"جابك الله في زحام العمر صدفة "

58

~~~ في بيت ابوسامي ~~~
عبدالرحمن : هذي عيشه مانيب عايشها
هايل : تستهبل انت ووجهك بتقول لابوك هالكلام
عبدالرحمن : اي بقول له هالكلام انت شدخلك
هايل : تراني محترمك لاجل انك ولد عمي والا انت ماتستحق الاحترام
عبدالرحمن : لاتحترم دام ذا احترامك يالبزر
عزام : خير خير ان شاء الله وش هالصراخ كله قومتوني من النوم وش بيقول عنا الرجال الي مسكنا عنده
هايل : تعال شف ذا ابونفس خايسه مثل وجهه
عبدالرحمن : الزم حدك لافرشك هنا ازعجتني بنفسي عسى ماقلت كلمه طرت بحلقي يارجال اذا تبي تقعد هنا انثبر هنا لحالك ماتجبرني
هايل : من قال اني جابرك الله لايحدني على جبرك لشي دام ذي نفسسيتك ونفسك
عزام : ذلحين وش صاير طايرين ببعض وشوي وبتاكلون بعض من الغلطان
هايل : هو
عبدالرحمن : هو
هايل : لا هو
عزام : لا انت ولا هو انا الغلطان والشرهه علي الي جاي بفهم السالفه نعنبو حيكم رجال يمشي على زندكم التيس وذا كلامكم لبعض وكل واحد يبي يجرح الثاني بكلمه اقوى استحو على وجيههم ماعاد صارت عسى مانمنا ولا نبي ناكل ولا نسولف تهاوشتو
هايل : لا تحكم قبل تفهم على ايش متهاوشين
عزام : مابي افهم ولا اعرف والي اعرفه ان كلكم غلطانين واذا ماتعدلتو بعلم عماني
عبدالرحمن : لا مالك حق ترفع صوتك علينا مانت ولي امرنا
عزام : ارفع صوتي وادق خشمك انت ماعاد تستحي
هايل : نبيك عون صرت فرعون
عزام : هذا قليل ادب ومايستحي من جينا هنا وهو حاط حرته فينا اذا فيك عرق رح طلعه على اهلك لاتطلعه علينا
هايل : اهدا ياعزام ولاتكبر الموضوع
عزام : لا بكبره وبشوف وش عنده يطلعه الحين وقدامي
عبدالرحمن : ذا الي عندي
عزام : تبقسني وتمد يدك علي والله وصرت رجال يالرخمه بس ماهو علي
هايل : ياعيال خلاص اهدو فكه ياعزام خلنا نعطيه على قد عقله
ابوسامي بعصاته عالباب : وجع وقص لسان ويد وصوت وش هالازعاج كله
عبدالرحمن : شل يدك عني
هايل : مارح تغثك بشي
عبدالرحمن : الا وجودكم كافي انه يغثني
عزام : انقلع الله لايردك
ابوسامي : خير ان شاء الله وش هالحركات مراهقين انتم احد بجاوبني
هايل : مافيه الا كل خير ياعم نقاش بسيط
ابوسامي : مافيه خير بشوفتك وش نقاشه البسيط لو مادخلت كان تذابحو
هايل : الله يهديك بس ياعم تعال بدكتنا اسوي لك شاهي جمر
ابوسامي : وخر مابيك تسوي لي شى
هايل : امش امش الله يصلحك ويطول بعمرك روق ياعمي الدنيا سهالات يزعلون اليوم يرضون بكرا
ابوسامي : ولد عمكم ذا الصغيير يبيله طق بالعصا عشان يتعدل
هايل : اطقه ولاتخليها بخاطرك افا عليك ياعم ارتاح بس لايرتفع سكرك ولا ضغطك
ابوسامي : بيرتفع دام انتم عندي اي والله قالوها يامن شراله من حلاله عله
هايل : الله يسامحك ياعم هذا جزاتي جايبك وابيك تهدي وخايف عليك وعلى صحتك وانا الي متهاوش من الاساس مع دحيم وناطل علي كلام كبر الجبال افا ياعم والله ماهقيتها
