"جابك الله في زحام العمر صدفة "

6

~~~ في المستشفى ~~~
ميهاف : حزنت مره على محمد وهدى
فاتن : اي والله بطلب من مطعم تبين
ميهاف : اطلبي لنا ولهدى والي جالسين برا
فاتن : بروح اعدهم امم كم عددكم
عبدالرحمن : مو وقت طقطقتس يادكتوره
فاتن : اجل بعد من نفسي
محمد : شصار على هدى
فاتن : شف جلوسك هنا مارح يغير شى فانت رح وارتاح واي شى يصير انا شخصيا بتصل على شهد واخليها تعلمكم كل شى
محمد : بس هي تحتاج مرافق ابي اكون معها
ميهاف : بس لاتنسى ان ولدك برضو بحاجتكم اذا امه تعبانه انت بمحلها وبعدين المرافق لازم بنت عشان تفهمها
محمد : ماعاد وراء انا زوجها
ميهاف : رح يضل يعاند طيب انتو الباقين تقدرون تروحون
عبدالرحمن : ابنتظرها تقوم وبنكلمها وبنمشي
فاتن : طلبت لنا اكل اوف واحشتني المطاعم الي هنا وصح ترا باكل معتس وبروح لبيت اهلي مشتاقه لهم مره
ميهاف : بتخليني هنا لحالي
فاتن : محد بياكلتس
ميهاف : بس تعودت عليتس
~~~ في الشقه ~~~
ابو فهد : ابوي شهد اتصلي شوفي وش صار وش ماصار
شهد : ياعمي ياحبيبي هي مو عمليه ولاده هو مرض فيها ولازم بعد الفحوصات يحدد كل شى يعني حاليا هي منومه فقط بعد عمليه التسقيط
ام فهد : عاد دقي نبي نسمع صوتها
سالم : جدتي امي وابوي وينهم ليه ماجو خذوني معهم ليه يتركوني ويروحون
ام محمد : الي ماتدري تواسي نفسها ولا ولدها ولا حفيدها وتحس انها السبب ودموعها على خدها طول الطريق يولدي امك وابوك بخير بيجون بعد شوي
شهد : اجل بدق عليهم ان شاء الله يردون مايرد محمد يايبه
ابو محمد : دقي على الدكتورات
ميهاف : الو هلا شهد وشفيك
شهد : طمنيني وش صار بحط مكبر عشان كلهم يسمعون ويقتنعون
ميهاف : ههههههههههههههههه اي يلا
شهد : تفضلي تكلمي
ميهاف : اول شى احب اطمنكم على هدى هي بخير الحمدلله حتى بعد عمليه التسقيط صحت قبل شوي واكلت والحين زوجها والباقين يتكلمون معها ثاني شى هدى مريضه بالسرطان وانتو عرفتو هالشي امس وعمليتها بعد أربع أيام يعني الحين تطمنو بس هم حاليا رفضو الزياره انا برتب لكم يوم تجون وتطمون عليها وتطمنونها عليكم قبل العمليه كذا تمام؟
شهد : يسلم راستس ماقصرتي
ام محمد : طيب تقدر تعيش
ميهاف : هذا الامر بيد ربي ياخاله مو بيدينا الي علينا بنسويه والباقي ع ربي توكلو على الله وادعو لها
شهد : يعطيتس العافيه ياروحي
ميهاف : يعافيك بقفل الحين
شهد : تمام ها تطمنتو هدى بخير
ابو فهد : الحين احنا انحشرنا بشقه وحده عزام فهد خالد انزلو احجزوا شقق وخلو عايله ابو محمد معنا
ابو محمد : لا ياخوي شقه وحده مارح تكفينا احجزوا اربع شقق
ابو فهد : الي قاله عمكم اصملوا عليه
جهير : ماودكم نطلع اليوم
ندى : ادعمتس ياعمه
زينب : يايمه احنا مانمنا من امس خليها بكرا
سلمى : الوضع مايسمح وشذا القلب الي عليتس ياعمتي
جهير : اكلتوني بقشوري خلاص بكرا بكرا
فرح : والله طلع خويلد حلو
ندى : احنا بوادي وانتي بوادي ثاني
فرح : ههههههههههههههههههههههههههههههه لا لا معكم بس توني انتبه
ابو فهد : ان شاء الله لو طابت حرمه ابو سالم نحط عرسكم
ام فهد : لانستعجل
