~~~ في المركز الصحي ~~~
ميهاف : بنات ابوي يدق شسوي
خوله : ردي
فاتن : حطي سبيكر
ميهاف : الله يستر
صقر : ماقلت لتس اذا رحتي هناك احفظي سمعتنا موديتس تتدربين تروحين تحبين وولد من ولد عدوي ردي تكلمي
ميهاف بخوف : يبه من قال لك كذا
صقر : الولد بنفسه قال لي يومين وانتي جايه والله لو ماانتي بتاخذين ولد اخوي لاعلمتس ان الله حق انتي مانتي قد الثقه اول واخر مره اخليتس تروحين لهالامكان
ميهاف : ماسويت شى يبه والله
صقر : ولا كلمة اسمعيني ياميهاف والله لو يكون رقمه عندتس لاكسر جوالتس تكسير احسن لتس تنظفين جوالتس قبل مايطيح ف يدي
ميهاف : ابشرر يبه
صقر : اذلفي جعلي ارتاح منتتس
فاتن : قفل أخيرًا
خوله : ليش يقول لتس كذا ماخلا فرصه تتكلمين
ميهاف : علمه هايل علمه الخاين
فاتن : يمكن اجبره يعلمه من وين يعرفتس
ميهاف : فيه الف عذر يقدر يقوله
خوله : يمكن رفض ابوتس طيب
ميهاف : اكيد رفض
فاتن : طيب وش تنتظرين احذفي هايل ترا بعد بكرا بنرجع للرياض
ميهاف : مقدر يافاتن مقدر تكفين تعبت من حياتي ذي
فاتن : ياقلبي انتي اهدي اهدي
خوله : عازمتنا هديل تعالو كلكم للبيت ونحل مع بعض مشاكلنا
ميهاف : اخخ تكفين يافاتن احبه احبه كيف ببلكه كيف بينتهي كل شى اخخ ياابوي
فاتن : ياحبيبتي لاتقولين كذا الولد مو نصيبتس
ميهاف بانهيار: الولد كل الخير فيه بس ابوي من يتحمله من احس روحي بتطلع حطي يدتس على قلبي احسه بيطلع
خوله : انا خايفه اول مره اشوفها كذا
فاتن : الله حسيبه ابوها كله بسببه خرب حياتها كلها اهدي ياميهاف تكفين
خوله : خلينا نوديها للبيت اكيد بحاجه تجلس لحالها
فاتن : انا بوديها وبرجع لتس
خوله : طيب طيب لاتطولون تراني اخاف
فاتن : ماعليتس حذفه حصاه
~~~ في بيت ابومحمد القريه ~~~
عبدالرحمن : وشفيها ذي تصيح كم لبثت وانا نايم
محمد : فتحت المحل عنك طولت وانت نايم
عبدالرحمن : كم الساعه الحين
محمد : ٩ العشاء
عبدالرحمن : اوله وانا نايم من الصبح للحين
محمد : الصلاة فاتتك حتى قم قم صل وغسل وجهك بجيب عشاء
سالم : بابا وش اسوي انا
محمد : تعال معي نروح نجيب عشاء عشان بعدها بنروح للرياض
سالم : ليش تونا جايين
محمد : شغلي يابابا ومدرستك
سالم : طيب بابا
محمد : شاطر ولدي الحلو يلا مشينا
~~~ في قسم الحريم ~~~
فاتن : ودي اقعد معتس بس تعرفين المركز لازم فيه احد مع خوله
ميهاف : لا عادي روحي انا ابغى اقعد لحالي
فاتن : زين كم ساعه وبنرجع لتس
ميهاف : طيب
~~~ في بيت ابوفهد ~~~
سياف : كانهم طولو
زامل : مسافه الطريق ياخوي
سياف : بس ليش محد يرد
ام فهد : ارجع دق على اخوانك ابوك اي احد بس يطمنونا
سياف : أبشري يمه بدق
ام فهد : ها رد
سياف : هايل جواله مغلق وابوي جواله هنا وفهد مايرد
ام فهد : الله يستر الله يستر
زامل : اهدي يالغالية اكيد فالطريق وماعندهم ابراج
ام فهد : يارب يارب هذا السبب
~~~ في قسم الحريم ~~~
شهد : ودي ادق على ميهاف
ندى : خلينا نروح عند هديل ومن هناك اكيد بتجي ميهاف
زينب : اي يلا مشينا
عفراء : اصبرو بستاذن من زامل
زينب : يوه عساس يهتم لتس
شهد : زينب احم حتى انا بشوف سياف
ندى : والله وتغيرت الدنيا ياشهد وانتي يازينب دقي على زوجتتس بعد
زينب : هو مارد علي فالبيت بيرد علي وهو فالطريق امشي بس
شهد : بنروح لبيت ابوسطام جمعه بنات
سياف : وش له لزوم جمعتكم ذي
