"جابك الله في زحام العمر صدفة "

65

~~~ في بيت ابوفهد ~~~
ابوفهد : يله يام فهد وينكم لي ساعه قاعد فالسياره اتحراكم
ندى : انا جاهزه يبه
ابوفهد : اركبي السياره يابوي
فرح : وين رحتي وخليتيني اشيل شنطه القهوه وانا حامل
زامل : هاتيها عنتس
ابوفهد : وين فهد للحين ماجاء ؟
سياف : يقول انه قريب
ابوفهد : جايب اهله معه
سياف : اي
ابوفهد : زين اجل انت رح معه وخل زامل معي يسوق فينا
سياف : ابشر يبه
ام فهد : عسى ماتاخرنا
ابوفهد : لو انكم نايمين ابرك يام فهد وش هالتاخير
ام فهد : شسوي جلست اشيك على كل شى فالبيت ليكون نسينا شى تعرف السرقان كثرانين
ابوفهد : الله يهديتس بس
ندى : بصراحه ليت عفراء معنا
زامل : لاتبدين انتي بعد
ندى : والله بتونسنا
زامل : تعال ياحبايبي بفتح لكم الشنطه وطبو من وراء
ابوفهد : لا انا سدحت المرتبه عشان تكفي عفش امك قشت البيت كله
ندى : هاتهم عندي
زامل : اخاف يضايقون فرح
ندى : لا معليك بحطهم بحضني
ابوفهد : هاتي عبدالله عندي
سياف : جاء فهد انتظر يبه بقفل الباب وبعطيك المفتاح
ابوفهد : استعجل
فهد : السلام يبه شلونك
ابوفهد : بخير
فهد : يمه ندى فرح شلونكم
ام فهد : بخير شلونك انت يابوي
فهد : بعد شوفتكم صرت بخير
ابوفهد : من وين الخير بيجيك وانت متزوج على حرمتك
فهد : ابشر يله خلصت سياف
سياف : اي
~~~ في سياره فهد ~~~
شهد : السلام شلونتس
هيام : وعليكم السلام بخير
شهد : ضايقناكم اعذرينا
هيام : مجبورين نتحمل معليه
شهد : وجعع قليله الادب
~~~ في بيت ابومحسن ~~~
ناديا : وين بيروحون كنت ناويه اعزمهم
نادر : الي سمعته انهم بيروحون للشرقيه
ناديا : يوه ليكون بيسكنون هناك
نادر : وليش زعلانه ترا مصيرنا بنرجع لشقراء
ناديا : حتى ولو جيرتهم مافيه مثلها
نادر : حطي الفطور بفطر وبشوف شغلي
ناديا : صح انت فتحت محل العقار شلون بنرجع لشقراء
نادر : يابنت الحلال محد جاء وكلمت راعيه وبرجعه له
ناديا : غريبه كثير بيوت فاضيه عاد
نادر : بس هي لناس وهم ساكنين بمدينه وعاد بمناسبات يرجعون للقرى
ناديا : اها كذا الوضع زين اجل بروح احط الفطور
~~~ في محطه ابوسامي ~~~
ابوسامي : نايمين جعل تنام عليكم ناقه
عزام : وشفيك ياعم شسوينا بعد
ابوسامي : وصلاه الفجر وينها وين الي ابوه يقومه بالعصا يوميا راقد قم قم
عبدالرحمن : عمي هايل ماهو مرجود
ابوسامي : وشنهو وش تقول انت وين راح ولد عمكم
عبدالرحمن : دقيقه بلقط نفسي
عزام : شلون ماهو موجود
عبدالرحمن : قمنا انا واياه الفجر وصلينا فالمسجد وقال اسبقني للبيت وسبقته ومرت ساعتين ولا رجع رحت اشيك فالمسجد مالقيته ولا فالورشه ولا البقاله ولا المحطه درت حول البيت والحلال مالقيته
ابوسامي : وش هالبلاوي الي جتنا مامعه جوال
عزام : صح معه بدق عليه
عبدالرحمن : هذا هو يدق هنا ماخذاه وينك ياهايل وين رحتتت
ابوسامي : يمكن راح لاهله
عبدالرحمن : بدق على سياف مايرد محد يرد من اهله
عزام : بسم الله انتم هدو يمكن راح مشوار وبيرجع
