"جابك الله في زحام العمر صدفة "

10

~~~ في السيارة ~~~
فهد : محمد يولد انتبه محمد
ام محمد : الو الو محمد يمه ولدي مايرد محمد
شهد : وش صاير
~~~ في بيت ابو فهد ~~~
ام محمد : ولدي ولدي
عفراء : اهدي ياخاله وش فيه ولدك
شهد : يمه بعد انتي طحتي الو محمد مايرد ليه
ام فهد : قلبي موجعني صاير شى لعيالي وين هايل
عبدالرحمن: سمي ياخاله
ام فهد : هايل هايل وينه ، تتكلم وكان شى نغز قلبها تحس ان عيالها فيهم شى تتحرك يمين ويسار تنتظر تسمع اصواتهم اربعتهم
ندى : يمه تكفين اهدي واقعدي دخت من مشيتتس
ام فهد : عيالي عيالي
ندى : مافيهم الا العافية يايمه تعالي اجلسي الله يريح قلبتس
~~~ في بيت فاتن وميهاف ~~~
فاتن : الو من معي
المسعف : حادث عند مدخل القريه وينكم عنه
فاتن : ماحد قال لنا يلا جايين ميهاف تجين
ميهاف : شصاير
فاتن : حادث سياره عند مدخل القريه فيه ثلاث أشخاص داخلين تحت شاحنه لازم نكون بالمركز
ميهاف : اي يلا بجي معك هاتي عباتي
~~~ في بيت ابو فهد ~~~
هايل : سمي يالغاليه
ام فهد : هايل يمه ولدي فيك شى وين اخوانك علمني قلبي موجعني احد فيه شى
هايل : بسم الله على قلبتس يالغاليه كلنا بخير
ام فهد : سياف وفهد وينهم
عبدالرحمن جاي يركض ويلهث خوفه على اخوه وعيال عمه : هايل هايل الحق حادث عندنا بالقريه ويقولون انهم فهد وسياف ومحمد
هايل : وشتقول صادق يادحيم
عبدالرحمن: اي والله علمني سعيد يقول الحادث قريب من بقالته
هايل : اركض وش تنتظر
ام فهد : بصراخ وخوف وكان قلبها يتقطع ، يمه عيالي يمه يوليدي لا لا عيالي مايصيبهم شى سيااف وفهد مافيهم شى مافيهم شى عياليي
ندى : يمه بسم الله عليك وشفيتس تصارخين يمه تكفين لاتخوفيني
ام فهد : عيالي عيالي
ام محمد : وش صاير ياام فهد تكفين لاتقولين الي ببالي
ام فهد : فهد وسياف ومحمد جاهم حادث عطيني جلالي ياندى بروح لهم
ندى : يمه تكفين اهدي مايصير كذا طلبتس
ام فهد : عطيني جلالي يمه عيالي
~~~ في الشارع ~~~
ميهاف : وخرو لو سمحتي خلونا ندخل
هايل كان يصيح من كل قلبه كان خاف يفقد اعز اخوانه كان منهار وطايح عالارض وده لو هم قدامه ومافيهم شى غترته امتلت من الدموع : ليته فيني بدال عنكم يااخواني
فاتن : لو سمحت قم مايصير جالس هنا
هايل : لاتطلبين مني هذولي اخواني اخواني
عبدالرحمن: قم ياهايل خل يشوفون شغلهم ترا حتى انا اخوي معهم
ميهاف : هايل اوعدك يعيشون اخوانكم بس ابعد قبل يتاخر الوقت ومانقدر نسوي شى
هايل : خذو كل شى مني لو نقصهم شى تكفون لاتهملون اخواني
ميهاف : كل شى رح يكون بخير لو ماتاخرنا
زامل : وش صاير
ندى : الحق امي طلعت للشارع تدور سياف وفهد ومعها ام محمد
زامل : يالله يايمه تمام لاتخافون الدكتورات قالو كل شى بيكون بخير وبروح اجيب امي واذا جاء ابوي لاتقولون له على طول خالد البيت امانه عندك
خالد : لو اروح معاك طيب البيت عندي ازهل
شهد : للحين ماقامت هدى وش نسوي
زينب : عطيتها علاجها ونومت سالم ان شاء الله تصحى
فرح : كل زواجنا مشؤوم كل ماقرب صار شى ندى مابي افقد اخواني
ندى : الله لايقوله لاتقولين كذا
زينب : لاتتكلمون بالسوء ان شاء الله بيكونون بخير
