"جابك الله في زحام العمر صدفة "

8

~~~ في بيت ابو خالد ~~~
ابو خالد : يلا قل وش عندك
خالد : يايبه تكفى خلنا نروح للقريه وتتراضون
ابو خالد : جايبني عشان تعيد الكلام انا كلمتي م ارجع عنها الين يلين راس خالك
خالد : طيب ليش تعشمني بالزواج ياببه بعدين تتهاوش معهم
ابو خالد : خالك يبي يحط العرس بالقرية وانا قلت له ولا شى بالقريه
خالد : وش صار لو تنازلت انت وش بيصير هذي حياتنا مو حياتكم تتحكمون فيها
ابو خالد : لاترفع صوتك انا ادور مصلحتك ومصلحه اختك
خالد : تدور مصلحتنا يايبه بعدين تقوم الدنيا وتخرب زواجنا ليه تعلقني ببنت الناس بعدين تسحب نفسك خالي تنازل عنك كثير وكل شروطك قبلها بصدر رحب وانت شى واحد وماتنازلت عنه
ابو خالد : طال لسانك ياوصخ "وصفقه"
خالد : دموعه بوسط عيونه من القهر ومايقدر يقول لابوه شى ، الله يسامحك يبه كمل كمل رتب حياتنا واختارها مثل ماتبي انت لان هي بالاساس حياتك
جهير : خلاص ياخالد اطلع لاتتهاوشون
ابو خالد : طايل لسانه ولدتس والله وهذا وجهي بكرا مصبح المحكمه وانا اطلقها
زينب : يا هالزواج القشر ليتك للحين بعيد يافهد ليتك تسوي اي شى وتاخذ الي تبيها بس ابي فرح لخالد يالله وش اسوي
جهير : بعد انتي تصيحين لاتزعلين ياامي بترجعون لبعض
زينب : بينها وبين نفسها ، ماتدرين يايمه اني مابيه
~~~ في القرية ~~~
عبدالرحمن : اصبحنا وأصبح الملك لله وأخيرًا رجعلنا للحلال بسم الله وانت دايما سابقني
هايل : انا مفروض اكون بالمزرعه الحين بس سياف راح مع ابوي وزامل وفهد للحين نايمين كالعادة
عبدالرحمن: وابوك مخليهم غريبه
هايل : لا انا الي مخليهم نايمين لان ابوي طالع بدري ومايدري
عبدالرحمن : اخس يالنذل ههههههههههههههههههههههههههههههه
هايل : عشان يتعلمون يقومون بسرعه كل شى حاطينه علي انا وسياف
عبدالرحمن : الله يعين انا لحالي وماسك الشغل
هايل : لان ابوك مو عندك تاركك على راحتك
عبدالرحمن : وين الراحه الي تنكلم عنها هم ساكنين بالمدينة وتاركيني بالقريه لا نومي نوم ولا اكلي اكل الا بنات التدريب جو وصاروا يسوون اكل
هايل : اعرس ماوراك شى
عبدالرحمن : مابعد لقيتها
هايل : ابعطيك قصيد
عبدالرحمن : صايمين وحر وذبان وشمس وفوقها قصيدتك الله يصبرني
هايل : يقول ياعبدالرحمن
انا خويك لرتخى حبل الأصحاب
وانا يمينك كانهم مايشدون
ازهم وتلقى صاحبك ضمن الاقراب
ماني من الي فاللوازم يصدون .
عبدالرحمن : اوه طلعت مدح يعني
هايل : على انك ماتستاهل بس هي سجه وطريتها
عبدالرحمن: اقول ميهافك ماجت
هايل : اقول لو تقول اسمها بفرك فيك الارض
عبدالرحمن : جو جو شف المركز مفتوح
هايل : وبدون مايحس وبدون تفكير وقف يوم شاف ملهمته قدامه يناظرها وكانه انتصر بشي مو عند احد وبدا يقول قصيد بدون مايحس
هلا باللي عجزت القى عذارييبها
هلا باللي تحبها كل اسبااااابي .
