"جابك الله في زحام العمر صدفة "

52

~~~ في بيت ابوفهد ~~~
ابوفهد : من ذا الي حرق الجرس دقيقه دقيقه ابوسطام وش بلاك من صباح الله خير
ابوسطام : ماكان ذا العشم فيك ياصاحبي
ابوفهد : اصبحنا واصبح الملك لله وش صاير وش العلم
ابوسطام : توافق توظف ولدك عند ابوسعود وانا يوم اكلمك ان عندي نقص موظفين عييت اوظف عيالك عندي
ابوفهد : زعلان وشرهان وجاي من الصبح عشان هالموضوع مسرع عرفت
ابوسطام : ماتبي تعلمني بعد
ابوفهد : ولا تزعل عندك زامل وسياف خذهم ولاينقصون موظفينك ولا شى
ابوسطام : بس هم متزوجين
ابوفهد : واذا وش المشكله
ابوسطام : صعب يخلونك كلهم ويروحون
ابوفهد : لا صعب ولا شى مابعد كبرت انا والبيت مايحتاجهم خذهم ابد عيالك هم تصرف فيهم
ابوسطام : زين زين نتكلم بعدين صح اخوك اليوم بيجي
ابوفهد : ابومحمد قصدك
ابوسطام : اي
ابوفهد : اي ماعندك علم
ابوسطام : عندي بس ماثق بكلامهم
ابوفهد : خلاص اليوم الملكه وتصير حرمته وتفتكون من الو متى تجون
ابوسطام : هذا ان كان عندي لهم نصيب
ابوفهد : وش تقول
ابوسطام : ولا شى يلا مع السلامه
ابوفهد : الله يهديك موقمني حتى قبل الديك انا ياله انام الله يصلحك
~~~ فالمزروعه ~~~~
عبدالرحمن : مسوي لك مكان سري
هايل : المكان الي الكل يعرفه ماهو سري
عبدالرحمن : الكل
هايل : وش تبي جاي
عبدالرحمن : طقشان قلت اجيك
هايل : وش جايب معك
عبدالرحمن : تعرفني مااجي ويدي فاضيه
هايل : مشكلتي اعرفك عشان كذا مستغرب
عبدالرحمن : جايب فطور لحسه وفول ومطبق وكبده
هايل : الفوال فاتح غريبه
عبدالرحمن : اي ومسوي خصومات ولده بيعرس ومستانس
هايل : اي عزالله انت مايفوتك هالاشياء
عبدالرحمن : مجهز نفسي افا عليك ايوه عندك علم قله
هايل : مايحتاج تبقى فالقريه اذا تزوجت
عبدالرحمن : بقعد عشان ماتبتسي عندي
هايل : عطيتك الضوء الاخضر وقلت مايحتاج
عبدالرحمن : شعندك غيرت رايك
هايل : ابوي وافق اتوظف
عبدالرحمن : احلف يعني بدال مااجي عندك بتجي عندي
هايل : لاتجي عندي ولا اجي عندك
عبدالرحمن : من الحين جحدت راتبك لي
هايل : ههههههههههه تخسي
عبدالرحمن : بس وين بتتوظف
هايل : فالشرقية
عبدالرحمن : نعم وش وداك هناك !