ابوسامي : مامعه سياره وش مشواره
عبدالرحمن : عقلي بيطير برجع ادوره
عزام : طف اللمبات معك
ابوسامي : قم دوره قمم
عزام : ماهو بزر هو يضيع شكبره يمشي على زنده التيس
ابوسامي : وين رحت ياهايل ويين
~~~ فالمحطه ~~~
عزام : شلون البقاله مفتوحه
عبدالرحمن : ماهو انت الي فاتحها
عزام : لا مستحيل بايع عقلي اخلي بقاله مفتوحه
ابوسامي : القزاز كانه مكسور
عبدالرحمن  : مستحيل هايل يسويها
عزام : وليه مستحيل والله لو مسويها اني مااخليه
عفاف "بنت ابوسامي : يبه
ابوسامي : وين داخله ارجعي وراتس
عفاف : تعال ابقولك شى
ابوسامي : وش عندتس
عفاف : انا الساعه ٦ سمعت صراخ وطليت من الشباك لقيت ثلاثه يتهاوشون مع الي يشتغل عندك ورحت ابي اقومك مالقيتك ولما رجعت اشوف اذا هو للحين موجود مالقيته لا هو ولا العيال الي معه
ابوسامي : ياساتر وش هالمصيبه يادحيم
عبدالرحمن : طمني ياعمي تكفى
ابوسامي : بنتي شافته يتهاوش مع عيال
عبدالرحمن : قلت لك هايل مايسويها
ابوسامي : خلنا من السرقه ولد عمك وين ودوه
عبدالرحمن : مدري مدري ياعم وش اسوي محد من اهله يرد
~~~ فالمستشفى عند فاتن ~~~
فاتن : بس هذا كل المستشفى
ميهاف : يوه مشتاقه للشغل
فاتن : مابغى يوافق زوجتتس
ميهاف : اي والله يوم درى اني حامل وافق مدري وش السر
فاتن : وثق انتس مارح تتطلقين
ميهاف : وكان هالموضوع بيدي
الممرضه : يادكتوره فيه حاله طارئه
فاتن : يله اول حاله لتس
ميهاف : بسم الله وش صاير له
الممرضه : متعرض ل ٧ طعنات باماكن مختلفه وعلى حسب كلام المسعفين انه نزف كثير وان مطعون قبل ساعتين يعني مو حاليا ويعني نزف كثييير واحتمال
ميهاف : النبض والتنفس والاعضاء سليمه
الممرضه : النبض سليم التنفس يوقف ويرجع الاعضاء متضرره
ميهاف : دقيقه دقيقه فاتن انتي شايفه الي اشوفه
فاتن : ميهاف مافيه وقت لازم يدخل العمليات ليش طحتي انتي تعرفينه
ميهاف : لييش لييش هايل تكفى لاتموت تكفين فاتن سوي اي شى
فاتن : نعم رح تدخلين معي
ميهاف : خايفه يصير له شى بسببي
فاتن : دخوله غرفه العمليات بسرعه قومي انتي لاتفضحينا
ميهاف : هذا هايل يافاتن تكفين لايصير له شى
فاتن : اذا تاخرنا رح يصير له شى اسرعي تكفين
ميهاف : ماني قادره يافاتن سويها بدالي
فاتن : طيب طيب اوففف
~~~ في سياره ابوفهد ~~~
فرح : يمه ليش تصحيين
ام فهد : مدري يابنتي قلبي يوجعنب ومشتاقه لهايل
ندى : بديت اغار يمه
ام فهد : ابوفهد دق على ولدك نتطمن عليه
ابوفهد : رجعنا عالطير يلي دق عليه يازامل
زامل : يمه مافيه ابراج حاليا اذا وصلنا محطه ابشري
ام فهد : ياربب الله يستر
فرح : حاسه بشي يمه
ام فهد : احس هايل فيه شى وعمري احساسي ماخاب خايفتن عليه ياامتس
فرح : لا بسم الله عليه مافيه الا العافيه ان شاء الله
ندى : ان شاء الله مصوره له تجهيزات السفر ومافتحها
فرح : اسكتي لاتسمع امي وتخاف زياده
~~~ فالمحطه ~~~
عزام : انت وراك تصيح
عبدالرحمن : اخوي صاير له شى وتبيني اضحك وانام
عزام : عمي خلنا نروح بسيارتك ندور ندوره