عبدالرحمن : ياولد ارفع علومك لاتصير خفيف
هايل : انا عندها اصير اخف من الريشه يازول جعل كل العرب فداه
عبدالرحمن : لا ذا هايل مانعرفه
هايل : لاتلومني ياعبدالرحمن لاتلومني لو شفتها ماقلت كذا
عبدالرحمن: بعد شايفها يالخسيس
هايل : بالغلط شفتها
عبدالرحمن : كلمه بالغلط ذي ماتقنعني وين هايل الي لا شاف حرمه لف وجهه
هايل : ياحبك لكثره الهرج تذكر اول يوم في رمضان ابوي قال لي رح جب فناجيل ورحت اجيب الا امي جالسه تكلمها بالمطبخ وشفتها بعدين طلعت ذا يعتبر بالغلط ولا لا ؟
عبدالرحمن : كذا السالفه بما انك قلت لي بقول لك انا بعد
هايل : هات وشعندك من بلاوي
عبدالرحمن : تدري خلاص ماعندي شى
~~~ في القرية تحديدًا في المركز ~~~
ميهاف : يوه مره واحشتني القرية
فاتن : هي الي واحشتتس ولا حبيب القلب الي مشتاقه له
ميهاف : اقول لها شى تفهمه شى ثاني
فاتن : شوفيه شوفيه جالس يناظر المركز
ميهاف : اشوف هذا الي بيفضحنا
~~~ في بيت ابو فهد ~~~
فهد : كلمتي ابوي يافرح
فرح : لا
فهد : ماقلت لك كلميه قلت ولا ماقلت
فرح : مارح اكلمه
فهد : رح تقومين وتكلمينه الحين ولا والله لاتشوفين شى ماشفتيه
عفراء : وراه يهاوش اختتس
ندى : مدري بس تكفين نادي زامل
عفراء : شلون اطلع واخوتس موجود
ام فهد : خلاص يافهد فكها
زامل : من الي يصارخ وشقاعد تسوي فكها
فهد : وخر لايجيك ماجاها قلت لتس تروحين يعني تروحين
وسط الهواش وفهد الي ماسك شعر فرح ومو راضي يتركه الا لما تروح وتقول مابيه وفرح دموعها على خدها تبي احد يساعدها
ام فهد : فكها يافهد فكها لايجي ابوك
ابو فهد : فهد فكها
سياف : ليش رافع يدك عليها ماحذرتك يوجعتس شى
ابو فهد : ليه رافع يدك على اختك تكلم انقطع لسانك ولا رجولتك بغيابي
فهد : يبه انا هذا الزواج مابيه وغير البنت الي احبها مارح اخذ
ام فهد : والله ياولدي ماكنت كذا من سحرك
سياف : محد يسحره هو ساحر
ابو فهد : اجل خذ العلم مني بما ان وصلت تمد يدك على اختك فانا الحين بتنازل وبدق استسمح من زوج عمتك ونكمل العرس ونشوف بتاخذ من
فرح : وسط انهيارها وتفاجئها من فهد الي ماتوقعت يسوي كذا وهي كانت مستعده ماتوافق من البدايه عشانه يسوي كذا ، لا يبه لا انا مابي شى خله يتزوج الي يبيها انا عفت كل شى ومهره موجود ماجيته وشبكته ياخذها والجوال وكل شى اهم شى اخوي وسندي ياخذ الي يبيها
ندى : تعالي غسلي وجهك ياحبيبتي
ابو فهد : شفت الفرق ياوصخ هي ضحت عشانك شفت الاخوة انقلع برا البيت مابي اشوفك والي تبيها على جثتي تاخذها انقلع
فهد : قايل لكم انا من البدايه بس محد يسمعني محد
سياف : فرح ياابوي يوجعتس شى اوديتس المستشفى
فرح : ماقدرت تمسك دموعها ونزلتها بكل انهيار وسط حضن سياف ، كسرني اخوي ياسياف كسرني الي تفاخرت فيه قدام الكل وقلت اخوي الكبير وسندي كسرني
سياف : ماعاش من يكسرتس وانا اخوتس وهذا بهيمه ماعليتس منه
ندى : ترا يدها احترقت من الشاهي كبه عليها الخروف
سياف : ههههههههههههههههههههههههههههههه اباخذها للمستشفى تعالي ياابوي
عفراء : خذي اشربي ماء واستهدي بالرحمن
فرح : كنت عارفه انتس طيبه وماخاب ظني
عفراء : انتي مثل اختي يافرح وعلى قوله زامل اذا تحبيني حبي اهلي قبلي
ندى : لا في تطور شكل فيه نسخه ثانيه منك جايه لبيتنا
عفراء : حتى انا حاسه تصدقين احس الي بياخذها اخوتس ذي الي يحبها احسها قويه
ندى : الله يعين نخلص من وحده تجينا الثانيه
ام فهد : وش تبي راجع
فهد : باخذ مفتاح سيارتي وجوالي
ام فهد : قلبي وانا غضبانين عنك جعلك تشوف فاللي تحبها ماتعوف ياولدي وتعرف قدر بنت عمتك
فهد : مابيها ولا ابي طاريها يايمه فكيني
