"جابك الله في زحام العمر صدفة "

32

~~~ فالرياض تحديدًا فالمستشفى ~~~
ابوفهد : يارب بخير وينه هالدكتور تاخر
ابوسطام : استهد بالله وادعي له يبوفهد مايصير الا الي كاتبه ربك
ابوفهد : يارب يارب هايل دق على عمامك يبوي يجون
هايل : ابشر يبه الو سياف دق على عمي ابومحمد يجي للمستشفى جدي تعبان
سياف : وشفيه جدي
هايل : تعبان شوي ابوي يقول خلهم يجون عمامك وعمتي دق عليهم ماعندي ارقامهم
سياف : طيب طيب بدق
ابوسطام : هلا يبوي رح جب لنا ماء ارياقنا نشفت
هايل : ابشر ياعمي
ابوسطام : تصيح قدام ولدك يبوفهد وهم يستمدون قوتهم وضعفهم منك امسح دموعك ابوك ماعلمك تصيح بهالمواقف
ابوفهد : وش تبيني اسوي يابوسطام ابوي داخل ومدري وش يسوون فيه وخايف عليه
ابوسطام : اهدا اهدا الاعمار بيد ربي وهو تعبان وماقال لكم من مده الله يهديه
ابوفهد : وين راح هايل
ابوسطام : قلت له يروح يجيب ماء الين تمسح دموعك
ابوفهد : ابيه يجيب الدكتورات الي هناك عشان لو بغينا زياره يساعدونا
ابوسطام : تعرفونهم
ابوفهد : وحده منهم بنت اختي المرحومه بس قاطع فيها
ابوسطام : وللحين قاطع الله يهديك يبوفهد هذي وصيه اختكم
ابوفهد : وصيه اختي وامي وابوي بس للحين ماطفى الحريق الي بقلبي بسبب ابوها
ابوسطام : وش ذنبها بابوها وانت تعرف وانا اعرف ان ابوها قاسي وتزوج وحده ثانيه وكلنا نعرف حركات زوجه الاب الله يهديكم
ابوفهد : ان شاء الله اني بوصل فيها بس ابوها لساني مايطب على لسانه
هايل : امسك يبه امسك ياعم
ابوفهد : يولدي دق على احد اخوانك يجيبون الدكتورات هنا
هايل : ليش يبه
ابوفهد : اخاف يرفضون الاجازات ابيهم يفزعون لنا
ابوسطام : يمكن مديرهم يرفض
هايل : يقولون له انهم رايحين مع مريض طوارئ
ابوسطام : كانكم عاد متعودين دق كنت ابقول دق على ولدي بس امه حابسته
هايل : ابدق على اخواني
~~~ فالمركز الصحي فالقرية ~~~
ميهاف : اي اي مو مشكلة
خوله : وين رايحين
ميهاف : للرياض
خوله : ببساطه وانا وش اسوي
فاتن : تعالي معنا ولا روحي عند خويتك
خوله : والمدير وش بتقولون له
ميهاف : رحنا مع حاله طارئه وهنا مافيه مرضى
خوله : تمام اجل بروح عند خويتي
فاتن : موفقه يلا ياميهاف
ميهاف : اي اي يلا
~~~ في بيت ابوخالد ~~~
خالد : يايمه اهدي مافيه شى خطير بس بنروح نشوفه
جهير : بسرعه بسرعه خلنا نروح
فرح : انا بجلس عند ساره وطمني وش يصير
خالد : تمام أبشري
ابوخالد : علمني وش يصير
جهير : مارح تجي وتقوم فالواجب
ابوخالد : ماقالو لي اجي جمعه اخوان مالي فيها
جهير : حسبي الله ونعم الوكيل امسكني يولدي
~~~ فالمستشفى ~~~
ابومحمد : وينه ابوي وينه
ابوسطام : اهدا يبومحمد داخل
ابومحمد : انا حاس حاس
ابوفهد : ويوم انك حاس ليه ماودتيه المستشفى
ابومحمد : معيي معيي
هايل : فهد جاي بالطريق مع الدكتورات يبه
ابوفهد : الله يصلحك يبومحمد هذا وهو امانه عندك
ابومحمد : والله ياخوي عيا وانت تعرف ابوي مانقدر نقول كلمه بعد كلمته
جهير : وين ابوي وينه
ابوسطام : احم انا بجلس هناك
