"جابك الله في زحام العمر صدفة "

30

~~~ في بيت ابوفهد ~~~
ابوفهد : يامرحبا بعضيدي سم ياابوي وشفيك
ابوعزام : جيتي هذي مابيها تروح عالفاضي انا جاي وابي الموافقة منك
ابوفهد : ابد تم ماتطلع من هنا الا وانت ماخذ موافقتي وش بغيت
ابوعزام : انت عارف ان عرس بنتي على بنت ابوفارس بكرا ان شاء الله الاحد وزوجت بنتي وطاح نص الهم
ابوفهد : ووش همك الثاني
ابوعزام : ولدي عزام
ابوفهد : ليه وش فيه وش مسوي
ابوعزام : انت تعرف انه صار يشتغل فالرياض ومعه عيال فالشقة ولاااضمن هالعيال ولااثق ف ولدي
ابوفهد : ههههههههههههههههههههههههههههههه يااخوي جيلهم يختلف عن جيلنا وش شايف عليه
ابوعزام : ماهو هذا المقصد وانا اخوك انا ماني مرتاح بجلوسه مع عيال بنفس الشقة
ابوفهد : ووش اقدر اساعدك فيه ابد تم تبي سلف
ابوعزام : ابي بنتك
ابوفهد : من تقصد
ابوعزام : مغير عندك ثنتين وحده تزوجت وبقى وحده اقصد ندى
ابوفهد : ندى بنتي
ابوعزام : اي وشفيك يخوي اجل بنت الجيران
ابوفهد : لا لا ماقصد كذا
ابوعزام : ها وش قلت مانيب طالع من هالمجلس الا بموافقتك
ابوفهد : الموافقة ماهي بيدي يااخوي البنت اذا استخارت ووافقت رديت لك خبر
ابوعزام : ومن متى الموافقه بيد عيالك وماهي بيدك
ابوفهد : انا شديد مع العيال لانهم بيسكنون عندي وتحت عيني ومراقبهم بس بناتي لا كل وحده وبموافقتها
ابوعزام : هذا اخر كلام عندك
ابوفهد : اي والله اخر كلام ياابو عزام وماله داعي يزعلك لو رفضتا ولو اجلنا ولو بغت تستخير بنتي مااشوف ان الموضوع يزعل حقنا
ابوعزام : حقكم حقكم انتظر ردكم
ابوفهد : ان شاء الله يااخوي مايصير خاطرك الا طيب
ابوسطام : يامرحبا بابوعزام وشفيه مايرد السلام
ابوفهد : بكرا عرس بنته وشايل هم لاتواخذه حياك الله اقلط
ابوسطام : الله يحييك
ابوفهد : ماتحتاج عزيمة بكرا عرس بنت اخوي تعال انت والاهل
ابوسطام : ان شاء الله ان ماطرا لي موضوع جيت
ابوفهد : وش صار بموضوع خطبه محمد لبنتك
ابوسطام : وانا جاي اعطيك الاخبار
ابوفهد : الله يستر وش صاير
ابوسطام : دقت ام الولد على حرمتي وجلست تسلم ومن هالكلام وقالت انهم جايين للقريه لعرس وشكل قصدهم عرس بنت ابوعزام الزبدة انها ماجابت طاري للخطبة وقفلت من هنا ودق ابومحمد علي من هنا وقال شفنا لنا يوم فاضي تكون فاضي ابجي اخطب واعذر الحريم نسو يقولون لكم
ابوفهد : اي وش العلم
ابوسطام : المشكلة ياابوفهد ماهو بالولد المشكله باهله الواضح انهم مايبون بنتي
ابوفهد : وليش حكمت
ابوسطام : ام الولد سمعت بنتي كلام ماينقال وعلى الي فهمناه ان ماهو عاجبها الي سوته بنتي وتحسب ان بنتي سوت كذا عشان تاخذ ولدها وهالشي والله يحز بالخاطر بنتي ماهو منطوله لهم وحفيدهم الي يبي بنتي
ابوفهد : استهدي بالله ولاتمشي على كلام حريم مايعجبهم شى
ابوسطام : الا بنتي غيره مليون يتمنونها
ابوفهد : مايصير خاطرك الا طيب يبوسطام وان كان فيه نصيب بياخذون بعض وهالزواجه كلها عشان سالم
ابوسطام : لا يابوفهد بنتي مارح تكرس حياتها عشان الولد وهو ماله ذنب انا لما ابي ازفها بزفها على واحد يصونها بين عيونه
