"جابك الله في زحام العمر صدفة "

72

~~~ في بيت ابومحمد ~~~
ام فهد : وش فيتس يام عزام تقل شايله على ام محمد
ام عزام : تعرفين رفعه الخشم الي فيها
ام فهد : الله يهديها
فرح : الي صار يايمه ان ام عزام دخلت على ام محمد وسمعتها تتكلم عن ولدها عند ندى وتقول وش تبين فيه ومن هالكلام واكيد زعلت
ام فهد : ووشدخلها بزواج عزام من ندى
فرح : على كلامها تقول انها للحين تبي ندى لولدها عبدالرحمن وماتبي فاتن لاجل انها قويه وتحسبها بتقلب دحيم عليهم
ام فهد : ومن قال ندى تبي عبدالرحمن
فرح : اي بس عاد وش يفهمههم هم
ندى : حتى هو مايبيني يعتبرني اخته الصغيره ههههههه
~~~ في مجلس الرجال ~~~
ابومحمد : اقعدو زود يابوفهد ليه العجله البيت بيتكم
ابوفهد : تعرف وانا اخوك الحلال كله هناك مانقدر نتركه
ابومحمد : الله يسهل دربكم بس ها ترا عرس محمد هنا فالرياض وابيكم تحضرون
ابوفهد : ان شاء الله متى ناوي تحطه
ابومحمد : والله احنا ملكنا لهم اول مايطلع هايل بحط العرس
ابوفهد : الله يبارك لهم ويجمع بينهم بكل خير مبروك وانا عمك
محمد : الله يبارك فيك
ابوعزام : تارك بنت ابوسطام ورايح تخطب بنت ابوسامي الله يصلحك
ابوفهد : احم يله نستاذنكم سياف صوت للحريم يركبون السياره
سياف : كلهم راكبين
ابوفهد : يله اجل فمان الله شجاك يابوعزام هذا وقته تقول كذا
ابوعزام : وانا صادق مزعجنا الين خرب عرسه مع بنت ابوسطام والحين وافق على بنت ابوسامي
ابوفهد : النصيب كذا الله يهداك بس بنمر على هايل نسلم عليه وبنمشي
سياف : على هالخشم مشينا
~~~ فالمستشفى عند هايل ~~~
هايل : دحيم ولد قم عطني ماء
عبدالرحمن : عجزان تقوم تجيب لك
هايل : احس بالم في بطني
عبدالرحمن : بنادي الدكتوره معي
فاتن : وش تحس فيه
هايل : كان عمليه مسواه ببطني اذا تنفست اتالم
فاتن : صحيح احنا مخيطين بس هالشي قبل ٧ شهور ليه توك تتالم
هايل : مدري
عبدالرحمن : هو الدكتور ولا انتي
فاتن : اللهم صبرك رح اعطيك مسكن وبيوصلك فطورك الحين
هايل : فطور الساعه ١١
فاتن : الاوقات محدده للوجبات متى ماجاك الشى اكله قدامك العافيه
هايل : دقيتيني المسكن
فاتن : اي
هايل : مسرع ماحسيت
فاتن : اذا بغيت شى تقدر تضغط الزر الي جنب السرير وبدال دكتور تجيك ممرضه لان هذي شغلتها
عبدالرحمن : وانتم وش شغلتكم
فاتن : لو لا سمح الله حاجه كبييره نجي ولكن مثل هذي الاشياء الطبيعيه تقدر تفحصه الممرضه وترسل لنا بملفه اخر المستجدات واحنا نتصرف
هايل : تمام يعطيتس العافيه
فاتن : الله يعافيك
عبدالرحمن : متى يقدر يطلع
فاتن : بعد اسبوع
عبدالرحمن : خلص يوم
فاتن : عليك الحسبه
عبدالرحمن : يعني باقي ٦ ايام
فاتن : مضيعه لوقتي
عبدالرحمن : سوال اخير لو اشتري من مطعم يقدر ياكل معي
فاتن : لا هالفتره ياكل اكل المستشفى ولما يطلع كل شى يسويه من مسؤوليته
عبدالرحمن : طيب
