"جابك الله في زحام العمر صدفة "

79

~~~ في بيت ابوفهد ~~~
ابوعزام : صحيح يابوفهد الي سمعته
ابوفهد : اللهم اجعله خير وش سمعت
ابوعزام : انك بتترك القريه وبتروح الرياض
ابوفهد : ههههههههه منهو الي قايلن لك
ابوعزام : ولدك قايلن لولدي انه بيصير يدرس وبيروح الرياض وانتم بتروحون معه
ابوفهد : لا غلطان هو هايل اقترح علينا نكمل دراسه انا وامه ونطلع من هالقريه بس انا عييت
ابوعزام : ايه اشواا مالنا بسوالف النقل
ابوفهد : ماخيط شى بدون علمك
ابوعزام : وين راحو هالشباب مايصبون لنا قهوه عطني فنجالك ياخوي
~~~ فالسوق ~~~
سياف : وبس هذي هي قريتنا
غيث : قصدك حارتكم لان مستحيل تكون قويه بهالصغر
سياف : صحيح الحارات الباقيه مالنا دخله عليها
غيث : ليه
سياف : بيننا وبينهم مشاكل واجده وانا اخوك انت علمني الحين وش عندك تارك كل مناطقنا ورايح برا تدرس مدري تشتغل
غيث : والله ياخوي بيني بينك امي ماتدري انا رايح نعالج عشان نرزق بطفل
سياف : اوهه وامي وخالتي يدرون
غيث : محد يدري غير اختي والحين انت
سياف : الله يرزقكم يارب بالذريه الصالحه يابوي اقعد
غيث : والله من اليوم بقولك بس نسيت
سياف : وش قل
غيث : ماعندكم مطاعم هنا جعت يارجال
سياف : ههههههههه ذا سوال كل من يجينا عندنا بوفيه بس خدمه ٥ نجوم عندهم فطور وغداء وعشاء ولو تبي اكله سريعه كذا
غيث : وش هي
سياف : اندومي
غيث : ههههههههه امش نشوف اي شى عندهم
عزام : عاد لاتسممت ترا ماهي من مسوليتنا
غيث : لا تكفى وراي رحله
سياف : على مسووليتي ازهل
عزام : اخوك يخرط عليه والله دايم من اكل منهم يوجعني بطني
هايل : لا تاكل منهم خلنا منهم من ذا الي يمشي ويطلطل بالمحلات
عزام : اي والله واقف عند محل ابوي السلام عليكم ياعم وش تسوي هنا
ابوبندر : ذا موب محل
عزام : الا
ابوبندر : خلاص اجل اكرمني بسكوتك وخلني اتفرج
عزام : اي تفرج لاتعصب
هايل : ألقم ههههههههههههههههه جاني سم ياعم وش بغيت بشوت على كيفك
ابوبندر : من انتم عياله
هايل : انا هايل ولد ابوفهد وذا عزام ولد عمي ابوعزام انت من ماقد شفتك هنا
ابوبندر : وانت شدخلك ليكون قاعد فوق راسك ولا ماكل من حلالك ولا امشي على ارضك اقطع واخس وطلع لي بشت بني جاين برد يسمونه بياع الخبل عباته
عزام : اخاف تضيع بشتك معه ههههههههه يسعد مسائك ياعم
ابوبندر : انت وش انت تاكل ووش تشرب عشان دمك ثقيل لهالدرجه انطم ماحد طلب منك تكلمني
عزام : اعوذ بالله خلاص سكتنا
ابوبندر : اي احسن حلايا وجهك تقول نكت
هايل : هههههههههه خلاص انت اسكت ها جرب ذا ياعم
ابوبندر : لا قصير قم انت من الكرسي خلني اقعد وش هالجيل ذا شايفني كبر ابوك ومخليني واقف وانت قاعد
عزام : صبرك يارب اقعد ياعم اصب لك قهوه
ابوبندر : لا لا عطني ماء بس قهوتك اكيد انها مره مثل وجهك
عزام : مانحط شى مر كلها هيل وزعفران ويمكن احط خلطتي السريه
هايل : جديده على خلطتك ذي ماشربتها انا
عزام : سم تبي تذوقه