ابوفهد : ماقصرت ياابوي
خالد : وشصار
هايل : للحين داخل ماطلع الدكتور
خالد : ان شاء الله بخير
مرت ساعتين والدكتور للحين ماطلع
فهد : وش صار على جدي
ابوفهد : وين الدكتورات
ميهاف : هلا ياخالي
ابوفهد : تكفين يبنتي طالبتس ادخلي شوفي وراهم ماطلعو
فاتن : مستحيل مانقدر ندخل العمليه ماهي لنا
ميهاف : مافيه شى مستحيل ابشر ياخالي بدخل
فاتن : بنت وين رايحه تستهبلين تحسبنيه مستشفى ابوك العمليه ماهي لنا
ميهاف : من باب اننا نطمنهم نسلك لهم
فاتن : الله يهديتس تقولين اشياء منتي قدها
زينب : يمه حبيبتي
جهير : بيروح ابوي يبنتي جدتس بيروح
زينب : لاتقولين كذا يايمه تكفين بيصير بخير اهدي
~~~ داخل غرفه العمليات ~~~
الدكتور : من انتم ومن سمح لكم تدخلون
ميهاف : خلصت العمليه صح مادخلنا الين الغرفه وبوسط العمليه ننتظرك هنا واحنا دكتورات هنا بس نطبق حاليا بمركز صحي
الدكتور : عرفتكم ميهاف وفاتن
ميهاف : اي والمريض الي داخل جدي طمنا عليه
الدكتور : حلو انه يقرب لك جدك نسبه انه يعيش واحد بالميه وبحط الاجهزه عليه عشان اهله يتطمنون وماينهارون
فاتن : وش سبب الوفاة
الدكتور : جلطه فالراس وفيه اكثر من سنه وماعالج ولا تفاداها والعمر له دور
ميهاف : يعني هو مات
الدكتور : للاسف بس بنحط عليه الاجهزه نقول لعل وعسى يعيش
فاتن : ماقصرت يعطيك العافية
ميهاف : جدي الي ٢٣ سنه ماقمت بواجبه ولا سلمت عليه فجاه يموت فاتن تعبت من كثر الفقد تعبت
فاتن : اهدي ياحبيبتي الموضوع ماهو بيدتس ولا بيدي ولا بيد الدكتور وانتي ماكنتي تدرين هم لو يبونتس وصلو فيتس وطلبو شوفتتس
ميهاف : كيف بنقول لهم
فاتن : خلي هالموضوع علي وانتي روحي لغرفه الانتظار ارتاحي
ميهاف : مدري وش بسوي بدونتس
فاتن : اي اعترفي يلا بطلع اطمنهم
ابوفهد : وش صار وش قال ابوي عايش مافيه شى
فاتن : الحمدلله بخيرابوك حاليا بيكون بالعنايه المركزه وعليه الاجهزه وممنوع كلكم تدخلون عنده بس يمديكم تشوفونه من القزازه برا ومره وحده بالاسبوع شخص واحد يقدر يدخل عنده
ابومحمد : اذا هو بخير ليش حاطين الاجهزه عليه
فاتن : طبيعي كبير فالسن وفيه جلطه طبيعي بتصير عليه الاجهزه تفاديًا لاي حاجه تحصل فجاه
جهير : ابوي فيه جلطه يعني بيموت او مات يمه ابوي تكفى لاتموت
فاتن : اهدي ياخاله مافيه شى ولا مات جيبيها زينب بعطيها مهدئ
ابوعزام : راح عامود البيت راح
هايل : وشفيكم تتفاولون عليه الدكتوره قالت مافيه شى
خالد : الله يشفيه وعافيه ويقومه بالسلامة
"مر يومين وماقام ابومحمد وعياله وبنته يتاملون من وراء القزازة يومين مانامو ولا ارتاحو خايفين من شعور الفقد فقدو امهم واختهم والحين ابوهم رجعو وكانهم اطفال ويحتاجون احد يكذب ويلعب عليهم ويقولون هو سافر مامات بس للاسف هو مات والاجهزه كانت مجرد جرعه امل لعياله"
ابوسطام : صبحكم الله بالخير جبت فطور يله قومو وكلو
ابوفهد : ماني مشتهي بالعافيه عليكم
ابوسطام : ابوفهد لاتسوي بنفسك كذا وقم اكل
زينب : وين اختفى ذا
فاتن : تعالي زينب شوفي
زينب : وش شهقت بقوة
