"جابك الله في زحام العمر صدفة "

18

~~~ صباح يوم جديد فالمزرعة ~~~
ابوفهد : الفطور ياام فهد
ام فهد : والله محد قام من البنات وصعب علي اسويه لحالي
ابوفهد : افا ولا تتعبين نفستس ارتاحي قم ياولد هايل قم مربضين بهالخيمة ماتعرفون الساعه كم
فهد : يبه تكفى مانمنا الا متاخر ارحمنا
ابوفهد : اجل وجهي مغسول بمرق اخلي اخواني يمشون لديارهم وهم ماافطروا قم هايل قم
هايل : طبعًا كالعادة تنحط براسي تفضل يبه
ابوفهد : امسك هذي فلوس رح للقريه بسيارة اخوك فهد وجب لنا من البوفيه فطور وشف ان كان دحيم بحاجه شى وارجع
هايل : على هالخشم غالي والطلب رخيص
عبدالعزيز : ابخاويك هو دايما ابوك كذا يقومكم
هايل : بخليك تنام عندنا اسبوع تاخذ دروس عن حياتنا
عبدالعزيز : والله انا هنا بسكن مع اهلي لفترة
هايل : وش المناسبه
عبدالعزيز : ادور لي محل بحطه مكتب محاماه لي
هايل : مايحتاج تدور انتظر دحيم يقوم ولا شف اخوه محمد هم حقين العقار تبع قريتنا يطلعون لك محل
عبدالعزيز : عز الله عرفت مارح تقصرون حتى ولو عمي غلطان عليكم اصيلين
هايل : احنا مانعرف عن ماضيهم شى مالنا الا هالحاضر امش نمشي قبل ابوي يفرد ضلوعي
عبدالعزيز : ههههههههههههههههههههههههههههههه يلا يلا
ندى : من ذا الحلو الجديد على قريتنا
عفراء : غضي بصرتس ذا ولد عم ميهاف
ندى : عندها هالزين وجايه لاخوي
عفراء : وش قلتي
ندى : ولا شى سوي الشاهي
~~~ في المركز الصحي ~~~
فاتن : امسك
عبدالرحمن : انسان مريض يالظالمه جايبه له فلافل وبيض
فاتن : وش افطرك
عبدالرحمن : فطور المستشفى
فاتن : حبيبي ركز ذا مركز صحي مثله مثل الطوارىء مافيه اكل كل ذي
عبدالرحمن : اكلها وانا منسدح ذلحين كيف
فاتن : لاتخليني اطلع واخليك تشرق وتموت وماانقذك
عبدالرحمن : لا خلاص اقعدي بس صدق شسوي مقدر انسدح على ظهري
فاتن : الا تقدر لاتنسدح اجلس وتسند عالسرير
عبدالرحمن : تسلمين تو ادري اقولتس خصري يوجعني
فاتن : وش اسوي القمك انا خل الدلع يله عمرك ٢٧ وتقول كذا
عبدالرحمن : من الي عمره ٢٧ انتي
فاتن : طبعا انت
عبدالرحمن : غلطانه يختي توني داخل ٢٣
فاتن : اما عاد كبري توقعتك اكبر
عبدالرحمن : لا توني صغير اقول بصارحتس
فاتن : لا
عبدالرحمن : مارح استشيرتس تدرين بحب خويتتس وهايل
فاتن : اي مهابيل يحسبون الحب لعبه
عبدالرحمن : وليه مهبل يحبون بعض وبيتزوجون
فاتن : فيه احد يثق برجال ؟
عبدالرحمن : اي وليش ماتثقين الرجال عند وعده والوعد دين وهايل غيير خويتتس تحمد ربها عليه
فاتن : وش تحمد ربها خويتي دكتورة مالقت الا خويك
عبدالرحمن : اول شى هو ولد عمي وبحسبه اخوي انولدنا وتربينا مع بعض وكبر بعض والرجال مايعيبه الا جيبه وولد عمي قادر يعيش خويتتس احلى عيشه
فاتن : السالفه مو ببساطه كذا انتو ماتعرفون ابوها وزوجة ابوها انا من البدايه مو مرتاحه هالعلاقة بس الله يكتب لهم النصيب سعادة خويتي اهم من احساسي