ابوفهد : محمد تربيتي يبوسطام خل بنتك تستخير وان ارتاحت الله يكتب لهم النصيب
ابوسطام : الله يعين
هايل : يامرحبا بعمي ابوسطام
ابوسطام : هلابك ياابوي ها بشر شلونك
هايل : بخير جعلك بخير
ابوفهد : مايجي يتحنحن كذا الا يبي شى
ابوسطام : سم يبوي وش بغيت
هايل : ياعم تو فاتحين عندنا حديقة عامه وحاطين فيها ملعب وبدال قعدتنا كذا نبي نروح نلعب
ابوسطام : وابوك معيي
هايل : لا المقصد نبي سطام
ابوسطام : ههههههههههههههههههههههههههههههه مقدر اساعدك يولدي
ابوفهد : وش موديك وانت توك طالع من المستشفى
هايل : ضاق خلقي يابوفهد فهالغرفه وبين اربع جدران
ابوفهد : محلنا له مده ماانفتح والزباين ينتظرون قم افتحه
هايل : اهخ يدي اوجعتني
ابوسطام : لكيع هالولد
ابوفهد : محد يعرف له غيري هات فنجالك
ابوسطام : خله انا بصب الا ابسالك
ابوفهد : اسلم
ابوسطام : ابوك وينه له فتره ماشفته
ابوفهد : ابوي عزبته وخوياه فالرياض ف يروح هناك عند اخوي ابومحمد ولا النسيب ابوخالد بس بيجي بكرا عشان عرس بنت ابوعزام
ابوسطام : الله يوففهم وعقبال مانفرح بعيالنا
ابوفهد : ولدك كبر مابقى له شى هالثلاثين
ابوسطام : والله يبوفهد الود ودي ازوجه اليوم قبل بكرا بس تعرفني ضد الاجبار فانتظره يجي هو ويقول لامه تختطب له
ابوفهد : تدري وش سبب جيه اخوي ابوعزام
ابوسطام : عسى ماتهاوشتو طالع معصب
ابوفهد : لا لا بس هو جاء يبي يخطب بنتي وقلت ابنتظر بنتي تستخير وزعل ليش ان ماقلت انك موافق وان ماهو بعادتي
ابوسطام : وليه ماوافقت علطول ولده عزام اجودي وينشرى
ابوفهد : ابي الافضل لبنتي تعرف اختها متزوجه ولد اختي وزوجها ماسك شركه ابوه ومنصبه عالي ولاودي بنتي الثانيه ينكسر خاطرها
ابوسطام : لاتفكر كذا وش تستفاد من الفلوس اذا ان راعيها ماهو شاري بنتك
ابوفهد : والله مدري يااخوي ابنتظر البنت تستخير وترد لي
ابوسطام : ان كان فيه خير الله يكتب لهم النصيب يلا استاذنك يبوفهد
ابوفهد : كمل فنجالك
ابوسطام : ماقصرت ياابري فنجالك مشروب
ابوفهد : الله يحييك ندى ياندى
ندى : يمه وش مسويه انا هلا يبه
ابوفهد : تعالي يبوي من زمان ماجلست معتس وسمعت سوالفتتس ومن زمان ماقلتي لي قصه
ندى : عيالك خلو فينا عقل كل شوي لهم سالفة
ابوفهد : صبي لي شاهي ام فهد تعالي
ام فهد : وشعندك
ابوفهد : الموضوع لبنتي ندى بس مااخيط الابره الا عندتس علم انتي امها
ام فهد : وش صاير يبوفهد قل
ابوفهد : ماصار الا كل خير عمتس ابوعزام خطبتس لولده عزام
ام فهد : ماشاء الله مبروك يبنتي
ابوفهد : وانا قلت بنتظر البنت تستخير فانتي يبنتي لو ماتبينه قولي
ام فهد : وليه الرفض علطول استخيري ياندى
ندى : ابشري يمه
ابوفهد : استحت وش عليه ياابوتس
ندى : انا بروح للغرفة
هايل : على هونتس وشفيتس بغيتي تطيرين كتفي بنت ردي
ابوفهد : امش امش انت وخلها
هايل : وشفيها مهاوشها يبه
ابوفهد : وليه اهاوشها
هايل : المهاوش كله علينا ها يبوفهد اعترف
ام فهد : محد هاوشها ابوك قال لها ان عمك ابوعزام خاطبها لولده وهي استحت وراحت
هايل : وشعندها مسويه باب الحارة يايبه انا ارفض