شهد : يارب رد لنا محمد يارب
~~~ في الشارع موقع الحادث ~~~
ميهاف : شوي شوي على هذا لاتحركون رقبته
فاتن : كيف بيطلعونهم من السيارة السياره كلها راحت مثل الجريش
ميهاف : كل البيبان راحت الا الشنطه مالنا الا نطلعهم من الشنطه
المسعف : متاكده رح نقدر
ميهاف : كم شخص بالسيارة
المسعف : ثلاثه اعمارهم تتراوح
ميهاف : رح نقدر نطلعهم
المسعف : ماكلمت كلامي بس صح بنقدر
هايل : وش اقدر اسوي
ميهاف : لو سمحت ماتعيق عملنا مارح اخلي عيال خوالي يموتون وانا وعدتك
هايل : طيب طيب
ام فهد : يمه عيالييي لااا هذي ماهي سيارته سيااف فهد تكفون ياعيالي لاتموتون لاتقطعون قلبي عليكم
فاتن : ياخاله اهدي كل شى بيكون بخير بس لاتاخرونا عن شغلنا
ميهاف : افتح الشنطه
المسعف : لازم نفتحها من قدام والباب الامامي رايح كله ولو حركه بسيطه ممكن يتأذى
ميهاف : يعني بنجلس نتامل الحادث جب اي شى واكسر فيه الشنطه
المسعف : طيب
ام محمد : طمنونا تكفون طمنونا على عيالنا
فاتن : كل شى بخير لاتخافون
عبدالرحمن: اهخ يافهد لو ماعندت وجيت من نفسك كان ماصار كل ذا
~~~ في المركز الصحي ~~~
فاتن : هذا حالته اخطر من الي كانو قدام لانه ماكان مركب حزام الامان
ميهاف : حالته مو مستقره صح
فاتن : اي واحتمال يدخل غيبوبه والباقين شصار عليهم
ميهاف : واحد تضرر عاموده الفقري ولازم ينسدح مايتحرك والثاني رقبته مكسوره ورجلينه بس تعتبر حالتهم افضل من الي بغيبوبه
فاتن : يعني فيه احتمال ينشل صح
ميهاف : صح بس يعتبر أحتمال ضعيف جدا بطلع اقول لاهلهم واطمنهم
ام فهد : مافيهم شى صح مافيهم شى
هايل : صح الحين بروح اسال الدكتورة ها جت
ميهاف : ان شاء الله يقومون بالسلامة تقدرون تروحون لبيتكم
هايل : وش حالتهم طمنينا
ميهاف : فيه واحد اسمه سياف
ام فهد : لاتقولينها تكفين لا
ميهاف : اهدي ياخاله مافيه شى خطر بحالتهم كلهم غير سياف بيدخل غيبوبه لانه ماكان مركب حزام الامان وفهد تضرر عاموده الفقري ومارح يقدر يتحرك لفتره ومحمد انكسرت رجلينه ورقبته
طاحت ام فهد عالارض ماقدرت تتحمل حادث عيالها الثنين
ميهاف : جيبوهم غرف الانتظار بعطيهم مهدي
عبدالرحمن: بجلس عندهم انا
هايل : يادكتورة
ميهاف : صارت رسميات بيننا
هايل : لا بس اعذريني ماني بعقلي متاكده ان اخواني مافيهم شى
ميهاف : كلهم اخوانك
هايل : لا بس سياف وفهد
ميهاف : يعني كلهم ماعدا محمد صح
هايل : اي
ميهاف : تطمن ماعندي غايه عشان اكذب فيها هم كلهم بخير
هايل : غيبوبه سياف الى متى
ميهاف : اذا ربي كاتب له عمر جديد بيصحى واذا
هايل : واذا ايش
ميهاف : طاحت ورقته من الدنيا فبيموت
هايل كان يبكي بحرقه ومايعرف وش يسوي وده يساعدهم وده يفدي سياف بروحه بس مو قادر غير يبكي : تكفين ياميهاف لاتقولين لامي كذا
ميهاف : تمام مارح اقول شى لان للحين مافيه شى خطير بحالتهم كلهم اذا صحت امك تقدرون تروحون لبيتكم
هايل: فيه زياره
ميهاف : حاليا لا
هايل : بس انا ابغى اكون عند اخواني
ميهاف : تمام بسمح لك انت بس وزياره امك نحدد لها يوم بعد مانشوف حالتهم من جديد
فاتن : وش كان يقول لتس
ميهاف : يبيني اعلمه الصدق يعني متوقع اني اكذب مابي اخوفهم
