"جابك الله في زحام العمر صدفة "

47

~~~ في حوش بيت ابوفهد ~~~
فرح : هايي ياحلوين تتوقعون وش جايبه لكم
سالم : البيبي
فرح : يمه منك حتى انت عرفت لا البيبي للحين في بطني
سالم : اجل وش جايبه لنا
فرح : حلوياتت ليش ماتاخذ
تميم : بابا قايل لي لاتاخذ من اي احد غريب
فرح : بس انا مو غريبه
تميم : الا ماعرفتتس
فرح : اجل يلا نتعرف وشرايك انا اسمي فرح وانت
تميم : اسمي تميم بن صالح
فرح : والنعم والله صرت صديق سالم
تميم : اي
فرح : مبسوط عندنا ولا بتروح عند ماما
تميم : بس انا ماعرف ماما
فرح : ها شلون
تميم : ماما وبابا مو مع بعض
فرح : ماعمرك شفت ماما
تميم : لا ماتبيني
فرح : ياحبيبي انت ليتني ماسالت
~~~ في غرفه زينب ~~~
شهد : وش بيضر لو سويتي تحليل الحمل
زينب : مابي احمل
عفراء : حلوه ذي ماتبين تحملين والى متى بتقعدون كذا
زينب : الحين ماني واثقه في فهد
شهد : اقول تعوذي من بليس بس ولاتخربين بيتتس بيدتس هذي كلما اكلتي شى رجعتيه سوي التحليل وخلاص
زينب : من وين اجيبه التحليل حتى صيدليه تقفلت
ندى : لقتها عذر
شهد : انا اوصي لتس زوجه اخوي تجيبه لتس
زينب : من زوجه اخوتس
عفراء : ليكون هدى عايشه
ندى : اغبياء انتم نسيتو ان هديل بتصير زوجه محمد
شهد : كلكم اغبياء هديل من وين بتجيب تحليل الحمل
عفراء : اجل من تقصدين بزوجه اخوي
شهد : فاتن زوجه دحيم المستقبلية
ندى : خلني اقوم اساعد امي ابرك لي
عفراء : هالزوجه الي ضنتي ماهي ماخذته
شهد : لا تطمني يحبون بعض
زينب : طيب وكيف بتجيبه لي وهي فالرياض
شهد : يروح دحيم ويجيبه
عفراء : وشوله كل هالمشوره وش فايدته زوجها هو يروح ويجيبه لها
زينب : لو راح الرياض هو والله مايرجع
شهد : رجعنا
زينب : قلبي مو متطمن
شهد : وش بتسووين يعني لو طلعتي حامل وهو يخونتس
زينب : مدري
شهد : اصدميني وقولي بتنزلين الي ببطنك
زينب : لا ماتوصل
عفراء : بتتطلق وهذا وجهي دامها قاعده هنا فالقريه وتاركته يروح ويرجع لشغله هناك وتجي تتشكى لنا ولاتهتم له بيروح يدور وحده ثانيه
زينب : ها محد يقدر ينكر ماقصرت يكفي وافقت عليه وانا ادري انه يحب وحده ثانيه ومايبيني
عفراء : اي اي خلتس على ثقتس ذي بكرا تجي الطامه على راستس وتندمين
شهد : ياربي يالسلبيه الي فيكم طيب تفائلي يمكن يزين الشقه لتس وبياخذتس وتعيشيون هناك يمكن انه رجال قد وعده
زينب : خلاص بقول له يجيب له حق التحليل
شهد : يلا قدامي دقي
زينب : اوف طيب طيب ها شوفي مايرد
شهد : دقي مره ثانيه
عفراء : لاتتعبين نفستس هم سهرانين فالمزرعه يعني مافيه ابراج
زينب : طيب بطني يوجعني شسوي
شهد : وشفيه بطنتس
زينب : يوجعني ابطرش وخرو
~~~ فالمطبخ~~~
ام فهد : بسم الله عليه وشفيها ركضت
ندى : هذي حالتها تركض تطرش وترجع وهكدا
ام فهد : من تقفل هالمركز واحنا بحاله يرثى لها متى بيفتحونه
ندى : يقولون قريب بس هالقريب مدري متى
ام فهد : اي ليت الي في بالي صار
ندى : ووش الي ببالتس