فاتن : بسم الله عليتس شوفي بجاحته
زينب : بكل بجاحه ذي جايه للمستشفى
فاتن : بروح اخذ حقتس برودتس بيقتلني
زينب : اقعدي ليش اتعب واحرق نفسي وهو مايبيني ويبيها خليهم فهد
فهد : زينب وش جابتس
زينب : ماني جايه لسواد عيونك امك تدق على جوالك امسك رد
فاتن : تعجبني قوتها قدوتي
هيام : هذي هي زوجتك اجل
فهد : اي خلاص روحيي للبيت ولاعاد تجين هنا ابوي وعمامي واخوها وامها موجودين
هيام : خطبني واحد وابوي وامي يحاولون يقنعون اتزوج استعجل يافهد
فهد : بس يهدا وضع جدي ابخطبتس ولله
هيام : انتظرك لاتتاخر تكفى مابي اكون لغيرك
فاتن : يارب تكونين لغيره يالحيه
فهد : انا لتس وانتي لي ماهو لغيري
فاتن : يكذب عليتس يالغبيه
ميهاف : شتسوين تتسمعين لهم
فاتن : بسم الله مادريت عنهم هم واقفين عندي
ميهاف : هذا مو فهد
فاتن : الا هو وشافته زينب
ميهاف : البجيح هو وحبيبته انا وهايل ماسوينا كذا
فاتن : نعم حبيبتي
ميهاف : بس ماهو متزوج مثل ذا
فاتن : اي قولي كذا بروح احط المغذي لجدهم اقعدي هنا
ميهاف : طيب
~~~ في بيت ابوسطام ~~~
سطام : يمه افتحي تكفين بروح اساند ابوي
هديل : سامحيه هالمره يمه مايصلح كل العيال هناك الا هو
ام سطام : عشان اختك بفتح لك وخلني اشوفك رايح يمين يسار
سطام : بروح سيدة للرياض
ام سطام : ودي اروح بس ام فهد هنا بقعد معها
خوله : وش صار معتس واضح مليانه كلام
هديل : انخطبت
خوله : ايش ايش تستهبلين صح
هديل : لا
خوله : من ووش اسمه ووش منصبه ووين ساكن تقرير كامل
هديل : اسمه محمد ايوه الاسم الي كنت اكرهه طحت فيه
خوله : يربي الدنيا صغيره ههههههههههههههههههههههههههههههه كملي كملي
هديل : عمره ٢٧ متزوج وزوجته ميته وعنده ولد
خوله : لا هنا ستوب تستهبلين بتاخذين متزوج
هديل : هي صارت سالفه وانا انفهمت غلط
خوله : اسمعتس قولي صبي لي قهوه وكملي
هديل : هو عنده ولد بس مو مهتم له دائمًا يروح يزور قبر زوجته تعرفين هي ماصار لها شهرين متوفيه
خوله : الله يرحمها ايوه
هديل : ومدرسه ولده سالم طلبت ولي امر ومحمد مايرد وعمه سالم كانت تروح معه وتساعده وتحل واجباته بس تزوجت ف هو جاء في بيت ابوفهد صديق ابوي صدفه وكنت موجوده وجلس يصيح عندي ويقول ان جدته قاسيه عليه ومن هالكلام وتعلق فيني وللامانه تعلقت فيه اخذته هنا فالبيت ووعدته اروح معه للمدرسه ومنجد تعلق فيني لدرجه لما نومته عندي وقام ومالقاني جلس يصيح
خوله : يعمري هو كملي
هديل : وامي رفضت وسوت مشكله تقول لاتروحين بس ابوي دعمني ووداني تخيلي يوم رحت لبيت جدته وتجلس تنغز بالكلام
خوله : وريني اياه وخلي الباقي علي
هديل : هههههه تخيلي جلست تحسسني اني ميته على ولدها واني اغتنم الفرصه عشان انقرب من محمد ذا وانا نيتي اساعده
خوله : نواياتس دائما مضيعتس
هديل : وجلست تقول مو لازم وماله داعي وتراه دلوع والولد واضح خايف منها المهم وديته وحليت المشكله ورحت رجعت للقريه لان جدته قالت خليه احنا بنرجعه وابوه يرجعه وجلس يصيح عندهم يبيني وجابه ابوي وقال ابوفهد لاخوه ابومحمد شرايك تزوج ولدك بنت ابوسطام بما ان سالم متعلق فيها وعاد خطب ككلام من ابوي وقال حدد وقت نجي ونخطب رسمي