هايل : بشتغل ببنك ابوسعود
عبدالرحمن : ابوسعود ابوسعود اي الله يذكرهم بالخير ابوتميم وسعود وعمر اصدقاء سطام صح
هايل : اي
عبدالرحمن : تستهبل صح وش بيضرك لو توظفت فالرياض
هايل : مافيه وظيفه تبيني
عبدالرحمن : بعدين شلون بتتوظف وانت مامعك غير ثانوي ولا بعد معدلك مقبول
هايل : بكمل تقنيه هناك فالشرقيه
عبدالرحمن : تداوم وتدرس
هايل : شسوي مجبور مايقدر يوظفني بشهاده الثانوي بس على مكتب وحاسبات ومدري وش
عبدالرحمن : اسمه كمبيوتر يا حاسبات الحاسبه ذي ببقاله سعيد
هايل : اي عاد هذي هي تصدق ودي اعرف شصار على سعيد
عبدالرحمن : قطع طاري شتبي به تمطر
هايل : يالله جب لنا الخير مع هالمطر
عبدالرحمن : القريه صايره صعبه بدون مظله
هايل : حطب ابوي له فايده
عبدالرحمن : انت وحطبكم مايخلص
هايل : يقول ياعبدالرحمن
امطرت ديرتي وامطر شعوري
لتس قصِيد ليتنس مع رش السّحايب جيتيني
عبدالرحمن : وانت للحين تبيها وتقصد فيها
هايل : اي والله ياخوك تمنيت لو عرسنا بنفس اليوم
عبدالرحمن : ترا تخسي مارح اكنسل زواجي وانتظرك
هايل : تقول عرسه بكرا
عبدالرحمن : نسيت اقول لاهلي كله بسبتك
هايل : اقعد اقعد نفطر ونرجع للقريه سواء ميهاف تعالي
عبدالرحمن : ميهاف وينها ؟؟
هايل : الخيل
عبدالرحمن : الله يخرشك
هايل : ههههههههههههههههههههههههههههههه خلنا ندخل لايتعبى الاكل مطر
عبدالرحمن : اذا رحت للرياض بتكي على التسجيل حقك
هايل : اي تسجيل
عبدالرحمن : صاير نساي انا كلما قلت قصيده سجلت صوتك بعرضه على الراديو وعاد يمكن بعدين ينشهر عند الناس كلهم
هايل : بصير فالتلفزيون
عبدالرحمن : ماتدري وش تطورات الدنيا بعدين بس حاليا حدك الراديو
هايل : وانت مصدق بخليك تنزل صوتي وقصايدي
عبدالرحمن : تخيل احد يسرق دفترك وقصايدك ومايحط حقوقك
هايل : عادي
عبدالرحمن : عادي عندك يالدلخ
هايل : اطفح اطفح بس وانت ساكت يالغثيث
عبدالرحمن : اليوم ملكه اخوي محمد
هايل : وشفيكم مستعجلين واحد بيعرس وواحد بيملك واثنين خاطبين
عبدالرحمن : الي بيعرس ولد راعي الفوال والي بيملك محمد والي بيخطب انا الثاني من ؟
هايل : عزام
عبدالرحمن : وافقتو
هايل : اباخذ الكلمه الاكيدة اليوم
عبدالرحمن : بيصير لكم جيران
هايل : مكثر من جيراننا
عبدالرحمن : لا بيتهم جنب بيتكم بالضبط
هايل : اخبر اهل البيت الي جانبنا طلعو وهجروه من سنه جدي من جاي ياخذه الحين
عبدالرحمن : جوني شباب يبون يحطونه استراحه ورفضت لان جدار البيت بجداركم وانتم عايله وامس جاني رجال ومعه حرمته وعياله وعطيته اياه اليوم بيجون يحطون اغراضهم
هايل : اي الله يحييهم ماتوقعت فيه ناس بيجون جدد لقريتنا
عبدالرحمن : قريتك ذي ماتدري بعد سنين يجيها تطور ويصيرون كل الناس فيها
هايل : والله لو الموضوع بيدي بطلع من القريه
عبدالرحمن : انت الي تقول هالكلام وانت غاثنا قريتنا وقريتنا
هايل : صح احبها ولا ودي اطلع منها بس ذا قبل الحين كبرت وبصير اشتغل ولا ودي اسكن بعيد عن اهلي
عبدالرحمن : يرجال تتيسر شف انا من عمري ١٤ وانا ساكن بهالقريه ماطلعت منها واهلي تاركيني ورايحين الرياض