~~~ في القريه من جهه ثانيه ~~~
عبدالرحمن : ذا مو سياف
هايل : قام من مكانه وقلبه كل خوف من البنت الي مع اخوه ، سياف وش صاير منهي الي معك
سياف : فرح انحرقت يدها وبوديها للمستشفى
هايل : فيتس شى ياعين اخوتس
فرح : تحاول تمسك دموعها ماتبي هايل يعرف لانها تعرف بيقوم الدنيا ، مافيني شى كب علي الشاهي بس
هايل : ماتشوفين شى فيني ولا فيتس
~~~ في المركز الصحي ~~~
فاتن : شوفي شلون يعامل اخته محظوظه صراحه ليت عندي خوات او اخوان
ميهاف : حتى انا وحيدة وانا وانتي خوات بعض هذولي متجهين عندنا
سياف : السلام عليكم
فاتن وميهاف : وعليكم السلام
فرح : يدي انكب عليها شاهي واحترقت ابغى كريم
ميهاف : اي اي انسدحي عالسرير
فاتن : صيرو برا
هايل : مادخلت راسي الي انكب عليها الشاهي فهد متعرض لها
سياف : ماكنا نبي نعلمك وتزودها بس اي هو الي ضاربها وكاب الشاهي عليها
هايل : بعصبيه وغصب وهو مايرضى عن خواته يجيهم شى ، وليش
سياف : عشانها ماقالت لابوي عن خالد وزينب
هايل : للحين ماتاب هو يعني جايك يافهد
سياف : هايل هايل انتظر لاتروح جاه ماكفاه فرح خلتس هنا الين نجي
فرح : عرف هايل عرف وش بسوي
ميهاف : فيتس شى
فاتن : في كدمات على يدتس من متعرض لتس
فرح : الي دموعها خذت مجراها وبكت بكل انهيار ومن كل قلبها كلمه وحده حنونه من بنت قدرت تلامس قلبها وخلتها تنهار لابعد درجه
ميهاف : هدي ياروحي وشفيتس خوفتينا
فرح : فهد فهد اخوي الي ضربني وكب الشاهي علي
فاتن : وليش وش مسويه انتي
فرح : بس عشان ماقلت لابوي اني مابي خالد هو يحب وحده ويبي ياخذها ومايبي زينب والامر على قولته بيدي وانا ابي خالد بس هو اجبرني اليوم انطقها قدام ابوي والكل اني مابيه
ميهاف : ليه تنازلتي بما ان ابوك واخوانك وامك بصفك ليه قلتي كذا
فرح : محد رح يحس بالموقف الي حطني فيه بين لهم اني ابي خالد وبموت لو م اخذه وانا بس بس شفت حياتي معاه ويعني ارتحت له شذنبي يخرب حياتي عشان ياخذ وحده يحبها كرهت البيت مابغى ارجع
فاتن : مسحي دموعك لاتزعلين انتي عندنا وبامان
فرح : صرت اخاف كل شوي يدخل ويهاوش ويصارخ
~~~ في القريه من جهه ثانيه ~~~
هايل : وينه فهد
فهد : مانقصني الا انت شعندك
هايل : نزل فيه ضرب وصب كل عصبيته عليه ، ماقلت لك ماتلمس فرح ماقلت لك ماتجرحها جايه للمستشفى وهي تردد كسرني فهد ليه توصلها لذي المرحله عشان حبك
سياف : فكه ياهايل فكه خلاص
هايل : اسمعني يافهد والله ثم والله لو تلمسها مره ثانيه لاتشوف شى غير الي جاك الحين
سعيد : هدو ياعيال خلاص تعال فهد للمستشفى
فهد : رح اخذ الي ابيها
هايل : يحاول تهجم عليه ، ماتبت للحين
سياف : خلاص ياهايل خلاص
~~~ في المركز الصحي ~~~
سعيد : ادخل الله يصلحك اخوان وتتهاوشون
فرح : فهد فهد جاء بيصارخ بيهاوش
فهد : طلعتي هنا قومي بسرعه عالبيت قومي
فرح : انت حارقتي بتعالج
فهد : مافيتس الا العافيه قومي للبيت
فاتن : لاترفع صوتك عليها وعندي واطلع برا مارح نعالجك
فهد : والله يافرح لاخلي حبتس لخالد الرخمه يصير كرهه وتشوفين
ميهاف : اطلع برا هدد هناك واذا قربت صوبها مره ثانيه بخليها تشكيك
فاتن : لاتخافين راح جعله الريح
فرح : وين هايل وسياف ماجو للحين
ميهاف : انتي عندنا يعني بامان لاتخافين
هايل : ابوي فرح لاتصيحين تكفين والله لو يقربتس مره ثانيه لاكمل عليه
فرح : الله يخليكم لي
سياف : خلصت نقدر ناخذها
فاتن : وهي تناضر حنيتهم على بعض وعيونها كلها دموع تتمنى لو عندها حنان ام بس
ميهاف : اي اي خلصت تقدرون تاخذونها ولا باخذها انا
هايل : خذينا كلنا
سياف : ارفع علومك وقم ياولد
هايل : فيه لها كريم او شى ياهيامي
