"جابك الله في زحام العمر صدفة "

33

~~~ في المستشفى ~~~
ميهاف : شسوي خايفة خايفة
فاتن : اهدي ماراح يصير شى
ميهاف : مدري خايفه احس بيصير شى يمه يمه ابوي يدق يدق
زينب : اهدي بتوترتس ذا بتفضحين نفستس
ميهاف : شسوي طيب
فاتن : افتحي وحطي سبيكر
ميهاف : احم بسم الله الو هلا يبه
صقر : هلا بنتي شلونتس شلون الشغل واجواء القرية
ميهاف : كل شى بخير انت شلونك وخالتي شلونها
صقر : بخير ابسالتس
ميهاف : لبيه
صقر : لبيتي الكعبه متى بيخلص تدريبتس هناك
ميهاف : هالشهر بيخلص يعني اذا خلص شهر ١٢ ارجع للرياض
صقر : مره مطوله اجل بجيتس مشتاق لتس وفيه موضوع ابقوله لتس
ميهاف : دقيقة يبه فيه حاله طارئه
فاتن : شنسوي شنسوي
ميهاف : قلت لكم بيعرف حبل الكذب دائما قصير
زينب : ارجعي دقي وقولي له فيه حاله طارئه وبنجي لمستشفى الرياض والي هو هذا والحين اطلعو وتعالو بعد ربع ساعه بسرعه بسرعه
فاتن : فيه حطه افضل
ميهاف : وش هي
فاتن : ترجعين تدقين تقولين يبه مايحتاج تجي جتنا امس حاله طارئه ونقلناه للرياض وانا الحين فالمستشفى الي هو ذا وقولي له اذا خلصتي بتجين له
ميهاف : واقعيه أكثر
زينب : يلا دقي طيب توترت معتس
ميهاف : الو يبه اسفه لو طولت
صقر : معليه يبنتي بس وشفيتس قفلتي
ميهاف : جتنا امس حاله خطره للمركز ونقلناه للرياض وانا حاليا فالمستشفى فالرياض ونادونا له ورحت وش كنت بتقول له يبه تبي لما اخلص شغل اجيك
صقر : انا بنفس المستشفى يبنتي عند جدتس تعبان
ميهاف : يلا جايتك
فاتن : يس انحلت بروح اشوف ابوي بعد انا
ميهاف : يبه اشتقت لك
محمد : احم امشوا نشوف جدي من قريب
ميهاف : عمي غريبه وش عرفكم باللي صار
ابوعبدالعزيز : علمنا ابوخالد
ميهاف : ابوخالد علمكم وهو ماجاء المهم يبه وش كنت تبي تقول لي
صقر : امشي اقول لتس بعيد
فاتن : يبه شلونك اشتقت لك مره
ابوفاتن : صبرنا ٣ شهور وباقي شهر هانت يبنتي
فاتن : يبه بقول لك شى
ابوفاتن : سمي ياابوي
فاتن : هذاك الولد اذا تقرب منك اصفقه تكفى
ابوفاتن : اها قصدتس دحيم ليه والله انه حليل
فاتن : احسه مشاركني فيك مايصير يبه انا وحيدتك
ابوفاتن : لا انتي بنيتي الوحيده وهو مايقصر دائمًا معي الله يحفظه لاهله ويرزقه ببنت الحلال الي تصونه
فاتن : الله يعينها المهم بترجع للبيت
ابوفاتن : اي والله برجع ظهري هاليومين يوجعوني
عبدالرحمن : بجيب لك كريم من الصيدلية وحده بوحده ياعم
ابوفاتن : ماتقصر يولدي مايحتاج
عبدالرحمن : لا والله لاياعم انا حلفت اخذه لك تعال معي للصيدلية
فاتن : يارب الخلاص منه وارتاح وش صار مع ميهاف
~~~ فالغرفه عند ميهاف وصقر ~~~
ميهاف : وش فيك يبه تكلم
صقر : اسمعيني يابنتي انتي كبرتي وجامعة وخلصتي وتطبيق ويتخلصين وعمتس ابوعبدالعزيز حاجزتس من يوم كنتي صغيره لولده عبدالعزيز وانا وافقت واذا خلصتي تطبيق بنحط الملكه
ميهاف : وش هالاستعجال كله يبه وانت ماسالتني
صقر : ومن متى اخذ رايتس بشي
ميهاف : صح من متى تاخذ رايي بس عالاقل بحياتي المستقبليه خذه