فاتن : حزنت عليهم كل يوم سالفه
ميهاف : تدرين يوم كنت اتعب محد كان يقوم فيني كنت اساعد نفسي بس شوفي نعمه الاخوان والخوات جلس يترجاني عشان اخليه يقعد عند اخوه
فاتن : ميهاف لاتصيرين ناكره لو تتصلين علي جيتك
ميهاف : مانكرت بس لاتنسين كيف كانو يرفضون تجين عندي
فاتن : وش ناويه تسوين بعد الي صار وعرفتيه
ميهاف : ابوي يقول بينهم دم يعني مارح يتقبلوني بينهم
فاتن : يعني مارح تسوين شى
ميهاف : اي مارح اسوي شى لانهم بيعرفون اني عرفت ان جوني بخطوه بتقدم لهم الف خطوه وان رجعو عني برجع عنهم العمر كله
فاتن : تدرين ان ابوي طلع جاي معهم وحتى رجع معهم وكل ذا مادريت وماشفته الا لما اتصل هو وعلمني
ميهاف : تبين تروحين تعيدين عنده
فاتن : اذا جيته قال ليه تاركه شغلتس وخويتس يطردني
ميهاف : ههههههههههههههههههههههههههههههه اي احسن ليه تتركيني
فاتن : مقدر اتركتس المشكلة
عبدالرحمن : وين رحت
هايل : كنت اكلم الدكتورات واتاكد من كلامهم
عبدالرحمن: الله يطمن قلوبنا عليهم بودي امي وخالتي وبجي
هايل : لا لاترجع خلك هناك انا بقعد عندهم اليوم
عبدالرحمن : ماهو بشورك
هايل : لاتعاند انا يوم وانت يوم
عبدالرحمن : لا بقعد كل يوم انت كيفك تبي تروح وترجع كيفك
هايل : خلاص رح ودهم الحين
فاتن : احس تعودت عالصيام
ميهاف : اي صدق اسمعي روحي للبيت سوي لنا قهوة ومري بقاله جيبي مفرحات وتعالي
فاتن : اي هذي ميهاف الي اعرفها من عيوني
ام فهد : هايل يولدي لاصار شى علمنا
هايل : من عيوني
فاتن : للحين هنا انت
هايل : اي وماني متحرك
فاتن : تمام عبدالرحمن
عبدالرحمن : مالي خلق اجيب لتس شى
فاتن : لا بس كنت بقول اذا بتروحون بجي معكم
ام محمد : اي يبنتي بيودينا للبيت تعالي
فاتن : ياخاله لو ترمين ولدتس ذا مو احسن لي ولتس
ام محمد : ليه وش مزعجتس فيه
فاتن : مستفزني والله
ام محمد : الله يكتبكم من نصيب بعض
فاتن : رجعنا عالطاري انا بسبقكم
~~~ في بيت ابو فهد ~~~
ابو فهد : وينهم للحين ماجاء احد يطمنا انا بروح
زامل : يايبه اجلس هذولي هم جوو
عبدالرحمن : السلام عليكم
ابو فهد : وين عيالي شصار عليهم
ابو محمد : وين اخوك ياعبدالرحمن وينهه تكلم
عبدالرحمن : بتكلم اذا سكتو سياف دخل غيبوبه وفهد عاموده الفقري تضرر ومارح يمشي لفترة ومحمد كسر في رقبته ورجليه
ابو فهد : غيبوبه سياف الى متى
عبدالرحمن : ماحددو للحين يوميا يشخصون حالتهم
ابو خالد : لاحول ولا قوة الا بالله
ابو عزام : الله يقومهم بالسلامة
خالد : في زيارات
عبدالرحمن : لا حاليا ممنوع بس بنقعد عندهم انا وهايل لعل وعسى يوافقون يصير فيه زياره
ابو محمد : لاتهمل اخوك وعيال عمك يولدي اهخ يامحمد
ابو خالد : وش سبب الحادث طيب
عبدالرحمن : للاسف كانت امي تكلم محمد تقول ان زوجه محمد تعبانه وهو خاف عليهم وماانتبه للطريق وسوا الحادث
ابوفهد : معذور ابو سالم عيالي اسود ماينخاف عليهم
ابوعزام : الحمدلله جت كذا ولا شى اقوى الحمدلله
هدى : كله بسببي صح
شهد : هدى تكفين والله مو وقتس نراعي مشاعرتس ونهديتس ولا نهدي انفسنا
عفراء : خلاص يافرح خلاص ياندى قالو انهم بخير