ام فهد : على ان ماكنت موافقه بزواج هايل من هذيك الدكتورة بس الحين بحاجتها احنا
ندى : مانحتاجها ولا شى لاهي صيدليه ولاهي مستشفى كلها دكتوره تعلمنا وش فينا
ام فهد : دكتوره مامعها ادوية
ندى : ههههههههههههههههههههههههههههههه ليكون تحسبين تحط ادويتها بشنطتها
ام فهد : لا لا بس لو هي زوجه هايل كان الحين المركز مفتوح
ندى : يعني السبب انه مافيه احد يبي يشتغل بمركز قريتنا
ام فهد : ايوه أخيرًا فهمتي
ندى : خلوني ادرس واصير دكتوره وافتحه لكم
ام فهد : انت ثانوي وبطلوع الروح خلصتيها تبين تكملين جامعه
ندى : لا والله مانيب قدها هذيك فرح الدافوره
فرح : اي وشفيها فرح
ام فهد : وينتس انتي
فرح : كنت العب مع سالم وتميم
ام فهد : خبله انتي تراكضين وانتي حامل
فرح : لا لا يمه ماعليتس ماراكضت وش تتكلمون فيه
ندى : نقول ان انتي شاطره ومفروض تكملين جامعه
فرح : قال لي خالد كملي بس محتاره
ام فهد : لو كملتي وش بتدخلين
فرح : امم مافكرت
ندى : صيري يادكتوره يامحاميه
فرح : وخلصت كل التخصصات تدخليني هالاشياء الصعبه
ندى : عشان لو طحنا بمشكله تنقذينا او لو احد تعب فينا تعالجينه
فرح : وليش دائمًا كلام السلبي على لسانتتس لا بصير مدرسه
ام فهد : حلوة الشغله تدرسين عيالتس
ندى : اوف الله يعينهم
ام فهد : اقول انتي اسكتي كملي جامعه وصيري مدرسه ماتدرين يابنتي عن حال هالدنيا
فرح : صادقه يالغاليه بقول لخالد وبقدم اوراقي وان شاء الله يقبلوني
ندى : ترا كلها كليه كم سنه وانتي خالصه
ام فهد : اسمها كليه
فرح : اي وانت لاتتدخلين كيفي بدرس الي ابي
ندى : محد درى عنتس انقلعي خليني اغسل بس
~~~ في بيت المزرعة ~~~
سطام : السلام عليكم
عبدالرحمن : ياهلا والله وعليكم السلام تفضل تفضل اقعد
سطام : شلونك سعود
سعود : طيب الحمدلله
سطام : شلونك ابوتميم
صالح : كنت بخير
محمد : وش صاير
هايل : سالفه طويله امسك فنجالك سطام
سياف : ها وشرايكم بقريتنا عساها جازت لكم
صالح : الحين عرفت ليش انقال لنا اذا دخلتها ماتطلع
زامل : من الي قال لكم
سطام : انا من غيري
فهد : والله شف انا انولدت هنا وعشت كل عمري هنا الين توظفت فالرياض وتعودت ع الرياض وعادي تناسيت القريه والتعلق الي فالبدايه
سعود : يمكن ذي البدايه او يمكن انت طفشت بس اكيد مارح نقعد فيها طول عمرنا
عمر : الحمدلله طمنتوني
سياف : ليه ماعجبتك
عمر : لا لا عجبتني بس مايفهمها ويعرف لها الا اهلها
عبدالرحمن : ههههههههههههههههههههههههههههههه اخيرا احد تكلم الحقيقة
هايل : ليش وشفيها قريتنا ماهي عاجبتكم
عمر : يلا خذلك كيف نفسر له
خالد : اسحبوا عليه اقول ماودكم نروح للرياض
عمر : انتم سفراتكم قريبه من بعض
محمد : اجل وين تبي
عمر : نبي نروح للجنوب
زامل : انت صادق
عمر : اي انا ختمت الشرقية والرياض وذلحين قريتكم وحتى القصيم شفتها باقي الجنوب والشمال
عبدالرحمن : كلنا صعبه والقريه والحلال من يهتم فيه
