"جابك الله في زحام العمر صدفة "

63

~~~ صباح يوم جديد في بيت ابوفهد ~~~
ام فهد : ليش فهد مارجع
ابوفهد : احسن لايرجع
سياف : شغله هناك ويمكن خلصت اجازته
ام فهد : وليش ماتبيه يرجع
ابوفهد : بعدين اقولتس فيه رقم غريب من امس يدق علي ومدري من
سياف : كان رديت عليه يبه
ابوفهد : احد يدق الساعه ١٢ بالليل ابدق عليه الحين اشوف منهو هو
صقر : الو
ابوفهد : من معي يابوي
صقر : معك ابوعفراء صقر
ابوفهد : اي صقر ليش داق
صقر : ليش ولدك مسوي ببنتنا كذا
ابوفهد : لا صارت بنتك ذيك الساعه دق وتشرهه
صقر : البنت ابوها متوفي يعني تبي امها تدق عليك ولا وش قصدك ؟
ابوفهد : لا حشى اجل على هالاساس قل الي عندك
صقر : ليش ضارب البنت لذي الدرجه لو شايفها بالعيي مايضربها هالكثر والي ماترضاه على بناتك لا ترضاه على بنات الناس
ابوفهد : بنتك غلطت اسمع مني دامها ماقالت لك السالفه الصح
صقر : حتى ولو كفرت مايخلي الدم من كل مكان يجيها وليش مايدق علي انا اجي اخذها تفشلوني مع نسيبي ووينك انت يوم هو ضربها هالكثر اذا عيالك مرضى نفسيًا يابوفهد لاتزوجهم ولا اقعد رقيب عليهم بنات الناس ماهم منطولين لهم
ابوفهد : صل عالنبي وخلني اتكلم لاتكبر السالفه وهي صغيره
صقر : تكلم اسمعك
ابوفهد : انا كنت عند حلالي يوم تهاوشوا ولا عرفت وش سبب هواشهم الا يوم جاء نسيبك والسبب ان ام عبدالله الله يهديها ويصلحها سبب في طلاق ولدي فهد وحرمته وبنتي وولد عمتها ماترضاها ياصقر يرجعون عيالك اثنين مطلقين ويطلع السبب من زوجه اخوه مايصير بعد
صقر : وليش يطلقها ويحرمها من عيالها
ام فهد : الزواج والطلاق قسمه ونصيب وموضوع العيال مارح نحرمهم من امهم
صقر : على خير ولدك لاتزوجه مره ثانيه وده لمستشفى النفسيه يتعالج
ابوفهد : الله يغثكم من عيال وانت بعد فيك حره طلعها الحين وكملها بعد وطلق وارجع عندنا
سياف : لا يايبه مافيني شى الحمدلله ومانيب مطلق بنت عمي
ابوفهد : زين عساك تفلح من بين اخوانك
~~~ فالمطبخ ~~~
ندى : زينب وراحت وعفراء وراحت وهيام راحت وانتم كلكم حمل من بيشتغل يعني
شهد : والله الاعزب دائما ياكلها
ندى : لا لا حبيبتي انا مااكلها لحالي لو اخلي هايل يغسل موعين
فرح : لايسمعتس بس
ندى : انتي يوم اعرستي وبقيت لحالي فالبيت ووقتها عفراء راحت لاهلها زياره امي من الصبح تقوم سياف وهايل يغسلون المواعين ويحطون فطور ويغسلون الحوش
شهد : احلفيييي تكفين سياف غسل موعين
ندى : والله ماانساها وامي مسكتني الملابس بس وقتها حرفيا ماحسيت بغياب فرح وماكان عندي جوال ولا كان صورتهم ووريتكم
شهد : اخخ فاتني ابشوف سياف وهو يغسل وينظف
ندى : ذيك الفتره امي كانت حيل معصبه لولا الحياء قومت ابوي بعد
فرح : امي عليها فصلات هههههه