ندى : بس سياف بغيبوبه لو مات وش بنسوي
ام فهد : يعني بيموت ولدي بيموت
عفراء : الله يصلحتس ذا كلام ينقال اهدي ياخاله هي تعطي امثال وهي ماتعرف بالطب شى الدكتورات طمنوكم وذا يكفي ادعي بس
ام محمد : كله بسبب هالوجعانه لو مخلينها تموت ومادقيت على ولدي ماكان صار الي صار كل شوي طايحه في جهه
كلام ام محمد مثل السكين انغرست بوسط قلب هدى كانت عارفه ان بيجي اليوم الي بيطفح الكيل عندهم ويلومونها ماكان ودها تقول ام زوجها كذا قدام ولدها : الله يسامحك ياخاله
سالم : ليه ماما وشفيها وبابا وينه
ام محمد : رح عن وجهي ماني فاضيه
شهد : يمه لاتزيدين الطين بله خلاص
عفراء : حبيبي سالم شف عيالي بالغرفه هذيك رح العب معهم عندهم العاب كثييره
سالم : بس بابا وينه
عفراء : بابا راح يجيب عمو فهد وبيجون يلا رح
سالم : طيب بروح
ساره : ليش مابكيتي غريبه
زينب : بكيت ومسحت دموعي
عفراء : تكذبين ماشفتس
زينب : لو بصيح بصيح على سياف ومحمد لانهم طيبين اما فهد مايستاهل
عفراء : عشانه يحب وحده ثانيه صح
زينب : لا مايهمني حبه بس مايستحقني هو وانا مابيه
عفراء : مصيره بيحبتس وماعليتس ناويه نيه لحبيبته ذي خل يجيبها بس
زينب : بعد بيجيبها
عفراء : لا مايقدر بس يعني لو لو يويلها مني انا بروح للمطبخ بغيت اكب العفش كله عندها
~~~ في المركز الصحي ~~~
ميهاف : وين فاتن تاخرت
محمد : وش صار على هدى
ميهاف : يمه كيف قمت
محمد : هي بخير صح
ميهاف : والله مدري اذا فيها شى او لا بس
هايل : محمد اخيرا قمت ، حضنه بكل قوة وفرح صح انه تمنى لو يصحون اخوانه بعد بس صار عنده امل انهم يقومون مثل ماقام محمد
محمد : ياهلا هايل وش صار على حرمتي
هايل : صحت الحمدلله ومافيها الا كل خير انت شلونك
محمد : بخير بخير
ميهاف : لاتتحرك من سريرك بكيفك تراك مكسور من كل جهه
محمد : ناديت ومحد رد علي
ميهاف : انا لازم اطلب ممرضات مو طبيعي اقوم بالكل انا مايصير
هايل : اتعبوتس
ميهاف : اي اول ماجينا للقريه ماكان فيه احد يجينا لدرجه نتمنى لو تتعبون وتجون والحين لما صارو يجون وبكثره تعبنا
هايل : بعد تتمنون لاعزالله رحنا فيها وين خويتتس
ميهاف : بتجي اذا تبي ادخل عند محمد
هايل : اي بدخل
ميهاف : الوضع لايطاق ابدا وش اركز لمن واقوم لمن لازم ممرضات احم الوو
مدير المستشفى : من معي
ميهاف : انا ميهاف اكلمك من المركز الصحي الي بالقريه وابغى اطلب منك طلب
مدير المستشفى : فوق ماانتو ماخذين راحتكم بالشغل تطلبين يلا نشوف وش عندك
ميهاف : يادكتور احنا بحاجه ممرضات المرضى كثرو وصرنا نستقبل حقين الحوادث لانك منعت نحول ونترك المركز بس مافيه احد يساعدنا بس انا وفاتن مارح نقدر على كل المرضى
مدير المستشفى : خلاص خلاص بدون شكاوي برسل لكم كم ممرضه تساعدكم
ميهاف : ارسل كثار نحتاجهم للتنظيف والاستقبال والملفات ارسل موظفات
مدير المستشفى: ترا تطبيقكم باقي له شهرين ويخلص
ميهاف : فيه غيرنا بيطبقون لازم يتنظم المركز افضل من تجيك شكاوي من حقين القريه
مدير المستشفى : تمام تمام برسل لك العدد الي اقدر عليه
ميهاف : كويس يلا سلام اوف اكره ذا المدير ياانه شايف نفسه خلني اقوم اعطي ذا مغذي لايموت علينا
