"جابك الله في زحام العمر صدفة "

34

~~~ في جلسه الشباب ~~~
خالد : جاء العشاء حياكم حياكم
فارس : ياعيال ذا من وين جايبينه غربلني تغربل
هايل : حدك نسيبنا ذا وولد عمتنا
خالد : الله يخليك لاهلك
هايل : عليه فصلات ههههههههههههههههههههههه
فهد : كثر الله خيرك
محمد : وش بتسمي ولدك
خالد : بدري على هالسؤال
سياف : بدري ولا ماتدري وش تسميه
خالد : كنت بسميه عليك لاني احبك مره بس ماتستاهل
سياف : احسن بعدين يصير ابله مثلك
عزام : سمو سمو وخلو كثره الهرج
~~~ فالمركز الصحي ~~~
خوله : يلا متى نرجع للبيت وناكل
فاتن : تحسبها دزني لاند
خوله : بطبخ لكم كبسه حمراء مع شطه وليمون اوففف
فاتن : تكفين تتكلمين جد
خوله : اي والله مااكذب
فاتن : يلا يلا اجل مشينا للبيت
خوله : وخويتتس مارح تجي
فاتن : يربي هالبنت ميهاف هيه يابنت
ميهاف : ها هلا وش صار
فاتن : وين وصلتي
ميهاف : وش تبغين
فاتن : بنروح للبيت يلا قومي
ميهاف : كم الساعه
فاتن : انهبلت ذي قومي قومي الساعه ١٠
ميهاف : اي طيب يلا
خوله : ماسوا فيها خير ياهايل
فاتن : تكفين اسكتي لاتفتحين موضوع
ميهاف : المشكله مارد ولا ارسل ولا طمني وش صار
فاتن : يلا خذي
خوله : من راح معه
ميهاف : اخوه فهد
خوله : وفهد عنده حبيبه
ميهاف : متزوج ليش
خوله : اسالو زوجته وخلوها تساله
فاتن : صادقه زينب مارح تقصر
ميهاف : برسل لها
خوله : بنقسم الشغل
فاتن : وانا احسبتس بتكسبين فينا اجر
خوله : اجر الطبخ عندي اجر الغسيل عندكم
فاتن : تعقبين والله
خوله : عاد بكيفكم انا مااغسل
فاتن : نشوف
~~~ في بيت ابوفهد ~~~
ابوفهد : يمرحبا والله بابوسطام غريبه جاي متاخر
ابوسطام : شفت العيال طالعين للبر قلت اجي ونتونس
ابوفهد : الله يحييك ياابوي
ابوسطام : شلونك شخبارك
ابوفهد : لاتسال عن اخباري يبوسطام بعد ابوي انا مانيب بخير
ابوسطام : الله يهديك اسمعني جيتي لسبب
ابوفهد : قل وشعندك
ابوسطام : زوجت عيالك كلهم وبنتك بتتزوج بعد وباقي هايل متى ناوي تزوجه
ابوفهد : مالقينا له بنت الحلال للحين
ابوسطام : بس الولد يبي يتزوج
ابوفهد : اختصر علي يبوسطام وقل انه جايك وقايل لك تقنعني نروح لصقر
ابوسطام : صح جاني وصاح عندي مايصير يبوفهد الي تسويه غلط انت تعرفني انا اول الداعمين لك بكل شى الا عيالك
ابوفهد : انت تعرف وش مسوي صقر خلصو كل البنات ناخذ بنته
ابوسطام : خذها لولدك وانقذها من ابوها لو ضميرك يأنبك عالاقل اكسب اجر ببنت اختك الي زواجه بسببك
ابوفهد : لا تحاول يابوسطام بيت صقر مااطبه
ابوسطام : اسمعني ياابوي شفت حياه عيالك بعد ماغصبتهم الكبير يحب له وحده ثانيه وهاجر حرمته والثاني كل يوم هواش من السبب فكر بعيالك يبوفهد الله يهديك ولو شوي
ابوفهد : تبيني احط يدي واناسب واحد بسببه اختي ماتت
ابوسطام : لو هذا السبب عذرتك يوم كانت اختك تشكي لك ليه ماصدقتها ابوفهد فكر بعقلك ماهو بقلبك ومشاعرك وان شايل عليه واجد هذاك زوجت ولدك فهد من بنت ابوخالد وهو قطوع وحتى عزا ابوك ماكلف على نفسه يجي ودق مكالمه يعزي بس