شهد : الامهات مجتمعين عند بيت عمي ابوعزام وتوهم رجعو وجاء دورنا نروح يلا قل تم
سياف : طيب طيب روحي وانتبهو فالطريق ولا اوصلكم
شهد : لا لا مايحتاج رجلينا توصلنا اصلا محد يقرب منا بقول لهم سياف ويهربون
سياف : لاتقعدين تسلكين ماني اصغر عيالتس
شهد : عشان توافق
سياف : وافقت وخلصت يلا روحي وانتبهي على اختي
شهد : ثق فيني معليك
عفراء : وليش لا وش له لزوم اقعد اذا انت حتى النوم تنام مع اخوانك فالمجلس
زامل : ان طلعتي كسرت رجولتس
عفراء : الله يفكني منك بنات عيا
شهد : وانا وافق
زينب : شعنده يعيي عنتر زمانه
ندى : يشينه نفسيه زامل طول عمره
زينب : دائمًا اكبركم اذكاكم ومنقذتكم
ندى : خذت الكبير واشغلتنا
زينب : انا الكبيره هنا المهم عندي خطه
شهد : لايش الخطه
زينب : عشان تجي معنا عفراء هم متوترين وشايلين هم جيه هذوليك فنروح بدون مايدري ونحط خبر عند خالتي شرايكم
عفراء : واذا عرف انا اعرف حظي
زينب : وشلون بيعرف وكلنا خاشين وجيهنا
عفراء : هذا يعرف الجن
ندى : احم احم اخوي
عفراء : يعرف شكلي فالعبايه بعد
شهد : نغير من شكلتس
زينب : يلا ماحب الي يقول لا
ندى : هذي تعزم وهي مااخذت راي زوجها تخيلي لو يجي
زينب : مايهتم لي بيجي مشتاق لحبيبته خلينا منه يلا ياعفراء قولي تم
عفراء : واذا عيالي فضحوني
زينب : نايمين عيالتس الحين
عفراء : بدخل عليهم وبقومون
شهد : حتى لو قامو مايدرون عنتس واذا ارسل لتس قولي انتس عندنا وهو مايقدر يجي يتاكد بوجودي انا وزينب
عفراء : وعباتي كيف باخذها
زينب : انا اعطيتس من عباياتي طولتس قريب مني
شهد : تحسست حسبي الله على بليسكم
زينب : انتي قصيره مايمديتس تسعفين احد
شهد : يلا استعجلو طيب هذي فاتن ترسل
فاتن : ميهاف منهاره وماتقدر تجي وديتها للييت
شهد : وانتي وخوله
فاتن : بنجي تبون شى نجيبه معنا
شهد : بنات تسال فاتن اوصيها على شى
زينب : قولي لها احنا بنجيكم للمركز ناخذكم ونروح للبقالة
عفراء : تستهبلين بيعرفونا الكل لاتغامرون
ندى : احنا مستاذنين
عفراء : انتي رايحه من راستس
ندى : لا قايله لاامي
زينب : لاتخافين يلا جهزتو مشينا
عفراء : قلبي يدق بقوه
زينب : توترتس ذا بيدهورنا
سياف : شهد
شهد : الله يفضحك
عفراء : بيطلع زامل صدقوني بيطلع
شهد : هلا سياف تبي شى
سياف : اتاكد اذا هذا انتم ولا لا ليش مااخذتو امي
زينب : انا اكفي عن خالتي وجمعه بنات
ام فهد : خلهم ياسياف وش وداني معهم
سياف : على خير انتبهو لانفسكم
زينب : اخلص رح ياثقل دمعهم هالاخوان
شهد : ها سبي زوجتتس بكيفتس زوجي لحد يسبه
ندى : انا اقدر اسبه
شهد : لي تصرف اخر معتس
ندى : يوه خوفتيني طول عمري هواش معه تجين انتي توقفيني
زينب : يلا وين المركز عيوني انطمست
شهد : بعيد شوي عند السوق
عفراء : طقتني ام الركب خلونا نرجع قلبي ماهو متطمن يابنات تكفون احد يسمع لي قاعدين نخاطر
زينب : تبين تعالي ماتبين ارجعي
عفراء : والله خايفه احس بيصير شى
فاتن : وشفيكم متوترين اشكالكم كانكم سروقات
شهد : من عفراء وترتنا
زينب : يلا امشوا للبقالة
فاتن : احب الدجات ذي ليت ميهاف معنا
ندى : الا وشصار معها
فاتن : دق ابوها وسفل فيها شكل اخوتس علمه انهم يحبون بعض وبكرا بيخلص تطبيقنا فبكرا بنروح
شهد : اما والله ماتروح بدون مااشوفها بنمو بيتنا وناخذها غصب نصيح مع بعض عند هديل