محمد : وش صار على فهد وسياف
هايل : اهخ يامحمد ليتك ركزت بالطريق
محمد : لاتقول صار لهم شى خطر تكفى
هايل : لا الحمدلله محد توفى بس سياف دخل غيبوبه وفهد مارح يمشي لفترة والله يعين
محمد : كله بسببي هم حذروني وماسمعت لهم
ميهاف : اوه اعتذر مادقيت الباب قبل ادخل بس بعطيك مغذي
محمد : متى اقدر اطلع
ميهاف : بكرا اليوم نسوي لك فحوصات وترا مارح تقدر تتحرك رجلك اليسار مكسوره ورقبتك مكسوره
محمد : المستشفى يقلقني ماحبه احح
هايل : اوجعتك
محمد : لادغدغتني بالابره
ميهاف : تقوم بالسلامة
محمد : هذي هي الي تحبها صح
هايل : شدراك
محمد : طار طير وعلمني
هايل : والله يامحمد الحب لاعيب ولا حرام وانا مااستحي من حبها بس ماودي توصل للكبار ويفهمونا الغلط بالنهايه هي بنت وهم ذممهم وسيعه
محمد : ههههههههههههههههههههههه يحليلك ياهايل كنت مزعجنا بالابل وحبو بس البل اخر شى حبيت بنت ونسيت البل
هايل : والله اني مشتاق لهم بس هالايام ماهي راضيه تعدي بسلام
محمد : بتعدي ان شاء الله بس صون حبها وخذها بالحلال
هايل : ان شاء الله ربي يكتب لنا نصيب لبعض
ميهاف : اميين
فاتن : وش تسوين
ميهاف : انتي وينتس تاخرتي جيعانه وانتي قاشه البقاله
فاتن : قهوتس تاخرت ولا البقاله سهالات
عبدالرحمن : محمد قمت واخيرا ياعين اخوك واخيرا ليه تخوفنا عليك
محمد : والله ياخوك ماشفت قدامي بعد مكالمة امي
عبدالرحمن : يلا معليه ماتشوف شر بالحديد ولا فيكم جوعان اجيب لك شى تاكله
هايل : اي والله كلنا جيعانين جب لنا غداء
عبدالرحمن : طيب طيب
فاتن : وين رايح
عبدالرحمن : وانتي وشتبين
فاتن : صح مالي دخل بس كنت بجيب لكم قهوه يلا شكلك ماتبي
عبدالرحمن : من مسويها
فاتن : طبعا انا
عبدالرحمن : تضمنين لي مااتسمم
فاتن : لو جابك تسمم تعال انا اعالجك
عبدالرحمن : خلاص اجل عطيني فنجال
فاتن : مستحيل يقول لا امسك
هيام : السلام عليكم لو سمحتي
عبدالرحمن طيح فنجال القهوة عالارض يوم شاف الي قدامه تكلمهم وهي ماعليها غطاء : وعليكم السلام ترا مااشتغل هنا
فاتن : امسح الي كبيته لامسح فيك الارض تفضلي وش بغيتي
هيام : وشفيه خاف ذا كاني باكله لو سمحتي تعرفين شخص اسمه فهد
فاتن : لا
هيام : قالو لي انه ساكن قريب من هنا وعندها اخوان وخوات ويقال لابوه ابو فهد
ميهاف : وين تاخرتي يافاتن رايحه تصبين لاهل القريه اوه من ذي
فاتن : للحين مدري يختي ذا مستشفى كان فيتس عله انسدحي ونشوف لتس وان كان جايه تسالين عن احد فغلطانه بالموقع
هيام : لا متاكده مو غلطانه فهد هنا سمعت انه مسوي حادث
ميهاف : فهد فهد ماغيره الي زواجه بعد كم يوم
هيام : اي بياخذ بنت عمته
فاتن : واو وانتي كيف تعرفين
هيام : ممكن اشوفه
هايل : لو سمحتي يادكتوره خلص المغذي حق محمد بسم الله وراء ذي تعاين فيني
هيام : هذا اخوه
فاتن : اجل وصلتي خير فهد الحين تحت التنويم ماصحى
هيام : عادي اشوفه حتى لو متنوم
فاتن : تفضلي بهذي الغرفه ياوك ياقوو قلبها جايها بكل بجاحه تدور عليه
ميهاف : قدامك العافيه هايل ممكن تجي شوي
هايل : اي اي ابشري راجع لك تفضلي