هايل : وش هالاسئله يبوي تحقيق
عبدالرحمن: احتياط
هايل : اي قلت لي احتياط
ابوفهد : السلام عليكم
هايل : هلا هلا ومرحبا
عبدالرحمن : انا اخليكم معه بطلع افطر
عزام : مسوي محترم انت ووجهك
عبدالرحمن : انطم يشيخ واطلع بعد خلهم عايله
عزام : مافطرت اعزمني
عبدالرحمن : الله يصبرني عليك اذا جيت للرياض ابهج للقريه
عزام : احسن عاد انا ميتن عليك مهف قليط ورشاه
عبدالرحمن : فيك حيل تسوق
عزام : لا سق انت
عبدالرحمن : يهب ياوجهه ماهوب مسوي شى
~~~ بغرفه هايل ~~~
ام فهد : اخيرا قعدنا لحالنا
ابوعزام : انا استاذنكم بنسبقكم للقريه
ابوفهد : اعذرني ياخوي
ابوعزام : لاتشيل هم وانا اخوك عاذرك وعاذر الاهل وحقهم الله يصلحه دحيم مسنتر اربعه وعشرين ساعه خذو راحتكم ومتى ماخلصتو عطني دقه ونجيكم للمستشفى
ابوفهد : طيب طيب
ابوعزام : يله مشينا يام عزام فمان الله يابوي
ابوفهد : الله يحفظك
هايل : والله اني مشتاق لكم واخيرا شفتكم
ندى : تقل طولت يالدلوع
ام فهد : خليه يتعدل لو يبي نجم من السماء جبته
هايل : سمعتي
زامل : احم احم
ام فهد : كلكم غلاكم واحد بس عاد عشان هو تعبان
ندى : اي معليه معليه يام فهد مصير الايام تعلمكم قدري
هايل : اعقبي كل الدلع لتس ٧ شهور لتس
فرح : طول السبع شهور ذيك ومحد له خلق للثاني تذكر وقت الوجبات اذا ماجتمعنا كلنا ابوي يهاوشنا
هايل : ايه
فرح : يوم غبت انت ماعاد ناكل كلنا مع بعض الي عكس نومه والي يقعد بس ماياكل والي قايم بس ماهو مشتهي
هايل : ماش يابوفهد بغيابي متهاون معهم
ابوفهد : انا اقول استعجل بالطلعه وراك شغل ينتظرك
هايل : اهخ يابطني
ام فهد : وش فيك لاتخرعني
هايل : اتهرب من الشغل ههههههههههههههههههههههههههههههه
سياف : مافيه محد بيمسك الشغل غيرك واكيد علمك دحيم ليه
هايل : علمني علمني
ابوفهد : اي عاد كانه بيعرس كيفه اخليه يروح لاي منطقه فيها شغل بس دامه بيقعد كذا لا احنا اهله اولى يشتغل عندنا
ندى : بتبدا محاولات اقناعك فالزواج جهز نفسك
هايل : يله خذلك يعني هقوتس ارجع ارقد ٧ شهور
ندى : لا لا قم قم
هايل : شورتس وهدايه الله
فرح : كم بقى يوم وتطلع
سياف : ٦ ايام
هايل : تحسب من وراي
سياف : اسكت لي قعده معك هناك فالقريه
ندى : اي يويلك منه مخلي ام هايل عند اهلها وبيتكي معك
هايل : كل الاحداث والاسباب تقول ارجع ارقد
ابوفهد : خل الدلع واسترجل وقم على حيلك
هايل : ابشر
ام فهد : لا تضغط عليه هو لو بيده مانسدح ٧ شهور
هايل : ابوفهد قاسي
ام فهد : معليك منه خذ راحتك بفتره علاجك بس يامك لاتطول علينا والله مشتاقين لك حيييل
ابوفهد : يله يله مشينا
هايل : ليه مستعجلين
ابوفهد : الزياره لها وقت محدد لازم نطلع ها جت حقت المستشفى
ندى : اسمها ممرضه يبه
ابوفهد : الله يغنينا عنهم بالعافيه
ام فهد : وين الدكتوره
فرح : بتروح امي توصي الدكتوره عليك
هايل : ياويلي من دحيم