صقر : لاترفعين صوتتس ولد عمتس اولى فيتس وعبدالعزيز رجال وعنده وظيفة ترفع الراس وراتب وبيت واهل مافيه مثلهم
ميهاف : لو خطبني احد ثاني بترفضه
صقر : وش قصدتتس
ميهاف : لو احد ثاني عنده وظيفه افضل من عبدالعزيز وعنده اهل احسن من اهله بتوافق
صقر : انا عطيت كلمتي لاخوي ومافيها رجوع بس لو جاء شخص يستحقتس ليش لا
ميهاف : زين ماقصرت عالخبر يايبه لاتنسى تفكر بعيالي المستقبليين كم اجيب ووش جنسهم ووش اسماءهم
صقر : لسانتس طايل ويبيله قص اسمعيني ياميهاف لو فيه واحد ببالتس حلم حلم تمسكين يده وانا راسي يشم الهواء فاهمه ويلا عجلي بدريبتس ذا من رحتي للقريه وانتي متغيره تبين تطيحين راسي
ميهاف : الله يسامحك يايبه ماقدر اقول شى بالنهايه انت ابوي بروح عندي مرضى
فاتن : وش صار وش يبي فيتس ليه ساكته تكلمي
زينب : تبكين ياميهاف وش فيتس ياامي انتي
ميهاف : محترق قلبي يازينب محترق
فاتن : بسم الله عليتس وش قايل لتس
زينب : اهدي اهدي بعدين تكلمي عطيني مويه فاتن
فاتن : ها خذي
زينب : هديتي تكلمي
ميهاف : قال قال لي خلصي تدريبتس واذا رجعتي بنحط ملكتتس
فاتن : ايشش يستهبل ذا للحين الجن الي براسه ماهجدت
زينب : فاتن طيب من هالشخص
ميهاف : عبدالعزيز ولد عمي
زينب : طيب ماتقدرين تتفاهمين مع عبدالعزيز ويجي الرفض منه
ميهاف : مستحيل يرفضني هو يحبني من لما كنا صغار شسوي تكفون مابي الا هايل شسوي
فاتن : عندي خطه
زينب : لاتغامرين بخططتس
فاتن : بضحي بنفسي عشانتس ميهاف
ميهاف : ها بتضحين وش بتسوين
فاتن : بحاول اجيب رقم عبدالعزيز ذا وبخرفنه
ميهاف : صادقه بتسوين كذا
فاتن : اي بس مارح اقوله له كل شى عني حقيقي
زينب : تعشمين الولد عالفاضي مايصير
فاتن : التجربه مجانا عطيني رقمه ميهاف
ميهاف : ها امسكي
زينب : كيف جبتي رقمه
ميهاف : قد ارسل لي قبل وبلكته
فاتن : بسم الله احم وش اقول
زينب : الله يعجل بجيه فهد لان لو جلست دقيقه بينكم مخي بينفجر
ميهاف : قولي اي شى
فاتن : مايصير هو محامي صح
ميهاف : اي
فاتن : بس سهله احم ، السلام عليكم انت المحامي عبدالعزيز ابغى استشاره منك لو سمحت" يمه يمه متصل
زينب : وش خوفتتس الحين
عبدالعزيز : وعليكم السلام مااتكلم عبر الرسايل اما تجي لمكتبي ولا دق علي
فاتن : لا يمه وش ادق احم ، ماعرف مكتبك وين
عبدالعزيز : كيف عرفت  رقمي وانت ماتعرف مكتبي وين
فاتن : ليش تكلمني باسلوب ولد وانا بنت
عبدالعزيز : شكلك تبي تضيع وقتي اسف بلوك
فاتن : كش يالبجيح تكفين صفقيه ميهاف ولا خليني عليه
ميهاف : وش بسوي الحين تكفون بنهار مابقى شى ويخلص الشهر
فاتن : كم التاريخ اليوم
زينب : ٢٢/١٢
فاتن : الشهر كامل ولا ناقص
زينب : ناقص
فاتن : باقي اسبوع يعني مايمدي هايل يدور وظيفه وبيت حلو ويسامح ابوه مع ابوتس يالله وش السوات
ميهاف : بروح للحمام
فاتن : روحي معها زينب صوت اجهزه بشوف وش صاير
هايل : يادكتور يادكتور تعال جدي جدي
الدكتور : جيت
فاتن : اهدو بطلع وبطمنكم
الدكتور : عطوني جهاز الانعاش
فاتن : وش صار يادكتور وش صار مامات صح