هايل : لولا الله ثم انا ماكنت انت هنا ومبسوط
عبدالرحمن : خل المداح بس من يدق ابوي هلا يبه
ابومحمد : وينك فيه
عبدالرحمن : فالمزرعه مع هايل ليه
ابومحمد : ناسي مفتاح الباب امش افتحه لنا
عبدالرحمن : مايمديني اوصل بسرعه دقو الجرس عزام فالبيت
ابومحمد : زين زين
~~~ عن بيت ابومحمد ~~~
ام محمد : بيتنا صار سييل للرايح والجاي لازم تتقرص اذان هالدحيم
ابومحمد : وش تبينه يسوي يترك ولد عمه فالشارع
ام محمد : ولد عمه بيت اهله حذفه حصاه وش جابه عندنا
محمد : خلاص يمه عيب هلا بولد العم
عزام : هلابكم رجعتو
ام محمد : وش رجعنا البيت بيتنا بعد
ابومحمد : اشوا انك موجود هنا ياولدي ناسين مفتاح الباب ودحيم بعيد
عزام : حياكم ياعم اعذروني
ابومحمد : افا ياولدي البيت بيتك بس ليش مانت عند اهلك
محمد : اكيد سهرانين فالليل
عزام : لا والله بس متهاوش مع ابوي
ابومحمد : عساه خير يابوي اكلت شى
عزام : ابروح للعيال الحين يلا سلام
سالم : عمي خذني معك
عزام : تعال
محمد : اي عادي خذه
ام محمد : عساها تستاهل جيتنا
ابومحمد : ام محمد صلي عالنبي وخلي حركاتتس خلي يتم كل شى ونخلص
ام محمد : خلاص سكتنا شغل الثلاجه يامحمد وحط الحلويات فيها
محمد : طيب
ابومحمد : كم الساعه
محمد : ١٢ الظهر يبه
ابومحمد : زين زين تجهزو وجهزو حلو الكلام نبي هالليله تعدي على خير ومبروك ياولدي
ام محمد : قلبي ماهو مرتاح بس الله يستر
محمد : الله يبارك فيك
ام محمد : وين بنيتي شهد ماجت
ابومحمد : خلينا نرتب الاشياء ونروح لبيت اخوي ابوفهد تشوفين بنتتس
ام محمد : اي هي اهم شى فالجيه يلا
ابومحمد : الله يصلحها ماهي طايقه حرمتك
محمد : حرمتي بهالسرعه
ابومحمد : بتصير حرمتك الليله والبنت متحضره ولا عندها سوالف القرى وانت افهم عاد
محمد : ان شاء الله ان شاء الله
~~~ في بيت ابوسطام ~~~
ام سطام : ليش تستقبلهم من البدايه
ابوسطام : صلي عالنبي
ام سطام : غير ولد ام سعود بنتي ماتاخذ ولد مثقف ومتفهم ويبي هديل من يوم كانو صغار تعطيها ذا تقعد تربي ولده
ابوسطام : ووش ذنب الولد يام سطام
ام سطام : هديل لسعود وبس
ابوسطام : وهذي هي خطتي بس انتي استعجلتي
ام سطام : فهمني وش بتسوي
ابوسطام : بكرا بيجي ابوسعود ويخطب هديل
ام سطام : والي جايين اليوم ؟
ابوسطام : مالهم نصيب
ام سطام : وليش يجون
ابوسطام : يشربون قهوه ويروحون اذا جو بقول لهم مالكم نصيب والله يحيكم بكرا ملكه البنت على ولد خويي ابوسعود
ام سطام : اي بردت خاطري زين تسوي فيهم
ابوسطام : هم والله كنت شاريهم وشاري ولدهم محمد ولا عندي اي مشكله يولده سالم بس هم ماطلو وسمع اذني محمد يقول لاخوه انا مابي بس ابوي غاصبني عشان مايتفشلون ولا محد فيهم يبي وابوفهد الي حاط الفكره بروسهم
ام سطام : والله اني من البدايه قايله ولدهم مايستاهل بنتي
ابوسطام : حاسب حساب كل شى الا كرامه بنتي
ام سطام : ولو زعل عليك ابوفهد
ابوسطام : هو عارف وش مسوي اخوي مايحق له يشرهه علي
ام سطام : متى بيجون
ابوسطام : ماعطوني وقت محدد قال على اذان المغرب بنجي والمليك بيجي بعدهم