ندى : ليه
هايل : الدكتوره حبيبته
سياف: هههههههههههههههههههههههه وش يفكك منه
هايل : بيطلعني قبل موعد خروجي
زامل : يسويها
ابوفهد : يله شغل السياره ابدق على ابوعزام
~~~ بمكتب فاتن ~~~
فاتن : تفضل
ام فهد : السلام عليكم وشلونتس يابنتي
فاتن : اهلا ياخاله بخير شلونتس انتي
ام فهد : مارح اصير بخير الى الين ولدي يكون بخير
فاتن : من ولدك؟
ام فهد : هايل
فاتن : ليه فيه شى
ندى : لا بس امي جايه توصيتس
فاتن : اها سمي ياخاله
ام فهد : تكفين انتبهي لوليدي للحين ماصدقت انه قام تكفين ولدي امانه عندتس
فاتن : ابشري ياخاله مايصير خاطرتس الا طيب وش تبين بعد
ام فهد : تكفين يابنتي لاتغفى عينتس عنه
فاتن : من عيوني الثنتين تامرين على شى ثاني
ام فهد : لا سلامتس
فاتن : تفضلي اقعدي بكلمتس بموضوعه ياخاله
ندى : فيه شى خطر
فاتن : تفائلو ترا القدر يوخذ بالمنطق
ندى : ادري
ام فهد : شفيتس عالبنت تكلمي يابنتي
فاتن : لازم تعرفون انه لما قام كانت نسبه شفائه ماهي مئه بالمئه كانت اقل فالسبعين تقريبا ولايزال يعاني مثل لما كان فالغيبوبه
ام فهد : مافهمت
فاتن : طول فتره الي كنا نراقبه كان يدخل بغيبوبه
ندى : ماقال لنا عبدالرحمن كذا
فاتن : عبدالرحمن مايعرف متوقع انه ينام هالساعات ولكن لما ناخذ علاماته الحيويه نلاحظ انه بغيبوبه بسيطه وبرضو للحين يتالم من الخياط فهذي يعني انه ماتشافى تماما ممكن فجاه مايعرف من انتم يمكن فجاه يدخل بغيبوبه وانتم تحسبونه نايم
ام فهد : طيب شلون نعرف
فاتن : لما تحسون انه نام اكثر من ٨ ساعات صحوه واذا هو من قبل مايدخل غيبوبه ينام اكثر من ٨ ساعات مو مشكله اقصى حد ١٢ ساعه ماقام انتم صحوه يعني احيانا ٨ او ٩ الى ١٢ ساعه لاتبعدون عنه لاتخلونه يروح لحاله لفتره وجيزه وانا طبعا حطيت له مواعيد رح يجينا كل بين فتره وفتره وسوينا له تحليل شامل كل شى ممتاز هذي بعض الملاحظات الي ابغاكم تعرفونها واي حاجه تصير ضروري تتوجهون لنا ملفه مفتوح عندنا ومواعيده رح تنزل على الرقم المحطوط بملفه
ام فهد : طيب ليه ماتخلونه عندكم
فاتن : حالته ماهي خطره ياخاله وهذا الاسبوع مخلينه عندنا تحت المراقبه عشان نلاحظ لو استمرت الاعراض رح نعطيكم خبر بكل المستجدات
ام فهد : مشكوره وماقصرتي ابروح لابوتس لاتتاخرين
فاتن : لا شكر على واجب
ندى : ضاق صدري
فاتن : معليه ياندى ان الله مع الصابرين وهايل قوي جدا ورح يقدر يتخطى هالاشياء
ندى : وانتي شدخلتس فيه شيلي همتس وخلينا بهمنا
فاتن : ندى فيتس شى ليش متغيره
ندى : نصف العلاج النفسيه وطالما اخوي للحين يحب خويتتس ف الله يعين اخوي
فاتن : ووش دخلني باخوتس وميهاف
ندى : يكفي انتي اخذتي الشخص الي احبه وابيه بس حسافه رح تسحبين عليه مثل ماخويتتس سحبت على اخوي
فاتن : ندى الزمي حدودتس انا مابي عبدالرحمن
ندى : هذا الي قاهرني ماتبينه وهو للحين يركض وراتس