ابو فهد : هالشهر بملك لهم انا رجال مستعجل بستر على بناتي
جهير : بس ياخوي زوجه محمد تعبانه
ابو فهد : الله يشفيها بنخطب رسمي وبنحط ملكه هاديه وخلصنا
ام فهد : بس من حق البنات يفرحون بشي حلو
ابو فهد : كل شى بالقريه مافيه شى حلو خلاص قراري قلته وبكلم ابو خالد بالموضوع
جهير : بكيفكم خليهم يام فهد مابيدنا شى
~~~ في المستشفى ~~~
هدى : ميهاف فيه امل اني اعيش
ميهاف : هذا الشى بيد ربي بس اكيد بتطيبين وانا موجوده عندك اذا بغيتي شى قولي لي تمام
هدى : وين محمد
ميهاف : اجبرته يروح يرتاح ويشوف سالم تعرفين الولد اشتاق لكم وانتي واحنا ماودنا يشوفك وانتي بالمستشفى يخاف
هدى : ليه تكذبين علي ليه تقولين بطيب وسلمي نفسك للمستشفى شعري بدا يتساقط محمد مارح يبيني بعدها مارح اتقبل نفسي
ميهاف : اهدي ياهدى وين الانسانه الحكيمه الي همها نفسها مو الناس وزوجها هدى انتي بتتعاجلين لنفسك وبتحاولين لحالك محد بينفعك لو ماعالجتي لو ماتكلمتي متوقعه رح تطيبين؟ رح تزيد الدوخه والغثيان وتساقط الشعر شى طبيعي كبدايه
هدى : يعني بعدين بيطيح كله صح
ميهاف : على حسب جسمك اذا يقدر يقاوم العلاج انتي مؤمنه بقضاء وقدر ربي صح؟
هدى : صح
ميهاف : اجل تطمني مارح تخيبين
هدى : اقدر اطلع اروح لاهلي لبيتي
ميهاف : اكيد بعد ماترتاحين من عمليه التسقيط نعطيك مواعيدك وتصيرين تجين عليها
هدى : كويس
ميهاف : وين فاتن تاخرت مره وانا تعبت اوف يافاتن اوف
~~~ عند بيت ابوفاتن ~~~
ابوفاتن : ها يبنتي وشلون شغلك وليه جايه الحين ؟
فاتن : افا يايبه تطردني
ابو فاتن : لا يبنتي بس مستغرب ليه جايه
فاتن : بالقريه جت عندنا حاله طارئه واظطرينا نحولها لمستشفى المدينة وجيت هنا انا وميهاف وقلت بزورك اشتقت لك
ابو فاتن : حتى انا اشتقت لك وش مشتهيه سحور اسوي لتس
فاتن : انت وش مشتهي
ابو فاتن : مكرونه امتس الحلوة
فاتن : الله يرحمها ابشر بشرط يبه
ابوفاتن : بعد بشروط وشو شرطتس
فاتن : تساعدني
ابوفاتن : ابشري بساعدتس بتقعدين عندي بكرا
فاتن : لا والله يايبه بعد السحور بروح امسك بدال ميهاف تعرف خليتها لحالها
ابو فاتن : خلاص اجل على خير
~~~ في الشقه عند ابو فهد ~~~
محمد : عطوني مفتاح السياره بروح
هايل : تسحر ونروح بعدها للمستشفى
محمد : مابغى اتسحر شبعان
هايل : مفتاح سيارتك معي عاد انتظرني اخلص وبنروح
فهد : يشين ربادتك ياهايل امسك مفتاح سيارتي
سياف : نكبتنا يالنكبه احنا نبيه يقعد مايروح هناك
عبدالرحمن : انا بروح معه
ابو محمد : خله ياكل شى تكفى يولدي
عبدالرحمن : مايصير خاطرك الا طيب يايبه
ابوخالد : احنا نستاذنكم ماحجزنا شقه وبيتنا موجود كانكم تبون تجون حياكم الله البيت مفتوح لكم
ابو فهد : الله يستر عليك يالنسيب
ابوعزام : انا بجي معك تعرف صكينا حلال الديرة
سلمى : يمه مابي اروح مع عمتي جهير
ام عزام : اقول قومي محد يبيتس هنا اصلا
عزام : الله يصلحك يايبه ماخليتني الا مع خالد
هايل : ولد عمتك عيب
عزام : تسحر تسحر لاخليك تشرق
زامل : يبه تبينا نقعد بالشقه
ابو فهد : اي