خوله : اي وانتي موافقه ولا لا
هديل : امي قالت لا وابوي قال بكيفتس وانا للحين مااستخرت
خوله : انا بعد بستخير لتس بالنهايه انتي خويتي رفضي وموافقتي مهمه عندتس
هديل : اي مره
خوله : وش يشتغل لاتقولين انه هنا فالقريه
هديل : لا ظابط فالرياض
خوله : اوف اوف لا ذا كاش اسمعي انا ارتحت له بس قولي له ياخذ لتس شقه غير شقه زوجته يمكن الولد تتعب نفسيته ويتذكر امه
هديل : مدري يختي محتاره احس ان حرام اضيع عمري مع شخص متزوج ويحب زوجته ومارح يشوفني شى بالنهايه انا استحق شباب مايشوف غيري وبنفس الوقت راحمه سالم
خوله : شدراتس ان الشباب فيه خير ويمكن هالشخص هو نصيبتس ويمكن ماتجيبين عيال وسالم يصير ولدتس فيه حكمه بالموضوع صدقيني
هديل : يمه فالتس ماقبلته وش مااجيب عيال
خوله : احط احتمالات
هديل : اشربي قهوتتس بس انتي واحتمالاتس الخايسه
خوله : دائمًا مو مصدقتني كيفتسس اقول تحمست اششوف ذا سالم متى بيجي
هديل : عنده مدرسة وابوه عنده شغل راحو للرياض
خوله : لا عاد متى بشوفه انا بس بجلس شهر هنا
هديل : عندي صورته
خوله : مع ابوه
هديل : هذا همتتس تشوفين ابوه ماهو هو
خوله : عصفورين بحجره وحده
هديل : عندي صوره للولد بس
خوله : وريني اشوفه هذا هو يناسو صغنون كم عمره
هديل : ٦ سنين بيدخل ٧
خوله : توه فالروضة
هديل : اي
خوله : يشبه ابوه ولا امه
هديل : ماشفت امه بس على حسب شوفتي لابوه ففيه لمحه منه
خوله : امم اجل الولد حلو على امه
هديل : اي ليش لا كل البنات حلوات
خوله : اشوف وجهتس ليش ماعاد تعنين بنفستتس
هديل : تشوفين اجواء القريه تساعد اعتني بنفسي
خوله : لازم تعتنين بنفستس مقبله على زواج
هديل : الزواج الي محد راضي فالثاني وموافقين عشان الولد
خوله : طيب يمكن الولد مايبيتس تاخذين ابوه
هديل : ليش متعلق فيني
خوله : فتره عشانتس بعيده عن الرياض بس لو تزوجتي ابوه ورحتو سكنتو بالرياض رح يمل ويمكن اصلا يعاملتس بسوء مايبي ابوه ياخذ وحده غير امه
هديل : اوه اوه فيه هالنوع من الاطفال عاد مالي بمواضيعهم ابدا ولا افهم فيها
خوله : جربو اسالوه
هديل : اصلا يمكن ما اوافق خير شر
~~~ فالمستشفى فالرياض ~~~
ابوفهد : وش فيه ابوي
فاتن : مافيه شى بحط له مغذي
ابوفهد : زين يعطيتس العافية
ابوسطام : سطام ولدي رح احجز شقة
سطام : ابشر يبه
ابوفهد : لاتعني نفسسك يبوسطام مانيب متحرك من هنا
ابوسطام : مايصلح يبوفهد خل الشباب يقعدون عنده فالليل واحنا نمسك الصبح
هايل : صادق عمي يايبه روحو وارتاحو
ابومحمد : طمنا يولدي تكفى طمنا
هايل : على خشمي ياعمي
ابومحمد : دحيم ومحمد وينهم
هايل : بالطريق جايين
ابومحمد : يلا ياختي تعالي اوصلتس بطريقي وخلي خالد يجلس هنا
جهير : لا لا خالد بيوصلني زوجته حامل ولازم يوديها مواعيدها علمنا يولدي هايل وش يصير
هايل : أبشري ياعمتي
ابوفهد : وين ابوك يولد ماجاء
خالد : مشغول ياعمي