ميهاف : يعني صحيح مالي دخل بس فيه وحده جت وتسال عن اخوك فهد وهي الحين عنده ويعني هي تعرف كل شى عنه فممكن تكون حبيبته الي تكلم عنها
هايل : دقيقه دقيقه انتي كيف عرفتي انه عنده حبيبه
ميهاف : ها لا مدري
هايل : كيف ماتدرين كيف عرفتي من علمك
ابو فهد : هايل
هايل : يبه وش تسوون هنا
ابوفهد : انت الي شتسوي مع هالدكتورة
هايل : كانت تعلمني عن حاله العيال
ابوفهد : وشلونهم
هايل : محمد صحى والواضح انه بخير شوي فهد للحين منوم وسياف بغيبوبه
ابوفهد : الله يصلحهم
ام فهد : وين عيالي ابي اروح اشوفهم
فاتن : فهد بذي الغرفه وسياف بالغرفه الي جنبه
ام فهد : ولدي فهد حبيبي يوليدي بسم الله من انتي
هيام : انا
فاتن : هذي ممرضه جديدة عندنا تعالي اوريك باقي المركز
هيام : اي يلا جايه
فاتن : وش اسمك
هيام : مدري وش بتستفادين بس اسمي هيام
فاتن : ومالقيتي تهيمين الا بشخص بيتزوج
هيام : ههههههههههههههههههههههه اظن انكم بس تعرفون انه يحب ماتعرفون القصه كامله
ميهاف : لو يهمنا الامر عرفنا بس مو مهتمين
هيام : انا وفهد نحب بعض من اربع سنين ولما جاء رمضان رجع للقريه بحكم انه يعلم ابوه انه يبيني بس ابوه سبقه وخطب له بنت عمته
ميهاف : كملي
هيام : وتعبت نفسيته وحاولت اوقف جنبه رغم اني احتاج احد يوقف معي وانقهرت ان حبي حياتي بسهوله بيتزوج بس هو وعدني غيري ماياخذ
فاتن : ههههههههههههههههههههههه عرسه بعد ثلاث ايام ياحلوة
هيام : مايعتبرها شى بحياته عشان كذا انا الاولى وانا الاخيره انا عارفه انها بتموت على ماتاخذه بس صدقوني رح يكون لي
ميهاف : تراها ماتبيه وتعرف انه يحبك بس اهلها غاصبينها عليه ولا هي كذا مره حاولت تكنسل هالزواج
هيام : لا حلو تغيرت نظرتي عندها
فاتن : عاد تدرين بحاجه
هيام : وش هي
فاتن : ياقبحك جنبها يع احسك ماتلوقين على فهد ابدا وترا زينب كثيره عليتس وعليه
ميهاف : انتهى وقت الزيارات تفضلي المركز يتعذرك تبين تشوفين حبيبك شوفيه برا مركزنا
هيام : بطلع بطلع بس اذا صحى قولو له حبيبتك هيام جتك
فاتن : انقلعي لاهبدك بالدباسه قطع كريهه
ميهاف : تتكلم بكل ثقه هذا الي قاهرني
فاتن : انتي رحتي قلتي ان زينب تعرف لو فهد كنسل الزواج وقال ان زينب تدري
ميهاف : زينب بكل الحالات رح تستفاد
فاتن : اوف قهرتني الله يقهرها
هيام : الله يقومه لك بالسلامه ياخالة
ام فهد : الله يسلمك
ام محمد : من انتي بنته
هيام : انا اسمي هيام وانا مديرة فهد فالشغل ولما عرفت ان جاهزحادث جيته بنفسي اتطمن عليه
ام محمد : لاتطمنين واجد عنده زوجته تخاف عليه اكثر
هيام : ههههههههههههههههههههههه يوه من كثر ماتكلم عنها فهد تشوقت اقابلها
ام محمد : زينب تعالي ياامي
زينب : هلا خاله صاير شى
ام محمد : هذي مديرة زوجك فهد فالشغل تبي تقابلك
زينب : شسوي لها
هيام : لا بس من كثر ماتكلم عنك فهد تحمست اشوفك واتعرف عليك
زينب : اي ياهلا
هيام وهي طالعه تكلمت بهمس باذن زينب وبكل حقد : انا هيام احفظي اسمي زين واوعدك ماتبقين مع فهد كثير
زينب : اوفي بوعدك اجل
هيام : الايام بيننا يازينب

"انتهى البارت"

____________________________________
قراءه ممتعه 💙💙