"جابك الله في زحام العمر صدفة "

81

~~~ فالمطبخ بيت ابوفهد ~~~
ام فهد : هايل اقلطو عالغداء خلص
هايل : ابشري يله يبه يله ابودحيم يله ابوهايل
سياف : مردها بتزين يالنسيب وسع صدرك والله مانيب متعود عليك وانت كذا
ابوفهد : زين احد ملاحظ مثلي اقلط اقلط ياولدي هالحب ماسوى خير لا فيك ولا بهالخبل
هايل : اقرب مثال براسي
عبدالرحمن : تستاهل
ابوعزام : ابوفهد يابوفهد وينك
ابوفهد : بسم الله هنا ادخل المجلس ادخل قم وخل عمك يقعد
هايل : جيعان يبه تفضل ياعمي
ابوعزام : مانيب جاي اكل يابوفهد
ابوفهد : صب صب له قهوه اجل
ابوعزام : انت الا تبي تضيفني ياخوي مابي شى جايك بالعلم
ابوفهد : وش علمه
ابوعزام : قاعد بمحلي فالسوق وتوقع من جاني
ابوفهد : من نشبت اللقمه بحلقي
ابوعزام : ابوالبنت الي بياخذها وضيفته شاهي وقلت له متى عرسكم ان شاء الله وش قال لي عطني ماء ياولد شايف ريقي ناشف
هايل : انت تقول لاتضيفني فوق انه مقومني من مكاني امسك ياعمي
ابوفهد : وش قال طيب
ابوعزام : قال ماظنتي هالنصيب بيتم وكانك مانت ملاحظ حركات اخوي انا ملاحظها دقيت عالاهبل اخوك وقال شدخلك تكلمه اذا تبي تسال اسالني انا رجني بهرج مالي فيه وسكر بوجهي
سياف : احمم ياعمي اسكت احم دحيم تبي ببس ولا لبن
عبدالرحمن : صادق ياعمي بهرجك ذا
ابوعزام : احسبك فهد اعذرني ياولدي
عبدالرحمن : جاوبني ياعمي هالهرج صحيح
ابوعزام : اي والله ابوحرمتك جاي عند خويه ومر على محلي وقال لي اوصل سلامه لابوفهد
ابوفهد : الله يسلمه
عبدالرحمن : بروح وبقول له كل شى والي يصير يصير
هايل : تستهبل يالبزر ليكون بتصيح عنده بعد
عبدالرحمن : ابعد عن وجهي ياهايل لاابوي ولا ابوها يبون سلامات
ابوفهد : امسكه لايروح ويخرب الدنيا خلني ياولدي انا اروح واتكلم معه شرايك بحسبه ابوك انا عمك
عبدالرحمن : يله بشوف وش بتسوون
ابوفهد : رجيتنا يا هالولد الله يرجك لاتغدينا ولاارتحنا
سياف : ههههههههه اركضو قبل يروح
هايل : غط غط الغداء الين نرجع
سياف : اذا لقيت شى
هايل : لاتصير حسود وتاكله كله ياولد
~~~ فالسوق ~~~
ابوفهد : ها وينه وينه يابوعزام
ابوعزام : ابوفالح وين الرجال الي كان عندك
ابوفالح : من وين تعرفه انت
ابوعزام : بنته زوجه هالولد بس للحين ماحطو العرس
ابوفالح : ايه طلعت انت سارقن النصيب
عبدالرحمن : نصيب ايش ياعم
ابوفالح : انا خويه وكنت ابخطب بنته لولدي فالح
ابوفهد : ووش قال لك
ابوفالح : ماقال شى جلس يضحك
ابوعزام : ماقال ان بنته متملكه
ابوفالح : مايحتاج يقول انا اعرف
عبدالرحمن : ايه اشوا
ابوفهد : ووين راح الحين
ابوفالح : وش تبي به
هايل : بدون اسئله ياعمي الله يحفظك وينه
ابوفالح : راح بيقعد يتحراك
هايل : هذا مايطمن شكله بيلعب براسه وبياخذها لولده
عبدالرحمن : اي كذا طمنتني الله يطمنك
عزام : يبه سمعت شى ماينسمع
ابوعزام : وش سمعت
عزام : باقي هرج خويه ناقص ابوالبنت الحين وش نقول له ماعنده عيال