ابوفهد : ثلاث ايام مشغول والله الردي ردئ يولدي مايتغير
عبدالرحمن : وش صار
هايل : ابد جالس عالاجهزة كذا
محمد : بس قالو انه بخير
هايل : اي يقولون بخير الحمدلله
محمد : ابروح اجيب شى ناكله من الخرعه مااكلنا شى
عبدالرحمن : زين اسمع هايل
هايل : ها شفيك
عبدالرحمن : انا قمت اشك بشي
هايل : وشو
عبدالرحمن : تذكر الرجال الي جاء وسال عن جدي
هايل : اي وشفيه
عبدالرحمن : بعد مااختفى هالرجال جدي طاح وتعب
هايل : ووش الي خلاك تشك فيه
عبدالرحمن : صحيح مافيه دليل بس قريت ف قوقل ان ممكن الي جاء من ملائكه الموت
هايل : غبي انت اهبدك الحين تصدق قوقل
عبدالرحمن : يعني ماله دخل ابدا
هايل : لا ولا عاد تسال
سعيد : اوه ياعيال وش تسوون هنا يالقطوعين
هايل : هلا والله سعيد اعذرنا يخوي جدي تعب فجاه ونسينا نزورك
عبدالرحمن : شلونك دحيم
عبدالرحمن : بخير بخير
هايل : اجل طالع اليوم
سعيد : اي والله برجع للقرية
هايل : الله يسهل لك دربك
سعيد : اجل كلكم هنا محد فالقرية
هايل : الشباب اي كلنا هنا
سعيد : والحلال وش بتسوون فيه
هايل : مسكر الين نرجع صحه جدي اهم
سعيد : زين الله يقومه بالسلامة يلا تبون شى
عبدالرحمن : سلامتك
محمد : هلا والله سعيد
سعيد : ياهلا بابوسالم
محمد : الحمدلله على سلامتك وانتبه تدخل بهوشات مره ثانيه
سعيد : اي ان شاء الله توصي شى
محمد : سلامتك يبوي
هايل : وشفيك عليه
عبدالرحمن : ماني مرتاح له باختصار
محمد : هذا وهو الي كلاها من هوشتكم
عبدالرحمن : اذا جاء تكلم احد ركزوا وانا الا مااطلع زبده الموضوع
محمد : انا الظابط ماهو انت لاتسوي شى بدون ماتستشيرني
هايل : قل شعندك الحين وش ملاحظ
عبدالرحمن : تذكرون لما جاء ابوخلف للقريه ويجلس يتكلم وكذا
هايل : اي نتذكر
عبدالرحمن : بوسط كلامه قال عدوكم بينكم وان خلف ترك التدخين والخرابيط من مبطي بعد ماطلع من السجن تاب
محمد : وليش شكيت بسعيد
عبدالرحمن : شكيت فيه لان
ابوعبدالعزيز : السلام عليكم ورحمه الله وبركاته
محمد : وعليكم السلام ياهلا
ابوعبدالعزيز : جيت انا واخوي وخويه بعد ماراحو ابوانكم عن قصد
هايل : وليش
صقر : تفاديًا للهواش وتعرفون جدكم غالي عندنا
هايل : اي حياكم
عبدالرحمن : يضمن مستقبله الوصخ ياهلا بعمي شلونك من زمان ماشفتك بالقريه
ابوفاتن : والله بنتي كسرت عنوتي وقالت كلها شهر وهي جايه وبيني وبينك يولدي ماعاد اقوى امسك خط كبرت خلاص
عبدالرحمن : وشدعوه ياعمي اذا اشتقت لبنتك ابد دق علي واجي اوديك لها براس الخدمه
هايل : امسك اخوك لايخطب بنته الحين من الحماس
محمد : الله ينكبه شلونك ياعم شخبارك عبدالرحمن رح جب مويه لنا
عبدالرحمن : تصرفني يالكلب
هايل : رح رح لاتجيب العيد
صقر : وش قالو عن جدك
محمد : والله يقولون بخير صابته جلطه براسه من مده بس ماقال ولا شكى ولا علم احد والحين شوفه عينكم عليه الاجهزة
ابوعبدالعزيز : اي شى تحتاجونه يولدي لايردك شى وهذا رقمي وابيك تطمنا اذا قام
محمد : ان شاء الله ياعمي
~~~ عند الاستقبال ~~~
فاتن : ذا وش يسوي هنا