ابوفهد : وليه ترفض
هايل : مانبي اقارب
ابوفهد : خبل انت واخوك سياف وش ماخذ وفرح وفهد
هايل : اجل انا وعزام بناخذ من بعيد
ابوفهد : مارح ازوجك انت
هايل : وليه وليه مااتزوج
ابوفهد : ماني ناقص مهاوش معها
هايل : والله لاروح اخرب على ندى
ابوفهد : اقعد
هايل : بروح يبه خلني
ابوفهد : اقعد وصب شاهي لي ولامك
هايل : ابشروا
سياف : يبه يمه هايل
ام فهد : ولدي سياف واخييييرا
هايل : انا انحاش ولا حرمتك الي تنحاش
سياف : لا هي راحت من جهه ثانيه هلا يبه شلونك
ابوفهد : بخير ياولدي شلونك انت
سياف : بخير بعد شوفتك هلا يمه هلا بحلوة اللبن اشتقت لتس
ام فهد : اي طبعا بتشتاق يالقطوع ماتدق على امك تقول اسمع صوتها
سياف : والله اني نسيت ان معي جوال ماني متعود اعذريني
ام فهد : بروح عند حرمتك
هايل : امسك يدي بوسها
سياف : ههههههههههههههههههههههههههههههه اشتقت لك يالكلب
هايل : حتى انا اشتقت لك يالحمار
ابوفهد : وش هالاساليب اقعدو
فهد : لاتقعد واخيرا جيت
سياف : ياهلا
فهد : وين مطول الغيبات
سياف : فالعسكريه يعني وين مسافرين
هايل : حتى سياف الي طالع من مقابر سافر وانا لا
سياف : اطلع من المقبره مع الدكتورة
هايل : ولد اهجد
سياف : اجل اسكت عني وين زامل وفرح وندى
فهد : زامل للحين يتهاوش مع حرمته
ابوفهد : الله يبلشه من ولد ابروح اشوف وشفيهم
~~~ في غرفة زامل وعفراء ~~~
زامل : كم مره قايل لتس الي يصير بيننا مايطلع
عفراء : انا ماعاد اتحملك طلقني
عبدالله : بابا لا لا
زامل : مايوقني شى خذي اغراضتس وانقلعي لبيت اهلتس انتي
ابوفهد : زامل اقطع واخس واطلع برا الغرفه بسرعه ام فهد خذي العيال عندتس
زامل : يايبه لاتدخلون بحياتي ماشفت من وراها الا الهم
ابوفهد : من يتحملك انت عيالي واعرفكم محد يتحملكم امس عالمجلس
زامل : هلا بسياف اعذرني يخوي
سياف : شدعوه تعودت
زامل : ههههههههههههههههههههههههههههههه الحمدلله على سلامتك
سياف : الله يسلمك شلونك يبوعبدلله
زامل : بخير
هايل : وين هدايانا
سياف : اقطع واخس ماجبت لك شى
هايل : عادتك مااستغربت
ابوفهد : اقعد تقهوو ياابوي
هايل : صارت اشياء ياسياف
فهد : احم احم اقدع من هالتمر باسياف
زامل : اسكت لاتعلمه
~~~ في مجلس الحريم ~~~
شهد : هايييي بناتتت بوووه وحشتوننييييي
ندى : شهددد شهددد اخيراااا جيتي يالقطوعه
شهد : ماسموه شهر العسل عبث
فرح : اختفيتي عشر ايام وصارت وراتس اشياء
زينب : اهمها ان فرح حامل
شهد : الله بصير عمه لا شدخلني
ام فهد : ههههههههههههههههههههههههههههههه ياهلا بكنتي مريتي امتس
شهد : اي والله يالخالة مريت عليها تعرفين مشتاقة لها وكنا بنجلس عندهم بس سياف قال بنروح لكم
ام فهد : لو ولدي ماقال ماشفناتس
شهد : شدعوه ياخالة مصيري جايتكم وبسكن عندكم وبغثكم
ندى : بشري بشري وش صار
شهد : وش صار ماصار شى
ندى : انا اعرف اخوي المخنز طول عمره ساكت ومايتحرك ولايضحك الا مع هايل
شهد : اجل انا هايل فرع البنات
فرح : اوهه كفوو عليتس غيريه
شهد : تعرفوني بنات انا ماحب الناس الهادية
عفراء : الله يوفقكم