عبدالرحمن : عشان كذا وفري احساستتس وخليني اكل
فاتن : لاتصيح بطلع
عبدالرحمن : وين ان شاء الله
فاتن : يوم نسيت استاذن منك يااخوي اعذرني اقول اكل اخليك تغص فيه الحين
عبدالرحمن : تراتتس فهمتيني غلط كان قصدي اذا بتطلعين للبيت اخلي محمد يجي عندي
فاتن : مو اخوك راح للمزرعه وبعدين تطمن انا بكون عندك الين يرجعون من مزرعتهم
عبدالرحمن : زين
فاتن : لاتنام راجعة
عبدالرحمن : عاد شى راجع لتس لو تاخرتي بنام اهخ يارب اكتبها من نصيبي
فاتن : انا مدري وش مسويه بحياتي عشان ربي يعاقبني بهذا الآدمي
عبدالرحمن : الحين انا صرت عقاب لتس
الممرضه : دكتورة فاتن الحقي
فاتن :  شصاير
الممرضه : برا فيه مريض دخل فجاه يطرش تعالي بسرعه
فاتن : يلا يلا راجعه لك دحيم
عبدالرحمن : الله يلعن هالفلبينيه اخذتها من عندي
فاتن : جيبو له زبالة طلع الشر طلع تعال للغرفة
الممرضه ٢ : لازم ناخذ بياناته
فاتن : تشوفينه بحال يقدر يوقف اذا خلص يمركم
~~~ فالمزرعة ~~~
ابوفهد : وين تاخر هالهايل خليه يجي بس
الجد محمد : ارفق عليه يولدي المسافه بعيدة وانت خابر والفوال زحمة وش عليه العجله محد يموت من الجوع
ابوفهد : تعرفني يبه ماحب الباصقين الي يروح ومايرجع
الجد محمد : حتى لو انك هذولي عيالك ماهو صالح يولدي ماتخليهم ينامون ولا ياكلون انت ابوهم لازم تحنهم
ابوفهد : لو ماحنهم ماحبوني يابوي
الجد محمد : بس عطهم مساحتهم انا عاملتك كذا يومك صغير
ابوفهد : لا بس علمتني علوم المرجلة
الجد محمد : علوم المرجلة ماهي تظغط عليك ارفق عليهم ولا ترا باخذهم عندي فالرياض
ابوفهد : ان شاء الله
~~~ في المركز الصحي ~~~
هايل : ارحب يادحيم ماتشوف شر تبي شى بروح
عبدالرحمن : ارفق ارفق من يلحقك
عبدالعزيز : تاخرنا عليهم وعمك بيسوي سالفه لولده
عبدالرحمن : لا سلامتك مابي شى رح قبل تصير مشكله
هايل : يلا اجل امش عبدالعزيز
عبدالرحمن : مطفوق هالولد مايركد
فاتن : وش ماكل
سطام : أكلت فالبوفيه حقت هالقرية وقمت واصل حدي
فاتن : غريب دايما ناكل منها مايصير شى
سطام : لا انتي واضح مو هنا توتتس جديدة صح
فاتن : بعطيك مغذي ومضاد وقدامك العافية
سطام : انا بعد توني جاي للقريه يعني انا من هنا بس اشتغل فالشرقية وجاي زيارة لاهلي هنا
فاتن : اي زين وش مطلوب مني
سطام : لا بس كنت اسال
فاتن : اها اي انا بعد مو من هنا يعني اكيد اجدادنا وابوانا هنا بس انا انولدت فالرياض وجايه هنا تطبيق وبرجع
سطام : ومتى بترجعين
فاتن : باقي اربع شهور ليش
سطام : متزوجه
فاتن : كانك كثرت اسئله اذا بغيت شى قل للمرضة
سطام : كنت بسالها عن اسمها حسافه
عبدالرحمن : وش اسم انتي
الممرضه : اسم انا ماريا
عبدالرحمن : عاشت الاسامي ياماريا ولا صح ماتفهم انتي يعرف هذا دكتوره فاتن
الممرضه ماريا : اي اعرف ليش وش تبي فيها
عبدالرحمن : انا احب هذي دكتورة تزوجيني اياه
الممرضه ماريا : هذي دكتورة مايحب رجال