ابوسامي : ياشين هالشاهي دامك انت مسويه قم قم شف وين راحو عيال عمك
هايل بينه وبين نفسه : والله داري انك تبي نشرب البريق كله اجل خايف على عيال عمي
ابوسامي : ياحلو هالشاهي مزبوط سكره
~~~ فالبقالة ~~~
عزام : لاتحاول لساني مايطب على لسانه متمرد هو
هايل : انت الكبير وانت الي تعرف الصح والخطا عالاقل لاتسوون كذا قدام رجال غريب
عزام : انت شايف كلامه لايحترم لا كبير ولا صغير
هايل : انا مااحملك الغلط لحالك وانت مانت غلطان بس عالاقل تسامحو وخلونا نعدي هالليله على خير
عزام : لا تتعب نفسك الي عندي قلته
هايل : والله من المعاند فيكم وانت
~~~ فالمحطه البانزين~~~~
عبدالرحمن : وش تبي
هايل : وشفيك انت صاير كذا ماكنت كذا يابوالدحمي
عبدالرحمن : مغثوث مغثوث ماانغث مااتعب
هايل : الي ينغث ويتعب يطلع فضفضته بهالشكل واذا قصدك السبب ابوي وعماني ف شوفه عينك انا وعزام جابونا معك هنا
عبدالرحمن : دق علي ابو البنت الي ابيها
هايل : والله اني داري هالتنفيسه ذي عشان بنت
عبدالرحمن : بتخليني اكمل ولا اذلف
هايل : كمل كمل
عزام : وش يتكلمون فيه ذولي خلني اروح اسمع
عبدالرحمن : وقال لي وين ارضكم ياولدي انا احسب قصده يسال عن اخباري وان مبطي مادقيت عليه وتعذرت منه قال انا اقصدي وينكم ماجيتو تخطبون ومن هنا عرفت ان ابوي جابني هنا عشان مايبيني اخذها
هايل : وليش حكمت انه مايبيها طيب يمكن كلام ابوك صح لما قال ابوالبنت ماهو قابل فيك وانت بدون شغل
عبدالرحمن : يقدر ابوي يوظفني معه فالرياض بس انا اعرف حركات ابوي
عزام : انا اتفق مع عبدالرحمن فيه حبكه فالموضوع
هايل : بسم الله متى جيت انت
عبدالرحمن : يليل ذا شجابه
عزام : مانيب جاي اسمع لسوالفكم الخاثره هايل امش ابيك
هايل : الله يصبرني عليكم انتم الاثنين
~~~ فالبقاله ~~~
عزام : وش صاير مع ابونفيسه خايسه
هايل : اظن انك سمعت
عزام : من قاله
هايل : اجل تتفق مع كلام عبدالرحمن وانت ماتدري وش الهرجه
عزام : من ذا الي يسلم عليه ابوسامي
هايل : وينه من ذا
عزام : انا اسالك ترجع تسالني
هايل : وانا وشدراني
عزام : امش امش نشوف من ذا الله يستر
ابوسامي : زين الي جيتو بدال ماانادي ذا خويي من سنين
عزام : ياهلا بعمي الله حييه
ابوساره : الله يبقيك
هايل : يامرحبا توني مسوي شاهي
ابوسامي : تضيف الضيف شاهي
هايل : قل انك خلصته بسوي جديد مايضر
ابوسامي : سو قهوه
ابوساره : عرفني عليهم
ابوسامي : هذا عزام اكبرهم واهبلهم وهذا هايل بليس شيطان شيطان حيلك به وهذا عبدالرحمن اصغرهم دائمًا معصب
هايل : ترا انا وعبدالرحمن كبر بعض
ابوسامي : اقطع واخس وانتبه للقهوه ابوساره مايحبها ثقيله ولا خفيفه والهيل لاهو كثير ولا هو شوي والحليب بعد
هايل : خير الامور اوسطها عند عمي ابوساره
ابوساره : اي اي
عزام : الواضح لي ان ابوساره ناوي علينا
عبدالرحمن : انت يالبزر مايحتاج كل من قال اني اصغر منك نطيت وقلت اني كبرك ترا شكلي اصغر