فاتن : هي تبي تقعد لحالها
شهد : ماعليكم منها تقعد تكتئب انا اجيبها
ندى : من ذي الي معتس
خوله : انا ممرضه هنا وصديقه هديل فالشرقية
ندى : ياهلا والله شرايتس بقريتنا
خوله : مبدئيًا ماجازت لي بس ماعليها حلوه يعني وماجلست واجد فيها كلها شهر تطبيقي
ندى : ليش ماهو مثل فاتن وميهاف اربع مدري خمس شهور
خوله : لما عرفت ان ميهاف وفاتن بيروحون قدمت طلب نقل تطبيق للشرقيه وقبلو فبكمل هناك
ندى : الله يوفقتس
خوله : وياتس
شهد : اجل انتي زوجه سطام المستقبلية
خوله : شدخل اصلا طول عمري هواش انا واياه
شهد : مدري اذكر قد سالت هديل وقالت زوجته محجوره توقعتها انتي
خوله : يوه ياكثر قروب صديقاتنا يمكن قصدها وحده ثانيه
ندى : صدق شدخل ياشهد يمكن مايبي من صديقاتها
شهد : يبيلي قعده معتس مطوله
زينب : يلا ادخلو وخذو كل شى تبونه على حسابي
شهد : حركات
زينب : فهد حط صرافه عندي
ندى : على حساب اخوي
زينب : اشتري لابيعتس عندهم
سعيد : احم حياكم
فاتن : وين قسم المشروبات
سعيد : هناك وش ذا البنات ياكثرهم
خلف : السلام اوهه اوهه وش ذا الحلويات
سعيد : وش جابك هنا ماكفاك الي جاك
خلف : لاتهايط قدامهم بنات من ذولي
زينب : اذا قرب افقعو راسه ماعليكم منه
سعيد : اعتقد انهم يقربون لابوفهد لاوصيك
خلف : ازهلني
خوله : حاسب
سعيد : ابشري ياختي
فاتن : ماارتحت له ذا ابدا
زينب : يلا مشينا يمه فهد يدق
شهد : بيستلمتس
زينب : كم الحساب ذكروني
فاتن : اربع ميه وعليها
زينب : معليكم امره عندي مارح ارد
شهد : يلا مشينا نجيب ميهاف
عفراء : يمه شوفوهم متجمعين
ندى : جاء ابوي شكله
زينب : لاتناضرون لهم لاتفضحونا
فاتن : ماهم يمنا امشو بس
~~~ في بيت ابومحمد ~~~
شهد : اخلصي نزل ظغطي واوجعتني يديني من الاكياس قومي
ميهاف : ماابي اصيح قدامكم
شهد : احنا مجتمعين عشان نصيح
فاتن : يلا ياميهاف بكرا اخر يوم لنا معهم
ميهاف : اوف اوف طيب
زينب : اخلصو رجليني اوجعتني
عفراء : عجزتي اجل
زينب : لا حبيبتي توني صغيره
ندى : قبل شوي تقول اكبرنا
زينب : لا كنسلت الحين اصغركم
~~~ في بيت ابوسطام ~~~
هديل : كان نمتو مواعدتكم من المغرب وتوكم تجون الساعه ٩
زينب : تو تجينا الموافقة
هديل : تفضلو تفضلو ليش جايبين معكم كل شى مجهزته انا
خوله : قلت لكم هديل ماتقصر
شهد : متى قلتي
خوله : محد يسمع علي ماعليتس منهم مسويه سينابون حقتس
هديل : اي بس بردت
خوله : اكلها لو هي ثلج هاتيها بس
زينب : اوه شكلتس طباخه
هديل : لا بس اعرف للسينابون
زينب : حركات خلينا نذوقها اجل شكل محد طباخ هنا غيري انا وشهد
سلمى : انا نمت عند هديل وانتم مابعد جيتو
شهد : آهلًا بالعروس ها كيف فروس معتس
سلمى : مثله مثل كل رجال
شهد : امم تغار عليه ماتبيه تمدحه
سلمى : اسكتي بس سلتوح اغار على وش
ندى : احمدي ربتس ماعنده اخت مايمديتس تسبينه
سلمى : والله تخسي تسكتني
شهد : ذي اكثر انسانه مستقعده لنا
سلمى : لو اني ماخذه اخو لها اي مارح اسب
ميهاف : اوففف
هديل : وش فيها
شهد : كل شى فيها مشينا نعلمكم داخل
~~~ في السوق ~~~
عبدالرحمن : كنت حاس ان هذي خطته
هايل : متوقع اني بستسلم
فهد : ها وش براسك رجليني اوجعتني من هالطريق
محمد : اذا براسك شى علمني انا بمشي بكرا للرياض
خلف : وانت ماشي ضف اختك
محمد : وش قصده ذا
سياف : اخته يعني زوجتي وش قصدتس انت ووش جابك هنا