ندى : اي والله كانت ايام حلوه اما الحين هايل مغير طاقها هواجيس وسياف مع شهد وفهد مانشوفه الا حسنه بالسنه وفرح كله زعلانه فالغرفه اهخ يااايام زمان قبل فهد يعرس وسياف وقبل هايل يحب هالدكتوره كانت حياتنا حلوه
شهد : اي اي نغزي بالكلام
ندى : عاد انتي بالذات كنتي مشاركتني بكل شى ف ماحسيت بشى جديد يوم اخذتي اخوي
شهد : كنت مونستكم حبيبتي
ندى : وايام سلمى الي من تجي قاعده جنب امي وتصب قهوه وتعطيها تمر
فرح : الا وينها سلمى اختفت
ندى : موجوده هنا فالقريه بس ماتجينا تزور امها بس
شهد : اشتقت لها ودي اشوف وش صار بحياتها
ندى : انا اعلمكم تزوجت فارس
شهد : ذي ندري
ندى : وحملت
فرح : اصدميني وقولي ولدت
ندى : لا توها مابقى شى على ولادتها
شهد : يعني هي حامل قبلنا
ندى : اي وييين قبلكم بكثيير يمكن هي بالشهر التاسع او الثامن
شهد : وين بكثير انا بالشهر الخامس مابيننا شى
فرح : وانا وزينب بالسادس
ندى : الله يعينكم كلما اشوفكم تزيد قناعتي بعدم الزواج
فرح : امي تنادي
ندى : اي مانتي قايمه مامنكم فايده ليكون اذا ولدتو بنقوم فيكم بعد
شهد : لا بروح عند امي
فرح : اما انا فبتقومين فيني
ندى : تخسين هلا يمه جايه
~~~ فالمجلس ~~~
ندى : سمي يمه
ام فهد : جيبي عبايتي
ندى : وين بتروحين
ام فهد : لجارتنا
ندى : اجي معتس
ام فهد : لا لا بروح لحالي جيبي عبايب يله
ندى : ابشري يمه
فرح : وش تبي امي
ندى : عبايتها بتروح لجارتنا بس وجهها ماهو زين الله يستر
~~~ في بيت ام محسن ~~~
ناديا : يامرحبا يام فهد
ام فهد : هلابتس يابنتي
ناديا : بسم الله عليك اتصالك فاجئني وخوفني صاير شى يام فهد ترانا نعاون
ام فهد : ضايق صدري وبينفجر ياام محسن
ناديا : عسى ماشر وشفيك
ام فهد : جيتس هنا عشان ابتسي ماودي اضيق صدر عيالي
ناديا : البيت بيتك خذي راحتك
ام فهد : مقهوره ياام محسن مقهوره اخر عمرنا يصير حالنا كذا
ناديا : فهميني يام فهد وش صاير
ام فهد : اخت زوجي داقه وتبي ورثها من البيت الي احنا ساكنين فيه هي ماهي اخت زوجي وبس هي جده حفيدي بعد ماهان علي اشوف دمعه ابوفهد واسكت بس ماودي اعلم عيالي ويكبرون السالفه
ناديا : خير ماسويتي ابد ابتسي مثل ماتبين الين ترتاحين بس ترا يام فهد ماهو حل
ام فهد : وش الحل اجل وش
ناديا : ياخذ ورثه زوجك من الاراضي الي فالشقراء ويتشري بها بيت او يسوم البيت الي انتم فيه وبورثه من الارض يقسم بين اخوانه وبكذا كسب البيت
ام فهد : الله اعلم بحالنا وانا اختتس المزرعه وخذاها زوج اخته النجس والمحل مامن زباين نكسب
ناديا : الا مايحلها ربي انا اهلي بيجون اليوم وبخليهم يروحون ويتقضون من السوق ديرتنا ويعلمون جيراننا بشقراء عن محلاتكم
ام فهد : الله يجبر بخاطرتس يام محسن ويخلي لتس اهلتس ولا عينتس تبتسي