ميهاف : وهي مستحيه ، اي بعطيك الكريم الحين
سياف : ضاعت علوم الولد
هايل : يلا اسبقوني جايكم ميهاف امسكي هذي واقريها
ميهاف : بتوتر ومو عارفه شتسوي وبنفس الوقت تبي تشوف وش كاتب وكلها تردد
فاتن : هاتها انا اقراها لها هههههههههههه ليه م اخذيتها منه
ميهاف : توترت مره حتى يدي عيت تتحرك
فاتن : اجل برميها بالزباله
ميهاف : لا لا خبله انتي هاتيها
فاتن : ههههههههههههههههههههههههههههههه والله صدق ضاعت علومتس يابنت
ميهاف : يوه يافاتن ياحبتس لكثره الهرج نشوف اذا حبيتي وش بتسوين
فاتن : لا لا للحين مالقيته اذا لقيته فكرت وش بسوي
ميهاف : اي اي محد مهتم هاتي الرساله
فاتن : دائمًا محد مهتم لي امسكي اقريها خلاص
~~~ في بيت ابو محمد ~~~
ام محمد : شصار على هدى يولدي
محمد : والله يايمه اني حزين عليها وان الدكتور فاقد الامل في علاجها لانها اخر المراحل
ابو محمد : طيب مانقدر نعالجها خارج
محمد : كله نفس يابه بس والله لو يصير لهدى شى مارح اسامح نفسي
شهد : وليه انت شدخلك
محمد : لان هي عيت تقول وعيت تتعالج لانها كانت خايفه اني بتزوج عليها وانا والله مابي غيرها
ام محمد : مالك دخل يولدي هي الله يصلحها عاندت وعلى نفسها
محمد : ضايق صدري يايمه ضايق احس فيه شى ناقص بحياتي هدى تغيرت صارت عصبيه وماتبيني انا وسالم
شهد : لاتلومها هي تعبانه ونفسيتها تعبانه
محمد : اهخ وش اقول وش اخلي بس وعد علي ما امل منها الين اندفن اما قبلها او بعدها
ام محمد : بسم الله عليك يولدي لاتقول كذا
ابو محمد : توكل على ربك يولدي وشرايك اذا خلصت مواعيدها تسافرون وحط سويلم عندنا
محمد : هي صايره ماتحب تطلع
شهد : يوم كانت عندنا وش زينها وتسولف
محمد : معقوله هي تحسب اني مابيها ومستحيه مني ومعكم تاخذ راحتها
شهد : اي اكيد هي كذا احنا بنات ونفهم بعض قسمك للحين موجود تعالو عندنا منه تستانس هدى ومنه احنا نتونس معها
محمد : شورتس وهدايه الله يختي يلا انا بمشي
ام محمد : بتفطر معنا ؟
محمد : لا والله يالغاليه ماينمل من طبختس انتي وشهد بس هدى مسويه فطور بفطر معها وبنجيكم بعد العشاء
ام محمد : على خير يولدي استودعتكم الله
~~~ في عزبه ابو عبدالعزيز ~~~
ابو عبدالعزيز : وش يامحمد ماودك نشد رحالنا لقريتك
الجد محمد : والله قلبي يتشفق عليها بس صايره سوالف بين عيالي ولا ودي اسمعها لانهم مايبون يسمعون كلامي فاقعد هنا الين يهدون واخذهم ونرجع
عبدالعزيز : عمي هناك فيه محكمه عندكم او مكتب محامي
الجد محمد : مافيه شى عندنا ابد غير بقاله ومركز صحي وسوق
عبدالعزيز : لو فتحت عندكم مركز تهقى انجح
الجد محمد : بتنجح لان عندنا لو نبي شى نتعب من طريق القريه فانت تمسك عنهم وتروح وتخلص اشغالهم وتكسب لك
عبدالعزيز : فيه محلات مكانها كويس واسعارهم حلوه
الجد محمد : والله شف يولدي انا شايب نساي انت رح وشف بنفسك والله يوفقك
عبدالعزيز : خلاص تم يبه بعد اذنك بعد الفطور ابروح للقريه تعرف هنا حاولت ادور شغل ماحصلت وايجار المكاتب غالي
ابو عبدالعزيز : ابد يولدي دربك خضر بس لو تنتظر نروح كلنا مع بعض
عبدالعزيز : ابشر يبه نروح كلنا مع بعض بس مره ثانيه ان شاء البه اكون فاتح المكتب الحين بروح ادور لي واشوف اسعارهم
الجد محمد : ترا حفيدي دحيم ماسك العقارات قل له انك من طرف جده محمد وبيعرفك
عبدالعزيز: على خير ياعم ماقصرت بجيب الفطور وبجي
الجد محمد : ماشاء الله يبوعبدالعزيز على ذا التربيه الولد محترم
ابوعبدالعزيز : اي ولاننكر تربيه امه ان شاء الله نشوفه عريس
الجد محمد : ان شاء الله الا متى بتزوجه