ابومحمد : امش امش لبيتنا بس وخل التكبر ذا بيتك قبل عيالي يلا والبنات يستانسون مع بعض
زينب : يلا نستودعكم الله وشهد لاتقطعين بشرينا عن هدى
شهد : ابشري
عفراء : زامل تعال
زامل : شعندتس
عفراء : خلنا نقعد بالشقه بيت عمك ضيق ومايكفينا وبعدين للحين ماجبت رضوتي
زامل : لاتكثرين هرج حق الشقه من وين اجيبه لتس
عفراء : اتسلف من اختي ونقعد ولا نروح بالزحمة
زامل : لا لاتتسلفين من احد محنا ناقصين ديون ضفي عفشتس مع خواتي وامي يلا
عفراء : زين يازامل زين تتمرجل على راسي اجل اوريك
ندى : ابغى اناااااام كل شوي راكبين السياره ونازلين
ام فهد : احمدي ربتس جبناتس معنا ولا كان مخلينتس بالقريه
ندى : اكش الجن هناك ولا شسوي لحالي
ام فهد : اجل اسكتي وامشي
هايل : يبه انا بخليكم تنزلوني المستشفى مع عبدالرحمن ومحمد نتناوب
ابوفهد : مدري شعندك مع ذا المستشفى انت بس يلا بنزلك عندهم
سياف : عمي ابو محمد تقوى تسوق ولا اسوق عنك؟
ابو محمد : لا والله ما اقوى اسوق سق انت
ابوفهد : ماتكفي السياره باقي فهد وهايل وزامل
هايل : انا بشوف لي سياره توصلني للمستشفى
زامل : متاكد بتروح لحالك
هايل : اي اي متاكد لاتشيلون هم شكبري يمشي على زندي التيس ولا يبو فهد
ابو فهد : زندك يمشي عليه التيس بس عقلك خاوي
هايل : افا يبو فهد افا تقول لقعدتك كذا
سياف : دقيقه جدي وينه
ابو فهد : اوه نسيناه ابوي ماعاد فينا عقول
هايل : الحين عرفنا من الي عقله خاوي
ابو فهد : طايل لسانك وبقصه
الجد محمد : لابارك فيكم من عيال واحفاد نسيتوني
ابو فهد : والله عقلنا مو معنا يايبه اعذرنا
الجد محمد : روحو بطريقكم انا بروح يم عيالي
ابومحمد : واحنا يبه
الجد محمد : ماهو انتو عزبتي الي هنا ينتظروني عيالي فيها
هايل : وانا يجدي بروح معك متخيل ركبو وخلوني وقالو مالك مكان
الجد محمد : يامرحبا بحفيدي الي احبه تعال تونس معنا بالعزبه
هايل : طلعت عندك عزبه واحنا ماندري
الجد محمد : اي اي وقف سياره تاخذنا بس
هايل : ابششر ياجدي
~~~ عند عزبه ابو عبدالعزيز ~~~
الجد محمد : ادخل ياحفيدي لاتستحي
ابو عبدالعزيز : هلا هلا
الجد محمد : يوه اشتقت لقعدتنا وسهرتنا وشاهينا
هايل : هلا ياعمي
ابو عبدالعزيز : افا يولدي لاتكبرنا تفضلو تفضلو
الجد محمد : وين البقية م اشوف احد
ابو عبدالعزيز : انت جاي وقت السحور شرايك نطبخ كبستنا
الجد محمد : ما اقول لا يلا
ابو عبدالعزيز : عبدالعزيز يولدي تعال
عبدالعزيز : هلا يبه السلام عليكم
الجد محمد : هلا هلا بولدي شلونك
عبدالعزيز : بخير ياعم انت شلونك اشتقنا لك لاعاد تروح للقرية
الجد محمد : عندي عيالي يبوني
عبدالعزيز: الله يخليك لهم سم يبه وش بغيت
ابو عبدالعزيز : رح جب اغراض الكبسه وخذ هايل معك
عبدالعزيز : ابشر يبه تعال هايل
هايل : يلا مشينا
~~~ في بيت ابو محمد ~~~
فرح : الله بيتكم حلو ماشاء الله
شهد : عيونتس الحلوة والله
ندى : تصدقون لو هدى مو تعبانه كان صارت ذي السفره تكتب بالتاريخ وبنبسط فيها انا صح احب قريتنا وم اقدر اتخلى عنها بس احسدك ياشهد
شهد : بما انتس بقيتي شرايتس اخطبتس لدحوم ؟
ندى : اخوتس !!