عبدالرحمن : بسم الله من عينتس طاحت المويه
فاتن : وش جابك هنا
عبدالرحمن : اذكرتس جدي الي هنا تعبان
فاتن : مايحتاج كلكم تجون مسوين جاهييه
عبدالرحمن : اصبري بتاكذ المستشفى باسمتتس
فاتن : يازين من دعسك طس
عبدالرحمن : صح نسيت اقول لتس ابوتس موجود هنا
فاتن : ليش جاي
عبدالرحمن : يعرف جدي
فاتن : اي زين قلت لي
عبدالرحمن : لا حمدًا ولا شكورًا
ميهاف : حرام عليتس ليش تسووين فيه كذا
زينب : بنات فهد اختفى
فاتن : راح مع الحب وانتي جالسه هنا
زينب : كنت بروح مع امي بس الله يهديها قالت ارجعي مع زوجتتس
فاتن : رابطين كل شى بالزوج واذا تزوجتي شردوتس من العائله
ميهاف : تراني سالت جاوبي
فاتن : وش سوالتتس
ميهاف : ليش تعاملين الولد كذا وهو يحاول لحاله
فاتن : من طلب منه يحاول
زينب : اها تتكلمون عن دحيم يوه ياخي هالولد لو تبين عيونه عطاتس
ميهاف : يحبها وهي تسوي معاه كذا صدق ماتستاهلينه
فاتن : اي واذا حبيته قلب علي وراح حب غيري
زينب : وليش حكمتي كذا لو نيته يتركتس ماتقرب من ابوتس
ميهاف : ابوتس هنا يعني ابوي هنا يعني عمي هنا يمه خبوني لايشوفوني
زينب : وليش
ميهاف : رح يقول وش جابتس وهو قايل لاتقربين من خوالتس
فاتن : بينكبنا دحيم اوف مجبوره اشيل الحظر وارسل له
هايل : قفل جوالك لادعسه تحتي
عبدالرحمن : من ذا الي حرق الجوال بروح اشوف
هايل : افضل لان صوته بدا ينرزفني
عبدالرحمن : ايوه فاتن شلتي الحظر
فاتن : مو وقت سخافتك ماقلت لابوي اني هنا صح
عبدالرحمن : ليش
فاتن : قل اي تكفى
عبدالرحمن : اي ماقلت له بس ليش ماتبين اقول
فاتن : لان ابو خويتي موجود صقر يعني وعمها موجود ولو درو بيسوون سالفه لها لاتقول انت وعيال عمك انتبهوا
عبدالرحمن : طيب طيب بروح انبههم لاينكبونا
فاتن : زين يلا
عبدالرحمن : قولي شكرا كش يا هالبنت اساعدها ولا تشكر احم هايل
هايل : شعندك
عبدالرحمن : محمد
محمد : تكلم اخلص
عبدالرحمن : لاتقولون لهم ان بناتهم الدكتورات هنا
هايل : ليش
عبدالرحمن : حبيبتك عمها وابوها هنا ولو درو بيسوون سالفه لها
هايل : تبشر حبيبتي بخيط افمي
محمد : ماله داعي نقول اصلا تمام
سطام : عسى ماتاخرت ياعيال احم السلام عليكم
ابوعبدالعزيز : وعليكم السلام
سطام : من هذولي
محمد : سالفه طويلة نعلمك بعدين
سطام : طيب بما ان الدكتورات الي فالقريه جو هنا ليش مانوصيهم ينتبهون على جدكم
محمد : احم اسكت سطام يبوي حجزت شقه
سطام : وشفيك تقرصني
هايل : سطام ابوي تعال ابيك شوي
عبدالرحمن : جاني هبوط الله ينكبه
سطام : وشفيكم
هايل : اسكت هذولي الرجال ابوان الدكتورات
سطام : وليش تخبون عليهم
هايل : لان صايره مشاكل بيننا ومايبون بناتهم يساعدونا فهمت
سطام : مافهمت بس بسكت
هايل : هذا المطلوب

انتهى البارت

قراءه ممتعة اوجع واكرر مقدر ارد هنا على احد يرفض الواتباد اذا تبون شى تحصلون حسابي الانستا باحد البارتات ارسلو لو بغيتو تسالون عن اي شى يخص الروايه "فقط" وشكرًا لدعمكم الحلوة ومرحبًا بالمتابعين الجدد قراءه ممتعة 💙💙