ابوعبدالعزيز: حاجز له بنت عمه بنت اخوي صقر وعاد ننتظر البنت تخلص ونخطب رسمي
الجد محمد : اي الله يوفقهم يارب
~~~ في بيت ابو خالد ~~~
ابو خالد : والله يبو فهد انك عزيز وغالي واني اغليك من غلاه اختك جهير بس يالنسيب ملكه العيال صارت على هدوء لان زوجه محمد مرضت وهم يستحقون عرس حلو واصلا مافيه فنادق عندكم وحرام يمسكون خط للمدينه عشان فندق
ابو فهد : صادق يالنسيب انا غلطت بحقك واخذت الامر بعصبيه ومافكرت بمستقبل وبمصلحه عيالنا لكن الي تبي يصير نحدد يوم العرس وابد يصير بالمدينة وكل شى عليكم من حجز وترتيب تعرف ماندل شى وعاد ليله العيد مر عندنا نتصافا
ابو خالد : تبشر والله يبو فهد وماقصرت وماعليه تحصل سوء فهم اهم شى فرحه عيالنا مالنا بالدنيا غيرهم واعتذرلي من فهد وفرح اخطيت بحقهم من الكلام بس زله لسان لحظه غصب
ابو فهد : افا يبو خالد بتصير بحسبه عمهم انت
ابو خالد : الله يخليك لهم ابروح ابشر عيالي
ابو فهد : اي الله يهينهم
ام فهد : وشفيك مستانس والارض ماهي شايلتك
ابو فهد : تصالحت مع ابو خالد وكل شى بيرجع مكانه
ام فهد : اي قولولولوش واخيرا رجعت السعاده لبيتنا بروح ابشر
فرح
ندى : صادقه يمه ؟ اي الف مبروك ذي الاخبار السنعه
فرح : وفهد
ام فهد : فهد ماعليتس منه رجال ويمشي على زنده التيس والي ابوتس بيقوله بيصير
ندى : ليه مو مستانسه
فرح : بعد كلام اخوتس فيه فرحه ؟
ندى : ماعليتس منه اصبري شوي ويرسل لتس خالد وتنقزين من الفرحه
فرح : حتى هو متهاوش مع ابوه وطارده وضاربه
ندى : يوه يوه ياساتر وليه ؟
فرح : لانه تكلم مع ابوه عن موضوع الزواج وعصب ابوه وتعرفينه مريض نفسي
ندى : عيب عيبب بيصير خالتس
فرح : بعد كلامه عنا نزل من عيني صراحه اوه رساله
ندى : اي طلعي الضحكه شفت ضرتس العقل افرحي يحق لتس ياعروسه اما انا بقوم اغسل الموعين
فرح : اي اي روحي ياما غسلنا ونظفنا عنتس
ندى : ردي على زوجتس بس وخليني بحالي
عفراء : من تكلم اختس
ندى : وش تبين فيها بعد انتي محد ناقصنا غيرتس
عفراء : والله انتي لسانتس طايل ويبيله قص
ندى : اشتقتي تقلبين زامل علينا
عفراء : قلبتوه علي حسبي الله عليكم من عائلة
ندى : ماقلبنا احد على احد عرف معدنتس المصدي وصد وترا ماحنا ناقصين بكرا فهد يجيب حبيبته وتبلشنا مثلتس
عفراء : مارح ياخذ زينب ؟
ندى : المشكله مافيه غيرتس اتحارش معه هنا مجبوره اتحملتس
عفراء : اخلصي تكلمي
ندى : مسرع نسيتي لما ضرب فرح تكلم وقتها وقال بياخذ اللي يحبها
عفراء : ماسمعت غير صوت صراخ ماعليتس لو جت انا وانتي نتحد ونخرب عليها شرايتس
ندى : عرض حلو صراحه بس وش المقابل
عفراء : المقابل هي تنقلع وهو ياخذ زينب
ندى : صايره تعجبيني فكره حلوة تم
ام فهد : للحين تسولفون يلا غسلوا المواعين وبسوي انا قهوة
عفراء : لا ياخاله روحي ارتاحي انا وندى نكفي
ام فهد : غريبه المهم زين انا عند خالتس ابو فهد تستري قبل تدخلين
عفراء : ابشري
ندى : لا لا فيه شى صاير شعندتس طلعتي لسانتس العسل
عفراء : والله زامل صاير ضدي فمالي الا اتمصلح معكم اخاف يصير مثل اخوه يحب وحده ويطلقني
ندى : ههههههههههههههههههههههههههههههه عشان كذا ماتتغيرين يالمصلحجيه
عفراء : غسلي غسلي وخليني اخطط على كيفي
فهد : يبه تكفى لاتسويها تكفى
ابو فهد : علم يوصلك ويتعداك وابوها وافق تسكن عندنا قفل شقتك الي بالمدينه وتعال هنا بالقرية
فهد : مابيها يبه مابيها
ابو فهد : الشرع محلل اربع الاولى بنت عمتك والباقيات كيفك
فهد : يعني تبيني اظلمها والا تمشي كلمتك يايبه
ابو فهد : غصب عن الكل كلمتي هي الي ماشيه
فهد : زين زين لاسويت فيها شى وقتها لحد يلومني واذا سالوني اهلها بقول ابوي قال الشرع حلل اربع