ابوفهد : لا اخلص تكلم
عزام : ابشر قال شصار بموضوع بنتي الي عندك ذا كلام ابوفالح رد عليه ابوزوجه دحيم وقال لعلها بالحفظ والصون وقعدو يضحكون
عبدالرحمن : عزام لاتقعد تستهبل وتخرعني ترا اعرف حركاتك
ابوفهد : اهدو اهدو وخلو الموضوع علي انت يابوفالح وش تشتغل هنا اول مره اشوفك هنا
ابوفالح : ايه توني شاري هالمحل
ابوفهد : وبتسكن هنا عندنا فالقرية
ابوفالح : لا محد يسكن فالقرى الحين ابجيب عمالي هنا
ابوفهد : ايه ياهلابك الله يرزقك ويرزقنا شغل السياره يابوعزام ومشينا للرياض
هايل : يله
ابوفهد : اقطع واخس وانثبر محد بيروح غير انا وعمكم انتبهو عالبيت والحلال وماعليك ياولدي مالك الا الي يرضيك
ابوعزام : يله السياره جاهزه
هايل : انتبه يبه فالطريق امش يخوي امش الله يهديك خلاص هي حرمتك ليه شاك للحين
عبدالرحمن : لو كل الاسباب معي ماشكيت
عزام : امش بس بدكه هايل نتكي ويسوي لنا شاهي
هايل : اي ينزل لك احلى شاهي وفصفص
عبدالرحمن : مابي ياعيال مابي
عزام : امش بس انثبر عطنا علومك يله نسمعك جب فصفص حبيبي هايل
هايل : لاتامر
عزام : تراني اكبر منك
هايل : واذا ؟
عزام : تحترمني طرق عن خشمك
عبدالرحمن : خلاص انت تقولون اهدا وانتم معصبين
عزام : انا هادي وانت بتحترمني غصب
هايل : تخسي
سياف : هات اصب الشاهي انا
هايل : وهذا الفصفص يله اهرج
عبدالرحمن : ياعيال والله احس انها صدق ماهي نصيبي وش ذا ولا شى صاير معنا وبعدين يعني بالله وبعدين ؟
عزام : وهالملكه الي حضرناها وشي خلاص يبوي معك العقد انك زوج وهي زوجه
عبدالرحمن : مدري كل شى صار عكس الي ابيه اوفف
هايل : ليش وقف الحين هو
سياف : مدري نوقف معه ولا وش
عبدالرحمن : ابروح اتمشى لحالي لحد يجي
عزام : ورع هايل قم معه
هايل : وشدخلني مايبي احد هو
عزام : عيب تخلي ولد عمك لحاله يشكي للغريب ويترك ولد عمه عيب قم
هايل : عيب عيب وهو قاعد يطفح وانت صارت الساعه ٥ العصر مانت رايح الرياض
سياف : من وين سياره
هايل : خذ سياره ابوي وهناك ودها له ويرجع بها وانت اجر لك سياره
سياف : خلاص شوي وبمشي بقعد مع النسيب
هايل : عطني فصفص
عزام : خل نصه يالحسود
~~~ في حديقه القريه ~~~
هايل : اخس حطو مراجيح حركات والله ورع دحيم هوه
عبدالرحمن يمسح دموعه : شجابك قلت ابي لحالي
هايل : انا قلت كذا بس عزام قال لا لاتخلي ولد عمك يشكي للغريب وانت موجود
عبدالرحمن : يعني مانت جاي عشاني بعد انت تغيرت مارح استغرب
هايل : ايه انت تتغير وانا لا مافيه عدل يخوي
عبدالرحمن : انا متغير
هايل : ايه
عبدالرحمن : بايش بعد
هايل : اخبر لي ولد عم اسمه دحيم لاضاقت فيه الدنيا علطول يجيني ويقول لي مايحطني انا والجدار واحد
عبدالرحمن : ههههههههه
هايل : ايه واخيرا ضحكت يادحيم الدنيا ماتسوى ولا هي اخر بنت
عبدالرحمن : ايه ماشوفك رحت بدلتها
هايل : طيب شفني انا البنت اعرست خلاص وبتجيب عيال وانا للحين انتظرها بالله عليك مازعلك حالي بالله ماقلت لي الى متى وانت على هالحال ماهو حب ذا صح ولالا