ابوفهد : مدري يابوسطام مدري بس انا حالف
ابوسطام : انت حالف وش ذنب ولدك ولدك يحب البنت تروح تزوجه بنت ثانيه ومايبيها ويهجرها مايصير يبوفهد الله يرضالي عليك انا بخشمي بكرا نروح له ونخطب لهايل تكفى وافق يبوفهد صقر بيزوج البنت لولد عمها
ابوفهد : خلاص خلاص بنروح بكرا ولو مد لسانه لا بفكر ببنت اختي ولا بولدي وبقوم الدنيا
ابوسطام : ماعليك انا موجود واذا سوا شى انا اول واحد ضد زواج ولدك من بنته
ابوفهد : خلاص تم بكرا العصر نمشي للرياض والمغرب نروح له
ابوسطام : هذا الاب وهذا السند الله يخليك لهم ابروح للبيت تبي شى
ابوفهد : لا سلامتك
~~~ في جلسه الشباب ~~~
محمد : بسم الله عليك وش فيك غصيت عطوني ماء
سطام : مافيني شى هايل البشارة
هايل : وش وش صاير قل
سطام : ابوك وافق يخطب لك حبيبتك
هايل : تمزح
سطام : لا هذا ابوي توه مرسل لي ويقول بكرا بيروحون له
هايل : اخيرا ياربي اخيرا استجاب دعائي
عبدالرحمن : قلبي جالس يتحطم
سياف : وش بعد تبي تعرس انت نقنع ابوك
عبدالرحمن : لا بس مابي هايل يتزوج
محمد : دحيم ورع اهجد
عبدالرحمن : هايل لو تزوجت سم ولدك على اسمي
هايل : ابد تم قبل يجي اسمه دحيم وانت اذا جبت ولد تسميه هايل
عبدالرحمن : تمم اتفقنا
سطام : مبروك يبوعبدالرحمن عقبال مانحضر عرسكم
فهد : وش تنتظر قم ارقد وراك مشوار طويل بكرا قم
هايل : بسجد سجده شكر الحمدلله يارب
محمد : الله يوفقه يارب
عزام : الله يستر من صقر ذا
خالد : كلنا نروح ننام
سعيد : لا شدخلنا خطبتنا ولا خطبه اقعدو نسمر الين الليل
زامل : اسهر لحالك ورانا شغل تعرف ابوي انت
فهد : صادق ابوعبدالله ابرجع للرياض انا لشغلي
سعيد : من بقى فالقعده
خالد : حتى انا يرجع للرياض
عزام : حتى انا
سعيد : اذلفو كلكم
عبدالرحمن : ماتستحي انت شايفني قاعد وتقول اذلفو
سعيد : انا وانت شنسوي
فارس : لا صدق خويكم ذا مايستحي
محمد : ههههههههههههههههههههههههههههههه يلا كلنا مشينا عاد
~~~ في بيت ابومحمد فالقريه ~~~
خوله : لا معليكم تراني اعرف اطبخ
فاتن : عيوني عيوني هفيها
خوله : وشفيتس
فاتن : قطعت البصل وعيوني احترقت
ميهاف : ردت زينب ردت
زينب : هلا ميهاف والله فهد من رجعو وهو مختفي للحين ماجاء اذا جاء بساله وبقول لتس
ميهاف : يربي كلهم مختفين
فاتن : امشي قطعي الطماط
ميهاف : طيب ماقال لتس متى بيجي
زينب : لا والله ماعليتس اول مايجي بساله
ميهاف : اي تكفين لاتنسين وطمنيني
زينب : ابشري ابشري
~~~~ عند باب البيت ~~~
محمد : ريحه شى جالس يحترق
عبدالرحمن : صدق افتح افتح الباب نشوف وش
~~~ فالمطبخ ~~~~
خوله : حريقه اهربوااا
فاتن : يمه ميهاففف ميهاف
خوله : امشوا للحوش يمه من هذولي
فاتن : لفو عيونكم
~~~ فالحوش ~~~
محمد : ابشري ابشري وش صاير يختي
فاتن : مدري بس حريق