ابو فهد : كانك تعد نفسك رجال سوو الي براسك بدون اذني
فهد : حشى يبه لا والله الي تبيه يصير
ام فهد : شقال
ابو فهد : مايقدر يقول حرف الي قلته بيصير
ام فهد : فرح فرحت مره
ابو فهد : الله يجعله دوم وانا متاكد ان فهد بعد مايدخل عليها بيتغير كلامه وتفكيره
ام فهد : ياليت
~~~ في بيت ابو خالد ~~~
ابو خالد : خويلد زينب تعالو
زينب : الله يستر
جهير : مبروك مبروك
خالد : على وش
ابو خالد : انا وخالكم ابو فهد تسامحنا والعرس بيتم في ٥/١٠
خالد : اي دريت قالت لي فرح
جهير : وانتي يازينب ماقال لتس فهد
زينب : الله يهينك ياخالد تستاهل
ابو خالد : وش فيتس انتي بعد من نداري ومن نخلي عرستس باقي عليه ٨ ايام تجهزي هالمره بيتم
زينب : ابشر ابشر لاجل اشوف اخوي مبسوط انا بجبر نفسي
ابو خالد : واي ترا بتسكنين مع اهله بالقريه
جهير : غريبه انت اقتنعت
ابو خالد : ياجهير البنت تبع زرجها وانا تنازلت عن هالطلب لاجل ابو فهد
خالد : والعرس وين ؟
ابو خالد : بالقرية بعد ابو فهد بيحجز كل شى واحنا بعد ماتخلصون من هنا بنمشي للقريه ونساعده
خالد : فيه فنادق هناك
ابو خالد : اي فيه لاتشيل هم يولدي ورح وخذ مستلزماتك اما غرفتك الي هنا فاعتبرها جاهزه ترجعون من شهر العسل وتحصلونها
جهير : اخيرا بفرح فيكم اخيرا
ساره : ماتبين صح
زينب : اي والله بس محد فيهم جالس يسمعني
ساره : لو هو مايبيتس فاكيد مابيقعد عندتس فارتاحي عندتس ندى هناك وتفلينها وهو تجاهليه
زينب : حبيبتي الي كبرت وصارت تنصح صح كلامتس بتجاهله وماعلي منه صح
ساره : صح
زينب : تعالي تعالي لحضني بشتاق لتس
ساره : حتى انا بشتاق لتس بس حتى زوجه خالد احبها
زينب : ها بديت اغار خليتس وفيه لي
ساره : وانتي بعد
زينب : اتفقنا
~~~ في بيت ابو محمد ~~~
ابو محمد : عاش من سمع صوتك يبو فهد بشر وش مناسبه هالمكالمه
ابو فهد : مناسبتها اني ببشرك تصالحت مع ابو خالد وحطينا العرس في ٥/١٠ والله يحييكم
ابو محمد : ماكانكم مستعجلين
ابو فهد : اي بنستعجل عشان مانتهاوش والعرس بالقريه ترا حتى انتو تعالو قبل العيد
ابو محمد : رمضان بقى يومين ويخلص وان شاء الله اخر يوم فيه ان الله احيانا بعد الفطور واحنا ماشين عندكم
ابو فهد : الله يحييك ولاتنسى جب ابوي معك تعرف ماعنده جوال نتواصل
ابو محمد : لاتشيل هم ياخوي عندي والف مبروك والله يهينهم
ابو فهد : الله يبارك فيك وعقبال شهد وسياف
ابو محمد : عاد خلنا نتهاوش كل شوي عشان ناجل فالعرس مانستعجل
ابو فهد : لا بستعجل ابي اشوف عيالي معرسين
ابو محمد : ان شاء الله تشوف عيالهم وعيال عيالهم
ابو فهد : امين توصي شى
ابو محمد : سلامتك ياخوي
ابو فهد : الله يحيك
سياف : من تكلم يبه
ابو فهد : عمك ابو محمد
سياف : سمعتك تقول اسمي وش تتكلمون عنه فيني
ابو فهد : انا خطبت من ابومحمد بنته شهد لك وننتظر يتم زواج فهد وفرح ويجي دورك
سياف : ليه ماقلت لي يايبه ليه تخيط وتلبس بكيفك
ابو فهد : من متى اخذ راي احد انا من متى
سياف : مجبور تاخذ راينا احنا الي بنعرس يايبه
ابو فهد : البنت الي انا وامك نختارها هي الي تاخذها رضيت ولا انرضيت
سياف : الله يسامحك يايبه سوو الي تبي
هايل : علامك طالع ومعصب شفيه ذا السفيه
زامل : شكل بيجينا الدور الوالد معصب
ابو فهد : من متى انا اخذ راي احد انا الي اخيط والبس بكيفي ولا لاحد كلمه يحطها فوق كلمتي
هايل : صح لسانك يايبه
ابو فهد : تنكت وش جابك انت واياه عندي
زامل : القهوة جبنا القهوة
ابو فهد : مابي لا قهوة ولا شاهي وخر عن وجهي انت وهو
هايل : اهدا يايبه الظغط والسكر هههههههههههههههههههه