فاتن : طالما انتس تحبينه قولي له يخطبتس وفكيني منتس ومنه
ندى : لا نصيبي مع ولد عمي عزام
فاتن : الله يوفقكم بس حرام عزام ياخذ وحده تحب ولد عمه ليكون اذا حبتس عبدالرحمن بتحسبين على عزام وبتروحين معه الله يعين عزام
ندى : ياقليله الادب سمعتي كلامها
فرح : انتي بعد زودتيها وش هالكلام خلاص طلعي الولد من عقلتس خليه يخطب الي يحبها ويعرسون
فاتن : وش تسوي عند الباب
عبدالرحمن : اسكتي
ندى : ليه يبيها ومايبيني ليييه ابفهم ليه
فرح : حتى لو يبيتس عزام خاطبتس وعطيتي موافقه وش ذنب عزام وفاتن بكل قصتكم
ندى : تحسبين هالفاتن ماتحب عبدالرحمن هذا وجهي اذا كانت ماتحبه
فرح : تحبه ولا ماتحبه زودتيها انتي وتستاهلين الكلام الي جاتس وعلى فكره ترا عبدالرحمن كان واقف وسمع كلامتس ولما جيت راح
ندى : تستهبلين لايروح يقول لعزام
فرح : الله يهديتس بس اكبر مني واهبل مني امشي تاخرنا عليهم
عبدالرحمن : جبت لتس فطور اذكرتس تحبين هالسندويشه بالعافيه
فاتن : عبدالرحمن
عبدالرحمن : مايحتاج تبررين ادري انتس ماتبيني اوعدتس يافاتن ابعد عنتس على ان كنت توني بكلم ابوتس اسال عن موافقتس
فاتن : مايحتاج تساله انا موافقه
عبدالرحمن : كلي قبل يبرد هاااا قلتي موافقه
فاتن : اي بخلي ابوي يكلم ابوك ويعطيه الموافقه ولو ماطلت بالموضوع وحطيت اعذار ماتلوم الا نفسك
عبدالرحمن : يس يسس اللهم لك الحمد بسجد شكر بروح ابشر هايل
فاتن : هههههههههههههههههههههههههه خبل
ندى : اجل ماتبيه
فرح : امشي ماعليتس منهم
~~~ بغرفه هايل ~~~
عبدالرحمن : ولد بارك لي
هايل : شبلاك طيرت عقلي ولد الابر بيدي شوي شوي
عبدالرحمن : وافقت وافقت
هايل : منهي الي وافقت
عبدالرحمن : فاتن وافقت تتزوجيني
هايل : كلمت ابوها يعني
عبدالرحمن : لا
هايل : اهبدك بوش انا الحين على اي اساس قلت موافقه
عبدالرحمن : هي قالت لي
هايل : حركات طلع جيتك لي اعذار بس عشان تشوفها
عبدالرحمن : اقول اهجد ٧ شهور وانا عندك وماكنت اشوفها شى مثلها مثل اي وحده
هايل : استهبل معك ياثقيل الدم طيب لازم تحطون علم عند اهلكم
عبدالرحمن : هي قالت لي بتخلي ابوها يكلم ابوي ويعطيه الموافقه
هايل : الله يوفقكم يارب ووتيسر
عبدالرحمن : امين
هايل : اجل تبي تجي للقريه
عبدالرحمن : اي بجيها وبنشب لك
هايل : بيننا الايام
~~~ في بيت ابوفاتن ~~~
ميهاف : تمزحين ؟
فاتن : لا والحين بروح لابوي وبقول له يكلم ابوه
ميهاف : يعني خلاص نقدر نقول انتصر الحب
فاتن : من طرف
ميهاف : تسذوبه تحبينه ولو ماتحبينه ماانتظرتيه خطبتس ولد خالتتس وعييتي وبعدين ليه مستحيه تقولين انتس تحبينه
فاتن : من قال اني مستحيه بس مابي اعطيه وجهه
ميهاف : عالاقل اكذبي عليه بس مو علي وتراتس واضحه تحبينه من ايام كنا نشتغل فالقريه
فاتن : لا لا حبيبتي اوفر
ميهاف : روحيي بس لابوتس ترا صوت الباب انفتح