ميهاف : مصروعات مشغلين النار العاليه والقدر فيه مويه
فاتن : ماعاد اصدقتس ياخوله مسويه طباخه
ميهاف : انا بطبخ معليش يبوسالم خوفانكم
محمد : حصل خير امش هيه شفيك امش
عبدالرحمن : خافت من الحريق يجعله بعمري عنها
محمد : هيه انهبلت وش تقول
عبدالرحمن : وش تبي انت متى تعرس وافتك
محمد : لا رسمي انهبل ذا
~~~ فالمطبخ ~~~
فاتن : ردت زينب وش قالت
ميهاف : تقول فهد مختفي بعد واذا جاء بتساله وبتعلمني قطعي سلطه ياخوله ولا ماتعرفين بعد
خوله : لا شدعوه اعرف معليتس
فاتن : والله ماضنتي انا وانتي مستحيل نفلح بالمطبخ
خوله : ماتعرفين تطبخين
فاتن : اعرف مكرونه بس
خوله : حتى انا ماعرف بس استحيت اقول احسبكم كلكم تعرفون
فاتن : مو صاحيه ههههههههههههههههههههههههههههههه
~~~ صباح يوم جديد ~~~
زامل : ياصباح الخير الله يجعله صباح كله اخبار حلوه
هايل : اكيد بتسمع اخبار حلوة
زامل : وشعرفك
هايل : اليوم بروح اخطب يالغبي
زامل : اي صح نسيت مبروك يابوي كان ودي احضر خطبتك بس ابوي وفهد يكفون
هايل : الله يبارك فيك وعقبال مانحضر خطبه عبدالله
زامل : شكلك مانمت
هايل : اي والله النوم مادخل عيني من امس غفيت شوي وقمت على صوت الاذان وعليها للحين
زامل : وكم الساعه الحين
هايل : ٧ الصبح
زامل : غريبه ماافطرتو
هايل : افطرنا وخلصنا وانت نايم هات مفتاح المحل بروح افتحه
زامل : ابخاويك اجل
~~~ في غرفة فهد وزينب ~~~
فهد : اخلصي وش تبين تقولين
زينب : شدراك اني بقول شى
فهد : اعرفتس وش تبين
زينب : كنت بسالك وش صار بخطبه هايل امس
فهد : وانتي شدخلتس
زينب : فيه ناس موصيتني اعلمها
فهد : رفض ابوها عشان جينا بدون ابوي وابوسطام اقنع اليوم واليوم رايحين
زينب : طبعه شين ابوها يعني اليوم بقعد فالقرية
فهد : اي اقعدي
زينب : تمام الله يمشي هالخطبه على خير
فهد : امين
~~~ فالمطبخ ~~~
ندى : وشفيتس رجعتي بالفطور
عفراء : مالقيته هذا الجزاء قايمه احط لها فطور
زينب : وش جزاه زوجتس
عفراء : اي زوجي الي سحب علي وطلع
زينب : والله ماترجعين الاكل حطيه انا مافطرت
عفراء : حتى انا ماافطرت كنت بفطر معه
زينب : اجل بفرش الفرشه وحطي الفطور ونفطر
عفراء : طيب
زينب : الو ميهاف عسى ماقومتس من نومتتس
ميهاف : لا عادي وش فيتس
زينب : سالت فهد اليوم وقال لي ان ابوتس رفض لانهم جو بدون عمي خالي ابوفهد وابوسطام اقنع ابوفهد يروحون اليوم ويخطبوتس من جديد
ميهاف : اوه الحمدلله اقتنع خالي ابوفهد
زينب : ابوسطام يعرف له تطمني يلا واليوم خطبتس ان شاء الله ومبروك مقدمًا
ميهاف : الله يبارك فيتس ماقصرتي ياعيني
زينب : حبيبتي انتي يلا فمان الله
~~~ في بيت ميهاف وفاتن وخوله ~~~~
ميهاف بصراخ : يس يس الحمدلله يارب يسس بنات قومو
فاتن : وش فيتس يالمصروعه
خوله : وشفيها ذي دخلها جني بنت علامتس
ميهاف : ابوفهد اقتنع يتصالح مع ابوي وبيروحون اليوم يخطبوني مره ثانيه
خوله : من ابوفهد ومن ابوتس