الدكتور : ساعه الوفاة ١٢ الظهر التاريخ ٢٢/١٢ الله يرحمه
فاتن : مات
الدكتور : للاسف
هايل : وش صار يادكتور تكفى طمنا
الدكتور : عظم الله اجركم مات
محمد : كيف مات وانت تقول انه بخير
الدكتور : الحقيقة شفت المرافقين كبار سن وحطيت الاجهزة عليه جرعه اطمئنان لهم ولا هو ميت من جبتوه
عبدالرحمن : جدي راح
هايل : رحمه الله عليه
سطام : عظم الله اجركم الله يرحمه ياعيال كيف بنعلم ابوانكم
هايل : راح جدي وماوفى بوعده وعدني يخطب لي ميهاف جدي
"مات الجد محمد بعد ماكان حضوره صلح وجمعات ووجوده يحسسهم بالامان راح وبيفقدون قصصه عن جيل الطيبين وقصه حبه هو وجدتهم راح الجد محمد وطفت انوار القرية وانتهت قصه حب محمد وسلمى ، مر ثلاث ايام وانتهى العزاء وكان الكل مثل التمثال ساكتين والبيوت ساكته بعد ماكانت كلها صوت وناس داخله وطالعه بس وش حلاه القريه بدون الجد محمد والجده سلمى؟
"بعد ثلاث ايام"
~~~~ في بيت ابوفهد ~~~~
ام فهد : كل يبوفهد تكفى كل ثلاثزماطب افمك شى
ابوفهد : انكسر ظهري يام فهد انكسر ماعاد للحياه طعم دفنت امي واختي والحين ابوي
ام فهد : مكتوب يابوفهد وراح وارتاح
ابوفهد : خليني ياام فهد لحالي خليني
زامل : يبه لنا اسبوع مافتحنا الحلال وش تشور عليه
ابوفهد : وين اخوانك الباقين
زامل : فهد رجع للرياض تعرف شغله وسياف باشر بالشغل وراح هو وحرمته اجبروه ولا ماكان وده
ابوفهد : وهايل
زامل : هايل مايتحرك من عند قبر جدي الله يرحمه
ابوفهد : الله يرحمك يايبه كان فيك حيل يولدي افتح المحل بكيفك
ام فهد : تراه على هالحال من ثلاث ايام
زامل : لاتلومينه يايمه محد قادر يمسح دمعته وان مسحناها وجعت تنزل
ام فهد : ليت فهد وسياف ماراحو صار البيت هدوء
زامل : ماودهم بس خلاص شغلهم لازم وحتى محمد رجع للرياض
ام فهد : الله يسهل دربهم ويوفقهم انتبه يمه لاخوك هايل
زامل : لاتوصين حريص رايح اشوفه وبفتح المحل نترزق
ام فهد : رايحه اشوف اختك منهاره هي بعد
زامل : الله يرحمك ياجدي
~~~ فالمركز الصحي ~~~~
ميهاف : مدري اعاتب ولا اسكت واقول من حقه بس انا جالسه اروح وهو وماسوى شى
فاتن : لاتلومينه ياميهاف انتي اكثر وحده تعرفين قد ايش متعلق بجده
ميهاف : تتوقعين بيسحب علي
فاتن : لا مااتوقع وبتشوفينه كيف بيحاول
ميهاف : يمه ارسل
فاتن : الحمدلله افتحي وش قال
ميهاف : يقول ' لاتخافين ياحبيبة قلبي حبيب قلبتس مايرجع عن وعوده اليوم رايح اخطب مع اخوي فهد ' ياخي والله احبه يارب يارب ابوي يوافق
فاتن : أخيرًا ضحكتي يله عسى نسمع الاخبار الحلوة
ميهاف : امين يارب باقي بس اربع ايام واروح للرياض
فاتن : تفائلي يابنت الحلال
خوله : لو ماعزمتيني يويلتس من الله عاد
ميهاف : اول الحضور معليتس
فاتن : بنت ازبطي وضعك
ميهاف : ابشري ههههههههههههههههههههههههههههههه
خوله : قهوة ماهو حبيب عدل مزاجها علطول
فاتن : مابعد شفتي شى
خوله : احس اني بشتاق لكم بتجون زواج هديل صح لو خذت محمد ذا
فاتن : لو انعزمنا مانقول لا
خوله : يس واخذت ارقامكم اذا جيتو الشرقيه علطول دقو علي