هايل : هو بكل الاحوال انت اصغر مني بكم شهر مافرقت يخوي
عزام : اما دحيم اصغر منك وراني توني اعرف
هايل : بكم شهر بس
عزام : قلبي ماهو مرتاح له ابدا عمي ابوساره وين ساكن انت
ابوسامي : عيب عيب تسال هالاسئله عمك بيتم قاعد عندنا فتره
عزام : اها الحين فهمت ليه وين اهله
ابوساره وهو يبي يصيح : هزيت الذكرى
ابوسامي : ماني قايل لك اقطع واخس
عزام : اح علامك انت
هايل : اسكت بكيت الرجال
عزام : اسفين اسفين ياعم ماقصدنا نفتح عليك الماضي
ابوسامي : ابوساره ماعنده ذريه ربي مارزقه وحرمته توفت وهو مابغى يتزوج
عبدالرحمن : الله يرحمها انت لاعاد تسولف
عزام : اقطع واخس لاقوم عليك
ابوساره : وش بلاهم هذولي
ابوسامي : مثل ماانت شايف مغير يتهاوشون
ابوساره : عيب ترفع صوتك على الي اكبر منك
عبدالرحمن : اي ان شاء الله
ابوساره : قم قم ياولدي جب لنا بسكويت من البقاله قم
عزام : بدينا
ابوساره : وقف وش كنت ابي اطلبك بعد اي جب مويه لنا
عزام : على حساب من احطها
ابوساره : وشهو وش قال
ابوسامي وهو يغمز : انقلع انقلع فشلتنا مع صديقي
عزام : الله يصبرني
هايل : ههههههههههههههههههههههههههههههه كلوه بقشوره
ابوساره : قم انت همز رجليني وخل الضحك
عبدالرحمن : ههههههههههههههههههههههههههههههه تستاهل
ابوسامي : قم همز ظهري انت بعد
هايل : بردت قلبي ياعمي
ابوسامي : اقطع واخس وش رايك بالقهوه يابوساره
ابوساره : مالهه سبحان الله
ابوسامي : مثل الي مسويها
هايل : انا الي مسويها
ابوسامي : اي ياشين كل شى تسويه
عزام : امسك ذا البسكوت وذا الماء
ابوساره : وين عشاكم يابوسامي ماخبرتك تتاخر بالعشاء
ابوسامي : مامن تاخير قم انت واياه سوو العشاء
عبدالرحمن : نعم
ابوسامي : وينه خويك ذا ناوي ابجلده
عزام : انحش رفع عقاله
هايل : مانعرف نطبخ
ابوسامي : تعلمو الحين
عزام : امشو امشو انا اعرف بس ساعدوني
عبدالرحمن : اذكر ان عنده بنت وين اختفت هي بعد
ابوساره : ياطول هالولد وش قلت لي اسمك
ابوسامي : ذا اسمه هايل
هايل : اح ياعيال الحقوني
عزام : سلامات سلامات خطاك السوء
ابوساره : عسى ماشر وش جاه
عبدالرحمن : طاح على رجلينه الحطب
ابوسامي : مابه خلاف كملو طبخ
عزام : احترق الولد وتقول مابه خلاف
ابوسامي : اي اسدحوه عندنا وانتم كملو شغلكم يله يله
عزام : حلات من هفه بالملاس اقول ابوالدحمي ماتحس ان ذا ابوساره نحوت
عبدالرحمن : وش الي خلاك تحكم عليه
عزام : مدح طول هايل وطاح الحطب عالولد
عبدالرحمن : هايل مخروش مايمسك شى الا ويطرحه
عزام : والله مدري
~~~~ في بيت ابوفهد ~~~~
ابوفهد : روحي سكتيهم لادخل عليهم
ام فهد : رايحه رايحه الله يصبرني وش فيتس انتي واياها اصواتكم واصله للمجلس
عفراء : عروستك الجديده ماتبي تحط يدها فالشغل خايفه على يدها
ابوفهد : فكي شعرها طيب
عفراء : خالتي الي تسوونه ظلم انا وشهد وزينب نكرف وهي لا
زينب : بردت قلبي أم عبدالله