ابوفهد : السلام عليكم كيف ماشي السوق يااهلا وسهلا ابوبندر حي هالشوفه ياخوي وينك مبطي عنا ولا خذتك اجواء الجنوب عنا
ابوبندر : صل عالنبي بخير انت شلونك
ابوفهد : بخير دامك بخير صب قهوه لعمك تاركين الضيف بدون ماتكرمونه
ابوبندر : مايفهمون بعلوم الرجال
عزام : ماقالت لك ياعم تبي قهوه وقلت لا
ابوفهد : بس ياعزام وصب قهوه
عزام : لا شكله ذا بيمتحني
هايل : يبه من ذا تعرفه
ابوفهد : انا الي اعرفه ذا ياولدي صديق الطفوله من كنا بزران واحنا خويا بس شاء ربي وافترقنا كل واحدن بديره الا قل لي يابوبندر وش صار معك بحياتك
ابوبندر : على حطه يدك ياخوي وام بندر عطتك عمرها
ابوفهد : لا والله الله يرحمها ليه ماعلمتني نجي ونوجبك
هايل : ووين ولدك بندر ياعم
ابوفهد : طلع له البشت وانت ساكت
ابوبندر : مالله رزقني بضنى عايشن وحيد الين قبل كم يوم طريت على بالي وتذكرتك وقلت برجع للقريه ومتمني انك ماطلعت واشوا ماطلعت
ابوفهد : ناوي تسكن عندنا اجل
ابوبندر : اي والله
ابوفهد : ووظيفتك تركت التدريس
ابوبندر : اي تقاعدت تعرف مابقى من العمر كثر مامضى يابوفهد انت علمني شلونك شلون اخوانك وعيالكم
ابوفهد : كلهم بخير الحمدلله صار عندي احفاد ماهو بس عيال
ابوبندر : سبحان الله اول انت ماتحب الاطفال زود وربي رزقك
ابوفهد : اللهم لك الحمد وابد كلهم تراهم عيالك وهذا اصغر عيالي هايل
ابوبندر : اي ماجاز لي
عزام : كثير قالو هالكلام قبلك ياعم بس بعدين مايمدحون الا هو
ابوبندر : صب صب قهوه وانت ساكت
ابوفهد : طيب وش البيت الي اخذته ان شاء الله ماهو بالحاره الثانيه
ابوبندر : وش كان اسم الولد الي اجره علي ايه تذكرت غيث
ابوفهد : هذا ولد خاله عيالي يامرحبا والله بجاري وصديقي
ابوبندر : عيا هالولد الجني يبيعه لي
ابوفهد : اي لان اهله عندنا ويمكن يرجعون لبيتهم فالافضل ياجره عليك وترا ها بيتي مفتوح لك باي وقت
ابوبندر : وين البشت ياولد والله لو انك توك تخيطه
هايل : مابغيت اقاطعكم ياعمي
ابوفهد : والله ماتعطيني شى
ابوبندر : اقول امسك يله سلام
غيث : ياهلا بعم ابوبندر حياك اوريك البيت
سياف : من ذا شكله غريب
ابوفهد : باجر البيت الي جنبنا وذا خوييي من يوم كنت صغير
هايل : اطباعه غريبه من وين هو
ابوفهد : من الجنوب بس انه انولد هنا فالرياض تشوفون لهجته شوي زينا
هايل : اي الله يعين عليه
ابوفهد : اقول انطم بس ودق على فهد اساله وينهم تقل تاخر وارجعو للبيت يله
عزام : ابوك عليه اصدقاء مدري من وين متعرف عليهم
سياف : يقولك من الطفوله يعني منذ الولاده
عزام : هالشايب واضح بيستقعد لنا الله يعين
هايل : حرام ماعنده عيال ولا حرمه وحيد
عزام : انا الي حرام والله
سياف : وليه
عزام : صب صب قهوه
سياف : لاتامر خل القهوه جايب لكم فلافل
عزام : احد ياكل فلافل العصر تهيج معداتنا
سياف : كيفك لاتاكل هاتها
عزام : ماينمزح معك انت هاتها باكلها امري لله
هايل : مايوفر شى سياف دق على فهد انا برتب المحل