خلف : شفت لي غزلان من كثرهم عيوني احتارت من اناضر
عبدالرحمن : وش قصده ذا تكلم بوضوح
خلف : خواتكم شفتهم بالبقالة مادخلت احترامًا لنفسي بس ضحكهم واصل برا
فهد : اهدا ياسياف قاعد يستفزنا
هايل : الي جاك ماكفاك انت تبي احط حرتي كلها فيك الحين
خلف : جاي اقول ضفو بناتكم بداا ماهم صايعات بالشوارع
عبدالرحمن : ضف وجهك اقول
محمد : عبدالرحمن اقعد وكبر عقلك ذا واحد مجنون اسمعني ياخلف ان تعديت حدودك بتلقاني من الشرطه عند باب بيتك
خلف : نتلاقى يبوسالم ههههههههههههههههههههههههههههههه
سياف : انا قايل ماله لزوم تروح انا قايل
فهد : تستهبل انت تدق تخرب عليها عشان ذا خلها
سياف : الله يصبرني
زامل : بس انا معيي على حرمتي تروح ، مسك جواله الو انتي رايحه معهم
~~~ في بيت ابوسطام ~~~
عفراء : بنات تكفون يرسل يرسل يقول انتي رايحه
شهد : واجهيه وقولي اي
هديل : ليش هو مايعرف
زينب : لا هربناها
فاتن : قولي لا وخلصنا
عفراء : لا لا مارحت
زامل : انا هالمره بثق بكلامتس وخلني اعرف انتس راحيه من وراء علمي لاتلومين الا نفستس
عفراء : قومو قومو بنرجع
ميهاف : دموعي للحين ماجفت
هديل : انتم اقعدو عندي
زينب : مانيب متحركه
ندى : ولا انا امي سمحت لي خلاص
شهد : وانا سياف سامح لي
عفراء : تبون ارجع لحالي بنات تكفون
زينب : ياشينتس يلا قومو
ندى : اوف اوف
شهد : معليش بقش الاكياس
هديل : خذوها معكم
فاتن : هاتو مشروبي
زينب : حتى فهد يرسل وداق
شهد : الله يستر ههههههههههههههههههههههههههههههه
هديل : مهبل ازواجهم يدقون وهم يضحكون
زينب : لو ماضحكنا بننهبل
~~~ فالطريق ~~~
زامل : عفراء
زينب : قومي يالخبله وراتس طحتي
عفراء : شافني شافني عرف عرف شسوي
ندى : قومي اركضي للبيت اخلصي
زامل : وقفو ندى
ندى : هلا بابوعبدلله وين كنت
زامل : من معتس
ندى : وحده من الدكتورات وحريم اخواني
زامل : وتتسذبين انتي بعد
ندى : اخ اخ اذني فكها
زامل : ادخلي ادخلي
زينب : نشف ريقي الله ينشف ريقه
شهد : يعمري على عفراء هي الي بتاكلها
عفراء : والله مالي دخل هم اجبروني
زامل : سالتتس وماجاوبتي وتتسذبين معهم
عفراء : خفت تسوي فيني شى اذا عرفت
زامل : ودامتس خايفه مني وش وداتس
عفراء : فكني خالتي خالي ساعدوني
ابوفهد : وش اسوي فيه انا ذا
زامل : ان فتحتي الباب لااانتي زوجتي ولا اعرفتس سدي افمتس بشوف وش يبون
عبدالله : خالتي خايف
زينب : لا تخاف ياحبيبي
فهد : عجبتس الي سواه بحرمته بسببتس
زينب : هي تبي تروح تبيني اخليها بخاطرها
فهد : باقي احاسبتس عالصرافه
زينب : بنتوتس ههههههههههههههههههههههه
فهد : لاتضحكين راجع لتس
زينب :ههههههههههههههههههههههههههههههههههههههههههههههههههههههههههههههههههههههههههه
ابوفهد : امش انطق هنا مع اخوانك اسمعني يازامل هي كلمتين يااما تتحملها وتصونها يااما طلقها
زامل : بطلقها
ابوفهد : بعطيك فرصه تفكر اخمد يلا لااسمع صوتك
انتهى البارت
قراءه ممتعة 💙
أنت تقرأ
"جابك الله في زحام العمر صدفة "
Poetryرواية "جابك الله في زحام العمر صدفة" ( احداث الرواية قديمة جدًا تعود لزمن قديم جدًا زمن العيش فالقرى والحياة البسيطه والروح الحلوة تعود حياة القرى التي تحكمها العادات والتقاليد الي البنت لولد عمها والولد لبنت عمه وغير القرايب ماناخذ عادات وتقاليد قد...