ام فهد : ماسويت شى انا عشان تحكمين وانتي ليش ماتبين تشتغلين
هيام : والله يام فهد ماقلت شى قلت عطيني اي شى الا غسيل الموعين وهي صامله الا تبيني اغسل
عفراء : انا طبخت وجهزت وش تبين اعطيتس تودين بس السفره
ام فهد : خلصنا ياعفراء عدو هالليله على خير
عفراء : مانيب معديتها
ندى : الحين هذي نظافتتس ببيت اهلتس ترمين الاكل تحت السرير والقراطيس عجزانه حتى غرفتتس تكنسينها
هيام : وش دخلتس بغرفتي
ندى : ابشوف ذوق اخوي الي ترك اجمل البنات وخذاتس
هيام : دام عاجبتكم اجمل البنات خلوها هي تكرف لكم
زينب : تخسين
ام فهد : اكسري الشر ياهيام وقومي بالشغل الي تعطيتس اياه أم عبدالله والا والله لاوصل العلم لفهد
هيام : لا ياخالتي خلاص تبشرين بسوي الي تبون
زينب : قطع
عفراء : غسلي الموعين وقبل تبدين تغسلين سوي القهوه والشاهي خالي يحب بعد الاكل يتقهوى
هيام : صعب علي اسوي كل هالاشياء
ندى : تتعودين مع الوقت لاتخافين
عفراء : كفتس ياندى
زينب : لاتسوون كذا معها هي الي بتبقى وانا الي بمشي
ندى : تخسي ومالحب الا الحبيب والزوجه الاولى
فرح : زينب ابيتس شوي تعالي
عفراء : الا وين شهد تقل مختفيه
ندى : اما تكوي ملابس ولا نايمه
عفراء : وليش تكوي ملابس وهي حامل
ندى : تحط الحره فيها
عفراء : وش شعورتس وكل اخوانتس عندهم زوجات واحنا زوجاتهم
ندى : شعور يع بعدين مو كلهم بقى هايل
عفراء : صح اخوتس ذا ماله نيه يعرس
ندى : يعرس وهو يحب اختتس
عفراء : ذكرتيني ادق عليها اشوف اخبارها
ندى : حطي حطي سبكر بسمع
عفراء : يله
~~~ بغرفه زينب ~~~
زينب : هلا فرح وش بغيتي
فرح : اقعدي انا بقولتس كلام وتكفين لاتسوين شى قبل ماتفكرين بكل الاطراف
زينب : عسى ماشر وش صاير
فرح : انا ادري انتس تبين تتطلقين من فهد بس يازينب زواجي مرتبط بزواجتتس
زينب : ومن قال
فرح : انا اقول كل شى يصير بينتس وبين فهد ينحط السبب علي وعلى خالد
زينب : مستحيل انا تعرفيني مستحيل اذيتس او اذي اخوي الغلط بيني وبين فهد
فرح : اهلتس يازينب انتي تعرفين ابوتس اكثر مني بالفتره الي فهد راح للرياض وماعلمتس وهجرتس ابوتس قال لخالد ودها لبيت اهلها وشوفه عينتس شهور قاعده عند اهلي ماكلف على نفسه يدق
زينب : بس انا وش ذنبي يافرح العتب على خالد ليش يسمع لابوي
فرح : الي ابي اوصله اي شى بتسوينه انتي وفهد طشاره رح يجيني انا وخالد وانتي تبين تتطلقين واكيد خالد بيطلقني عشان يقهر فهد زينب تكفين اصبري وتحملي ماهو عشان فهد ولا عشرتكم عشان الي ببطنتس وببطني
زينب : لاتبكين ياروحيي دموعتس والله غاليه وانتي مثل مانتي شايفه فهد غلطان ومافيه حرمه تتحمل الي قاعد يسويه خالد عالاقل ماتزوج عليتس مثل الي سواه فهد عالاقل ماحب قبلتس ولابعدتس تزوجتتس انتي وحبتس لاتربطين بين فهد وخالد
فرح : انا مابي اربط ابوتس الي يربط
زينب : ليش ماتقولين خالي
فرح : ماخذه بخاطري عليه واجد والله يازينب اني صابره ومتحمله وكل من سالني وين زوجتتس استحيت مدري وش اقول