عبدالرحمن : صح بس انا خطبت ووافقو وملكنا تبيني اعشم بنت الناس وبعدين والله اقول اهم شى نفسي ولو الخطا مني ولا منها تعال وقل هالهرج لي بس الخطا خطا اهلي ياهايل
هايل : ايه وطيب وش بتسوي بتروح تخطفها
عبدالرحمن : لو عيو اخذت اخوي محمد يزفني عليها وانتم بعد
هايل : وايه وين بتسكن
عبدالرحمن : باي مكان اهم شى صارت لي
هايل : ماراودتك هرجه انها ماهي نصيبك
عبدالرحمن : الا بس حتى اباخذها
هايل : يالاهبل طيب هي لك خلاص حرمتك بالعقد
عبدالرحمن : للحين شاك للحين مانيب متاكد غير اشوفها قاعده جنبي مثلك قعدتك
هايل : والله طلعت خروف تذكر يوم انك صغير كلهم قالو انك لعوب ولوقي واخر شى طلعت عكس
عبدالرحمن : تصدق اتمنى يرجع فينا الزمن وماعرفناهم ياخي انت حتى بمصايبي ونصيبي معي
هايل : حبينا صديقات ههههههههههههههههههههههههههههه
عبدالرحمن : ايه ايه طلعت انت النحس
هايل : عاد بذي صادق شفني الي احبها تزوجت ماعاد فيه ذره امل مثلك اتمسك بها وابد عايش مانيب قاعد اصيح مثلك يالبزر
عبدالرحمن : كل ذا عشان الحب والله لاطلعه من عيونها
هايل : ههههههههههههههههههه هي بعد تحبك
عبدالرحمن : اقول كم الساعه تقل طولو
هايل : تحسب الرياض جنبنا اكيد بيطولون
عبدالرحمن : دق على ابوك شف وش صار
هايل : على انه بيهاوشني بس ابشر
عبدالرحمن : ها رد
هايل : اركد اركد الو يبه
ابوفهد : وش تبي توني رايح من عندك
هايل : ماهوب انا الي ابي دحيم قال لي
عبدالرحمن : لاتقوله
هايل : انا كنت بسالك وصلتو الرياض
ابوفهد : ليه راكبين طياره
هايل : ايه ايه صح علمونا وش يصير
ابوفهد : اي اي يله قفل اشغلتني
هايل : ماوصلو
عبدالرحمن : صح نسيت ان عمي ابوعزام الي يسوق بكرا بيوصولون
هايل : ههههههههه امش امش نرجع وودع سياف قبل يروح
عبدالرحمن : وين بيروح
هايل : بيتوظف عندكم بالرياض
عبدالرحمن : والله زين عقبالك
هايل : قريتنا اولى نسكن فيها
عبدالرحمن : يارجال مابقى غير انتم والجن تدري الحاره الثانيه فاضيه كلهم طلعو لمناطقهم وسكرو بيوتهم الاجازات والاعياد يجون فيها
هايل : حتى حارتنا مابقى الا كم واحد وابوي وعمي ابوعزام
عبدالرحمن : وانتم للحين صاملين
هايل : اهم شى سعه الصدر والمكان شرح
~~~ فالدكه ~~~
سياف : تستهبل صح
عزام : ههههههههه لا والله عمي ابومحمد دق على ابوي وقال له هالهرجه ومدري شلون صدقو ان ابوها بيجي هنا وهو اصلا مايعرف احد
سياف : وابوفالح
عزام : دخلناه بالهرجه ولا هو مايعرف شى
سياف : طيب العلم الاكيد وش
عزام : هو فالبدايه صح ابوه كان رافض ينحط زواجه قبل محمد بس محمد اقنعه ووافق وكلم ابوالبنت بعد وحطه بعد اسبوعين
سياف : وانت مسوي ياعمي ترا هرجتهم ناقصه
عزام : كيف انفع اصير ممثل المهم اخوك لايدري لا هو ولا دحيم
سياف : طيب اسكت جو
عزام : ياهلا بالعريس
عبدالرحمن : ماهو وقت تنكت
عزام : يابن الحلال مصيرها بتزين
