف بدال ماتشكره تتهاوش معه
عبدالعزيز : معليه ياعمي خله
ميهاف : عبدالعزيز شجابك هنا
عبدالعزيز : ابعلمتس بعدين
عزام : يعني الحين بتقنعنا انك انقذته ماهو انت الي مسوي فيه كذا
عبدالعزيز : اذا عندك دليل انه انا قدمه للشرطه تفيدنا
فهد : وانت شدخلك نفيدك
عبدالعزيز : انا محامي ومسكت القضيه لاجل اني عارف ان حالته خطره ومارح يقدر يحضر للمحكمه
زامل : ماقصرت حلالنا واجد ونحط له محامي
عبدالعزيز : الله يسلمكم والله يقومه بالسلامه وعمي ابوسطام جابني عشان يسالني بس شكل مافيه مجال للسؤال يقوم بالسلامه
ابوسطام : امسحها بوجهي يولدي وعلمنا وين لقيته ووشلون لقيته
ابوفهد : واحد يتكلم عليه ابلطمه بيدي الين تنتثر اسنانه تكلم
عبدالعزيز : كان عندي شغل بمنطقه غير الرياض وانا دايما امر من هالمحطه اصلي فيه الضحى وامشي لان هي المحطه الوحيده فالمقطعه ذيك الي عندها مسجد وصليت وخلصت وانا ماشي وبغيت الحمام الله يكرمكم ونزلت من السياره الا اشوفه رجال طايح مادريت انه ولدكم لانه طايح على وجهه توقعت عامل وشليت وساعدته حاولت اقومه الين شفت الدم وسحبت على شغلي الي مفروض اروح له ورجعت للرياض مره ثانيه ووديته المستشفى وبلغت الشرطه وبس
ابوفهد : ماقصرت ياولدي انقذت حياته
عبدالعزيز : لاشكر على واجب ياعم اهم شى يكون بخير وانا اي مستجدات بقضيته بعلمكم
سطام : يعني للحين مامسكوهم
عبدالعزيز : لا نحتاج هايل يقوم ويقول الي صار معه ويوصفهم
ابوفهد : بيقوم ان شاء الله ولدي واعرفه
ابوسطام : ماهو احسن ناخذ اهلنا لشقه ولا فندق
عبدالرحمن : ماله داعي ياعمي بيت ابوي موجود
ابوسطام : فيك الخير ياولدي وباهلك بس مالنا طبه فيه
عبدالرحمن : امسحها بوجهي ياعم والي صار فات وخلص وابوي بيفتح لكم قلبه قبل مجلسه
ابوسطام : مايقصر ابومحمد بالكرم معروف بس تعرف عندنا هنا بيت وبحط الاهل كلهم فيه
عبدالرحمن : الي تشوفه انتم بعد تعبتو اربع ساعات قاعدين كذا بدون مستجدات ارتاحو وانا والعيال نقعد عنده ونعلمكم بكل شى
ابوفهد : لا لا انا بقعد فهد قم خذ اهلك وحطهم بشقتك مع اهل ابوسطام
ابوسطام : لا اجل انا بقعد وسطام يقعد بعد خذ بس الحريم
فهد : لازم واحد يجي معي سيارتي صغيره
ام فهد : مالي قومه من هنا الين اشوفه قايم
ابوفهد : استهدي بالله يامره احنا هنا وبنعلمكم بكل شى
ام فهد : كله بسبتك وديته عند ناس مايخافون الله قايله لك واصيح عندك خل ولدي قدام ناضرك لايبعد ماندري يطيح بشله سوء ولا يطيح بعيال مثل الي سوو به كذا ماسمعت مني تبي تروح رح انت ارتاح انا ماارتاح غير يرد علي وليدي
ابوسطام : ماعليه يابوفهد تحمل من حر ماتحس قالت هالكلام
ابوفهد : كلامه ليته خطا البلاء انه صح تركت ولدي هناك مادري هو ياكل هو ينام هو مبسوط
ابوسامي : من هالنواحي تطمن يابوفهد محد مقصر معه وبالعكس نفسيته نفسيه واحد توه راجع من سفره بس لابد من مواقف نفس كذا ولو اني قايم ماسمحت لاحد يلمسه
ابوفهد : ماتقصر
~~~ عند الاستقبال ~~~
صالح : وين سويطم ذا تاخر علينا
سعود : الغلط اننا كلمناه لو مكلمين عمي رد
عمر : وانتم وراكم مستعجلين وتقل علاجه معكم اركدو
صالح : ها هذا هو
سطام : تستهبلون وش جايبين معكم
صالح : سعود الله يصلحه يحسب كل شى وله مواجيب
سعود : جبت اكل داري ان لهم اربع ساعات اكيد ماكلو شى فقلت اجيب شى ياكلونه
عمر : وهم لهم نفس ياكلون
سطام : يله يله امشو وراي بس ها عيونكم فالارض ترا فيه حريم
صالح : لاتامر وامش