ناديا : الجار للجار ياحبيبتي واحنا باي وقت معكم وانا ادري ان زوجك مستحيل يكلم زوجي لانه يشوفه صغير بس انتي تعالي وقولي لي وانا اقول لزوجي
ام فهد : والله اني بحاجه سلف وانا مالي احد بهالدنيا ولدي الوحيد الموظف خذا حرمته وراح للرياض وبنتي الي تو تطلقت بتولد ولا معنا شى نقوم بواجب ولادتها
ناديا : الله يسامحك يام فهد ماهي بيننا هالاشياء ولا تستحين ولا تطمنين راسك دامكم جيراننا تبشرون بكل خير وانا بسلفك المبلغ الي تبينه
ام فهد : الله يخليتس لعين ترجيتس
ناديا : بروح اجيبهم دقايق
ام فهد : والله لو يدري ابوفهد ليقوم قيامتي بس شسوي عيال زامل يبون وولد فرح وندى وشهد والبيت يبي وهايل بيروح وفهد راح معليه بردها لها
ناديا : عسى ماتاخرت
ام فهد : لا يامي
ناديا : هذي الفلوس الي طلبيتها
ام فهد : ماتقصرين يام محسن جعل عمرتس طويل
ناديا : وياتس يارب اهلي بيجون اليوم تعالو عندي اليوم بتجوز لك امي
ام فهد : ان شاء الله بحاول استودعتس الله
ناديا : بحفظ الرحمن حبيبتي ياعمري هي
~~~ في السوق ~~~
ابوفهد : ليش قاعد
هايل : وين اروح
ابوفهد : وين تروح يعني
هايل : مدري
ابوفهد : تتليكع قم بسرعه للرياض انت وولد عمك يله عند ابوسامي
هايل : رجعنا يعني ابشر ابشر بس شلون نروح
ابوفهد : خذ سيارتي وبرسل فهد يجيبها منك بعدين
هايل : ابشر المفتاح
ابوفهد : امسكه يله يله بسرعه قم
هايل : طرده ذي
عزام : السلام عليكم شبلاك تدف
هايل : اركب السياره
عزام : الله بنتمشى
هايل : اي للرياض اركب
عزام : اسلم فات دحيم الدشره
هايل : ثور انت بنروح لشغلنا فالرياض
عزام : الله ينكد عليك يخوي امش امش
~~~ فالرياض محطه ابوسامي~~~
عزام : السلام عليكم ياقوم
ابوسامي : وش قومه مافيه غيري
عزام : وين خويك
ابوسامي : قل عمي اقول راح لبيته
هايل : قاعد لحالك ياعم
ابوسامي : معي بنيتي مؤنستي وغاليتي
هايل : الله يخليها لك
ابوسامي : وين ولد عمكم الثالث
عزام : هقينا انه سابقنا
ابوسامي : عساه اعرس وفكنا
عزام : لا تجيب طاريه ياعم
ابوسامي : وليه
عزام : بيتضايق هايل
ابوسامي : ويتضايق شسوي له
عزام : الله يهديك بس انت وهالعناد هايل يورع وينك
هايل : وين بكون يعني
عزام : لاتنافخ عاد
~~~ في بيت ابوفهد ~~~
ابوفهد : ليش تسوين كذا ليش
ام فهد : والله نيتي اني اساعدك
ابوفهد : انا عارف بس انا طالبتس يابنت الناس ترجعين لها الفلوس
ام فهد : تراهم ناس طيبه
ابوفهد : الله يستر عليهم بس رجعيها وقولي دبرها ابوفهد
ام فهد : طيب امري لله بنتظر ثلاث ايام وبرجعها لها عشان ماتزعل
ابوفهد : الا مايحلها ربي
~~~ في مجلس الحريم ~~~
ندى : وش صاير يمه
ام فهد : ماصاير شى ترا جارتكم عازمتها اهلها بيجون
فرح : صدق؟ عاد ضايق صدري من البيت
ندى : بتروحين لبيتها مو شى جديد