عبدالرحمن : قولي لها عبدالرحمن بياخذتس غصب
الممرضه ماريا : طيب يلا لفي عشان حط كريم
عبدالرحمن : لا ابي الدكتورة تحطه لي
فاتن : خل الممرضه انا الف الشاش لك
الممرضه ماريا : اوه دكتورة فاتن هذا ولد حلوو انتي حظ كويس
فاتن : وين حلو يشبه التيس
الممرضه ماريا : هو هذا عبدالرحمن يقول قولي لفاتن انه يحبك انتي ورح يتزوجك
عبدالرحمن : الله يفضحتس فضحتينا
فاتن : ابعلمه الحين شلون ياخذ الشي بالغصب مني اطلعي وسكري الباب
عبدالرحمن : لاتخليني معها بتكسر ضلوعي اعرفها
فاتن : بكسر راسك بعد لاتقول هالكلام كلهم وتنكبنا اذا تحب تعال وقل بوجهي
عبدالرحمن : منقال اني احبتتس صدقتي السبيكه ذي
فاتن : لاتقول وبس
~~~ فالمزرعة ~~~
ابوفهد : يلا قشو العفش بنمشي
ابوخالد : يلا استودعناكم الله ساره ياامي نادي امتس
ساره : ابشر يبه
ابومحمد : حتى انا استاذن اجلت شغلي وتراكم علي اكرمك الله يبوفهد وعقبال مانحضر عرس سياف
ابوفهد : ان شاء الله قريب
سياف : بكل موضوع لازم يقولون اسمي طيب مابغى اتزوج
هايل : انا اتزوج بدالك
سياف : يلا رح قل لابوي
هايل : يبه وانا متى عرسي
ابوفهد : انت مارح ازوجك بخليك عندي بتهبل ببنت الناس اقعد بس
هايل : اي يبوفهد اغلط على ولدك اغلط تعودت
ابوفهد : رح بس شيك عالحلال قبل نمشي
محمد : يبه انا بقعد عند عبدالرحمن لفترة
ابومحمد : الي تشوفه يولدي
زينب : يمه لاتروحين
جهير : ليش مسوي لتس شى فهد
زينب : ها لا بس مابعد شبعت منكم
جهير : قولي له يجيبتس عندنا
زينب : تمام
ام محمد : توصين شى يختي
ام فهد : انتبهو لشهد
ام محمد : ليش وشفيها شهد بسم الله عليها ؟
ام فهد : زوجه ولدي
ام محمد : الله عليتس ياام فهد ابشري ابشري يلا ياشهد
شهد : يلا بنات مع السلامة بشتاق لكم
ندى : وش صار لو سكنتي مع اخوانتس
شهد : وامي وابوي من يخدم لهم
فرح : حتى انا بمشي يلا أستودعكم الله
عفراء : ورجعنا ثلاثي مثل ماكنا
زينب : بشتاق لهم
ندى : اكره لحظات الوداع
ميهاف : شدعوة كل هالحزن بيجونكم انتو ماشاء الله عزايمكم ماتخلص
ندى : لاتقولين ماشاء الله انحتي عشان ابوي يوقف عزايم
سلمى : انا الحزينة بينكم انبعت لواحد انتظرو عرسي بعد
زينب : يوه ياسلمى لاتكبرين الموضوع يمكن شخص صالح وتحمدين ربتس عليه
سلمى : يلا يمه بنمشي
زينب : طقي راستتس بالجدار تحب تعاند
ندى : خليها مهبوله قومو نشيل الاغراض
~~~ في القريه ~~~
الجد محمد : واخيرا وصلنا عصعصي اوجعني
ابوعبدالعزيز : ياعم محمد انا بقعد هنا فترة عشان ولدي يظبط وضعه وشغله وابرجع كانك بتخاويني بالرجعة
الجد محمد : على خير يولدي معك
ابوفهد : ليه ماتقعد عندي يبوي
الجد محمد : اشتاق لبيت امك شسوي يولدي
محمد : تفضل ياعم من هنا المحل
ابوعبدالعزيز : ولدي يبغى مكتب محاماة
محمد : ابدور لك هذا محل صغير ويكفي لمكتب له وان كان بيوظف مساعد له بعد يكفي
عبدالعزيز : مايمدي اشوف موقعه