عبدالرحمن : قرب اذان المغرب وهو ماردو لنا خبر
عزام : امش بس نروح للمسجد
هايل : شفيكم تضحكون
سياف : مافيه شى
هايل : ببطنكم البلاء
~~~ بغرفه ندى وفرح ~~~
فرح : شعندتس تزغرتين
شهد : تو امي مكلمتني تقول اكدو عرس دحيم بعد اسبوعين
فرح : واخيرا مابغو اجل شعنده اخوتس جاي
شهد : ههههههههه يحسب انهم بيكنسلون العرس لاعبين عليه وحاي يفتزع بعمي ابوفهد
فرح : يوهه فقعو قلبه ههههههههه
شهد : وفيه خبر ثاني بننقل انا وسياف للرياض
ندى : وليش زعلانه بالعكس انبسطي غيرتس بيطلع من هالبنت وبيروح للي قدامه
شهد : والله احب عيشه القريه والله تجنن
ندى : اي مره بروح اشوف امي وينها
شهد : للحين هي زعلانه عشان زواج دحيم
فرح : والله مدري يابنت الحلال خلينا منها ليش للحين مارتبتي اغراضتس
شهد : واجده وتكاسلت تعرفيني اذا ماحبيت الشى وتحمست له تلقيني طافيه
فرح : انبسطي بتصيرين قريبه من اهلتس وسياف بيتوظف وتجين هنا زيارات عاد سياف مايقدر بدون امي وابوي وهايل قومي نرتب اغراضتس
شهد : يابخت ابوتميم فيتس والله وين بلقى اخت زوج مثلتس
فرح : اي مامني ثنتين عاد اغتنمي الفرصه
شهد : يله دام عيالنا نايمين
~~~ في مجلس الحريم ~~~
ام فهد : لا والله يابنتي ماعندي علم بهالشي مادري كان ابوفهد عنده علم
زينب : حبيت اخذ رايتس
ام فهد : رايتس اهم يابنتي انا ماقولتس مارح تلقين مثل ولدي لانه اخطى بحقتس بس احسن احمد يربى بينتس وبين ابوه
زينب : اكذب عليك ياخاله لو قلت مانيب خايفه والله خايفه ومانيب واثقه بفهد
ام فهد : صلي استخاره يابنتي وترا والله فهد نادم على كل شى صار
زينب : تمام الله يطمن قلبك ياخاله مثل ماطمنتيني
ام فهد : الله يكتب الي فيه الخير يابنيتي
ام رغد : من ذي بعد
ام فهد : زينب زوجه ولدي فهد الاولى
ام رغد : ايه وش تبي
ام فهد : فهد يبي يرجعها ودقت تاخذ رايي
ام رغد : ياحليلها والله اول مره زوجه الولد تسوي كذا
ام فهد : لانهم تربيتي كل شى يقولونه لي وياخذون رايي امها الله يصلحها رايها من راي ابوها وابوها شوي قاسي ونفسه شينه
رغد : الشاهي جاء والفطاير على انها احترقت شوي بس برضو جت
ام فهد : كل شى منتس حلو وين هالبنات تقل رغد بنتي ماهو هم
رغد : ناديت ندى وفرح وشهد قاعدين يرتبون شناط شهد عشان بتمشي للرياض
ام فهد : اي صح غريبه للحين مامشو الشمس بتغيب ابدق على سياف
~~~ بغرفه شهد ~~~
ندى : الحين صدق بتروحين
شهد : لا والله قاعده امثل عليكم
ندى : طيب اسمعي يويلتس لو ماتجين عرسي حتى لو بالقريه تعالي
شهد : يعني زوجي اخوتس اكيد بجي
ندى : تعالي وجيبي زوجات اخوانتس بعد
شهد : كلهم ولا اخص لي احد
ندى : كلهم كلهم بدون استثناء
فوح : يمكن عرستس قبل عرس اخوانها وعاد مايقدرون يجون زوجاتهم
ندى : لا مستحيل احنا مطولين
فرح : يعني نفهم من كلامتس انتس ندمتي على حركات المراهقين الي كنتي تسوينها
ندى : صح ندمت وتذكرت اني ماكنت كذا ابد ولو تزوجت وين بطلع طاقتي كثر ماكنت اطلعها ببيت اهلي فقررت احب عزام