ام فهد : خلاص اجل تجهزو بنروح
شهد : خالتي عادي اروح معكم
ام فهد : مايبيلها استئذان يابنتي اكيد
شهد : لان سياف ماهو فيه فقلت استذنتس
ام فهد : روحي اجهزي روحي
ندى : يمه تهقين اهلها اغنياء ورافعين خشومهم ولا متواضعين مثلها
شهد : وليش حكمتي كذا يمكن كلهم طيوبين
فرح : ليت ام عبدالله معنا
ام فهد : عالطاري عيال زامل وينهم
ندى : عطيتهم جوالي يلعبون فيه وبغرفه امهم
ام فهد : فرح دقي على اخوتس يرجع يقعد عندهم يله
فرح : ابشري
~~~ في بيت ام محسن ~~~
ام محسن : ياهلا ومرحبا يام فهد حياك الله ياقلبي هذي يمه جارتي الي سولفت لك عنها
ام ناديا : ياهلا والله يام فهد اخيرا شاء اللقاء على كثر مامدحتك لي ناديا تشوقت اشوفك
ام فهد : ياهلا فيتس وبناديا تو مانورت ديرتنا
ام ناديا : منوره باهلها ياحبيبتي
ندى : لا اشوا للحين وضعهم سليم
ام فهد : هذي بنتي الكبيره ندى وهذي الصغيره فرح وهذي شهد زوجه ولدي
ام ناديا : يامرحبا فيهم كلهم وانا بنتي ناديا الكبيره تعرفينها وهذي بنتي الصغيره
ام فهد : ياهلا ببنتي
امجاد : هلابك ياخاله يمدي انط بين البنات
ناديا : اي كالعاده كبريني
امجاد : ارتحت لهم احس
ندى : حياتس تعالي
امجاد : جايتكم
ام ناديا : روحي جيبي فناجيل وبيالات زود
امجاد : على خشمي يام امجاد
ام فهد : ماشاء الله كم عمرها
ام ناديا : عمرها ٢١ لو تسالونها قالت ٣١
ام فهد : ليش ماهو منزين الكبر
ام ناديا : فهميها انتي كيفك شلونك كيف الاهل
ام فهد : والله بخير الحمدلله كلهم امي وابوي متوفين وماعندي غير اخ واحد وماهو عايش هنا
ام ناديا : الله يخليه لتس
ندى : لا ليتها تستغفر
فرح : اسكتي
ام ناديا : بنتك الصغيره متزوجه
ام فهد : اي متزوجه وحامل بعد بس الكبيره لا مااعرست وزوجه ولدي بعد حامل
ام ناديا : ماشاء الله الله يسهل علبكم
شهد : ماتقصرين ياخاله
~~~ في محطه ابوسامي ~~~
ابوسامي : جاء ولد عمكم
عزام : القطوع
عبدالرحمن : السلام عليكم ورحمه الله وبركاته
ابوسامي : وعليكم السلام وينك يالسلوقي ماجيت هنا
عبدالرحمن : والله خطبتي وملكتي بسرعه بسرعه عشان كذا ماقدرت
عزام : اي اي وعيال عمك مايدرون انت ليكون تحسبني انا وهايل حاسدينك لان انا هو الي للحين مااعرسنا ؟ ترا مادرينا عنك بس مارح يضرك لو قلت لاخوانك
عبدالرحمن : كنت داري انكم بتقولون كذا عشان كذا جاي وجايب اعذاري
هايل : حطها بالزباله
عزام : شف يالدحمي انا بالنسبه لي مايهمني خطبت ملكت تزوجت تطلقت مايهمني بس ولد عمك ذاك زعلان
عبدالرحمن : فالك ماقبلته وش طلاق ماعليك انا اعرف اصالحه
عزام : كويس اذا خلصت منه تعال خذ بخاطري
عبدالرحمن : توك تقول مايهمني
عزام : لا حتى ولو ليش تاخذ بخاطره هو وانا تخليني
عبدالرحمن : والله البلشه

انتهى البارت

قراءه ممتعه يااصدقاء💞