ام سطام : اجل بروح اقول لهديل ماتكشخ
ابوسطام : زين زين رتبو المجلس وبخروه والقهوة
~~~ في غرفه هديل ~~~
ام سطام : مسحي مسحي مكياجتس
هديل : ليش بيجون البنات وملكتي اليوم
ام سطام : بيرفض ابوتس
هديل : يمه تستهبلون وش هي لعب اطفال
ام سطام : سعود خوي اخوتس سطام خاطبتس من يوم كنتي صغيرة
هديل : واذا
ام سطام : وسبب جيه ابوسعود هذاك اليوم ماهو عشان مزرعه ابوتس وبس جاي وخطبتس رسمي لولده
هديل : بس محمد خاطبني قبل
ام سطام : تخلين سعود وتاخذين محمد ياوجهه الفقر
هديل : يمه الي تسوونه خطا وماهو من طبعكم تعشمونهم واذا جاء بترفضون طيب من البدايه قولو لهم
ام سطام : انا قلت كذا بس ابوتس دقره فيهم بيرفض اذا جو وبقول انتس مخطوبه على سعود
هديل : واذا زعلو اهله
ام سطام : خليهم يزعلون يطقون بروسهم الجدار
هديل : ترا اخته حليله عكس امه
ام سطام : اقلب الجره على افمها تطلع البنت على امها يلا بس انزلي سوي قهوه
هديل : وليش نسوي قهوه بما ان مافيه نصيب
ام سطام : يبلون ريقهم قومي يلا وخلي كثره الاسئله تبي تترك الي قريب من عمرها وعزابي وتاجر وفالشرقية عندنا وبتاخذ ذا وتربي ولده قومي يلا
هديل : اوف يايمه اوف ماتخلون حركاتكم وش اسوي ياربي مكسوو خاطري عليهم الو خوله
خوله : هاتي العلمي ياطلابه العلم
هديل : اليوم ملكتي على محمد
خوله : اي علمني سطام وقال مارح يجي لان بالنهايه بترفضون
هديل : من علمتس
خوله : خالتي امتس يعني
هديل : بسوي نفسي ماسمعت طيب شسوي وش رايتتس
خوله : يختي انتي حددي موقفتس تبينه ولا ماتبينه
هديل : انا استخرت الفين مره وكلها مرتاحه واستخرن لسعود وارتحت والموضوع ماهو موضوع حب بس كاسرني سالم
خوله : يابنت الحلال بكرا تعرسين ويجيتس اطفال وتنسين سالم وطوايفه
هديل : ومحمد
خوله : وشفيه محمد بعد ؟
هديل : اخاف ينكسر من حركه اهلي
خوله : بنت صحصحي ليش هو مافكر فيتس يوم سحبو فيكم بموضوع الخطبه ولا كلامه الي قاله قدام اخوتس وان مغصوب ولا يبي يابنتي هذا يحب زوجته الله يرحمها ولا يبي يظلمتس معه بس عمه ابوفهد الي دخلتس براس ابوه فخيره يجي الرفض منكم
هديل : طيب مابي سعود
خوله : سعود يبيتس من يوم كنتو صغار ويحبتس خذي الي يحبتس ولاتاخذين الي تحبينه
هديل : مدري ياخوله مدري متفشله اخته تجنن
خوله : لاتتفشلين انا مسافه طريق وبجيتس افا عليتس بس جهزي مفرشي يلا
هديل : صدق بتجين
خوله : اي حتى لو خطبه مالها فايده بجي باكل
هديل : حياتس هههههه
خوله : يلا اكشخي والبسي
هديل : كشخت وجت امي قالت امسحيه
خوله : امتس ذي الله يصلحها خالتي
هديل : من متى تنادينها خالتيي ومن متى تكلمين اخوي سطام
خوله : ابوي جاء للسياره باي باي
هديل : اخس ياسطام ولاتعلمني اوريك
ام سطام : وينتس ياهديل
هديل : جايه يمه جايه
~~~ في بيت ابومحمد ~~~
ابومحمد : يلا يامحمد والله لو تلبس ثوبك في باريس اخلص يابوي علينا وش هالتاخير
محمد : جيت ياابوي جيت تدخن
ابومحمد : انت الي تدخن انت العريس وين دحيم
محمد : والله مدري اكيد برا مع العيال