رغد : وخزياه ذا من بعد
ندى : حرام الوحده تحب
رغد : وهاليي تملكتي عليه شوضعه
فرح : ههههههههه مالومها تخربط عقلها من كثر زواجاتنا
شهد : انا ورغد مشغولين بزواجاتكم
رغد : اي والله كل عرس فستان ياخي اسمحو اكرر فستاني مالي خلق اشتري
ندى : انتي لو تجين بقميص راضيين بس اهم شى تحضرين
رغد : مانسيت عزام من خلصنا من عبدالرحمن جاء ذا
ندى : وانا تملكت على من ؟ على عزام ياغبيه
رغد : اووه ندى وعزام وفرح وصالح وشهد وسياف و عبدالرحمن وفاتن ومحمد وعفاف نسيت احد ؟
شهد : اايييي شلون تنسين هديل ؟ هديل وسعود وخوله وسطام وباقي خويهم الاخير وش كان اسمه
فرح : اذكر امي خطبت له اخت بنت جيراننا بس اهله رفضو بحكم ان هو بالشرقيه والبنت فالقصيم
شهد : يعني بيقعد عزابي
ندى : وليه كملوها رغد وعمر
رغد : من وين طلعتو لي بذا بعد لو سمحتوو وخرو اضحي بصديقتي لعيونكم
ندى : عندتس صديقه
رغد : صح اني مااعرف اسولف بس تراني مانيب متوحده اي عندي صديقه
ندى : وانتي بتعيشين بالقريه كيف بتشوفينها
رغد : فيه جوال ترا
ندى : اي عاد ابراجنا مره تاخذ العقل ميزتها ماتتابعين شى توفر لتس الشحن
رغد : عاد هي مزعجتني الا تبي تجي القريه وانا احس مدري لان اهلها ماعندهم قريه من الاساس
ندى : وهي اكيد عشان كذا تحمست
رغد : اي وقاعده تقنع اهلها يجون عندنا
شهد : هي مثلتس ممرضه
رغد : ايه
ام فهد : شهد ليه مارحتو للحين وسياف مايرد
شهد : بسم الله عليتس ياخاله اقعدي ليه سياف وين راح ؟
ام فهد : مدري اختفو كلهم فجاه ولحد يرد هذولي بينشفون دمي
ندى : اهدي يمه اهدي الله يهديتس بس بجيب مويه لها
ام رغد : انا بسمع اذني سمعتهم يقولون بيروحون للمسجد امتس تتخيل شى ماصار
فرح : ماعليه ياخالتي الحذر واجب
ام فهد : تبين يصير فيهم شى مثل هايل
ام رغد : لا طبعا اهدي بس الا مايجوون بسم الله عليتس بس
رغد : فيه احد يدق بواري برا
ام فهد : اللهم اجعله خييير
~~~ فالشارع ~~~
عزام : امسك نسيبك انهبل
سياف : كله بسببك ليه تزل عنده
عزام : سمعته يصيح وهو يصلي ابوالهيل ارقص معه
هايل : مابغى ياخوي يجي هالعرس واخيرا
سياف : فضحتونا طف الاغاني انت
عبدالرحمن : صارت لي صارت ياهايل
هايل : مبرووك مبرووك ياصويحبي
"ام فهد طلعت بجلالها وتطقهم بالنعله"
سياف : احح يمه وش صاير ليه تطقينا
عزام : طف الاغاني انت
عبدالرحمن : اعذريني ياعمتي بس مبسوط
ام فهد : وينكم محد يرد وينكم ساعتين تاركيني اكل بنفسي
سياف : ليه كم الساعه
ام فهد : اذن المغرب وانتم من العصر وانتم مالكم حس
هايل : اعذرينا ياحلوه اللبن كنا نصلي المغرب مانقدر نرد
ام فهد : تراويح ماهيب مغرب ساعتين
هايل : والله يايمه ماانتبهت للجوال طارت عقولنا بدحيم
عبدالرحمن : باركي لي ياعمه عرسي بعد اسبوعين
ام فهد : والله مبروك مبروك ياولدي الله يجعله زواجه الدهر
عبدالرحمن : يابعد راسي انتي امين يارب