عمر : جاء دور شيبانكم
سياف : ماجابونا عشان هم بعد كل هالعمر يهتمون بالحلال
عمر : وطيب شلون بتروحون للرياض
سطام : اتركوا موضوع السفر علي الا محمد ابوي يقول خل ابومحمد يكلمه ضروري
محمد : ليش
سطام : بموضوع الملكه لانكم طولتو
محمد : اي بكلم ابوي الحين وبقوله
سعود : تستهبل انت
سطام : اشوفك صرت تكلمني
سعود : اذلف بس هايل وين رايح
هايل : بتمشى شوي
سعود : وقف لي جاي معك
هايل : امسك
سعود : وش بنسوي فيها
هايل : خشبه ذي لو هجم علينا ذيب او شى
سعود : بسم الله وين مودينا انت
هايل : مانيب موديك مكان مزارعنا وراها المقابر والاوديه
سعود : اعوذ بالله وناوي تروح لحالك
هايل : مارح ياكلني احد
سعود : خلك جنبي بس مودينا هناك بهاليل
هايل : وصلنا
سعود : وش هالمكان
هايل : ارض الله الواسعه
سعود : من مسوي هالقعده
هايل : تدري ياسعود انك اول واحد يدري بهالمكان
سعود : حتى خويك عبدالرحمن
هايل : حتى اهلي مايعرفونه
سعود : اجل فيه حكاية وراء هالفعله
هايل : جبتك هنا عشان نتبادل الهموم ولا الي فيك مكفيك
سعود : مافيني شى قل الي عندك
هايل : جيت اعلمك ان بنت ابوسطام صارت لك
سعود : وشو انت صادق
هايل : اي قال لي سطام ان ابوك خطبها لك واهلها وافقوا
سعود : موافقتهم كلام ماسمعت سطام وش قال لمحمد
هايل : سمعت وسطام قاصد يقولها قدامك
سعود : يبيني اسامحه ولا قاعد يزيد الطين بله
هايل : يبيك تسامحه على انه ماخطى بحقك
سعود : اخطى وزود ابوتميم محد يرفع صوته عليه
هايل : عاد انا بغيت اعلمك الباقي على الله
سعود : هديت من همي باقي همك
هايل : ليت الليالي تجمع أثنين ياسعود
عاشو على حلم اللقاء كل الأيام
سعود : من قصدك
هايل : حبيبتي
سعود : بعد كل الي سويته للحين تقول عنها حبيبتي
هايل : انا ياسعود حبيتها حب الأولين واثريها مع غيري تشد مبانيه
سعود : ودامك تعرف انها صارت لغيرك ليه للحين متمسك فيها
هايل : المشكله ياسعود انها جت على ذوقي وزّود
وانا إذا حبيت حبييييييت
سعود : تحب لك وحده متزوجه انساها ياخوي الى متى
هايل : شلون تبيني انساها شلون
سعود : تزوج واقهرها
هايل : عندي امل انها بترجع لي
سعود : تستهبل تزوجت الحرمه خلاص
هايل : ابنتظرها تتطلق وتصير لي
سعود : شكلك بتنتظر هاللقاء واجد
هايل : ابصبر شسوي
سعود : الكلام الي قلته قبل شوي قصايد
هايل : بيوت شعر قصيره ليش
سعود : مرسل لي دحيم يقول لو قال لك قصيده سجلها
هايل : ههههههههههههههههههههههههههههههه ياخي دحيم
سعود : اسمع مني وانا اخوك ماينسيك محبه الاول الا معزه الثاني وقلت معزه لان مالحب الا الحبيب الاول
هايل : خلاص قلتها ليش اظلم بنت الناس معي
سعود : ماقلت اقسى عليها قلت بتعزها وبترحمها ولو هي نصيبك بتحبها
هايل : ياسعود عاقني حبها عن المحبين ،، من يفك القلب ياسعود منها ؟
سعود : الله يصبر سعود على حبك ذا
هايل : لو اخت سطام خذت محمد وش بتسوي