فاتن : ابوها ابوها وابوفهد خالها اخو امها وابو حبيبها
خوله : اي الله يوفقكم خليني انام
ميهاف : نامو نامو ياجعله نوم الهناء بسوي لكم احلى فطور
فاتن : وش عندها صايره كيوت
خوله : الحب ومايفعل
~~~ في بيت ابوسطام ~~~
ام سطام : القهوة والشاهي والتمر والفطاير حطيتهم بالشنطه والفناجيل والبيالات
هديل : وانا حطيت لكم مويه
ابوسطام : ياجعل يدينكم ماتعرض عالنار
سطام : حتى ادع لي يبه شغلت لكم السيارة
ابوسطام : حتى انت جعلها ماتعرض عالنار
ام سطام : انتبهوا فالطريق واذا ارسلت لك رد علي واذا وصلت دق علي وطمني
ابوسطام : ان شاء الله ادعو بس تتيسر خطبته ابوها قشر
هديل : الله يوفقكم وتتيسر يارب
سطام : هات الشنطه عنك يبه بحطها فالسيارة
ابوسطام : يلا فمان الله
هديل : يمه عادي اجمع البنات عندنا اليوم
ام سطام : اي اكيد ياامي اعزمي الي تبين انا بروح مع حريم الحاره عازمتنا ام فارس
هديل : كويس بقوم اجهز لنا قعدة
سطام : وانا وين اروح خلو قعدتكم بغرفتتس
هديل : سطام لاتخرب كل شى
ام سطام : وش مقعدتك في بيت كله حريم رح عند خوياك
سطام : كل واحد بشغله
ام سطام : رح عندهم مايضر
سطام : متى نرجع للشرقية وارجع اطلع مع اخوياي ابرك لي من هنا
ام سطام : اي مليتو يوم اني اتكلم مع ابوكم وانتم كلكم تبون تقعدون بهالقريه
سطام : كانت حلوة فالبدايه بس خلاص طفشت
ام سطام : امش امش ودني لبيت ابوفارس
سطام : ابشري يمه تبين بالسيارة
ام سطام : لا مايحتاج حذفه حصاه قريب
سطام : يلا اجل مشينا
~~~ في بيت صقر ~~~
ام عفراء : وش الطاري بتستقبلهم ليكون ناوي تعطيهم ميهاف
صقر : لا طواري مرت علي
ام عفراء : بس الي جاي ابوفهد
صقر : وهو المبتغى الاصلي
ام عفراء : اهم شى لاتنسى كلمتك لاخوك عطيت ولده بنتك
صقر : وانا قد كلمتي جهزي المجلس وبخريه وحطي القهوة والشاهي اكيد انهم قريبين
ام عفراء : خطبتها وانا اكرف لها
صقر : باقي يومين وتخلص تطبيقها تصبري
ام عفراء : بتخلص من هنا تطبيقها بتتزوج من هنا ماشفنا خيرها
صقر : لاتصيرين طماعه وراتبها الي بوصلنا كل شهر
ام عفراء : ف جيبك مادخل جيبي شى
صقر : رتبي الي وصيتس به بس
~~~ في سيارة ابوسطام ~~~
ابوفهد : كم صارت الساعه
هايل : طلعنا من البيت الساعه ٦ المغرب والحين ٧ وعليها
فهد : ماشاء الله تعد الدقايق انت
هايل : لاتلومني ياخوي
فهد : الله يهديك ههههههههههههههههههههههههههههههه
ابوفهد : وينه البيت
هايل : هذاك قدم شوي ياعمي
ابوسطام : اي يلا بسم الله نزلنا مثل ماوصيتك يابوفهد لو حاول ينرفزك لاتلقي له بال
ابوفهد : ابحاول وبشوف اخرتها معهم
هايل : يارب يوافق يارب تصير من نصيبي يارب
فهد : يلا ياولد امش
صقر : من عند الباب اوه ابوفهد وش الطاري جيتك
ابوسطام : بتخلينا واقفين عند بابك
صقر : لا حشى ماهو من طبعي اترك ضيفي برا تفضلو
ابوفهد : مجهز المجلس وماتعرف اني بجي