سياف : طيب يله الو وينك يافهد ابوي يسال عنك
فهد : توني مامسكت خط القريه
سياف : ومتى ناوي تمسكه لا غابت الشمس وش تسوي كل هالوقت هناك
فهد : رحت اشوف ولدي ووش بيصير لو مشيت فالليل
سياف : انت تدري ابوي مايحبنا نمشي فالليل
فهد : معليه انا اعرف لابوي شوي وبمشي
عزام : هاه وينه ليكون كنسل الجيه وقعد عند حرمته
سياف : لا راح يشوف ولده
هايل : زين ماسوى بيكبر هالولد وهو يحسب ان ابوخالد ابوه
عزام : تبون الصراحه حركتكم غلط الرجال يحب حرمته الجديده وراكم سحبتوه منها
هايل : تستهبل ياعزام البنت ماتبيه البنت مستغله راتبه وشقته وسيارته ياخوي مستغلته هو بكبره المره الي تمنع زوجها من اهله مافيها خير
عزام : اي بس الغلط على اخوكم ليه يصغي اذنه
سياف : وعشان احنا نعرف اخونا زين مايترك اهله ويصغي اذنه لحرمته رحنا وانقذناه منها
هايل : انت صاحي يارجال اخوي صاير تقل سواق عندهم مغير يخدمهم بدال مايخدمهم يجي هنا يخدم اهله صح ولالا
عزام : اي وطيب وش بتسوين بتروحون تزوجونه الثالثه
سياف : لو اظطر الامر ايه ليش
عزام : وان طلعت مثل الي قبلها
هايل : نطلقها ونزوجه الرابعه
سياف : اصلا ليش تصير مثل حرمته ذي ليش ماتصير مثل بنت عمتي ام خالد
عزام : افترض لك انا يعني ماهي بكل مره بيكون البلاء من الحريم احيانا البلاء من الرجال نفسه الي يترك اذنه لحرمته
هايل : انت ليه تستبق الشر ياخوي قل خير او انطم
عزام : القعده معكم تجيب ضيقة الخلق يارجال مكثر من مشاكلكم
هايل : احد دخلك فيها مشاكلنا
عزام : لو ناسي بذكرك انا نسيبك ياذكي وقبل اكون نسيبك انا ولد عمك
هايل : امحق نسابه ياخوي فارق بس
عزام : انطم انطم
سياف : اقول ماقال لكم دحيم متى بيحط عرسه
هايل : لا
عزام : اي
سياف : تستهبلون اي ولا لا
عزام : اي
هايل : على كيفك تقول ايه وهو ماقال لنا
عزام : ماقال لك انت بس ولا انا قال لي
سياف : ماقال لاحد غيرك يعني
عزام : مدري دقو عليه اسالوه انا ماشي
هايل : ابوهالراس هالتسذوب وانت ليه تساله واخت دحيم حرمتك ياذكي
سياف : احسبه قايل لكم انتم
هايل : اسبقني عالبيت بسكر وبجي
سياف : طيب يله
هايل : مستحيل دحيم يسويها يبوي يقول لعزام وانا لا لا لا مايسويها
~~~ في مجلس الحريم في بيت ابوفهد ~~~
قمر : دق غيث يله ياخاله فمان الله
ام غيث : ماكان له داعي روحتكم يابنتي كنسلو
قمر : مانطول ياخاله
ام غيث : والله قلبي ماهو مرتاح لروحتكم ذي بس الله يحفظكم
رغد : يله مع السلامه انتبهو فالطريق ولا تقطعونا
قمر : من عيوني وكثر خيرك خاله ام فهد
ام فهد : حق وواجب يابنتي عسى مارح تطولون عساها كم يوم ودنا تكونون معنا بكل مناسباتنا
قمر : يشرفنا والله ياخاله وان جتنا فرصه مارح نردها وبنجيكم ان شاء الله وماوصيك على خالتي ترا عندها ضغط وسكر
رغد : افا توصين وبنتها واختها واقفين ؟
قمر : اجل مع السلامه وين ندى
فرح : نايمه
قمر : سلموني عليها وجعل زواجكم زواج الدهر ومبروك مره ثانيه