شهد : وشفيه وجهها احمر
ندى : مصفقها اخوي
شهد : ههههههههههههههههههههههههههههههه لو ماتغيرت كان قلت احسن صح خاله نسيت اعطيك تفضلي ياعمري هذي هديه مني انا وسياف لك ووخص نص رحنا للاحساء عشان نجيب لك الذهب ولعمي بشت
ام فهد : حبيبي ولدي ماينساني
شهد : بديت اغار انتبهولي
ام فهد : يوه عاد انتي حبتس غيير
شهد : ياقلبي انتي
زينب : اشوف صرنا نتكلم بالكاف نسيتي شخصيتس القديمه
شهد : يوه ياانتي خليني مسويه نفسي اتكيت قدام ابو العيال
فرح : من الحين صار اسمه ابوالعيال
شهد : لا بس عندكم انا اقول له ابوالشباب بس صراحه اخوكم جوه عجبني
ندى : وش عجبتتس فيه
شهد : شوفي صراحه الي عجبني فيه خجله خجول لدرجه احس ان انا الولد والشى الثاني انه يلعب سوني
ندى : يوه لقينا النسخه الثالثه من اخواني
شهد : ترا توه يتذكر ان عنده جوال يدق
ندى : ردي ردي
شهد : هلا ابوالشباب
سياف : اسمعي اذا فيه حريم اخواني خلهم يدخلون بسلم على خواتي وبقعد مع امي
شهد : من عينيا بقول لهم خاله سياف بجي يسلم عالبنات
زينب : اي اي يلا امشي عفراء نسولف الين يخلص
عفراء : يلا
ندى : اخس تطورت ابوالشباب صارت تقول من عينيا
شهد : اي حبيبتي اخذت كورسات
سياف : يوه مشتاق لكم
ندى : اخيرا جيييت طايح فالعسل ها
فرح : اي من حطه ماخذ شهد
شهد : كفو كفو امدحوني
ام فهد : ماقصرت ياوليدي هالهديه ماله داعي
سياف : انت اهم مني ومن وناستي شلونكم شخباركم
ندى : بخير بخير بارك لفرح
سياف : على وش
فرح : بتصير عم
سياف : قولي والله
فرح : والله
سياف : مبروك ياعيون اخوتس
فرح : الله يبارك فيك وعقبال شهد
شهد : بما ان اجتمعنا سياف بشيك لخالتي
سياف : وش مسوي
ام فهد : وش مسوي قولي لي لاتخلين
شهد : ياخاله ولدتس مجنني
ندى : حسيت مستحيل سياف يتغير بيوم وليلة
سياف : دافعي عن اخوتس
شهد : والله مغير هاجد يوم وصلنا ابها وهو ينبشر قم نتمشى يعيي
ام فهد : ولدي واعرفه ملول وماتعود
شهد : وليله العرس يوم جينا نصور معييي يسوي الحركات الي تطلبها المصورة لولا الحياء تهاوشت معه
سياف : اسرار البيت ماتطلع
شهد : مقدر اتحمل شوفي شغلتس ياخالة
ام فهد : تعال يولدي لغرفتي ابكلمه ومايصير خاطرتس الا طيب
شهد : يارب
ندى : والله وقويتي سياف وقبل احسبه مايقواه ولا جني
شهد : من ناحيه العدل كل واحد فينا ماخذ حقه اقول وين شنطتي بوريكم البوم عرسنا بيجي ضحك يوه شناطي كثيرة
ندى : خليه فالليل فيه اشياء واجد فاتتس
شهد : وش قولو لي
~~~ في غرفة ام فهد ~~~
ام فهد : ها يولدي وشلونك مع شهد عساها مرضيتك
سياف : والله يايمه البنت مافيها قصور يمكن انا الي مجننها البنت فيها روح وفيها طاقه وانا هالاشياء على قولتتس ماني متعود عليها
ام فهد : اهم شى مرتاحين ماتتهاوشون
سياف : لا لا البنت عاقلة وتعرفيني مااخبي عليتس شى يالغالية صحيح حصلت مهاوشات بس تصالحنا
ام فهد : السبب قوي
سياف : لا مثل ماقلت هي بنت تحب تطلع وتنبسط وانا لا فنتناقش ونرجع
ام فهد : شهد احسن وافضل البنات ومابغى اقول كذا قدام اخوانك بس هي بالنسبة لي افضل وحده بحريمكم وحتى قبل تاخذها البنت تربيتي صحيح امها قاسيه شوي بس اهم شى البنت