ابومحمد : يلا اجل مشينا امك عند شهد نمرها ونروح لبيت ابوسطام
محمد : زين يلا
عبدالرحمن : اخيرا خلصتو
ابومحمد : وانت وينك
عبدالرحمن : خلصت قبلكم وجالس برا اسولف مع العيال
ابومحمد : يلا مشينا لبيت عمك ابوفهد
هايل : مبروك ابوسالم
محمد : الله يبارك فيك عقبالك
سياف : ياعيال فيه ريحه شى مخيس غثني
زامل : وش هو
سياف : عزام وش تسوي
عزام : وش اسوي ماسوي شى
سياف : انطل هالزق الي حاطه بفمك
هايل : تدخن ياعزام
عزام : وش لاهو حرام ولا عيب
سياف : الا عيب وحرام انت تعرف اضراره عمي يعرف انك تدخن والله ليكسر ضلوعك
عزام : يارجال مايدري عن شى
هايل : اي وشلون بيدي وولده مايقعد عنده ولايزور اهله ولا اخته الي مدري كم لها ماشافتك ماتستحي انت فارس كل شوي يسال عنك حتى فالجوال ماترد عليه
عزام : وش يبي يدق علي خلاص حرمته وعنده
عبدالرحمن : بتصير عم وشكلك ماتدري
عزام : لا ادري ادري علمتني
زامل : قدامنا لانشوفك تدخن رح فاي مكان ودخن لحالك
عزام : تراكم كبرتوها ياعيال
عبدالرحمن : خلوه ذا مايعرف مصلحه نفسه الا ياعيال سطام وينه ماني شايفه
هايل : الا مايجي اليوم ملكه اخته مستحيل مايحضر
عبدالرحمن : اخوي محمد الي يصب قهوه
زامل : امشوا ندخل نساعده
~~~ عند ميهاف وعبدالعزيز ~~~
عبدالعزيز : ما اشتقتي لاهلتس
ميهاف : لا
عبدالعزيز : تبين نسافر
ميهاف : لا
عبدالعزيز : جوعانه ؟
ميهاف : لا
عبدالعزيز : شرايتس نلعب تعرفين تلعبين صح
ميهاف : لا
عبدالعزيز : عاد خلاص
ميهاف : ههههههههههههههههههههههههههههههه لاتعصب لاتعصب وش تبي نلعب هات
عبدالعزيز : حسبالي بعد جوتس فشار وفلم الاوراق المتساقطه
ميهاف : الله يخلف عليك ذا مسلسل
عبدالعزيز : اي عاد افلامكم يابنات تحبون حقين الرعب ومصاصين الدماء وجيههم كلها طحين ومشربينهم فمتو
ميهاف : ههههههههههههههههههههههههههههههه وشعرفك انت
عبدالعزيز : قومي قومي اكسر خشمتس بقيم
ميهاف : علمني شلون نلعب
عبدالعزيز : ماتعرفين
ميهاف : لا
عبدالعزيز : سقط جسر مشاكسات المنتديات
ميهاف : شدخل انت تقول اي شى يجي براسك ههههههههههههههههههههههههههههههههههههههههههههههههههههههههههههههههههههههههههه
عبدالعزيز : امسكي اليد كذا وكذا تحركين وبس
ميهاف : ليش كل الي يلعبون رجال مافيه بنات
عبدالعزيز : تبين مصارعه بنات وين عايشين
ميهاف : وليش يعني مافيه
عبدالعزيز : لا عناد فيتس قالب كل العابي رجال اخلصي العبي
ميهاف : لا والله والله ما العب
عبدالعزيز : اجيب لتس شاورما صاروخ يلا العبي
ميهاف : تفهم يلا ابدا ووبدا بعدك
عبدالعزيز : ماهو سباق ياحبيبتي نتصارع
ميهاف : ودك هاللعبه تصير فالحقيقة عشان ابرد حرتي
عبدالعزيز : اقول اقعدي عن الهياط بس
ميهاف : اطلب شاورما
عبدالعزيز : وش اطلب ماقدر اطلب بروح اجيبه بعد اللعب
ميهاف : خلنا نتعشى برا
عبدالعزيز : والله تطورتي صرتي انتي تبين نطلع
ميهاف : يعني اكنسل
عبدالعزيز : لا لا خلينا نخلص لعب وابشري نطلع
ميهاف : طيب ههههههههههههههههههههههههههههههه

انتهى البارت

قراءه ممتعة يا احلى متابعين 💞