فرح : الله يبارك فيتس والله يبلغتس مناتس ياقمر
شهد : انتبهي على نفستس
قمر : لاتوصين حريص
ام غيث : ياولدي انتبه على نفسك ولاتقطعني ولا تطولون
غيث : على هالخشن فمان الله مع السلامه ياخالتي
ام فهد : بحفظ الرحمن ياولدي
رغد : بشتاق لكم والله
غيث : ماوصيتيس انتبهي على امي وخلتس خفيفه ببيت خالتي
رغد : انطم بس وركز بالحلوه الي معك انتبه لها
قمر : تراها قالت لي انتبهي على اخوي
غيث : والله اني داري
رغد : يله روحو قبل اصييح بسرعه
فرح : من جدتس بتصيحين يالبزر
رغد : تعودت عليهم والله
فرح : مسحي دموعتس بس وامشي ساعديني بالعشاء هالندى مغير نايمه
رغد : اف يله مشينا
~~~ فالمطبخ ~~~
فرح : الحين بخاطري اسالتس من جيتي
رغد : ايوه وش سوالتس
فرح : ليه ماتزوجتي للحين
رغد : ليه سباق هو
فرح : لفي الورق عنب زين لازم يتسكر كويس بعدين لا ماهي سالفه سباق بس استغربت يعني مجرد سوال
رغد : توني يابنت الحلال ادرس ممداني اتفرغ لنفسي تبيني اعرس بعد
فرح : اي وشفيها انا اصغر منتس بسنتين او ثلاث وتزوجت ومعي ولد
رغد : وليكون شايفه ان الي سويتيه صح ؟
فرح : لا بس الحمدلله عالاقل طلع بولد وهذاني بتزوج مره ثانيه
رغد : اي بس معليش عند ابوتس مافيه جامعه ولا وظيفه فعشان كذا مالكم غير الزواج وبعدين هالولد مارح يفتح الاندلس ولا بيحرر القدس زواجتس وانتي صغيره اكبر غلط ولا بعد تطلقتي وانتي توتس مادخلتي العشرين ف كل حياتتس غلط بغلط
فرح : ابوي مارفض نكمل جامعه بس شوفه عينتس القريه مافيها جامعه
رغد : لو يبيكم تدرسون كان وداكم مثلا مع اخوكم فهد فشقته قبل يعرس يعني
فرح : لاتشيلين هم الجامعه انا بكملها فالشرقيه مع صالح
رغد : من ذا صالح بعد
فرح : هههه ابوتميم الي بيكون زوجي شفيتس
رغد : ايه الله يوفقكم ويعوضتس يارب
فرح : متامله فيه خير تدرين اول ماصليت استخاره ارتحت حتى ماعدتها هي مره وحده وعطيت الموافقه
رغد : واختتس الي مغير نايمه كم مره صلت استخاره
فرح : مغير مره بعد وارتاحت بس هي ماتبيه
رغد : لا حول ولا قوه اختتس هذي محد فاهم عليها هي وش تبي بالضبط
فرح : انا اقولتس هي تبي دحيم بس خلاص راح منها وبنفس الوقت هي من قبل ماتطيق عزام بس ماتقدر تقول لابوي واخواني انها ماتبيه
رغد : وليه ماتقدر انا اشوف ان اخوانكم متفهمين بموضوع الزواج مدري عاد عن ابوكم
فرح : والله سالوها اكثر من مره صحيح ابوي حساس من موضوع الرفض وبالاخص اذا كانو من عيال عمي بس سالها وهي قالت موافقه واصلا لو رفضت وش السبب ؟ مارتحتي ارجعي صلي
رغد : اي بعد ماهي غصب سالفه الراحه
فرح : هي بنفسها جت وقالت لسياف انا صليت وارتحت لو ساكته ماغصبها احد
رغد : والحل الحين
فرح : تملكو يابنت الحلال ماعاد فيه رجوع خلاص وانا من وجهه نظري عزام مناسب لندى ومتاكده رح تتغير كلمتها ونظرتها عنه بس تتزوجه ورح تنسى ذا الدلخ دحيم
رغد : عاد مالومها هالدحيم مزيون
فرح : لايسمعتس غاثنا برموشه هالطويله من يوم كان صغير