ابوسامي : وش ندوره ورع هو الا مايرجع
عبدالرحمن : واذا سوو له شى هالعيال على كلام اهلك ؟
ابوسامي : لو رحنا وين بنلقاه
عبدالرحمن : باي مكان بس تكفى ياعمي خلنا نروح ندوره
ابوسامي : يله مشينا
~~~ في بيت ابوسطام ~~~
ابوسطام : تقل تاخروا
ام صقر : اي والله تاخرو على كلام خويك ماشين من ٨ والحين الساعه ١١
هديل : الا مايجون
ابوسطام : ابدق عليه اتطمن الوو ابوفهد وينك الله يهديك خوفتني عليك
ابوفهد : ضيعنا بيتكم شوي هذانا عند الباب
ابوسطام : ياهلا ومرحبا تو انردت الروح
ابوفهد : البقى يامرحب انشهد اني اشتقت لسلامنا وكلامنا
ابوسطام : جعل عمرك طويل تفضل تفضلو ياعيال
سطام : شلونك وين صغيركم
سياف : ههههه ماجاء مكروف هناك
سطام : شكل فايتنا واجد حياكم الله
~~~ في مجلس الحريم ~~~
ام سطام : يامرحبا يام فهد تو مانور بيتنا
ام فهد : ياهلا والله شلونتس ياامي
ام سطام : بخير دامني شفتس بخير هلا بالبنات
ندى : شلونتس ياخاله
ام سطام : يازين كلمه خاله منتس بخير ياحبيبتي
فرح : ياهلا والله
هديل : يوه والله انردت روحي بشوفتكم تذكرت ايام القريه من هذي
ندى : زوجه فهد الثانيه
هديل : اي ياهلا تفضلي
هيام : دخلت قبل ترحبين
هديل : خذي راحتتس ياحبيبتي
ندى : ذي ناويه تفشلنا
فرح : خليها شنسوي بعد
ندى : راحت عفراء جت ذي
شهد : مابعد قلت لكم وش سوت لي فالسياره قليله الادب
فرح : اسكتو اسكتو جتت
خوله : يامرحبا ومسهلا فيكم
ام فهد : من هذي ذكريني
ام سطام : هذي خوله صديقه هديل وزوجه سطام
ام فهد : انتي صادقه تزوج سطام
ام سطام : اي والله ملكنا وكل شى باقي العرس
ندى : اما اعرس
فرح : اجل بيقعد بعد خلاص مابقى له شى عالثلاثين
ندى : ايه الله يوفقهم تستاهل خوله
شهد : ماقلت لكم احتمال دحيم تتكنسل خطبته
ندى : هو اصلا خطب ؟
شهد : اي البنت الي يحبها الدكتوره ماغيرها بس ابوي خرب كل شى بكلمه والله يستر نفسيه دحيم ماهي كويسه
ندى : اي شى ماهو نصيبك لاتتعنى له
فرح : عيب انتي عيب ترا هو يشوفتس اخته الصغيره اهجدي
ندى : وانا صادقه البنت من قبل وهي مغير تقول مابيه هو الي ناشب لها
فرح : مابعد الكره الا المحبه
ندى : الله يستر
هديل : فنجالك ياخاله
ام فهد : وبنتنا جاها نصيبها
ام سطام : اي خطبها صديق سطام سعود تعرفون هو يحبها ويبيها من قبل وعرسهم بنفس اليوم كلهم والحمدلله ربي فكنا بالي مافيه خيره لنا
ام فهد : قصري صوتتس الله يعافيتس اخته جايه معنا
ام سطام : والله عشانتس وعشان اني عارفه ان بنتهم ماله دخل وحالها حال نفسها ولا كان ماتدخل بيتي
ام فهد : ماعلي عفى الله عما سلف والي صار صار والحمدلله بنتس بتتزوج وهو بيربي ولده لحاله ندى
ندى : هلا يمه
ام فهد : ارجعي دقي على هايل
ندى : ابشري
ام سطام : عسى ماشر وشفيه
ام فهد : اهخ يام سطام ابوه وداه بقريه مايعرفها الا الجن ومدري هو ياكل هو ينام واليوم مدري شفيني حاستن ان به شى
ام سطام : تعوذي من ابليس يابنت الحلال مافيه الا العافيه الحين يرد على اخته