شهد : لا ولد الجيران اكيد اقصد اخوي واصلا براسي من زمان اخذتس له بس توقعت عندكم نظام تتزوجون بالكبر
فرح : يابختس لو اخذتي دحوم عندتس شهد بتتونسين معها
ندى : لاتتحمسون وش تحسبون الموضوع سهل اص
فرح : اي سكتينا تذكرين لما كنتي تعطينه الفناجيل وترجعين تضحكين والارض ماهي شايلتس ولا طلعاتس لهايل بوجوده لاتنكرين ماسكه كل شى عليتس
ندى : وجع وجع يافرح عاد تفضحيني عند اخته
شهد : ههههههههههههههههههههههههههههههه الله يعينتس عليه
ندى : ليه الله يعيني عليه وش فيه
شهد : دائمًا يقول لنا انا بتزوج عن حب مارح اتزوج وحده من القرية عشان مايبي يسكن بالقريه يبي يهج ويحارش الكل ولازم يحش باي شى اسويه بس الله يعينتس
ندى : من قال اني ميته عليه؟ اصلا مابغى اتزوج بجلس عند امي وابوي واخواني
شهد : يلا يلا بفرش لكم عشان ننام
~~~ عند عبدالعزيز وهايل بالبقاله ~~~
عبدالعزيز : ماعمر جاء عمي محمد ومعه احد وش تصير له انت
هايل : جدي ابو ابوي وكان عندنا بالقريه وجينا هنا حالة طارئه وقلت بخاويه
عبدالعزيز : اوه انت هايل شاعر القريه صح
هايل : وين شاعر لا لا لاتصدق كلام احد
عبدالعزيز : جدك الي يقوله وحتى قال قصيدتك لنا واذكر كان فيه عمي صقر معنا بالعزبه وجلس يسب فيك بس جدك وراه شغله
هايل : صقر ماغيره بنته الدكتورة
عبدالعزيز : اي اي ماغيره يقول ان بنت زوجته الي هي تصير مره عمي عندها بنت ومتزوجه اخوك زامل
هايل : صقر عمك اخو ابوك
عبدالعزيز : اي والدكتوره الي تتكلم عنها بنت عمي اما زوجه اخوك زامل ف لا ماهي بنت عمي
هايل : وش تشتغل انت هنا ؟
عبدالعزيز : محامي انت وش تشتغل وكم عمرك ووش عرفك بينت عمي
هايل : اشتغل بحلال ابوي المزرعه عمري ٢٣ ياطويل العمر اعرف بنت عمك من القريه هي تشتغل هي وخويتها بالمستشفى الي عندنا
عبدالعزيز: العمر كله ان شاء الله يجي لنا وقت ونمر قريتكم يلا تاخرنا على ابوي وجدك
هايل : طلع عندها عيال عم رحتي علي يام عيون نعاس لازم اعدل علاقتي مع ابوها
عبدالعزيز: وراك وقفت هناك يلا تعال بنطلع
هايل : اي يلا يلا جاي
~~~  في المستشفى ~~~
فاتن : انتو للحين قاعدين هنا
عبدالرحمن : وش مضايقتس بقعدنا
فاتن : مو مضايقني شى بس قعدتكم مامنها فايده ترا
عبدالرحمن : محمد نفسيته شوي تعبانه وغير انه متعلق هدى ويحبها مره فعشان كذا رافض يروح لبيتنا ويرتاح يبي يكون معها وعندها وواجبي كاخ بقعد معه
فاتن : اي خلك جالس بما اني بمسك الشفت فكلما طفشت جيت تهاوشت معك
ميهاف : كان نمتي بعد ؟ وينك مره تعبت
فاتن : كنت اسوي سحور لابوي وهذاني جيت يلا روحي
ابوفاتن : يوه اي غرفه هي الحين
عبدالرحمن : من تدور عليه يعمي
ابوفاتن : هلا والله تعرفني
عبدالرحمن : اي لما جيت للقريه تنزل بنتك الدكتورة وصدمت ولد عمي
ابو فاتن : اي ياهلا والله صاحب محل العقار صح
عبدالرحمن : وصلت خير ياعم شلونك شخبارك شلون صحتك
ابو فاتن : والله بخير الحمدلله اتعبتنا حياه العزوبيه يولدي شرايك نتزوج
عبدالرحمن : ليه وين ام العيال بعلم عليك
ابو فاتن : ام فاتن ماتت قبل كم سنة وجلست اربي بنتي وماتزوجت
عبدالرحمن : اشوفها تقول لحد يتكلم عن امي الله يرحمها اسف ياعم
ابو فاتن : لا عادي يولدي بنتي نست شنطتها بالسيارة اذا شفتها عطها اياه