محمد : ابعطيك رقم راعيه وتواصل معه
عبدالعزيز : ماقصرت يبوسالم
محمد : شغلي
~~~ فالمركز الصحي ~~~
سياف : يلا عاد بدون دلع يولد وقم اشتقنا لك
عبدالرحمن : ليته دلع كان قمت من الطفش
هايل : الا دلع اعرفك تبي بس تشوف الدكتورة
عبدالرحمن : لاتخربطني فيك اقول وشعندك مصادق عبدالعزيز
هايل : هو قال يبي يخاويني بعدين وشفيها
عبدالرحمن : هو ولد عم حبيبتك ولاتنسى يمكن هو يكون نصيبها
هايل : يخسي لافرش ضلوعه فالارض لو يمسك يدها بس
عبدالرحمن : احذر منه ماارتحت له
هايل : معليك عندي
فاتن : طولتي علي مره
ميهاف : اشتقت لتتتتس
فاتن : احلفيييييي تراني مانمت من امس اغفي واقوم بروح انام
ميهاف : روحي روحي نوم العافية
فاتن : يلا انتبهي لنفستتس
ميهاف : لي ولا لدحيم
فاتن : لتتس طبعا
~~~ في بيت ابو سطام ~~~
ام سطام : وشفيك يولدي وش صاير لك وشفيها يدك
سطام : اهدي يايمه مافيني شى بس امس اكلنا من بوفيتهم واوجعني بطني ورحت للمستشفى
ابوسطام : سطام يولدي مابقى لك شى هالثلاثين متى ناوي تتزوج
ام سطام : هو بس لو يوافق لاخطب له احسن بنت بهالقرية
سطام : يمه يبه تعرفون اني مابي بنت من القرية عشان اهلها مايزعجوني بالروحه والجيه انا ابي بنت معنا فالشرقية
ام سطام : اي عاد من هذي اخلص علينا شيبنا وماشفناك عريس
هديل : خلوه ذا بيصير شايب ومايبي يتزوج
سطام : انتي اكرمينا بسكوتس يايمه انا لقيت البنت الي ابيها بس انتظري علي شوي مدري ليش مستعجلين
هديل : انا عندي فكرة انا بتزوج وهو خلوه يخدمكم
سطام : انا بعيوني اخدمهم بس انتي لو تموتين مازوجتتس
هديل : على كيفك الموضوع يبه يمه شوفوه
ابو سطام : خلصنا انت واياها من نصبح الين نمسي وانتم هواش

انتهى البارت

ابو سطام : عمره ٥٤ تاجر وعمده حلال كثير طيب وحليل وكريم وبابه دائما مفتوح صديق ابوفهد من زمان وجمعهم شغل واحد فالشرقية وفرقتهم مناطقهم متزوج وعنده ولد وبنت يحب القريه
ام سطام : عمرها ٤٨ طيبه وحليله ومعروفه بطبخها الحلو وجمالها من وهي صغيرة من الرياض ولا لها بسوالف القرى بس تنجبر تروح مع زوجها
سطام : عمره ٢٨ مدير بنك فالرياض يشتغل عنده عزام وفارس وعنده حلال بالقرية بعد تاجر وفلوسه كثيرة حليل وطيب وعاقل وواعي
هديل : قعده العائله عمرها ٢٢ خياله ومعروفه تحب الخيول تحب اجواء القرى مثل ابوها قويه وتاخذ حقها ودائمًا هواش مع الكل عوباء ولكيعه وتعرف تاخذ الي تبي دايما هواش مع سطام وكانهم ضراير تحث الكل عالعزوبه واذا تهاوشت مع سطام تبغى تتزوج ماتحب الطبخ ولا تحب تطبخ تبغى اذا تزوجت تاخذ شاعر عشان يكتب فيها القصيد وتشوف نفسها عالكل

____________________________________
اتمنى لكم قراءه ممتعة وشكرًا على دعمكم الحلوو اي شى تبغونه بخصوص الروايه تعالو حسابي الانستا تحصلونه باحد البارتات لان هنا مقدر ارد عليكم يرفض ف تعالو انستا فقط بخصوص الروايه وشكرا💙💙💙💙