ندى : يمه مايرد
ام فهد : اسالي اخوتس سياف يمكن رد عليه
ندى : طيب
~~~ في قريع ابوسامي ~~~
ابوسامي : ها لقيت شى
عبدالرحمن وهو يشاهق : لاتلومني ياعمي لاتلومني هذا ماهو حي الله ولد عم ذا ضلع من ضلوعي
عزام : خلنا من ضلوعك صدق وينه للحين
ابوسامي : خلونا نرجع تركت بنتي لحالها
عبدالرحمن : ركبها معنا ياعمي وخلنا نمشي للرياض يمكن راح عند ابوي
ابوسامي : وبنتي وين احطها
عبدالرحمن : الحشمه لك ولها ياعم عزام يجي قدام وانا اسوق وانت وهي وراء
ابوسامي : اقصد لاوصلنا بيت اهلك
عبدالرحمن : عند اهلي تكفى ياعم
ابوسامي : يله خلنا نرجع
عزام : دق عليها تجهز عشان مانتاخر
ابوسامي : مامعها جوال
عبدالرحمن : معليه ننتظرها
~~~ عند بيت ابوسامي ~~~
عفاف : يايبه مايصير اركب والله مستحيه
ابوسامي : انا معتس امشي لانتاخر ولد عمه بيطير عقله
عفاف : طيب بتخلوني عند اهله وش اسوي بضايقهم
ابوسامي : انتي اركبي واذا وصلنا هو يكلم اهله
عفاف : امري لله بعد خايفه لحالي
ابوسامي : يله يله مشينا للرياض
~~~ فالمستشفى ~~~
ميهاف : شصار عساه بخير
فاتن : اخ ياظهري اي بخير
ميهاف : ماصحى نتصل على اهله
فاتن : للاسف جواله مو معه
ميهاف : وش مسوي ياهايل عشان يصير لك كذا
فاتن : لو طول زياده يمكن يموت خسر دم كثير والحين هو فالعنايه
ميهاف : اهخخ ياربي
فاتن : ليش تبكين وش دخلك فيه
ميهاف : مدري لاتساليني مشاعر ملخبطه
فاتن : ترا بقى كم ساعه ويخلص شغلي وانتي الي بتراقبين حالته
ميهاف : طيب طيب
فاتن : المفروض العكس بس انتي رفضتي تدخلين العمليات
ميهاف : اهم شى اقعدي معي الحين
فاتن : الحين انتي صدق حامل
ميهاف : مدري من الي مسوي لي سونار ؟
فاتن : ههههههههههههههههههههههههههههههه مانيب مصدقه البزر ذيك الي مغير تتحلطم تزوجت وحامل ياسرع الدنيا
ميهاف : البزر كبرتس الا تعالي ليش ماترسلين لعبدالرحمن وتعلمينه عن هايل
فاتن : تصدقين راح من بالي ابدق علي من تليفون المستشفى
ميهاف : وليش مو من جوالك
فاتن : لقيته مبلكني ههههههههههههههههههههههههههههههه
ميهاف : مالومه من كلامك عليه
فاتن : عسى يرد عاد
~~~ فالسياره عبدالرحمن ~~~
عبدالرحمن : وش ذا الرقم الغريب الوو
فاتن : السلام عليكم
عبدالرحمن : وعليكم السلام من معي؟
فاتن : معك مستشفى الرياض تعرف واحد اسمه هايل صح
عبدالرحمن : اي هايل عبدالله
فاتن : اي جابه واحد قبل ساعه تقريبا وكانت حالته حرجه ودخلناه غرفه العمليات
عبدالرحمن : انتي فاتن صح ؟
فاتن : اي
عبدالرحمن : يعني هو فالمستشفى الي تشتغلين فيه
فاتن : اي
عبدالرحمن : جاي
فاتن : طيب خلني اكمل كلامي عمى
عزام : هيه انت اركد معنا ابوسامي
عبدالرحمن : هايل فالمستشفى
ابوسامي : ابوه يدق
عبدالرحمن : احد قايل لهم شى
عزام : لا هد السرعه لايرقدونا جنبه ولد دحيم ركز
ابوسامي : اسحب المفتاح
عزام : سحبته
عبدالرحمن : ليش تسحبه هاته
عزام : انزل انا بسوق بدالك وانت تدلني
عبدالرحمن نزل من السياره وانهار عالارض