ابوسطام : اهلا بالشباب ليه كلفتو على انفسكم
سعود : مافيه كلافه ولا شى لكم اربع ساعات هنا فقلت اجيب شى تاكلونه
عمر : يقوم بالسلامة
عبدالرحمن : الله يسلمك الله عمر وش هالصدفه جايين
عمر : ماهان علينا نترككم بمثل هذي المواقف لاتنسى هايل صار اعز الاصدقاء
صالح : الله يقومه بالسلامه وجعله اجر وعافه وش قال الدكتور
عزام : خسر دم كثير وتبرع له دحيم وعاد ننتظر الين يقوم
سعود : ماهو منطق ياعمي تنتظرون الين يقوم تعب عليكم انتم روحو ارتاحو واحنا يالشباب نقعد عنده
ابوفهد : لا والله ياولدي ماتقصرون بس محد قادر يتحرك غير نشوفه مفتح عيونه
سطام : لاتظغطون عليهم ابوي جرب قبلكم وعيو
صالح : قاعدين عالارض وين كراسي هالمستشفى
عبدالرحمن : ها دكتوره شصار
فاتن : ماصار شى
عزام : ماهو منطق يادكتوره نايم له اربع ساعات
فاتن : مافهمت عليك تبيه يقوم يركض يعني عشان ترضي منطقك ؟
عزام : قولي انه غيبوبه عشان نفهم
فاتن : تمام ماكنت بقوم بس دامك عرفت ضروري الباقي يعرف ياعم وياعمه هايل بغيبوبه ماندري كم مده تدوم ف جلوسكم هنا ماهو حل ولا علاج له انا تكلمت من اداره المستشفى وعطيتكم زياره يوميه بشرط يكون شخص واحد الي يدخل فعشان كذا لازم تطلعون من المستشفى
عبدالرحمن : ومتى وقت الزياره
فاتن : اي وقت تقدرون تجون بس ركزو شخص واحد الي راح يدخل
سعود : والغيبوبه كم فترتها
فاتن : طبيًا من شهر واكثر ولكن اذا هو عنده اراده قويه رح يقوم
عبدالرحمن : سمعت ياعمي وش قالت الدكتوره
ابوفهد : يله مشينا شغلو السياره
ام فهد : وليه ماقلتو من قبل
فاتن : كلنا ياخاله توقعنا قبل انه بالكثير اربع خمس ساعات ويقوم ولكن اعتقد انه هذي غيبوبه
ندى : الله يقومك بالسلامه ياحبيبي
عبدالرحمن : ياعيال انا بقعد
صالح : سياف عادي تاخذون تميم معكم مادري وين احطه وابقعد مع العيال
سياف : له مكان فالقلب قبل البيت افا عليك يابوتميم
فرح : تعال ياحبيبي
سياف : ها طاح باختي الي تحب البزران
صالح : لا خلا ولا عدم يابوهايل
ابوسطام : خذ هذي صرافتي واي شى تحتاجونه حاسب فيها
سطام : لاتوصي حريص
سياف : انا بقعد يايبه واي مستجدات بعلمكم
ابوفهد : هالعين ماهي نايمه هالليله بس نجاري الاوقات
~~~ في سيب المستشفى ~~~
سعود : مافيه غرفه ناكل بها ابك انت وجهك اصفر مااكلت
عزام : متبرع بدم ومااكل غير تفاحه
سعود : ماشاء الله عليك اشوا اني جايب اكل
عبدالرحمن : مالي شهيه والله بالعافيه عليكم
عمر : اخوانه ماسوو كذا بتسوي بنفسك انت كذا
سطام : يوه ياعمر الي بين دحيم وهايل اكبر من اخوه
عمر : مابعد الاخوان شى
عزام : هم اكثر من كذا
سعود : وين ابوتميم
~~~ برا المستشفى ~~~
صالح : والله اني داري تدخن من وراء البيبان وقدام اهلك ماتسترجي
سياف : ليش لحقت فيني
صالح : وش قاعد تسوي هنا تحسب هالسم بينسيك الي صار
سياف : مايحتاج تقول هالكلام الي داخل اخوي وقطعه من قلبي ماقدرت اساعده باي شى
صالح : ليه تبيه تذله
سياف : شتقصد
صالح : لا قام ماهو كل واحد فينا بقول له وش سوا ووش ماسوا كذا بنذله هايل مايهمه هالاشياء كثر انه يعرف غلاته بقلب كل واحد فينا
سياف : مقهور يابوتميم ابي اعرف من مسوي كذا
صالح : ماعليك وين مايهربون بينمسكون امسح دموعك وقم يله ندخل ناكل
سياف : مانيب جوعان
صالح : اي ميخالف قم ندخل عارف اذا قفيت بتقعد تبتسي بالسيسان مثل القطو
سياف : اذا انا ماصحت من الي بيصيح
صالح : ولو تدخل وتقول هالكلام لعيال عمك قالو احنا اكثر

انتهى البارت

قراءه ممتعه 💞