فاتن : نقول ميهاف بتتزوج هايل ويسافرون الشرقيه شهر عسل بس انا ليش اتزوج
خوله : تتزوجين عبدالرحمن وتجين شهر العسل عندنا
ميهاف : اسفه بس ماقدرت اسكت وعلمتها
فاتن : ترا تكذب عليتس ماحبه ولا يحبني
خوله : ماتحبينه صح بس هو مايحبتي خطا لان اليوم جايب باقه ورد وكاتب الى حبيبتي وزوجتي المستقبليه اتمنى تقبلين هالورد من حبيبك دحيم احبتس
فاتن : وينها الباقه
خوله : امزح معتس ماجاب شى كنت اختبرتس
فاتن : علمتتس هالحركات ذي ميهاف طيب طيب يالخفيفة
ميهاف : بالله عليتس مو عصبيتها تضحك
خوله : الا الا تضحك ههههههههههههههههههههههههههههههه
~~~ عند محل ابوفهد ~~~
زامل : واذا ابوي عرف وش بتقول له
هايل : هو بكل حالتين بيعرف بس ليش يعرف بالخطبه
عبدالرحمن : لانه ابوك ياغبي لازم يعرف ويروح يخطب معك
هايل : نحط اي حجه
فهد : طيب حطينا حجه للخطبه الملكه من وين بنجيب عذر ابوي مايبي صقر ذا
هايل : بنحاول يلا تكفى فهد تكفى
فهد : وش اسوي يازامل
زامل : رح معه وش بتسوي بعد رح واخطب له حبيبته وخله يفكنا
فهد : الله يستر من الي بيصير يلا امش عندي تجهز ف شقتي
هايل : يس اذا سال ابوي عني قل مدري وش تقول قل اي شى
فهد : قل فهد شافه فالمقبره ونفسيته خايسه وخذاه معه للرياض وبيرجعون بكرا او اليوم فالليل الين يتعدل هايل
عبدالرحمن : هايل راسك اسمع لاتتوتر عند ابوها بيجلس يستفزكم كلنا نعرف حركاته والله ودي اروح واخطب معك بس محد يحل مشاكل اختفائك غيري
هايل : بالملكه انت تشهد لنا
عبدالرحمن : مبروك مقدمًا ياولد عمي
فهد : يلا يلا استعجل ورانا خط وخل حبيبتك ترسل موقع بيت اهلها
هايل : طيب طيب بقول لها
عبدالرحمن : الله يوفقه
زامل : وش يصيحك انت بعد
عبدالرحمن : احبه وش اسوي
زامل : الله يشفيك رح لمكتبك رح
عبدالرحمن : بروح للمستشفى يضمدون لي قلبي المتكسر
زامل : اقول اقعد تبي تروح لحبيبتك انت بعد اجلس
عبدالرحمن : ابشر
زامل : رجع يصيح الله يعيني عليكم الله يعين
~~~~ فالمركز الصحي ~~~
ميهاف : طلب موقع بيتي
فاتن : عطيه
ميهاف : بدور عند مندوب ولا بقاله
فاتن : متوتره العروس
ميهاف : لقيته لقيته ارسلته يارب يارب يوافق
~~~ في شقه فهد ~~~
زينب : امسك البخور تبخروا
هايل : ليته عرسي واخلص من هالتوتر كله
فهد : لاتستعجل الزواج ماوراه الا الهم
زينب : ياحلو من كب عليه مويه حاره تصلخه صلخ الكلب
فهد : يلا مشينا بياذن المغرب
هايل : يارب اجعلها من نصيبي
~~~ عن بيت صقر ~~~
صقر : اوه عيال ابوفهد وش عندكم
فهد : جايين نخطب
صقر : تفضلو تفضلو نسمع وش عندكم القهوة ياحريم ايوه تكلمو
فهد : احم والله ياعم صقر جيتنا واضحه جايين نبي نخطب بنتك على سنه الله ورسوله ومانبي البعد وانت تعرف نظام عايلتنا الاقربون اولى وانت زوج المرحومه خالتنا وبنتك بنت خالتنا ونتشرف نناسبكم
صقر : ههههههههههههههههههههههههههههههه وابوكم يعرف بجيتكم هنا
فهد : ان عرف ولا ماعرف مارح يجي ويخطب وبينكم مشاكل وانت اعرف واحنا الي نجهل