سعود : صحيح انا اولى فيها وانا الي احبها من يوم كنا صغار بس لو خذت ولد عمك ذا فهذا نصيبها صح بزعل وبتضايق وبكرهه عيشتي بس كم يوم ماهي ايام ولا رح احرم نفسي من الزواج عشان وحده احبها وراحت هي تزوجت وشافت حياتها فكر فالمنطق وبالعقل لاتاخذك العواطف والقلب
هايل : الكلا سهل ياسعود
سعود : الافعال اسهل لو انك رجال عازم
هايل : ياسعود صدري ممتلي جروح واوهام
والروح الي عايشه فيني ما ادانيها
ياسعود فيني جرح صعب يلتم
كل ماحاولت انساها يذكرني فيها
سعود : واخيرا عطيتنا قصيده لايموت علينا دحيم
هايل : تبي نرجع
سعود : الي تبيه تبي نقعد قعدنا نبي نرجع رجعنا
هايل : خلنا نرجع تاخرنا عليها ولاتجيب طاري لهالمكان اعرف دحيم زعول
سعود : لاتوصي حريص مشينا
~~~ فالمزرعه ~~~
سياف : وينكم تاخرتو
سعود : هذا مودينا اخر الدنيا اخر شى مقبره
فهد : وش تسوون هناك
هايل : مادخلنا من برا بس
عبدالرحمن : اي صار ياخذ غيري
خالد : ها شعندك انت بعد
عبدالرحمن : ولا شى
محمد : ترا سعود الي راح ماقال له هايل تعال
عبدالرحمن : عارف عارف
فهد : يلا بس نتعشى ونرجع ابوي داق علي يقول وينكم
سطام : اي يله
~~~ في شقه عبدالعزيز وميهاف ~~~
عبدالعزيز : متاكدة ماتبين تسافرين
ميهاف : معك
عبدالعزيز : اجل من تبين يروح معتس
ميهاف : اجل لا
عبدالعزيز : ميهاف انا عارف انتس تحبين غيري وعارف منهو هالشي وعارف انتس عارفه اني اعرف بعلاقتكم بعد كل هالتضحيات الي سويتها عشانتس وسترتس عليتس للحين ماتبيني
ميهاف : شى بتمن فيه لاتسويه
عبدالعزيز : لا بس مستغرب معقوله ولا شى من الي سويته اثر فيتس
ميهاف : من قالك مافيه الا فيه
عبدالعزيز : وشو قولي
ميهاف : انك خطبتني وانت تعرف اني مابيك
عبدالعزيز : انا اولى فيتس من الغريب
ميهاف : اولى فيني بايش بالقرابه ؟ يشيخ طز بالقرابه من قالك اني ابيك ولا عمري فكرت فيك كزوج حتى
عبدالعزيز : لاتضغطين علي
ميهاف : حلوه ذي انتي تبي تحكمني وتسويني مثل ماتبي واذا جت عليي عييت
عبدالعزيز : انا انقذتتس من جحيم ابوتتس وهذا اقوى سبب ممكن يخليتس تتحمليني
ميهاف : نار ابوي ولا جنتك
عبدالعزيز : والله لو تحبين الثراء والثريا ماطلقتتس وبتكونين لي للابد وام عيالي
ميهاف : مايهمني كل هالاشياء بس ابي حاجه وحده منك تروح تتعالج ولا تخاف على حسابي وبخلي خويتي تحجز موعد لك بس تكفى رح
عبدالعزيز : لاتختبرين صبري تبيني اضربتس عشان تروحين لبيت ابوتتس
ميهاف : متوقع ابوي بيوقف بصفي وهذا الي مريحك ان لو تضربني او تسوي اي شى فيني محد واقف بوجهك وقفه رجال وسند لي
عبدالعزيز : انا مااسمح لنفسي اطلع رجولتي على حرمه وانا سندتس دام مالتس سند
ميهاف : ترا بكلامك ذا تكرهني زود فيك
عبدالعزيز : عادي اكرهيني لا حبتس واجب ولا كرهتس ضار
ميهاف : الله يجيب اليوم الي افتك فيه منك
عبدالعزيز : رح تندمين على كلامتس ذا بذاك اليوم
ميهاف : وش هالثقه الي عندك عطني نصها
عبدالعزيز : جاء العشاء تعالي نتعشى