زينب : خلاص خلاص ابشري اصلا كذا ولا كذا فهد ماخذ جوالي يعني ماقدر ادق على اهلي
فرح : ياحبيبتي اخيرا احد فهمني
زينب : لاتضيقين صدرتس وتعالي نتقهوى مع الباقين
فرح : يله
فهد : هلا بالغاليه شلونتس
فرح : توك تذكر ان عندك اخت
فهد : افا افا قعدتنا زعلانه مني
زينب : محد راضي عليك وخر عن وجهي
فهد : ادخلي فرح ابكلمتس
فرح : وش بغيت
فهد : انا سمعت كل كلامتس الي قلتيه لزينب والله لولا غلاتتس عندي واني اعرف محبتتس لخالد كان مسكت خط للرياض له
فرح : ليش يافهد انت الغلطان انت عارف بدايه زواجنا اثنينا وقاعد تعاند وش قصرت معك فيه زينب
فهد : مابي اتكلم بموضوعها انا ابختصر عليتس دام خالد ماله كلمه والكلمه لابوه قعدتس عنده ماعاد لها لزوم
فرح : ليش ماعاد لها لزوم والي ببطني من بيربيه
فهد : بيت خواله اولى فيه
فرح : اختصر علي يافهد وش تبي
فهد : تطلقي
فرح : ليش ناوي تطلق زينب
فهد : هي ماتبيني وانا مابيها وعشان احفظ كرامتتس ابيتس تطلبين الطلاق من خالد قبل اطلق زينب
فرح : يوم تزوجت الي تحبها لفيت علي وعلى خالد لاتتدخل عندي ابوي وامي يتكفلون بسالفتي
~~~ بمجلس الحريم ~~~
عفراء : شلونتس يالعوباء
ميهاف : اها عفراء ياهلا بخير انتي شلونتس
عفراء : بخير وحبيبتس بخير بعد
ندى : اسكتي ليكون زوجها جنبها
ميهاف : احم اي شلون عيالتس
عفراء : يوه شكله صدق جنبها بخير كلهم بخير انتي شلونتس وشلون زوجتتس واهله
ميهاف : كلهم بخير الحمدلله
عفراء : صوتتس كانتس بسياره وين رايحه
ميهاف : اي رايحه للبحر انا وعبدالعزيز
عفراء : بحر وينتس مسافره له وانا مادري
ميهاف : الشرقيه الشرقيه لاترفعين امالتس
عفراء : يعني نقدر نقول خلاص حبيتي زوجتتس
ميهاف : وهذا سوال ينسال اكيد بحبه
ندى : حسافه دموع اخوي طلعت ماتستاهل
عفراء : عطيني عبدالعزيز ابكلمه
زينب : يوه يوه يافضحنا فضحاه وش تكلمينه عيب
عفراء : عادي انا بحسبه اخته
ميهاف : يسمعتس تكلمي
عفراء : عبدالعزيز شلونك ياخوي شلون امك وابوك
عبدالعزيز : ياهلا ام عبدالله كلهم بخير الحمدلله
عفراء : ها عاد لاوصيك انتبه لاختي زين
عبدالعزيز : لاتوصين حريص هي امانه عندي
عفراء : اي ولاتنسون من الهدايا وانتم جايين
ميهاف : الله يفشلتس مع السلامه
شهد : يوه يوه هالبنت ماهي صاحيه ابد
عفراء : وانا صادقه نسيب بالاسم
زينب : الا شهد وش صار على زواج اخوتس عبدالرحمن تقل هجدو
شهد : بعد تعرفين ابوي خلا عبدالرحمن يروح يشتغل بقريه
ندى : يعني كنسلو الزواج
شهد : لا لن شاء الله بيتزوجون بس بعد مدة
ندى : اي زين الله يوفقهم
زينب : ترا واضح شهد ملاحظه اسئلتك الغريبه عن اخوها
عفراء : شكل سبب تاخير زواجهم نفس
ندى : وانا شدخلني فيهم بس سالت من محبتي لفاتن خفت يصير لها مثل الي صار لميهاف
فرح : بس فاتن غير هي ماحب عبدالرحمن الا بعدين وواضح عليها البنت قويه ماشاء الله مايهمها رجال