صقر : زين زين اسمع يولدي كلامك ذا وخطبك بسوي نفسها ماسمعتها وان كان نيتك تبيني ازوج بنتي لاخوك وابوكم مايبيها فهذا حلم خلو ابوفهد يجي يخطب وابد مايصير خاطرك الا طيب
هايل : لاتصعبها ياعمي تكفى لاتصعبها انت تعرف ابوي وتفكيره وعناده انا في وجهك ماتوقف بوجيهنا
صقر : خل خطبكم ذي صلح بيني وبين ابوكم بنصير انساب وجدان لعيالكم لازم نتصالح ولا
فهد : هذا اخر كلام عندك يعني
صقر : اي
هايل : اسمعني ياعمي ان كانت نيتك توقف بوجهي وتصعبها وتحط الموضوع بابوي فاستريح ابوي بيجي عشان ولده مايخلي شى بخاطره وبتشوف
صقر : لاتطولون ننتظركم وعطونا خبر عشان نشربكم القهوة
فهد : قهوتك مشروبه ياعم لنا جيه ثانيه امش ياهايل
صقر : يبي ياخذ بنتي اجل ههههههههههههههههههههههههههههههه
~~~ فالسياره حقت فهد وهايل ~~~~
فهد : لاتتضايق يابوي كانها نصيبك محد بياخذها
هايل : وشلون بقنع ابوي وشلون
فهد : انا جاي معك للقريه وبقنعه معك وتعرفه يسمع لكلامي
هايل : صادق يافهد
فهد : ابد عندي الموضوع مشينا للقرية
~~~ فالمركز الصحي ~~~
ميهاف : مايرد مايرد مرت نص ساعه اكيد ابوي سوا سالفه وهو مايبي يعلمني ويكسر قلبي
خوله : وشفيها متشائمه هي
فاتن : تفائلي ياميهاف وادعي واذا هو نصيبك مارح تمسكين يد الزفت عبدالعزيز
خوله : وروني اياه عبدالعزيز ذا ناويه عليه
فاتن : المشكله محامي
خوله : ههاي مااخاف خويتي محاميه بعد
فاتن : ليتها بسيطه كذا اسمعي ميهاف روحي ارتاحي فالبيت
ميهاف : اذا جلست لحالي بيموت من التفكير خلوني هنا
خوله : جوعانه وش ناكل
فاتن : فيه بوفيه هنا نروح نجيب
خوله : قدام
~~~ في بيت ابوسطام ~~~
ابومحمد : والله يبوسطام القرب منكم حلوو واعرف ان وقتي غلط تو ابوي متوفي بس مارح نحط عرس نزفهم بالفندق وخلصنا
ابوسطام : تعرف يبومحمد الكلام ماهو معي مع البنت وانا من عندي موافقزبس بسال بنتي والله يكتب لهم الي فيه الخير
ابومحمد : امين يلا استاذنك اذا استخارت بنتك علمني
ابوسطام : ان شاء الله
ام سطام : وليش مافيه عرس البنت بكر وتستاهل عرس ماصار ولا استوى
ابوسطام : وشرايتس ياهديل
هديل : يكل الحالتين سوا جدهم مات ولا لا مابغى عرس لان بيجلسون الناس وخوياتتس يمه يتكلمون بنت وخذت واحد متزوج وعنده ولد وقيل وقال فانا موافقه
ابوسطام : موافقه عالزواج بعد
هديل : اي موافقه بس رد عليه يبه بعد ثلاث ايام
ابوسطام : الله يوفقكم ويسخركم لبعض
ام سطام : انتم بتجيبون لي السكته ناوين علي صح وين سطام سطااام
سطام : يمه بسم الله وشفيتس
ام سطام : وينك فيه
سطام : نايم ياحلوه اللبن بغيتي شى
ام سطام : احد ينام الين المغرب جني انت تنام الصبح وتقوم الليل
ابوسطام : راحت تحط الحره باخوتتس
هديل : الله يعينه ههههههههههههههههههههههههههههههه
~~~~ في بيت ابوفهد ~~~~
ابوفهد : شلون تروحون بدون شوري وتاخذون رايي وتفشلوني عنده من سمح لكم
فهد : صادق يبه احنا غلطنا بس كنا عارفين انك بتعيي تروح وقلنا نجرب لحالنا
ابوفهد : وبما انكم عارفين اني برفض ليش جايين تقنعوني الحين اروح من جديد