~~~ بمجلس الرجال ~~~
ابوفاتن : هلا ببنتي متى رجعتي للبيت وماقلتي لي
فاتن : انشغلت مع ميهاف
ابوفاتن : هي عندتس
فاتن : اي فوق
ابوفاتن : شلونها شلون عبدالعزيز
فاتن : كلهم بخير يبه بكلمك بموضوع
ابوفاتن : ايه تكلمي يابنتي
فاتن : تذكر عبدالرحمن الي خطبني قبل سالفه هايل
ابوفاتن : اي ولد ابومحمد
فاتن : اي انا رجعت استخرت وموافقه وابيك تكلمهم وتقول لهم اني موافقه
ابوفاتن : وش هي لعب بزران يابنتي ٧ شهور ينتظرون وتوتس توافقين ماهو كلام هذا
فاتن : حتى لو عطيناهم موافقه مارح يصير شى وخطا منا نوافق وهم بهالحاله وبهالمشكله
ابوفاتن : مادري يابنتي بس اعلمتس الولد ماهو موظف ولا معه شهاده جامعه واهله رافضين يسكن عندي
فاتن : انت شرايك يبه
ابوفاتن : انا يابنتي ادري ان ولد الناس يبيتس وشاريتس وادري لو وافقت تتزوجون فانا امنتس عند رجال ومارح ينشغل بالي النه ينزل دمعتتس ولا يضيق صدرتس بس عليه ملاحظات ماهي عاجبتني مثل الوظيفه ليه ماعنده والى متى بيقعد ابوه الي يكد عليه ولا على موضوع تسكنون عندي فانا رافض بعد
فاتن : لما تكلم ابوه اساله اذا بيتوظف ولا لا قل الي تبيه وكلمتك هي المسموعه
ابوفاتن : ابكلمه الحين قدامتس السلام عليكم
ابومحمد : ياهلا والله ومسهلا وعليكم السلام
ابوفاتن : شلونك يابومحمد شلون اهلك والاخوان والعايله كلها عساكم بخير
ابومحمد : بخير الحمدلله مانسال الا عن حالك
ابوفاتن : بخير الحمدلله ابدخل بالموضوع ماودي اطولها وهي قصيره
ابومحمد : اي امر
ابوفاتن : انت يابومحمد وولدك طلبتو بنتي على سنه الله ورسوله وعلى اننا تغاضينا عن موضوع ان ولدك يحب بنتي قبل يخطبها ورحبنا وهلينا فيكم وقبلنا خطبتكم
ابومحمد : عطني الزبده يابوفاتن
ابوفاتن : الي بقوله ان العذر والسموحه اننا تاخرنا بالرد بس انت اعرف بظروفكم وانا عارف سبب تراجعكم وانك مارجعت تدق وتسال لان ماهو عاجبك موضوع ولدك يسكن عندي وانا يابومححد رافض هالفكره وبعد كل هالمده ابعطيك موافقه بنتي وحددو وقت الملكه والله يحييكم بنتي هي بنتك وولدك هو ولدي
ابومحمد : تقولها وانت صادق يابوفاتن
ابوفاتن : ايه نعم البنت وافقت
ابومحمد : الله يسر خاطرك بخبر يفرحك مثل مافرحتني وبتفرح دحيم والله ان يطير عقله وموضوع الملكه انا ودي نستعجل بكل شى والله خايف يصير شى ثاني ونرجع نتاخر
ابوفاتن : ابد خذو راحتكم بنتي مالها غير ولدك
ابومحمد : تم ابعطي الولد خبر وبنحدد متى الملكه وارد لك خبر
ابوفاتن : على خير يله فمان الله ها ارتحتي
فاتن : الله يخليك لي يابعد كل هالدنيا
ابوفاتن : مايهمني بهالدنيا كثر سعادتس يابنيتي ولاني واثق اشد الثقه بعبدالرحمن عشان كذا مارح افكر فيتس واشيل همتس وعشان خاطرتس انا بكرا بروح اوجبهم بولد عمهم
فاتن : مانحرم منك

انتهى البارت

قراءه ممتعه يااصدقاء 💞
اجازه سعيده 🎈