زينب : اي ان شاء الله يصير عبدالرحمن كفوو وعند كلمته
ندى : يموت فيها وتقولون يصير عند كلمته قالب الدنيا هناك على عزام وهايل
فرح : ليش وش فيه
ندى : يقول هايل انه يقول ان متصل ابوفاتن عليه وقايل وينكم ماجيتو تخطبون انا عطيت ابوك يوم وابوك ماجاء ولا انت جيت ولا تعذرتو
فرح : قاعده احس ان سالفه هديل ومحمد بتتكرر
عفراء : لا مستحيل فيه فرق اذا الرجال يبي ولا مايبي يرتب الامور على كيفه
زينب : الله يوفقهم هذا الي نقدر نقوله
هيام : خلصت غسيل موعين وتنظف مطبخ بقى شى بعد
عفراء : لا خلاص انقلعي لغرفتتس
ام فهد : عفراء مانتي الامره والنهايه هنا وانتي ياامي هيام غيري ملابستس وتعالي تغدي معنا
هيام : ماني مشتهيه بالعافية
ام فهد : الله يعافيتس
عفراء : والله شوفه عينتس يازينب انا احاول بس كالعاده خالتي تخرب بطيبتها
ام فهد : ماهي سالفه طيبه ولا هي سالفه انتقام هي صارت كنتنا الجديده وحتى لو مانيبها بنرحب فيها دايما صارت فرد من عائلتها وبس انتهى الكلام
فرح : تغدي يمه الله يهديتس
ام فهد : شبعت اذا خلصتي روحي لهيام وقولي لها تحط شى على راسها وتجي للمجلس يبيها ابوتس
فرح : ابشري
ندى : ماهي مشتهيه تحسب فيه مطعم هنا يسد جوعها
عفراء : شافتنا عالارض واشتغل الغرور عندها ورفعه الخشم
زينب : هذا كلام تقوله خالتي وتقوله بوجهي يعني زي الي اسمعي واسكتي
شهد : اكسري الشر يازينب انتي ماتحبين فهد وتبين تتطلقين بس تتيح الفرصه لتس خلاص شعليتس منها
عفراء : بلاها تحب فهد عشان كذا تغار
زينب : لا اغار ولا احبه ولا شى من هالكلام بس ماله داعي خالتي تقول هالكلام بوجهي وفوقها خالي يبي يكلمها
ندى : هذي هي سنه الحياه شنسوي بعد
~~~~ في شقه عبدالعزيز وميهاف ~~~
ميهاف : يازين البحر ودي اسكن فيه
عبدالعزيز : تلمحين ابيع كليتي واشتري لتس بيت عند البحر
ميهاف : ههههههههههههههههههههههههههههههه مو لهالدرجه
عبدالعزيز : اي اشوا يلا فرشت السفره وحطيت الغداء غسلي وتعالي
ميهاف : يعاملني بطيبه واحساس يدلعني قدام الناس
عبدالعزيز : خلي الغناء بتاكلين ذلحين
ميهاف : خلاص خلاص الواحد مايروق عندك اوه سمك من زمان مااكلت سمك
عبدالعزيز : ماهو عشانتس جايبه عشاني انا مشتهيه
ميهاف : حتى لو عشانك باكل لاتحاول تسد نفسي
عبدالعزيز : كلي كلي جعل محد ياكل غيرتس
ميهاف : متى بنرجع للرياض
عبدالعزيز : متى تبين نرجع انتي
ميهاف : بكرا احس اشتقت للرياض
عبدالعزيز : تبين اوديتس عند خويتتس الي تقولين هنا
ميهاف : تمزح
عبدالعزيز : لا
ميهاف : تكفى صادق بتخليني اشوفهم
عبدالعزيز : اي اي بخليتس تشوفين الي هنا وخويتتس الي فالرياض
ميهاف وهي تحضنه : ياحبيبي والله بكلمها ترسل لي لوكيشن البيت
عبدالعزيز : تغدي لاحقه عليها
ميهاف : برجع برجع دقايق تغدا انت
عبدالعزيز : ههههههههههههههههههههههههههههههه والله لو انه انا على هالحماس

انتهى البارت

قراءه ممتعه 🫶🏻💞