هايل : لانه قال مارح يعطينا رد الين تجي انت معي وتخطب وتتصالحون
ابوفهد : انا اعرف نواياه صقر ذا يبيني اجي عنده ويهينني اعرف حركاته
هايل : تكفى يايبه تكفى انا احب بنته ولا ابي غيرها
ابوفهد : مستحيل ياهايل انا حالف مااطب بيته
فهد : يايبه تكفى لاتقطعون بالنصيب بسبب هواش مر عليه سنين خلو قلوبكم تتصافى
ابوفهد : لا والف لا انتهى النقاش
هايل : كنت عارف ان ابوي بيرفض وش بسوي الحين
عبدالرحمن : نروح لخطه ب
فهد : وش هي
عبدالرحمن : نخلي عمي ابوسطام يروح معك
فهد : بس صقر قال يبي ابوي يجي ابوي وبس
زامل : نخلي ابوسطام يقنع ابوي
هايل : صح صادق يلا مشينا نروح له
~~~ عن بيت ابوسطام ~~~
سطام : بسم الله وش عندكم متجمعين
هايل : وين عمي ابوسطام بسرعه
سطام : داخل تفضلو
ابوسطام : يامرحبااا جب القهوة ياسطام
سطام : ابشر يبه
ابوسطام : ماتجون كذا الا وراكم شى وش فيكم
هايل : ياعمي انا احب لي وحده وهالوحده ابوها صقر زوج خالتي المتوفية وانت تعرفه
ابوسطام : صقر وش جابك لبنت صقر خلصو كل بنات العالم
هايل : هي الدكتورة الي بالمركز والحب ماهو باختيارنا ياعم
ابوسطام : صقر مستحيل يعطيك بنته مستحيل يولدي
هايل : رحت له بس رفض لان ابوي ماجاء معي وقال خل ابوك يجي ومايصير الا كل خير
ابوسطام : يتسذب عليك يولدي لاتصدقه بيعشمك عالفاضي
هايل : ياعم ماني جايك تحطمني جاي ابيك تقنع ابوي يروح معي ويخطبها لي
ابوسطام : مستحيل ياولدي اتدخل موضوع صقر بالنسبه لابوك حساس مستحيل
هايل : تكفى تكفى ياعمي لو ماخطبتها بيعطونها لولد عمها تكفى ياعمي احبها انا
ابوسطام : اهدا يولدي اهدا خلاص اترك الموضوع علي
فهد : ماقصرتي ياعمي
هايل : تكفى لاتطول باقي ثلاث ايام على ملكتهم تكفى ياعمي
ابوسطام : خلاص يولدي الموضوع عندي قلت
سطام : ماتوقعتها منك تصيح عشان بنت
فهد : كل شى قدام الحب يهون
عبدالرحمن : خلاص ابوسطام بيحلها تطمن
هايل : خايف يادحيم ماني واثق لهدرجه
زامل : لاتقعد تتشائم
سياف : وش تسوون
فهد شهق : يالمصروع صرعتنا
سياف : اعرف الي صار من الناس يالورع امش امش لي فتره ناويك
هايل : طاقتي ماهي موزونيه انتظرني ارجعها
سياف : جهزت القعدة حقتنا وشبيت النار امشوا نسهر هناك
فهد : جت بوقتها يخوي وين محمد
سياف : راح هو وعزام وخالد وفارس للبقالة بيجوون
سطام : من زمان عن جمعتنا
عبدالرحمن : لاتسوي خوي ماكنت معنا ههههههههههههههههههههههههههههههه ياحليلك بس امش امش
سعيد : ياهلا بالشباب يله حيه بقعدتنا المتواضعة
هايل : شعندك مسوي اذاعه مدرسيه
عزام : مشتاق لكم ياعيال مره
عبدالرحمن : فك فك راسي وش ذا الشوق الخايس
خالد : امسك القيتار ياسعيد وسمعنا احلى اغنيه بصوتك
فارس : بصب القهوة من يدين الوالدة
عزام : اي تعجبني دلع اختي لاتدخل المطبخ
سياف : ياعيال العشاء بنصيب ضبان شرايكم
محمد : والله تم
خالد : لا لا ياشباب تكفون مايصلح انا بجيب لكم عشاء فكونا من صيدكم
سياف : جبت لكم عشاء ببلاش
فهد : عليكم حركات والله ههههههههههههههههههههههههههههههه