زامل : تدور محارش مشتاق لخرطوم الماء يجلدك فيه
هايل : تعودنا يازامل اقعد اصب لك قهوة
ام فهد : وين راح ابوكم
هايل : معصب يايبه ليتتس فيه وهديتيه
ام فهد : اجل انت الي معصبه
زامل : لا لا دخلنا وهو معصب وكان سياف طالع من عنده
ام فهد : يوه كل شوي مشكله تعبت
هايل : بسم الله عليتس ياحلوة اللبن اقعدي اقهويتس اي عطينا الاخبار
ام فهد : ماتترك مصلحتك الا باركتوا لفرح ترا ابوكم تسامح مع زوج عمتكم والعرس في تاريخ ٥/١٠
زامل : كل ذا صار
ام فهد : اي
هايل : امسك الدله يازامل بروح احارش فرح قبل تروح
ام فهد : يوه يذا الولد مايترك حركاته
عفراء : بسم الله تنحنح
هايل : وين فرح
ندى : روميو وجوليت جالسه بالحوش تكلم زوجها
هايل : لعبتي اخرب عليها فرح يافرح فرح
فرح : ها ها وش تبي
هايل : جيعان ابي شى اكله
خالد : حطي سبكر
فرح : حطيت
خالد : ولد لاتتعب حرمتي رح ازحر لحالك
هايل : اختي وكيفي مابعد صارت زوجتك ولك لحالك صح يافرح
فرح : صح صح
خالد : خلها اقول ترا كم يوم وانا جايك
هايل : هلابك بكسرك قبل عرسك
خالد : والله تخسي ماتكش نمله
هايل : نسيت ايام بابا وماما حتى الدله ماتعرف تمسكها يارخمه
فرح : هايل لاتقول كذا
هايل : تعالي يام فهد تعال يازامل تعالي ياندى اسمعوا اختنا وش تقول
زامل : وش تقول يا هالجني
هايل : بنبره صوت فرح هاااايييييل لاتقول كذاا زوجيييي
ندى : والله قلدتها صح ههههههههههههههههههههههه
فرح : اوريك ياهايل اوريك
هايل : اسمعي ندى متى بتروحين هي تشتري اشياءها
ندى : وليه وش تبي
هايل : بروح اجننها
ندى : ازهلني اذا جينا نروح بناخذك
هايل : جوي تعجبيني
ام فهد : زين كذا تقول تقلدها وزوجها عالمكالمه
هايل : مابعد شافت شى اخواني اعزائي مع زوجه اخوي موعدنا الساعه ٤ نتفق على شى نار
ندى : بدون تقول انا عرفت
هايل : زين خلتس ساكته اجل
زامل : حتى حرمتي
هايل : طبعا هي اهم عنصر حتى ابوي وامي تم ؟
ام فهد : خلاص طيب بقول لابوك
هايل : يلا انا بروح لدحيم
~~~ في بيت ابو عزام ~~~
ابو فهد : ولدك راح للمدينة
ابو عزام : اي والله يخوي راح
ابو فهد : الله يوفقه
ابو عزام : صاير شى يخوي
ابو فهد : تسامحت مع ابو خالد
ابو عزام : وليه تتسامح معه بعد هالكلام ليه ترضاها على نفسك
ابو فهد : لاتزيدها علي يخوي انا جيتك ابي اعزمك وابي اقول لك الي بخاطري
ابو عزام : تعزمني على وش على خيبتك دافعت عنك ولا رضيت عليك اخر شى تروح تتسامح معه ومن وراي
ابو فهد : لاتقول كلام اكبر منك انا اعرف وش اسوي ووش مااسوي وان كانك ماتبي تسمعني انا بمشي
ابو عزام : الله يصلحك يااخوي طول عمرك تفكر غلط وتحسب انه صح قل قل وش فيك
ابو فهد : خلصت من فهد انه مايبي بنت عمته طحت بسياف
ابو عزام : ليه وش فيه سياف
ابو فهد : يوم كنا بالرياض واحنا بييت ابو محمد انا خطبت منه بنته لسياف وهو خطب بنتي لعبدالرحمن بس ننتظر نخلص من عرس فهد وخالد ونبدا فيهم واليوم قلت لسياف وزعل اني ماشاورته
ابو عزام : هذا خطاك يااخوي في كل شى مش كلمتك الا النصيب وخطا انك تختار لعيالك الي بيتزوجونهم او عالاقل اختار بس لاتجبرهم
ابو فهد : وش اسوي يبو عزام انا تعرفني احب القرابه وكل البنات الي اخترتهم لهم كلهم فيهم الخير واختياري صح
ابو عزام : بما انك تشوف نفسك صح وكلامنا خطا اجل كلامي مارح يفيد معاك وان كانك صامل وجازل الي براسك بتسويه سوهه يمكن بعد اختيارك لزوجاتهم يحبونهم ويكونون هم نصيبهم
ابو فهد : الله يهديهم املي في هايل لايرفض مثلهم
ابو عزام : لاتجبره اجل
سلمى : هلا هلا بعمي حياك الله
ابو فهد : الله يحييتس يبنتي