رغد : اي محظوظه هالفاتن بس الحق ينقال هي بعد تهبل
فرح : لو اعرفها قبل يحبها دحيم كان اخذتها لاحد اخواني تدرين عشان وش
رغد : عشان وش
فرح : عشان اتاملها يوميا
رغد : ههههههههههههههههههههههههههههههه يقطع بليستس
شهد : وش الي يضحكم ضحكوني معكم ضايق خلقي
رغد : نتكلم عند جمال فاتن
شهد : للحين ماتخطيتو جمالها وعندكم انا
فرح : اي عاد بكمل السالفه لرغد بعد مااخذنا شهد خلاص ماعاد ابي فاتن صرت اتامل شهد
رغد : هههههههههههههههههههههههههههههههه وش هالعائله الحلوه
فرح : الا تعالي ليه ضايق خلقتس متهاوشه مع سياف
شهد : لا يايعد قلبي هو توه جاء وخليته عند هايل ينومه
رغد : اكيد يوم كان اعزب مايحرك المعلقه والحين يهز ولده
فرح : لا الحق ينقال كل اخواني خدومين وبالاخص سياف يابعد قلبي هو احن اخواني
شهد : كنت بغار بس تذكرت انتس اخته ههههههههههههههههههههههههههههههههههههههههههههههههههههههههههههههههههههههههههه
فرح : كفتس
رغد : الحمدلله والشكر مو صاحيين
شهد : مشتهيه ورق عنب اوهه حاسين فيني انتم اكيد
فرح : لتس ساعه قاعده غندنا ماشفتينا واحنا نلفه
شهد : لا
رغد : حطي يدتس معنا عشان يزيد حلاه
شهد : من عيوني
فرح : شفيتس شهد
شهد : بستفرغ وخري
رغد : وش فيها
فرح : انتي مو ممرضه
رغد : قيد الانشاء يابنتي لاتخليني ابتلي فيها الحين
فرح : امشي امشي نلحقها
ام فهذ : وش فيكم تركضون خرعتونا
فرح : شهد مدري شفيها فجاه بتستفرغ
ام عزام : اي واضحه حامل
رغد : شصار معتس انتي بخير
شهد : اي افضل لما استفرغت
ام فهد : قعدوها ترتاح تحتاجين مستشفى يابنتي
فرح : مايحتاج المستشفى عندنا
رغد : ينقس الالات ههههههههههههههههههههههه
فرح : تتهربين من شغلتس
ام فهد : شوفي من يطق الباب يافرح
فرح : من
هايل : انا
فرح : ياهلا بهالطله ياهلا بهالوجه البشوش وينك من اليوم
هايل : ابوي مخليني من قمت بالمحل اكش الذبان وش صاير صوتكم عالي
فرح : ابد يمكن يجي اخ ولا اخت لسميك ونرجع نصير عم وعمه
هايل : اوههه والاب مايدري قاعد يتقهوى
فرح : مافيه شى اكيد الا شبغيت
هايل : خنافس الحب جايب لها هديه وعمي قال عطها ندى
فرح : عزام قصدك
هايل : اي افتحيها نشوفها
فرح : يالقفك ندى نايمه بحطها عندها واعلمك بعدين وش هي
هايل : اي ابطقطق على ذوقه
فرح : ماتستحي انت صار نسيبك
هايل : وش مسوين العشاء
فرح : وش مشتهي انت
هايل : ان كانه طبختس ف كل شى حلوو
فرح : اي انا ورغد قاعدين نسويه
هايل : زين زين اعجلو به تراني مااكلت شى من قمت بيغمى علي
فرح : بسوي لك خبز وجبن الين يخلص
هايل : تم
فرح : تعال المطبخ رغد شهد تغطو هايل بيدخل المطبخ يله تعال
هايل : صح ان عزيز الله يعافيتس ثيابي تحتاج غسيل
فرح : من عيوني
هايل : ياجعلني ماخلا بياخذتس منا هالصويلح
فرح : ايه ويمكن تاخذك منا بنت الحلال ولا شرايك
هايل : خليني اكمل هالخبزه لاتنكدين علي تكفين
فرح : كفايه عاد هايل الى متى بتقعد كذا كلنا بنعرس من بيقعد عندك