ميهاف : تسمم لحالك
~~~ في غرفه ميهاف ~~~
ميهاف : اكرهه اكرهه
فاتن : خفي عليه انتي لاقيه احد يعاملتس كذا
ميهاف : هو عارفه نقطه ضعفي وجايني منها بس هههاي ماهي علي
فاتن : انا اقول خلي الهواجيس الزايده وركزي على حياتتس ولاتجيبين طاري هذاك ترا الرجال بيعافتس
ميهاف : هذا المطلوب مابيه
فاتن : متوقعه ابوتس بيخليتس ؟ بيروح يزوجتس واحد يعلمتس قيمه زوجتس ذا
ميهاف : محد يقدر يجبرني عالزواج
فاتن : اي شفت لو اني وحده غريبه قولي لي هالكلام بس انا صديقتتس ركزي من سنين نعرف بعض
ميهاف : نعم ليش ماطقيت الباب
عبدالعزيز : معليش اسف مادريت انتس تكلمين
ميهاف : لا والله ماتسمع صوتي يعني
عبدالعزيز : احسبتس تكلمين نفستس
ميهاف : وش تبي
عبدالعزيز : بقيت لتس عشاء بالمطبخ لو جعتي كليه وبما انتس معصبه مابي ازيد الطين بله بروح عند اهلي انتبهي لنفستس وسجلت رقمي بجوالتس لو بغيتي شى دقي علي
ميهاف : اي زين
عبدالعزيز : فمان الله ياامي
فاتن : انتي مريضه ولا مريضه لا منجد انتي الي تحتاجين علاج
ميهاف : الله لايذوقك الشعور الي احسه
فاتن : والله حاسه فيك بس لازم تعطين فرصه له ولتس
ميهاف : مابغى احب احد غير هايل
فاتن : حبكم سراببب بتضيعون وقتكم وانتم تتبعونه هو بطريق وانتي بطريق وانتي الي اخترتي هالطريق
ميهاف : مااخترته ابوي الي اختاره
فاتن : خلاص لا هايل ولا عبدالعزيز لهم ذنب
ميهاف : ليتني علمته
فاتن : خلاص صرتي زوجته ميهاف عطيه فرصه هو يحاول لحاله لاتخلينه يمل ويهملتس ويروح لغيرتس وقتها انتي رح تلحقين وراه بس وييييين مستحيل يرجع مثل ماكان
ميهاف : بحاول بس مارح اعودتس
فاتن : عشان تكملين عالاقل بقيه حياتتس سعيده عطيه فرصه
ميهاف : طيب بسالتس
فاتن : على اني اعرف السوال بس هاتي
ميهاف : وشلوونه
فاتن : من قصدتس اها هايل ماعليه عايش
ميهاف : ماخطب شى منا مناك
فاتن : حلوه ذي معرسه وماتبيه يعرس
ميهاف : سوال بس جاوبي
فاتن : طيب طيب لا معيي يعرس ولا يبي
ميهاف : وتبيني اعطي ذا فرصه
فاتن : فيه فرق هو ماتزوج انتي متزوجه لو هو متزوج رح انصحه بنفس النصيحه الي قلتها لتس وانتم كيفكم
ميهاف : دقيقه فيه احد يدق علي
فاتن : يلا مع السلامه حبيبتي تطمنيني عنتس يوميا
ميهاف : باي الو من
عبدالعزيز : اسف اذا خرعتتس
ميهاف : وش تبي متصل
عبدالعزيز : نايمه ؟
ميهاف : لا
عبدالعزيز : اكلتي طيب
ميهاف : لا
عبدالعزيز : متضايق شرايتس نطلع نتمشى
ميهاف : لا
عبدالعزيز : لو مره قولي اي بديت اشك ان قاموس كلماتتس مافيها كلمه اي
ميهاف : اي
عبدالعزيز : وش يعني وافقتي
ميهاف بضحك : لا
عبدالعزيز : اتكلم من جدي بتطلعين ولا لا
ميهاف : مو كنت رايح لبيت اهلك وش تغير
عبدالعزيز : تغيرت اشياء واجد اذا تبين تعرفينها انزلي
ميهاف : طيب بلبس وباخذ اكلي وبجي
عبدالعزيز : يسس انتظرتتس
ميهاف : اوف اوف يالغثاء ماشفت احد نشبه كثره

انتهى البارت

قراءه ممتعه يااصدقاء ❤️❤️❤️❤️❤️