سياف : اي والله يايمه ان بنت اجوديه ومربيه واكذب عليتس ان قلت ماحبيتها البنت تدخل القلب
ام فهد : عقبال تتعدل حياة اخوانك وازوج هايل
سياف : ان شاء الله ياحلوة اللبن
~~~ فالمركز الصحي ~~~
خوله : هو كذا مافيه مرضى؟
فاتن : اي نادر يجي
خوله : فيه مريض بالغرفه مرضه قوي
فاتن : لا لا بكرا بيطلع
خوله : خويتتس شعندها مانشارك معنا قاعده عالجوال وتضحك
فاتن : هذي عوايدها
خوله : اجل احمدي ربتتس اني جيت بونستس
فاتن : اي يامرحبا بتس ميهاف خلاص جوال
ميهاف : من زين سوالفكم يعين
فاتن : ماتستحي على وجهها
~~~ عند محمد وعبدالرحمن ~~~
محمد : انا استاذنك يخوي بروح اشوف سالم
عبدالرحمن : اذنك معك ياابوي
محمد : مانت ناوي تجي معي ترا شهد جت
عبدالرحمن : قل والله
محمد : ههههههههههههههههههههههههههههههه والله
عبدالرحمن : جاي جاي ناد الدكتورة تفك الابره عني
محمد : يلا لو سمحتي نبي نطلع فكي الابره
خوله : انا بفكها
محمد : من انتي
خوله : ممرضه هنا وخر لو سمحت
فاتن : اشوفك غيرت رايك
عبدالرحمن : جت اختي بروح اشوفها رقمي عندتس لو اشتقتي ارسلي
فاتن : يع يع انقلع
خوله : تعرفون بعض
فاتن : هذا المريض ٢٤ ساعه عندنا
ميهاف : بيني وبينتس يحبها
خوله : اوه طلع فيه حب توقعت متحفظين
فاتن : من قال اني ساكنه هنا تراني ساكنه فالرياض
خوله : ياحلوتتس بس بشوف هديل مشتاقه لها
فاتن : كل وحده تشوف الي تبيها وانا وحيده كالعادة
~~~ في بيت ابوفهد مجلس الحريم ~~~
شهد : كل ذا صار بغيابي منجد فاتني حتى اخوي بيتزوج وانا مدري
ندى : وانا انخطبت اليوم وبكرا عرس سلمى
شهد : وش بتلبسون
ندى : العرس فالقريه اي بالدولاب بلبسه
شهد : وحشتوني كلكم والله وين زوجه اخوي
ندى : في بيتهم
شهد : ماقصدد هديل اقصد فاتن زوجه دحيم
ندى : اوه زوجته علطول
شهد : يحبها وهي ماتحبه ومزعجني
ندى : بروح اسوي القهوة
فرح : بروح معها
ام فهد : تعالي اوريتس غرفتتس
شهد : اقعدي ياخاله بالغرفة بسولف معتس
ام فهد : قاعده
زينب : ليش ماقلتي ان زوجتتس راح
شهد : نسيتكم
~~~~ في مجلس الرجال ~~~
هايل : ماعلمتك عشان تنفعل كذا اهجد ياسياف تكفى امي وابوي انهاروا علينا مانبغى نعيد الكره الف مره
سياف : تحترق مزرعه ابوي وانا اخر من يعلم
هايل : مانبغى نخرب شهر العسل حقك
سياف : الله يلعنها حاله
هايل : تكفى اهدا
سياف : طيب طيب بس والله اني متكي هينا الين اشوف نهايتهم
هايل : تبي نروح للمزرعه
سياف : مطعون انت اقعد نروح بكرا
عبدالرحمن : سياف يخوي وينك
سياف : وش ويني بعد عريس
عبدالرحمن : علمته بموضوع هوشتنا صح
هايل : صح
محمد : يامرحبا بالعريس
سياف : هلابك يبوسالم وين ولدك
محمد : رايح اجيبه
سياف : سمعت انك بتاخذ بنت ابوسطام ياجعله زواجه الدهر
محمد : عشان سالم والله ولا لو لي مامسكت يد وحده بعد المرحومه
سياف : معليه هذي هي الدنيا
محمد : الله يعين عليها ياابوي جهزو القهوه برجع
هايل : لاترجع لاترجع ههههههههههههههههههههههههههههههه

انتهى البارت

قراءه ممتعة 💙💙💙