هايل : بقعد عند امي وابوي
فرح : ومن بيطبخ لهم ويغسل وينظف ؟ انت
هايل : وش قولتس
فرح : اسمع مني وانا اختك ماقلنا شى حب بالنهايه حبك بيبقى بقلبك لاانت الي اخذتها ولا انت الي نسيتها بعكس هي اعرست وبتجيب عيال
هايل : انا مابي اعرس وتوني صغير وعندي جامعه ومن البنت الس بتوافق تسكن بقريه
فرح : كثير انت بس عطني الموافقه وباقي الموضوع اتركه علينا
هايل : لا لا انسي وانا اخوتس عطيني الترمس اصب لي شاهي
فرح : كيفك بروح اجيب ثيابك
هايل : بكمل خبزتي فالحوش
~~~ بغرفه هايل ~~~
فرح : والله غريب هالولد ماينعرف له وش هالحب ذا وين ثيابه بعد امداه يحوس هالغرفه توه ساكنها
رغد : فرح وش هالكيس تقوله خالتي ام فهد
فرح : وش كيسه يوه نسيتها عندكن عطيها ندى تكفين قولي ذي هديه من عزام
رغد : حركات والله
فرح بشهقه : وش هالي يلق بثوبه ذا ماهو سلسال بنت ! معقوله حق رغد ووش يسوي عند هايل اخس يالسلوقي ومسوي ماتبي تعرس اثرك تبي رغد طيب طيب
~~~ بغرفه ندى ~~~
ندى : ها وش فيتس صرعتيني
رغد : حبيب القلب جايب هديه ماودتس تقومين تشوفينها
ندى : من حبيب القلب
رغد : من يعني زوجتس عزام
ندى : لا مالي خلق خليها افتحها لا قمت
رغد : ياشينتس ابي اشوفها ترا اختتس عيت تفتحها
فرح : ماعليه خليها علي
رغد : يله اجل بروح اشوف الاكل
فرح : رغد للحين مالقيتي سلسالتس
رغد : لاتذكريني يابنت الحلال قلبي مكسور عليه مالقيته
فرح : وش شكله هو
رغد : يلق لق وفيه فراشات حوله
فرح : وش لونها
رغد : عالبنفسجي كذا ليه تسالين عساستس لقيتيه
فرح : لا بس افكر لو نرجع نشتري لتس ثاني
رغد : لا وين انسي
فرح : تمام ندى ندى قومي بسرعه بقولتس شى
ندى : ماتخلون الواحد ينام ها وش عندتس
فرح : صدت هايل
ندى : مايهم
فرح : صدته يحب رغد
ندى : ووش يثبت بعد
فرح : لقيته سلسال البنت بجيب ثوبه
ندى : يمكن لقاه بالشارع وحطه بجيبه
فرح : بس سالناها اذا شاف السلسال وقال لا
ندى : وقفي تشبكين الاحداث براستس وانتي عارفه مايحب غير ميهاف
فرح : اي بس ليش ماخذ سلسال البنت
ندى : بسيطه اساليه ولا اقولتس عطي البنت السلسال ولا كان شى صار
فرح : لا لا بساله وش عنده
ندى : لاتحاولين تلصقينهم البنت وش تبي بهايل وعندها عيال عمها وهايل مايبي غير ذيك
فرح : ترا ماقلت بخطبها له قلت بساله
ندى : خلاص كيفتس سوي الي تبين بس خليني
فرح : مارح تشوفين هديه زوجتتس
ندى : لا تبين تشوفينها افتحيها انا مابي
فرح : والله انتس ماتستاهلين يالنفسيه
~~~ فالليل بيت ابوفهد فالدكه ~~~
هايل : ايه ايه يالطفش بسم الله
فرح : ليش شايف جني
هايل : لا حشى يام عزيز بس ارتعت ماشفت غير الجلال
فرح : وشعندك قاعد هنا
هايل : ماقمت الا متاخر وطفشان فقلت اسوي قعدتي
فرح : اي من زمان عنها امسك فنجالك
هايل : اوه قهوتتس من زمان عنها
فرح : الا بسالك هايل
هايل : سمي
فرح : غسلت ثيابك وكويتهم
هايل : ذا سوالتس الحين
فرح : لا جايتك بالعلم مانسيت شى بثيابك