سلمى : وشلون خالتي ام فهد والبنات
ابو فهد : كلهم بخير يسلمون عليتس يلا يخوي انا بمشي
ابو عزام : خلك كمل قهوتك
ابو فهد : ماقصرت يخوي شربتها
ابو عزام : الله يحييك وان شاء الله احنا اول الحضور
ابو فهد : الله يحييكم
سلمى : حضور وش
ابو عزام : عمتس تسامح مع زوج عمتتس وبيتم العرس عقبالتس انتي وعزام
سلمى : امين
~~~ في المركز الصحي ~~~
فاتن : وش نتسحر
ميهاف : خلينا نروح للبقاله وناخذ الاغراض الناقصه
فاتن : عشان يسوون لنا سالفه مثل ذاك اليوم ابعطي دحيم يجيب
ميهاف : اوه صار اسمه دحيم
فاتن : وش نحتاج
ميهاف : رز دجاج ببس زبادي
فاتن : لازم خضره
ميهاف : اي الخضره اكتبي بطاطس وبصل وطماط وليمون وفلفل بارد
فاتن : مانسيتي شى حبيبتي
ميهاف : اكتبي اكتبي بسوي مقلوبه البطاطس حبتين الباقي حبه وبس
فاتن : اي يلا كتبت مفرحات بعد
ميهاف : اسمعي عطيه ذي الرساله يعطيها هايل
فاتن : الي تسوونه غلط ومره بعد
ميهاف : عشاني يله
فاتن : الله يصلحتس هاتي
~~~ في السوق ~~~
هايل : اي والله اني ناويها
عبدالرحمن : حرام عليك خلها تفرح بعرسها
فاتن : عبدالرحمن
عبدالرحمن : ها احم تفضلي
فاتن : عادي تجيب هالاغراض من البقاله لان لو رحنا احنا بتسوون سالفه لنا ومنه عشان نطبخ سحور لنا
عبدالرحمن : اي ابشري
فاتن : وانت هايل صح
هايل : ياحرمه فكيني من شرتس وش تبين
فاتن : ذي الرساله من ميهافك واكفنا شرك انت
عبدالرحمن : ههههههههههههههههههههههههههههههه تستاهل
هايل : معقوله كاتبه كلام مو كويس اجل ليه خويتها قالت اكفنا شرك مارح افتح الرساله
عبدالرحمن : انتبه للمحل يورع
هايل : رح رح الله يشغلك
ميهاف : شصار
فاتن : عطيتهم لقيت هايل موجود
ميهاف : تعجبيني يلا نرتب الاشياء عشان نقفله ونروح للبيت
فاتن : اي يلا
~~~ في بيت فاتن وميهاف ~~~
عبدالرحمن: ذي الاغراض ناقص شى
فاتن : لا يعطيك العافيه خلك بغرفتك عشان نجيب السحور لك
عبدالرحمن : طيب بقفل المحل وبجي
ميهاف : فاتن تخيلي وش نسينا
فاتن : تكفين لاتقولين شى
ميهاف : البهارات
فاتن : ليه ماقلتي نوصيه
ميهاف : تو تذكرت وش العلم الحين
فاتن : نروح لاحد البيوت وناخذ اكتبي وش تحتاجين بهارات بسرعه
ميهاف : طيب
فاتن : بس هذولي يلا بروح
~~~ في السوق ~~~
هايل : وين وين
عبدالرحمن : بتسحر شتبي
هايل : من بيطبخ لك
عبدالرحمن: بنات التطبيق
هايل : بجي معك
عبدالرحمن: تبي تذوق طبخها شدراك طيب يمكن خويتها الي طابخه
هايل : لا بس باكل معك نتونس مع بعض
عبدالرحمن: تاكل وتتوكل عشان مايتكلمون اهل هالقريه علينا
هايل : الي يتكلم بدق حنوكه يلا مشينا جيعان
~~~ في بيت ابوفهد ~~~
زامل : تفضلي يختي
فاتن : ابي ندى
زامل : ومن انتي
فاتن : وانت شدخلك ابيها جبها
زامل : اي اعصابتس انتظري ندى امشي فيه بنت تبيتس عند الباب وبسرعه لايشوفتس ابوي
ندى : بسم الله من اوه فاتن
فاتن : انقذينا
ندى : وش صاير خرعتيني
فاتن : نبي نسوي سحور وجبنا كل شى الا البهارات حطي لنا شوفيني كاتبتهم
ندى : ههههههههههههههههههههههه احسبها سالفه قويه اي ابشري ادخلي
فاتن : والله مستحيه منتس بس شسوي مانعرف احد هنا الا انتو
ندى : لا شدعوه من طبع اهل القريه اكرام الضيف ونعين ونعاون ونساعد امسكي هذولي هم
فاتن : يعطيتس العافيه يلا بروح ميهاف تنتظرني
ندى : استودعتتس الله
~~~ في الشارع ~~~
عبدالرحمن: بسم الله من انتي يختي
فاتن : بحط لوحه على راسي فيها اسمي وخر بدخل
عبدالرحمن: توني معطيتس الاغراض يسرعتس
فاتن : يكثر هرجك
عبدالرحمن: لذي الدرجه انا اتكلم كثير
هايل : توك تدري قايل لك من زمان
عبدالرحمن : ادخل ادخل

انتهى البارت
قراءه ممتعة