سعيد : وش تبون اغني لكم
عبدالرحمن : اغنيتنا المعروفه
سعيد : قصدك اغنيه عبدالمجيد لا مايكيفيني معك بعض الوقت
عبدالرحمن : اي هي
سعيد : يلا غنو معي
عبدالرحمن : يلا
سعيد وعبدالرحمن وعزام : لا مايكفيني معك بعض الاوقات
فارس وخالد وهايل : خل التغلي عنك لا صرت غالي
فهد ومحمد وسطام : ان كان وقتك من ذهب بشري لحظات اسمع بها صوتك ويرتاح بالي
سعيد : لا مايكفيني معك بعض الاوقات خل التغلي عنك لا صرت غالي ان كان وقتك من ذهب بشري لحظات اسمع بها صوتك ويرتاح بالي
عبدالرحمن : لا مايكفيني معك بعض الاوقات خل التغلي عنك لا صرت غالي ان كان وقتك من ذهب بشري لحظات اسمع بها صوتك ويرتاح بالي
سعيد : وماعاد لك روحه وجيات ودي لو بيدي مابعد دقيقة
هايل : وماعاد لك روحه وجيات ودي لو بيدي مابعد دقيقة
سعيد : اشتاق لك شوق الهوى للمسافات وانا مشتاق لك شوق المطر للصحاري واشتاقلك شوق القمر لليالي
فهد : يلا ياعيال كلكم
كلهم : لا مايكفيني معك بعض الاوقات خل التغلي لاصرت غالي ان كان وقتك من ذهب بشري لحظات اسمع بها صوتك ويرتاح بالي
سعيد : واسمع بها صوتك ويرتاح بالي
خالد : الله الله صح لسانكم ياعيال
عزام : شدخل لسانا قاعدين نقول شعر احنا
خالد : اقصد اصواتكم حلوه
محمد : تقهوو تقهوو
سعيد : عظم الله اجركم بجدكم والله يرحمه ويجعل مثواه الجنة عطنا قصيده له ياهايل
هايل : جبتها عالجرح ياسعيد
سعيد : يلا يلا قل
هايل : يقول
مال البيوت العامره طعم ياسعيد
اذا خلت في يوم من حس شايب
بيبانها طرما وجدرانها سود
ويصفق نوافذها قوي الهبايب
في كل ركن لحزنه اثبات وشهود
على فرقى مهونين الصعايب
كانوا هنا .. وكان السعد ماله حدود
وكان الرضا ،، يملا قلوب الحبايب
واليوم كل اللي صار .. صار مفقود
ولا بقى .. غير الجروح العطايب
ياسعيد ،، لو ابكي سنه حزن وجود
دموع الفقد .. من عيوني سكايب
على اللذي ذكره مع الناس محمود
احسب عمار الدار ياسعيد جدران
واثر عمار الدار..  ياسعيد اهلها
سعيد : الله الله
هايل : وش تسوي
عبدالرحمن : سجلت صوتك
هايل : وليش
عبدالرحمن : قررت اسوي لك مشروع
هايل : وش مشروعه
عبدالرحمن : تذكر قبل لما كنت تقول قصايد في عزايم ابوك وجاء واحد وقال لك شارك ببرامج القصايد ولا خل قصايدك عالراديو وانت عييت ومسوي خايف من العين
هايل : اي
عبدالرحمن : وقتها سمعت فكره الرجال وبسويها الحين
فهد : بتخلي صوته فالراديو يعني
عبدالرحمن : اي عشان يسمعونه الشيبان واهالي القرى الي ماعندهم جوالات
هايل : على كيفك تستثمر بصوتي وقصايدي
عبدالرحمن : اذا اشتهرت وجتك فلوس النص بالنص
هايل : تم
خالد : يلا رايح بجيب العشاء لكم
هايل : جب ذبيحه
فارس : وش ذبيحته بهالليل وين بنلقى محل
عزام : بتلقون رح والله يعينك على خالد

انتهى البارت

قراءة ممتعة بصير انزل لكم يوميا اذا قدرت وبما ان روايتنا قررت تنتهي تعالو وعطوني رايكم بالانستا حسابي lo7.eii واذا عندكم تصاميم مقاطع تحسونها تلوق على روايتنا ارسلوها لي احبكم وشكرا على دعمكم الحلووو 🤍🤍