عزام : ولد انهبلت مافيه الا العافيه ان شاء الله
ابوسامي : نزف خشمه جب المناديل من السياره
عبدالرحمن : انا والله قايلن له امش معي للبيت مايسمعني يعاند
عزام : انت الحين اهدا واركب واحنا بنروح له ونتطمن عليه
عبدالرحمن : يله يله لانتاخر
ابوسامي : خذ اشرب ماء طيرت عقولنا الله يصلحك
~~~ فالمستشفى ~~~
ميهاف : شصار
فاتن : جاي
ميهاف : عرفتتس
فاتن : اي بسم الله قال انتي فاتن وقلت ايه
ميهاف : يبي يختصر على نفسه وش المستشفى
فاتن : بروح اشوفه تعالي عشان اعلمتس اخر الاشياء
ميهاف : بطل من القزاز
فاتن : الله يعين علييتس صراحه
~~~ في سياره ابوسامي ~~~
عبدالرحمن : هذو هو وقف
عزام : الله يطير عقلك طيرت عقولنا خلني اوقف السياره بعدين انزل
عبدالرحمن : بعدين
عزام : انهبل ذا ياعمي
ابوسامي : امش امش وراه لاتصدمه سياره بعد
عبدالرحمن : وينه وينه وين هايل
الاستقبال : من هايل
عبدالرحمن : خويي عندكم انتم داقين الي
الاستقبال : اهدا شوي عطنا اسمه كامل ونعلمك
ميهاف : مايحتاج تعال وراي انا اوديك له
عزام : تقوى تمشي ياعم ولا احطك عالكراسي
ابوسامي : اقدر اقدر بس امسكني شوي
عزام : ابشر ذا طاير واحنا ماندل هنا
~~~ في غرفه العنايه عند هايل ~~~
فاتن : كيف تسمحين له يدخل كذا
ميهاف : هو سمح لنفسه
فاتن : اخوي لو سمحت ممنوع تدخل عليه وهو فالعنايه
عبدالرحمن : هايل قم وقلي وش صار فيك من سوى فيك كذاا وش فيه يادكتوره ليش جاء المستشفى
فاتن : عبدالرحمن لو سمحت لاتخليني ارفع صوتي وتفضل اطلع وبعلمك برا
عزام : اعذرينا يادكتوره انا بطلعه ورع قم اطلع خلنا نفهم وش صار
عبدالرحمن : تكفى ياولد العم لايصير لك شى
فاتن : لو تميت تعاند رح يصير فيه شى لو سمحت
عزام : يله طلعنا فهمينا يادكتوره وشصار
فاتن : حالته ماقدر اقولك انها مستقره نزف كثير وخسر دم كثيير وممكن باي لحظه نحتاج متبرع له اخوكم مطعون ٧ طعنات باماكان مختلفه فالبطن واليد والرجل والفخذ والظهر تضررت اعضائه وجابه واحد الساعه ٨ او ٩ قرابه هالوقت ومع التحقيق قال انه لقاه طايح في خلاء وكان كله مغطى بالدم الحادثه صارت له قبل يلقاه الرجال فعشان كذا كان ينزف لمده ٤ الى ٥ ساعات خيطنا الطعنات وسوينا الي نقدر عليه ولكن مثل ماقلت باي لحظه ممكن يحتاج متبرع ولو الطعنه زادت اكثر كان فقد اعضائه وتوفى
عزام : طيب وين الرجال الي جابه
فاتن : ماعندي علم بهالشي بس رح يجون التحقيق يحققون معه اذا قام ف ممكن تقدرون تسالونهم عن الي جابه
عبدالرحمن : من الي سوى به كذا من والله مااخليهم
ابوسامي : اجل بنتي صادقه باللي شافته
عزام : ذلحين شنسوي نعلم اهله ولا نسكت
عبدالرحمن : علمهم لازم يعرفون بس علم سياف وهو يعلمهم
عزام : طيب ابدق عليه
سياف : انت صادق انا اقول خل مقالبك واذلف لبقالتك
عزام : مااستهبل ياورع احنا بمستشفى الرياض
سياف : شلون اقول لاهلي الحين
عزام : الله يعينكم

انتهى البارت

قراءه ممتعة يااصدقاء 💞 يوسفني قول ذلك ولكن الروايه قربت تنتهي 😔😔😔