صقر : مجهز المجلس لضيوف غير بيجون بس بما انكم سبقتوهم اكيد بدخلكم فيه يالله حيه خال بنتي القطوع
ابوفهد : الله يصبرني
صقر : ايوه اشوفك ياولدي ياهايل رجعت من جديد انت واخوك
ابوسطام : جايينك بالعلم لاتستعجل
صقر : لا ابد مااستعجلت بس ضيوفي قربو يوصلون هاتو علمكم
ابوسطام : ابوفهد تكلم
ابوفهد : جوك عيالي قبل ورفضتهم لاني مانيب موجود وهذاني جيتك وبرجع اخطب بنتك من جديد لولدي هايل وهذا سبب جيتنا جايين مخطب بنتك لولدي
صقر : بنتي من تقصد
ابوفهد : ماعندك غير وحده
صقر : اي قصدكم الدكتوره ميهاف
ابوسطام : عليك نور جايينك من القريه عشان نخطبها وتستاهل العنوه دامك ابوها وانا عارف التوتر الي بهالمجلس وخابر الماضي كله فخلونا نفصح عن الغل الي بقلوبنا وتتناسبون من جديد
صقر : بس انا ماعندي بنت للزواج
هايل : شلون ماعندك بنت للزواج والدكتورة
صقر : ميهاف محجوزه لولد عمها من يوم كانو صغار وولد اخوي اقرب لي منكم وولده محامي وانت ولدك عايش تحت ظلك لا شغل ولا مشغله بين الابل بس وانا معطي كلمه لهم انا ومجلسي مبخر وضيوفي هم جايين يخطبون بنتي خطبه رسميه
فهد : ياعم صقر ماهو وقت تطلع حقدك باخوي بسببك ماضي بينك وبين ابوي اخوي وبنتك يحبون بعض واخوي وعدها يتزوجها وهذا هو جاي يخطبها لاتوقف بوجيههم
صقر : لا والله يولدي ماكانت هذي فكرتي وان اخوي خاطب بنتي قبل ماتجي بنتكم للقريه ورجع خطب قبل كم يوم وبنتي تعرف ولا عارضت ولا قالت لي لا
هايل : مستحيل ميهاف توافق ياعم بس قل تم هي لك والله لاروح ادور لي وظيفه بس قل تم
صقر : بس هي تعرف ان ولد عمها خاطبها
ابوفهد : جايبنا عشان تذلنا ياهايل دامها مارفضت ولد عمها فهي ماتبيك
هايل : والله يتسذب علينا يايبه ولو جد خاطبها ولد عمها فانت بتزوجها غصب
صقر : عاد برضاها غصب عنها ذا شى راجع لي ولها ويلا البيت يتعذركم
ابوسطام : الشرهه ماهي عليك علي انا الي اقنعت ابوفهد يجيك
صقر : جبته عشان يجي الرفض قدامكم كلكم ومايزعجني ولدك كل شوي خاطب وها قبل تمشون ترا كلكم معزومين على عرسها لاتصيرون خوال بالاسم
فهد : الله حسيبك من اب
هايل : ماينتهي كل شى بنيته كذا تكفى ياعم تكفى ياعم انت طالبك لاتخليها لغيري والله يحرمون علي كل البنات بعدها تكفى ياعم حبيتها حب طاهر لاتفرق بيننا عشان مشاكل بينك وبين ابوي
ابوفهد بعصبيه : فهد خذ اخوك بسرعه ماننذل عند هالاشكال
صقر : اذيتك باختك والحين ولدك
فهد : قم ياهايل تكفى قم مايستاهلك ذا ولا تستاهلك البنت
هايل : يتسذب يبي يحط السبه عليها تكفى يايبه تكفى ياعمي ابوسطام سوو شى تكفون
ابوسطام : وش تبينا نسوي يولدي
هايل : بعد يومين ملكتها تكفى يايبه تكفى
ابوفهد ويحاول يمسك دموعه : رضيت اني اجي له يولدي عشانك وشفته وش قال يبي يضركم يولدي والله مايعطيك البنت
هايل : مابيها تروح علي فهد تكفى
فهد : قم ياهايل وصحصح البنت ماهي نصيبك انتهينا

انتهى البارت

قراءه ممتعة 💙💙