عبدالرحمن: ابشر ابشر
ميهاف : يلا انا رحت انتبهي لهدى
فاتن : لاتوصين حريصه عندي
عبدالرحمن : فاتن
فاتن : بسم الله الرحمن الرحيم شعرفك باسمي
عبدالرحمن : قرينتس علمني عمي قال لي اعطيتس شنطتس ولاتنسينها مره ثانيه وتبلشيني
فاتن : عمك من متى ابوي عمك بعدين نسيتها لان ميهاف حرقت جوالي عشان اجي
عبدالرحمن : وش تبين اقول ابوتس عطاني عيب اقول عمي
فاتن : انت ماعندك حياة ؟ اوكي اخوك عند حرمته انت وين حرمتك
عبدالرحمن : هيه ركزي ترا انا نفسي الي كنت ساكن معتس انتي وخويتس
فاتن : اي اي اعرفك اختك شهد صح ؟
عبدالرحمن : اي بالله مدحتني عندكم ولا كله سب
فاتن : للاسف تدري حتى بنات عمك مايبونك؟ محد يبيك
عبدالرحمن : من قال انا ابيهم انا بتزوج وحده من هنا
فاتن : ترا فيه خطابات شكثرهم حط اسمك عندهم
عبدالرحمن : لا لا وش ابغى بالخطابات انا ابي اتزوج عن حب
فاتن : انت بخطابه وياله تلقى وحده تقبل فيك بتاخذ عن حب
عبدالرحمن : انتي وين زوجتس ليه ماتزوجتي يمسكتس عنا ويفكنا
فاتن : جاي مقر شغلي ويقول يمسكتس عنا بعدين انا مو متزوجه ولا بتزوج
عبدالرحمن : احسن اصلا محد يبيتس
فاتن : اقعد اقعد لاتطول اصواتنا
~~~ في العزبه ~~~
ابو فاتن : السلام عليكم
ابوعبدالعزيز : ياهلا ومرحبًا
الجد محمد : ذا ابو فاتن صح
ابو فاتن : بشحمي ولحمي
صقر : السلام عليكم
ابو عبدالعزيز : الله يحيكم كلكم عبدالعزيز ماخلصت كبستك
عبدالعزيز : باقي ينشف الماء وتنزل لكم اطلق كبسه
هايل : تبون شاهي ولا قهوة
ابوفاتن : صب لنا قهوة
هايل : ابشر ياعم
الجد محمد : ياجعل يسلم روسكم على هالتربية
صقر : وش تقصد يامحمد
الجد محمد : على هالدكتورات الشاطرات عز الله ربوتي
ابو فاتن : ماتقصر ولا قصور بتربيتك بهالعيال والاحفاد ماشاء الله
هايل : تفضل ياعم ها شرايك هالمره ماكبيت قهوة
صقر : اي تعلم بعدين شجابك هنا بالعاده ماتفارقون قريتكم
هايل : صارت لنا حاله طارئه وجينا
صقر : بنتي ليكون فيها شى
هايل : اذا قصدتس حرمه اخوي فلا واذا قصدك بنتك الدكتورة برضو لا
صقر : اي زين عبدالعزيز وينه ماجاء يسلم
ابو عبدالعزيز : يسوي سحورنا
الجد محمد : هايل يولدي تعال
هايل : سم ياجدي
الجد محمد : شف ذا ابو فاتن عنده بنت زي القمر ودكتوره ماودك احجزها لك
هايل : لا لا ياجدي قلب حفيدك فيه وحده
الجد محمد : وابوك يدري عن قلبك
هايل : لا والله عاد لاتقول له والله يفرد ضلوعي عالارض
الجد محمد : عطنا قصيدة ياولدي
ابو عبدالعزيز: أخيرًا قابلتك يولدي وبسمع قصيدك منك جدك بكل موضوع لازم يتكلم عنك
الجد محمد : يوه يبو عبدالعزيز ماتدري شكثر كنت اتمنى يجي حفيد يحب الشعر مثلي وها طلع هايل يحبه مثلي لاتلومني عاد
عبدالعزيز : ههههههههههههههههههههههههههههههه لا مارح الومك عطنا قصيدة يولدي
هايل : والله تراني ماني شاطر بالشعر
عبدالعزيز : عطنا قصيدك يلا
هايل : ابشروا على ان ماجهزت لشي بس عشانكم احم يقول لاتنشدون عني عقب ما أقفيتوا
مابي من اللي شرواكم نشده
ماعمركم طبتم ولاعمركم حسيتوا
في واحدً يتجمل معكم له مده
رحتوا مع دروب الردى ودجيتوا
والواحد منكم بالقشر تعدا حده
مالحق والله المقفين كان نسيتوا
ومن راح عني بكيفه الله لايرده .