ام فهد : تغديتو اكلتو شى
سياف : ايه
ام فهد : وانت ليه للحين مامشيت الرياض
سياف : ابمشي الحين مع النسيب شغل السياره دحيم
عبدالرحمن : ايه يله انتظركم طلعو لي هايل اشوفه
هايل : بهالسرعه بتروح
سياف : عشان كلما مليت تجي عندي
هايل : لا ياخوي محد عند اهلي الا انا اروح واتركهم
عزام : اصلا متى هو مل من القريه ؟
هايل : صادق ابوالعزم اول مره
عزام : كمل وقل وعندي نسيبي يونسني الله يخلف عليك
هايل : ايه يصير خيير هات الشناط نركبها بس
عزام : فيه استغلال للانساب
هايل : يعني لازم تضحكنا
عزام : بعد تبون تصيحون
~~~~ وراء باب البيت من برا ~~~~
فرح : اشوف صرنا نناظر شعندنا
ندى : بسم الله متى انتي هنا
فرح : من يوم ضحكتي لما قال فيه استغلال انساب
ندى : ابي اشوف سياف ماهمني هو وانتي تعرفين
فرح : لا ماعرف
ندى : لاتحاولين مادريت عنه
سياف : من وراء الباب ياهلا ياهلا
ندى : يعني لازم تروح
سياف : شتبين اسوي يانداي ارفض الوطيفه واقعد
ندى : لا طبعا الله يسهل دربك ويوفقك
سياف : امين وعقبال تنقلون كلكم للرياض
ندى : لا ويين انا صديقه القريه
سياف : واحنا نقول من توام هايل يا ابد ندى يايمه
ام فهد : يوه سبها ولا تسب القريه
فرح : توصل بالسلامه وطمنا ولاتقطعونا
سياف : تامرين امر يام عزيز تبون شى توصون شى
ام فهد : سلامتك ياولدي درب السلامه
سياف : الله يسلمك سلموني على خالتي يله ياشهد هاتي هايل عنتس
شهد : بشتاق لكم ياخاله
ام فهد : ترا الرياض حذفه حصاه واحنا واصلين
شهد : ياويلكم تزعلون خاله ام فهد وخاله ام رغد
ام رغد : احسبها بتهددني بعد
شهد : والله من خوفي ياخاله عليها تعرفين قلبها رهيف
ندى : لاتوصين حريص حتى يوم اعرست بيتنا قدام بعض افا عليتس
شهد : يله اجل استودعتكم الله وعقبال مانجي للقريه عشان خطبه هايل ورغد
رغد : امسي ياشهد امسي
ام رغد : وش قالت
ام فهد : خطبه هايل ولدي وبنتس رغد
ام رغد : وهم على كيفهم خلاص خطبه مره وحده
ام فهد : وليه ليكون ماتبين ولدي
ام رغد : لا ماقلت كذا بس بنتي اهم وانتي اعرف
ام فهد : مزح بنات لاتسمعين لهم
فرح : شهد ماينقال لها شى فضحتنا
ندى : عطيتيها سلسالها
فرح : ايه قلت لها لقيته بمهاد هايل
ندى : ولد شهد ؟
فرح : اجل اخوتس هايل شكبره عنده مهاد
رغد : خلاص خلاص راحو
ندى : ماتخلون الوحده تشوف خطيبها طيب
فرح : حركااات تعاليي تاملي بس لو شافتتس هايل وش بتسوين
ندى : مايقول شى هايل ترا بعدين انا زوجته
رغد : فرح بقول لتس شى تعالي اقعدي
فرح : عيوني الثنتين لبيه
رغد : انا حاسه بشي
فرح : شى مثل وش
رغد : شى غريب
فرح : ايه وشو لاتخرعيني
رغد : احسس ان
ام رغد : رغد يارغد
رغد : هلا يمه
فرح : كملي وش تحسين
رغد : برجع لتس انتظري ...

انتهى البارت
قراءة ممتعه يااصدقاء 💞
بكرا او بعد بكره بيكون فيه بارت جديد
ابغى اسالكم دام مشاهدات الروايه والفولو للحساب قاعده يزيد ماشاء الله
- من وين عرفتو روايتي ؟
كلكم جاوبو بلييز 🌷🌷