هايل : شى مثل وش
فرح : شى ماهو لك ومستحيل يكون لك
هايل : خلي الالغاز وتكلمي وش السالفه
فرح : لقيت سلسال بثوبك
هايل : حق من
فرح : هذا سوالي انتظر الاجابه منك انت تعرف سلسال من
هايل : ايه ادري حق رغد
فرح : امم ودامه حق رغد وش جابه عندك
هايل : اختصري وقولي الي تفكرين به
فرح : مادري شكيت ان بينكم شى
هايل : بيننا شى وانا ماخذ سلسالها وهي تدور عليه
فرح : ذا الي شككني انت تدري انها كانت تدور عليه يوم كنا ببيت عمي ابومحمد
هايل : هي قابلتني فالشارع وهي تشيل المشروبات وانا كنت ادخل الاغراض جايبينها وطاح سلسالها والبنت مطفوقه ناديتها مارديت علي وتركته معي عساس بعطيكم اياه تعطونها بس نسيت
فرح : بس ساره جت وسالتك اذا شفت السلسال وقلت لا
هايل : يمكن مابعد شفته يوم جتني ساره عالعموم عطيه البنت
فرح : لو تبيها قل
هايل : ذا الي كنتي شاكه فيه
فرح : مو بس شاكه احس واضح ياهايل
هايل : اي بس انا كم مره تكملت بموضوع الزواج
فرح : ماقلت زواج انت شفتها واكيد اعجبت فيها
هايل : تهقين متعمد ؟ اول ماشفت فستان صديت مارضى على بنت خالتي وش تفكيرتس ذا بعدين انا احب ميهاف قلتها مليون مره ومانيب متزوج غيرها
فرح : تستهبل وش تتزوجها البنت تزوجت وحامل وانت قاعد هنا قدام هالحطب تنتظرها ياهايل العمر يمشي
هايل : تستاهل يفنى العمر بانتظارها يافرح تستاهل
فرح : لا ماتستاهل انت تفني عمرك وهي تعيش حياتها
هايل : انا راضي وش مزعلكم
فرح : انا مارح يضرني ولا يفيدني شى بموضوع زواجك غير اني بفرح لك من قلبي بس ياهايل لازم تعرف ان الي تسويه غلط واكبر غلط لازم تنسى
هايل : انا عشاني خايف انسى واصير اعتبرها كاي بنت قمت اذكرها حتى عندكم
فرح : ماهو حل اذا انت قلبك صد والله لو ابوي يحلف عليك تتزوجها بترفض ماعطتك فرصه ولا حاولت مثل ماانت حاولت
هايل : وش تحاول مالها كلمه بعد كلام ابوها
فرح : هايل ماكان ودي اقول بس بقول هي لاخر لحظه وانت فالغيبوبه اسمعها تقول لخويتها ان بعد كل هالمده وبعد ماخذت زوجها اكتشفت ان الي بينك وبينها ماكان حب كانت فتره مراهقه وتسرع منها وان عاشت الحب الحين مع زوجها وان عوضها ولاتنسى وش قالت لك وانت توك قايم من الغيبوبه هي حامل وماتبي الا زوجها ف مافيه مبرر لها الله يرضى عليك
هايل : حقها تكرهني وحقها تحبني دامها مغصوبه يافرح
فرح : المغصوب يسوي سواه زينب كرهت فهد فيها الين تطلقت
هايل : اي بس حملت بعد
فرح : صدقت ان يمكن فهد يحبها
هايل : يعني تهقين عبدالعزيز مايحب ميهاف
فرح : انا وين وانت وين ياهايل
هايل : ههههههههه هاتي فنجالتس يام عزيز وعيني من الله خير
فرح : متاكده ياهايل انك بيوم رح تنساها وقل فرح ماقالت
هايل : وانا متاكد ان لي نصيب معها
فرح : نعم بتاخذها وهي مطلقه
هايل : اي عادي وش فيها
فرح : لا حبيبي انت توك شباب ابوي وامي مارح يرضون
هايل : لاتسبقين الاحداث وتقهوي

انتهى البارت
قراءة ممتعه 💓 ورمضان كريم وتقبل الله صيامكم